MPSC SIMPLIFIED(official)
34.4K subscribers
34.8K photos
52 videos
3.69K files
9.49K links
simplified चा टेलिग्राम ग्रुप
(आपल्या मित्रांना जॉईन करा)

+ सिम्प्लिफाइड स्टडी
+newspaper सिम्प्लिफाइड
+job सिम्प्लिफाइड
+daily चालू घडामोडी टेस्ट
+अभ्यास आधारित टेस्ट


https://telegram.me/mpscsimplified
Download Telegram
🟧सूर्याचा प्रकाश पडत असलेल्या चंद्राच्या पृष्ठभागावर पाणी आहे: NASA

सूर्याचा प्रकाश पडत असलेल्या चंद्राच्या पृष्ठभागावर पाणी असल्याचे अमेरिकेच्या नॅशनल एरोनॉटिक्स अँड स्पेस अॅडमिनिसट्रेशन (NASA) या अंतरराळ संशोधन संस्थेनी प्रथमच जाहीर केले.

NASAच्या ‘स्ट्रॅटोस्फेरिक ऑब्झर्व्हेटरी फॉर इन्फ्रारेड ॲस्ट्रॉनॉमी’ (सोफिया) नामक वेधशाळेतून चंद्रावरील प्रकाशित भागात पाणी असल्याची घोषणा करण्यात आली. ‘सोफिया’ ही जगातली सर्वात मोठी विमानामध्ये स्थापित एक वेधशाळा आहे. बोइंग 747 या विमानात बदल करून ही उंच आकाशात उडणारी वेधशाळा तयार करण्यात आली आहे. त्याद्वारे केलेल्या निरीक्षणांवरून चंद्रावरील पाण्याबाबत निष्कर्ष काढण्यात आला आहे. त्यानुसार, चंद्राच्या दक्षिण गोलार्धातल्या क्लेव्हीयस दरीत पाणी असल्याचे आढळले आहे.

▪️ठळक बाबी

पृथ्वीवरून कधीही न दिसणाऱ्या, चंद्राच्या कायम सावली असलेल्या भागात पाणी असल्याचे पुरावे मिळाले होते. मात्र, आता प्रथमच सूर्यप्रकाशित भागातही पाणी असल्याचे पुरावे मिळाले आहेत. सूर्याच्या थेट प्रकाशात चंद्रावर पाणी टिकून राहणे अशक्य असल्याचे शास्त्रज्ञांचे यापूर्वी मत होते.

निष्कर्षानुसार, चंद्रावर पाणी प्रवाही नसून रेणूंच्या स्वरूपात आणि गोठलेल्या अवस्थेत आहे. सौर वादळे किंवा लघुग्रहांद्वारे चंद्रावर पाणी आले असण्याची शक्यता आहे. प्रत्येक चौरस मीटरमध्ये 350 मिलिलिटर पाणी असल्याचा अंदाज आहे. चंद्रावर 15 हजार चौरस मैलांवर पाणी असण्याची शक्यता वर्तविण्यात आली आहे.

अल्प प्रमाणात असूनही, या शोधामुळे चंद्राच्या पृष्ठभागावर पाणी कसे तयार होते हा सर्वात मोठा प्रश्न निर्माण होतो तसेच चंद्राच्या कठीण आणि हवारहित वातावरणात पाणी कसे टिकून राहते हा देखील एक प्रश्न आहे.
🟧अवैध कृत्ये (प्रतिबंध) अधिनियम-1967’ अंतर्गत अठरा व्यक्ती दहशतवादी म्हणून घोषित

सुधारित ‘अवैध कृत्ये (प्रतिबंध) अधिनियम-1967’ यामधील तरतुदीनुसार, केंद्र सरकारने सप्टेंबर 2019 मध्ये चार आणि जुलै 2020 मध्ये नऊ जणांना दहशतवादी म्हणून घोषित केले होते. त्यानंतर 27 ऑक्टोबर 2020 रोजी सरकारने आणखी अठरा व्यक्तींना दहशतवादी म्हणून घोषित केले आणि त्यांची नावे कायद्याच्या सूचीत समाविष्ट केली.

यादीत पाकिस्तानमधल्या “इंडियन मुजाहिद्दीन” या दहशतवादी संघटनेचा संस्थापक सह-सदस्य असणाऱ्या मोहम्मद इकबाल आणि रियाझ इस्माईल शाहबंदरी यांचा समावेश आहे. ते जर्मन बेकरी (2010), चिन्नास्वामी स्टेडियम, बंगळुरू (2010), जामा मशिद (2010), शीतलाघाट (2010) आणि मुंबई (2011) सह भारतातल्या विविध दहशतवादी कारवायांमध्ये सहभागी आहे. तसेच दाऊद इब्राहिमच्या डी-कंपनीच्या सर्व गुन्हेगारी आणि अंडरवर्ल्ड कारवाया पाहणारा ‘छोटा शकील’ देखील यादीत आहे.

▪️पार्श्वभूमी

भारत सरकारच्या गृह मंत्रालयाने एखाद्या व्यक्तीला दहशतवादी म्हणून घोषित करण्याच्या तरतूदीचा समावेश करण्यासाठी ऑगस्ट 2019 मध्ये ‘अवैध कृत्ये (प्रतिबंध) अधिनियम-1967’ यामध्ये दुरुस्ती केली होती. त्या दुरुस्तीपूर्वी केवळ संघटनांना दहशतवादी संघटना म्हणून घोषित केले जात होते.
🟧द्विपक्षीय चर्चेसाठी अमेरिकेचे दोन मंत्री भारतात.

अमेरिकेचे परराष्ट्र
मंत्री माईक पॉम्पिओ व संरक्षण मंत्री मार्क टी एस्पर यांचे ‘दोन अधिक दोन’ संवादासाठी दिल्लीत आगमन झाले. दोन अधिक दोन संवादाची ही तिसरी वेळ असून इंडो-पॅसिफिक भागात सहकार्य तसेच संरक्षण व सुरक्षा या दोन क्षेत्रातील द्विपक्षीय संबंधात सुधारणा हे या संवादाचे दोन मुख्य उद्देश असणार आहेत. मंगळवारी पॉम्पिओ व एस्पर हे त्यांचे समपदस्थ परराष्ट्र मंत्री एस.जयशंकर व संरक्षण मंत्री राजनाथ सिंह यांच्याशी चर्चा करणार आहेत.

प्रादेशिक आणि जागतिक मुद्दय़ांवर सहकार्य हा त्यांच्या भेटीचा एक हेतू आहे. चीन बरोबर पूर्व लडाखमध्ये संघर्ष सुरू होत असताना अमेरिकेच्या दोन मंत्र्यांची ही भारत भेट महत्त्वाची ठरणार आहे. जयशंकर व राजनाथ सिंह यांच्याशी अमेरिकेचे दोन्ही मंत्री स्वतंत्रपणे द्विपक्षीय चर्चा करणार असून पंतप्रधान नरेंद्र मोदी व राष्ट्रीय सुरक्षा सल्लागार अजित डोभाल यांचीही भेट घेणार आहेत.

गेल्या आठवडय़ात परराष्ट्र मंत्रालयाचे प्रवक्ते अनुराग श्रीवास्तव यांनी सांगितले होते की, द्विपक्षीय प्रश्नांवर दोन्ही देशात सांगोपांग चर्चा होणार असून प्रादेशिक व जागतिक मुद्दय़ांचाही समावेश असणार आहे. ‘बेसिक एक्सचेंज अँड कोऑपरेशन अ‍ॅग्रीमेंट’ म्हणजे ‘बीइसीए’ला मान्यता देण्यासाठीही प्रयत्न होणार असून त्यामुळे दोन्ही देशातील संरक्षण संबंध वाढणार आहेत. ‘बीइसीए’मुळे उच्च लष्करी तंत्रज्ञान, काही भौगोलिक नकाशे व रसद यांच्या आदानप्रदानाची प्रक्रिया सोपी होणार आहे. २०१६ मध्ये अमेरिकेने भारताला महत्त्वाचा संरक्षण भागीदार म्हणून दर्जा दिला आहे. त्यावर्षी ‘एक्सचेंज मेमोरँडम ऑफ अ‍ॅग्रीमेंट’ (एलइएमओए) करार दोन्ही देशात झाला होता.
🟧रिगोचेस बुद्धिबळ महोत्सव - लेऑन डोसाला विजेतेपद.

भारताचा युवा आंतरराष्ट्रीय मास्टर लेऑन ल्युक मेंडोसा याने हंगेरी येथील रिगोचेस आंतरराष्ट्रीय बुद्धिबळ महोत्सवाचे विजेतेपद मिळवले. या कामगिरीसह ग्रँडमास्टर किताब मिळवण्याच्या दिशेने त्याने पहिला टप्पा पार केला.

१४ वर्षीय मेंडोसाने सहा डाव जिंकत, दोन बरोबरी आणि एका पराभवासह नऊ फे ऱ्यांमध्ये सात गुण मिळवून जेतेपद मिळवले. या स्पर्धेत तीन ग्रँडमास्टरसह १० बुद्धिबळपटू सहभागी झाले होते. गोव्याच्या मेंडोसा (एलो २४९९ रेटिंग गुण) याने विलियम पाश्चलविरुद्धचा पहिला डाव जिंकल्यानंतर त्याला अ‍ॅलेक्स क्रूटूलोव्हिककडून पराभूत व्हावे लागले.

तिसरा डाव बरोबरीत सोडवल्यानंतर त्याने सलग पाच डाव जिंकत अग्रस्थान पटकावले. त्याने गुयेन हून मिन्ह हाय आणि डेव्हिड बेरके झ या दोन ग्रँडमास्टर्सवर मात केली. नवव्या डावात त्याला हंगेरीचा ग्रँडमास्टर अ‍ॅडम कोझाकविरुद्ध बरोबरी पत्करावी लागली. कोझाकला अर्ध्या गुणाने मागे टाकत मेंडोसाने जेतेपद पटकावले.

‘‘ही स्पर्धा जिंकल्याने तसेच ग्रँडमास्टर किताबासाठीचा पहिला टप्पा पार केल्याने मी खूश आहे,’’ असे मेंडोसाने सांगितले.
🟧चंद्रावर पाणी सापडल्याचा NASAचा दावा

चंद्रावर पाणी सापडल्याचा दावा NASA ने केला आहे. चंद्रावर पाणी सापडलं आहे नासाच्या सोफिया हवाई वेधशाळेद्वारे आम्ही ते पहिल्यांदाच शोधलं आहे असंही नासाने म्हटलं आहे.

अमेरिकेच्या नासा या अंतराळ संशोधन संस्थेने सोमवारी आपल्या नव्या शोधाबाबत माहिती दिली आहे. एवढंच नाही तर आता नासाने दोन अंतराळवीरांनाही 2024 पर्यंत चंद्र मोहिमेवर पाठवण्याचाही निर्णय घेतला आहे.तसेच जे दोन अंतराळवीर चंद्रावर जातील त्यापैकी एक पुरुष आणि एक महिला अंतराळवीर असेल असंही नासाने सांगितलं आहे. चंद्रावर पाणी सापडल्याच्या शोधाने आता नासाच्या चांद्रयान मोहिमेला बळ मिळालं आहे.

चंद्राच्या सूर्यप्रकाशित भागातही पाणी असल्याचा शोध सोफिया या हवाई वेधशाळेने लावला आहे. चंद्राच्या फक्त ध्रुवीय आणि अंधाऱ्या प्रदेशापुरते पाण्याचे अस्तित्व मर्यादित नाही. चंद्राच्या पृष्ठभागावर सर्वत्र पाण्याचे अंश असल्याचे या शोधातून सुचित करण्यात आले आहे.