Vebinar boshlanishiga 30 daqiqa qoldi.

Quality Assurance (Sifat Nazorati) haqida gaplashamiz 👉 https://youtu.be/aOfdQh8KsGg

Vebinar tez orada boshlanadi

Ba'zi sabablarga ko'ra kechikmoqda

Vebinar boshlandi 👉 https://youtu.be/aOfdQh8KsGg

Vebinar davomida QA sohasi biznes uchun eng muhim qismlardan biri ekanligi, unga bo'lgan O'zbekistondagi talab, QA mutaxassisining vazifalari haqida batafsil ma'lumot olishingiz mumkin. Bundan tashqari, demo ko'rinishda test case yozilib, u qanday ishga tushirilishi real vaqtda ko'rsatiladi.

Nima uchun IT sohasini tanlashingiz kerak?

Agar siz yangi kasbda oʻzingizni sinab koʻrmoqchi boʻlsangiz, kelajakda qaysi soha vakili boʻlishdek qiyin tanlov oldida turgan boʻlsangiz, unda qoʻrqmasdan axborot texnologiyalari sohalaridan birida oʻzingizni sinab koʻrishingizni maslahat beramiz. Ish topa olmaslikdan qoʻrqmang, har yili kurslarni minglab odamlar bitirsa-da, ularning hammasi ham mutaxassis boʻla olishmaydi. Xatto Apple, Google, Facebook kabi yirik kompaniyalarda mutaxassislarga boʻlgan talab yuqori.

Xoʻsh,nega bu sohani tanlash kerak?

1. Raqobatning kamligi

Xulosa qilishga shoshilmang. Raqobat hamma sohada bor. Faqat oʻz ustida koʻproq ishlaydiganlar, rivojlanishdan toʻxtamaydiganlar va dangasalikni yenga olganlargina bu raqobatni yengib oʻta oladilar. Demak, bu yoʻlda raqibingiz — oʻzingiz.

2. Keng tanlov imkoniyati

Soha faqat bir yoʻnalishdan iborat emas. Agar mutaxassisligingiz tibbiyot, qishloq xoʻjaligi, qurilish sanoati boʻyicha boʻlsa ham bemalol faoliyat yurita olasiz. IT alohida sanoat emas, balki jamiyatda insonlarning ogʻirini yengil qiladigan sohalardan biri. Shuning uchun istalgan mutaxassislikda undan foydalana olasiz.

3. Karyera qurish imkoniyati

Boshida aytib oʻtganimizdek, soha oʻz ustida ishlaydiganlarni yaxshi koʻradi. Gigant kompaniyalar yaxshi mutaxassislarni ishga olish uchun barcha narsaga tayyor boʻlishadi. Shunda oʻzingizdan faxrlanib ketsangiz ajab emas. Bir joyda qotib qolmasangiz, ishingiz besh.

4. Yuqori maosh

Sir emaski, mutaxassislar yuqori maosh olishadi. Maosh ularning tajribalari, bilimlari, mahoratlari uchun toʻlanadi. Unga birinchi qadamni qoʻyganlar ham sezilarli darajada yaxshi maosh olishadi. Qisqa qilib aytganda mehnatingizga yarasha maosh olasiz.

5. Erkinlik

Agar siz ijodkor boʻlsangiz, bu sizga yoqishi tayin. Boshqa kasblarga qaraganda IT sohasidagilar bir muncha erkinroqdir. Asosiysi rasmiy ish libosi talab qilinmaydi. Rivojlanishingiz uchun qanday atmosfera talab qilinsa, kompaniyalar bunday imkoniyatlarni yaratib berishga harakat qilishadi. ⠀

@mohirdev - kasbiy xotirjamlikka shu yerda erishiladi

Telegram | Instagram | Youtube

Ozodlik sari yoʻl ⠀

Oʻz uyingizda, shaxsiy ish stolingiz oldida yoqtirgan ishingizni qilib oʻtirish gashti boshqacha. Ilgari mana shunday ishlar borligini aytsangiz “e, qoʻysangchi” degan soʻzlarni eshitar edingiz. Sezib turganingizdek bugun freelancing haqida gaplashamiz.

Freelancing — bu oʻz-oʻzini ish bilan taʼminlashning bir turi. Frilanserlar kompaniyada ishlashning oʻrniga, oʻz xizmatlarini shartnoma yoki loyiha asosida yetkazib, yakka tartibdagi tadbirkor sifatida ishlashadi. Shu bilan birga, oʻz-oʻzini ish bilan band boʻlgan mutaxassislar oʻzlarining ish vaqtlarini belgilashlari va oʻzlarining turmush tarziga mos keladigan ish tartibini tuzishlari mumkin.

Ochiqroq qilib aytadigan boʻlsak, siz maʼlum bir bilimlarga ega boʻlsangiz, shaxsiy kompyuteringiz boʻlsa, internet tarmogʻiga ulangan boʻlsa, uyda turib pul ishlash imkoniyatingizni yaratib beradigan elektron bozor. Bozor boʻlganda ham, inson aqliy mehnat salohiyati sotadigan bozor.

Frilanser boʻlishning ijobiy tomonlari:

• Oliy maʼlumotli boʻlishingiz shart emas
• Oʻzingizga maʼqul loyihalarni tanlash
• Dunyoning istalgan yeridan turib ishlash
• Ish vaqtini oʻzingiz belgilaysiz
• Uydan turib pul ishlash imkoniyati

Eng mashxur frilans platformalar:

Upwork — kopirayting, marketing, grafik dizayn, veb dasturchilar uchun qulay platforma. Sayt mutaxassislarga loyihalarni topish, mijozlar bilan muloqot qilish va pul topishda yordam beradi. Platformada oʻrtacha ish haqi soatiga 20 dollarni tashkil qiladi.

Fiverr — dunyodagi eng yirik frilans platformalardan biri. Fiverrning boshqa platformalardan farqi ,asosan, kichik loyihalar uchun xizmat qilishidadir. Undan tashqari, yuqori darajadagi qoʻllab-quvvatlov, ishonchli toʻlov kafolati sizni kutib turibdi. Frilanserlar birgina loyiha uchun oʻrtacha 20 dollardan 300 dollargacha olishlari mumkin.

Toptal — dunyodagi eng yaxshi mutxassislar jamlangan eksklyuziv tarmoq bo'lib, eng yaxshi top 3% kadrlarnigina qabul qiladi . Top kompaniyalar eng muhim loyihalari uchun Toptal frilanserlarini yollaydi. Platformaning oʻz talablari mavjud boʻlib, besh bosqichli intervyudan o'tishi kerak bo'ladi. TopTalning narxi frilanserning ixtisosligiga, ularning joylashgan joyiga va sizga soatlik, yarim kunlik yoki toʻliq kunlik loyihalar uchun kerakmi-yoʻqligiga qarab oʻzgaradi.

Qaysi frilans platforma haqida batafsil maʼlumot berilishini xohlaysiz?

Izohlarda yozib qoldiring!

Telegram | Instagram | Youtube

TopTal — eng zoʻr mutaxassislar uchun!

Qaysidir maʼnoda afsonaga aylangan ushbu kompaniya haqida maʼlumot bermasak uyat boʻlar.

TopTal (Top Talent) — “eng yaxshi isteʼdod” degan maʼnoni anglatadi. 2010-yilda tashkil etilgan Toptal Silikon vodiysidagi eng tez rivojlanayotgan va innovatsion kompaniyalardan biridir. Platformaga Taso Du Val va Breanden Beneschott tomonidan asos solingan.

Tashkil etilganidan beri besh yildan kamroq vaqt ichida 80 000 000 AQSH dollari miqdoridagi yillik ish stavkasiga erishdi, bu esa Toptalning tez oʻsayotgani, mijozlar talabining ortib borayotganidan va kompaniya xizmatlarining tengsiz sifati va ishonchliligidan dalolat beradi.

TopTalda frilanser bo'lib ish boshlash qiyin va raqobat kuchli. Bunga misol 2022-yilning oʻzida nomzodlardan 2mln 200mingdan ortiq ariza kelib tushgan.

Nega frilanserlar va bizneslar TopTalni tanlashadi? Platformaning siri nimada?

• Professionallik. Birinchi navbatda, kompaniya professionallardan tashkil topgan. Yaʼni, ular oʻz mijozlariga jiddiy qarashadi va ular xohlagan narsalarini olishlari uchun harakat qilishadi. Mijozlar bilan tuzilgan shartnomaga amal qilinishini taʼminlaydi va ishlarni yuqori sifatda yakunlashadi.

• Yuqori malakali mutaxassislar. Albatta, kompaniya oʻzidan oʻzi rivojlanib qolmaydi. Uning rivojida mutaxassislarning oʻrni beqiyosdir. Shuning uchun kompaniya eng saralariga ega chiqishga harakat qiladi.

• Moslashuvchanlik. Toptalning bu qadar ajoyib ekanligining yana bir sababi — moslashuvchanlik. Aksariyat kompaniyalar siz uchun jamoa yaratish va ishni bajarish uchun oylab, hatto yillab oladi. Biroq, bu Toptalda bunday emas. Aslida, platforma ishonchlilik va moslashuvchanlikni taklif etadi. Yarim kunlik yoki bir kunlik ish uchun ham frilanser yollay olasiz. Agarda platforma bilan ishlashni toʻxtatmoqchi boʻlsangiz ham hech qanday muammo kuzatilmaydi.

• Yirik loyihalar. Kompaniya toʻgʻridan toʻgʻri katta kompaniyalar bilan hamkorlik qiladi. Udemy, Shopify, Duolingo shular jumlasidandir. Portfolioyingiz uchun yaxshiga oʻsish boʻladi.

• Yuqori maosh. Platforma sizning bilimingiz va tajribangizga mos ravishda maosh taklif qiladi. Oʻrtacha ish haqi soatiga 60dan 250 dollargacha.

Ha, aytgancha, platformada oʻzbekistonlik mutaxassislar ham faoliyat yuritishadi. Agar ular uddalay olgan boʻlsa, siz ham buni eplaysiz.

Keyingi postlarimizda TopTalda frilanser bo'lib ish boshlash haqida ma'lumotlar beramiz. ⠀

Telegram | Instagram | Youtube

Android haqida

Uzoq o'tmishda, hali smartfon atamasi paydo bo'lmagan, Apple birinchi Iphone telefonini ishlab chiqarmagan va IOS operatsion sistemasini taqdim qilmagan yillarda Rich Miner, Nick Sears, Chris White, Andy Rubin (2003-yil) Kaliforniyada androidlar erasini boshlab berdi. Dastlab Android OS raqamli kameralar uchun taqdim qilingandi, lekin ishonch oqlanmadi. O'sha paytda raqamli kameralar bozori pasayib borayotgan edi. Bir necha oy o'tgach, Android Inc mobil telefonlarda operatsion tizimdan foydalanishga o'tdi.

2005-yilda Androidni Google sotib oldi va hammasi o'zgardi. O'sha paytga kelib kompaniya Androidni mobil telefonlar uchun ishlatishni boshladi. Bu qilingan sarmoya Google 'ga misli ko'rilmagan foyda olib kela boshladi. Endi ular bu operatsion sistema yaxshi daromad olib kelishini anglashdi va dasturlar ishlab chiqara boshladi. Android asoschilaridan Rubin 2013-yilgacha jamoa rahbari sifatida qoldi. 2014-yilda butunlay kompaniyani tark etdi.

Android operatsion sistemasining qulayliklari:

• Ochiq ekotizim
• Innovatsiyalar bozorga tezroq yetib boradi
• Moslashuvchanlik
• Rivojlanish yuqori
• Tezkorlik

Texnika taraqqiylashib borgani sari Android operatsion sistemasiga bo'lgan talab ham oshib bormoqda.

Statistika ma'lumotlariga qaraganda dunyoda 26,9 million mobil dasturchi bor. 190ta davlat aholisi, qariyb 2,5 milliard aholi faol tarzda Android qurilmalaridan foydalanib keladi.

Ushbu postni Android operatsion tizimiga qiziqadigan do'stlaringizga yuborib qo'yishni unutmang! ⠀

Telegram | Instagram | Youtube

Toptalga kirish qiyin(mi?)

TopTal haqidagi postimizdan keyin unga kirish qiyin yoki qiyin emasligi to'grisidagi savollar ko'paydi. Albattada, axir LinkedIn foydalanuvchilarning yozib qoldirgan "qo'rqinchli" fikrlariga to'la. Shuning uchun ham biz TopTalga kirish bosqichlari haqida post tayyorlashga harakat qildik.

Toptal tizimiga ruxsat olish uchun ariza berish uzoq vaqt talab qilishiga qaramay, har oy minglab odamlar sinab ko'rishadi. Toptalda ishga joylashish uchun frilanserlar bir qator imtihonlardan o'tishlari kerak, jumladan, til imtihonlari, ko'nikmalarni ko'rib chiqish, jonli skrining va sinov loyihalari. Toptal tizimiga ruxsat olish uchun ariza berish uzoq vaqt talab qilishiga qaramay, har oy minglab odamlar sinab ko'rishadi.


1-bosqich. Video suhbat

Video suhbati ingliz tilini bilish darajasini, shuningdek tushunish va boshqalar tomonidan tushunilishi qobiliyatini baholash uchun ishlatiladi. Intervyu oluvchi murojaat etuvchining ko'nikmalarini, masalan, suhbatdosh bilan samarali muloqot qilish qobiliyatini baholaydi. Intervyu jarayonida ekspertlar nomzodlarning o'zini tutushi, shaxsiy firklari, haraktlarini ham o'rganishadi.

2-bosqich. Onlayn test

Nomzodga ma'lum bir vaqt oralig'ida (odatda 30 ish soatida) bajarish uchun haqiqiy loyiha namunasi beriladi. Ushbu testdan asosiy maqsad nomzodlarning muammolarga yechim topishda qanday usullardan foydalanishini sinovdan o'tkazishdan iborat. Qisqa qilib aytganda bo'lajak frilanserlarning aqliy darajasini tekshirishdir.

3-bosqich. Kod yozish

Bunda nazoratchilar jonli ravishda sizni kuzatishadi. Ma'lum bir vaqtda bajarishingiz uchun vazifa beriladi. Vazifani qanchalik aniqlik, tezlik bilan hal qilsangiz va muammolarni hal qilishda ijodkorligingizni ishga solsangiz, albatta bu bosqichdan ham o'ta olasiz.

4-bosqich. Real loyiha

Oxirgi bosqichga o'tish, u sinov loyihasini qurishdan iborat. Sinov loyihasi - bu dasturchi sifatida haqiqiy kodlash qobiliyatingizni ko'rsatish imkoniyatidir. Frontend va backend bilimlaringiz qay darajada ekanligini baholovchi imtihon. Bunda asosiysi loyihangizni chiroyli taqdim qila olishdir. ⠀

Esingizda bo'lsa Azizbek Jonibekovning TopTal bilan bo'lgan interyusi haqidagi maqolani joylagan edik. O'sha jarayonni his qilmoqchi bo'lsangiz maqolani o'qib chiqishingizni tavsiya qilamiz.

Telegram | Instagram | Youtube

Project Manager vs Product Manager

Bu ikkala kasb egalari odatda birga ishlashsada, ularning vazifalar farqli.

Product Manager (Mahsulot menejer) bir mahsulotni rivojlanishi, o'sishiga to'liq javob bersa, Project Manager (Loyiha menejer) esa bir yoki bir nechta loyihalarni boshlab, uni tugatishga ma'sul bo'ladi. Shu sababdan, product managerlarni strategik fikrlovchi deb, project managerlarni esa ishlarni bajaruvchi deyishimiz mumkin.

Avvalo product (mahsulot) va project (loyiha) ning o'zi nima ekanligini aniqlashtirib olaylik

Product (mahsulot) bu kompaniyalar o'z mijozlariga taqdim etadigan har qanday narsa yoki servisdir. Mahsulot fizik narsalar (misol, kiyimlar) yoki raqamli ko'rinishda (misol, dastur, sayt) bo'lishi mumkin.

Project (loyiha) esa natijaga olib keladigan topshiriqlar jamlanmasidir. Loyihaning maqsadi mahsulot yaratish yoki uni yangilash bo'lishi mumkin. Masalan, uy qurish yoki mobil dastur yangi versiyasini chiqarish.

Loyiha menejerining vazifalari quyidagi vazifalardan iborat:

- Mahsulot bo'yicha ekspert bo'lishi, mijozlarning ehtiyojlarini bilish, iste'molchi uchun qaysi mahsulot qulay bo'lishini tushunish;
- Muammoni raqobatchilar qanday hal qilyapti, va ularni aniqlash;
- Ma'lumotlarni yig'ish va tahlil qilish, kerakli ma'lumotlarni to'plash;
- Testlash. Muvaffaqiyatli yechimlarni taklif qilishdan tashqari, ularni qisqa vaqt ichida sinab ko'rish;
- Iste'molchiar mahsulotdan nega voz kechishmoqda, sabablarini aniqlash.

Avvalgi maqolamizda loyiha menejerlarining vazifalariga to'xtalgan edik.

@mohirdev - kasbiy xotirjamlikka shu yerda erishiladi

Product va Project Management bo'yicha suhbat

Hozirda talab oshib borayotgan ikki soha haqida suhbat tashkillashtirishga qaror qildik.

Suhbatda Amazon, DHL, xITee, OSON kabi kompaniyalarda ishlagan, hozirda Applied Labs'da Senior Project Manager sifatida faoliyat yuritayotgan Abdulla Xaydarov va hozirda Hamkorbank'da Product Owner lavozimida ishlab kelayotgan Temur Ibroximovlar ishtirok etishadi. Temur Ibroximov Top Contact, Express24 kompaniyalarda ishlagan va Avtoelon.uz saytini O'zbekiston bozoriga kirib kelishida Country Manager sifatida ishtirok etgan.

Jonli ovozli suhbat davomida bu ikki sohaning o'xshash va farqli taraflari, nima uchun biznes uchun muhimligi, qanday qilib o'rganishni boshlash mumkinligi, O'zbekistondagi bu sohalarga talab qanday ekanligi kabi mavzularga to'xtalinadi.

Suhbat @mohirdev telegram kanalida ertaga soat 20:00 da bo'lib o'tadi.

O'tkazib yubormang

Product va Project Managerlar nima uchun muhim

Avvalgi postlarda ularning kimligi va vazifalari haqida aytib o'tdik. Bu gal ularning biznesda tutgan o'rni haqida gaplashamiz.

Project manager biznes uchun muhimmi?

- Loyihani real rejalashtirish uchun loyiha menejerlari juda muhim. Ko'pincha tashkilotlar o'zlarini ortiqcha baholab, natijaga tez erishamiz deb o'ylashadi. Mohir loyiha menejeri esa, vaqt, budjet va aniq maqsadlarni hisobga olib jarayonga real yondashadi.

- "Kasalni davolagandan ko'ra, uning oldini olish muhim". Loyihani boshqarish - bu kerakli odamlarga, to'g'ri vaqtda, aniq vazifalarni bajarishda yordam beruvchi faol jarayon. Agar loyiha boshqaruvining aniq belgilangan usuli bo'lmasa, jamoa faolligi tushib ketadi, muammolar paydo bo'lmasidan oldini olish o'rniga, ular paydo bo'lganidan so'ng hal qilishga to'g'ri keladi.

- Sifat nazorati. Jamoa vazifani o'z vaqtida va budjetga asoslanib tugatish uchun bosim ostida shoshilinch ishlaydi. Bu esa sifatga ta'sir qiladi. Shu yerda loyiha menejeri yordamga keladi. Ular sifat standartlari ustidan nazorat qilishadi. Shu jumladan, loyiha menejerlari to'g'ri rejalar tuzish orqali, harajatlarni tejashga yordam berishadi.

Product managerining biznesdagi o'rni

- Mijozlar odatda o'zlari xohlagan narsasini aniq va oson ifoda etisha olmaydi. Mahsulot menejerlari esa turli xil so'rovnomalar yoki tajribalar orqali ularning aynan nima xohlayotganini aniqlashadi. Mahsulotga auditoriyadan kelib chiqib to'g'ri narx belgilashadi.

- Bozor takliflarga to'la bo'lishi mumkin, mahsulot menejeri esa mijozlarni variantlar orasidan biznesning mahsulotini tanlashlari uchun bosh qotiradi.

- U budjet, vaqt va cheklovlarni muvozanatga keltiruvchi aniq strategik rejalarni ishlab chiqadi. Kuchli mahsulot menejerlari muvaffaqiyat haqida aniq tasavvurga va u yerga qaysi yo'l bilan borish haqida amaliy tushunchaga ega. Dunyo shunday mutaxassislarga muhtoj.

@mohirdev - kasbiy xotirjamlikka shu yerda erishiladi

iOS Praktikum kursi chiqishiga 3 kun qoldi

24-oktyabr kuni o'quvchilar kursni xarid qilib o'qishlari mumkin.

Xohlovchilar kursni hoziroq chegirma asosida xarid qilishlari mumkin.

Chegirma narxi: 1,370,000 (ushbu narx 23-oktyabr, 23:59 gacha amal qiladi. Undan so'ng, kurs narxi 1,500,000 ga o'zgaradi)

Kursni xarid qilish 👉 ios.mohirdev.uz/presale

Kurs haqida ko'proq ma'lumot olish

10 daqiqadan keyin boshlaymiz

https://t.me/mohirdev?livestream

Product va Project Management bo'yicha gaplashimiz: https://t.me/mohirdev?livestream

Suhbat tugadi.

Tez orada youtube kanalimizga suhbatni yuklaymiz.

Youtube kanalimiz: https://www.youtube.com/c/Mohirdev/

Temur Ibroximov kanali: https://t.me/temur_ibroximov

Nima uchun Android dasturlash? ⠀

So'nggi o'n yil ichida smartfonlar bizning dunyomizda texnologik inqilob qildi. Bugunda iste'molchilar smartfonlardan har qachongidan ham ko'proq foydalanmoqda. Statistika ma'lumotlariga qaraganda dunyoda 3 milliardan ortiq faol android qurilmasi mavjud. Ko'rinib turganidek talab oshib borgani sari, android dasturchilariga ham ehtiyoj tobora ko'paymoqda. Avvalgi postimizda bu haqida eslab o'tgan edik.

Xo'sh, ular qanday dasturlash tilidan foydalanishadi?

Dasturlashga qiziquvchilar Kotlin haqida eshitgan bo'lsa kerak. Boshlanishiga kamchilik foydalangan til, 2017-yilda Google Kotlinni qo'llab-quvvatlashini e'lon qilganidan so'ng, mashhurlikka erisha boshladi. O'shandan beri unga qiziqish ortib bordi va ilova ishlab chiquvchilarning 72 foizi Kotlindan foydalanishga o'tdi.

Kotlinning afzallklari

Kotlin mobil ilovalarni ishlab chiqishda kodni o‘qish soddalashtirish xususiyatidan taqdim etishdan tashqari, Java’ga nisbatan (biroz keyinroq chuqurroq gaplashamiz) afzalliklari bilan ajralib turadi.

• Java bilan tez chiqishadi. Kotlinning asosiy xususiyatlaridan biri shundaki, u Java tili sintaksisi bilan toʻliq oʻzaro ishlashga moʻljallangan. Ya'ni, Javada yozilgan mavjud kod bazasi Kotlin bilan to'g'ridan tog'ri moslashadi.

• O'rganish oson. Sintaksisning soddaligi sizga ko'p imkon beradi. Dasturlashni tilini endi o'rganuvchilar uchun Kotlin maslahat beriladi. Bundan tashqari, u ochiq manba bo'lganligi sababli, Kotlin hamjamiyatining qo'llab-quvvatlash xizmatlaridan foydalinishda muammo bo'lmaydi.

• Vaqtni tejaydi. Kotlinning kuchli tomonlaridan biri shundaki, u ortiqcha kodlardan voz kechadi, shuningdek, ixcham bo'lib, kod yozish jarayonini sezilarli darajada optimallashtiradi va kodlardagi takrorlanishning oldini oladi.

Ushbu postni androidga qizuvchi do'stlaringizga yuborishni unutmang!

Telegram | Instagram | Youtube