Mohirdev Yordam Markazi

Platformamiz haqida savollaringizga shu sahifa orqali javob olishingiz mumkin 👉 mohirdev.uz/yordam

@mohirdev - kasbiy xotirjamlikka shu yerda erishiladi

Proyekt menejer dasturlashni bilishi kerakmi?

Avvalgi postlarimizda project manager (loyiha menejeri) va uning vazifalari bilan tanishib chiqqan edik. Shundan soʻng koʻpchilikni “Proyekt menejer dasturlashni bilishi kerakmi?” degan savol qiynayotgan boʻlishi mumkin. Keling, bu haqida batafsil maʼlumot olamiz!

Mutaxassislar tajribasidan kelib chiqqan holatda shuni ayta olamizki, texnologik kompaniyalarda ishlamoqchi boʻlmasangiz dasturlashdan xabardor boʻlishingiz shart emas. Agar IT kompaniyaga ishga kirmoqchi boʻlsangiz dasturlashdan oz boʻlsa-da xabaringiz boʻlishi kerak. Dasturiy taʼminot sanoatidagi loyiha menejerlari texnik koʻnikmalar boʻyicha asosiy bilimlarga ega boʻlishi lozim. Proyektni boshqarish jarayonida menejerlar Agila, Scrum kabi metodlardan foydalanishadi. Shunday boʻlsa ham texnik bilimlarga ega boʻlishlik ularning ishlarini anchagina yengillashtiradi.

Texnik bilimlar yordami:

• Loyihani toʻgʻri rejalashtirish
• Loyiha natijalarini taxmin qilish
• Vaqtni toʻgʻri taqsimlash
• Jamoadagilarning texnik imkoniyatlarini baholay olish
• Biznes qoidalarini texnik bilimlar bilan bogʻlash
• Jamoani toʻxtatib turgan toʻsiqlarni aniqlash va muammolarni bartaraf qilish

Bularning barchasini Project Management praktikum kursida oʻrganishingiz mumkin. Undan tashqari nafaqat Oʻzbekiston, balki chet el kompaniyalariga kerakli bilimlarga ega boʻlasiz. ⠀

Kurs haqida batafsil ma'lumot olish

Telegram | Instagram | Youtube ⠀

Nima uchun Proyekt menejer bo'lish kerak?

Project management (loyiha menejerligi) juda qiziqarli, masʼuliyat talab qiladigan, muammolarga tezkorlikda yechim topishni oʻrgatadigan kasbdir. Bunday kasb egalari har bir ishtirok etgan loyihalarida katta tajribalarga ega boʻlishadi. Undan tashqari loyiha menejerlari uchun talab yildan yilga ortib bormoqda.

• PMI (The Project Management Institute) loyiha boshqaruvi instituti 2027-yilga qadar dunyo boʻylab 22milliondan ortiq yangi ish oʻrinlari yaratilishi kutilayotgani aytilgan.

• Kompaniya rahbarlari ishiga masʼuliyat bilan yondashadigan proyekt menejerlar uchun yuqori maoshli ish oʻrni taklif qilishga tayyor.

• Proyekt menejer nafaqat axborot texnologiyalari olamida, balki moliya, iqtisod, biznes, qurilish va boshqa koʻplab sohalarida faoliyat koʻrsata olishadi.

• Rivojlanish uchun koʻp imkoniyatlar mavjud. Ular har doim taʼlim olish uchun imkon topishadi. Loyiha menejeri kompaniya daromadiga toʻgʻridan toʻgʻri taʼsir qila olgani uchun jamoada juda muhim shaxslardan hisoblanadi.

Agar siz ham masʼuliyatli, intizomli boʻlsangiz, Project Management praktikum kursimiz unda aynan siz uchun. ⠀

Kurs haqida batafsil ma'lumot olish

Telegram | Instagram | Youtube

Agile va Scrum nima oʻzi?

Proyekt menejerlar loyihalarni boshqarishda Agile va Scrum kabi metodlardan foydalanishi toʻgʻrisida aytib oʻtgan edik. Oramizda bu soʻzlarni birinchi bor eshitayotganlar ham boʻlishi mumkin. Shuning uchun metodlar haqida toʻliqroq maʼlumot berishga harakat qildik. Bugun Agile, Scrum metodlari va ularning vazifalarini batafsil yoritamiz.

Agile metodi

Agar siz ilgari hech qachon Agile metodi haqida eshitmagan boʻlsangiz, unda sizga yuqori samaradorlikni kafolatlagan metodlardan birini qoʻldan boy beryapsiz. Biznes va ish dunyosi doimo oʻzgarib turadi, mahsulot va xizmatlarni tez, moslashuvchan va birinchi navbatda raqobatbardosh tarzda ishlab chiqish zaruratga aylandi .Agile jamoalarni innovatsion qilishga, oʻzgarishlarga tezda reaksiya bildirishga undaydi. Shu sababli kompaniyalar bu metodologiyani qoʻllashga harakat qilishadi.

Scrum metodi

Scrum — loyihalarni boshqarish usuli, metodologiyasi boʻlib, u vaqtni boshqarish tamoyillari asosida qurilgan. Uni boshqa loyihalarni ishlab chiqish jarayonini boshqarish usullardan farqi, takrorlanuvchi jarayon hisoblanadi. Mahsulot yaratish jarayoni bir nechta vaqt oraliqlariga boʻlinadi. Har bir vaqt oraligʻi tugagandan soʻng, loyiha egasiga yaʼni mijozga qandaydir tugallangan mahsulot beriladi. Mijoz bildirgan fikrlar, taklif va eʼtirozlar asosida loyiha boshida tuzilgan rejalardagi kamchilik va xatolarni, asosiy maqsad sari toʻgʻri ketilayotganligi haqida qayta oʻylanadi.

Metodlarning asosiy qulayligi kompaniyani ortiqcha chiqimlardan xalos etish, vaqt isrofini kamaytirish va koʻzlangan maqsadlarga tezroq yetkazishdan iborat.

Yanada koʻproq tajriba olmoqchi boʻlganlar va karyera qurishni istaganlarni Project Management praktikum kursimizga taklif qilamiz! ⠀

Kurs haqida batafsil ma'lumot olish

Telegram | Instagram | Youtube

Chet el kompaniyalarida ishlayotgan Mohirdev o'quvchilari bilan suhbat

Hozirda turli xil kompaniyalarda va ma'lum vazifalarda ishlayotgan Mohirdev bitiruvchilari bilan jonli suhbatlar uyushtirishda davom etamiz.

Loyiha 2-soniga hozirda chet el kompaniyalarida ishlayotgan o'quvchilar tanlab olindi.

Suhbatda Janubiy Koreyaning "ITS-UYEG" kompaniyasida Data Science mutaxassisi bo'lib ishlab kelayotgan Yahyo Sobirjonov va Niderlandiyaning "Bénco holding" kompaniyasining Full Stack dasturchisi Ismatulla Kuyliyevlar ishtirok etishadi.

Ismatulla Kuyliyev Full Stack Javascript praktikum bitiruvchisi bo'lsa, Yahyo Sobirjonov Data Science va Sun'iy Intellekt praktikum kursidan tashqari Full Stack Python praktikum va NodeJS tezkor kurslarini tugatgan.

📅 Suhbat 16-oktyabr, soat 19:00 da Youtube kanalimizda bo'lib o'tadi.

😉 Yakshanba kuni alohida vaqt ajratib qo'yishingizni tavsiya qilamiz.

@mohirdev - kasbiy xotirjamlikka shu yerda erishiladi

Telegram | Instagram | Youtube

Bugun Quality Assurance (Sifat Nazorati) sohasi bo'yicha vebinar bo'lib o'tadi

Mohirdev foydali suhbat va vebinarlar qilishda davom etadi.

Bu galgi vebinar "Test caselar nima va amalda ular bilan qanday ishlanadi?" mavzusida bo'lib, QA praktikum o'qituvchisi Muhammadaziz Xoliqberdiyev ishtirok etadi.

Vebinar davomida QA sohasi biznes uchun eng muhim qismlardan biri ekanligi, unga bo'lgan O'zbekistondagi talab, QA mutaxassisining vazifalari haqida batafsil ma'lumot olishingiz mumkin. Bundan tashqari, demo ko'rinishda test case yozilib, u qanday ishga tushirilishi real vaqtda ko'rsatiladi.

📅 Vebinar bugun soat 19:00 da youtube kanalimizda bo'lib o'tadi

👉 https://youtu.be/kBCrRkkeYSo

Sifat Nazorati sohasiga kirmoqchi bo'layotgan yoki unga qiziqqanlarga qatnashishni taklif etamiz

@mohirdev - kasbiy xotirjamlikka shu yerda erishiladi

Telegram | Instagram | Youtube

Bugungi vebinar texnik muammolar sabab boshqa kunga qoldirildi.

Noqulaylik uchun uzr so'raymiz.

Tayyormisiz?

Juda ko'plab yurtimiz yosh dasturchilari chet el kompaniyalarida ishlashni xohlashadi.

- Lekin bu istakka erishish yo'lida qanday qadamlarni bosib o'tish kerak?
- Chet el kompaniyalarida ishlash jarayoni qanday ko'rinishda?
- Dasturchilardan qanday ko'nikmalar talab qilinadi?

Suhbatda shunga o'xshash savollarga javob topishingiz mumkin.

O'z karyerasini xorijiy kompaniyalarda davom ettirish istagidagi barchani ushbu jonli suhbatimizda kutib qolamiz

👉 https://youtu.be/jIdStiGeVc4

Suhbat bugun 19:00 da boshlanadi

Suhbat boshlandi 👉 https://youtu.be/jIdStiGeVc4

Jonli efirda ko'ra olmaganlar uchun suhbat yozib ham olingan.

Hozir ko'rishingiz mumkin: https://youtu.be/jIdStiGeVc4

Dasturlashni yanada qiziqarli qilamiz

Dasturlashga kirib kelganlarni bemalol tabriklashimiz mumkin. Odatda bunday insonlar juda sabrli boʻlishadi. Shunday boʻlsa-da, baʼzida bir xil ishni davomiy qilganingizda kichik eʼtiborsizliklar, doimiy xatolarga yoʻl qoʻyasiz. oʻrganishga boʻlgan motivatsiyangiz ham yoʻqolishi hech gap emas.

Quyidagi usullar sizning ishtiyoqingizni yanada oshirishga xizmat qiladi:

• Oʻz ustingizda ishlash uchun qoʻshimcha vaqt ajrating. Oʻrganuvchilar darslarni tez tugatish maqsadida eʼtiborsizlik qilishadi. Kursdan tashqari qoʻshimcha vaqtda oʻz ustilarida ishlashmaydi. Alohida vaqt ajratib shugʻullaning, shunda darslarni yanada mustahkamlaysiz, keyingi mavzularni tushunishingiz oson boʻladi.

• Muvaffaqiyatli bajargan ishingiz uchun oʻzingizni mukofotlang. Masalan: bugun yozgan kodlaringizda xatolar chiqmadi, odatdagidan tezroq klaviaturada yoza oldingiz. Oʻzingizni ragʻbatlantiring. Shunda keyingi darslarni boshqacha ishtiyoq bilan oʻzlashtira boshlaysiz, qiziqishingiz ortadi.

• Nima uchun dasturlashni oʻrganayotganingizni eslang. Kimdir hayotini yaxshilash uchun oʻrgansa, yana kimdir hayotlarni yaxshilash uchun oʻranadi. Toki maqsadingizga yetguningizcha, har bir qiyinchiliklar sizni yanada oldinga harakatlantirsin.

• Qiyin bosqichda toʻxtab qolmang. Ortga chekinishni aslo oʻylamang. Qiyinchilik kelganda uni yengib oʻtishni oʻrganing. Unutmang, muammolardan chekinish uni hal qilib qoʻymaydi.

• Barchasini birdan oʻzlashtirishingiz shart emas. Bir kunda 4-5ta darsni toqatsizlik bilan koʻrgandan koʻra, har kuni bitta darsni ishtiyoq bilan koʻrgan afzalroq. Maqsadingiz tezda kursni yakunlash emas, mutaxassis boʻlib bitirish boʻlsin.

• Tanaffus oling. Doimiy tarzda kompyuter qarshisida oʻtirish toliqtirishi turgan gap. Shuning uchun ora-orada oʻzingizni chalgʻiting (butunlay chalgʻib keting demadik). Sayr qiling, kitob oʻqing, oʻzingiz sevgan biror mashgʻulotni bajaring.

Oʻylaymizki, maslahatlarimizga amal qilsangiz, qiziqishingiz yana ortishidan umidvormiz. Ha, aytgancha, foydali deb bilsangiz postni yaqinlaringizga ulashishni unutmang! ⠀

@mohirdev - kasbiy xotirjamlikka shu yerda erishiladi

Telegram | Instagram | Youtube

Ertaga Quality Assurance (Sifat Nazorati) sohasi bo'yicha vebinar bo'lib o'tadi

Bir necha kun oldin texnik sabablarga ko'ra qoldirilgan vebinar ertaga soat 19:00 da bo'lib o'tadigan bo'ldi.

Vebinar davomida QA sohasi biznes uchun eng muhim qismlardan biri ekanligi, unga bo'lgan O'zbekistondagi talab, QA mutaxassisining vazifalari haqida batafsil ma'lumot olishingiz mumkin. Bundan tashqari, demo ko'rinishda test case yozilib, u qanday ishga tushirilishi real vaqtda ko'rsatiladi.

Sifat Nazorati sohasiga kirmoqchi bo'layotgan yoki unga qiziqqanlarga qatnashishni taklif etamiz

@mohirdev - kasbiy xotirjamlikka shu yerda erishiladi

Telegram | Instagram | Youtube

iOS Praktikum kursini oldindan chegirma asosida xarid qiling

Ko'pchilik kutgan iOS Praktikum kursi uchun oldindan qabul boshlandi.

Barcha video, matnli materiallari va testlar o'qishga tayyor. Platformaga joylsh jarayoni ketmoqda.

24-oktyabr kuni o'quvchilar kursni xarid qilib o'qishlari mumkin.

Xohlovchilar kursni hoziroq chegirma asosida xarid qilishlari mumkin.

Chegirma narxi: 1,370,000 (ushbu narx 23-oktyabr, 23:59 gacha amal qiladi. Undan so'ng, kurs narxi 1,500,000 ga o'zgaradi)

Kursni xarid qilish 👉 ios.mohirdev.uz/presale

Kurs haqida ko'proq ma'lumot olish

Telegram | Instagram | Youtube

Vebinar boshlanishiga 30 daqiqa qoldi.

Quality Assurance (Sifat Nazorati) haqida gaplashamiz 👉 https://youtu.be/aOfdQh8KsGg

Vebinar tez orada boshlanadi

Ba'zi sabablarga ko'ra kechikmoqda

Vebinar boshlandi 👉 https://youtu.be/aOfdQh8KsGg

Vebinar davomida QA sohasi biznes uchun eng muhim qismlardan biri ekanligi, unga bo'lgan O'zbekistondagi talab, QA mutaxassisining vazifalari haqida batafsil ma'lumot olishingiz mumkin. Bundan tashqari, demo ko'rinishda test case yozilib, u qanday ishga tushirilishi real vaqtda ko'rsatiladi.

Nima uchun IT sohasini tanlashingiz kerak?

Agar siz yangi kasbda oʻzingizni sinab koʻrmoqchi boʻlsangiz, kelajakda qaysi soha vakili boʻlishdek qiyin tanlov oldida turgan boʻlsangiz, unda qoʻrqmasdan axborot texnologiyalari sohalaridan birida oʻzingizni sinab koʻrishingizni maslahat beramiz. Ish topa olmaslikdan qoʻrqmang, har yili kurslarni minglab odamlar bitirsa-da, ularning hammasi ham mutaxassis boʻla olishmaydi. Xatto Apple, Google, Facebook kabi yirik kompaniyalarda mutaxassislarga boʻlgan talab yuqori.

Xoʻsh,nega bu sohani tanlash kerak?

1. Raqobatning kamligi

Xulosa qilishga shoshilmang. Raqobat hamma sohada bor. Faqat oʻz ustida koʻproq ishlaydiganlar, rivojlanishdan toʻxtamaydiganlar va dangasalikni yenga olganlargina bu raqobatni yengib oʻta oladilar. Demak, bu yoʻlda raqibingiz — oʻzingiz.

2. Keng tanlov imkoniyati

Soha faqat bir yoʻnalishdan iborat emas. Agar mutaxassisligingiz tibbiyot, qishloq xoʻjaligi, qurilish sanoati boʻyicha boʻlsa ham bemalol faoliyat yurita olasiz. IT alohida sanoat emas, balki jamiyatda insonlarning ogʻirini yengil qiladigan sohalardan biri. Shuning uchun istalgan mutaxassislikda undan foydalana olasiz.

3. Karyera qurish imkoniyati

Boshida aytib oʻtganimizdek, soha oʻz ustida ishlaydiganlarni yaxshi koʻradi. Gigant kompaniyalar yaxshi mutaxassislarni ishga olish uchun barcha narsaga tayyor boʻlishadi. Shunda oʻzingizdan faxrlanib ketsangiz ajab emas. Bir joyda qotib qolmasangiz, ishingiz besh.

4. Yuqori maosh

Sir emaski, mutaxassislar yuqori maosh olishadi. Maosh ularning tajribalari, bilimlari, mahoratlari uchun toʻlanadi. Unga birinchi qadamni qoʻyganlar ham sezilarli darajada yaxshi maosh olishadi. Qisqa qilib aytganda mehnatingizga yarasha maosh olasiz.

5. Erkinlik

Agar siz ijodkor boʻlsangiz, bu sizga yoqishi tayin. Boshqa kasblarga qaraganda IT sohasidagilar bir muncha erkinroqdir. Asosiysi rasmiy ish libosi talab qilinmaydi. Rivojlanishingiz uchun qanday atmosfera talab qilinsa, kompaniyalar bunday imkoniyatlarni yaratib berishga harakat qilishadi. ⠀

@mohirdev - kasbiy xotirjamlikka shu yerda erishiladi

Telegram | Instagram | Youtube

Ozodlik sari yoʻl ⠀

Oʻz uyingizda, shaxsiy ish stolingiz oldida yoqtirgan ishingizni qilib oʻtirish gashti boshqacha. Ilgari mana shunday ishlar borligini aytsangiz “e, qoʻysangchi” degan soʻzlarni eshitar edingiz. Sezib turganingizdek bugun freelancing haqida gaplashamiz.

Freelancing — bu oʻz-oʻzini ish bilan taʼminlashning bir turi. Frilanserlar kompaniyada ishlashning oʻrniga, oʻz xizmatlarini shartnoma yoki loyiha asosida yetkazib, yakka tartibdagi tadbirkor sifatida ishlashadi. Shu bilan birga, oʻz-oʻzini ish bilan band boʻlgan mutaxassislar oʻzlarining ish vaqtlarini belgilashlari va oʻzlarining turmush tarziga mos keladigan ish tartibini tuzishlari mumkin.

Ochiqroq qilib aytadigan boʻlsak, siz maʼlum bir bilimlarga ega boʻlsangiz, shaxsiy kompyuteringiz boʻlsa, internet tarmogʻiga ulangan boʻlsa, uyda turib pul ishlash imkoniyatingizni yaratib beradigan elektron bozor. Bozor boʻlganda ham, inson aqliy mehnat salohiyati sotadigan bozor.

Frilanser boʻlishning ijobiy tomonlari:

• Oliy maʼlumotli boʻlishingiz shart emas
• Oʻzingizga maʼqul loyihalarni tanlash
• Dunyoning istalgan yeridan turib ishlash
• Ish vaqtini oʻzingiz belgilaysiz
• Uydan turib pul ishlash imkoniyati

Eng mashxur frilans platformalar:

Upwork — kopirayting, marketing, grafik dizayn, veb dasturchilar uchun qulay platforma. Sayt mutaxassislarga loyihalarni topish, mijozlar bilan muloqot qilish va pul topishda yordam beradi. Platformada oʻrtacha ish haqi soatiga 20 dollarni tashkil qiladi.

Fiverr — dunyodagi eng yirik frilans platformalardan biri. Fiverrning boshqa platformalardan farqi ,asosan, kichik loyihalar uchun xizmat qilishidadir. Undan tashqari, yuqori darajadagi qoʻllab-quvvatlov, ishonchli toʻlov kafolati sizni kutib turibdi. Frilanserlar birgina loyiha uchun oʻrtacha 20 dollardan 300 dollargacha olishlari mumkin.

Toptal — dunyodagi eng yaxshi mutxassislar jamlangan eksklyuziv tarmoq bo'lib, eng yaxshi top 3% kadrlarnigina qabul qiladi . Top kompaniyalar eng muhim loyihalari uchun Toptal frilanserlarini yollaydi. Platformaning oʻz talablari mavjud boʻlib, besh bosqichli intervyudan o'tishi kerak bo'ladi. TopTalning narxi frilanserning ixtisosligiga, ularning joylashgan joyiga va sizga soatlik, yarim kunlik yoki toʻliq kunlik loyihalar uchun kerakmi-yoʻqligiga qarab oʻzgaradi.

Qaysi frilans platforma haqida batafsil maʼlumot berilishini xohlaysiz?

Izohlarda yozib qoldiring!

Telegram | Instagram | Youtube