MPSC SIMPLIFIED(official)
34.4K subscribers
34.8K photos
52 videos
3.69K files
9.49K links
simplified चा टेलिग्राम ग्रुप
(आपल्या मित्रांना जॉईन करा)

+ सिम्प्लिफाइड स्टडी
+newspaper सिम्प्लिफाइड
+job सिम्प्लिफाइड
+daily चालू घडामोडी टेस्ट
+अभ्यास आधारित टेस्ट


https://telegram.me/mpscsimplified
Download Telegram
प्रश्न- आंध्रप्रदेश शासनाने "आंध्रप्रदेश विकेंद्रीकरण आणि सर्व क्षेत्रांचा समान विकास विधेयक 2020" नुकतेच पारित केले आहे, या विधेयकानुसार खालीलपैकी कोणते शहर आंध्रप्रदेशची कार्यकारी राजधानी असणार आहे
Anonymous Poll
15%
1) कुरनूल
51%
2) अमरावती
26%
3) विशाखापट्टणम
7%
4) विजयवाडा
प्रश्न- भारतीय राज्य घटनेच्या कोणत्या कलमा अंतर्गत इंटरनेटचा वापर हा नागरिकांचा मूलभूत अधिकार आहे असे सर्वोच्च न्यायालयाने नुकतेच एका आदेशाद्वारे जाहिर केले.
Anonymous Poll
29%
1) कलम 21
11%
2) कलम 14
31%
3) कलम 21(अ)
30%
4) कलम 19
Please open Telegram to view this post
VIEW IN TELEGRAM
​◼️केंद्रीय विद्यालयाच्या पहिली ते आठवीच्या विद्यार्थ्यांची परीक्षा रद्द

शाळेपासून महाविद्यालयापर्यंत सर्वच महत्वाच्या परीक्षा पुढे ढकलण्यात आल्या आहेत.

करोना व्हायरसमुळे पुढचे २१ दिवस संपूर्ण देश लॉकडाउनमध्ये राहणार आहे. शाळेपासून महाविद्यालयापर्यंत सर्वच महत्वाच्या परीक्षा पुढे ढकलण्यात आल्या आहेत.

काही दिवसांपूर्वी महाराष्ट्र सरकारने पहिली ते आठवी पर्यंतच्या परीक्षा रद्द करत विद्यार्थ्यांना पुढच्यावर्गात पाठवण्याचा निर्णय घेतला. अन्य राज्यांनी सुद्धा परीक्षा ने घेता विद्यार्थ्यांना पुढच्या वर्गात पाठवण्याचा निर्णय घेतला आहे.

आता भारत सरकारच्या मनुष्यबळ विकास मंत्रालयाच्या अंतर्गत येणाऱ्या केंद्रीय विद्यालयाने २०१९-२० या शैक्षणिक वर्षात पहिली ते आठवीपर्यंतच्या विद्यार्थ्यांना परीक्षा न घेता पुढच्या वर्गात पाठवण्याचा निर्णय घेतला आहे.

२००९ सालच्या शिक्षणअधिकार कायद्यातंर्गत हा निर्णय घेण्यात आला आहे
◼️राज्यसभेत ‘जम्मू व काश्मीर विनियोग विधेयक’ मंजूर

- राज्यसभेत 24 मार्च 2020 रोजी ‘जम्मू व काश्मीर विनियोग विधेयक-2020’ मंजूर झाले.

▪️ठळक बाबी

- जम्मू व काश्मीर केंद्रशासित प्रदेशासाठी 2020-21 या आर्थिक वर्षासाठी 1 लक्ष कोटी रुपयांच्या अपेक्षित खर्चासह ही विधेयक तयार करण्यात आले आहे.

- विधेयकानुसार, केवळ 10 टक्के निधी सुरक्षिततेच्या उद्देशाने खर्च केला जाऊ शकतो आणि उर्वरित रक्कम प्रदेशाच्या विकासावर खर्च केला जाणार.

- सरकारने चालू आर्थिक वर्षाच्या शेवटच्या पाच महिन्यांसाठी 55,317.81 कोटी रुपयांच्या स्वतंत्र खर्चाची योजनादेखील सादर केली.

- तर लडाख केंद्रशासित प्रदेशासाठी अर्थसंकल्पाचे अंदाजपत्रक 5,754 कोटी रुपये एवढे निश्चित केले गेले.
◼️विदर्भाच्या प्रशिक्षकपदी वसिम जाफर

📌चंद्रकांत पंडीत यांनी विदर्भ क्रिकेट संघटनेचे प्रशिक्षकपद सोडले आहेत.

📌जाफर हा विदर्भाच्या संघाचा महत्वाचा भाग आहे. पण जाफर हा ७ मार्चला निवृत्त झाला आहे. त्यामुळे आता पंडित यांच्या जागी विदर्भ संघाचा प्रशिक्षकपदी जाफरची नियुक्ती होऊ शकते, असे म्हटले जात आहे.

📌पंडीत हे प्रशिक्षकपदी असताना विदर्भाच्या संघाने सलग दोनदा रणजी करंडक स्पर्धा जिंकत इतिहास रचला होता.

📌यंदाच्या रणजी स्पर्धेच्या अंतिम फेरीत मात्र त्यांना पोहोचता आले नाही. पंडीत यांनी विदर्भाच्या संघाला सोडचिठ्ठी दिली आहे.

📌आता ते मध्य प्रदेशच्या संघाचे प्रशिक्षकपद सांभाळणार आहेत.

✅वसिम जाफर

वसिम जाफर सर्व प्रकारच्या क्रिकेट मधून निवृत्त.

सर्वात जास्त रणजी सामने - १५६

रणजी मध्ये सर्वात जास्त धावा - १२०३८

सर्वात जास्त शतके - ४०

सर्वात जास्त अर्धशतके - ८९

सर्वात जास्त झेल - २००

📌वसीम जाफर 1996-97 ते 2012-13 दरम्यान 8 रणजी ट्रॉफी जिंकणाऱ्या मुंबईच्या संघात सहभागी होता. तर 2018 आणि 2019 मध्ये वसीम जाफरनं विदर्भाला रणजीचा किताब मिळवून देण्यामध्ये महत्त्वाची भूमिका साकारली होती.
🟪राज्यात जीवनावश्यक वस्तूंची दुकाने २४ तास उघडी राहणार:मुख्यमंत्री

करोनाचा वाढचा प्रादुर्भाव रोखण्यासाठी संपूर्ण देशात २१ दिवसांचा लॉकडाऊन जाहीर करण्यात आला असून या काळात महाराष्ट्रातील सामान्य नागरिकांना जीवनावश्यक वस्तूंच्या खरेदीसाठी कोणतीही गैरसोय भासू नये म्हणून राज्य सरकारने खूप मोठा निर्णय घेतला आहे.

राज्यात सर्व जीवनावश्यक वस्तूंची दुकाने, किराणा दुकाने, औषधांची दुकाने २४ तास उघडी ठेवण्याची परवानगी देण्यात येत आहे, अशी मोठी घोषणा मुख्यमंत्री उद्धव ठाकरे यांनी आज केली.

संबंधित दुकानांनी ग्राहकांच्या आरोग्याची काळजी घेणे आवश्यक आहे. दोन ग्राहकांमधील अंतर, निर्जंतुकीकरण, स्वच्छता याबाबत शासनाने घालून दिलेल्या मार्गदर्शन सूचना पाळायच्या आहेत, असे स्पष्टपणे सांगण्यात आले आहे.
🟪Corona:कोणी उपाशी राहू नये म्हणून अँजेलिना जोलीने केली ७.५ कोटींची मदत

जगभरातील सुमारे २०० देशांना करोना व्हायरसचा फटका बसला आहे. प्रत्येक देशाचं सरकारआपआपल्या परिने काम करत आहे. सरकारच्या कामाला आता सेलिब्रिटींनीही मदतीचा हात दिला आहे.

गायक शॉव मेंडिसने करोना व्हायरसची लागण झालेल्या मुलांसाठी १ कोटी ३० लाख रुपये दान केले आहेत. तर आता जगप्रसिद्ध अभिनेत्री अँजेलिना जोलीनेही १ मिलियन डॉलर म्हणजे जवळपास ७.५ कोटी रुपये दान केले आहेत.

अँजेलिनाने ही रक्कम एका एनजीओला दिली आहे. या कठीण काळात गरीब मुलं उपाशी राहू नये म्हणून अँजेलिनाने त्यांच्यासाठी ७.५ कोटी रुपये दिले.

करोनाच्या भीतीने सलमान, विराटने सोडली मुंबई

✅१ अब्ज मुलं आहेत शाळेपासून वंचित

'ई न्यूज'च्या रिपोर्टनुसार 'नो किड हंग्री' नावाच्या एनजीओला अँजेलिनाने ७.५ कोटी रुपयांची मदत केली. या रिपोर्टमध्ये अँजेलिनाच्या वतीने देण्यात आलेल्या अहवालात लिहिले की, 'या आठवड्यापर्यंत जवळपास १ अब्जाहून जास्त मुलं करोना व्हायरसमुळे शाळेत जाऊ शकली नाही. अनेकांचं जेवण हे शाळेत मिळणाऱ्या जेवणावर अवलंबून असतं. यात अमेरिकेतील जवळपास २२ लाख मुलांचाही समावेश आहे.'

✅या सेलिब्रिटींनीही केली मदत

अँजेलिना जोलीआधी शॉन मेंडिस, रिहाना, Arnold Schwarzenegger, Ryan Reynolds आणि Blake Lively या हॉलिवूड कलाकारांनीही मदतीचा हात पुढे केला. याशिवाय रजनीकांत, हृतिक रोशन, पवन कल्याण यांनीही सरकारला मदतीचा हात दिला.
🟪'स्टेट होम इंडिया विथ बुक्स': राष्ट्रीय पुस्तक विश्वस्त संस्थेचा उपक्रम
▬▬▬▬▬▬▬▬▬▬▬▬▬▬

कोरोना विषाणूचा प्रसार रोखण्यासाठी देशात लागू करण्यात आलेल्या संचारबंदीच्या पार्श्वभूमीवर मनुष्यबळ व विकास मंत्रालयाच्या अखत्यारीत असलेल्या राष्ट्रीय पुस्तक विश्वस्त संस्था (NBT) देशात एक नवा उपक्रम राबवित आहे.

लोकांना घरबसल्या मनोरंजनासाठी तसेच वाचनास प्रोत्साहन देण्याच्या उद्देशाने 'स्टेट होम इंडिया विथ बुक्स' नावाचा उपक्रम राबविण्यात येत आहे.

हा कार्यक्रम 25 मार्च 2020 रोजी आरंभ करण्यात आला असून संचारबंदीच्या कालावधीत चालणार आहे. उपक्रमाच्या अंतर्गत संस्थेच्या संकेतस्थळावर डिजिटल स्वरूपात विक्री केली जाणारी शंभराहून अधिक पुस्तके विनामूल्य उपलब्ध करून देण्यात आली आहेत.

ही पुस्तके आसामी, बांगला, बोडो, इंग्रजी, गुजराती, हिंदी, कन्नड, कोकबरोक, मल्याळम, मराठी, मिझो, नेपाळी, ओडिया, पंजाबी, तामिळ, तेलगू, संस्कृत आणि उर्दू भाषेत उपलब्ध आहेत.

मुख्यत्वेकरून लहान मुले आणि तरुण प्रौढांसाठी उपलब्ध असलेल्या पुस्तकांमध्ये शैक्षणिक, चरित्र, कल्पनारम्य, विज्ञानकथा, शिक्षकांसाठी पुस्तिका अश्या विविध शैलींचा समावेश आहे.

✅राष्ट्रीय पुस्तक विश्वस्त संस्था (NBT) विषयी

राष्ट्रीय पुस्तक विश्वस्त संस्था (National Book Trust -NBT) याची स्थापना 1957 साली झाली. संस्थेची स्थापना मनुष्यबळ व विकास मंत्रालयाच्या अखत्यारीत उच्च शिक्षण विभागाकडून करण्यात आली होती.

भारतीय भाषा तसेच इंग्रजी भाषेमध्ये गुणवत्तापूर्ण साहित्याच्या प्रसाराला प्रोत्साहन देणे आणि पुस्तकांना योग्य दरात उपलब्ध करुन देणे, हा या संस्थेचा उद्देश्य आहे.
🟣चित्रपट अभिनेत्री निम्मी यांचं मुंबईत निधन.


▪️चित्रपट अभिनेत्री निम्मी यांचं निधन झालंय. वयाच्या ८८ व्या वर्षी त्यांनी मुंबईतल्या राहत्या घरात अखेरचा श्वास घेतला.

▪️बरसात, दीदार, दाग, उडन खटोला, मेरे मेहबूब, पूजा के फुल, आकाशदीप, लव्ह अँड गॉड या गाजलेल्या चित्रपटांमध्ये त्यांनी काम केलं होतं.

▪️निम्मी या काही काळापासून आजारी होत्या. निम्मी यांचे वडील मेरठचे होते. तर निम्मी यांचा जन्म हा आग्रामध्ये झाला होता.

▪️निम्मी यांची आई वहिदन यांनी त्यावेळी चित्रपट क्षेत्रात मोठं नाव कमावलं होतं. चित्रपट उद्योगातील सर्वच दिग्गज निर्मात्यांशी त्यांची ओळख होती.

▪️निम्मी यांचे नाव नवाब बानो होते. ते नाव राज कपूर यांनी बदलून निम्मी असे ठेवले. त्यावेळी गाजलेल्या बरसात चित्रपटासाठी अभिनेत्री नरगिस यांचे नाव निश्चित झाले होते. ते निश्चित झाले नसते तर निम्मी यांचा अभिनेत्री म्हणून राज कपूर यांनी विचार केला होता.

▪️बरसात चित्रपट हातून निसटल्यावर निम्मी यांनी आन, उडन खटोला, भाई भाई, कुंदन, मेरे महबूब या सारख्या ट्रेंड सेट करणाऱ्या चित्रपटांमध्ये काम केलं.

▪️निम्मी या अतिशय साध्या आणि मनमिळावू होत्या, असं निम्मी यांच्या भावाचे जावई आणि चित्रपट निर्माते कलीम खान यांनी सांगितलं.
🟪आपत्ती निवारक पायाभूत सुविधा संबंधी युती’ (CDRI) चे सह-अध्यक्षपद
ब्रिटनला देण्यात आले
🟪

- भारत सरकारच्या पुढाकाराने स्थापना करण्यात आलेल्या ‘आपत्ती निवारक पायाभूत सुविधा संबंधी युती’ (Coalition on Disaster Resilient Infrastructure -CDRI) याचे सह-अध्यक्षपद ब्रिटन या देशाला दिले जाणार आहे. या संस्थेचा भारत हा कायमस्वरूपी सह-अध्यक्ष आहे.

▪️CDRI विषयी

- वैश्विक ‘आपत्ती निवारक पायाभूत सुविधा संबंधी युती’ (CDRI) याची स्थापना पंतप्रधान नरेंद्र मोदी यांनी 2017 साली अमेरिकेत झालेल्या जी-20 बैठकीत केली.

- त्याचे मुख्यालय नवी दिल्ली (भारत) या शहरात आहे.

- CDRI हा एक स्वैच्छिक आंतरराष्ट्रीय गट आहे, जी विविध सरकारे आणि संयुक्त राष्ट्रसंघ समूह, खासगी क्षेत्रात, शैक्षणिक संस्था आणि बँका यांना जोडते.

- CDRIचे संचालक मंडळ ही त्याची सर्वोच्च धोरणात्मक संस्था आहे आणि भारताच्या अध्यक्षतेखाली दर दोन वर्षांनी एका राष्ट्राची सह-अध्यक्ष म्हणून निवड केली जाते.

- निवड केलेल्या राष्ट्रांचा एक प्रतिनिधी भारतीय प्रतिनिधीच्या जोडीला असतो.

- प्रामुख्याने पाणी, ऊर्जा, वाहतूक आणि दूरसंचार या क्षेत्रात हवामानाशी जुळवून घेणाऱ्या पायाभूत सुविधांचे बांधकाम करण्यास मदत करते.