Խառը մենամարտերի(MMA) Երևան քաղաքի բաց առաջնություն, որտեղ մասնակցեցին ֆեդերացիայի անդամ բոլոր ակումբները:
30.11.2025թ.

🏛 «Սպորտի կառավարման կենտրոնի» Մանանդյան 41 հասցեի մարզահամալիրում անցկացվում են Խառը մենամարտերի (MMA) մարզումներ։

📌 Ընդունելությունը՝ սկսած 9 տարեկանից՝ ինչպես տղաների, այնպես էլ աղջիկների համար։

2025թ. Լավագույն արդյունքների համար Ոչ Օլիմպիական Մարզաձևերի Միության
կողմից պարգևատրվեցին նաև խառը մենամարտեր (MMA) մարզաձևի մարզիչներ և մարզիկներ։

📣Հարգելի լրատվամիջոցների ներկայացուցիչներ, տեղեկացնում ենք ձեզ, որ վաղը` դեկտեմբերի 20֊ին ժամը 14։00֊ին, ք.Երևան Խորենացի 15 հասցեում, Էլիտ պլազա բիզնես կենտրոնում, տեղի կունենա Հայաստանի Խառը մենամարտերի(MMA) ֆեդերացիայի 2025թվականի ամփոփիչ ժողովը։
Հրավիրում ենք բոլոր լրատվամիջոցներին։

🔥Դեկտեմբերի 20-ին տեղի ունեցավ Հայաստանի Խառը Մենամարտերի (MMA) ֆեդերացիայի 2025 թվականի տարեվերջյան ամփոփիչ ժողովը։

Ներկայացվեցին տարվա ընթացքում իրականացված բոլոր աշխատանքները և գրանցված հաջողությունները՝ Եվրոպայի և աշխարհի առաջնություններից։
Քննարկվեց նաև 2026 թվականի օրացուցային պլանը, որը շուտով կներկայացվի հաստատման։
Ֆեդերացիան արդեն սկսում է պատրաստվել Սերբիայում կայանալիք Եվրոպայի առաջնությանը՝ պատանիների, երիտասարդների և մեծահասակների մասնակցությամբ։

🇦🇲Աշխարհի չեմպիոն, 21-ամյա Սպարտակ Միքայելյանը երկրպագուների քվեարկությամբ ճանաչվեց սիրողական MMA-ի 2025թվականի աշխարհի լավագույն մարզիկ։

ՀԱՐԳԵԼԻ ՄԱՐԶԱՍԵՐ ԲԱՐԵԿԱՄՆԵՐ🇦🇲

Հայաստանի խառը մենամարտերի (MMA) ֆեդերացիան սրտանց շնորհավորում է բոլորիդ Ամանորը և Սուրբ Ծնունդը` մաղթելով խաղաղություն, առողջություն, նոր հաղթանակներ և ամուր հավատ վաղվա օրվա հանդեպ։

Անցնող տարին նշանավորվեց մի շարք հաջողություններով։ Խառը Մենամարտերի (MMA) մարզիկները Եվրոպայի և Աշխարհի առաջնություններում միասին նվաճեցին 23 մեդալ, բարձր պահեցին Հայաստանի դրոշը միջազգային հարթակներում։

Մեծ հպարտություն է ընդգծել, որ Հայաստանն ունեցավ Աշխարհի առաջնությունների ոսկե մեդալակիրներ տարբեր տարիքային խմբերում։

Այս ամենը հնարավոր դարձավ մարզիկների անդադար աշխատանքի, մարզիչների պրոֆեսիոնալիզմի, ֆեդերացիայի աշխատակազմի հետևողականության և մեր մարզաձևի երկրպագուների անսպառ աջակցության շնորհիվ։

Թող Նոր տարին բերի նոր նպատակներ, նոր ուժ և նոր ոսկե հաղթանակներ։

Թող հայկական MMA֊ը շարունակի իր հաղթական ուղին՝ միավորելով մեզ բոլորիս մեկ գաղափարի շուրջ՝ հաղթանակ Հայաստանի համար։

🔥Belgrade, Serbia 🇷🇸 | 5 to 15 February 🗓️

30 Days Out! ⏳

Will you be representing your nation at the #2026MMAEuros? 👀

Watch LIVE on IMMAF.tv 📺 | Belgrade, Serbia 🇷🇸 | 5-15 Feb 🗓️

🔥Հայաստանի Mix Fight ֆեդերացիան և Հայաստանի խառը մենամարտերի (MMA) ֆեդերացիան սկսում են համագործացկությունը։

Հայաստանի Mix Fight ֆեդերացիան և Հայաստանի խառը մենամարտերի (MMA) ֆեդերացիան, որը հանդիսանում է միջազգային (IMMAF) ֆեդերացիայի ներկայացուցիչը Հայաստանում, ինչպես նաև ճանաչված է ՀԱՕԿ֊ի և ՀՀ ԿԳՄՍ նախարարության կողմից, կստորագրեն համագործակցության հուշագիր։
Այսուհետ Հայաստանի Mix Fight ֆեդերացիան իր մրցաշարերը կանցկացնի միջազգային (IMMAF) ֆեդերացիայի կանոնակարգով։
Հայաստանի Խառը Մենամարտերի (MMA) ֆեդերացիայի հովանու ներքո անցկացվող մրցաշարերին մասնակցելու իրավունք կունենան բացառապես այն մարզիկները, ովքեր հանդիսանում են Հայաստանի խառը մենամարտերի (MMA) ֆեդերացիայի կամ Հայաստանի Mix Fight ֆեդերացիայի անդամ։

Այս համագործակցությունը նպատակ ունի նպաստել Հայաստանում խառը մենամարտեր (MMA) մարզաձևի զարգացմանը, մրցաշարերի կազմակերպման բարձր չափանիշների ապահովմանը և մարզիկների միջազգային հարթակ դուրս գալու հնարավորությունների ընդլայնմանը։