دمعتك باردة يگولون ما تشتاگ
وانة خيال الحنين يثگل بجدمة

والگاهم فراغ منين ماحط شوگ
الاحبهم مو نهار گلبوهم ظلمة

الضم عندي هوى ماسولفة لمخنوگ
اليجي بوكتة دمع بعيوني ماضمة

واهس ليل جرحي شگد سوالف بي
علي كل ذكرى مرت تنحسب لچمة

هوت روحي وهوت بس ماهوت هل ناس
حچي عيوني سهل بس جيب اليفهمة

واجيهم والگة بيهم حيرتي متيهين
يطفون وطعنهم بالظهر يلمع

واحضرلهم عذر والبس ضحكتي ثياب
يجون موادع وملگاي يتجمع

يروحي الليل يگصر من تنام العين
يترسني الظلام وجفني ما يقنع

واتنفس دربهم واشهگ الخطوات
وانه ادري بجدمهم بيه ما يتبع

واطش صوتي نهار بمگبرة عدلين
واخلي الما يشوف على الاقل يسمع

انه المثلي جسر من الشمس للگاع
اليعيش بوطن روحي من الصعب يطلع

البگلبة حچي وينام مكسور
من يكعد يصير انسان ثاني ..

جاي اطمنك ما نسيت
امس لميت التعب كلة بغرفتي
ترخصت منة واجيت

وجاي اگلك للامانة
اني ما عايش بقيت

انة ميت من گلتلك رايح وما ودعتني
انت لو فعلاً تحبني چا بچيت

شوهتني

شوهت روحي
وبقيت بلا ملامح كرهتني بكل شي طين
وهسة گمت تخاف مني؟
انة لو ما انت چا باقي حنين

تعبتني
وما ابالغ من اكلك تعبتني
انة چي غالي عليك
راح اعذرك من بعتني

اليفارگني شبر ابقى التفتلة سنين
واتاني بكل جرح يا لچمة لترجعة

- علي عبدالحسين رشم الساعدي

انا فاكر لسا اليوم الي مت فيه وصحيت تاني يوم جهزت ولبست علشان انزل شغلي واكمل حياتي عادي