ថ្ងៃពុធ ២រោច ខែអស្សុជ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៨ ខែតុលា ឆ្នាំ២០២៦

ឯកឧត្តម ឧត្តមសេនីយ៍ឯក រ៉ាត់ ដារ៉ារ័ត្ន រដ្ឋលេខាធិការក្រសួងការពារជាតិ តំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ បានអញ្ជើញដឹកនាំគណៈប្រតិភូក្រសួងការពារជាតិ ចូលរួមកិច្ចប្រជុំក្រៅផ្លូវការរដ្ឋមន្ត្រីការពារជាតិអាស៊ាន-ជប៉ុន (ASEAN-Japan Defence Ministers’ Informal Meeting - DMIM) ដោយមានការចូលរួមពីសំណាក់រដ្ឋមន្ត្រីការពារជាតិ និងប្រធានប្រតិភូតំណាង នៃបណ្តាប្រទេសសមាជិកអាស៊ានទាំង១១ប្រទេស និងឯកឧត្តម Koizumi Shinjirō រដ្ឋមន្ត្រីការពារជាតិជប៉ុន។

His Excellency Lieutenant General Rath Dararoth, Secretary of State of the Ministry of National Defence, high representative of His Excellency General Tea Seiha, Deputy Prime Minister and Minister of National Defence, led the Ministry of National Defence delegation to attend the ASEAN-Japan Defence Ministers’ Informal Meeting (DMIM), with the participation of Defence Ministers and Heads of Delegations from all 11 ASEAN Member States and H.E. Koizumi Shinjirō, Minister of Defense of Japan.

- អរគុណសន្តិភាព !
- អរគុណនយោបាយឈ្នះឈ្នះ !
- ដឹងគុណស្ថាបនិក មគ្គុទ្ទេសក៍ឯក និងប្រតិបតិ្តករ នយោបាយ ឈ្នះ ឈ្នះ ដែលនាំមកនូវសន្តិភាព និងការឯកភាពជាតិពេញលេញ !
____

🌐 គេហទំព័រ ក្រសួងការពារជាតិ
🌐 ក្រសួងការពារជាតិ
🌐 TEA Seiha/ទៀ សីហា
🌐 X(Twitter): ក្រសួងការពារជាតិ
🌐 YouTube: ក្រសួងការពារជាតិ
🌐 Tiktok: ក្រសួងការពារជាតិ

រសៀលថ្ងៃអង្គារ ១រោច ខែអស្សុជ ឆ្នាំមមី អដ្ឋស័ក ព.ស. ២៥៧០ត្រូវនឹង ថ្ងៃទី២៧ ខែតុលា ឆ្នាំ២០២៦

លោកជំទាវ នាយឧត្តមសេនីយ៍ ដាំ ដារីនី រដ្ឋលេខាធិការក្រសួងការពារជាតិ បានដឹកនាំគណៈប្រតិភូជួបសំណេះសំណាលជាមួយសិក្ខាកាមយោធា និងនិស្សិតកម្ពុជាទាំងអស់ដែលកំពុងសិក្សានៅតាមបណ្តាសាកលវិទ្យាល័យនៅសាធារណរដ្ឋប្រជាមានិតឡាវ។

ក្នុងឱកាស​នោះ​ លោកជំទាវ បានពាំនាំនូវប្រសាសន៍ផ្តាំផ្ញើសួរសុខទុក្ខ និងសេចក្តីនឹករលឹកយ៉ាងជ្រាលជ្រៅបំផុតពីសំណាក់ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃព្រះរាជាណាចក្រកម្ពុជា សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជាជូនដល់ប្អូនៗ សិក្ខាកាមយោធា និងនិស្សិតទាំងអស់ ដើម្បីបង្ហាញពីការយកចិត្តទុកដាក់ខ្ពស់ និងការគាំទ្រចំពោះការសិក្សា និងការរស់នៅរបស់សិក្ខាកាមយោធា និងនិស្សិតកម្ពុជានៅក្រៅប្រទេស។

លោកជំទាវនាយឧត្តមសេនីយ៍ បាននាំយក​ អំណោយជា​ថវិកាឧបត្ថម្ភ​ របស់​ឯកឧត្ដម​ នាយឧត្តមសេនីយ៍​ ទៀ សីហា ឧបនាយករដ្ឋមន្ត្រី​ រដ្ឋមន្ត្រី​ក្រសួង​ការពារ​ជាតិ​ ជូនប្អូនៗ ក្នុងការលើកទឹកចិត្តដល់ប្អូនៗ ឱ្យ​បន្ត​ប្រឹងប្រែងសិក្សារៀនសូត្រ ពង្រឹងសមត្ថភាព ចំណេះដឹង ជំនាញវិជ្ជាជីវៈ និងរក្សាសីលធម៌ វិន័យ សាមគ្គីភាព បទពិសោធន៍ដែលទទួលបានពីការសិក្សានឹងក្លាយជាមូលដ្ឋានដ៏សំខាន់សម្រាប់ការចូលរួមបម្រើជាតិមាតុភូមិ ព្រមទាំងពង្រឹងចំណងមិត្តភាព និងកិច្ចសហប្រតិបត្តិការរវាងរដ្ឋាភិបាល ប្រជាជន និងយុវជននៃប្រទេសទាំងពីរកម្ពុជា-ឡាវ។

____

🌐 គេហទំព័រ ក្រសួងការពារជាតិ
🌐 ក្រសួងការពារជាតិ
🌐 TEA Seiha/ទៀ សីហា
🌐 X(Twitter): ក្រសួងការពារជាតិ
🌐 YouTube: ក្រសួងការពារជាតិ
🌐 Tiktok: ក្រសួងការពារជាតិ