MPSC SIMPLIFIED(official)
34.4K subscribers
34.8K photos
52 videos
3.69K files
9.49K links
simplified चा टेलिग्राम ग्रुप
(आपल्या मित्रांना जॉईन करा)

+ सिम्प्लिफाइड स्टडी
+newspaper सिम्प्लिफाइड
+job सिम्प्लिफाइड
+daily चालू घडामोडी टेस्ट
+अभ्यास आधारित टेस्ट


https://telegram.me/mpscsimplified
Download Telegram
🟪सीमेवर भारत-चीनचे सैनिक समोरासमोर : झटापटीत दोन्ही देशांचे जवान जखमी.

सिक्कीममधील भारत चीन सीमेवर दोन्ही देशांचे सैनिक आमनेसामने आल्याची घटना घडली. उत्तर सिक्कीममधील नाकू ला सेक्टरमध्ये असेलेल्या भारत चीन सीमेजवळ हा प्रकार घडला. यानंतर काही काळ तणावाची स्थिती निर्माण झाली होती.

चीनी सैनिकांचा असा उद्दामपणा यापूर्वीही दाखवला होता. आज घडलेल्या घटनेत भारताचे आणि चीनचे काही सैनिक किरकोळ जखमी झाल्याची माहितीही समोर आली आहे. दोन्ही देशांच्या सैनिकांमध्ये काही बाचबाचीही झाली. परंतु स्थानिक पातळीवरील यंत्रणांच्या हस्तक्षेपानंतर हा वाद निवळला. काही वेळ दोन्ही देशांच्या सैनिकांमध्ये बाचाबाची सुरू होती.

परंतु त्यानंतर ते आपापल्या पोस्टवर परत गेल्याची माहिती सूत्रांकडून देण्यात आली. तसंच बऱ्याच कालावधीनंतर अशाप्रकारची घटना घडल्याचं सूत्रांकडून सांगण्यात आलं. एएनआयनं लष्कराच्या सूत्रांच्या हवाल्यानं यासंदर्भातील माहिती दिली आहे.
🟪 12 मे पासून मर्यादित मार्गांवर रेल्वे धावणार.

🚊करोना व्हायरसच्या पार्श्वभूमीवर देशभरात लॉकडाउन जाहीर करण्यात आलं आहे.

🚊लॉकडाउनच्या पार्श्वभूमीवर गेल्या दीड महिन्यांपासून रेल्वे सेवा बंद ठेवण्याचा निर्णय घेण्यात आला होता.

🚊तर त्यानंतर रेल्वे प्रशासनानं 17 मे पर्यंत रेल्वे सेवा सुरू करणार नसल्याचं स्पष्ट केलं होतं.

🚊पंरंतु आता 12 मे पासून मर्यादित रेल्वे मार्गांवर रेल्वेसेवा सुरू करण्याचा निर्णय घेण्यात आला आहे.

🚊 तसंच संध्याकाळपासून या रेल्वे सेवांचं तिकीट आरक्षित करता येणार आहे. रेल्वे मंत्रालयाकडून यासंदर्भातील माहिती देण्यात आली.

🚊12 मे पासून काही ठराविक मार्गांवर रेल्वेसेवा सुरू करण्यात येणार असल्याची माहिती रेल्वे मंत्रालयाकडून देण्यात आली.

🚊तसेच या मध्ये दिल्ली ते मुंबई सेंट्रल, अहमदाबाद, जम्मू तावी, तिरुअनंतरपुरम, मडगाव, दिब्रुगढ, अगरताला, हावडा, पाटणा, बिलासपूर, रांची, भुवनेश्वर, सिकंदराबाद, बंगळुरू, चेन्नई या स्थानकांना जोडणारी रेल्वेसेवा चालवण्याचा निर्णय घेण्यात आला आहे.
🟪'मिशन सागर': क्षेत्रीय मित्र राष्ट्रांच्या मदतीसाठी भारत सरकारची मोहीम.

🔰कोविड-19 महामारीच्या पार्श्‍वभूमीवर भारत सरकारने इतर देशांपुढे मदतीचा हात दिला आहे. त्याचाच एक भाग म्हणून 'मिशन सागर' अंतर्गत भारतीय नौदलाचे ‘INS केसरी’ हे जहाज इतर देशांसाठी अन्न, आवश्यक औषधे अशी मदत सामुग्री घेवून 10 मे 2020 रोजी रवाना झाले.

🔰मालदीव, मॉरिशस, सेशेल्स, मॅडागास्कर आणि कॉमोरोस या देशांना मदत पुरवण्यासाठी जहाज रवाना झाले. या जहाजातून अन्नसामुग्री, कोविड-19 महामारीवर उपयोगी ठरत असलेल्या HCQ औषधाच्या गोळ्या आणि विशेष आयुर्वेदिक औषधे तसेच वैद्यकीय सहाय्यकांचे पथक पाठवण्यात आले.

🔴इतर ठळक बाबी

🔰संपूर्ण क्षेत्रामध्ये अशी मोहीम चालवून परदेशांना असा मदतीचा हात पुढे करणारा भारत पहिला देश आहे.

🔰हे अभियान भारत सरकारने 2015 साली आरंभ केलेल्या ‘सागर कार्यक्रम’ (क्षेत्रामधील सर्वांसाठी सुरक्षा आणि विकास / Security and Growth for All in the Region) याचा एक भाग आहे. कोविड-19 महामारी संकटाच्या काळात क्षेत्रीय देशांना आवश्यक असणारी मदत करून संबंध अधिक मजबूत करण्यासाठी ‘मिशन सागर’ राबवण्यात येत आहे.

🔰या मोहिमेची जबाबदारी संरक्षण मंत्रालय आणि परराष्ट्र व्यवहार मंत्रालय आणि सरकारच्या इतर संबंधित संस्था/विभाग मिळून संयुक्त समन्वयाने पार पाडत आहेत.
🟪जागतिक परिचारिका दिन

📌फ्लॉरेन्स नाइटिंगेल (मे १२,१८२० - ऑगस्ट १३,१९१०) या अग्रगण्य परिचारिका, लेखक व होत्या.

📌 इ.स. १८५३ साली झालेल्या क्राइमियन युद्धदरम्यान जखमी सैनिकांची सुश्रुषा केल्याबद्दल त्यांना प्रसिद्धी मिळाली.

📌 त्यांना "लेडी विथ द लॅम्प" (The Lady with the Lamp) असे म्हणत.

📌 रेडक्रॉसचे संस्थापक हेन्री ड्युनंट यांनी त्यांना 'लेडी विथ द लॅम्प' ही उपाधी दिली. त्यांच्या हातातील कौशल्य व वैज्ञानिक दृष्टिकोनातून रूग्णसेवा केल्यामुळेच परिचर्याशास्त्राला नवीन दिशा प्राप्त झाली.

📌 त्यांच्या सन्मानाप्रित्यर्थ १२ मे हा त्यांचा जन्मदिवस जगभरामध्ये "जागतिक परिचर्यादिन" म्हणून साजरा केला जातो
राज्यसेवा_पूर्व_परीक्षा_GS_२०११_ते_२०१९_With_Answer_TIK_.pdf
10.4 MB
विद्यार्थ्यांची प्रतीक्षा संपली अत्यंत आनंदाची बातमी उत्तरतालिका हि पुन्हा पुन्हा पाहायला लागणार नाही.

😱 राज्यसेवा पूर्वपरीक्षा सामान्य अध्ययन पेपर क्र. 1 2011 ते 2019 उत्तरे टिक करून देत आहोत

ऑनलाईन किंवा मोबाईल वरती पीडीएफ वाचताना ANSWER KEY चेक करणे आणि प्रश्नपत्रिकांचे विशॆषण करणेअवघड जात असल्याने आता हे झाले सोपे.....

लवकरच CSAT ची प्रश्नपत्रिका 2013 ते 2019 उत्तरे टीक करून उपलब्ध होईल

नक्की अभ्यासा आणि Save करून ठेवा!!!👌👌👌
⬛️ दिनविशेष-१३ मे

✅१३ मे – घटना

१८८०: थॉमस अल्वा एडिसनने मेन्लो पार्क, न्यू जर्सी येथे विजेवर चालणाऱ्या रेल्वेची चाचणी केली.

१९३९: अमेरिकेतील पहिले व्यावसायिक एफएम रेडियो स्टेशन सुरु झाले. १९५०: फॉर्म्युला वन...

✅१३ मे – जन्म

१८५७: हिवतापाच्या जंतुंचा शोध लावल्याबद्दल नोबेल पारितोषिक मिळवणारे ब्रिटिश डॉक्टर सर रोनाल्ड रॉस यांचा जन्म. (मृत्यू: १६ सप्टेंबर १९३२ - लंडन, यू. के.)

१९०५: भारताचे ५वे राष्ट्रपती फक्रुद्दीन...

✅१३ मे – मृत्यू

१६२६: अहमदनगरच्या निजामशाहीतील प्रसिद्ध दिवाण मलिक अंबर यांचे निधन.

१९०३: फिलिपिन्सचे पहिले पंतप्रधान अपोलिनेरियो माबिनी यांचे निधन. (जन्म: २३ जुलै १८६४)

१९५०: प्राचीन भारतीय इतिहासाचे व संस्कतीचे अभ्यासक आणि पुरतत्त्वज्ञ...
🟪चंद्राचा तुकडा विक्रीला

ब्रिटनच्या लंडन शहरामध्ये एक चंद्राचा तुकडा विक्रीला ठेवण्यात आला आहे. या तुकड्याचे वजन 13.5 किलो आहे.

तर या तुकड्याची सुरुवातीची किंमत दोन दशलक्ष पाऊंड म्हणजेच 19 कोटी रुपये ठेवण्यात आली आहे.

लंडनच्या लिलाव करणारी क्रिस्टीने हा लिलाव ठेवला आहे.चंद्राचा हा तुकडा एका लघू ग्रह किंवा धुमकेतूला आदळल्याने तुटला असावा. यानंतर हा तुकडा सहाराच्या वाळवंटात पडला.

तसेच या तुकड्याला एनडब्ल्यूए-12691 हे नाव देण्यात आले आहे. हा पृथ्वीवर मिळालेला चंद्राचा पाचवा सर्वांत मोठा तुकडा आहे.

अधिकृतरित्या पृथ्वीवर चंद्राचे 650 किलोचे तुकडे आहेत. यामध्ये हा देखील आहे. या तुकड्याचा आकार फुटबॉल एवढा आहे.
🟪बांधकाम मजुरांना मिळणार पाच हजार रुपयांची मदत.

दिल्लीतील नोंदणी केलेल्या बांधकाम करणाऱ्या मजुरांना पाच हजार रुपयांची मदत करण्यात येईल, असे दिल्लीचे कामगार मंत्री गोपाळ राय यांनी सोमवारी सांगितले.

दिल्ली सरकारने गेल्या महिन्यात बांधकाम मजुरांच्या बँक खात्यात पाच हजार रुपये जमा करण्याचा निर्णय घेतला होता. या महिन्यात सरकारने त्यांची मदत करण्यासाठी पुन्हा पाच हजार रुपये जमा करण्यात निर्णय घेतला आहे.

तर कामगार मंत्री गोपाळ राय यांच्या अध्यक्षतेखाली बांधकाम कामगार कल्याण मंडळाच्या बैठकीत हा निर्णय घेण्यात आला.

मंडळाचे जवळपास 40,000 बांधकाम कामगार नोंदणीकृत आहेत. या बैठकीत बांधकाम पोर्टल सुरू करण्याचे ठरविले आहे. या पोर्टलवर बांधकाम कामगार स्वतःची नोंदणी करू शकतात.

नवीन कामगारांच्या नूतनीकरण व नोंदणीसाठी 15 मेपासून ऑनलाईन नोंदणी देखील सुरू होईल, अशी माहिती गोपाळ राय यांनी दिली.
🟪‘कोविड19 अँटिबॉडी’चा शोध घेणारी पहिली स्वदेशी टेस्ट किट तयार.

💠करोना व्हायरसविरोधातील लढ्यामध्ये भारताने अजून एक यश मिळवले आहे. भारताने कोविड19 अँटिबॉडीचा शोध घेणारी पहिली स्वदेशी चाचणी किट तयार केली आहे.
पुण्यातील नॅशनल इंस्टीट्यूट ऑफ व्हायरोलॉजीने (NIV) पहिली स्वदेशी करोना अँटीबॉडी टेस्टिंग किट तयार केली आहे.

💠केंद्रीय आरोग्यमंत्री हर्षवर्धन यांनी रविवारी याबाबत माहिती दिली.”पुण्यातील नॅशनल इंस्टीट्यूट ऑफ व्हायरोलॉजीने कोविड19 अँटिबॉडीचा शोध घेणारी पहिली स्वदेशी टेस्टिंग किट तयार केली आहे.

💠तर जास्त लोकसंख्या असलेल्या परिसरात करोना व्हायरस संसर्गावर पाळत ठेवण्यात आणि कोरोना संक्रमितांची ओळख पटवण्यास ही किट महत्वपूर्ण भूमिका निभावेल”, असे ते म्हणाले.तर अडीच तासांमध्ये 90 चाचण्या घेण्याची या किटची क्षमता आहे अशी माहितीही त्यांनी दिली.
🟪दिल्लीत अडकलेल्या UPSC च्या १४०० विद्यार्थांसाठी स्पेशल ट्रेन.

राजधानी दिल्लीमध्ये UPSC ची तयारी करण्याऱ्या विद्यार्थांचा राज्यात येण्याचा परतीचा मार्ग मोकळा झाला आहे. महाराष्ट्रातील १६०० विद्यार्थी स्पर्धा परिक्षाची तयारी करण्यासाठी दिल्लीत होते.

करोना व्हायरसचा प्रादुर्भाव रोखण्यासाठी देशात लॉकडाउन घेण्यात आल्यामुळे सर्वजण दिल्लीमध्ये अडकून पडले होते. दिल्लीत अडकलेल्या विद्यार्थ्यांसाठी १६ मे रोजी दिल्ली-पुणे अशी स्पेशल ट्रेन सोडली जाणार आहे.

UPSC च्या विद्यार्थांना दिल्लीहून पुण्याला घेऊन येणाऱ्या ट्रेनसाठी चार थांब्याची परवानगी देण्यात आली आहे. या ट्रेनला सुरूवातीला दिल्ली ते भूसावळ अशी परवानगी देण्यात आली होती. मात्र, आता ही ट्रेन दिल्ली ते पुणे व्हाया भुसावळमार्गे धावणार आहे. या ट्रेनला भुसावळ, नाशिक, कल्याण आणि पुणे असे चार थांबे देण्यात आले आहेत. केंद्राकडून १४०० विद्यार्थांना या स्पेशल ट्रेनने प्रवास करण्याची परवानगी देण्यात आली आहे.
🟪आंतरराष्ट्रीय पर्यटन ६०-८० टक्क्यांनी घटणार

आंतरराष्ट्रीय पर्यटन हे करोनाच्या साथीमुळे ६० ते ८० टक्क्यांनी घटणार असून त्यामुळे ९१० अब्ज ते १.२ लाख कोटी डॉलर्सचा फटका महसुलात बसणार असल्याची माहिती जागतिक पर्यटन संघटनेने दिली आहे. याचा परिणाम म्हणून जगात १० ते १२ कोटी लोक रोजगार गमावणार आहेत.

करोनाचा प्रसार जगात बहुतांश देशात झाला असून आतापर्यंत ४१ लाख लोकांना संसर्ग झाला आहे, तर २,८२,७१९ लोक बळी पडले आहेत. अमेरिकेत १३ लाख लोकांना संसर्ग झाला असून ८० हजार बळी गेले आहेत.

जागतिकपर्यटन संघटनेने म्हटले आहे की, आंतरराष्ट्रीय पर्यटकांच्या संख्येत २०२० मधील पहिल्या तिमाहीत २२ टक्केघट झाली आहे. जागतिक करोना साथीमुळे आता वर्षांला पर्यटनात २०१९ च्या तुलनेत ६० ते ८० टक्के घट होणार आहे.

जागतिक पर्यटन संघटनेचे महासचिव झुराब पोलिकासविली यांनी सांगितले की, मार्चमध्ये अनेक देशात टाळेबंदीमुळे पर्यटकांची संख्या ५७ टक्केकमी झाली आहे. विमानतळे व राष्ट्रीय सीमा बंद असल्याने ६७ दशलक्षआंतरराष्ट्रीय प्रवासी कमी झाले असून ८० अब्ज डॉलर्सचा फटका बसला आहे. आशिया व पॅसिफिकमधील आकडेवारीनुसार पर्यटक संख्या ३३ दशलक्षांनी घटली असून युरोपात २२ दशलक्षांनी कमी झाली आहे.
🟪पॅरालिम्पिक अ‍ॅथलिट दीपा मलिकने आंतरराष्ट्रीय कारकिर्दीमधून निवृत्ती घोषणा.

पॅरालिम्पिक अ‍ॅथलिट दीपा मलिकने सोमवारी आंतरराष्ट्रीय कारकिर्दीमधून निवृत्ती घेत असल्याची घोषणा केली.
भारताच्या पॅरालिम्पिक समितीचं अध्यक्षपद स्विकारण्यासाठी दीपा मलिकने हा निर्णय घेतल्यचं कळतंय.

तर पॅरालिम्पिक खेळांमध्ये पहिलं पदक मिळवणारी भारतीय महिला खेळाडू हा बहुमान दीपा मलिकच्या नावावर जमा आहे.

तसेच 2016 साली रिओमध्ये झालेल्या शॉटपुट प्रकारात दीपाने रौप्यपदकाची कमाई केली होती. याव्यतिरीक्त IPC ओशिनीया-आशियाई अजिंक्यपद यासह अनेक महत्वाच्या स्पर्धांमध्ये दीपाने पदकांची कमाई केली होती.

राष्ट्रीय क्रीडा संहीतेनुसार कोणत्याही भारतीय खेळाडूला संघटनेत काम करायचं असेल तर त्याला आधी निवृत्ती स्विकारावी लागते. या नियमाचं पालन करतानाच दीपाने निवृत्तीचा निर्णय घेतला आहे.
🟪सानिया मिर्झा ठरली Fed Cup Heart पुरस्काराची मानकरी.

भारताची आघाडीची टेनिसपटू सानिया मिर्झाने प्रतिष्ठेचा Fed Cup Heart पुरस्कार पटकावला आहे.

तर हा पुरस्कार जिंकणारी सानिया पहिली भारतीय महिला खेळाडू ठरली आहे.

Asia/Oceania गटात सानिया मिर्झाने 10 हजारापेक्षा जास्त मत घेत या पुरस्कारावर आपली मोहर उमटवली आहे.

चाहत्यांनी केलेल्या ऑनलाईन व्होटिंगद्वारे सानिया मिर्झाला हा पुरस्कार मिळाला आहे.

तसेच एकूण मतांपैकी 60 टक्के मत सानिया मिर्झाला पडली आहेत.

Fed Cup Heart पुरस्कार विजेत्या खेळाडूंना 2 हजार अमेरिकन डॉलर्सचं बक्षीस मिळतं.

सानिया मिर्झानेआपल्याला मिळालेली बक्षीसाची रक्कम मुख्यमंत्री सहायता निधीला दान करण्याचं जाहीर केलं आहे.
🟪अटल पेन्शन योजनेच्या यशस्वी पाच वर्षांमध्ये 2.23 कोटी नावांची नोंदणी झाली.

भारत सरकारची प्रमुख समाजिक सुरक्षा योजना ‘अटल पेन्शन योजना’ (APY) या निवृत्ती वेतन योजनेच्या यशस्वी अंमलबजावणीला 5 वर्षे पूर्ण झाली आहेत.

आतापर्यंत या निवृत्ती वेतन योजनेच्या कक्षेत 2.23 कोटी कामगारांचा समावेश झाला आहे. ही योजना सुरु झाल्यानंतर 9 मे 2020 पर्यंत या योजनेच्या अंतर्गत एकूण 2,23,54,028 नावांची नोंदणी झाली आहे.

68 लक्षाहून अधिक सरकारी कर्मचाऱ्यांनी NPS अंतर्गत नाव नोंदणी केली आहे आणि कॉर्पोरेट म्हणून नोंदणी असलेल्या 7616 आस्थापनांसह खासगी क्षेत्रातल्या 22.60 लक्ष कामगारांनी NPSचे सदस्यत्व घेतले आहे.

उल्लेखनीय नावे नोंदविण्याच्या व्यतिरिक्त ही योजना देशभरात सर्वत्र लागू करण्यात आली. यामध्ये सर्व राज्ये आणि केंद्रशासित प्रदेशांचा समावेश आहे, ज्यामध्ये पुरुष आणि महिलांचे प्रमाण 57:43 इतके आहे.

🔷अटल पेन्शन योजना-

असंघटीत क्षेत्रातल्या कामगारांना वृद्धापकाळात आर्थिक सुरक्षा प्रदान करण्याच्या उद्देशाने 9 मे 2015 रोजी या योजनेचे उद्घाटन करण्यात आले. ही योजना वयाच्या 60 वर्षानंतर सरकार किमान निवृत्ती वेतनाची हमी देते. या योजनेच्या माध्यमातून समाजातल्या असुरक्षित घटकांना निवृत्ती वेतनाच्या कक्षेत आणण्याचा प्रयत्न केला जात आहे.

या योजनेचे संचलन ‘निवृत्ती वेतन निधी नियामक व विकास प्राधिकरण (PFRDA) करते. ही योजना सार्वजनिक व खासगी बँका, प्रादेशिक ग्रामीण बँका, पेमेंट बँका, लघू वित्त बँका, टपाल विभाग आणि राज्य स्तरीय बँकर्स समितीच्या माध्यमातून राबविली जात आहे.

18-40 वर्षे वयोगटातली बँक खाते असणारी कोणतीही व्यक्ती अटल पेन्शन योजनेचे सदस्यत्व घेऊ शकते.

🌅योजनेची वैशिष्ट्ये पुढीलप्रमाणे आहेत -

वयाची 60 वर्षे पूर्ण झाल्यानतर 1000 रुपये ते 5000 रुपयांपर्यंतच्या निवृत्ती वेतनाची हमी प्रदान करते. सदस्याच्या मृत्यूनंतर त्याच्या जोडीदाराला निवृत्ती वेतनाची हमी दिली जाते.सदस्य आणि त्याच्या जोडीदाराच्या मृत्युनंतर निवृत्ती वेतनाची संपूर्ण रक्कम त्याने नामनिर्देशित केलेल्या वारसाला दिली जाते.

🌅PFRDA विषयी-

निवृत्ती वेतन निधी नियामक व विकास प्राधिकरण (PFRDA) हे संसदेद्वारे कायदा पारित करून दिनांक 23 ऑगस्ट 2003 रोजी स्थापना केलेले संवैधानिक प्राधिकरण आहे, जे राष्ट्रीय निवृत्ती वेतन प्रणाली (NPS) आणि हा कायदा लागू होणाऱ्या निवृत्ती वेतन योजनांचे नियमन, प्रोत्साहन आणि विकास सुनिश्चित करते.

सुरुवातीला 1 जानेवारी 2004 पासून राष्ट्रीय निवृत्ती वेतन प्रणाली (NPS) हे केंद्र सरकारी कर्मचाऱ्यांकरिता अधिसूचित करण्यात आले होते आणि नंतर जवळपास सर्व राज्य सरकारांनी त्यांच्या कर्मचाऱ्यांसाठी ही योजना स्विकारली. NPS हे ऐच्छिक आधारावर आणि कर्मचाऱ्यांना कॉर्पोरेट वाढीसह सर्व भारतीय नागरिकांसाठी (रहिवासी/अनिवासी/परदेशी) आहे.