MPSC SIMPLIFIED(official)
34.4K subscribers
34.8K photos
52 videos
3.69K files
9.49K links
simplified चा टेलिग्राम ग्रुप
(आपल्या मित्रांना जॉईन करा)

+ सिम्प्लिफाइड स्टडी
+newspaper सिम्प्लिफाइड
+job सिम्प्लिफाइड
+daily चालू घडामोडी टेस्ट
+अभ्यास आधारित टेस्ट


https://telegram.me/mpscsimplified
Download Telegram
🟪रशियाची एनर्जिया कंपनी 2023 साली स्पेस वॉक करण्यासाठी पर्यटक पाठविणार.

अंतराळात स्पेस वॉक करण्यासाठी खासगी पर्यटकांना पाठविण्याच्या शर्यतीत रशियाच्या एनर्जिया स्पेस कॉर्पोरेशन या कंपनीने देखील उडी घेतली आहे. कंपनी 2023 साली अंतराळ प्रवासी पाठविणार अशी योजना तयार करण्यात आली आहे.

त्यासाठी अमेरिकेच्या स्पेस अँडव्हेंचर या कंपनीसोबत एनर्जिया कंपनीने करार केला आहे, ज्याच्यानुसार 2023 साली 2 अंतराळ पर्यटकांना आंतरराष्ट्रीय अंतराळ स्थानकावर (ISS) स्पेस वॉकसाठी नेले जाणार आहे.

मोहिमेत सहभागी झालेल्या एकाला रशियाच्या नेतृत्वात एका प्रशिक्षित रशियन अंतराळयात्रीसह स्पेसवॉक करू दिले जाणार आहे.

याव्यतिरिक्त, अमेरिकेच्या NASA संस्थेने खासगी अंतराळ मोहिमांना प्रोत्साहन देण्याच्या उद्देशाने रिचर्ज ब्रॅनसनच्या व्हर्जिन गॅलेक्टिक स्पेस टुरिझम कंपनीसोबत करार केला आहे. ही कंपनी अंतराळयात्रींना अंतराळ पर्यटनासाठी पाठण्याच्या दिशेने काम करते. तसेच स्पेसएक्स कंपनीने देखील मार्चमध्ये घोषणा केली होती की क्रू ड्रॅगनमार्फत पुढच्या वर्षी तीन जणांना अंतराळ पर्यटनासाठी घेऊन जाणार.
🟪लोक घरीच कोरोनाची चाचणी करू शकतील.


कोविड 19 चाचण्यांसाठी घरगुती वापराचे चाचणी संच लवकरच प्रत्यक्षात येणार असून दिल्लीची भारतीय तंत्रज्ञान संस्था (आयआयटी) व पुण्याची राष्ट्रीय रासायनिक प्रयोगशाळा (एनसीएल) या दोन संस्था पर्यायी चाचणी पद्धत शोधण्याच्या प्रयत्नात आहेत.

लोक घरीच ही चाचणी करू शकतील व लगेच त्याचा निकालही त्यांना मिळेल. औद्योगिक व वैज्ञानिक संशोधन परिषद म्हणजे सीएसआयआरच्या मार्गदर्शनाखाली हा प्रकल्प हाती घेण्यात आला असून त्याला मायक्रोसॉफ्ट इंडिया या संस्थेने आर्थिक मदत दिली आहे.

या प्रयोगात सहभागी वैज्ञानिकांनी कोविड विरोधात एलायझा (एन्झाइम लिंकड इम्युनोअ‍ॅसे) यावर आधारित चाचणी विकसित केली आहे.
🟪चीन-पाकिस्तानची चिंता वाढणारी बातमी, २७ जुलैला राफेलची पहिली तुकडी भारतात होणार दाखल

कुठल्याही युद्धामध्ये गेमचेंजर ठरु शकणारी राफेल फायटर विमानांची पहिली तुकडी येत्या २७ जुलै रोजी भारतात दाखल होत आहे. हरणाच्या अंबाला एअर बेसवर राफेलची पहिली तुकडी तैनात होईल. प्राथमिक माहितीनुसार, फ्रान्सच्या इस्ट्रेसवरुन चार ते सहा राफेल विमाने भारतात दाखल होतील. राफेलची गोल्डन अ‍ॅरो स्क्वाड्रन ऑगस्टमध्ये कुठल्याही लढाईसाठी सज्ज असेल.

सध्या चीन बरोबर निर्माण झालेल्या तणावाच्या पार्श्वभूमीवर ही एक महत्वाची घडामोड आहे. राफेलचा इंडियन एअर फोर्समध्ये समावेश होणे, चीनसाठी एक धोक्याची घंटा आहे. कारण चीन-पाकिस्तानकडे राफेलच्या तोडीचे कुठलेही फायटर विमान नाहीय. इंडिया टुडेने हे वृत्त दिले आहे.

दक्षिण फ्रान्सच्या इस्ट्रेस बेसवरुन भारतीय वैमानिकच हरयाणाच्या अंबाला बेसवर राफेल फायटर विमाने घेऊन येतील. फ्रान्स ते भारत प्रवासात फक्त यूएईमधील अल धाफ्रा एअर बेसवर ही विमाने काही वेळासाठी थांबतील.
🟪मुखपट्टय़ा न वापरणाऱ्यांना १ हजार रुपये दंड.

🚫प्रशासनाचा इशारा

🔶मुंबई : करोना संसर्गाचा उद्रेक कधीही होण्याची भीती असल्यामुळे घराबाहेर पडताना तोंडावर मुखपट्टया लावण्याचे बंधन न पाळणाऱ्यांकडून १००० रुपये दंड वसूल करण्याचा इशारा पालिका प्रशासनाने दिली आहे.

🔶 सार्वजनिक स्थळी वावरताना तसेच खासगी कार्यालयात व खासगी वाहनातही मुखपट्टी लावणे बंधनकारक करण्यात आले आहे.
🟪सीडीसी या संस्थेने करोनाची आणखी तीन नवीन लक्षणे जाहीर केली.


अमेरिकेतील सेंटर्स फॉर डिसिजेस कंट्रोल अँड प्रिव्हेन्शन म्हणजे सीडीसी या संस्थेने करोनाची आणखी तीन नवीन लक्षणे जाहीर केली आहेत.

त्यामुळे आता एकूण लक्षणांची संख्या बारा झाली आहे. नव्या लक्षणात नाक गळणे, अतिसार, मळमळ यांचा समावेश आहे.

या आधीच्या लक्षणात ताप, अंगाला थंडी वाजून येणे, कफ, श्वास घेण्यात अडचणी, थकवा, स्नायू किंवा अंगदुखी, डोकेदुखी, वास व चव संवेदना जाणे,घसा खवखवणे यांचा समावेश होता.

2-14 दिवसांत करोनाची लक्षणे दिसतात. त्यात सार्स सीओव्ही 2 विषाणू कारण असतो.

सुरुवातीला श्वासात अडचणी, ताप व कफ ही तीन लक्षणे देण्यात आली होती नंतर त्यात थंडी वाजणे, स्नायुदुखी, डोकेदुखी, घसा धरणे या लक्षणांची भर पडली.
आता करोना रुग्णांची संख्या 1कोटीच्या दिशेने असून 4,99,000 बळी गेले आहेत.
🟪सिम्प्लिफाईड पब्लिकेशनची सर्व पुस्तके आॅनलाईन उपलब्ध आहेत. ते ही डायरेक्ट पब्लिकेशनच्या आॅनलाईन स्टोअर मधून अगदी सवलतीच्या दरात खरेदी करु शकता.

👇सवलतीच्या दरात पुस्तके खरेदी करण्यासाठी येथे 👇 क्लिक करा👇

www.simplifiedcart.com

👍Thank You!
"नरेंद्र मोदी हे पेट्रोल डिझेलच्या किंमतीपेक्षा कमी वय असणारे पहिलेच पंतप्रधान”.... 👇👇

देशातील पेट्रोल-डिझेलच्या किंमती मागील काही दिवसांपासून नवा वाढत आहे. करोना संकटात होत असलेल्या इंधन दरवाढीवरून काँग्रेसकडून मोदी सरकारवर टीका केली जात आहेत. पेट्रोल-डिझेलच्या वाढत्या दरांवरून काँग्रेसनं पुन्हा एकदा मोदींना निशाणा बनवले आहे.

“नरेंद्र मोदी हे पेट्रोल डिझेलच्या किंमतीपेक्षा कमी वय असणारे पहिले पंतप्रधान बनले आहे”, असा उपहासात्मक टोला काँग्रेसनं लगावला आहे.

देशात करोनाचं संकट अजून थांबलेलं नाही. करोनाचा सामना करत असताना सर्वसामान्यांना पेट्रोल-डिझेलच्या दरवाढीलाही तोंड द्यावं लागत आहे. वाढत्या इंधन दरवाढीवरून मोदी सरकारवर काँग्रेसकडून दररोज टीका केली जात आहे. काँग्रेसच्या अध्यक्षा सोनिया गांधी यांनी काही दिवसांपूर्वी पेट्रोल-डिझेलवाढ परत घ्यावी, अशी मागणीही पंतप्रधानांकडे केली होती. तसेच आज काँग्रेसनं सरकारविरोधात ठिकाणी आंदोलन केलं.
🟪संस्कृती मंत्रालयाचा ‘संकल्प पर्व’ वृक्षारोपण कार्यक्रम: 28 जून ते 12 
जुलै 2020.

देशात स्वच्छ आणि निरोगी पर्यावरण निर्माण करण्यासाठी नागरिकांनी राहत्या नी कामाच्या ठिकाणी किंवा जिथे शक्य असेल त्या ठिकाणी किमान पाच झाडे लावावीत असे आवाहन पंतप्रधान नरेंद्र मोदी यांनी केले आहे. या अनुषंगाने केंद्रीय संस्कृती व पर्यटन मंत्रालयाने ‘संकल्प पर्व’ या नावाचा वृक्षारोपणाचा कार्यक्रम आयोजित करण्याची घोषणा केली आहे.

🔷ठळक बाबी.

दिनांक 28 जून ते 12 जुलै 2020 या काळात हा कार्यक्रम राबविण्यात येणार असून, संस्कृती व पर्यटन मंत्रालयाची सर्व संलग्न कार्यालये, शिक्षण संस्था, संलग्न आणि संबंधित संस्था त्यांच्या संकुलात किंवा सभोवतालच्या परिसरात जिथे शक्य असेल तिथे वृक्षारोपण करणार आहे.

पंतप्रधानांनी जी झाडे सुचवली आहेत त्या पाच झाडांची आणि देशाच्या वनौषधी वारशांचे दर्शन घडवणाऱ्या झाडांची लागवड करण्यात यावी, अशी शिफारस संस्कृती मंत्रालयाने केली आहे. या झाडांमध्ये वड, आवळा, पिंपळ, अशोक आणि बेल या झाडांचा समावेश आहे.

जर झाड़ांची रोपे उपलब्ध नसल्यास लोकांनी त्यांच्या आवडीच्या झाडांच्या रोपांची लागवड करावी असे देखील सांगण्यात आले आहे. तसेच लावलेले रोपे जगावीत आणि त्यांची जोमाने वाढ व्हावी, यासाठी देखील काळजी घेण्याचे सांगण्यात आले आहे.

प्रत्येकाने या संकल्प पर्वात सहभागी व्हावे आणि किमान एका तरी रोपाची काळजी घ्यावी असे देखील आवाहन करण्यात आले आहे.
🟪कोविड-19 चाचणीसाठी NBRI संस्थेनी प्रगत जीवरेणुशास्त्र प्रयोगशाळेची स्थापना केली.


उत्तरप्रदेशाच्या लखनऊ शहरातल्या राष्ट्रीय वनस्पती संशोधन संस्थेनी (NBRI) कोविड-19 चाचणीसाठी “प्रगत जीवरेणुशास्त्र प्रयोगशाळा (Advanced Virology Lab)” याची स्थापना केली आहे.

भारतीय वैद्यकीय संशोधन परिषद (ICMR), जागतिक आरोग्य संघटना (WHO) आणि आरोग्य व कुटुंब कल्याण मंत्रालयाच्या मार्गदर्शक तत्वांच्या आधारे ही सुविधा विकसित करण्यात आली आहे.

🎯प्रयोगशाळेविषयी

ही जैवसुरक्षा स्तर (BSL) 3 या प्रकारची सुविधा आहे. जैवसुरक्षा स्तर हे कोणत्या प्रकारच्या परजीवीशी संबंधित आहे, हे स्पष्ट करते.ICMRच्या मार्गदर्शक तत्त्वांनुसार, कोविड-19 साठी BSL 2 स्तराच्या सुविधेची शिफारस करण्यात आली आहे, परंतू ही एक प्रगत आवृत्ती आहे. या प्रगत आवृत्तीत एक "ऋण दबाव" (Negative Pressure) आहे, अर्थात त्यात सक्शनची सुविधा आहे जी हवेतले कोणतेही कण शोषून घेण्यास सक्षम आहे आणि फिल्टरमधून पाठवते.

कोविड-19 ची सुरक्षित चाचणी सुविधा प्रदान करण्यासाठी ही सुविधा विषाणू किंवा जीवाणू गाळू शकते आणि त्यांना वेगळे करते.तेथे सुरुवातीला पहिल्या आठवड्यात दर दिवशी 100 नमुन्यांची तपासणी केली जाणार आहे आणि त्यानंतर त्यात वाढ करून 500 नमुन्यांची चाचणी केली जाणार.
🟪भारत बायोटेकनं करोनावरील लस COVAXIN तयार केल्याची सोमवारी घोषणा केली.

करोनावरील लस विकसित करणाऱ्या देशांमध्ये भारतदेखील आघाडीवर आहे.
भारत बायोटेकनं करोनावरील लस COVAXIN तयार केल्याची सोमवारी घोषणा केली.

आयसीएमआर आणि नॅशनल इन्स्टिट्यूट ऑफ विरोलॉजी (एनआयव्ही) यांच्यासोबत मिळून त्यांनी यशस्वीरित्या भारतातील पहिली करोना लस तयार केली आहे.

जुलै महिन्यापासून या लसीची मानवी चाचणी सुरू केली जाणार असल्याची माहिती भारच बायोटेककडून देण्यात आली.

“एसएआरएस-सीओव्ही -2 स्ट्रेनला पुण्यातील एनआयव्हीमध्ये वेगळो करण्यात आले आणि नंतर भारत बायोटेककडे वर्ग करण्यात आले.

हैदराबादच्या जिनोम व्हॅलीमध्ये असलेल्या भारत बायोटेकच्या बीएसएल -3 (बायो-सेफ्टी लेव्हल 3) हाय कन्टेंनमेंट फॅसिलिटीमध्येही लस विकसित करण्यात आली,” असं कंपनीनं निवेदनात म्हटलं आहे.

ड्रग कंट्रोलर जनरल ऑफ इंडिया, सेंट्रल ड्रग्स स्टँडर्ड कंट्रोल ऑर्गनायझेशन (सीडीएससीओ), आरोग्य व कुटुंब कल्याण मंत्रालयानं फेज 1 आणि फेज 2 मानवी वैद्यकीय चाचण्या सुरू करण्यास परवानगी दिली आहे.
🟪भारत व चीन यांच्या लष्करांमध्ये चर्चेची आणखी आज तिसरी फेरी.

पूर्व लडाख भागातील तणाव कमी करण्याचा, तसेच या संवेदनशील भागातून फौजा परत घेण्याची कार्यपद्धती निश्चित करण्याचा प्रयत्न म्हणून भारत व चीन यांच्या लष्करांमध्ये चर्चेची आणखी एक फेरी होणार असल्याची माहिती सरकारच्या सूत्रांनी दिली.लेफ्टनंट जनरल स्तरावर होणाऱ्या चर्चेची ही तिसरी फेरी राहणार असून, प्रत्यक्ष ताबा रेषेच्या भारतीय हद्दीतील चुशुल सेक्टरमध्ये ती सकाळी साडेदहा वाजता होईल.

पहिल्या दोन फेऱ्या ताबारेषेच्या चीनकडील बाजूच्या मोल्डो येथे झाल्या होत्या.22 जूनला झालेल्या चर्चेच्या दुसऱ्या फेरीत दोन्ही बाजूंची पूर्व लडाखमधील संघर्षांच्या सर्व ठिकाणांवरून फौजा माघीर घेण्याबाबत ‘परस्पर सहमती’ झाली होती.

त्यापूर्वी 6 जूनच्या पहिल्या फेरीत दोन्ही बाजूंमध्ये झालेल्या कराराच्या अंमलबजावणीबाबत दोन्ही बाजू मंगळवारी चर्चा करणे अपेक्षित असल्याचेही सूत्रांनी सांगितले.
भारतीय प्रतिनिधी मंडळाचे नेतृत्व 14 कॉर्प्सचे कमांडर लेफ्टनंट जनरल हरिंदरसिंग हे करणार असून, चिनी बाजूचे नेतृत्व तिबेट लष्करी जिल्ह्य़ाचे कमांडर करण्याची शक्यता आहे.
🟪सुरक्षित सुविधा भारतातील फोनवर देण्यास सुरुवात-अ‍ॅपल व गुगल.

वापरकर्त्यांच्या व्यक्तिगततेला धक्का न लावता कोविड रुग्णाच्या संपर्कातील व्यक्ती शोधण्याची सोय अ‍ॅपल व गुगल या प्रतिस्पर्धी कंपन्यांनी आरोग्य संकटाच्या काळात एकत्र येऊन करून दिली आहे.

त्यात ‘एक्स्पोजर नोटिफिकेशन सोल्यूशन’ नावाची आज्ञावली म्हणजे सॉफ्टवेअर विकसित करण्यात आले आहे.
भारतात अँड्राइड व आयफोनवर ही सुविधा उपलब्ध करण्यास गेल्या महिन्यापासून सुरुवात झाली आहे.

ही सुविधा ‘एपीआय’ म्हणजे ‘अ‍ॅप्लीकेशन प्रोग्रॅम इंटरफेस’ असून त्यामुळे आरोग्य संस्था व सरकार यांना विश्वासार्ह पद्धतीने संपर्क व्यक्तींचा शोध घेता येऊ शकतो.

भारतातील आरोग्य सेतू हे उपयोजन या ‘एक्स्पोजर नोटिफिकेशन’ सुविधेला सुसंगत किंवा अनुकूल नसल्याने त्याचा वापर भारतात कठीण आहे.

आरोग्यसेतू उपयोजनात व्यक्तीची जास्तीत जास्त माहिती गोळा केली जाते त्यामुळे त्यात व्यक्तिगततेचा भंग होतो त्यामुळे सरतेशेवटी सरकारने या उपयोजनाची (अ‍ॅप्लीकेशन) सक्ती बंद केली होती.‘एक्स्पोजर नोटिफिकेशन’ सुविधा केवळ सार्वजनिक आरोग्य अधिकारी वापरत असलेल्या उपयोजनास लागू करता येते.
🟪संपूर्ण भारतीय बनावटीची पहिली करोना लस तयार; जुलैपासून मानवी चाचणीला होणार सुरूवात.

देशात तसंच जगभरात करोनानं थैमान घातलं आहे. अशा परिस्थितीत करोनावरील लस विकसित करण्यासाठी सर्वच देश प्रयत्न करत आहेत. करोनावरील लस विकसित करणाऱ्या देशांमध्ये भारतदेखील आघाडीवर आहे. परंतु अशातच सोमवारी एक दिलासादायक बातमी समोर आली आहे.

भारत बायोटेकनं करोनावरील लस COVAXIN तयार केल्याची सोमवारी घोषणा केली. आयसीएमआर आणि नॅशनल इन्स्टिट्यूट ऑफ विरोलॉजी (एनआयव्ही) यांच्यासोबत मिळून त्यांनी यशस्वीरित्या भारतातील पहिली करोना लस तयार केली आहे.

जुलै महिन्यापासून या लसीची मानवी चाचणी सुरू केली जाणार असल्याची माहिती भारच बायोटेककडून देण्यात आली. “एसएआरएस-सीओव्ही -२ स्ट्रेनला पुण्यातील एनआयव्हीमध्ये वेगळो करण्यात आले आणि नंतर भारत बायोटेककडे वर्ग करण्यात आले. हैदराबादच्या जिनोम व्हॅलीमध्ये असलेल्या भारत बायोटेकच्या बीएसएल -3 (बायो-सेफ्टी लेव्हल 3) हाय कन्टेंनमेंट फॅसिलिटीमध्येही लस विकसित करण्यात आली,” असं कंपनीनं निवेदनात म्हटलं आहे.
🟪बँकिंग नियमन (दुरुस्ती) अध्यादेश-2020.

बँकांच्या ठेवीदारांची सुरक्षा सुनिश्चित करण्याच्या वचनबद्धतेच्या अनुषंगाने राष्ट्रपती राम नाथ कोविन्द यांनी दिनांक 27 जून 2020 रोजी ‘बँकिंग नियमन (दुरुस्ती) अध्यादेश-2020’ प्रख्यापित केला.

हा अध्यादेश ठेवीदारांच्या हिताचे रक्षण करण्यासाठी आणि सहकारी बँकांना बळकट करण्यासोबतच सहकारी बँकांना इतर बँकांच्या बाबतीत आधीच उपलब्ध असलेले अधिकार प्रदान करून आणि व्यवसायिकता सुनिश्चित करून भांडवल उपलब्ध करून प्रशासन सुधारण्याचा प्रयत्न या अध्यादेशाने होणार आहे.

🔺ठळक बाबी.

सहकारी बँकांना लागू असलेल्या ‘बँकिंग नियमन कायदा-1949’ यामध्ये या अध्यादेशाने दुरुस्ती केली गेली आहे.

या सुधारणांचा राज्य सहकारी कायद्याच्या अंतर्गत सहकारी संस्थांच्या राज्य निबंधकांच्या विद्यमान अधिकारांवर परिणाम होत नाही. प्राथमिक कृषी पत संस्था (PACS) किंवा सहकारी संस्था ज्याचे प्राथमिक उद्दिष्ट आणि मुख्य व्यवसाय शेती विकासासाठी दीर्घकालीन वित्तपुरवठा करणे हा आहे; तसेच ज्या “बँक” किंवा “बँकर” किंवा “बँकिंग” हा शब्द वापरत नाहीत आणि धनादेश वठवत नाही त्यांना या सुधारणा लागू नाही.

सार्वजनिक, ठेवीदार आणि बँकिंग व्यवस्थेचे हित जपण्यासाठी आणि त्याचे योग्य व्यवस्थापन करण्यासाठी तसेच वित्तीय व्यवस्थेत व्यत्यय टाळण्यासाठी पुनर्र्चना योजना किंवा बँकिंग कंपनीचे विलिनीकरण करण्याची योजना तयार करण्याकरीता बँकिंग नियमन कायद्याच्या कलम 45 मध्ये अध्यादेशाद्वारे सुधारणा करण्यात आली आहे.