🔖DAVLAT TILI — MILLIY MA’NAVIYATIMIZ TIMSOLI

🇺🇿Toshkent davlat iqtisodiyot universitetida “Kapital bozori va moliyaviy texnologiyalar” kafedrasi tomonidan“Moliya” hamda “Soliq va budjet hisobi” fakultetlari hamkorligida “Davlat tili — milliy ma’naviyatimiz timsoli” mavzusida davra suhbati tashkil etildi.

⚡Tadbir mehmoni Iroda Murodjonova bo‘lib, suhbat davomida davlat tilining jamiyat hayotidagi o‘rni, o‘zbek tilining milliy o‘zlik va qadriyatlarni asrab-avaylashdagi ahamiyati, shuningdek, ona tilimizga bo‘lgan hurmat va ehtiromni yanada yuksaltirish masalalari muhokama qilindi.

✨Davra suhbati davomida ona tilimizning boy imkoniyatlaridan samarali foydalanish, uning sofligini saqlash va kelajak avlodga munosib yetkazish har bir fuqaroning muhim vazifasi ekanligi ta’kidlandi. Shuningdek, davlat tiliga hurmat milliy ma’naviyat va madaniyatni yuksaltirishning muhim omili ekani qayd etildi.

@moliya_fakulteti

🔖DAVLAT TILI — MILLAT KO‘ZGUSI, MA’NAVIYATIMIZ TIMSOLI

🇺🇿Toshkent davlat iqtisodiyot universiteti “Moliya“ fakulteti hamda “Kechki ta’lim va magistratura” bo‘limi hamkorligida O‘zbek tiliga davlat tili maqomi berilgan kun munosabati bilan Adiblar xiyobonida, Muqimiy haykali poyida madaniy-ma’rifiy tadbir tashkil etildi.

⚡Tadbir davomida o‘zbek tilining milliy o‘zligimizni anglash, ma’naviy merosimizni asrab-avaylash va milliy qadriyatlarimizni kelajak avlodga yetkazishdagi beqiyos o‘rni haqida so‘z yuritildi. Shuningdek, atoqli o‘zbek adibi va ma’rifatparvar shoiri Muqimiy ijodi, uning o‘zbek adabiyoti rivojiga qo‘shgan hissasi haqida fikr-mulohazalar bildirildi.

✨Tadbir ishtirokchilari ona tilimizni e’zozlash, uning boyligi va sofligini saqlash, adabiy merosimizni chuqur o‘rganish hamda yoshlar qalbida milliy g‘urur va vatanparvarlik tuyg‘ularini yuksaltirish muhim ahamiyatga ega ekanini ta’kidladilar.

✈️@moliya_fakulteti

🎆 XALQARO AKADEMIK ALMASHINUV — YANGI IMKONIYATLAR SARI!

🌍 Toshkent davlat iqtisodiyot universiteti Moliya fakulteti 3-kurs, MMT-56 guruhi talabasi Toshtemirov Ruslan Ziyadullo o‘g‘li Ruminiyaning Buxarest iqtisodiy fanlar universitetida akademik almashinuv dasturida ishtirok etmoqda.

🌟Mazkur dastur talabaning xalqaro tajriba orttirishi, bilim va ko‘nikmalarini rivojlantirishi, xorijiy ta’lim muhiti bilan yaqindan tanishishi hamda kasbiy salohiyatini oshirishida muhim ahamiyat kasb etadi.

✈️@moliya_fakulteti