MPSC SIMPLIFIED(official)
34.4K subscribers
34.8K photos
52 videos
3.69K files
9.49K links
simplified चा टेलिग्राम ग्रुप
(आपल्या मित्रांना जॉईन करा)

+ सिम्प्लिफाइड स्टडी
+newspaper सिम्प्लिफाइड
+job सिम्प्लिफाइड
+daily चालू घडामोडी टेस्ट
+अभ्यास आधारित टेस्ट


https://telegram.me/mpscsimplified
Download Telegram
SIMPLIFIED CHALU GHADAMODI Dairy Ank 16
1 July Te 20 September - 2020 -16 https://www.amazon.in/dp/B08JJ7QY2N/ref=cm_sw_r_u_apa_i_HwvEFbMW9J4YX

SIMPLIFIED CHALU GHADAMODI DAIRY - 2020 : 15 Va Ank https://www.amazon.in/dp/8194129389/ref=cm_sw_r_u_apa_i_WxvEFbTB2RS49

Simplified Chalu Ghadamodi Dairy + Yearbook 2020 https://www.amazon.in/dp/B083GWNF1P/ref=cm_sw_r_u_apa_i_hCvEFbH3A90Y1

Simplified Combine Sarav Prashnasanch - Gat B va Gat K Pariksha https://www.amazon.in/dp/8194129362/ref=cm_sw_r_u_apa_i_ZCvEFbHYVPEYS
🟧हवाई दल दिनाच्या संचलनात राफेल विमाने सहभागी होणार.

येत्या 8 ऑक्टोबरला साजरा होत असलेल्या हवाई दल दिनाच्या संचलनात राफेल लढाऊ विमाने सहभागी होणार आहेत.

1932 मध्ये 8 ऑक्टोबरला भारतीय हवाई दलाची स्थापना झाली होती, त्यामुळे हा दिवस ‘हवाई दल दिन’ म्हणून साजरा केला जातो.यंदा गाझियाबाद येथील हिंडन हवाईतळावर वार्षिक संचलन होणार आहे. इतर विमानांबरोबरच राफेल विमाने त्या दिवशी सहभागी होतील.

भारतीय हवाई दलाच्या एएफडे 2020 या हॅशटॅगवर म्हटले आहे,की राफेल ही लढाऊ जेट विमानांची नवी आवृत्ती आहे.
10 सप्टेंबरला पाच राफेल लढाऊ विमाने भारतीय हवाई दलात दाखल करण्यात आली होती.फ्रान्सच्या दसॉल्ट अ‍ॅव्हिएशनने ती तयार केली असून अचूक मारा करण्यात ती उपयोगी आहेत. एकूण 59 हजार कोटी रुपयांचा करार 36 राफेल विमानांसाठी करण्यात आला.

आणखी पाच विमाने नोव्हेंबपर्यंत भारताला मिळणार आहेत. रशियाकडून सुखोई घेतल्यानंतर भारताने लढाऊ जेट विमानांची खरेदी 23 वर्षांनी केली आहे. त्यावर मिटीऑर क्षेपणास्त्र व स्काल्प क्रूझ क्षेपणास्त्र आहे.
🟧टेस्ला भारतात गिगाफॅक्ट्री उभारण्याच्या तयारीत.

कर्नाटकमधील बंगळुरु शहरामध्ये राज्य सरकारने टेस्ला या इलेक्ट्रीक कारच्या गिगाफॅक्ट्रीसाठी तयारी सुरु केली आहे.यासंदर्भात अमेरिकेतील अग्रगण्य कंपन्यांपैकी एक असणाऱ्या टेस्लासोबत एक बैठकही पार पडली असून भारतामधील संशोधन आणि कंपनीचा देशात विस्तार करण्याच्या दृष्टीने आवश्यक असणाऱ्या इतर कामांसंदर्भातील केंद्र उभारण्यासाठी जमीन देण्यास कर्नाटक सरकार उत्सुक आहे.टेस्ला कंपनीला रिसर्च अ‍ॅण्ड डेव्हलपमेंट (आर अ‍ॅण्ड डी) सेंटर उभारण्यासाठी तसेच निर्मितीच्या दृष्टीने कारखाना उभारण्यासाठी हवी असणारी सर्व मदत करण्यास तयार आहोत.

इलेक्ट्रीक व्हेइकल्ससाठी बंगळुरु हे उत्तम ठिकाण आहे.टेस्ला या आयत्या तयार इकोसिस्टीमचा फायदा घेऊ शकते,” असं कर्नाटकच्या आर्थिक आणि औद्योगिक विभागाचे मुख्य अर्थ सचिव असणाऱ्या गौरव गुप्ता यांनी द इकनॉमिक टाइम्सशी बोलताना सांगितलं.

कार गिगाफॅक्ट्रीमध्ये टेस्लाच्या गाड्या, बॅटरींचे उत्पादन घेतलं जाईल असंही गुप्ता यांनी स्पष्ट केलं.टेस्लाचे भारतातील पहिलं केंद्र बंगळुरुमध्ये उभारण्यासाठी प्रशासन माने तयारीला लागलं आहे. जुलै महिन्यामध्ये टेस्लाने टोयोटाच्या ताब्यातील युनिट ताब्यात घेतलं आहे.याचप्रमाणे इथर एनर्जी, बॉश, डियामेलर, महिंद्रा इलेक्ट्रॉनिक्स, ओला मोबॅलिटी यासारख्या कंपन्याही याच भागामध्ये आहेत.
🟧भारत-अमेरिकेत होणार टू प्लस टू चर्चा.

येत्या 26-27 ऑक्टोबर दरम्यान भारत आणि अमेरिकेत तिसरी टू प्लस टू चर्चा होण्याची शक्यता आहे.या बैठकीत नरेंद्र मोदी सरकार भू-स्थानिक सहकार्यासाठी BECA करारावर स्वाक्षरी करु शकते.

अमेरिकेकडून MQ-9B हे सशस्त्र ड्रोन विकत घेण्यासाठी बीईसीए करार अत्यंत महत्त्वपूर्ण आहे.शत्रूच्या प्रदेशातील लक्ष्यावर अचूकतेने प्रहार करण्यासाठी ही अमेरिकन ड्रोन विमाने भू-स्थानिक डाटाचा वापर करतात.BECA करारामुळे भारताला अमेरिकेचे भू-स्थानिक नकाशे वापरण्याची मुभा मिळणार आहे.याच आठवडयात मंत्री स्तरावरील चर्चेतून भारत-अमेरिकेतील संवादाचा विस्तार होणार आहे.

येत्या सहा ऑक्टोबर रोजी परराष्ट्र मंत्री एस. जयशंकर अमेरिकन समकक्ष माइक पॉम्पियो यांची टोक्योत भेट घेतील.
ऑक्टोंबरच्या अखेरीस अमेरिकेचे संरक्षण मंत्री मार्क इस्पर आणि राजनाथ सिंह दोन्ही देशांच्या परराष्ट्र मंत्र्यांसोबत टू प्लस टू चर्चेत सहभागी होतील. हिंदुस्थान टाइम्सने हे वृत्त दिले आहे.टू प्लस टू बैठकीत BECA करारावर स्वाक्षरी होणे, सर्वात महत्त्वपूर्ण घडामोड असेल.टू प्लस टू बैठकी दरम्यान अमेरिकेचे दोन्ही मंत्री पंतप्रधान नरेंद्र मोदी आणि राष्ट्रीय सुरक्षा सल्लागार अजित डोवाल यांची भेट घेतील.
🟧हेपॅटायटिस सी’ या विषाणूच्या शोधाबद्दल वैद्यकशास्त्रातील नोबेल पुरस्कार जाहीर:

यकृताचा कर्करोग आणि यकृताची सूज या रोगांना कारणीभूत ठरणाऱ्या ‘हेपॅटायटिस सी’ या विषाणूच्या शोधाबद्दल अमेरिकी शास्त्रज्ञ हार्वे जे. ऑल्टर, चार्ल्स एम. राइस आणि ब्रिटिश शास्त्रज्ञ मायकेल हॉटन यांना वैद्यकशास्त्रातील नोबेल पुरस्कार सोमवारी संयुक्तपणे जाहीर करण्यात आला.

ऑल्टर, राइस आणि हॉटन यांच्या कार्यामुळे रक्तातील ‘हेपॅटायटिस सी’ या रोगाचे मुख्य कारण स्पष्ट होण्यास मदत झाली.
त्याचबरोबर चाचण्या आणि औषधे विकसित करून लाखो लोकांचे प्राण वाचवणे शक्य झाले, अशा शब्दांत नोबेल समितीने शास्त्रज्ञांचा गौरव केला.

वैद्यकशास्त्रातील या ऐतिहासिक शोधाबद्दल नोबेल समितीने तिन्ही शास्त्रज्ञांविषयी कृतज्ञता व्यक्त केली.

त्यांच्या शोधामुळे ‘हेपॅटायटिस सी’ विषाणूविरोधी औषधांची निर्मिती वेगाने करता आली.

हा रोग आता बरा करता येतो आणि जगातून या विषाणूचे समूळ उच्चाटन होऊ शकते,’’ अशी आशा नोबेल समितीने व्यक्त केली.
🟧भारताने रेमडेसिविर औषधाच्या तीन हजार कुप्या भेट दिल्या.

भारताने म्यानमारला करोनावरील उपचारात गुणकारी असलेल्या रेमडेसिविर या औषधाच्या तीन हजार कुप्या भेट दिल्या आहेत.

लष्करप्रमुख जनरल एम.एम. नरवणे व परराष्ट्र सचिव हर्षवर्धन शृंगला यांनी म्यानमारचा दौरा सुरू केला असून त्यांनी सोमवारी रेमडेसिविरच्या या कुप्या ‘स्टेट कौन्सिलर’ आँग सान स्यू की यांच्याकडे सुपूर्द केल्या.

जनरल नरवणे व हर्षवर्धन शृंगला हे रविवारी दोन दिवसांच्या म्यानमार दौऱ्यावर आले असून दळणवळण, संरक्षण व सुरक्षा या क्षेत्रात त्यांनी संरक्षण वाढवण्यावर भर दिला आहे.

लष्करप्रमुख व परराष्ट्र सचिव यांनी भारताचे राजदूत सौरभ कुमार यांच्यासमवेत आँग सान स्यू की यांची नेपीतॉ येथे भेट घेतली. त्यात त्यांनी द्विपक्षीय संबंध तसेच इतर मुद्दय़ांवर चर्चा केली.भारताने कोविड 19 लढय़ात म्यानमारला मदतीचा भाग म्हणून रेमडेसिविरच्या तीन हजार कुप्या दिल्या आहेत. हे औषध नसेतून दिले जाते.
🟧फ्रेंच खुली टेनिस स्पर्धा- क्विटोव्हा, त्सित्सिपासची विजयी घोडदौड.

अग्रमानांकित नोव्हाक जोकोव्हिच, दोन वेळा विम्बल्डनचे जेतेपद पटकावणारी पेट्रा क्विटोव्हा आणि पाचव्या मानांकित स्टेफानोस त्सित्सिपास यांनी चौथ्या फेरीत आपापल्या प्रतिस्पर्ध्याचा पाडाव करत फ्रेंच खुल्या टेनिस स्पर्धेत विजयी घोडदौड कायम राखली.रशियाच्या 13व्या मानांकित आंद्रेय रुबलेव्ह आणि ऑस्ट्रियाच्या तिसऱ्या मानांकित डॉमिनिक थिम यांनीही उपांत्यपूर्व फेरीत आगेकूच केली.

सर्बियाच्या जोकोव्हिचने रशियाच्या करेन खाचानोव्ह याचा कडवा प्रतिकार 6-4, 6-3, 6-3 असा सहज मोडीत काढला.काही आठवडय़ांपूर्वी अमेरिकन खुल्या टेनिस स्पर्धेतून गैरवर्तणुकीमुळे हकालपट्टी करण्यात आलेल्या जोकोव्हिचने रागावर काहीसे नियंत्रण राखले आहे.

त्याने फ्रेंच स्पर्धेतील 72वा विजय मिळवत 14व्यांदा उपांत्यपूर्व फे रीत मजल मारण्याची करामत केली.खाचानोव्हविरुद्धच्या पाचव्या लढतीत जोकोव्हिचने चौथ्या विजयाची नोंद केली
🟧ब्रिक्स वार्षिक परिषदेच्या निमित्ताने मोदी- जिनपिंग यांची आभासी भेट

पूर्व लडाखमध्ये प्रत्यक्ष ताबा रेषेवर तणाव निर्माण झाल्यानंतर पहिल्यांदाच, पंतप्रधान नरेंद्र मोदी व चीनचे अध्यक्ष क्षी जिनपिंग यांचा 17 नोव्हेंबरला होऊ घातलेल्या ब्रिक्स वार्षिक परिषदेच्या निमित्ताने आभासी संवाद होण्याची शक्यता आहे.

ब्रिक्सची वार्षिक परिषद 17 नोव्हेंबरला दूरचित्रसंवादाद्वारे होईल, असे पाच राष्ट्रांच्या या संघटनेचा अध्यक्ष असलेल्या रशियाने सोमवारी जाहीर केली.

3.6 दशलक्षाहून अधिक, किंवा जगाच्या निम्म्या लोकसंख्येचे प्रतिनिधित्व करणारा ब्रिक्स (ब्राझिल- रशिया, भारत- चीन- दक्षिण आफ्रिका) हा एक प्रभावशाली गट म्हणून ओळखला जातो. ब्रिक्स देशांचे एकूण 16.6 ट्रिलियन अमेरिकी डॉलर्सचे सकल राष्ट्रीय उत्पन्न आहे.

‘जागतिक स्थैर्य, सामायिक सुरक्षा आणि नाविन्यपूर्ण विकासाकरता ब्रिक्स भागीदारी’ ही ब्रिक्स देशाच्या नेत्यांच्या बैठकीची संकल्पना आहे’, असे रशियन सरकारने एका निवेदनात सांगितले.

पंतप्रधान नरेंद्र मोदी व चीनचे अध्यक्ष क्षी जिनपिंग यांनी गेल्या काही वर्षांमध्ये ब्रिक्सच्या सर्व परिषद बैठकांमध्ये भाग घेतला आहे.
हे दोन्ही नेते आभासी परिषदेतही सहभागी होणार आहेत, अशी माहिती या बहुपक्षीय परिषदेच्या तयारीशी संबंधित असलेल्या एका राजनैतिक अधिकाऱ्याने दिली.

गेल्या वर्षी ब्रिक्स परिषद ब्राझिलची राजधानी ब्राझिलिया येथे झाली होती. तिच्या निमित्ताने मोदी व जिनपिंग यांची द्विपक्षीय बैठकही झाली होती.

यावर्षी मे महिन्यापासून भारत व चीन यांच्यात पूर्व लडाखच्या सीमेवर तिढा निर्माण झाल्याने त्यांचे परस्पर संबंध तणावाचे झाले आहेत.
🟧भारत बायोटेकच्या लसीची सध्या दुसऱ्या टप्प्यातील चाचणी सुरू

देशात सध्या करोनाचा प्रादुर्भाव मोठ्या प्रमाणात वाढत आहे. अशा परिस्थितीत करोनावर नियंत्रण मिळवण्यासाठी भारतात लस विकसित करण्यात येत आहे.
करोनावरील लस विकसित करत असलेल्या भारत बायोटेकच्या लसीची सध्या दुसऱ्या टप्प्यातील चाचणी सुरू आहे.

अशातच भारत बायोटेकनं एक महत्त्वाची माहिती दिली आहे. कोव्हॅक्सीन या लसीत भारत बायोटेक असं औषध वापरणार आहे ज्यामुळे प्रतिकारक शक्ती अधिक आणि मोठ्या कालावधीसाठी वाढणार आहे.
भारत बायोटेक आपल्या कोव्हॅक्सीन या लसीत Alhydroxiquim-II या औषधाचा वापर करणार आहे.

Alhydroxiquim-II सहाय्यक म्हणून काम करणार असून त्यामुळे रोगप्रतिकारशक्ती अधिक वाढणार आहे.

ऑक्टोबर महिन्यापासून लखनऊ आणि गोरखपूरमध्ये ‘कोव्हॅक्सीन’ची तिसऱ्या फेजची चाचणी सुरु होणार असल्याचे उत्तर प्रदेश सरकारनं यापूर्वी जाहीर केलं होतं.अशी माहिती उत्तर प्रदेशचे प्रधान आरोग्य सचिव अमित मोहन प्रसाद यांनी यापूर्वी पत्रकार परिषदेदरम्यान दिली होती.
🟧Nobel 2020 Physics भौतिकशास्त्रातील नोबेल पुरस्कार जाहीर; 'या' तीन शास्त्रज्ञांचा होणार गौरव

भौतिक शास्त्रातील नोबेल पुरस्काराची घोषणा करण्यात आली आहे. यंदाचा भौतिक शास्त्रातील नोबेल पुरस्कार रॉजर पेनरोज, रेनहार्ड गेंजेल आणि अॅण्ड्रीया गेज यांना जाहीर करण्यात आला आहे. लहान कणांपासून ते अंतराळातील संशोधनात महत्त्वाचे योगदान देणाऱ्या शास्त्रज्ञांना भौतिकशास्त्रातील नोबेल पुरस्कार दिले जातात.

रॉजर पेनरोज यांनी सापेक्षतेच्या सामान्य सिद्धांताच्या साहाय्याने कृष्णविवराच्या निर्मिती भविष्य वर्तवता येऊ शकते असे संशोधनातून दाखवून दिले. तर, गेंजेल आणि गेज यांनी आकाशगंगेचे रहस्य उलगडून दाखवण्यासाठी केलेल्या संशोधनासाठी हा पुरस्कार देण्यात येत असल्याचे नोबेल पुरस्कार समितीने म्हटले आहे. रॉयल स्वीडिश अॅकडेमी ऑफ सायन्सचे सचिव जनरल होरान हॅनसन यांनी पुरस्काराची घोषणा केली. सुवर्ण पदक आणि ११ लाख डॉलरहून अधिक रक्कम पुरस्कार स्वरुपात दिली जाते.

वैद्यकीय क्षेत्रातील नोबेल पुरस्काराची घोषणा करण्यात आली आहे. वैद्यकीय क्षेत्रातील २०२० चा नोबेल पुरस्कार हार्वे अल्टर, मायकल होउगटन आणि चार्ल्स राइस यांना जाहीर करण्यात आला आहे. या शास्त्रज्ञांना हिपाटायटिस सी विषाणूच्या शोधासाठी हा पुरस्कार जाहीर झाला आहे. या शास्त्रज्ञांना जवळपास ११ लाख २० हजार डॉलरचा पुरस्कार मिळणार आहे.

🔴नोबेल पुरस्काराचा इतिहास

नोबेल पुरस्कार जगभरात प्रतिष्ठेचा समजला जातो. हा पुरस्कार नोबेल फाऊंडेशनकडून दिला जातो. डायनामाइटचा शोध लावणारे स्वीडनचे शास्त्रज्ञ अल्फ्रेड नोबेल यांच्या स्मरणार्थ हा पुरस्कार दिले जातात. दरवर्षी त्यांच्या स्मृतीदिनी, १० डिसेंबर रोजी पुरस्कार प्रदान सोहळा होतो. वैद्यकशास्त्रासह भौतिकशास्त्र, रसायनशास्त्र, साहित्य, शांती आणि अर्थशास्त्र या क्षेत्रातील उत्तुंग कामगिरीसाठी हा पुरस्कार दिला जातो.
मिस अर्थ २०१९:-

स्थळ:- पैरानेक (फिलिपिन्स)
दिनांक :- २६ ऑक्टोंबर २०१९
भारतासहित एकूण ८५ देशाच्या युवतीने सहभाग घेतला.
विजेती:- नैलीज पिमेंटल (प्युटोंरिको)
• प्रथमच प्युटोंरिको या देशाची युवती नैलीज पिमेंटल हिने मिस अर्थ हा किताब पटकावला
• या स्पर्धेत भारताच्या तेजस्वीनी मनोगना हिने भाग घेतला होता.
• इतर विजेत्या:-
• मिस अर्थ (वाॅटर) :- क्लारा वावरुस्कोवा (चेक गणराज्य)
• मिस अर्थ( फायर) :- अलेसा मानेनोक ( बेलारूस)
• मिस अर्थ (एअर) :- इमानी डेव्हीस (अमेरिका )
मिस युनिव्हर्स २०१९:-

• अटलांटा (अमेरिका)येथे पार पडलेल्या ६८ व्या ‘मिस युनिव्हर्स’ या सौंदर्यस्पर्धेत मिस युनिव्हर्सचा’ बहुमान दक्षिण आफ्रिकेच्या जोजिबिनी टूंजी या सौंदर्यवतीने पटकावला.
• दक्षिण आफ्रिकेसाठी हा किताब पटकावणारी जोजिबिनी टूंजी ही तिसरी दक्षिण आफ्रिकन सौंदर्यवती ठरली आहे.
• टोस्लो येथे राहणारी जोजिबिनी २६ वर्षांची आहे. ती उत्तम सूत्रसंचालक, गायिका म्हणूनही प्रसिद्ध आहे. गेल्या वर्षी लैंगिक भेदभावाशी संबंधित हिंसाचाराविरोधात तिने आवाज उठवला होता. त्यामुळे ती सर्वप्रथम प्रकाशझोतात आली
• मिस प्युर्टो रिको मॅडीसन अंॅडरसन हिने द्वितीय स्थान तर मिस मेक्सिकन अॅश्लीअल्वीड्रेज हिने तृतीय स्थान पटकावले.
• या स्पर्धेत भारताचे नेतृत्व वर्तिका सिंह हिने केले होते
• या स्पर्धेत ९३ देशातील सौंदर्यवतींनी भाग घेतला होता.
• मिस युनिव्हर्स:-
• २०१८ ची विजेती:- कॅटरिना ग्रे (फिलिपिन्स)
• २०१७ ची विजेती:- डेमी लेई नेल्स पीटर्स (दक्षिण आफ्रीका )
• आत्तापर्यंत ही स्पर्धा भारताच्या १. सुश्मिता सेन (१९९४) २. लारा दत्ता (२०००) यांनी जिंकली आहे.
मिस युनिव्हर्स(विश्वसुंदरी):-
• ही स्पर्धा सर्व प्रथम १९५२ मध्ये कॅलिफोर्नीयामध्ये वस्र निर्मिती करणारी कंपनी पॅसिफीक निटिंग मील व मिस युनिव्हर्स संघटनेद्वारे सयुंक्तपणे केली गेली.
• बोधचिन्ह:- वुमन विद स्टार्स
• घोषवाक्य:- Confidently Beautiful
• पहिली मिस युनिव्हर्स स्पर्धा १९५२ मध्ये कॅलिफोर्नीयाच्या येथील लॉंग बीचवर आयोजित केली गेली. फिनलंडची अश्मी कुसेला ही पहिली विजेती ठरली होती.

•मिस वर्ल्ड' २०१९ :-
स्थळ:- लंडन
• जमैकाची टोनी-अॅन सिंग २०१९६ ची 69 व्या 'मिस वर्ल्ड' किताब. पटकावला.
• या स्पर्धेत भारताचे नेतृत्व राजस्थानच्या सुमन रावने केले होते.या स्पर्धेमध्ये तिने तिसरे स्थान पटकावले. तर दुसऱ्या स्थानावर फ्रान्सची ओपली मेझिनो ही होती.
• इतिहासात पहिल्यांदाच मिस USA, मिस Teen USA, मिस अमेरिका, मिस युनिव्हर्स आणि आता मिस वर्ल्ड या सर्व नामांकित सौंदर्यस्पर्धांमध्ये कृष्णवर्णीय तरुणींनी छाप उमटवली आहे.
• 23 वर्षीय टोनी सिंगचा जन्म जमैकातील सेंट थॉमस या शहरात १९९६ मध्ये झाला. टोनीला वैद्यकीय शिक्षण करून डॉक्टर व्हायचंय आहे.
• यंदाच्या 'मिस वर्ल्ड' स्पर्धेत वेगवेगळ्या देशातील तब्बल 111 तरुणींनी सहभाग नोंदवला होता.
'मिस वर्ल्ड' २०१९
सुरुवात :- १९५१ (इंग्लंडमध्ये)
घोषवाक्य:- Beauty With A Purpose
2018 ची विजेती:- वेनेसा पोन्स (मेक्सिको)
२०१७ ची विजेती :- मानुषी चिल्लर(भारत)
२०१६ ची विजेती:- स्टेफनी डेल व्हॅले (प्युर्तो रिको)
• खालील भारतीय महिलांना 'मिस वर्ल्ड' हा मान मिळालेला आहे.
• १९६६ :- रीटा फारीया
• १९९४:- ऐश्वर्या राॅय
• १९९७:- डायना हेडन
• १९९९:- युक्ता मुखी
• २००० :- प्रियांका चोप्रा
• २०१७:- मानुषी चिल्लर
🟧 Nobel Prize for Physics 2020

भौतिक शास्त्रातील उत्तुंग कामगिरीसाठी नोबेल पुरस्कार जाहीर करण्यात आले आहेत. आकाशगंगा आणि कृष्णविवराबाबत महत्त्वाचे संशोधन करणारे
📌 Roger Penrose,
📌 Reinhard Genzel
📌 Andrea Ghez
यांना यंदाचा पुरस्कार जाहीर झाला आहे.

रॉजर पेनरोज यांनी सापेक्षतेच्या सामान्य सिद्धांताच्या साहाय्याने कृष्णविवराच्या निर्मिती भविष्य वर्तवता येऊ शकते असे संशोधनातून दाखवून दिले. तर, गेंजेल आणि गेज यांनी आकाशगंगेचे रहस्य उलगडून दाखवण्यासाठी केलेल्या संशोधनासाठी हा पुरस्कार देण्यात येत असल्याचे नोबेल पुरस्कार समितीने म्हटले आहे. रॉयल स्वीडिश अॅकडेमी ऑफ सायन्सचे सचिव जनरल होरान हॅनसन यांनी पुरस्काराची घोषणा केली. सुवर्ण पदक आणि ११ लाख डॉलरहून अधिक रक्कम पुरस्कार स्वरुपात दिली जाते.