MPSC SIMPLIFIED(official)
34.4K subscribers
34.8K photos
52 videos
3.69K files
9.49K links
simplified चा टेलिग्राम ग्रुप
(आपल्या मित्रांना जॉईन करा)

+ सिम्प्लिफाइड स्टडी
+newspaper सिम्प्लिफाइड
+job सिम्प्लिफाइड
+daily चालू घडामोडी टेस्ट
+अभ्यास आधारित टेस्ट


https://telegram.me/mpscsimplified
Download Telegram
​🟪बंगळूरुतील संस्थेकडून ‘रॅपिड कोविड – १९’ संच विकसित

🔰सध्या जगात करोना विरोधात निकराची लढाई सुरू आहे. त्यात जास्तीत जास्त व्यक्तींच्या चाचणीलाही महत्त्व असताना ही चाचणी घरच्या घरीच करता येईल असा तपासणी संच येथील,
बायोन या जनुकीय व मायक्रोबायोम तपासणी कंपनीने तयार केला आहे.

🔰 त्यांनी नुकताच भारतातील पहिला ‘रॅपिड कोविड १९’ संच जारी केला आहे. तज्ज्ञांच्या मते हा संच वापरण्यास अगदी सोपा असून रोगाचा प्रसार रोखण्यासाठी जास्तीत जास्त लोकांची चाचणी करणे शक्य आहे.

🔰भारतीय वैद्यक संशोधन परिषदेने या संचाला मान्यता दिली आहे. त्यात अचूक निष्कर्ष मिळतात व त्यासाठी काही मिनिटेच वेळ लागतो. ही चाचणी या संचाच्या मदतीने करण्याकरिता तुमचे एक बोट अल्कोहोलने स्वच्छ करा , नंतर बोट टोचणी यंत्राने टोचून रक्त काढून त्याचा नमुना घ्या.

🔰त्यानंतर संचातील एका काट्रिजमध्ये हा नमुना सोडा, लगेच त्यावर ५ ते १० मिनिटात तुम्ही करोनाबाधित आहात की नाही हे दिसेल. या संचाची किंमत २ ते ३ हजार रुपये असून जागतिक मागणी वाढल्यास तो आरोग्य सेवा कंपन्यांना कमी दरात देता येईल.
🟪भारत आणि बेल्जियम यांच्या प्रत्यार्पण करारावर स्वाक्षरी करण्यास केंद्रीय मंत्रिमंडळाची मान्यता

📌पंतप्रधान नरेंद्र मोदी यांच्या अध्यक्षतेखाली आज झालेल्या केंद्रीय मंत्रिमंडळाच्या बैठकीमध्ये भारत आणि बेल्जियम यांच्या दरम्यानच्या प्रत्यार्पण करारावर स्वाक्षरी करण्यास मान्यता देण्यात आली.

📌करार करत असलेल्या दोन्ही देशांसाठी हे नियम लागू आहेत.

📌यामध्ये जर एखाद्या देशाची गुन्हेगार व्यक्ती किंवा ती व्यक्ती दुस-या देशात गुन्हा केला म्हणून पकडण्यात आली तर नियम लागू असणार आहे.

📌एखाद्या व्यक्तीने गुन्हा केल्यानंतर त्याला कायद्यानुसार एक वर्ष शिक्षा तसेच दंड किंवा त्यापेक्षा जास्त कडक शिक्षा झाली असेल त्या गुन्हेगाराचे प्रत्यार्पण करण्यासाठी काही नियम तयार करण्यात आले आहेत.

📌यानुसार शिक्षेचा कालावधी किमान सहा महिने राहिलेला असला पाहिजे. तसेच दंडाच्या रकमेचाही विचार केला आहे.
🟪सर्वोच्च न्यायालयात मुख्य न्यायधीशांसह 34 न्यायधीश

✍संसदेने संमत केलेल्या घटनादुरूस्तीन्वये सर्वोच्च न्यायालायात आता मुख्य न्यायधीशांसह 34 न्यायधीश असतील अशी तरतूद करण्यात आली आहे.

✍सध्या सर्वोच्च न्यायालायात मुख्य न्यायधीशांसह 31 न्यायधीश असे एकूण 33 न्यायधीश होते. सर्वोच्च न्यायालय न्यायधीश संख्या दुरूस्ती विधेयकाला लोकसभा व राज्यसभेने अनुक्रमे 5 व 7

✍ऑगष्ट 2019 रोजी संमती दिल्यानंतर 10 ऑगष्ट 2019 रोजी राष्ट्रपतींनी या विधेयकावर स्वाक्षरी केल्यानंतर आता न्यायधीशांची संख्या 34 होणार आहे.

✍सर्वोच्च न्यायालायात मुख्य न्यायधीशांसह 8 न्यायधीश असतील अशी तरतूद भारतीय राज्यघटनेत करण्यात आली होती.

✍त्यानंतर 1956 मध्ये 11 तर 1960 मध्ये 14, 1977 मध्ये 18, 1986 मध्ये 26 तर 2009 मध्ये 31 याप्रमाणे न्यायधीशांची संख्या वाढविण्यात आली होती.
🟪‘रीड द वर्ल्ड’: वाचनाला प्रोत्साहन देणारा IPA, WHO आणि UNICEF या संस्थांचा संयुक्त उपक्रम

कोविड-19 महामारीमुळे जगभरात लागू केलेल्या संचारबंदीमुळे घरातच अडकलेल्या लोकांना तसेच लहान मुला-मुलींना वाचनाची आवड लागावी यासाठी प्रोत्साहन देणारा ‘रीड द वर्ल्ड’ उपक्रम आंतरराष्ट्रीय प्रकाशक संघ (IPA), जागतिक आरोग्य संघटना (WHO) आणि संयुक्त राष्ट्रसंघ बाल निधी (UNICEF) या संस्थांच्या पुढाकाराने राबविला जात आहे.

2 एप्रिल 2020 रोजी आंतरराष्ट्रीय बाल पुस्तके दिनाच्या निमित्ताने या उपक्रमाचे उद्घाटन इटलीच्या ‘गेरोनिमो स्टिल्टन’ या मुलांच्या पुस्तकांची मालिकेच्या लेखकांनी केले. लेखक एलिसाबेटा डॅमी यांनी ‘गेरोनिमो स्टिल्टन’ या लोकप्रिय पात्राची रचना केली.

आंतरराष्ट्रीय प्रकाशक संघ (IPA)

IPA हे जगातल्या प्रकाशक संघटनांचा प्रमुख संघ आहे. संघाची स्थापना 1896 साली झाली. या संस्थेचे उद्दीष्ट प्रकाशनास प्रोत्साहन आणि संरक्षण देणे तसेच आर्थिक, सांस्कृतिक आणि सामाजिक विकासासाठी एक शक्ती म्हणून प्रकाशनाबद्दल जागरूकता वाढवणे आहे. संघाचे मुख्यालय झ्यूरिचहून स्वित्झर्लंडच्या जिनिव्हा या शहरात आहे.

जागतिक आरोग्य संघटना (WHO)

WHO ही आंतरराष्ट्रीय सार्वजनिक आरोग्य संबंधित संयुक्त राष्ट्रसंघाची एक विशेष संघटना आहे. दिनांक 7 एप्रिल 1948 रोजी स्थापन करण्यात आलेल्या WHOचे जिनिव्हा (स्वित्झर्लंड) येथे मुख्यालय आहे. हा संयुक्त राष्ट्रसंघ विकास गटाची एक सदस्य संस्था आहे. ही आरोग्य संघटना पूर्वी ‘एजन्सी ऑफ द लीग ऑफ नेशन्स’ म्हणून ओळखली जात होती.

संयुक्त राष्ट्रसंघ बाल निधी (UNICEF)

UNICEF बालकांच्या सर्वांगीण विकासासाठी समर्पित आहे. संस्था जगातल्या सर्वात वंचित बालकांपर्यंत पोहोचण्यासाठी कार्य करते. संस्थेची स्थापना 11 डिसेंबर 1946 रोजी झाली आणि त्याचे मुख्यालय न्युयॉर्क शहर (अमेरिका) येथे आहे.
🟪‘NCC योगदान’ सराव

कोविड-19 महामारीच्या पार्श्वभूमीवर राष्ट्रीय विद्यार्थी सेना (NCC) या संरक्षण क्षेत्रातल्या विद्यार्थी संघटनेनी ‘NCC योगदान’ नावाचा उपक्रम देशात राबविण्यास सुरुवात केली आहे.

या उपक्रमाच्या माध्यमातून नागरी अधिकाऱ्यांना मदत दिली जात आहे. महामारीमुळे उद्भवलेल्या आव्हानात्मक परिस्थितीत नागरिकांच्या समस्या सोडविण्यासाठी गुंतलेल्या विविध संस्थांना मदत देण्याच्या मार्गदर्शक सूचना संघटनेचे सदस्य असलेल्या विद्यार्थ्यांना देण्यात आल्या आहेत.

मदत क्रमांक / कॉल सेंटरमध्ये सेवा, आवश्यक वस्तू / औषधे / अन्न यांचे वितरण, नागरिकांना मदत; माहितीचे व्यवस्थापन तसेच रांगेचे आणि रहदारीचे व्यवस्थापन अशी कामे विद्यार्थी करीत आहेत. विद्यार्थी कायदे व सुव्यवस्थेची परिस्थिती हाताळण्यासाठी काम करणार नाहीत. 18 वर्षांपेक्षा अधिक वय असलेले NCC अधिकारीच्या देखरेखीखाली 8 ते 20 च्या गटात काम करणार आहेत.

NCC विषयी

राष्ट्रीय विद्यार्थी सेना (National Cadet Corps -NCC) ही देशातल्या तरुणाईला शिस्तबद्धता आणि राष्ट्रीय नागरिकत्व क्षेत्रात प्रोत्साहन देणारी भारतीय भुदल, नौदल आणि हवाई दल यांची एक तिहेरी सेवा संघटना आहे. NCCची 1948 साली स्थापना झाली व त्याचे नवी दिल्लीत मुख्यालय आहे. दरवर्षी NCC कडून मुलगी तसेच मुलग्यांसाठी पर्वतारोहणाच्या मोहिमा आयोजित करते.
🟪‘जीवन लाइट’: IIT हैदराबाद या संस्थेत तयार करण्यात आलेले कमी किंमतीचे व्हेंटिलेटर

हैदराबादच्या भारतीय तंत्रज्ञान संस्थेच्या सांगोपणात वाढणाऱ्या एरोबिओसिस इनोव्हेशन्स या स्टार्टअप उद्योगाने कमी किमतीचे स्वदेशी व्हेंटिलेटर तयार केले आहे. त्यांनी त्याला ‘जीवन लाइट’ व्हेंटिलेटर असे नाव दिले.

कोविड-19 महामारीच्या पार्श्वभूमीवर रुग्णांना व्हेंटिलेटरवर ठेवावे लागते, ज्याद्वारे त्यांना प्राणवायू पोहचवला जातो. देशात रुग्णांची वाढती संख्या पाहता आणीबाणी परिस्थितीसाठी सज्ज राहण्यासाठी मोठ्या प्रमाणात व्हेंटिलेटरची आवश्यकता भासत आहे. त्यात देशांमधली वाहतूक बंद असल्यामुळे परदेशांमधून उपकरणांची आयात बंद आहे. त्यामुळे संस्थेच्या पुढाकाराने हे उपकरण तयार करण्यात आले आहे.

सध्या औद्योगिक भागीदाराच्या सहकार्याने दररोज कमीत कमी 50 ते 70 एकाकांचे उत्पादन घेणे हे उद्दीष्ट ठेवण्यात आले आहे.

उपकरणाची वैशिष्ट्ये

🔸व्हेंटिलेटर अ‍ॅपद्वारे चालवले जाऊ शकते आणि त्यामधील संकेत प्रत्यक्ष वेळेत प्रदान केले जाऊ शकते.

🔸टेलिमेडिसिन समर्थनासाठी रूग्णाच्या प्रत्येक श्वासाची नोंद वैद्यांकडे होते. उपकरण पाच तासांपर्यंत बॅटरीवर चालविले जाऊ शकते, ज्यामुळे वीज पुरवठा नसलेल्या भागात सुद्धा वापरले जाऊ शकते.

🔸हे उपकरण बालकांसाठी आणि प्रौढ रूग्णांसाठी वापरले जाऊ शकते.
🟪चीनने शोधली ब्लड थेरपी, करोना मुक्त रुग्णाचं रक्त वापरुन पाच करोनाग्रस्तांचे वाचवले प्राण

✍1 एप्रिल 2020 रोजी चीनमध्ये करोना व्हायरसवर एक नवीन उपचार पद्धती शोधून काढण्यात आली आहे.

✍करोना व्हायरसची लागण झालेल्यांवर प्रभावी उपचार करुन, त्या रुग्णांना लवकरात लवकर करोना मुक्त कसे करता येईल? यासाठी जगभरात मोठया प्रमाणावर संशोधन सुरु आहे.

✍चीनमध्ये करोना व्हायरसवर एक नवीन उपचार पद्धती शोधून काढण्यात आली आहे. चीनमध्ये करोनाची लागण झालेल्या पाच रुग्णांची प्रकृती अत्यंत गंभीर होती. पण १२ दिवसांच्या आत त्या सर्वांचे रिपोर्ट निगेटिव्ह आले आहेत.

✍नव्या उपचार पद्धतीमध्ये करोनाची बाधा झालेल्या रुग्णांवर करोना मुक्त रुग्णाचे रक्त वापरण्यात येते. चीनमध्ये याच प्रकारच्या उपचाराने पाच रुग्णांच्या प्रकृतीत मोठी सुधारणा दिसून आली.

✍पाच पैकी तिघांना रुग्णालयातून डिस्चार्ज देण्यात आला आहे. अन्य दोघांची प्रकृती स्थिर आहे. मेल ऑनलाइनने हे वृत्त दिले आहे.

✍करोना व्हायरसच्या रुग्णांसाठी हा एक आशेचा किरण आहे असे या उपचार पद्धतीचे नेतृत्व करणाऱ्या एका डॉक्टराने सांगितले. मागच्या आठवडयात अमेरिकेनही रक्तावर आधारीत या उपचार पद्धतीला मंजुरी दिली आहे. युनायटेड किंगडममध्येही गंभीर रुग्णांवर याच पद्धतीने उपचार करण्यासाठी सरकारवर दबाव वाढत आहे.

✍बरं झालेल्या रुग्णाच्या रक्तामध्ये रोगप्रतिकारक अ‍ॅंटीबॉडीज असतात.
व्हायरसविरोधात लढण्यासाठी इम्युन सिस्टिमकडून या अ‍ँटीबॉडीज तयार केल्या जातात. कॉनव्हॅलसंट प्लास्मा असे या उपचारपद्धतीचे नाव आहे. बरं झालेल्या रुग्णाच्या रक्तातील घटक आजारी रुग्णाच्या इम्युन सिस्टिमला बळ देतात.
द शेनझेन थर्ड पीपल्स हॉस्पिटलने २७ मार्च रोजी मेडीकल पेपर प्रसिद्ध केला.

✍त्यात कॉनव्हॅलसंट प्लास्माद्वारे ३६ ते ७३ वयोगटातील पाच रुग्णांवर उपचार केल्याची माहिती आहे. या पाच रुग्णांमध्ये तीन पुरुष आणि दोन महिला होत्या.

✍१२ दिवसानंतर त्याचे करोना चाचणीचे रिपोर्ट निगेटिव्ह आले तसेच त्याची रोगप्रतिकारक शक्ती इम्युन सिस्टिमही मोठया प्रमाणात वाढली होती.