MPSC SIMPLIFIED(official)
34.4K subscribers
34.8K photos
52 videos
3.69K files
9.49K links
simplified चा टेलिग्राम ग्रुप
(आपल्या मित्रांना जॉईन करा)

+ सिम्प्लिफाइड स्टडी
+newspaper सिम्प्लिफाइड
+job सिम्प्लिफाइड
+daily चालू घडामोडी टेस्ट
+अभ्यास आधारित टेस्ट


https://telegram.me/mpscsimplified
Download Telegram
Forwarded from Nagesh Patil
🟪 SIMPLIFIED REVISION SESSION Sub- INDIAN POLITY
▬▬▬▬▬▬▬▬▬▬▬▬▬▬
🎯संपूर्ण अभ्यासक्रमावर आधारित Lecture Sires आहे.
🎯आगामी होणाऱ्या सर्व पूर्व व मुख्य परीक्षांसाठी उपुक्त
🎯केवळ 12.30तासात INDIAN POLITY Complete होते
▬▬▬▬▬▬▬▬▬▬▬▬▬▬
🔳Revision Session Part-1👇
https://youtu.be/bIerVXnMKp4
━━━༺༻━━━
🔳Revision Session Part-2👇
https://youtu.be/WLEAq8O7gvo
━━━༺༻━━━
🔳Revision Session Part-3👇
https://youtu.be/7dct8VPIjuU
━━━༺༻━━━
🔳Revision Session Part-4👇
https://youtu.be/iHHqGjaXsl8
━━━༺༻━━━
🔳Revision Session Part-5👇
https://youtu.be/IrUAyahkddg
━━━༺༻━━━
🔳Revision Session Part-6(A)👇
https://youtu.be/NH9SKFlO_Jc
━━━༺༻━━━
🔳माहिती अधिकार कायदा 2005👇
https://youtu.be/uzd96fWziKw
━━━༺༻━━━
🔳Revision Session Part-6(B)👇
https://youtu.be/mmLQtS4AQXM
━━━༺༻━━━
🔳Revision Session Part-7👇
https://youtu.be/U7UW3gu_kMI
━━━༺༻━━━
🔳Revision Session Part-8👇
https://youtu.be/oRA8eQ1paNQ
━━━༺༻━━━
🔳Revision Session Part-9👇
https://youtu.be/XAdYcj5Q6xg
━━━༺༻━━━
🔳Revision Session Part-10👇
https://youtu.be/d-U_k_2r22I
━━━༺༻━━━
🔳Revision Session Part-11👇
https://youtu.be/I-6okZQtEHo
━━━༺༻━━━
🔳Revision Session Part-12👇
https://youtu.be/FqxAlxQX_KE
━━━༺༻━━━
🔳Revision Session Part-13👇
https://youtu.be/Wy0cF0egvFg
━━━༺༻━━━
🔳Revision Session Part-14👇
https://youtu.be/Wy0cF0egvFg
━━━༺༻━━━
🔳केवळ 1 तास 40 मी संपूर्ण पंचायतराज एकाच व्हिडिओ मध्ये-👇
https://youtu.be/pTO11KZ6rG8
━━━༺༻━━━
Forwarded from Nagesh Patil
▬▬▬▬▬▬▬▬▬▬▬▬▬▬
🟪 "INDIAN ECONOMY" Lecture Series
▬▬▬▬▬▬▬▬▬▬▬▬▬▬
🔳Revision Session Part-1👇
https://youtu.be/pQ92FrLgDZg
━━━༺༻━━━
🔳Revision Session Part-2👇
https://youtu.be/vBWakylt7_M
━━━༺༻━━━
🔳Revision Session Part-3👇
https://youtu.be/8ND_bGOVSG4
━━━༺༻━━━
🔳Revision Session Part-4👇
https://youtu.be/xJK2VjLNqak
━━━༺༻━━━
🔳Revision Session Part- 5👇
https://youtu.be/pQDU9cdU1VE
━━━༺༻━━━
🔳Revision Session Part- 6👇
https://youtu.be/d51W3bcLaHo
━━━༺༻━━━
🔳Revision Session Part- 7👇
https://youtu.be/VyW0CLqP05Y
━━━༺༻━━━
🔳Revision Session Part- 8👇
https://youtu.be/RSoyDn7cUUo
━━━༺༻━━━
🔳Revision Session Part- 9👇
https://youtu.be/z7Tm1oJa860
━━━༺༻━━━
🟪भारताने 2.33 कोटी रुपये पशुपतिनाथ’च्या सांडपाणी व्यवस्थेसाठी मदत दिली.

भारत व नेपाळ यांच्यातील संबंध बिघडलेले असतानाच आता भारताने तेथील पशुपतिनाथ मंदिरात 2.33 कोटी रुपये खर्चून सांडपाणी व स्वच्छता सुविधा उभारून देण्याचे ठरवले आहे.

पशुपतिनाथ मंदिरात हजारो लोक दर्शनासाठी येतात, त्यामुळे तेथे अनारोग्याचा धोका नेहमीच असतो, त्यासाठी ही व्यवस्था करण्यात येत आहे.

नेपाळ-भारत मैत्री विकास भागीदारी प्रकल्पात ही सुविधा उभारून दिली जाणार आहे.

सोमवारी भारतीय दूतावास, नेपाळचे संघराज्य मंत्रालय व सामान्य प्रशासन तसेच काठमांडू महानगर शहर प्रशासन यांच्यात सांडपाणी व स्वच्छता व्यवस्था उभारण्याचा समझोता करार झाला.

भारताने यासाठी 2.33 कोटी रुपये देण्याचे मान्य केले असून काठमांडू महानगर शहर प्रशासन त्या प्रकल्पाची अंमलबजावणी करणार आहे.

नेपाळने ठरवलेल्या निकषानुसार १५ महिन्यांत हा प्रकल्प उभा करण्यात येणार आहे.

पशुपतिनाथ हे नेपाळमधील मंदिर सर्वात मोठे असून ते बागमती नदी किनारी आहे. भारत व नेपाळमधून तेथे रोज भाविक येत असतात.

नेपाळने अलिकडेच नवीन राजकीय नकाशा मंजूर करून त्यात भारतातील उत्तराखंड राज्यातील लिपुलेख, कालापानी, लिपियाधुरा या भागांवर दावा सांगितला आहे. त्याबाबत घटनादुरुस्तीला तेथील संसदेच्या कनिष्ठ सभागृहाने मंजुरी दिली होती.
🟪2019 या वर्षात भारता मध्ये 51 अब्ज डॉलर ची गुंतवणूक

सन 2019 मध्ये भारतात 51 अब्ज अमेरिकन डॉलर्सची थेट परकीय गुंतवणूक (एफडीआय) झाली असून, भारताने जगात नववा क्रमांक गाठला आहे.

कोरोनाच्या नंतरही भारतीय अर्थव्यवस्था ही वाढती राहण्याचा अंदाज असल्याने गुंतवणूक वाढत राहण्याचा होराही या अहवालात व्यक्त करण्यात आला आहे.

संयुक्त राष्ट्रांच्या कॉन्फरन्स ऑन ट्रेड अ‍ॅण्ड डेव्हलपमेंट या संस्थेने विविध देशांमधील थेट परकीय गुंतवणुकीबाबत केलेल्या अभ्यासाचा अहवाल तयार केला असून, त्यामध्ये वरील माहिती देण्यात आली आहे.

आशिया खंडात भारत हा थेट परकीय गुंतवणुकीत अव्वल स्थानी राहिला आहे.

सन 2019 मध्ये आशियात 1.54 ट्रिलीयन डॉलरची गुंतवणूक झाली आहे. चालू वर्षात यामध्ये 40 टक्क्यांनी घट होण्याचा अंदाज या अहवालामध्ये व्यक्त करण्यात आला आहे.

असे झाल्यास सन 2005 नंतर प्रथमच थेट परकीय गुंतवणूक ही 1 ट्रिलियन डॉलरच्या खाली जाऊ शकेल.

दक्षिण आशियातील विविध देशांमधून परकीय गुंतवणूक भारतामध्ये वळण्याचे प्रमाण सहा टक्के एवढे झाले आहे.
असे असले तरी या देशांमध्ये एकूण जागतिक गुंतवणुकीपैकी 1 टक्का गुंतवणूक होताना दिसत आहे.

भारतामध्ये 2019 या वर्षात 51 अब्ज डॉलरची थेट परकीय गुंतवणूक झाली असून, त्या आधीच्या वर्षापेक्षा त्यामध्ये 42 अब्ज डॉलरची वाढ झाल्याचे अहवालात नमूद करण्यात आले आहे.

सन 2018 मध्ये झालेल्या थेट परकीय गुंतवणुकीत जगातील 20 प्रमुख अर्थव्यवस्थांमध्ये भारत १२व्या स्थानी होता.
🟪क्रिकेट ऑस्ट्रेलियाचे CEO केविन रॉबर्ट्स यांनी राजीनामा दिला

क्रिकेट ऑस्ट्रेलियाचे मुख्य कार्यकारी अधिकारी (CEO) केविन रॉबर्ट्स यांनी मंगळवारी तडकाफडकी आपल्या पदाचा राजीनामा दिला.

क्रिकेट ऑस्ट्रेलिया करोना व्हायरसच्या काळात आर्थिक संकटाशी झुंज देत आहे. अशा परिस्थितीत 80 टक्के कर्मचार्‍यांना कामावरुन कमी करण्याचा निर्णय रॉबर्ट्स यांनी घेतला होता. त्यावरून त्यांच्यावर मोठ्या प्रमाणावर टीकाही झाली होती.

तसेच रॉबर्ट्स यांनी राजीनामा दिल्याची बातमी क्रिकेट ऑस्ट्रेलियाने आपल्या अधिकृत ट्विटर हँडलवरून दिली.तर त्यांनी क्रिकेट ऑस्ट्रेलियाकडे सुपूर्द केलेला राजीनामा तत्काळ प्रभावाने मंजूरदेखील करण्यात आला.

रॉबर्ट्स यांच्या जागी, सध्या T20 World Cup स्पर्धेच्या मुख्य कार्यकारी अधिकारीपदी असलेल्या निक हॉकले यांची हंगामी नियुक्ती करण्यात आली आहे.

2018 साली जेम्स सदरलँड यांच्या जागी रॉबर्ट्स यांची मुख्य कार्यकारी अधिकारीपदी नियुक्ती झाली होती. त्यांचा करार पुढील वर्षी संपणार होता, पण त्याआधीच त्यानी अचानक राजीनामा दिला.
🟪भारत विरुद्ध चीन: कोणाकडे किती विमाने, रणगाडे, जहाजे आणि पाणबुड्या

प्रत्यक्ष ताबारेषेवर तणाव निवळण्यासाठी भारत आणि चीन यांच्यात लष्करी स्तरावर चर्चा सुरू असतानाच, सोमवारी रात्री गलवाण खोऱ्यात अचानक उसळलेल्या अभूतपूर्व संघर्षांमध्ये चीनचे ४३ सैनिक ठार झाल्याचे वृत्त आहे. भारताचेही २० जवान शहीद झाले असून, यात भारताच्या कर्नल हुद्दय़ाच्या लष्करी अधिकाऱ्याचा समावेश आहे. यामुळे उभय देशांदरम्यान तणाव वाढला आहे. अचानक उद्भवलेल्या या परिस्थितीवर विचारविनिमय करण्यासाठी नवी दिल्लीत अत्युच्च पातळीवर रात्री उशिरापर्यंत बैठका सुरू होत्या.

एकीकडे यासंदर्भात उच्च स्तरांवर चर्चेचा प्रयत्न सुरु असतानाच दुसरीकडे चीनच्या सीमेवर अशा प्रकारे भारतीय जवान शहीद होण्याची अशी घटना १९७५ नंतर प्रथमच घडली आहे. त्यामुळेच दोन्ही देशांमधील तणावपूर्ण संबंधांच्या पार्श्वभूमीवर युद्धांच्या जोरदार चर्चा सोशल मिडियावर सुरु झाल्या आहेत.

मात्र खरोखरच दोन्ही देशांमध्ये युद्ध झालं तर काय होईल? कोणत्या देशाकडे जास्त सैन्य आहे?, कोणता देश समुद्रातून हल्ला करण्यासाठी जास्त शक्तीशाली आहे? या आणि अशा अनेक प्रश्नासंदर्भात सोशल मिडियावर अनेकजण आपल्या प्रतिक्रिया देताना दिसत आहेत. याच पार्श्वभूमीवर भारत आणि चीनचे लष्कर, नौदल आणि हवाई दलाची केलेली ही तुलन
🟪भारत विरुद्ध चीन: सीमेवर झालेल्या हिंसेबद्दल संयुक्त राष्ट्र संघाची पहिली प्रतिक्रिया.

संयुक्त राष्ट्र संघाचे महासचिव एंतोनियो गुतारेस यांनी भारत आणि चीनदरम्यान उसळलेल्या अभूतपूर्वी संघर्षाबद्दल चिंता व्यक्त केली आहे. दोन्ही देशांनी संयम ठेवावा असं आवाहन गुतारेस यांनी केलं आहे. प्रत्यक्ष ताबारेषेवर तणाव निवळण्यासाठी भारत आणि चीन यांच्यात लष्करी स्तरावर चर्चा सुरू असतानाच, सोमवारी रात्री गलवाण खोऱ्यात अचानक उसळलेल्या अभूतपूर्व संघर्षांमध्ये चीनचे ४३ सैनिक ठार झाल्याचे वृत्त आहे.

भारताचेही २० जवान शहीद झाले असून, यात भारताच्या कर्नल हुद्दय़ाच्या लष्करी अधिकाऱ्याचा समावेश आहे. यामुळे उभय देशांदरम्यान तणाव वाढला आहे. चीनच्या सीमेवर अशा प्रकारे भारतीय जवान शहीद होण्याची अशी घटना १९७५नंतर प्रथमच घडली आहे. भारत आणि चीन दोन्ही बाजूच्या सैन्याची जिवीतहानी झाल्याच्या पार्श्वभूमीवर संयुक्त राष्ट्राने पहिल्यांदाच अधिकृत प्रतिक्रिया दिली आहे.

भारतीय लष्कराने जारी केलेल्या माहितीनुसार पूर्व लडाखमधील गलवाण खोऱ्यात दोन्ही देशांच्या सैनिकांमध्ये संघर्ष झाला. यामध्ये भारताचे २० जवान शहीद झाले तर चीनचे ४३ जवान ठार अथवा जखमी झाल्याची माहिती समोर आली. या घटनेनंतर सीमेवरील परिस्थिती तणावपूर्ण आहे. दोन्ही देशांच्या सैनिकांना प्राण गमावावा लागल्याने गुतारेस यांनी दुख: व्यक्त केलं आहे. गुतारेस यांचे प्रवक्त्यांनी मंगळवारी रात्री उशीरा एक पत्रक जारी केलं.
🟪ट्वेन्टी-२० विश्वचषकाचे आयोजन अवास्तव -एडिंग्स

करोनाच्या पाश्र्नभूमीवर यंदा ट्वेन्टी-२० विश्वचषक क्रिकेट स्पर्धेचे आयोजन अवास्तव वाटते, असे भाकीत क्रिकेट ऑस्ट्रेलियाचे अध्यक्ष एर्ल एडिंग्स यांनी वर्तवले.

‘‘नियोजित वेळापत्रकाप्रमाणे विश्वचषकाचे आयोजन होणे मला तरी अशक्य वाटते. अद्यापही अनेक देशात करोनाग्रस्तांच्या संख्येचे प्रमाण वाढतच असून पुढील २-३ महिन्यांत अचानक सर्वकाही सुरळीत होईल, अशी अपेक्षा करणे चुकीचे ठरेल. अशा परिस्थितीत १६ संघांतील खेळाडूंना ऑस्ट्रेलियात आणून त्यांच्या आरोग्याची काळजी घेणे फार आव्हानात्मक असेल,’’ असे एडिंग्स म्हणाले.

त्याशिवाय विश्वचषक रद्द झाल्यास भारतीय क्रिकेट नियामक मंडळ (बीसीसीआय) ‘आयपीएल’चे आयोजन करण्यास इच्छुक असल्यास ऑस्ट्रेलियाचे खेळाडू नक्कीच ‘आयपीएल’ खेळतील, असेही एडिंग्ज यांनी सांगितले.
🟪ब्रिटनमध्ये करोनावरील पहिले औषध शोधण्यात यश

सगळ्या जगास वेठीस धरणाऱ्या करोनावर पहिले प्रभावी औषध शोधण्यात ब्रिटनमध्ये यश आले असून त्यामुळे काही गंभीर रुग्ण पूर्णपणे बरे झाले आहेत.

तर हे औषध म्हणजे एक प्रकारचे उत्तेजक (स्टेरॉइड) असून त्याचे नाव डेक्सामिथासोन असे आहे.

तसेच कमी खर्चाचे असल्यामुळे जगभर त्याचा वापर करता येऊ शकतो, असे तज्ज्ञांचे मत आहे.

या औषधाच्या वापरामुळे रुग्णालयात दाखल करण्यात आलेल्या गंभीर रुग्णांतील मृत्यूचे प्रमाण एक तृतीयांशाने कमी झाले.

2104 रुग्णांना यादृच्छिक पद्धतीने हे औषध देण्यात आले होते, तर इतर 4321 रुग्णांवर नेहमीचे उपचार करण्यात आले.

तसेच ज्यांना हे औषध तोंडावाटे किंवा इंजेक्शनने दिले होते त्यांच्यात मृत्यूचे प्रमाण 35 टक्के कमी झाले.

या संशोधनास ब्रिटनमधील अनेक संस्थांनी निधी दिला होता, तर बिल व मेलिंडा गेटस फाउंडेशननेही मदत केली होती.
🟪ऑनलाईन वर्गांसाठी निश्चित नियम करण्याचा निर्णय केंद्र सरकारने घेतला.

कोविड-19 साथीमुळे शाळा बंद असल्यामुळे अनेक शाळांनी ऑनलाईन वर्ग सुरू केले आहेत.

त्यामुळे मुलांचा ‘स्क्रीन टाईम’ वाढल्याने चिंता व्यक्त केली जात आहे. या पार्श्वभूमीवर ऑनलाईन वर्गांसाठी निश्चित नियम करण्याचा निर्णय केंद्र सरकारने घेतला आहे.

केंद्रीय मनुष्यबळ विकास मंत्रालयाशी संबंधित वरिष्ठ अधिकाऱ्याने सांगितले की, कोविड-19 साथीमुळे तीन महिन्यांपासून शाळा बंद आहेत.

त्यामुळे शाळा वर्गखोल्यांतील शिक्षणाकडून ऑनलाईन शिक्षणाकडे वळल्या आहेत. काही शाळांनी तर नियमित शाळांसारखे पूर्ण वर्ग ऑनलाईन सुरू केले आहेत.

त्यामुळे मुलांचा मोबाईल अथवा संगणकासमोर बसण्याचा वेळ (स्क्रीन टाईम) वाढला आहे. त्याबाबत पालकांकडून तक्रारी करण्यात येत आहेत.

याशिवाय अनेक घरांत एकच फोन असून, मुलांची संख्या अधिक असल्यामुळे मुलांचे आॅनलाईन वर्ग बुडत आहेत. त्यामुळे ऑनलाईन वर्गांबाबत निश्चित नियम करणे आवश्यक झाले आहे.

अधिकाय्राने सांगितले की, आॅनलाईन वर्गाबाबत नियम निश्चित करताना सर्व हितधारकांशी सल्लामसलत केली जात आहे.

मुलांना इलेक्ट्रॉनिक उपकरणांसमोर फार वेळ बसावे लागू नये यासाठी आॅनलाईन वर्गांचा कालावधी निश्चित केला जाईल.

डिजिटल सुविधा, रेडिओ सुविधा यासारख्या सर्व प्रकारच्या उपकरणांसाठी स्वतंत्रपणे नियम बनविले जातील.

ज्यांच्याकडे यापैकी कोणतीच सुविधा नाही, त्यांचाही योग्य विचार केला जाईल. विविध वयोगटांतील मुलांचा ‘स्क्रीन टाईम’ किती असावा, हे नियमांत निश्चित केले जाईल
🟪कोरोनाशी लढाईसाठी स्वस्त टेस्ट किट, पोर्टेबल व्हेंटिलेटर, ड्रोन तय्यार!

कोरोना विषाणूविरुद्धच्या लढाईत प्रत्येक जण आपापलं योगदान देतोय.
याच लढ्यासाठी देशभरातील वेगवेगळ्या भारतीय तंत्रज्ञान संस्थांनी – (आयआयटी) एकापेक्षा एक भारी उपकरणं तयार केली आहेत.

परवडणारी कोरोना टेस्ट किट्स, स्वस्त पोर्टेबल व्हेंटिलेटर, डिजिटल स्टेथोस्कोप, निर्जंतुकीकरणासाठी ड्रोन, आयसोलेशन वॉर्डांसाठी विल्हेवाट लावता येण्याजोगे बांबूचे फर्निचर, रुग्णालयांसाठी संसर्गरोधक कापड, अशी अत्यंत उपयुक्त साधनं आयआयटींमधील प्राध्यापक आणि विद्यार्थ्यांनी लॉकडाऊन काळात तयार केली आहेत.

दिल्ली आयआयटी निर्मित कोविड-19 टेस्ट किटला तर भारतीय वैद्यकीय संशोधन परिषदेने (आयसीएमआर) मंजुरीही दिली आहे.

आयआयटी मधील विद्यार्थ्यांनी सुरू केलेल्या स्टार्ट-अपच्या माध्यमातून किंवा पेटंट स्वतःकडेच ठेवत काही नामांकित कंपन्यांना निर्मिती परवाना द्यायचं आयआयटींनी ठरवलंय.

आयआयटी-दिल्लीनं आपल्या कोविड-19 टेस्ट किटच्या उत्पादनासाठी बेंगळुरू येथील जिनी लॅबोरेटरीज या जैव तंत्रज्ञान कंपनीला खुला परवाना दिला आहे.

विशेष म्हणजे, या किटची किंमत 500 रुपयांपेक्षा जास्त ठेवता येणार नाही,.एकूण 40 कंपन्यांनी आमच्याशी संपर्क साधला आहे. मात्र, दर्जात्मक निकष पूर्ण करतील आणि किंमत न वाढवण्याची हमी देतील अशाच कंपन्यांना आम्ही परवाना देणार आहोत.त्यात जिनी लॅबोरेटरीजची आत्ता निवड केली आहे.

त्यांनी आंध्र प्रदेश मेड टेक झोनमध्ये या किट्सचं उत्पादन सुरू केलंय आणि दहा दिवसांत ही किट बाजारात उपलब्ध होतील, अशी माहिती आयआयटी दिल्लीचे संचालक व्ही रामगोपाल यांनी वृत्तसंस्थेला दिली.
🟪‘IMD वर्ल्ड कॉम्पटेटिवनेस इंडेक्स 2020’ यामध्ये भारताचा 43 वा क्रमांक.

इन्स्टिट्यूट फॉर मॅनेजमेंट डेव्हलपमेंट (IMD) या संस्थेनी त्यांचा ‘वर्ल्ड कॉम्पटेटिवनेस इंडेक्स 2020’ या शीर्षकाचा वार्षिक अहवाल प्रकाशित केला आहे. या अहवालात 63 अर्थव्यवस्थांच्या कामगिरीबद्दल स्पष्टता दिली गेली आहे.

कमकुवत पायाभूत सुविधा आणि शिक्षण क्षेत्रात अपर्याप्त गुंतवणूक यासारख्या काही परंपरागत धोरणांमुळे भारताला “जागतिक स्पर्धात्मकता निर्देशांक 2020” या क्रमवारीत 43 वा क्रमांक प्राप्त झाला आहे.

भारतासाठी, दीर्घकालीन रोजगारात वाढ, चालू खात्यातली शिल्लक, उच्च तंत्रज्ञानाची निर्यात, परकीय चलन साठा, शिक्षणावरील सार्वजनिक खर्च, राजकीय स्थैर्य आणि एकूणच उत्पादकता या क्षेत्रांमध्ये सुधारणा नोंदविण्यात आल्या आहेत. तथापि, विनिमय दर स्थिरता, वास्तविक GDP वृद्धी, स्पर्धात्मक कायदे आणि कर यासारख्या क्षेत्रात स्थिती कमकुवत झाली आहे.

इतर ठळक बाबी.

या 63 अर्थव्यवस्थांच्या यादीत सिंगापूर या देशाने पहिले स्थान कायम राखले आहे.

सिंगापूरच्या यशामागील घटक म्हणजे त्याची मजबूत आर्थिक कामगिरी जी भक्कम आंतरराष्ट्रीय व्यापार आणि गुंतवणूक, रोजगार आणि कामगार बाजारपेठेच्या उपायांमुळे उद्भवते.

शिक्षण प्रणाली आणि दूरसंचार, इंटरनेट बँडविड्थ वेग आणि उच्च तंत्रज्ञानाची निर्यात यासारख्या तंत्रज्ञानात्मक पायाभूत सुविधांमधील स्थिर कामगिरी देखील महत्त्वपूर्ण भूमिका बजावते.

सिंगापूरच्या पाठोपाठ अनुक्रमे द्वितीय ते पाचव्या क्रमांकावर, डेन्मार्क, स्वित्झर्लँड, नेदरलँड्स आणि हाँगकाँग SAR या देशांचा क्रम लागतो आहे.

मध्य-पूर्व प्रदेश तेलाच्या संकटामुळे नकारात्मकपणे प्रभावित झाले आहे.
BRICS देशांमध्ये चीननंतर भारत द्वितीय क्रमांकावर आहे. त्यानंतर जागतिक यादीत रशिया 50 वा, ब्राझील 56 वा आणि दक्षिण आफ्रिका 59 व्या क्रमांकावर आहे.

सर्वेक्षणात समाविष्ट केलेल्या ASEAN देशांमध्ये केवळ सिंगापूर आणि थायलंड या देशांची आरोग्यासेवा संबंधी पायाभूत सुविधांच्या परिणामकारकतेत सकारात्मक कामगिरी आहे.
🟪सुरक्षा परिषदेचा भारत तात्पुरता सदस्य

बुधवारी भारताची आठव्यांदा संयुक्त राष्ट्र सुरक्षा परिदेच्या (UNSC) च्या तात्पुरत्या सदस्यपदी निवड करण्यात आली.

दरम्यान, या विजयानंतर भारत २०२१-२२ या वर्षासाठी संयुक्त राष्ट्र संघटनेच्या सुरक्षा परिषदेचा तात्पुरता सदस्य बनला आहे.

१९३ सदस्यीय संयुक्त राष्ट्र महासभेनं आपल्या ७५ व्या सत्रासाठी अध्यक्ष, सुरक्षा परिषदेचे तात्पुरते सदस्य आणि आर्थिक तसंच सामाजिक परिषदेच्या सदस्यांसाठी निवडणूक प्रक्रिया पार पाडली होती.

भारतासोबतच आयर्लंड, मॅक्सिको आणि नॉर्वे या देशांनाही सुरक्षा परिषदेत स्थान मिळालं आहे.

विजयानंतर संयुक्त राष्ट्रातील भारताचे प्रतिनिधी टीएस तिरूमूर्ती यांनी प्रतिक्रिया दिली. भारत नेतृत्व कायम ठेवणार असून उत्तम बहुपक्षीय प्रणालीला नवीन दिशा देणार असल्याचं ते म्हणाले.

भारताला १९२ पैकी १८४ मतं मिळाली. "भारताची २०२१-२२ या वर्षासाठी संयुक्त राष्ट्राच्या तात्पुरत्या सदस्यपदी निवड झाल्यामुळे मी खुश आहे. आम्हाला सर्वांचं उत्तम समर्थन मिळालं. तसंच संयुक्त राष्ट्र संघाच्या सदस्यांनी जो विश्वास दाखवला त्याप्रती आदर व्यक्त करतो," असंही ते म्हणाले.