Vatanparvar avlod tarbiyasi yo‘lida hamkorlik memorandumi imzolandi

🇺🇿 🤝 🏛 Toshkent shahridagi “MEI” milliy tadqiqot universiteti filiali va O‘zbekiston Respublikasi Mudofaa vazirligi huzuridagi Ma’naviyat va madaniyat departamenti o‘rtasida hamkorlik memorandumi imzolandi.

☑️ Memorandum yoshlarni harbiy-vatanparvarlik, milliy va umuminsoniy qadriyatlarga hurmat, yurt tinchligi va osoyishtaligini qadrlash, fuqarolik mas’uliyati hamda Vatan taqdiriga daxldorlik ruhida tarbiyalashga qaratilgan hamkorlikni mustahkamlaydi.

Hamkorlik doirasida talabalar ishtirokida ma’rifiy uchrashuvlar, davra suhbatlari, seminarlar, konferensiyalar, ko‘rgazmalar va madaniy-ma’rifiy tadbirlar tashkil etiladi. Shuningdek, harbiy xizmatchilar, faxriylar va soha mutaxassislari bilan uchrashuvlar o‘tkazish, talabalarning harbiy qismlar hamda madaniyat muassasalariga tashriflarini yo‘lga qo‘yish, ijodiy va sport-vatanparvarlik loyihalarini amalga oshirish rejalashtirilgan.

👉 Filial va Departamentning tajribasi, mutaxassislari va imkoniyatlarini birlashtirish yoshlar uchun mazmunli, ta’sirchan va amaliy tashabbuslarga yo‘l ochadi. Ishonamizki, ushbu hamkorlik Vatanga sadoqatli, bilimli, faol va mas’uliyatli avlodni tarbiyalashga munosib hissa qo‘shadi.

Web-sayt | Telegram | Instagram | You tube

🇺🇿 Vatan tayanchi — yoshlar!

🇺🇿 🤝 🏛 Toshkent shahridagi “MEI” milliy tadqiqot universiteti filialida Payshanba — Yoshlar kuni munosabati bilan “Vatan tayanchi — yoshlar: maktab, mahalla va universitet hamkorligida Yangi O‘zbekiston armiyasi” mavzusida ma’naviy-ma’rifiy tadbir bo‘lib o‘tdi.

😈O‘zbekiston Respublikasi Bosh prokuraturasi topshiriqlar rejasiga muvofiq tashkil etilgan tadbirda filialga biriktirilgan 234- va 242-maktab o‘quvchilari, “Nihol” MFY uyushmagan yoshlari hamda imzolangan memorandum doirasida O‘zbekiston Respublikasi Mudofaa vazirligi huzuridagi Ma’naviyat va madaniyat departamenti vakillari ishtirok etdi.

Tadbirda Departament boshlig‘i o‘rinbosari, podpolkovnik D. Jamalov so‘zga chiqib, milliy armiyamizda amalga oshirilayotgan ijobiy o‘zgarishlar va tub islohotlar haqida so‘z yuritdi. Uchrashuv yoshlarni Vatanga muhabbat, sadoqat va yurt tinchligini qadrlash ruhida tarbiyalashga xizmat qildi.

☑️ Tadbirning bayramona qismida Qurolli Kuchlar Markaziy ashula va raqs ansambli hamda Alohida ko‘rgazmali-namunali harbiy orkestr chiqishlari namoyish etildi. Jonli kuy-qo‘shiqlar va harbiy orkestr ijrosi ishtirokchilarga ko‘tarinki kayfiyat ulashdi.

👉 Maktab, mahalla va universitet hamkorligi — yosh avlod qalbida vatanparvarlik tuyg‘ularini mustahkamlash va Yangi O‘zbekiston armiyasiga hurmatni oshirish yo‘lidagi muhim qadamdir.

Web-sayt | Telegram | Instagram | You tube

🇺🇿 Til — millat timsoli, o‘zbek tili — ajdodlar merosi va ilm-fan tamadduni!

🏛 Toshkent shahridagi «MEI» milliy tadqiqot universiteti» Federal davlat budjeti oliy ta’lim muassasasi filialida 21-oktabr — O‘zbek tili bayrami kuniga bag‘ishlangan tadbir bo‘lib o‘tdi.

Tadbir O‘zbekiston Respublikasi Bosh vaziri rahbarligida 2026-yil 7-oktabr kuni o‘tkazilgan majlisning 202-son bayonida belgilangan vazifalar ijrosi doirasida tashkil etildi.

☑️ Davlat madhiyasi ijrosi bilan boshlangan bayramda ijrochi direktor X.S. Daliyevning tabrigi o‘qib eshittirildi.

⏩ Iqtidorli yoshlar ulug‘ shoir va yozuvchilar ijodidan she’rlar hamda parchalar o‘qib, ona tilining millat o‘zligini anglashdagi ahamiyatini yodga soldilar.
⏩ O‘zbek ijodkorlari tayyorlagan videolavha namoyish etildi.
⏩Tadbirning ta’sirli lahzalaridan biri esa filialning ijodkor talabalari sahnalashtirgan qisqa spektakl bo‘ldi. Unda O‘zbekiston Qahramoni, Davlat madhiyasi matni muallifi Abdulla Oripov hayotiga oid kinofilm epizodi jonlantirildi.
⏩ Tadbir ona tilimizga muhabbat, milliy merosimizga hurmat va yoshlar ijodiga e’tibor ruhida ko‘tarinki kayfiyatda yakunlandi.

👉 Ona tilimizni asrash va rivojlantirish — barchamizning burchimiz.

👏 O‘zbek tili bayrami muborak bo‘lsin!

Web-sayt | Telegram | Instagram | You tube