🚨 Filialda maxsus-taktik o‘quv mashqi o‘tkazildi

🔰 🤝 🏛 2026-yil 27-fevral kuni Toshkent shahridagi «MEI» milliy tadqiqot universiteti Federal davlat byudjeti oliy ta’lim muassasasi filialida favqulodda vaziyatlarda to‘g‘ri harakat qilish ko‘nikmalarini mustahkamlash maqsadida maxsus-taktik o‘quv mashqi o‘tkazildi.

Mazkur o‘quv mashqi Toshkent shahar hokimining 2026-yil 3-fevraldagi 49-14-0-Q/26-sonli qarori ijrosini ta’minlash doirasida tashkil etildi.

😄 Mashg‘ulot davomida filial binosida shartli ravishda yuzaga kelgan yong‘in yoki zilzila holatida binoni tez va xavfsiz tark etish bo‘yicha amaliy harakatlar bajarildi.
😄 O‘quv mashqida filial rahbariyati, professor-o‘qituvchilar hamda talaba-yoshlar jami 157 nafar ishtirokchi jalb qilindi.

Shuningdek, o‘quv mashqi davomida mas’ul xodimlarga fuqaro muhofazasi tuzilmalarini takomillashtirish, shaxsiy tarkibning amaliy ko‘nikmalarini oshirish hamda himoya vositalari bilan ta’minlash yuzasidan tegishli tavsiyalar berildi.

⚡️ Bunday o‘quv mashqlari talaba-yoshlar, professor-o'qituvchilar va xodimlarning favqulodda vaziyatlarda to‘g‘ri va tezkor harakat qilish ko‘nikmalarini mustahkamlashga xizmat qiladi.

🏛 Rasmiy sahifalari
🌐Web-sayt 📱Telegram 📱Instagram 🎞You tube

🎮 Payshanba — Yoshlar kuni doirasida kibersport musobaqasi!

🏛 Toshkent shahridagi «MEI» milliy tadqiqot universiteti Toshkent filialida talaba-yoshlarning bo‘sh vaqtlarini mazmunli tashkil etish, zamonaviy kibersport madaniyatini rivojlantirish hamda iqtidorli o‘yinchilarni aniqlash maqsadida PUBG Mobile bo‘yicha kibersport musobaqasi tashkil etildi.

🧩 Musobaqa Solo rejimida o‘tkazilib, o‘yinchilar 3 ta xaritada o‘z mahoratini namoyish etishdi.

✨ Ushbu turnir nafaqat qiziqarli raqobat maydoni, balki yoshlar o‘rtasida tezkor fikrlash, strategik qaror qabul qilish, sabr va g‘alabaga intilish kabi muhim ko‘nikmalarni rivojlantirishga xizmat qiladi.

🎮 Eng muhimi, mazkur musobaqa orqali filialning kuchli kibersport jamoasini shakllantirish hamda kelajakda respublika va xalqaro turnirlarda munosib ishtirok etadigan jamoani tayyorlash maqsad qilingan.

💡 Balki bugungi ishtirokchilar orasida ertangi kunning xalqaro chempionlari bordir!

🏛 Rasmiy sahifalari
🌐Web-sayt 📱Telegram 📱Instagram 🎞You tube

🇺🇿 “Energetika vaziri va talabalar: gʻoyalar va tashabbuslar muloqoti”

🏛 Toshkent shahridagi «MEI» milliy tadqiqot universiteti» Federal davlat byudjeti oliy ta'lim muassasasi filialida Energetika vazirining talaba-yoshlar bilan ochiq muloqoti tashkil etildi.

🎓 Unda energetika yoʻnalishida tahsil olayotgan 100 nafardan ortiq talaba ishtirok etdi. Mazkur tadbir Davlatimiz rahbarining topshirigʻiga asosan, haftaning har payshanba kuni vazirlik va idoralarda oʻtkazilayotgan “Yoshlar kuni” doirasida tashkil etildi.

⚡️ Ochiq va samimiy ruhda oʻtgan muloqot davomida talabalar sohadagi islohotlar, oʻzlarining kasbiy rivojlanishi, innovasion gʻoyalarni amalga oshirish hamda ta'lim va ishlab chiqarish integrasiyasini yanada kuchaytirish boʻyicha fikr va takliflarini bildirdilar.

Shuningdek, uchrashuvda qator amaliy takliflar ham ilgari surildi:

😄 filialdagi laboratoriyalarni zamonaviy uskunalar bilan jihozlash;
😄 kutubxona fondini energetika sohasiga oid yangi adabiyotlar bilan boyitish va elektron kutubxona tizimini rivojlantirish;
😄 talabalar uchun oʻquv-amaliy ustaxona tashkil etish;
😄 energetika tizimidagi yetakchi mutaxassislar ishtirokida master-klass va amaliy darslar oʻtkazish;
😄 respublikadagi energetika yoʻnalishidagi OTM talabalari ishtirokida an'anaviy yoshlar ilmiy konferensiyasini filialda tashkil etish.

Energetika vaziri talabalarning barcha savollariga batafsil javob berib, ilgari surilgan tashabbuslarni qoʻllab-quvvatlash va ularni amaliyotga joriy etish yuzasidan mas'ullarga tegishli topshiriqlar berdi.

Tadbir yakunida boʻlajak energetiklarning tashabbuskorligi, bilim va salohiyatini qoʻllab-quvvatlash, ularning sifatli amaliyot oʻtashi hamda kelgusida sohada munosib oʻrin egallashi uchun zarur shart-sharoitlarni yaratish vazirlik faoliyatining ustuvor yoʻnalishlaridan biri ekani ta'kidlandi.

🏛 Rasmiy sahifalari
🌐Web-sayt 📱Telegram 📱Instagram 🎞You tube

🌿 “Yurt obodligi, avvalo, mahalladan boshlanadi!”

Oʻzbekiston Respublikasi Vazirlar Mahkamasining 2026-yil 28-fevraldagi 72-son farmoyishiga muvofiq, 13–14-mart kunlari respublikamizning barcha hududlarida umumxalq xayriya hashari oʻtkazilmoqda.

🏛 Mazkur ezgu tashabbus doirasida bugun Toshkent shahridagi «MEI» milliy tadqiqot universiteti Federal davlat byudjeti oliy ta’lim muassasasi filiali talabalari ham hashar tadbirlarining ilk kunida ko‘tarinki ruh va yuqori faollik bilan ishtirok etishdi.

🌱 Filial jamoasi va faol talaba-yoshlar tomonidan:

🟢 filial hududi va atrof-muhitni tozalash
🟢 obodonlashtirish ishlari
🟢 yashil hududlarni tartibga keltirish
🟢 ko‘chat ekish kabi ezgu tashabbuslar amalga oshirildi.

✨ Bunday tadbirlar yoshlar qalbida tabiatga e’tibor, yurt ravnaqiga daxldorlik va jamoaviylik ruhini yanada mustahkamlaydi. Eng muhimi, hashar — bu nafaqat obodonlashtirish, balki birdamlik, mehr va mas’uliyat maktabidir.

📢 Biz yurtimiz obodligi uchun birgamiz!
🤝 Biz tayyormiz, siz-chi?

🏛 Rasmiy sahifalari
🌐Web-sayt 📱Telegram 📱Instagram 🎞You tube