MPSC SIMPLIFIED(official)
34.4K subscribers
34.8K photos
52 videos
3.69K files
9.49K links
simplified चा टेलिग्राम ग्रुप
(आपल्या मित्रांना जॉईन करा)

+ सिम्प्लिफाइड स्टडी
+newspaper सिम्प्लिफाइड
+job सिम्प्लिफाइड
+daily चालू घडामोडी टेस्ट
+अभ्यास आधारित टेस्ट


https://telegram.me/mpscsimplified
Download Telegram
🟪29 जुलै रोजी भारतात दाखल होण्याची शक्यता- राफेल फायटर.

बहुचर्चित आणि बहुप्रतीक्षित ‘राफेल’ फायटर विमानांची पहिली तुकडी येत्या 29 जुलै रोजी भारतात दाखल होण्याची शक्यता आहे.

हरयाणामधील अंबाला एअर फोर्स स्टेशनवर ही राफेल फायटर विमाने तैनात करण्यात येतील. युद्धात गेम चेंजर ठरु शकणाऱ्या या विमानांचा अंबाल एअर बेसवर मुख्य तळ असणार आहे.

सर्व काही नियोजनानुसार झाले, तर 20 ऑगस्टला पारंपारिक पद्धतीने सोहळा आयोजित करुन या फायटर विमानांचा भारतीय हवाई दलात समावेश करण्यात येईल.

IAF च्या एअर क्रू आणि ग्राऊंड क्रू टीमला हे विमान कसे हाताळायचे, त्याबद्दल व्यापक असे प्रशिक्षण देण्यात आले आहे. भारताने फ्रान्सबरोबर अशी 36 राफेल विमाने खरेदी करण्याचा करार केला आहे.

राफेलचे पहिले स्क्वाड्रन अंबाला एअर बेसवर तर दुसरे स्क्वाड्रन पश्चिम बंगाल हाशिमारा येथे असेल. भारताला मिळणारी राफेल फायटर विमाने मिटिओर आणि स्काल्प अशा मिसाइल्सनी सुसज्ज असतील.
🟪दिल्लीच्या AIIMS संस्थेच्या 'e- ICU' व्हिडिओ सल्लामसलत कार्यक्रमाला सुरुवात.

कोविड-19 चा मृत्यूदर कमी करण्यासाठी भारत सरकारच्या सुरू असलेल्या प्रयत्नांना अजून बळकटी देण्याच्या उद्देशाने दिल्लीच्या अखिल भारतीय वैद्यकीय संशोधन संस्थेनी (AIIMS) 8 जुलै 2020 पासून अतिदक्षता विभागातल्या चिकित्सकांसाठी एका ‘व्हिडीओ सल्लामसलत कार्यक्रम’ला सुरूवात केली आहे.

कोविड-19 वर उपचार करणाऱ्या देशभरातील रुग्णालयातल्या चिकित्सकांमध्ये चर्चा घडवून आणणे हा या कार्यक्रमाचा प्रमुख उद्देश आहे.

देशभरातल्या रुग्णालयात तसेच अतिदक्षता विभागात दाखल असलेल्या रुग्णांच्या संबंधात चिकित्सकांचे असलेले प्रश्न, शंका आणि त्यांचे रुग्ण व्यवस्थापनाचे अनुभव यांच्याबद्दल AIIMSच्या तज्ञांशी आणि देशातील अनेक चिकित्सकांशी या व्हिडिओ व्यासपीठावर चर्चा घडवून आणू शकतील.

मुंबई (10), गोवा (3), दिल्ली (3), गुजरात (3), तेलंगणा (2), आसाम (5), कर्नाटक (1), बिहार (1), आंध्रप्रदेश (1), केरळ (1) आणि तामिळनाडू (13), अशा एकूण 43 वैद्यकीय संस्थांचा समावेश असणारी चार चर्चासत्रे आतापर्यंत घेण्यात आलेली आहेत. या चर्चासत्रांमध्ये कोविड-19 च्या व्यवस्थापना संदर्भातले सर्व मुद्दे लक्षात घेण्यात आले होते. रेमेडेजीवीर, टोसिलिझुमब, तसेच प्लाझ्मा चिकित्सा यांचा उपयोग तर्कशुद्ध पद्धतीने करण्याच्या गरजेवर या चर्चेमध्ये भर देण्यात आला.

सध्या अतिदक्षता विभागातल्या तसेच ऑक्सिजन यंत्रणा असलेल्या आणि विलगीकरण कक्षात वापरल्या जाणाऱ्या खाटांसह एक हजार पेक्षा जास्त खाटा असणाऱ्या देशभरातल्या रुग्णालयांमधील कोविड-19 वर उपचार देणाऱ्या चिकित्सकांना आपापले अनुभव सामायिक करण्यासाठी ही सुविधा उपलब्ध आहे. येत्या काळात हा कार्यक्रम 500 पेक्षा कमी खाटा असणाऱ्या छोट्या रुग्णालयांसाठी उपलब्ध करून दिला जाणार.
🟪देशातील पहिले सार्वजनिक इलेक्ट्रिक व्हेईकल चार्जिंग प्लाझा नवी दिल्लीत उघडले

भारतात ऊर्जा कार्यक्षमतेमध्ये वाढ करण्यासाठी आणि विजेवर चालणाऱ्या ई-वाहनांना प्रोत्साहन देण्याच्या उद्देशाने, केंद्रीय ऊर्जा, नूतन आणि अक्षय ऊर्जा मंत्री आर. के. सिंग यांच्या हस्ते 20 जुलै 2020 रोजी नवी दिल्लीत चेम्सफर्ड क्लब येथे देशातील पहिल्या “EV (इलेक्ट्रिक व्हेईकल) चार्जिंग प्लाझा”चे उद्‌घाटन करण्यात आले.

नवी दिल्ली महानगरपालिकेच्या सहकार्याने EESL या सार्वजनिक कंपनीने भारतातील पहिला-वहिला सार्वजनिक EV चार्जिंग प्लाझा मध्य दिल्लीत उभारला आहे. या केंद्रामध्ये विविध आकारमानाच्या पाच विजेरी वाहनांच्या चार्जिंगची सोय आहे.

विजेरी वाहन खरेदीच्या मागणीत वाढ करण्यासाठी आणि सार्वजनिक चार्जिंग केंद्रांच्या संख्येत वाढ करण्यासाठी नावीन्यपूर्ण व्यवसायिक उपक्रम निर्धारित करण्याच्या उद्देशाने भारतात विजेरी वाहनांसाठी पोषक वातावरण तयार करण्यासाठी एनर्जी एफीश्यन्सी सर्व्हिसेज लिमिटेड (EESL) सातत्याने प्रयत्नशील आहे.

आर. के. सिंग यांनी यावेळी अंतर्गत भागातील हवेच्या दर्जात सुधारणा करणाऱ्या आणि सुरक्षित वातावरण निर्माण करणाऱ्या एका "रिट्रोफिट ऑफ एयर कंडिशनिंग टु इम्प्रूव्ह इनडोअर एयर क्वालिटी फॉर सेफ्टी एंड एफिशियन्सी" (RAISE) नावाच्या राष्ट्रीय कार्यक्रमाचा शुभारंभ केला. या उपक्रमामुळे देशभरात कामाच्या ठिकाणी निर्माण होणारी दूषित हवा शुद्ध करण्यासाठी आणि वातावरण अधिक निरोगी आणि हरित बनवण्यासाठी मोठ्या प्रमाणावर फायदा होणार. हा देखील EESL कंपनीचा कार्यक्रम आहे.

आरोग्यदायी आणि ऊर्जा कार्यक्षम इमारतींसाठी आंतरराष्ट्रीय विकासासाठी अमेरिकेची मदत (USAID) या संस्थेच्या सहकार्याने “मैत्री” हा कार्यक्रम विकसित करण्यात आला आहे. या भागीदारीच्या अंतर्गत हा कार्यक्रम राबवला जात आहे.
🟪संयुक्तअरब अमिरातीच्या यानाची मंगळाकडे झेप.

संयुक्तअरब अमिरातीचे अवकाशयान सोमवारी मंगळाच्या दिशेने झेपावले. ‘अल अमल’ असे या अवकाशयानाचे नाव असून ते जपानच्या प्रक्षेपण तळावरून सोडण्यात आले. अरब जगतातील कुठल्याही देशाने आतापर्यंत अशी आंतरग्रहीय मोहीम राबवली नव्हती.

‘अल अमल’ याचा अर्थ ‘आशा’ असा आहे. हे यान १.३ टन वजनाचे असून ते जपानमधील तानेंगिशिमा येथील अवकाशतळावरून स्थानिक वेळेनुसार पहाटे १.५८ वाजता सोडण्यात आले. यानाची दूरसंचार यंत्रणा कार्यान्वित केली असून त्याच्याकडून पहिले संदेश मिळाले आहेत. त्याच्या सौरपट्टय़ा उघडण्यात आल्या असून मित्सुबिशी हेवी इंडस्ट्रीज प्रक्षेपण सेवेने यान प्रक्षेपित केले आहे. दुबईच्या अल खवानीज केंद्राला यानाकडून संदेश प्राप्त झाले आहेत. सौरपपट्टय़ा विद्युत भारित झाल्याने अवकाशयान ४९ कोटी ५० लाख कि. मी. चे मंगळापर्यंतचे अंतर पार करणार आहे.

संयुक्तअरब अमिरातीचे डिजिटल अर्थव्यवस्था मंत्री ओमर सुलतान अल ओलामा यांनी सांगितले की, या प्रकल्पात कोविड १९ चा मोठा अडथळा होता. त्यावर मात करण्यात यश आले आहे. सर्व सामग्री जपानमध्ये प्रक्षेपणापूर्वी पाठवणे गरजेचे होते. २०० दशलक्ष डॉलर्सचा हा प्रकल्प असून अरब जगतातील आंतरग्रहीय योजना पहिल्यांदाच यशस्वी झाली आहे. या मोहिमेसाठी अमिरातीच्या १३५ अभियंत्यांनी सहा वर्षे परिश्रम केले होते. हे अवकाशयान फेब्रुवारी २०२१ मध्ये मंगळावर पोहोचणार असून त्यावेळी अमिरातीच्या स्थापनेचा पन्नासावा वर्धापन दिन आहे.
🟪संयुक्तअरब अमिरातीचे अवकाशयानाचे नाव “अल अमल”

संयुक्तअरब अमिरातीचे अवकाशयान सोमवारी मंगळाच्या दिशेने झेपावले. ‘अल अमल’ असे या अवकाशयानाचे नाव असून ते जपानच्या प्रक्षेपण तळावरून सोडण्यात आले.अरब जगतातील कुठल्याही देशाने आतापर्यंत अशी आंतरग्रहीय मोहीम राबवली नव्हती.

‘अल अमल’ याचा अर्थ ‘आशा’ असा आहे. हे यान 1.3 टन वजनाचे असून ते जपानमधील तानेंगिशिमा येथील अवकाशतळावरून स्थानिक वेळेनुसार पहाटे 1.58 वाजता सोडण्यात आले.
यानाची दूरसंचार यंत्रणा कार्यान्वित केली असून त्याच्याकडून पहिले संदेश मिळाले आहेत.सौरपपट्टय़ा विद्युत भारित झाल्याने अवकाशयान 49 कोटी 50 लाख कि. मी. चे मंगळापर्यंतचे अंतर पार करणार आहे.
🟧राष्ट्रीयीकृत बँकांची संख्या पाचवर येणार!

🔘केंद्र सरकारने बँकिंग उद्योगाच्या पुनर्रचनेचा भाग म्हणून सध्याच्या १२ राष्ट्रीयीकृत बँकांची संख्या आणखी कमी करण्याचे ठरविले आहे. उल्लेखनीय म्हणजे दोन दिवसांपूर्वी बँकांच्या राष्ट्रीयीकरणाच्या ५१ व्या वर्धापन दिनाच्या पार्श्वभूमीवर सरकारने ही योजना प्रस्तावित केली असून त्यात काही बँकांचे खासगीकरणही अभिप्रेत आहे.

🔘वृत्तसंस्थेने सरकारी आणि बँकिंग सूत्रांच्या आधारे दिलेल्या वृत्तानुसार प्रस्तावित योजनेच्या पहिल्या टप्प्यात सरकारी मालकीच्या बँकांची संख्या केवळ पाचच राहील असे उद्दिष्ट राखण्यात आले आहे. तथापि सध्याच्या १२ वरून पाच अशी ही संख्या खासगीकरणाच्या माध्यमातून कमी केली जाणार आहे. सरकारी मालकीच्या बँकांपैकी बँक ऑफ इंडिया, सेंट्रल बँक ऑफ इंडिया, इंडियन ओव्हरसीज बँक, यूको बँक, बँक ऑफ महाराष्ट्र आणि पंजाब अ‍ॅण्ड सिंध बँक या बँकांतील सरकारकडे असलेल्या बहुमताचा भागभांडवली हिस्सा विकण्याचा पर्यायाने या बँकांचे खासगीकरण प्रास्तावित आहे.

🔘एका वरिष्ठ सरकारी अधिकाऱ्याचा हवाला देत या वृत्तसंस्थेने दोन वर्षांत राष्ट्रीयीकृत बँकांची संख्या चार किंवा पाचवर आणण्याचे प्रास्तावित असल्याचे म्हटले आहे. करोना विषाणूबाधेमुळे स्थंभित झालेल्या अर्थव्यवस्थेमुळे सरकारला अपेक्षित महसूल मिळू शकलेला नाही. याची भरपाई करण्यासाठी राष्ट्रीयीकृत बँकांतील भागभांडवल विकून निधी उभारण्याचा सरकारी पातळीवर विचार सुरू आहे.

🔘याआधी अनेक सरकारी समित्यांनी आणि भारतीय रिझव्‍‌र्ह बँकेने सरकारी बँकांची संख्या कमी करण्याचे प्रस्तावित केले आहे. सरकारने या वित्तीय वर्षांच्या सुरुवातीला १० सरकारी बँकांचे चार बँकांत विलीनीकरण करून राष्ट्रीयीकृत बँकांची संख्या २२ वरून १२ वर आणली आहे. भविष्यात सरकारी बँकांचे विलीनीकरण शक्य नसल्याने भागभांडवल विकणे हाच पर्याय असल्याचा मतप्रवाह केंद्रीय अर्थ खात्यात बळावत असल्याचे दिसत आहे.
करोना विषाणूबाधेच्या संकटामुळे आर्थिक वर्षांच्या अखेरीस बँकांना वाढत्या अनुत्पादित मालमत्तेचा सामना करावा लागेल असे मानण्यात येते. परिणामी बँकांच्या पुनर्भाडवलीकरणाची आवश्यकता लक्षात घेता, सरकारपुढे वाढीव आर्थिक पेच निर्माण होईल. आधीच घटलेल्या महसुलामुळे बँकांच्या पुनर्भाडवलीकरणासाठी तरतूद करणे सरकारला जवळजवळ अशक्य असल्याचे मानले जाते.

🔘या तरतुदीपेक्षा बँकांतील भागभांडवल विकून खासगीकरण करण्यावर अर्थमंत्रालय अनुकूल असल्याचे दिसून येते. पुनर्भाडवलीकरणापेक्षा भागभांडवल विकून खासगीकरणाची योजना कितपत यशस्वी होईल याबद्दल बँकिंग वर्तुळात मात्र साशंकता व्यक्त होत आहे.
🟧 मेसीला सातव्या वेळेस पिचिची पुरस्कार


ला-लीगा फुटबॉलमधील अखेरच्या सामन्यात लिओनेल मेसीने दोन गोल करत बार्सिलोनाला विजय मिळवून दिला. मात्र सलग सातव्या मोसमात सर्वाधिक गोलची नोंद करत मेसीने विक्रमी जेतेपद पटकावले.

मेसीने यंदाच्या मोसमात २५ गोलची नोंद केली. रेयाल माद्रिदच्या करीम बेन्झेमापेक्षा त्याने चार गोल अधिक लगावले.
सात विविध मोसमांत सर्वाधिक गोल लगावणारा मेसी हा ला-लीगामधील एकमेव फुटबॉलपटू ठरला आहे.

मेसीने सलग चार मोसमांत सर्वाधिक गोल करत ह्य़ुगो सांचेझच्या कामगिरीशी बरोबरी साधली. ‘‘वैयक्तिक कामगिरीला माझ्यासाठी दुय्यम स्थान असते.
सलग तिसऱ्या मोसमात सर्वाधिक २१ वेळा त्याने गोलसाहाय्यकाची जबाबदारी निभावली
🟧ICC Rankings : स्टोक्स अष्टपैलूंच्या यादीत अव्वल

वेस्टइंडिजविरूद्धच्या दुसऱ्या कसोटीत धडाकेबाज कामगिरी करणारा बेन स्टोक्स याला ICCच्या ताज्या क्रमवारीत बढती मिळाली.

ICCने ताजी कसोटी क्रमवारी जाहीर केली. त्यात अष्टपैलू खेळाडूंच्या यादीत त्याने अव्वल स्थान पटकावले तर फलंदाजांच्या यादीत तो तिसऱ्या स्थानी विराजमान झाला.

अष्टपैलूंच्या यादीत त्याने वेस्ट इंडिजचा कर्णधार जेसन होल्डर याला खाली ढकलत अव्वलस्थान पटकावले. तसेच अँड्र्यू फ्लिंटॉफनंतर अष्टपैलूंच्या यादीत अव्वल ठरणारा स्टोक्स पहिलाच इंग्लिश खेळाडू आहे. ही स्टोक्सची कारकिर्दीतील सर्वोत्तम कामगिरी आहे. टॉप ५ अष्टपैलूंच्या यादीत रविंद्र जाडेजा आणि रविचंद्रन अश्विन हे दोघे अनुक्रमे तिसऱ्या आणि पाचव्या स्थानी आहेत.
🅾🅾 रोनाल्डोचे विक्रमी अर्धशतक- सेरी-ए फुटबॉल स्पर्धा 🅾🅾

🧩अव्वल फुटबॉलपटू ख्रिस्तियानो रोनाल्डोने तीन मिनिटांच्या अंतरात दोन गोल केल्याने युव्हेंटसने सेरी-ए फुटबॉल स्पर्धेत लॅझियोला 2-1 नमवले.

🧩रोनाल्डो सेरी-ए, इंग्लिश प्रीमियर लीग, ला-लिगा या स्पर्धामध्ये 50 गोल करणारा पहिला फुटबॉलपटू ठरला.
या विजयाबरोबरच युव्हेंटसने विक्रमी सलग नवव्या विजेतेपदाच्या दिशेने वाटचाल केली आहे.

🧩रोनाल्डोने 51व्या मिनिटाला पेनल्टीवर पहिला, तर 54 व्या मिनिटाला दुसरा गोल केला.
​​🟧करोनामुळे निर्माण झालेली परिस्थिती सुधारत असतानाच….”, डोनाल्ड ट्रम्प यांचं मोठं विधान

करोना व्हायरसाचा सर्वाधिक फटका अमेरिकेला बसला असून अद्यापही नियंत्रण मिळवण्यात त्यांना यश आलेलं नाही. दरम्यान अमेरिकेचे राष्ट्राध्यक्ष डोनाल्ड ट्रम्प यांनी करोनामुळे निर्माण झालेली परिस्थिती सुधारण्याऐवजी अजून बिकट होईल असं सांगितलं आहे. व्हाइट हाऊसमध्ये आयोजित पत्रकार परिषदेत बोलताना त्यांनी हे वक्तव्य केलं. एप्रिल महिन्याच्या अखेरीस पत्रकारांशी संवाद साधल्यानंतर पहिल्यांदाच डोनाल्ड ट्रम्प यांनी पत्रकार परिषद घेतली. एफपीने यासंबंधी वृत्त दिलं आहे.

“आपल्या देशातील काही ठिकाणी परिस्थिती सुधारत आहे. मात्र काही ठिकाणी अद्यापही चिंतेची बाब आहे. परिस्थिती सुधारण्याऐवजी ती अजून बिकट होत जाणं जास्त दुर्दैवी आहे,” असं डोनाल्ड ट्रम्प यांनी यावेळी म्हटलं. “दक्षिण अमेरिकेतील अनेक भागांमध्ये करोनाचे रुग्ण वाढत असून चिंताजनक परिस्थिती आहे,” असंही यावेळी त्यांनी सांगितलं.

अमेरिकेत करोनाचा कहर असून आतापर्यंत १ लाख ४१ हजार लोकांना आपला जीव गमवावा लागला आहे. डोनाल्ड ट्रम्प यांनी यावेळी देशवासियांना करोनाचा फैलाव रोखण्यासाठी मास्क वापरा असं आवाहन केलं. “जेव्हा तुम्हाला सोशल डिस्टनसिंग पाळणं शक्य नाही तेव्हा तुम्ही मास्क वापरा असं आम्ही प्रत्येकाला सांगत आहोत,” असं डोनाल्ड ट्रम्प यांनी सांगितलं.
🔶🔶६४ वर्षांच्या इतिहासात पहिल्यांदाच नोबेल पुरस्कार सोहळा रद्द🔶🔶

◾️जगावर ओढावलेल्या कोरोनाच्या दुष्ट संकटामुळे यावर्षी पार पडणारा नोबेल पुरस्कार सोहळाही रद्द करण्याचा निर्णय घेण्यात आला आहे.

◾️त्याचबरोबर माध्यमांच्या माहितीनुसार ६४ वर्षांच्या काळात पहिल्यांदाच या सोहळ्यात खंड पडल्याचे म्हटले जात आहे.

◾️यासंदर्भातील माहिती नोबेल पुरस्कारांचे आयोजन करणाऱ्या संस्थेने दिली आहे.

◾️तसेच हा पुरस्कार सोहळा वेगळ्या प्रकारे आयोजित करण्यात येणार असून त्याची लवकरच माहिती दिली जाणार असल्याचेही यावेळी स्पष्ट करण्यात आले.

◾️नोबेल आठवडा ज्या प्रकारे आयोजित करण्यात येतो तसा यावेळी करण्यात येणार नाही.

◾️कोरोनाच्या महामारीमुळे सध्या यावेळची परिस्थिती वेगळी आहे. हे वर्ष गेल्या वर्षीच्या तुलनेत निराळे आहे.

◾️सध्या सर्वांना नव्या परिस्थितीशी जुळवून घेण्याची गरज असल्यामुळे यावर्षीचा नोबेल पुरस्कार सोहळा रद्द केला जाणार असून तो नव्या स्वरूपात दिसेल, अशी माहिती नोबेल फाऊंडेशनचे संचालक लार्स हेकेन्स्टीन निवेदनाद्वारे दिली.

◾️दरम्यान, नोबेल पुरस्कारांच्या ६४ वर्षांच्या इतिहासात पहिल्यांदाच हा सोहळा रद्द करण्यात आल्याचे म्हटले जात आहे.