🎬KINO ORQALI MA’NAVIY RIVOJ VA VATANGA MUHABBAT

🏛 Talaba yoshlarning bo‘sh vaqtini samarali tashkil etish, ularni faol, ongli va tashabbuskor shaxs sifatida kamol toptirish maqsadida Toshkent shahridagi «MEI» milliy tadqiqot universiteti filiali talabalari ishtirokida navbatdagi madaniy-ma’rifiy tadbir tashkil etildi.

🔥 2026 yil 25 fevral kuni talabalar guruh murabbiylari hamrohligida O‘zbekiston Milliy kino san’ati saroyiga tashrif buyurdi. Ushbu tashrif Besh muhim tashabbus doirasidagi san’at va madaniyat orqali yoshlarning ijodiy tafakkurini rivojlantirishga qaratilgan 16–25-fevral “EKO QAHRAMONLAR” maxsus kino kunlari doirasida amalga oshirildi.

Kino namoyishlari davomida:
😄 Qisqa metrajli filmlar:
Onamga xat, Bir kursant monologi, Shpris, Xaker va boshqa ijodiy ishlanmalar.
😄 Hujjatli filmlar:
Yangi O‘zbekistonning yangi parlamenti, Behbudiy,
Omon qolish elementlari: Yer, Omon qolish elementlari: Havo, Omon qolish elementlari: Suv.
😄 Badiiy filmlar:
Va’da, Paxta, Bir kuni Samarqandda,
Farz, Namozshomgul, Qoravoy, Erkak.

🗣Namoyishlardan so‘ng talabalar ishtirokida fikr almashuv va tahliliy suhbatlar tashkil etilib, ko‘rilgan filmlar asosida ijtimoiy, ma’naviy va hayotiy xulosalar muhokama qilindi.

✨Kino — bu faqat hordiq emas, balki inson tafakkurini boyituvchi, ongni uyg‘otuvchi va ma’naviyatni yuksaltiruvchi kuchdir.

🏛 Rasmiy sahifalari
🌐Web-sayt 📱Telegram 📱Instagram 🎞You tube

👍 Politеxnika muzеyiga ma'rifiy tashrif

🏆 Bеsh muhim tashabbus doirasida, talaba yoshlarning darsdan tashqari boʻsh vaqtlarini mazmunli tashkil etish maqsadida Toshkеnt shahridagi «MEI» milliy tadqiqot univеrsitеti Fеdеral davlat byudjеti oliy ta'lim muassasasi filiali sirtqi ta'limdagi talabalari mas'ullar hamrohligida Politеxnika muzеyiga tashrif buyurdilar.

Tashrif davomida talabalar tеxnik taraqqiyot tarixi, innovasion yechimlar hamda zamonaviy injеnеrlik yoʻnalishlari bilan yaqindan tanishish imkoniyatiga ega boʻldilar. Muzеydagi nodir eksponatlar orqali nazariy bilimlarni amaliyot bilan uygʻunlashtirish, tеxnik fikrlashni rivojlantirish va kasbiy dunyoqarashni kеngaytirishga erishdilar.

Bunday ma'rifiy tashriflar talabalarning bilim va tajribalarini mustahkamlash, ilmiy qiziqishlarini oshirish hamda kеlajakda yetuk, raqobatbardosh mutaxassis boʻlib yetishishlarida muhim ahamiyat kasb etadi.

✨Ilm, tajriba va innovasiya — muvaffaqiyat sari ishonchli qadam!

🏛 Rasmiy sahifalari
🌐Web-sayt 📱Telegram 📱Instagram 🎞You tube

✨ FIZIKA — MUHANDISLIKKA OLIB BORUVCHI FAN!

🏛 Talaba yoshlarning boʼsh vaqtini foydali va mazmunli oʼtkazish, ularni ilm-fan sari ilhomlantirish hamda zamonaviy bilim va koʼnikmalar bilan qurollantirish maqsadida Toshkent shahridagi «MEI» milliy tadqiqot universiteti Federal davlat byudjeti oliy taʼlim muassasasi filiali talabalar oʼrtasida fan olimpiadalari muntazam ravishda tashkil etilmoqda. Bu olimpiadalar yoshlarning salohiyatini ochish, ularni kelajakda raqobatbardosh va yetuk mutaxassislar sifatida kamol topishiga xizmat qilmoqda.

Bu galgi fan olimpiada talabalarning muhandislik sohasiga boʼlgan qiziqishini yanada oshirish maqsadida Fizika fanidan tashkil etildi.

🔬Fizika — muhandis kadrlar tayyorlashda asosiy fundamental fanlardan biri. U tabiatda kechayotgan jarayonlarni nazariy va amaliy jihatdan ilmiy asosda tushuntirib beradi hamda innovatsion tafakkurni shakllantiradi.

Olimpiada jarayonida talabalar:
🟢 mantiqiy fikrlash,
🟢 tahlil qilish,
🟢 amaliy muammolarga ilmiy yondashuv koʼnikmalarini namoyon etdilar.

🎓Bu kabi tadbirlar — yoshlarni ilm-fanga oshno etish, muhandislik salohiyatini rivojlantirish hamda davlatimiz yoshlar siyosatida belgilangan ustuvor vazifalarni amalda roʼyobga chiqarishga xizmat qiladi.

👍 Bugungi bilim — ertangi muvaffaqiyat!
👨‍👩‍👧‍👦 Ilmga intilgan yosh — kelajak muhandisi!

🏛 Rasmiy sahifalari
🌐Web-sayt 📱Telegram 📱Instagram 🎞You tube