MPSC SIMPLIFIED(official)
34.4K subscribers
34.8K photos
52 videos
3.69K files
9.49K links
simplified चा टेलिग्राम ग्रुप
(आपल्या मित्रांना जॉईन करा)

+ सिम्प्लिफाइड स्टडी
+newspaper सिम्प्लिफाइड
+job सिम्प्लिफाइड
+daily चालू घडामोडी टेस्ट
+अभ्यास आधारित टेस्ट


https://telegram.me/mpscsimplified
Download Telegram
⬛️आजच्या वर्तमानपत्रातील परीक्षाभिमुख कात्रणे वरीलप्रमाणे 👆

🟪 SIMPLIFIED REVISION SESSION Lecture Series- By Nagesh Patil
🔘Date- 2⃣April - Time-7⃣am
▪️Sub- INDIAN POLITY
▪️Lecture Part-5
▪️Topic-

»राष्ट्रपती भाग 5 कलम 52 ते 62
»राज्यपाल भाग 6 कलम 153 ते 167
»उपराष्ट्रपती भाग 5 कलम 63 ते 71
👆वरील तिन्ही घटकांचे या भागात सविस्तर विश्लेषण आहे.

🟣INDIAN POLITY🟣 Lecture Part-5 Link👇
https://youtu.be/IrUAyahkddg
Please open Telegram to view this post
VIEW IN TELEGRAM
🟪 क्रिकेटमधील डकवर्थ-लुइस प्रणालीचे जनक टोनी लुइस यांचे निधन

📌 टोनी यांनी गणितज्ञ फ्रँक डकवर्थ यांच्यासोबत डकवर्थ-लुइस पद्धत १९९७ मध्ये अमलात आणली.

📌आंतरराष्ट्रीय क्रिकेट परिषदेने (आयसीसी) १९९९ मध्ये ती स्वीकारली.

📌 डकवर्थ-लुइस पद्धतीनुसार सामन्यात पावसाचा व्यत्यय आल्यास गणिताची आकडेमोड करत षटके कमी करण्यात येतात.
🟪​MSME मंत्रालय ‘प्रधानमंत्री रोजगार निर्मिती कार्यक्रम’ राबवित आहे

पारंपारिक कारागीर आणि बेरोजगार तरुणांना मदत करण्यासाठी अकृषक क्षेत्रात सूक्ष्म उद्योगांची स्थापना करुन स्वयंरोजगाराच्या संधी निर्माण करण्यासाठी सूक्ष्म, लघू व मध्यम उद्योग मंत्रालय (MSME) ‘प्रधानमंत्री रोजगार निर्मिती कार्यक्रम’ (PMEGP) राबवित आहे.

▪️योजनेचे स्वरूप

📌पंतप्रधान रोजगार निर्मिती कार्यक्रम (PMEGP) याची 15 ऑगस्ट 2008 रोजी भारताचे माजी पंतप्रधान मनमोहन सिंग यांनी घोषणा केली होती.

ही भारत सरकारची पत योजना आहे. राष्‍ट्रीय पातळीवर खादी व ग्रामोद्योग आयोग (KVIC) तर राज्‍य/जिल्हा पातळीवर KVIC चे राज्य कार्यालय, खादी व ग्रामोद्योग मंडळ (KVIB) आणि जिल्हा उद्योग केंद्र (DIC) या योजनेच्या अंमलबजावणीसाठीच्या मध्यवर्ती संस्था आहेत.

या योजनेच्या अंतर्गत मंत्रालयाच्या अनुदानासह KVIC केंद्रांच्या माध्यमातून सार्वजनिक क्षेत्रातल्या सर्व बँका, सहकारी बँका आणि निवडक खासगी क्षेत्रातल्या काही बँकांद्वारे गरजूंना कर्ज दिले जाते.

प्रकल्पांचा कमाल खर्च कारखान्यासाठी पंचवीस लक्ष रुपये आणि सेवा क्षेत्रासाठी दहा लक्ष रुपये असू शकतो.

18 वर्षांपेक्षा जास्त वयाची व्यक्ती कर्जासाठी अर्ज करू शकते. सर्वसाधारण वर्गातल्या लाभार्थ्यांना शहरी भागात प्रकल्प खर्चाच्या 15 टक्के आणि ग्रामीण भागात 25 टक्के अनुदान दिले जाते.

तर आरक्षित किंवा शारीरिकदृष्ट्या अपंग लाभार्थ्यांना शहरी भागात 25 टक्के आणि ग्रामीण भागात 35 टक्के अनुदान मिळते.
🟪विम्बल्डन टेनिस स्पर्धा द्वितीय महायुद्धानंतर प्रथमच रद्द करण्यात आली.

चार ग्रँडस्लॅमपैकी एक असलेली विम्बल्डन टेनिस स्पर्धा या वर्षी रद्द करण्यात आली असून द्वितीय महायुद्धानंतर पहिल्यांदाच म्हणजेच 75 वर्षांनंतर स्पर्धा रद्द करण्याची वेळ आली आहे. पुढील वर्षीची स्पर्धा 28 जून ते 11 जुलै या कालावधीत घेण्याचे निश्चित करण्यात आले आहे. याविषयीची घोषणा ऑल इंग्लंड क्लबने केली आहे.

जगभरात थैमान घालणाऱ्या कोविड-19 महामारीच्या पार्श्वभूमीवर या वर्षी नियोजित असलेल्या अनेक स्पर्धा रद्द करण्यात आल्या आहेत. विम्बल्डन स्पर्धा 28 जून 2020 पासून सुरू होणार होती.

▪️स्पर्धेविषयी

विम्बल्डन अंतिम स्पर्धा ही टेनिस क्रिडाप्रकारातली सर्वात जुनी (सन 1877 सालापासून) आणि सर्वोच्च मानांकित आंतरराष्ट्रीय स्पर्धा आहे. ही स्पर्धा लंडन (इंग्लंड) येथील ऑल इंग्लंड लॉन टेनिस अँड क्रोकुएट क्लब येथे खेळली जाते. विंबल्डन विजेत्याला ऑल इंग्लंड क्लबचे सभासदपद दिले जाते. विम्बल्डन ग्रास कोर्टवर खेळवले जाणारे एकमेव ग्रँडस्लॅम आहे.

आंतरराष्ट्रीय टेनिस महासंघ (ITF) ही जागतिक टेनिस, व्हीलचेयर टेनिस आणि बीच टेनिस स्पर्धांसाठीची प्रशासकीय संस्था आहे. 1913 साली ‘आंतरराष्ट्रीय लॉंन टेनिस महासंघ’ म्हणून संघाची स्थापना झाले आणि त्याचे मुख्यालय लंडन (ब्रिटन) येथे आहे. आज या संघटनेशी 211 राष्ट्रीय टेनिस संघटना आणि सहा क्षेत्रीय संघटना संलग्न आहेत. ऑस्ट्रेलियन ओपन (जानेवारी), फ्रेंच ओपन (मे-जून), विंबल्डन (जून-जुलै) आणि यूएस ओपन (ऑगस्ट-सप्टेंबर) या आंतरराष्ट्रीय टेनिस स्पर्धा ITF तर्फे आयोजित केल्या जातात.
🟪मिसाइलच्या कारखान्यात इस्रायलने सुरु केली व्हेंटिलेटर्सची निर्मिती.

करोना व्हायरसच्या संकटाचा सामना करणाऱ्या इस्रायलने क्षेपणास्त्र उत्पादन निर्मिती केंद्रावर श्वासोश्वासाचे मशीन बनवण्याचे काम सुरु केले आहे. जगातील अन्य देशांप्रमाणे इस्रायल सुद्धा करोना व्हायरसने त्रस्त आहे.

इस्रायली एरोस्पेस इंडस्ट्रीजच्या कारखान्यामध्ये पहिल्या 30 व्हेंटिलेटर्सची निर्मिती करण्यात आली आहे.

इस्रायलमध्ये वैद्यकीय साहित्याची निर्मिती करणाऱ्या Inovytec ने हे व्हेंटिलेटर्स बनवले आहेत. दर आठवडयाला शंभर व्हेंटिलेटर्स बनवण्याचे लक्ष्य ठेवण्यात आले आहे.

एरोस्पेस इंडस्ट्रीजच्या या कारखान्यात अमेरिका आणि इस्रायलसाठी ‘अ‍ॅरो’ मिसाइल डिफेन्स सिस्टिम, सॅटलाइटची निर्मिती केली जाते.

तर मागच्यावर्षी इस्रायलने सुद्धा चंद्रावर लँडिंगचा प्रयत्न केला होता. त्यासाठी मानवरहीत यानाची निर्मिती सुद्धा इथेच करण्यात आली होती.
🟪11वीसाठी अप्लाईड मॅथेमॅटिक्स विषय

सीबीएसईने 11वीच्या विद्यार्थ्यांसाठी नवा विषय अप्लाईड मॅथेमॅटिक्स सुरू केला.

मंडळाने हा पुढाकार मानव संसाधन विकासमंत्री रमेश पोखरीयाल निशंक यांच्या आदेशावरून घेतला.

सीबीएसईच्या वर्ग 1 ते 8 च्या विद्यार्थ्यांना पुढील वर्गात प्रवेश दिला जाणार आहे.

तर या वर्षीच्या दहावीच्या विद्यार्थ्यांसाठी गणित विषयाला दोन पर्याय दिले होते. विद्यार्थ्याने एक तर बेसिक गणिताचा विषय निवडावा किंवा स्टँडर्ड गणित.

याचा उद्देश असा की जे विद्यार्थी गणितात कच्चे आहेत त्यांना बेसिकगणिताच्या परीक्षेत उत्तीर्ण करावे. परंतु, त्यांना अकरावीत गणित विषय म्हणून मिळणार नाही.

पहिल्यांदा बोर्डाकडून हा पर्याय दिला गेला आहे की, दहावीची बेसिक गणिताची परीक्षा उत्तीर्ण झालेला विद्यार्थ्याने पुढील दहावीच्या कंपार्टमेंट परीक्षेत स्टँडर्ड गणिताची परीक्षा द्यावी व उत्तीर्ण झाल्यावर 11वीत गणित विषय तो घेऊ
शकेल.
🟪रीड द वर्ल्ड’: वाचनाला प्रोत्साहन देणारा IPA, WHO आणि UNICEF या संस्थांचा संयुक्त उपक्रम

🏵कोविड-19 महामारीमुळे जगभरात लागू केलेल्या संचारबंदीमुळे घरातच अडकलेल्या लोकांना तसेच लहान मुला-मुलींना वाचनाची आवड लागावी यासाठी प्रोत्साहन देणारा ‘रीड द वर्ल्ड’ उपक्रम आंतरराष्ट्रीय प्रकाशक संघ (IPA), जागतिक आरोग्य संघटना (WHO) आणि संयुक्त राष्ट्रसंघ बाल निधी (UNICEF) या संस्थांच्या पुढाकाराने राबविला जात आहे.

🏵2 एप्रिल 2020 रोजी आंतरराष्ट्रीय बाल पुस्तके दिनाच्या निमित्ताने या उपक्रमाचे उद्घाटन इटलीच्या ‘गेरोनिमो स्टिल्टन’ या मुलांच्या पुस्तकांची मालिकेच्या लेखकांनी केले. लेखक एलिसाबेटा डॅमी यांनी ‘गेरोनिमो स्टिल्टन’ या लोकप्रिय पात्राची रचना केली.

🏵आंतरराष्ट्रीय प्रकाशक संघ (IPA)

IPA हे जगातल्या प्रकाशक संघटनांचा प्रमुख संघ आहे. संघाची स्थापना 1896 साली झाली. या संस्थेचे उद्दीष्ट प्रकाशनास प्रोत्साहन आणि संरक्षण देणे तसेच आर्थिक, सांस्कृतिक आणि सामाजिक विकासासाठी एक शक्ती म्हणून प्रकाशनाबद्दल जागरूकता वाढवणे आहे. संघाचे मुख्यालय झ्यूरिचहून स्वित्झर्लंडच्या जिनिव्हा या शहरात आहे.

🏵जागतिक आरोग्य संघटना (WHO)

WHO ही आंतरराष्ट्रीय सार्वजनिक आरोग्य संबंधित संयुक्त राष्ट्रसंघाची एक विशेष संघटना आहे. दिनांक 7 एप्रिल 1948 रोजी स्थापन करण्यात आलेल्या WHOचे जिनिव्हा (स्वित्झर्लंड) येथे मुख्यालय आहे. हा संयुक्त राष्ट्रसंघ विकास गटाची एक सदस्य संस्था आहे. ही आरोग्य संघटना पूर्वी ‘एजन्सी ऑफ द लीग ऑफ नेशन्स’ म्हणून ओळखली जात होती.

🏵संयुक्त राष्ट्रसंघ बाल निधी (UNICEF)

UNICEF बालकांच्या सर्वांगीण विकासासाठी समर्पित आहे. संस्था जगातल्या सर्वात वंचित बालकांपर्यंत पोहोचण्यासाठी कार्य करते. संस्थेची स्थापना 11 डिसेंबर 1946 रोजी झाली आणि त्याचे मुख्यालय न्युयॉर्क शहर (अमेरिका) येथे आहे.