MPSC SIMPLIFIED(official)
34.4K subscribers
34.8K photos
52 videos
3.69K files
9.49K links
simplified चा टेलिग्राम ग्रुप
(आपल्या मित्रांना जॉईन करा)

+ सिम्प्लिफाइड स्टडी
+newspaper सिम्प्लिफाइड
+job सिम्प्लिफाइड
+daily चालू घडामोडी टेस्ट
+अभ्यास आधारित टेस्ट


https://telegram.me/mpscsimplified
Download Telegram
🟪योगी आदित्यनाथ मजुरांच्या खात्यात पाठवणार 104 कोटी रुपये, 10 लाख 48 हजार

लॉकडाउनचा सर्वाधिक फटका मजुरांना बसला असून हातावर पोट असल्याने त्यांच्यावर उपासमारीची वेळ आली आहे.

अशा मजुरांच्या खात्यात थेट पैसे पाठवण्याचा निर्णय उत्तर प्रदेशचे मुख्यमंत्री योगी आदित्यनाथ यांनी केला आहे.

तर राज्यातील प्रत्येक मजुराच्या खात्यात एक हजार रुपये ट्रान्सफर केले जाणार आहे.

राज्यातील 10 लाख 48 हजार 666 मजुरांना याचा लाभ मिळणार असून यासाठी राज्य सरकारला 104 कोटी खर्च करावे लागणार आहेत.

तसेच याआधी स्थलांतरित मजुरांच्या खात्यात 611 कोटी रुपये ट्रान्सफर करण्यात आले आहेत.
🟪खासगी प्रयोगशाळांत 2,200 रुपयांत चाचण्या

राज्यातील खासगी प्रयोगशाळांमध्ये केल्या जाणाऱ्या कोरोना चाचण्यांसाठी आता जास्तीतजास्त 2,200 रुपये इतका दर आकारला जाणार असून, रुग्णाच्या घरी जाऊन स्वॅब घेतल्यास त्यासाठी 2,800 रुपये इतका दर निश्चित करण्यात आला आहे.

तर 2 जून रोजी आरोग्य विभागाचे प्रधान सचिव डॉ. प्रदीप व्यास यांच्या स्वाक्षरीने समिती गठित करण्याचा शासन निर्णय जाहीर करण्यात आला होता.

तसेच राज्यात खासगी प्रयोगशाळा कोरोना चाचणीसाठी 4,500 रुपये आकारत होत्या. घरी जाऊन स्वॅब घेतला त्यासाठी पीपीई कीटचा वापर यामुळे 5,200 रुपये आकारले जात होते. मात्र, समितीने केलेला अभ्यास आणि काढलेल्या निष्कर्षावरून आता राज्यात कोरोना चाचणीसाठी जास्तीत जास्त 2,200 रुपये आकारले जातील, तर घरी जाऊन केलेल्या चाचणीसाठी 2,800 रुपये आकारले जातील.
🟪बॉलिवूड अभिनेते रतन चोप्रा यांचं निधन

बॉलिवूड अभिनेता रतन चोप्रा यांचं प्रदीर्घ आजाराने निधन झालं आहे. गेल्या कित्येक दिवसांपासून ते कर्करोगाना त्रस्त होते. अखेर पंजाबमधील मलेर कोटला येथे राहत्या घरी त्यांचं निधन झालं. 'मोम की गुडियाँ' या चित्रपटामधून ते घराघरात पोहोचले होते. रतन चोप्रा यांच्या मुलीने त्यांच्या निधनाची माहिती दिली. आर्थिक चणचण असल्यामुळे त्यांच्यावर योग्य ते उपचार करता न आल्याचं सांगण्यात येत आहे.

'इंडिया टुडे'नुसार रतन चोप्रा यांना जानेवारी २०२० मध्ये कर्करोगाचं निदान झालं होतं. त्यानंतर त्यांची प्रकृती दिवसेंदिवस खालावत होती. त्यामुळे उपचारासाठी त्यांनी काही बॉलिवूड कलाकारांकडे आर्थिक मदतही मागितली होती. मात्र त्यांना मदत मिळाली नाही. यातच उपचाराअभावी त्यांचं निधन झालं.
दरम्यान,रतन चोप्रा यांनी लग्न केलं नव्हतं. मात्र त्यांनी अनिता या मुलीला दत्तक घेतलं होतं. त्यामुळे त्यांच्या पश्चात केवळ अनिताच आहे. रतन चोप्रा यांनी १९७२ मध्ये 'मोम की गुडियाँ' या चित्रपटात काम केल्यानंतर त्यांच्याकडे अनेक चित्रपटांच्या रांगा लागल्या होत्या. त्यामुळे ते त्याकाळी कलाविश्वातील लोकप्रिय अभिनेता होते.
🟪ज्येष्ठ खगोलशास्त्रज्ञ डॉ.आर.व्ही.भोसले यांचे निधन

भारतातील पहिली रेडिओ टेलीस्कोपिक दुर्बीण तयार करण्यात योगदान देणारे जेष्ठ खगोलशास्त्र शास्त्रज्ञ प्रा. डॉ. राजाराम विष्णू तथा आर. व्ही. भोसले (वय - ९२) यांचे येथे आज (रविवार) दुपारी निधन झाले.

१२ नोव्हेंबर १९२८ त्यांचा बस्तवडे,ता.कागल जि.कोल्हापूर येथे येथे जन्म झाला. शिक्षणासाठी ते येथील प्रिन्स शिवाजी मराठा बोर्डिंग मध्ये वास्तव्यास होते. राजाराम महाविद्यालयात बी. एस्सी झाल्यानंतर पुणे येथे एम. एस्सी साठी गेले. अहमदाबाद येथे डॉ.विक्रम साराभाई यांच्या फिजिकल रिसर्च लॅबोरेटरी येथे संशोधन सहायक म्हणून रुजू झाले. १९६० मध्ये पीएच. डी. प्राप्त केली.

तेव्हा भारतातील पहिली रेडिओ टेलीस्कोपिक दुर्बीण तयार करण्यात त्यांची महत्वपूर्ण कामगिरी होती. कॅनडा येथे संशोधन कार्य केल्या नंतर ते अमेरिकेत ‘नासा’साठी 'व्हिजिटिंग रिसर्च आसोसिऐट 'म्हणून रुजू झाले. पुन्हा भारतात येऊन १५ वर्षे अहमदाबाद येथे सशोधन क्षेत्रात कार्यरत राहिले. डॉ. साराभाई, डॉ. रमानाथन, डॉ. अब्दुल कलाम, डॉ. यु.आर. राव अशा दिगग्ज शास्त्रज्ञांचा सहवास त्यांना लाभला.

निवृत्ती नंतर कोल्हापूर येथील शिवाजी विद्यापीठामध्ये ‘ऑनररी प्रोफेसर ऑफ स्पेस सायन्स’ म्हणून कार्यरत झाले. पन्हाळा येथे अवकाश निरीक्षण केंद्र व दुर्बीण ,प्रयोगशाळा , वेधशाळा निर्मिती केली. महालक्ष्मी मंदिरातील किरणोत्सव, पंचगंगा प्रदूषण, रंकाळा तलाव संवर्धनासाठी त्यांनी मार्गदर्शनपर काम केले. विज्ञान प्रबोधिनी, निसर्ग मित्र, मराठी विद्यान परिषद आदि संघटनामध्ये ते कार्यरत होते. त्यांना कोल्हापूर भुषण, पुरस्कार मिळाला होता. डी. वाय. पाटील विद्यापीठाने डि.लीट उपाधी देखील दिली होती.
🟪सीमेवरुन तणाव असतानाच नेपाळचा मोठा निर्णय, संसदेत विधेयकही केलं मंजूर

सीमारेषेवरुन भारतासोबत तणाव वाढत असताना नेपाळने नव्या नकाशाला मंजुरी दिली आहे. नेपाळच्या संसदेत घटनात्मक दुरुस्ती विधेयकाला मंजुरी देण्यात आली. यासोबत नेपाळने भारतासोबत चर्चेचे दरवाजे बंद करण्याच्या दिशेने पाऊल टाकलं असल्याचं बोललं जात आहे. नेपाळने नव्या नकाशात कालापानी-लिंपियाधुरा-लिपुलेक हे प्रदेश आपल्या अख्त्यारित असल्याचं दाखवलं आहे.

नेपाळमधील कनिष्ठ सभागृहात हे विधेयक मंजूर करण्यात आलं आहे. नेपाळच्या संसदेत २७५ सदस्य असून २५८ जणांनी विधेयकाच्या बाजूने मतदान केलं. कनिष्ठ सभागृहात मंजूर झाल्यानंतर आता हे विधेयक वरील सभागृहात पाठवलं जाईल. तिथेही त्यांना विधेयक मंजूर करुन घ्यावं लागणार आहे.

विधेयकावर चर्चा करुन ते मंजूर करण्यासाठी सभागृहातील सदस्यांना ७२ तासांचा वेळ मिळणारआहे. मंजुरीनंतर हे विधेयक मंजुरीसाठी राष्ट्रपती बिंधिया देवी भंडारी यांच्याकडे पाठवलं जाईल. यानंतर त्याचा घटनेत समावेश होईल.

कालापानी-लिंपियाधुरा-लिपुलेक हे प्रदेश कोणत्याही परिस्थितीत नेपाळच्या नकाशामध्ये परत आणले जातील, अशा इशारा याआधी नेपाळचे पंतप्रधान के.पी.ओली यांनी दिला होता.

भारताने लिपूलेख पासपर्यंत बांधलेल्या मार्गावर नेपाळने आक्षेप घेतला होता. लिपुलेख आणि कालापानी हा नेपाळचाच भाग असल्याचा नकाशा प्रकाशित करण्याचा निर्णयही नेपाळच्या मंत्रिमंडळाच्या बैठकीनंतर घेण्यात आला होता.

काय आहे वाद ?

भारताने लिपुलेख येथे मानसरोवर लिंक तयार करण्यावर नेपाळने तिखट प्रतिक्रिया देली होती. कालापानी, लिंपियाधुरा, लिपुलेक आपल्या सीमेत येत असल्याचा नेपाळचा दावा आहे. नेपाळने उत्तरादाखल नकाशाही जारी केला आहे.

रस्त्याच्या उतरात नवा नकाशा
केंद्रीय संरक्षणमंत्री राजनाथ सिंग यांनी लिपुलेख ते कैलास मानसरोवरपर्यंत बांधल्या जाणाऱ्या रस्त्याचं उद्घाटन केलं होतं. तेव्हापासून नेपाळने याचा विरोध सुरु केला. १८ मे रोजी नेपाळने नवा नकाशाही जारी केला. नेपाळने भारताच्या सार्वभौमत्व आणि प्रादेशिक अखंडतेचा सन्मान केला पाहिजे असं भारताने स्पष्ट सांगितलं होतं. तसंच चर्चेतून मुद्दा सोडवला जाऊ शकतो अशी परिस्थिती पंतप्रधानांनी निर्माण केलं पाहिजे असंही सांगितलं होतं.
🟪भारत-चीन वाद: भारताच्या मदतीसाठी पॅसिफिक महासागरात अमेरिकेने तैनात केल्या तीन विमानवाहू युद्धनौका

भारत आणि चीनमध्ये लडाख सीमेजवळ मागील काही दिवसांपासून सुरु असणारा सीमावाद हा जगभरामध्ये चर्चेचा विषय ठरत आहे. याच कालावधीमध्ये मागील काही आठवड्यांमध्ये जगभरामध्ये करोनाचा प्रादुर्भाव होण्यासाठी चीनच जबाबदार असल्याचा आरोप करणाऱ्या अमेरिका आणि चीनमधील संबंधही कमालीचे ताणले गेले आहेत. भारत आणि चीन वादामध्ये अमेरिकेने कायमच भारताला उघडपणे पाठिंबा दर्शवला आहे. याच सर्व पार्श्वभूमीवर पॅसिफिक महासागरामध्ये मागील तीन वर्षांमध्ये पहिल्यांदाच विमानवाहू नौका तैनात केल्या आहेत.

मागील काही दिवसांपासून अमेरिकेच्या तीन विमानवाहू नौका पॅसिफिक महासागरामध्ये चीनच्या समुद्र सीमांपासून काही अंतरावर गस्त घालत आहेत. यासंदर्भातील वृत्त पीटीआयने दिलं आहे. अमेरिकेने नियुक्त केलेल्या या युद्ध नौका हे चीनसाठी मोठे आव्हान असल्याचे सांगण्यात येत आहे.
🟪रशियाच्या विजयी दिनाच्या परेडमध्ये पहिल्यांदाच भारताच्या तिन्ही सैन्य दलांचा सहभाग

पहिल्यांदाच भारतानं आपल्या सैन्याच्या तिन्ही दलांना रशियातील मॉस्कोमध्ये पार पडणाऱ्या वर्षिक परेडमध्ये पाठवण्याचा निर्णय घेतला आहे. आतापर्यंत या परडेमध्ये केवळ लष्कराचा सहभाग होता.

परंतु 24 जून रोजी पार पडणाऱ्या या परेडमध्ये
📌 लष्कर,
📌 हवाईदल आणि
📌 नौदलही सहभागी होणार आहे.

रशियानं या परेडसाठी पंतप्रधान नरेंद्र मोदी यांना निमंत्रण दिलं होतं. परंतु करोना व्हायरसच्या पार्श्वभूमीवर पंतप्रधान त्या परेडमध्ये सहभागी होण्याची शक्यता नसल्याचं म्हटलं जात आहे.

परंतु भारतीय सैन्याची तिन्ही दलांकडून आपल्या ताकदीचं प्रदर्शन केलं जाणार आहे.

रशियामध्ये दरवर्षी ९ मे रोजी विजय दिवसाच्या निमित्तानं या परेडचं आयोजन केलं जातं. परंतु करोनामुळे यावेळी त्याचं आयोजन पुढे ढकलण्यात आलं.

१९४५ मध्ये नाझी जर्मनीच्या शरणागती पत्करल्यानंतर हा दिवस विजय दिवस म्हणून साजरा करण्यात येतो. .
रिझर्व्ह बँकेनी बँकेचे CEO आणि पूर्ण-वेळ संचालकांसाठी कमाल वयोमर्यादा 70 वर्ष करण्याचा प्रस्ताव मांडला

बँकिंग क्षेत्रातला कारभार सुव्यवस्थित करण्याच्या अभ्यासाचा एक भाग म्हणून, भारतीय रिझर्व्ह बँकेनी बँकेच्या मुख्य कार्यकारी अधिकारी आणि पूर्ण-वेळ संचालक या पदांसाठी कमाल वयोमर्यादा 70 वर्ष करण्याचा आणि प्रवर्तक गटाशी संबंधित असलेल्यांसाठी जास्तीत जास्त 10 वर्षाचा कार्यकाळ करण्याचा प्रस्ताव मांडला आहे.

चांगल्या प्रशासन प्रवृत्तीची प्रबळ संस्कृती क्षेत्रात रुजविण्यासाठी आणि मालकांना व्यवस्थापनातून वेगळे करण्याचे सिद्धांत अवलंबण्यासाठी मुख्य कार्यकारी अधिकारी आणि पूर्ण-वेळ संचालक या पदांसाठीचा कार्यकाळ मर्यादित ठेवणे इष्ट आहे, असे प्रस्तावात स्पष्ट करण्यात आले आहे.
🟪निधन = आर. व्ही. भोसले

भारतात पहिला रेडिओस्कोप तयार करणारे व डॉ. ए. पी. जे. अब्दुल कलाम यांच्यासोबत काम करणारे ज्येष्ठ खगोलशास्त्रज्ञ 'कोल्हापूर भूषण' आर. व्ही. भोसले यांचे वृद्धापकाळाने निधन झाले.

डॉ. भोसले हे मूळचे कोल्हापूर जिल्ह्यातील बस्तवडे (ता. कागल) गावचे. पुणे विद्यापीठातून ते बी. एस्सी. ऑनर्स (मॅथेमेटिक्स फिजिक्स) झाले. गुजरात विद्यापीठातून त्यांनी १९६० मध्ये पी.एचडी. घेतली. ‘आयनोस्फेरिक फिजिक्स’ विषयावर त्यांनी शोधप्रबंध सादर केला होता. इंडियन अकडेमिक ऑफ सायन्सेसची (बंगळुरू) फेलोशिपही त्यांना मिळाली होती. ते ' इंडियन फिजिक्स असोसिएशन 'चे (मुंबई) अजीव सदस्य होते.
🟪देशी खेळांना प्रोत्साहन देण्यासाठी फिट इंडिया चळवळ आणि मनुष्यबळ मंत्रालयात करार

🅾एक भारत, श्रेष्ठ भारत’ उपक्रमांतर्गत भारतातल्या 10 देशी खेळांना प्रोत्साहन देणार्‍या विशेष चित्रपटांची मालिका सुरू करण्यासाठी युवा कल्याण व क्रिडा मंत्रालयाचा ‘फिट इंडिया’ कार्यक्रम आणि मनुष्यबळ विकास मंत्रालयाचा शालेय शिक्षण व साक्षरता विभाग यांच्यादरम्यान करार झाला.

🅾भारतीय तरुणांपर्यंत पोहचण्यासाठी आणि देशी खेळांच्या समृद्ध वारसा प्रदर्शित करण्याच्या प्रयत्नात हा उपक्रम सुरू करण्यात आला आहे. भारतीय खेळांविषयी जागृती निर्माण करणे आणि या खेळाशी संबंधित असलेल्या राज्यांविषयी जागृती करणे हे या कार्यक्रमाचे उद्दीष्ट आहे.

🅾या कार्यक्रमातून गटका, कबड्डी, कलारिपयट्टू, खो-खो, मल्लखांब, रोल बॉल, स्के, शूटिंग बॉल, थांग-ता आणि रस्सीखेच या खेळांना प्रोत्साहन दिले जाणार आहे.
🟪रशियाच्या विजयी परेडमध्ये पहिल्यांदाच भारताच्या तिन्ही सैन्य दलांचा सहभाग

🅾पहिल्यांदाच भारतानं आपल्या सैन्याच्या तिन्ही दलांना रशियातील मॉस्कोमध्ये पार पडणाऱ्या वर्षिक परेडमध्ये पाठवण्याचा निर्णय घेतला आहे.

🅾आतापर्यंत या परडेमध्ये केवळ लष्कराचा सहभाग होता. परंतु 24 जून रोजी पार पडणाऱ्या या परेडमध्ये लष्कर, हवाईदल आणि नौदलही सहभागी होणार आहे.

🅾रशियानं या परेडसाठी पंतप्रधान नरेंद्र मोदी यांना निमंत्रण दिलं होतं.
भारतीय सैन्याची तिन्ही दलांकडून आपल्या ताकदीचं प्रदर्शन केलं जाणार आहे.

🅾1945 मध्ये नाझी जर्मनीच्या शरणागती पत्करल्यानंतर हा दिवस विजय दिवस म्हणून साजरा करण्यात येतो.

🅾1945 मध्ये नाझी जर्मनीच्या शरणागती पत्करल्यानंतर हा दिवस विजय दिवस म्हणून साजरा करण्यात येतो.

🅾गेल्यावर्षी व्लादिवोस्तोकमध्ये झालेल्या भेटीदरम्यान रशियाचे राष्ट्राध्यक्ष व्लादिमीर पुतिन यांनी पंतप्रधान नरेंद्र मोदी यांना विजयी दिवसाच्या परेडमध्ये सहभागी होण्यासाठी निमंत्रण दिलं होतं.

🅾आता भारतीय लष्कर, हवाई दल आणि नौदलाचे 75 ते 80 जवान 19 जून रोजी या परेडमध्ये सहभागी होण्यासाठी रवाना होणार आहे.यावर्षी रशियाच्या विजयी दिवसाचं 75 वं वर्ष असल्यानं रशियानं अनेक देशांच्या राष्ट्राध्यक्षांना निमंत्रण दिलं होतं
🟪कृषिवनीकरण शेतकर्‍यांना उद्योगाशी जोडण्यासाठी वेबिनारचे आयोजन

🔰13 जून 2020 रोजी कृषीवनीकरण क्षेत्रातल्या शेतकर्‍यांना उद्योगाशी जोडण्यासाठी आणि वाण / प्रजातींची योग्य निवड करण्यात शेतकऱ्यांना मदत करण्यासाठी अंमलबजावणी करणार्‍या राज्यांमध्ये जनजागृती करण्याबाबत उपाययोजना आणि चर्चा करण्यासाठी वेबिनार (आभासी परिसंवाद) आयोजित करण्यात आले होते. कृषी सहकार्य व शेतकरी कल्याण विभागाचे सचिव संजय अग्रवाल या कार्यक्रमाचे उद्घाटन केले.

🔴कार्यक्रमादरम्यान, कृषी क्षेत्रातल्या विविध सुधारणा अधोरेखित केल्या गेल्या. त्यामध्ये पुढील बाबींचा समावेश होता –

🔰1.63 लक्ष कोटी रुपये खर्च
आंतरराज्यीय व्यापारातले अडथळे दूर करून आणि कृषी उत्पादनांची ई-ट्रेडिंग सुविधा पुरवून खऱ्या अर्थाने राष्ट्रीय बाजारपेठ स्थापन करण्यासाठी आणि शेतकऱ्यांना जिथे शेतमाल विक्री करायची आहे तेथे बाजारपेठ निवडण्याचा पर्याय उपलब्ध करुन देण्यासाठी ‘शेतमाल व्यापार आणि वाणिज्य (प्रोत्साहन व सुविधा) अध्यादेश 2020’शेतकर्‍यांना अतिरिक्त उत्पन्न, विशेषत: महिला बचत गटांसाठी रोपवाटिका, हिरवा चारा, शेंगायुक्त प्रजाती लागवडीद्वारे खतांची गरज कमी करणे, हवामान बदलाशी लढा देण्यासाठी कार्बन कमी करणे यांसारखे कृषीवनीकरणाचे बहुविध उपयोग

🔴चर्चा झालेल्या इतर बाबी

🔰पंतप्रधानांनी आपल्या स्थानिकांसाठी केलेले व्होकल फॉर लोकल आवाहन कृषीवनीकरणासाठी अगदी संयुक्तिक आहे. काही महत्त्वपूर्ण वस्तूंमधील आयात अवलंबत्व कमी करण्यासाठी कृषीवनीकरण उद्योगांना कच्च्या मालाचा पुरवठा वाढविण्यास हातभार लावू शकते.

🔰औषधी आणि सुगंधी वनस्पती, रेशीम, लाख, कागद व लगदा, जैव-इंधन उत्पादनासाठी वृक्षजन्य तेलबिया अश्या अनेक क्षेत्रामुळे शेतकर्‍यांना त्वरित परतावा मिळतो आणि उद्योगांची गरज पूर्ण होते.

🔰आयातीवर अवलंबून असलेल्या कागद उद्योगांना कच्च्या मालाच्या पुरवठ्यात येणाऱ्या अडचणीं संबंधित विषयांवर चर्चा झाली.

🔰राज्यांना पेरणीपूर्व, लागवड आणि कापणी दरम्यान पिकाच्या धर्तीवर कंत्राटी शेतीला प्रोत्साहन देण्याचा सल्ला देण्यात आला.

🔴पार्श्वभूमी

🔰2014 साली राष्ट्रीय कृषीवनीकरण धोरण आखणारा भारत हा जगातला पहिला देश ठरला आहे. राज्यांना शेतकऱ्यांना पिकांसह वृक्ष लागवडीचा अवलंब करण्यास प्रोत्साहित करता यावे यासाठी पाठपुरावा म्हणून 2015 साली कृषीवनीकरण उप-मोहीम सुरू करण्यात आली. ICAR आणि ICFRE यासह संशोधन संस्थांकडून कृषिवनीकरण मॉडेल क्षेत्र निहाय विकसित केली गेली आहेत. ही योजना सध्या देशातील 21 राज्यात राबवली जात आहे.
🟪12 मोठ्या सामंजस्य करारांवर मुख्यमंत्र्यांचं स्वाक्षऱ्या

🔸महाराष्ट्रातील अर्थचक्र गती देण्यासाठी 12 मोठ्या सामंजस्य करारांवर सोमवारी मुख्यमंत्री उद्धव ठाकरे यांच्या उपस्थितीत स्वाक्षºया होणार असल्याची माहिती सूत्रांनी दिली.या करारांमुळे आपला मॅग्नेटिक महाराष्ट्र 2.0 ची सुरुवात होईल.

🔸त्यात प्लग अँड प्ले इन्फ्रास्ट्रक्चर, 40,000 एकराहून अधिक क्षेत्रफळाची लँडबँक, लवचिक भाड्याने आणि किंमतीची रचना, महापरवाना च्या माध्यमातून 48 तासात स्वयंचलित परवानग्या, विशेष कामगार संरक्षण मार्गदर्शन व स्थानिक कौशल्य यासाठी कामगार ब्युरो यासारखे वैशिष्ट्यपूर्ण उपक्रम आहेत.

🔸या सामंजस्य कराराद्वारे अमेरिका , चीन , दक्षिण कोरिया, सिंगापूर व भारतातील मोठ्या उद्योगांनी गुंतवणूक करण्यास सहमती दिली असून ते अभियांत्रिकी, वाहन व वाहन घटक, माहिती तंत्रज्ञान, लॉजिस्टिक, रासायनिक, अन्न प्रकिया व इतर क्षेत्रात गुंतवणूक करणार आहेत. यामुळे राज्यात मोठ्या प्रमाणावर गुंतवणूक होऊन रोजगारदेखील उपलब्ध होईल, असा दावाही सूत्रांनी केला.