MPSC SIMPLIFIED(official)
34.4K subscribers
34.8K photos
52 videos
3.69K files
9.49K links
simplified चा टेलिग्राम ग्रुप
(आपल्या मित्रांना जॉईन करा)

+ सिम्प्लिफाइड स्टडी
+newspaper सिम्प्लिफाइड
+job सिम्प्लिफाइड
+daily चालू घडामोडी टेस्ट
+अभ्यास आधारित टेस्ट


https://telegram.me/mpscsimplified
Download Telegram
🖌🖌शाळा-महाविद्यालयांना केंद्राची १५ ऑक्टोबरपासून परवानगी.🖌🖌

📚टाळेबंदी शिथिलीकरणाच्या पाचव्या टप्प्यासाठी केंद्र सरकारने बुधवारी मार्गदर्शक सूचना जाहीर केल्या. त्यानुसार शाळा-महाविद्यालये तसेच, अन्य शैक्षणिक संस्था १५ ऑक्टोबरपासून सुरू करण्यास मुभा देण्यात आली असून, निर्णयाची जबाबदारी राज्य सरकारांकडे सोपविण्यात आली आहे.

📚शाळा, महाविद्यालये, शिकवण्यांचे वर्ग १५ ऑक्टोबरनंतर टप्प्याटप्प्याने सुरू करता येऊ शकतील. पण त्यापूर्वी शैक्षणिक संस्थांच्या व्यवस्थापकांची सहमती गरजेची असेल. तसेच, विद्यार्थ्यांनी पालकांच्या लेखी परवानगीनेच शाळा-महाविद्यालयांमध्ये जावे, असे केंद्रीय गृहमंत्रालयाने प्रसिद्ध केलेल्या सूचनांमध्ये नमूद करण्यात आले आहे.

📚शैक्षणिक संस्था प्रत्यक्ष सुरू होत नाहीत तोपर्यंत ऑनलाइन शिक्षणालाच प्राधान्य देण्याची सूचनाही करण्यात आली आहे. ज्या विद्यार्थ्यांना प्रत्यक्ष शाळेत किंवा महाविद्यालयात न येता घरी राहून ऑनलाइन पद्धतीनेच शिक्षण घ्यायचे असेल, त्यांना तशी परवानगी दिली जावी. विद्यार्थ्यांना हजेरीची सक्ती करू नये, असेही त्यात नमूद करण्यात आले आहे.
🍀स्वदेशी ‘बूस्टर’ अंतर्भूत असलेल्या ‘ब्रह्मोस’ क्षेपणास्त्राची यशस्वी चाचणी.🍀

🔷जमिनीवरून जमिनीवर मारा करणाऱ्या सुपरसॉनिक ‘ब्रह्मोस’ क्षेपणास्त्राची 30 सप्टेंबर 2020 रोजी ओडिशाच्या बालासोर येथून यशस्वी चाचणी घेण्यात आली. स्वदेशी ‘बूस्टर’ आणि एअरफ्रेम सेक्शन असणारे ब्रह्मोस क्षेपणास्त्र इतर अनेक स्वदेशी उप-यंत्रणांनी युक्त आहे.

🔷ब्रह्मोस लँड-अटॅक क्रूझ क्षेपणास्त्राचा (LACM) कमाल वेग मॅक 2.8 होता.

🔶ब्रह्मोस क्षेपणास्त्र.....

🔷‘ब्रह्मोस’ हे भारताचे संपूर्णताः स्वदेशी सुपरसॉनिक लक्ष्यभेदी क्षेपणास्त्र आहे.

🔷ब्रह्मोस जवळपास 300 किलोचे विस्फोटक आता जवळपास 300 किलोमीटर दूर वाहून नेण्यास सक्षम आहे.
ब्रह्मोसच्या नावावर सर्वाधिक गतिमान सुपरसोनिक क्षेपणास्त्राचा जागतिक विक्रम आहे. याची गती ताशी सुमारे 3400 किलोमीटरपेक्षा अधिक आहे.

🔷ब्रह्मोस कॉरपोरेशनचे 'ब्रह्मोस' क्षेपणास्त्र भारत आणि रशिया संबंधातून विकसित करण्यात आले आहे. ‘ब्रह्मोस कॉरपोरेशन’ भारताची संरक्षण संशोधन आणि विकास संस्था (DRDO) आणि रशियाची NPO मशीनोस्त्रोयेनिशिया यांचा एक संयुक्त उपक्रम (JV) आहे. ब्रह्मोस (BrahMos) हे नाव भारताची ब्रह्मपुत्र आणि रशियाची मस्कवा नदीवरून ठेवण्यात आले आहे.

🔷भारतीय सेवेत ब्रह्मोस 2006 सालापासून आहे. हे एयर लॉंच्ड क्रुज क्षेपणास्त्र (ALCM) जल-थल-वायू अश्या तीनही परिस्थितीत भारतीय सेवेत आहे.ब्रह्मोस हे पहिले भारतीय क्षेपणास्त्र आहे, ज्याचा कार्यकाळ 10 ते 15 वर्षांपर्यंत वाढविण्यात आला आहे.
⚡️⚡️पंतप्रधानांच्या हस्ते ‘वैभव परिषदे’चे उद्घाटन.⚡️⚡️

💥पंतप्रधान नरेंद्र मोदी यांच्या हस्ते 2 ऑक्टोबर 2020 रोजी “वैश्विक भारतीय वैज्ञानिक (VAIBHAV / वैभव) शिखर परिषदेचे उद्घाटन झाले.

💥ती परदेशी आणि निवासी भारतीय संशोधक आणि शिक्षणतज्ज्ञांची आभासी परिषद असून 2 ऑक्टोबर ते 31 ऑक्टोबर 2020 या काळात या परिषदेचे आयोजन करण्यात येणार आहे.

✨ठळक बाबी...

💥जागतिक पातळीवरती विकासासाठी शैक्षणिक आणि संशोधन तसेच तंत्रज्ञान आधार बळकट करण्यासाठी सहयोग यंत्रणेवर चर्चा करण्यासाठी जगभरातल्या शैक्षणिक संस्था तसेच संशोधन व विकास संस्थांमध्ये कार्यरत असलेल्या भारतीय वंशाच्या नामांकित व्यक्तींना एकाच व्यासपीठावर आणणे हा या परिषदेचा हेतु आहे.

💥महिनाभर चालणाऱ्या परिषदेत 55 देशांमधल्या 3000 शिक्षणतज्ज्ञ आणि शास्त्रज्ञ, 10 हजार निवासी तज्ज्ञ आणि शास्त्रज्ञ परिषदेत वेबिनार, व्हिडीओ कॉन्फरन्स या माध्यमांतून 18 विविध क्षेत्रांवर आधारीत 80 विषयांवरती 200 चर्चासत्रांमध्ये आभासी पद्धतीने सहभागी होणार आहेत.

💥भारत सरकारचे प्रमुख वैज्ञानिक सल्लागार यांच्या नेतृत्वाखाली सुमारे 200 शैक्षणिक संस्था तसेच विज्ञान व तंत्रज्ञान विभाग परिषदेचे आयोजन करीत आहे.
☘☘ITI कंपनी भारतीय भुदलासाठी ‘ASCON-IV’ ही दूरसंवाद प्रणाली तयार करणार.☘☘

🌑सुरक्षेबाबतच्या केंद्रीय मंत्रिमंडळाने भारतीय भुदलासाठी “आर्मी स्टॅटीक स्विच्ड कम्युनिकेशन नेटवर्क (ASCON)” या दूरसंवाद प्रणालीच्या चौथ्या टप्प्याचे काम सुरु करण्याचा प्रस्ताव मंजूर केला आहे.

☄प्रकल्पाविषयी.....

🌑ही यंत्रणा ITI लिमिटेड या सार्वजनिक क्षेत्रातल्या संस्थेमार्फत उभारली जाणार आहे.

🌑सुमारे 7796 कोटी 39 लक्ष रुपये अंदाजित खर्च या प्रकल्पावर होणार आहे.
प्रकल्प ‘स्ट्रॅटेजिक अँड थिएटर एरीया’ प्रकाराच्या दूरसंवाद जाळ्याच्या संदर्भात असून ते संपूर्ण काम झाल्यानंतर सध्याच्या असिंक्रोनस ट्रान्सफर मोड तंत्रज्ञानाचे रुपांतर इंटरनेट प्रोटोकॉल किंवा मल्टी प्रोटोकोल लेबल स्विचिंग या सुधारित तंत्रज्ञानात होणार आहे.
या तंत्रज्ञान प्रणालीत दूरसंवाद माध्यमे म्हणून ऑप्टीकल फायबर केबल, मायक्रोव्हेव्ह रेडीओ आणि उपग्रह यांचा वापर केला जाणार आहे.

☄फायदे....

🌑या प्रकल्पामुळे भारतीय लष्कराला कोणत्याही अतिदुर्गम प्रदेशात अधिक चांगली संपर्क क्षमता, उत्तम प्रतिसाद शक्ती आणि उच्च दर्जाची बँडविड्थ उपलब्ध होणार.

🌑भारतीय सीमेजवळ, नियंत्रण रेषेजवळ तसेच प्रत्यक्ष नियंत्रण रेषेजवळ विस्तृत क्षेत्रावर वाढीव दूरसंवाद जाळ्याचा लाभ मिळणार.प्रकल्प पूर्ण झाल्यानंतर देशाच्या मध्य तसेच पूर्व भागातल्या अतिदुर्गम भागात आणि पश्चिमी सीमेजवळच्या सैन्याच्या हालचालींना मार्गदर्शन करण्यासाठी संपर्काची उत्तम सोय होणार आहे.

🌑यंत्रणा उभारण्यासाठी वापरण्यात येणारी 80 टक्के यंत्रसामग्री भारतीय बनावटीची असल्यामुळे या प्रकल्पामुळे भारतीय अर्थव्यवस्थेला मोठी चालना मिळणार.
📀एअर इंडिया वन विमान भारतात होणार लँड.📀

🧬‘एअर इंडिया वन’च्या दोन व्हीव्हीआयपी विमानांपैकी पहिले विमान आज भारतात दाखल होणार आहे.हे विमान खास राष्ट्रपती, उपराष्ट्रपती आणि पंतप्रधानांच्या परदेश दौऱ्यासाठी असणार आहे.

🧬देशातील VVIP साठी खास ‘द स्पेशल एक्स्ट्रा सेक्शन फ्लाइट’ आज दिल्ली आंतरराष्ट्रीय विमानतळावर दाखल होईल, असे सरकारमधील सूत्रांनी एएनआयला सांगितले.

🧬या VVIP एअर इंडिया वनची डिलिव्हरी स्वीकारण्यासाठी ऑगस्ट महिन्याच्या सुरुवातीला एअर इंडियाचे वरिष्ठ अधिकारी, सुरक्षा अधिकारी आणि वरिष्ठ सरकारी अधिकारी अमेरिकेला रवाना झाले होते.

🧬विमान उड्डाणवस्थेत असताना ऑडिओ आणि व्हिडीओच्या माध्यमातून संपर्क साधण्याची सुविधा यामध्ये आहेत.
B777 या विमानाची सलग 17 तास उड्डाण करण्याची क्षमता असेल
💐💐चांदोबाचे चित्रकार के. सी. शिवशंकर निधन झाले.💐💐

🍁मुलांसाठी असलेल्या ‘चांदोबा’ मासिकातील विक्रम आणि वेताळच्या चित्रांसाठी ओळखले जाणारे चित्रकार के. सी. शिवशंकर यांचे बुधवारी चेन्नईत निधन झाले. ते 97वर्षांचे होते.

🍁मूळचे तेलुगु नियतकालिक असलेल्या ‘चंदामामा’ मासिकाची स्थापना चित्रपट निर्माते बी. नागी रेड्डी व चक्रपाणी यांनी 1947 साली केली होती.

🍁मुलांमध्ये प्रचंड लोकप्रियता लाभल्याने हे मासिक नंतर 13 भारतीय भाषांमध्ये प्रकाशित होऊ लागले.

🍁 या प्रकाशनाच्या मूळ डिझायनर चमूतील शिवशंकर हे अखेरचे सदस्य होते.
🟧शाळा आणि अंगणवाडी केंद्रांमध्ये नळाद्वारे पेयजल पुरवठ्यासाठी केंद्रीय जलशक्ती मंत्रालयाचा 100 दिवसांचा अभियान.

देशभरातल्या शाळकरी बालकांना स्वच्छ आणि सुरक्षित पिण्याचे पाणी उपलब्ध करून देण्याच्या हेतूने केंद्रीय जल शक्ती गजेंद्रसिंग शेखावत यांच्या हस्ते 2 ऑक्टोबर 2020 रोजी देशभरातल्या सर्व शाळा आणि अंगणवाडी केंद्रांमध्ये नळाद्वारे पेयजल पुरवठा करण्यासाठी 100 दिवसांच्या विशेष अभियानाचा शुभारंभ करण्यात आला.

▪️ठळक बाबी.

पंतप्रधानांनी 29 सप्टेंबर 2020 रोजी जल जीवन मिशनच्या अंमलबजावणीच्या संदर्भात ग्रामपंचायती आणि पाणी समित्यांसाठी ‘मार्गदर्शिके’चे प्रकाशन करताना या अभियानाची संकल्पना मांडली होती.जल जीवन मिशन अंतर्गत बालकांना जलयुक्त आजारांची लागण होण्याची जोखीम जास्त असल्यामुळे त्यांना स्वच्छ पाणी उपलब्ध करुन देणे याला प्राधान्य देण्यात आले आहे.

या मोहिमेदरम्यान, पुढच्या 100 दिवसांमध्ये गावातल्या सर्व शाळा, अंगणवाडी केंद्रे आणि इतर सार्वजनिक संस्थांमध्ये स्वच्छ पाणीपुरवठा करण्याचा ठराव संमत करण्यासाठी ग्रामसभा लवकरात लवकर बोलावण्यात येणार.
जल जीवन मिशनचे उद्दीष्ट 2024 सालापर्यंत प्रत्येक ग्रामीण घरात नळ जोडणी देणे आहे. या अभियानाच्या अंतर्गत महिला व बालकांवर विशेष लक्ष दिले जात आहे. या अभियानात सर्व गंभीर समस्यांचे निराकरण करण्याची क्षमता आहे.
🟧 H1 B’ VISA बंदी आदेशास अमेरिकी न्यायालयाची स्थगिती.


अमेरिकी न्यायालयाने एच 1 बी व्हिसावर घालण्यात आलेल्या तात्पुरत्या बंदीच्या अंमलबजावणीला स्थगिती दिली आहे.

अध्यक्ष ट्रम्प यांनी हा आदेश जारी करताना त्यांच्या घटनात्मक अधिकारांचे उल्लंघन केले आहे, असे सांगून न्यायालयाने ट्रम्प प्रशासनाला चपराक दिली.

व्यापार व अंतर्गत सुरक्षा मंत्रालय यांच्या विरोधात दाखल करण्यात आलेल्या याचिकेवर ‘नॉर्दर्न डिस्ट्रिक्ट ऑफ कॅलिफोर्निया’चे न्यायाधीश जेफ्री व्हाइट यांनी हा निकाल दिला.

व्हीसा बंदीमुळे अनेकउत्पादक कंपन्यांना आर्थिक दुरवस्था असताना महत्त्वाची पदे भरणे कठीण झाले होते, असे राष्ट्रीय उत्पादक संघटनेने म्हटले आहे.

एच 2 व्हिसा हे कृषीतर हंगामी कामगारांना दिले जातात. तर जे व्हिसा हे सांस्कृतिक आदानप्रदानासाठी वापरले जातात.

एल व्हिसा हे व्यवस्थापक व बहुराष्ट्रीय कंपन्यांतील व्यवस्थापक पदावरील कर्मचाऱ्यांसाठी वापरले जातात. या सर्व प्रकारच्या व्हिसांवर अध्यक्ष डोनाल्ड ट्रम्प यांनी वर्षअखेरीपर्यंत बंदी घातली होती.
🟧ज्येष्ठ नाट्य समीक्षक, विचारवंत प्रा. पुष्पा भावे यांचे निधन.

ज्येष्ठ नाट्य समीक्षक, विचारवंत आणि प्रभावी वक्त्या प्रा. पुष्पा भावे यांचं आज (शनिवारी) मध्यरात्री १२.३० वाजण्याच्या सुमारास दीर्घ आजाराने मुंबईत निधन झालं, त्या ८१ वर्षांच्या होत्या. शिवाजीपार्क स्माशानभूमीत त्यांच्यावर अंत्यंस्कार करण्यात येणार आहेत.

राष्ट्र सेवा दलाचे संस्कार आणि पुरोगामी विचारवंत असलेल्या पुष्पा भावे या मुंबईच्या रुईया महाविद्यालयातून प्राध्यापिका म्हणून निवृत्त झाल्या होत्या. नाट्य समीक्षक आणि परखड विचारसरणी असलेल्या भावे यांनी संयुक्त महाराष्ट्र आंदोलन, दलित पँथर, देवदासी मुक्ती अशा चळवळींमध्ये सक्रिय सहभाग नोंदवला होता.

प्रा. पुष्पा भावे यांच्या निधनामुळे खंबीर स्त्रीवादी कार्यकर्त्या आणि शोषितांचा आवाज शांत झाल्याची भावाना व्यक्त होत आहे.
▪️मोबाइल फोन महागणार.

केंद्र सरकारकडून मोबाइल फोनसाठी वापरात येणाऱ्या प्रदर्शन काचपट्टीच्या अर्थात ‘डिस्प्ले’चे आयातशुल्क ३ टक्क्यांनी वाढवून ते १० टक्क्यांवर नेण्याचा विचार सुरू असून, त्यामुळे फोनच्या किमती वाढतील, असे ‘इंडियन सेल्युलर अँड इलेक्ट्रॉनिक्स असोसिएशन (आयसीईए)’ या संघटनेने शुक्रवारी स्पष्ट केले.

आयसीईएचे राष्ट्रीय अध्यक्ष पंकज महिंद्रू यांच्या मते, मोबाइल फोनच्या किमती किमान दीड ते कमाल तीन टक्क्यांनी वाढू शकतील. मुख्यत्वे, अ‍ॅपल, हुआवे, शाओमी, विवो आणि विन्स्ट्रॉन या नाममुद्रांचे फोन महागण्याची शक्यता दिसून येते.
🟧बोंगोसागर”: भारतीय नौदल आणि बांगलादेश नौदल यांची संयुक्त सागरी कवायत.

भारतीय नौदल आणि बांगलादेश नौदल यांनी “बोंगोसागर” नामक संयुक्त सागरी कवायत आयोजित केली. 3 ऑक्टोबर 2020 पासून तीन दिवस हा युद्धसराव चालणार आहे. यंदा या कवायतीचे हे दुसरे वर्ष आहे.

▪️ठळक बाबी.

दोन्ही देशांच्या नौदलांची ही संयुक्त कवायत बंगालच्या उपसागरात आयोजित करण्यात आली.

दरम्यान दोन्ही देश संयुक्तपणे गस्त घालून परस्परांच्या सागरी सीमेचे रक्षण करणे तसेच गस्त घालताना सतत एकमेकांशी समन्वय ठेवणे या मोहिमा पार पाडणार.

भारताकडून कवायतीसाठी INS किल्टन ही पाणबुडीविरोधी युद्धनौका आणि INS खुकरी ही अचूक क्षेपणास्त्र हल्ले करणारी युद्धनौका सहभागी झाली.

भारताच्या ‘सागर’ (Security And Growth for All in the Region - SAGAR) नामक दृष्टीकोनाच्या पार्श्वभूमीवर शेजारी देशांसोबत समन्वय राखण्यासाठी, एकमेकांना सहकार्य करण्यासाठी 'बोंगोसागर' कवायत केली जात.

▪️बांगला देश विषयी.

बांगलादेश हा दक्षिण आशियातला गंगा आणि ब्रह्मपुत्रा यांच्या त्रिभुज प्रदेशातला एक प्रजासत्ताक देश आहे. ढाका ही देशाची राजधानी आहे आणि बांगलादेशी टाका हे राष्ट्रीय चलन आहे.

भारतीय उपखंडाच्या ईशान्य भागातल्या या राष्ट्राचा उदय 1971 साली झाला. तत्पूर्वी हा देश पूर्व पाकिस्तान या नावाने पाकिस्तानचाच एक प्रांत होता. पाकिस्तानच्या इतर प्रांतांपासून तो 1750 किलोमीटरच्या भारतीय प्रदेशाने अलग केलेला होता. बांगला देशाच्या पश्चिमेस व वायव्येस भारतातले पश्चिम बंगाल, उत्तरेस आसाम व मेघालय, पूर्वेस आसाम व त्रिपुरा आणि मिझोरम ही राज्ये आहे.
🟧भारतीय महिलांची तिसऱ्या स्थानावर झेप.

आंतरराष्ट्रीय महिला क्रिकेट टी-२०

भारतीय महिला क्रिकेट संघाने आंतरराष्ट्रीय टी-२० क्रमवारीत न्यूझीलंडला मागे टाकत तिसरं स्थान पटकावलं आहे. आयसीसीने शुक्रवारी महिला क्रिकेट संघांसाठी नवी क्रमवारी जाहीर केली.

या क्रमवारीत ऑस्ट्रेलिया आणि इंग्लंडच्या संघाने आपलं पहिलं आणि दुसरं स्थान कायम राखलं आहे.ऑस्ट्रेलियन महिला संघाच्या खात्यात २९१ तर इंग्लंड महिला संघाच्या खात्यात २८० गुण जमा आहेत.

फेब्रुवारीत ऑस्ट्रेलियात झालेल्या महिला टी-२० विश्वचषकाची अंतिम फेरी गाठणारा भारतीय महिला संघ २७० गुणांसह तिसऱ्या स्थानी आहे.न्यूझीलंडचा संघ आणि भारताचा संघ यांच्यात फक्त एका गुणाचा फरक आहे.

भारतीय महिला संघाच्या खेळाडू सध्या युएईत महिला आयपीएल स्पर्धा खेळण्यासाठी सज्ज झाला आहे. ४ ते ९ नोव्हेंबर या कालावधीत बीसीसीआय युएईत ३ संघांमध्ये ही स्पर्धा खेळवणार असल्याचं समजतंय.
🟧‘पीएनबी’प्रकरणी नवे आरोपपत्र.

जवळपास २.६३ कोटी रुपयांची बेहिशोबी मालमत्ता गोळा केल्याप्रकरणी सीबीआयने पंजाब नॅशनल बँकेचे (पीएनबी) निवृत्त उपव्यवस्थापक गोकुळनाथ शेट्टी आणि त्यांच्या पत्नीविरुद्ध नव्याने आरोपपत्र दाखल केले आहे, असे शुक्रवारी अधिकाऱ्यांनी सांगितले.

पीएनबी बँकेत १३ हजार कोटी रुपयांचा घोटाळा करणारे नीरव मोदी आणि मेहुल चोक्सी यांना शेट्टी याने मदत केली होती.

शेट्टी आणि इंडियन बँकेत कारकून असलेली त्यांची पत्नी आशालता यांनी २०११ ते १७ या कालावधीत ४.२८ कोटींची मालमत्ता गोळा केली. याप्रकरणी सीबीआयने त्यांच्याविरुद्ध भ्रष्टाचाराचे आरोप ठेवले. एकूण मालमत्तेपैकी २.६३ कोटींच्या मालमत्तेबाबत ते समाधानकारक स्पष्टीकरण देऊ शकले नाही, असे सीबीआयने म्हटले आहे.
🟧‘एच १ बी’ व्हिसा बंदी आदेशास अमेरिकी न्यायालयाची स्थगिती.

अमेरिकी न्यायालयाने एच १ बी व्हिसावर घालण्यात आलेल्या तात्पुरत्या बंदीच्या अंमलबजावणीला स्थगिती दिली आहे. अध्यक्ष ट्रम्प यांनी हा आदेश जारी करताना त्यांच्या घटनात्मक अधिकारांचे उल्लंघन केले आहे, असे सांगून न्यायालयाने ट्रम्प प्रशासनाला चपराक दिली.

व्यापार व अंतर्गत सुरक्षा मंत्रालय यांच्या विरोधात दाखल करण्यात आलेल्या याचिकेवर ‘नॉर्दर्न डिस्ट्रिक्ट ऑफ कॅलिफोर्निया’चे न्यायाधीश जेफ्री व्हाइट यांनी हा निकाल दिला. व्हीसा बंदीमुळे अनेकउत्पादक कंपन्यांना आर्थिक दुरवस्था असताना महत्त्वाची पदे भरणे कठीण झाले होते, असे राष्ट्रीय उत्पादक संघटनेने म्हटले आहे.

जूनमध्ये ट्रम्प यांनी एच १ बी व्हिसावर तात्पुरती बंदी घालणारा वटहुकूम जारी केला. अमेरिकेतील अनेक कंपन्या एच १ बी व्हिसावरील भारतीय व चिनी कर्मचाऱ्यांना नोकऱ्या देत असतात. त्यात अनेक नोकऱ्या या उच्च कौशल्यावर आधारित असतात.

एच २ व्हिसा हे कृषीतर हंगामी कामगारांना दिले जातात. तर जे व्हिसा हे सांस्कृतिक आदानप्रदानासाठी वापरले जातात. एल व्हिसा हे व्यवस्थापक व बहुराष्ट्रीय कंपन्यांतील व्यवस्थापक पदावरील कर्मचाऱ्यांसाठी वापरले जातात. या सर्व प्रकारच्या व्हिसांवर अध्यक्ष डोनाल्ड ट्रम्प यांनी वर्षअखेरीपर्यंत बंदी घातली होती.
🟧न्यूट्रिनो वेधशाळा

ठिकाण = तामिळनाडू राज्याच्या थाटी जिल्ह्यात बोडी वेस्ट हिल्सच्या परिसरात भारतातली न्यूट्रिनो वेधशाळा उभारली जाणार.

संकल्पना = पृथ्वीच्या वातावरणात तयार होणाऱ्या न्यूट्रिनो कणांचे निरीक्षण केले जाणार. त्याद्वारे न्यूट्रिनो कणांच्या गुणधर्मांबद्दल अधिक माहिती गोळा केली जाणार. ‘न्यूट्रिनो डिटेक्टर’ हे एक ‘मॅग्नेटाईज्ड आयर्न कॅलोरीमीटर’ उपकरण असते. कोणत्याही देशाच्या तुलनेत भारतात सर्वाधिक वजनी उपकरण तयार केले जाणार आहे.वेधशाळा जमिनीच्या खाली तयार केली जाणार आहे.प्रकल्पाला अणुऊर्जा विभाग आणि विज्ञान व तंत्रज्ञान विभाग वित्तपूरवठा करणार आहेत.

न्यूट्रिनो म्हणजे काय???

नयूट्रिनो हे ब्रह्मांड तयार करणारे आकाराने सर्वात छोटे कण असतात. न्यूट्रिनो नावाप्रमाणेच विद्युतदृष्ट्या तटस्थ असतात आणि त्याचे वस्तुमान इतर कोणत्याही ज्ञात कणांपेक्षा शून्यसमान अगदीच कमी असते.

मुख्य स्रोत = सर्य आणि पृथ्वीचे वातावरण.

जगाचा सहभाग = नयूट्रिनो वेधशाळा कॅनडा, जापान आणि इटली या देशांमध्ये जमिनीखाली तर अंटार्क्टिका व फ्रान्स या देशांमध्ये समुद्राखाली आहेत.
🟧ITI कंपनी भारतीय भुदलासाठी  ‘ASCON-IV’ ही दूरसंवाद प्रणाली तयार करणार

सुरक्षेबाबतच्या केंद्रीय मंत्रिमंडळाने भारतीय भुदलासाठी “आर्मी स्टॅटीक स्विच्ड कम्युनिकेशन नेटवर्क (ASCON)” या दूरसंवाद प्रणालीच्या चौथ्या टप्प्याचे काम सुरु करण्याचा प्रस्ताव मंजूर केला आहे.

▪️प्रकल्पाविषयी.

ही यंत्रणा ITI लिमिटेड या सार्वजनिक क्षेत्रातल्या संस्थेमार्फत उभारली जाणार आहे.

सुमारे 7796 कोटी 39 लक्ष रुपये अंदाजित खर्च या प्रकल्पावर होणार आहे.

प्रकल्प ‘स्ट्रॅटेजिक अँड थिएटर एरीया’ प्रकाराच्या दूरसंवाद जाळ्याच्या संदर्भात असून ते संपूर्ण काम झाल्यानंतर सध्याच्या असिंक्रोनस ट्रान्सफर मोड तंत्रज्ञानाचे रुपांतर इंटरनेट प्रोटोकॉल किंवा मल्टी प्रोटोकोल लेबल स्विचिंग या सुधारित तंत्रज्ञानात होणार आहे.

या तंत्रज्ञान प्रणालीत दूरसंवाद माध्यमे म्हणून ऑप्टीकल फायबर केबल, मायक्रोव्हेव्ह रेडीओ आणि उपग्रह यांचा वापर केला जाणार आहे.