MPSC SIMPLIFIED(official)
34.4K subscribers
34.8K photos
52 videos
3.69K files
9.49K links
simplified चा टेलिग्राम ग्रुप
(आपल्या मित्रांना जॉईन करा)

+ सिम्प्लिफाइड स्टडी
+newspaper सिम्प्लिफाइड
+job सिम्प्लिफाइड
+daily चालू घडामोडी टेस्ट
+अभ्यास आधारित टेस्ट


https://telegram.me/mpscsimplified
Download Telegram
Forwarded from Simplified Publication abhijit Thorbole
Simplified Year Book Sample Copy.pdf
13.8 MB
Forwarded from MPSC Mantra (Simplified Publication abhijit Thorbole)
❗️❗️buy online SIMPLIFIED PUBLICATION book❗️❗️
on Publication online store
👇👇👇👇👇👇👇👇👇👇

www.simplifiedpublication.in
🔳 Coming soon…
▪️With Detail Analysis
👍 Follow Us…


https://www.youtube.com/user/athorbole
🟪राज्यसभेच्या १८ जागांसाठी १९ जून रोजी निवडणुका; त्याच दिवशी जाहीर होणार निकाल

देशातील राज्यसभेच्या १८ जागांसाठी होणाऱ्या निवडणुका करोना व्हायरच्या पार्श्वभूमीवर पुढे ढकलण्यात आल्या होत्या. परंतु आता या निवडणुका १९ जून रोजी पार पडणार असल्याची माहिती निवडणूक आयोगानं दिली आहे. त्याच दिवशी संध्याकाळी पाच वाजता मतमोजणीही करण्यात येणार आहे. करोना व्हायरसच्या पार्श्वभूमीवर २६ मार्च रोजी होणाऱ्या या निवडणुकांना तात्पुरती स्थगिती देण्यात आली होती.

राज्यसभेच्या ५५ जागांसाठी २६ मार्च रोजी निवडणुका पार पडणार होत्या. ५५ पैकी ३७ उमेदवार हे बिनविरोध निवडून आले आहोत. परंतु १८ जागांवर निवडणूक प्रक्रिया पार पडणार होती. उर्वरित जागा या जागा आंध्र प्रदेश, झारखंड, मध्यप्रदेश, मणिपूर, राज्यस्थान, गुजरात आणि मेघालय या राज्यांच्या कोट्यातील आहेत.

राज्यसभेच्या १८ जागांसाठी १९ मे रोजी निवडणुका घेण्यात येणार आहे. तसंच त्याच दिवशी या निवडणुकांचे निकालही घोषित करण्यात येणार असल्याची माहिती मुख्य निवडणूक आयुक्त सुनिल अरोरा यांनी दिली. आंध्र प्रदेशच्या ४, झारखंडच्या २, मध्यप्रदेशातील ३, मणीपूरच्या एक, मेघालयच्या एक, राजस्थानच्या ३ आणि गुजरातच्या चार जागांसाठी ही निवडणुक प्रक्रिया पार पडणार आहे. १९ जून रोजी सकाळी ९ वाजल्यापासून मतदानाला सुरूवात होणार आहे.
🟪फेरीवाल्यांना दिलासा देणारी ‘पीएम स्वनिधी’ योजना

दिनांक 1 जून 2020 रोजी केंद्र सरकारने फेरीवाल्यांना दिलासा देणाऱ्या ‘पीएम स्वनिधी’ (PM-SVANIDHI) योजनेची घोषणा केली. PM-SVANIDHI याचे पूर्ण नाव “प्रधानमंत्री स्ट्रीट व्हेंडर आत्मनिर्भर निधी” असे आहे.

जवळपासचेन 50 लक्ष फेरीवाल्यांना या योजनेचा लाभ मिळू शकणार आहे.

▪️ठळक बाबी

या योजनेच्या अंतर्गत फेरीवाऱ्यालांना 10 हजार रुपयांपर्यंतचे कर्ज दिले जाणार आहे. पानवाले, केशकर्तनालय चालविणारे, चांभारांनाही याचा लाभ मिळणार आहे.

वर्षभरासाठी हे कर्ज दिले जाणार असून मासिक तत्त्वावर त्याची परतफेड करायची आहे. यावर 7 टक्के दराने व्याज आकारले जाणार असून वेळेवर कर्जफेड करणाऱ्यांनी भरलेले व्याज त्यांच्या बँक खात्यात परत केले जाणार आहे.

याशिवाय या फेरीवाल्यांना भविष्यात 20 हजार रुपये किंवा त्यापेक्षा जास्त रकमेचे कर्जही मिळू शकणार.नियमित बँकांशिवाय सहकारी बँका, लघू वित्त बँका, गैर बँकिंग वित्तीय संस्था इथूनही हे कर्ज मिळणार आहे.
▪️रशियाने बनवलं नवीन औषध, चार दिवसात रुग्ण करोनामुक्त झाल्याचा निष्कर्ष.

☄रशियाने करोना व्हायरसवर प्रभावी ठरणारे एक औषध विकसित केले आहे. पुढच्या आठवडयापासून रशियामध्ये करोनाची लागण झालेल्या रुग्णांवर या औषधाचा वापर सुरु होणार आहे. रशियाच्या आरोग्य यंत्रणेने हे औषध वापरण्यास मंजुरी दिली आहे. रॉयटर्सने हे वृत्त दिले आहे. या नव्या औषधामुळे आरोग्य यंत्रणेवरील ताण कमी होईल तसेच विस्कटलेली आर्थिक घ़डी रुळावर येऊन सर्वसामान्य जीवन हळूहळू पूर्वपदावर येईल अशी अपेक्षा आहे.

☄एविफेविर या नावाने औषधाची नोंदणी झाली आहे. पुढच्या आठवडयापासून म्हणजे ११ जूनपासून रशियन रुग्णालयांमध्ये करोना रुग्णांवर या अँटीव्हायरल औषधाने उपचार सुरु होणार आहेत. रशियाच्या आरडीआयएफ प्रमुखाने रॉयटर्सला ही माहिती दिली. एविफेविर औषध बनवणारी कंपनी महिन्याला ६० हजार रुग्णांवर उपचार करता येतील, इतक्या प्रमाणात औषध बनवणार आहे.

☄करोना व्हायरसचा फैलाव रोखणारी सध्या कुठलीही लस उपलब्ध नाहीय. आधीपासूनच अस्तित्वात असलेल्या काही औषधांच्या चाचण्या सुरु असून काही औषध प्रभाव सुद्धा ठरत आहेत. अमेरिकेतील गिलीयड सायन्सेस या कंपनीने बनवलेले रेमडेसिविर हे अँटीव्हायरल औषधही करोनावरील उपचारांमध्ये प्रभावी ठरत आहे.
🟪देशाचं नाव ‘इंडिया’ऐवजी ‘भारत’ करा, सर्वोच्च न्यायालयात आज सुनावणी.

भारतीय राज्यघटनेतून ‘इंडिया’ शब्द काढून टाकावा आणि केवळ ‘भारत’ हे नाव ठेवावे अशी मागणी करणारी याचिका सर्वोच्च न्यायालयात दाखल करण्यात आली आहे. आज या याचिकेवर सर्वोच्च न्यायालयात सुनावणी होणार आहे.

घटनेतील कलम १ मध्ये सुधारणा करून इंडिया हा शब्द हटवावा, असं याचिकाकर्त्याचं म्हणणं आहे. संविधानाच्या अनुच्छेद १ मध्ये सुधारणा करण्याचे आदेश देण्याची मागणी याचिकेतून करण्यात आली आहे. हा अनुच्छेद देशाच्या नावाशी संबंधित आहे. यामध्ये बदल करून इंडिया या इंग्रजी नावाऐवजी भारत नाव वापरावं, अशी मागणी याचिकेमध्ये आहे.

दिल्लीतील एका व्यक्तीने ही याचिका केली आहे. यापूर्वी, शुक्रवारी या याचिकेवर सुनावणी घेण्यात येणार होती. मात्र, सरन्यायाधीश शरद बोबडे अनुपस्थित असल्यानं सुनावणी यादीतून हे प्रकरण वगळण्यात आलं. त्यानंतर आज (दि.२) सरन्यायाधीश शरद बोबडे , न्या. ए.एस. बोपन्ना आणि न्या. ऋषिकेश रॉय यांच्या खंडपीठासमोर या याचिकेवर सुनावणी होणार आहे. करोना व्हायरसमुळे लॉकडाउन असल्याने सध्या सर्वोच्च न्यायालयात केवळ तातडीच्या याचिकांवर सुनावणी सुरु आहे.
🟪MSME उद्योगांना सक्षम करण्यासाठी ‘चॅम्पियन्स’ या तंत्रज्ञान व्यासपीठाचे उद्घाटन.

दिनांक 1 जून 2020 रोजी पंतप्रधान नरेंद्र मोदी यांच्या हस्त ‘चॅम्पियन्स’ (CHAMPIONS) या तंत्रज्ञान व्यासपीठाचा शुभारंभ करण्यात आला. हे व्यासपीठ लहान औद्योगिक एकाकांच्या तक्रारींचे निराकरण करून त्यांना प्रोत्साहन, पाठिंबा आणि मदत देण्यासाठी तसेच त्यांच्या विकासासाठी तयार करण्यात आले आहे.

चॅम्पियन्स (CHAMPIONS) याचे पूर्ण नाव “उत्पादन आणि राष्ट्रीय सामर्थ्य वाढविण्यासाठी आधुनिक प्रक्रियेची निर्मिती आणि सामंजस्यपूर्ण अनुप्रयोग” (Creation and Harmonious Application of Modern Processes for Increasing the Output and National Strength) असे आहे.

एकाच जागी सर्व उपाययोजना उपलब्ध करून देण्याचा सूक्ष्म, लघू आणि मध्यम उद्योग मंत्रालयाचा हा एक उपक्रम आहे. कोविड-19 महामारीच्या कठीण परिस्थितीत MSME उद्योगांना मदत करण्यासाठी आणि राष्ट्रीय व आंतरराष्ट्रीय विजेते होण्यास मदत करण्यासाठी ही ICT आधारित प्रणाली तयार केली गेली आहे.

▪️व्यासपीठाची उद्दीष्टे

वित्त, कच्चा माल, कामगार, नियामक परवानग्यांसह विशेषतः महामारीसारख्या कठीण परिस्थितीत निर्माण झालेल्या उद्योगांच्या अडचणी सोडविणे.
वैद्यकीय उपकरणे, PPE कीट, मास्क इ. सारख्या वैद्यकीय वस्तूंचे उत्पादन आणि त्यांचा राष्ट्रीय व आंतरराष्ट्रीय बाजारात पुरवठा होण्यात उद्योगांना नवीन संधी मिळविण्यात मदत करणे.

▪️व्यासपीठाविषयी

नियंत्रण कक्षासह ही तंत्रज्ञानाने सुसज्ज अशी व्यवस्थापन माहिती प्रणाली आहे. टेलिफोन, इंटरनेट आणि व्हिडिओ कॉन्फरन्स या ICT साधनांच्या व्यतिरिक्त, कृत्रिम बुद्धिमत्ता, माहितीचे विश्लेषण आणि मशीन लर्निंगद्वारे सक्षम करण्यात आलेली प्रणाली आहे.

हे वास्तविकपणे भारत सरकारच्या CPGRAMS हे मुख्य तक्रार निवारण मंच आणि MSME मंत्रालयाच्या स्वत:च्या इतर संकेतस्थळ-आधारित यंत्रणेसह वास्तविक वेळेत पूर्णपणे समाकलित केलेले आहे.

प्रणालीचा एक भाग म्हणून हब अँड स्पोक मॉडेलमध्ये नियंत्रण कक्षाचे जाळे तयार केले आहे. नवी दिल्ली येथील MSMEच्या सचिव कार्यालयात त्याचे मुख्य केंद्र आहे. तसेच आत्तापर्यंत, 66 राज्यस्तरीय नियंत्रण कक्ष स्थापन आणि कार्यान्वित केले आहेत.
🔳 Sovereign Gold Bond Scheme
➖➖➖➖➖➖➖➖➖➖➖➖➖➖
https://youtu.be/x3Iq2TnNXmw
🟪अरबी समुद्रात तयार झालेल्या वादळाचं नाव कोणी दिले?

अरबी समुद्रात तयार होणाऱ्या आगामी चक्रीवादळाचे नाव निसर्ग असे आहे. हे नाव बांगलादेशने सुचवले आहे.

उत्तर हिंदी महासागरामध्ये निर्माण होणाऱ्या चक्रीवादळांच्या नावांची नवी यादी भारतीय हवामानशास्त्र विभागाने (आयएमडी) गेल्या महिन्यात प्रसिद्ध केली होती.

नव्या यादीमध्ये अरबी समुद्र आणि बंगालच्या उपसागरालगतच्या 13 देशांनी सुचवलेल्या प्रत्येकी 13 अशा एकूण 169 नावांचा समावेश करण्यात आला आहे.

अरबी समुद्रातील आगामी चक्रीवादळापासून या नव्या यादीतील नावे चक्रीवादळांना देण्यात येणार आहेत.

देशात जुलैमध्ये सरासरीच्या 103% तर ऑगस्टमध्ये 97% पाऊस पडणार - IMD हवामान विभाग
🟪सूर्यावरील सूक्ष्म विस्फोटांचा लागला शोध.

पुण्यातील टाटा इन्स्टिट्यूट ऑफ फंडामेंटल रिसर्च (एनसीआरए- टीआयएफआर)च्या नॅशनल सेंटर फॉर स्ट्रोफिजिक्समधील वैज्ञानिकांनी सूर्याच्या सर्व भागांवर होणाऱ्या छोट्या विस्फोटातून निघणाऱ्या सूक्ष्म रेडिओ प्रकाशझोतांचा शोध लावला आहे.

तर या संशोधनाच्या माध्यमातून वैज्ञानिकांनी प्रथमच जगासमोर चुंबकीय विस्फोटाचे धूम्र लोट आढळून येत असल्याचे पुरावे मांडले आहे.

तसेच ”एनसीआरए मधील प्रा.दिव्य ओबेराय यांच्या मार्गदर्शनाखाली पीएचडी करत असलेला विद्यार्थी सुरजित मोंडल व डॉ. अतुल मोहन या शास्त्रज्ञांच्या गटाने हे संशोधन केले आहे.

‘मर्चीसन वाइल्ड फिल्ड रे (एमडब्ल्यूए)’या दुर्बिणीतून घेतलेल्या डाटा व एनसीआरए मध्ये तयार केलेल्या आधुनिक तांत्रिक प्रणालीच्या सहाय्याने हा शोध लावला आहे.

सूर्याच्या पृष्ठभागावर अंदाजे दोन दशलक्ष अंश तापमानाचा म्हणजेच सूर्याच्या पृष्ठभागापेक्षा 300 पट जास्त उष्ण वायूचा एक थर असतो.या थराची झलक संपूर्ण खग्रास सूर्यग्रहणादरम्यान आपल्याला पाहता येते
🟪राणी, मनिका, विनेशची ‘खेलरत्न’साठी शिफारस.

भारताच्या महिला हॉकी संघाची कर्णधार राणी रामपाल, कुस्तीपटू विनेश फोगट आणि टेबल टेनिसपटू मनिका बात्रा यांची क्रीडा क्षेत्रातील सर्वोच्च खेलरत्न पुरस्कारासाठी शिफारस करण्यात आली आहे.

तसेच महाराष्ट्राचा कुस्तीपटू राहुल आवारेची अर्जुन पुरस्कारासाठी शिफारस करण्यात आली आहे.राणीची हॉकी इंडियाकडून प्रतिष्ठेच्या खेलरत्न पुरस्कारासाठी शिफारस करण्यात आली आहे. त्याशिवाय हॉकीमध्ये वंदना कतारिया, मोनिका आणि हरमनप्रीत सिंग यांची अर्जुन पुरस्कारासाठी शिफारस करण्यात आली आहे.

राणीच्या नेतृत्वाखाली भारताने 2017 मध्ये आशिया चषक पटकावला होता. तिने 2019 मध्ये झालेल्या ऑलिम्पिक पात्रता स्पर्धेत निर्णायक गोल केल्याने भारताला टोक्यो ऑलिम्पिक क्रीडा स्पर्धेला पात्र ठरता आले.

भारतीय कुस्ती महासंघाकडून विनेशची खेलरत्न पुरस्कारासाठी निवड करण्यात आली आहे. विनेश पुढील वर्षी होणाऱ्या टोक्यो ऑलिम्पिक स्पर्धेसाठी पात्र ठरलेली भारताकडून एकमेव महिला कुस्तीपटू आहे.
🟪शेतमालाला किमान आधारभूत किंमतीच्या दीडपट दर.

पंतप्रधान नरेंद्र मोदी यांच्या अध्यक्षतेखाली मंत्रिमंडळाची बैठक पार पडली. यामध्ये एमएसएमई क्षेत्रासाठी काही महत्त्वपूर्ण घोषणा करण्यात आल्या.

तर करोनाच्या संकटकाळात एमएसएमई क्षेत्राचं महत्त्व ओळखून केंद्र सरकारनं त्यांना पॅकेज देण्याची घोषणा केली होती.

तसेच सोमवारी पार पडलेल्या बैठकीत आत्मनिर्भर भारत पॅकेज अंतर्गत घोषणांसाठी रोडमॅप तयार करण्यात आला. या घोषणांमुळे एमएसएमई क्षेत्रात गुंतवणूक वाढणार असून रोजगाराच्या संधीही उपलब्ध होणार असल्याची माहिती केंद्रीय मंत्री प्रकाश जावडेकर यांनी दिली

केंद्रीय मंत्री प्रकाश जावडेकर, नितीन गडकरी आणि नरेंद्र तोमर यांनी मंत्रिमंडळाच्या बैठकीत घेण्यात आलेल्या निर्णयांची माहिती दिली. या बैठकीत शेतकऱ्यांसाठीही मोठे निर्णय घेण्यात आले.

तर संकटात अडकलेल्या एमएसएमई क्षेत्रासाठी ईक्विटी मदत देण्याची घोषणा करण्यात आली आहे. या अंतर्गत 20 हजार कोटी रूपयांच्या मदतीच्या तरतूदीवर शिक्कामोर्तब करण्यात आली.

तसेच यामुळे संकटात अडकलेल्या 2 लाख एमएसएमईला फायदा होणार आहे. याव्यतिरिक्त 50 हजचार कोटी रूपयांच्या इक्विटी गुंतवणुकीचा प्रस्तावही पहिल्यांदा समोर आला आहे. यामुळे एमएसएमई उद्योगांना शेअर बाजाराती सूचिबद्ध होण्याची संधी मिळणार आहे.
🟪वादळांना नावं देण्याची सुरुवात कशी झाली?

उत्तर हिंदी महासागरातील चक्रीवादळाला स्वतंत्रपणे ओळखता यावे यासाठी 2004 पासून आयएमडीच्या पुढाकाराने अरबी समुद्र किंवा बंगालच्या उपसागराच्या क्षेत्रात निर्माण होणाऱ्या चक्रीवादळांचे नामकरण करण्यास सुरुवात झाली.

त्यासाठी चक्रीवादळांच्या प्रभावाखाली असणाऱ्या आठ देशांनी सुचवलेल्या एकूण 64 नावांच्या यादीचा वापर करण्यात आला. या यादीमधील सर्व नावे चक्रीवादळांना देण्यात आली.

त्यामुळे आयएमडीच्या पुढाकाराने चक्रीवादळांच्या नावांची नवी यादी तयार करण्यात आली. या यादीमध्ये पूर्वीच्या आठ देशांसह आणखी पाच देशांनी सुचवलेल्या नावांचाही समावेश करण्यात आला आहे.

बांगलादेश, भारत, इराण, मालदीव, म्यानमार, ओमन, पाकीस्तान, कतार, सौदी अरेबिया, श्रीलंका, थायलंड, युनायटेड अरब अमिरातीज (युएई) आणि येमेन अशा 13 देशांनी सुचवलेल्या प्रत्येकी 13 नावांचा नव्या यादीमध्ये समावेश करण्यात आला आहे.

इंग्रजी अद्याक्षरांनुसार सर्व देशांची यादी तयार करण्यात आली असून, त्यांनी सुचवलेली नावे 13 रकान्यांमध्ये मांडण्यात आली आहेत. नव्याने तयार होणाऱ्या चक्रीवादळाला रकान्यातील देशांच्या क्रमानुसार एका पाठोपाठ एक नाव देण्यात येईल. 13 देशांनी सुचवलेल्या पहिल्या नावांचा रकाना संपला की, दुसऱ्या रकान्यातील नावे देशांच्या क्रमवारीनुसार देण्यात येतील.

☄भारताने कुठली नावे सुचवली आहेत?

चक्रीवादळांच्या नव्या यादीमध्ये भारताने सुचवलेल्या गती, तेज, मुरासू, आग, व्योम, झोर, प्रोबाहो, नीर, प्रभंजन, घुरनी, अंबुड, जलाधी आणि वेग या 13 नावांचा समावेश करण्यात आला आहे.

☄चक्रीवादळाला नाव कशासाठी ?

प्रत्येक चक्रीवादळाला स्वतंत्रपणे ओळखता यावे.

त्याच्या समुद्रावरील विकासाविषयी जनजागृती व्हावी.

एकाच वेळी दोन किंवा अधिक चक्रीवादळे निर्माण झाल्यास संभ्रम निर्माण होऊ नये.

चक्रीवादळ स्मरणात राहावे.

चक्रीवादळाविषयीची माहिती कमी वेळात अधिकाधिक लोकांपर्यंत पोहोचावी.

☄मुंबईत याआधी कधी वादळ धडकले होते?

मुंबई लगतच्या कोकण किनारपट्टीवर चक्रीवादळ धडकण्याची घटना दुर्मिळ मानली जाते.

गेल्या पन्नास वर्षांत 1968 आणि 2009 या दोन वर्षी उत्तर कोकणात चक्रीवादळ धडकल्याची उदाहरणे आहेत.

1968चे चक्रीवादळ हर्णै येथे, तर 2009 मध्ये फियान चक्रीवादळ अलिबाग आणि मुंबई यांच्या दरम्यान किनारपट्टीला धडकले होते.

आता 11 वर्षांनी उत्तर कोकणात चक्रीवादळ धडकण्याची शक्यता निर्माण झाली आहे.

☄आतापर्यंतची विनाशकारी चक्रीवादळं कुठली ठरली?

भारतीय उपखंडात 1970 पासून 13 विनाशकारी चक्रीवादळे येऊन गेली ज्यांच्या वाऱ्यांचा वेग ताशी 200 किलोमीटरपेक्षा अधिक होता.

1970 मध्ये बांग्लादेशातील चित्तगोंग मध्ये धडकलेल्या चक्रीवादळाच्या तडाख्यात तीन लाख लोक मृत्युमुखी पडले होते.

29 ऑक्टोबर 1999 रोजी ओडीशातील पारादीपजवळ धडकलेल्या सुपर सायक्लोन मध्ये 15 हजार नागरिकांना आपले प्राण गमवावे लागले होते
▪️1.5 कोटी दुग्ध व्यवसायिकांसाठी किसान क्रेडिट कार्ड (KCC) अभियान सुरु.

केंद्रीय सरकार 1 जून ते 31 जुलै 2020 या दिन महिन्यात एका विशेष मोहिमेच्या अंतर्गत दुग्ध संघ आणि दुग्ध उत्पादक कंपन्याशी निगडीत 1.5 कोटी दुग्ध उत्पादक शेतकऱ्यांना किसान क्रेडिट कार्ड (KCC) प्रदान करणार आहे.

पशुसंवर्धन व दुग्धव्यवसाय विभाग यांनी वित्तीय सेवा विभागाच्या सहकार्याने या मोहिमेची अंमलबजावणी प्रभावीपणे करण्यासाठी सर्व परिपत्रक व KCC अर्जाचा नमुना सर्व राज्य दूध महासंघ व दूध संघांना पाठविला आहे.

1.5 कोटी दुग्ध उत्पादकांना KCC देण्याची विशेष मोहीम ही पंतप्रधानांच्या आत्मनिर्भर भारत निधी योजनेचा एक भाग आहे.

▪️ठळक बाबी.

दुग्ध सहकारी चळवळी अंतर्गत अंदाजे 1.7 कोटी शेतकरी देशातल्या 230 दुग्ध संघाशी निगडीत आहेत.या मोहिमेच्या पहिल्या टप्प्यात दुग्ध सहकारी संस्था आणि विविध दूध संघांशी संबंधित आणि KCC नसलेल्या सर्व शेतकऱ्यांना यात सामावून घेण्याचे लक्ष्य ठेवण्यात आले आहे.

ज्या शेतकऱ्यांकडे आधीपासून भूमी-स्वामित्वाच्या आधारे KCC आहे, त्यांची KCC पत मर्यादा वाढविली जाऊ शकते, असे असले तरी त्यांना 3 लक्ष रुपयांच्या मर्यादेपर्यंत व्याजात सूट उपलब्ध असणार आहे.

तथापि, तारणशिवाय KCC पतपुरवठा करण्याची सर्वसाधारण मर्यादा 1.6 लक्ष रुपये एवढी आहे, परंतु जे शेतकऱ्यांचे दुग्ध थेट संघाकडून खरेदी केले जाते, अशा दुग्ध उत्पादक शेतकऱ्यांच्या बाबतीत कोणत्याही मध्यस्थाविना दुग्ध उत्पादक आणि प्रक्रिया करणारे एकक यामध्ये करार झालेला असतो, त्यामुळे त्यांना देण्यात येणाऱ्या विना तारण कर्जाची सीमा 3 लक्ष रुपयांपर्यंत असू शकते. यामुळे दुग्ध संघाशी संबंधित दुग्ध उत्पादक शेतकर्‍यांसाठी अधिक पत उपलब्धतेची तसेच बँकांना कर्जाची परतफेड करण्याचे आश्वासन मिळणार.

▪️पार्श्वभूमी.

15 मे 2020 रोजी अर्थमंत्र्यांनी KCC योजनेच्या अंतर्गत 2.5 कोटी नवीन शेतकर्‍यांना संरक्षण देण्याची घोषणा केली होती. यामुळे सध्या सुरु असलेल्या अर्थव्यवस्थेच्या कोंडीमुळे त्रस्त असलेल्या शेतकर्‍यांना पाच लक्ष कोटीं रुपयांचे अतिरिक्त खेळते भांडवल मिळणार.

▪️गेल्या 5 वर्षात 6 टक्क्यांहून अधिक CAGRसह दुग्धव्यवसाय हे अर्थव्यवस्थेच्या वेगाने विकसित होणार्‍या क्षेत्रांपैकी एक आहे. दुग्ध उत्पादक शेतकऱ्यांना त्यांच्या खेळते भांडवल आणि विपणनाच्या गरजा भागविण्यासाठी अल्प मुदतीचे कर्ज उपलब्ध करून दिल्यामुळे त्यांची उत्पादकता मोठ्या प्रमाणात वाढणार.

▪️किसान क्रेडिट कार्ड योजना.

किसान क्रेडिट कार्ड योजना ही भारतीय बँकांनी ऑगस्ट 1998 मध्ये सुरू केलेली पतपुरवठा योजना आहे. आर.व्ही. गुप्ता समितीच्या शिफारशीवरून कृषी गरजांसाठी मुदत कर्ज उपलब्ध करुन देण्यासाठी ही योजना राष्ट्रीय कृषी व ग्रामीण विकास बँकेनी (NABARD) तयार केली आहे.

या योजनेमधून शेतीसाठी व शेतीपूरक व्यवसायांसाठी खेळते भांडवल पुरविले जाते. यात 10-20 टक्के आकस्मिक खर्चाची तरतूद आहे. शेतकऱ्याला पतपुस्तिका व चेक बुक दिले जाते. पिकविमा तसेच वैयक्तिक अपघात विमा देखील मिळतो.
🟪रशियाने बनवलं नवीन औषध.

रशियाने करोना व्हायरसवर प्रभावी ठरणारे एक औषध विकसित केले आहे.

पुढच्या आठवडयापासून रशियामध्ये करोनाची लागण झालेल्या रुग्णांवर या औषधाचा वापर सुरु होणार आहे. रशियाच्या आरोग्य यंत्रणेने हे औषध वापरण्यास मंजुरी दिली आहे.

तर या नव्या औषधामुळे आरोग्य यंत्रणेवरील ताण कमी होईल तसेच विस्कटलेली आर्थिक घ़डी रुळावर येऊन सर्वसामान्य जीवन हळूहळू पूर्वपदावर येईल अशी अपेक्षा आहे.

तसेच एविफेविर या नावाने औषधाची नोंदणी झाली आहे. पुढच्या आठवडयापासून म्हणजे 11 जूनपासून रशियन रुग्णालयांमध्ये करोना रुग्णांवर या अँटीव्हायरल औषधाने उपचार सुरु होणार आहेत.

एविफेविर औषध बनवणारी कंपनी महिन्याला 60 हजार रुग्णांवर उपचार करता येतील, इतक्या प्रमाणात औषध बनवणार आहे.