MPSC SIMPLIFIED(official)
34.4K subscribers
34.8K photos
52 videos
3.69K files
9.49K links
simplified चा टेलिग्राम ग्रुप
(आपल्या मित्रांना जॉईन करा)

+ सिम्प्लिफाइड स्टडी
+newspaper सिम्प्लिफाइड
+job सिम्प्लिफाइड
+daily चालू घडामोडी टेस्ट
+अभ्यास आधारित टेस्ट


https://telegram.me/mpscsimplified
Download Telegram
🟧ट्रम्प आणि बायडेन दोघांनाही प्रत्येकी २६९ मते मिळाल्यास कोण होणार राष्ट्राध्यक्ष.

अमेरिकी अध्यक्षपदाच्या निवडणुकीत तेथील मतदार वर्ग राजकीय दृष्टय़ा दुभंगल्याचे स्पष्ट झाले. विद्यमान अध्यक्ष आणि रिपब्लिकन पक्षाचे उमेदवार डोनाल्ड ट्रम्प आणि त्यांना आव्हान देणारे डेमोक्रॅटिक पक्षाचे उमेदवार जो बायडेन या दोघांनी आपापले पारंपरिक मतदार गड राखले आहेत. त्यामुळे निकाल फिरवू शकतील अशा मोजक्या राज्यांकडे साऱ्यांचे लक्ष लागून राहिले आहे.

भारतीय वेळेनुसार रात्री उशिरापर्यंत ५३८ प्रातिनिधिक मतांपैकी (इलेक्टोरल व्होट्स) बायडेन यांना २२४, तर ट्रम्प यांना २१३ मते मिळाली होती. विजयासाठी २७० प्रातिनिधिक मतांची आवश्यकता आहे. बायडेन हे विजयाच्या अगदी जवळ असून तुलनेने ट्रम्प बरेच मागे पडले आहेत. असं असलं तरी मतमोजणी प्रक्रिया पूर्ण होत नाही तोपर्यंत कोणताही निष्कर्ष काढणे घाईचे ठरु शकते असं मत राजकीय जाणकार व्यक्त करतात. त्यामुळेच दोघांना समान म्हणजे २६९ मते मिळाल्यास काय यासंदर्भात आता चर्चा सुरु झाली आहे.

बायडेन यांनी २०१६ हिलरी क्लिंटन यांनी जिंकलेल्या सर्व राज्यांबरोबरच मिशीगन, विस्कॉन्सीन आणि अॅरेझॉनामध्ये विजय मिळवल्यास दोन्ही उमेदवारांना समसमान म्हणजेच २६९ मते मिळतील. किंवा हिलरी यांनी जिंकलेली सर्व राज्ये आणि मिशीगन तसेच पेनसिल्वेनिया बायडन यांनी जिंकल्यास दोन्ही उमेदवारांना समान मतं होतील.
🟧जागतिक त्सुनामी जागृती दिन: 5 नोव्हेंबर.


2016 सालापासून दरवर्षी 5 नोव्हेंबर या दिवशी संयुक्त राष्ट्रसंघ आपत्ती निवारण कार्यालय (United Nations Office for Disaster Risk Reduction -UNISDR) यांच्या नेतृत्वात जागतिक त्सुनामी जागृती दिन पाळला जात आहे.

त्सुनामीमुळे उद्भवणार्‍या धोक्याबद्दल जागृती वाढविणे आणि अधिक लवचिक व सर्वसमावेशक समाज तयार करण्याची गरज याविषयी जागृती वाढविणे हा या दिनाचा उद्देश्य आहे.

यावर्षी जागतिक त्सुनामी जागृती दिन "सेंडाई सेव्हन कॅम्पेन"च्या लक्ष्य-(e) याला प्रोत्साहन देत आहे. "सेंडाई सेव्हन कॅम्पेन"चे लक्ष्य-(e) हे “2020 सालापर्यंत राष्ट्रीय व स्थानिक आपत्ती निवारण धोरणे रचलेल्या देशांची संख्या मोठ्या प्रमाणात वाढवणे” असे आहे.

सन 2030 पर्यंत जगातली अंदाजे 50 टक्के लोकसंख्या समुद्रकिनारपट्टीच्या भागात वास्तव्याला असणार, ज्यांना पूर, वादळ आणि त्सुनामीचा सामना करावा लागणार आहे.

▪️त्सुनामी म्हणजे काय?

त्सुनामी या उंच सागरी लाटा असतात, ज्यामुळे तटीय क्षेत्र आणि बंदरांचे मोठ्या प्रमाणात नुकसान होते. समुद्रात होणार्‍या भूकंपानंतर या घटनेला सुरुवात होते. हवेच्या प्रचंड प्रवाहामुळे तसेच भूकंपामुळे उद्भवणार्‍या कंपामुळे सागरी लहरी या अपेक्षेपेक्षा अधिक उंचीच्या असतात.

▪️पार्श्वभूमी.

“इनामुरो-नो-ही” या जापानी कथेप्रमाणे, 1854 साली जापानमध्ये राहणार्‍या वाकायामा यांनी 5 नोव्हेंबरला एका प्रांतात आलेल्या उच्च तीव्रतेच्या भूकंपानंतर त्सुनामीविषयी चिंतेत पडले.

तेव्हा त्यांनी पहाडावर धानाच्या पेंढ्या नेऊन आग लावून दिली होती. जेव्हा ग्रामस्थांचे या आगीकडे लक्ष गेले, तेव्हा ते आग विझवण्यासाठी पहाडावर चढले. या दरम्यान खाली त्सुनामी लहरींमुळे संपूर्ण गाव नष्ट झाले. ही घटना त्सुनामीच्या पूर्व चेतावनीचे नोंद झालेले पहिले उदाहरण होते. या घटनेला दृष्टीत ठेवून तज्ञांनी दरवर्षी 5 नोव्हेंबर ही तारीख जागतिक त्सुनामी जागृती दिन म्हणून साजरा करण्याचे मान्य केले.

2016 साली प्रथम जागतिक त्सुनामी जागृती दिन भारत सरकारच्या नेतृत्वात नवी दिल्लीत आयोजित केला गेला होता.

भारत सरकार आणि UNISDR यांनी 3-5 नोव्हेंबर 2016 या कालावधीत झालेल्या 7 व्या ‘आपत्ती निवारण विषयक आशियाई मंत्र्यांची परिषद’ (Asian Ministerial Conference on Disaster Risk Reduction -AMCDRR) मध्ये सेंडाई कार्यचौकट विषयक सहकार्य घोषणापत्र (Statement of Cooperation on Sendai Framework) यावर स्वाक्षर्‍या केल्या.

आपत्ती निवारण विषयक सेंडाई फ्रेमवर्क (Sendai Framework on Disaster Risk Reduction -SFDRR) याच्या प्रभावी अंमलबजावणीसाठी आणि देखरेखीसाठी मार्गदर्शक तत्त्वे, उद्दिष्ट्ये आणि सहकार्य या बाबींविषयी स्पष्टता या घोषणापत्रात दिली गेली आहे.
🟧अमेरिकेतील सहावीच्या अभ्यासक्रमात भारतीयाच्या जीवनावर आधारित धडा.


भारताचे वनपुरुष म्हणजेच ‘फॉरेस्ट मॅन ऑफ इंडिया’ म्हणून लोकप्रिय असणाऱ्या जादव यांनी एकट्याने संपूर्ण जंगल उभारलं आहे असं सांगितल्यास तुम्हाला आश्चर्य वाटेल.

पायेंग यांच्या या कामाची दखल आता थेट पाश्चिमात्य देशांकडून घेण्यात येत आहे. नुकताच अमेरिकेतील एका अभ्यासक्रमामध्ये पायेंग यांच्या कार्याबद्दल माहिती देणाऱ्या एका धड्याचा समावेश करण्यात आला आहे.

कनेक्टीकटमधील ब्रिस्टोल येथील ग्रीन हिल्स स्कूलने सहावीच्या अभ्यासक्रमामध्ये पायेंग यांच्या कामासंदर्भातील धड्याचा समावेश केला आहे. इकोलॉजी म्हणजेच पर्यावरणशास्त्रामध्ये या धड्याचा समावेश करण्यात आला आहे.

आता येथील मुलं पद्मश्री पुरस्कारप्राप्त पायेंग यांच्या कार्याबद्दल शिकणार आहेत.
जगभरामध्ये पर्यावरणासंदर्भात अनेक गोष्टी घडत असतानाच वातावरणातील बदलांसंदर्भात चिंता व्यक्त केली जात आहे.

पर्यावरणाबद्दल संवेदनशील राहण्यासंदर्भात लहान मुलांना शालेय वयामध्येच शिक्षण देण्याच्या उद्देशाने जगभरामध्ये प्रयत्न सुरु आहेत. अशा मुलांसमोर वयाच्या 16 वर्षापासूनच पर्यावरण संरक्षणाचे काम करणाऱ्या पायेंग यांच्यापेक्षा अधिक चांगले उदाहरण कोणाचे असू शकते.

पायेंग यांच्या कार्याने मुलांनाही प्रेरणा मिळेल या उद्देशाने त्यांच्या आयुष्यावरील धड्याचा अभ्यासक्रमामध्ये समावेश करण्यात आला आहे.

जादव यांनी एकट्याने उभ्या केलेल्या जंगलाला मोलाईचे जंगल असं म्हणतात. या जंगलाचा आकार न्यू यॉर्कमधील सेंट्रल पार्कपेक्षाही मोठा आहे. हे जंगला आता बंगाल टायगर, भारतीय गेंडे, वेगवेगळ्या प्रकारचे सरपटणारे प्राणी आणि 100 हून अधिक प्रजातीची हरणं आणि ससे यांचा अधिवास आहे.
🟧टीआरपी यंत्रणेच्या फेरआढाव्यासाठी समिती


मुंबईत उघडकीस आलेल्या घोटाळ्याच्या पार्श्वभूमीवर दूरचित्रवाणी गुणांक पद्धतीचा (टीआरपी) फेरआढावा घेण्याचा निर्णय केंद्र सरकारने घेतला आहे. त्यासाठी केंद्रीय माहिती व प्रसारण मंत्रालयाने बुधवारी प्रसार भारतीचे मुख्य कार्यकारी अधिकारी शशी हेम्पती यांची चार सदस्यीय समिती स्थापन केली.

तर ही समिती दोन महिन्यांत मंत्रालयाला अहवाल सादर करेल. त्यानंतर टीआरपीसंदर्भातील नव्या मार्गदर्शक सूचना जारी केल्या जातील.

पैसे देऊन एखाद्या दूरचित्रवाणी वाहिन्यांचा टीआरपी वाढवण्याचा गैरप्रकार समोर आला असून त्याची व्याप्ती देशभर असण्याची शक्यता मानली जाते. या प्रकरणाचा तपास करणाऱ्या विशेष पथकाने आत्तापर्यंत दहा जणांना अटकही केली असून काही वाहिन्यांच्या वरिष्ठ अधिकाऱ्यांचीही चौकशी करण्यात आली आहे.

तसेच या घोटाळ्याची गंभीर दखल घेत केंद्रीय माहिती व प्रसारण मंत्रालयाने सध्या अमलात आणल्या जात असलेल्या ‘टीआरपी’ पद्धतीतील त्रुटी, त्यातील पळवाट, संभाव्य गैरव्यवहार आदी विविध मुद्दय़ांचा आढावा घेण्याचा निर्णय घेतला आहे.

टीआरपीची विद्यमान यंत्रणा (रेटिंग एजन्सी) 2014 मध्ये प्रसिद्ध केलेल्या मार्गदर्शक सूचनांच्या आधारे कार्यरत आहे. गेल्या सहा वर्षांत दूरचित्रवाणी क्षेत्रात झालेल्या बदलानुरूप रेटिंग व्यवस्थेतही सुधारणा करण्याची गरज आहे.
🟧हजिरा ते घोघा रो-पॅक्स फेरी सेवेला हिरवा झेंडा

हजिरा ते घोघा रो-पॅक्स फेरी सेवा
पंतप्रधान नरेंद्र मोदी यांच्या हस्ते गुजरातमधल्या हजिरा येथील रो-पॅक्स टर्मिनलचे 8 नोव्हेंबर 2020 रोजी उद्घाटन होणार आहे. ते हजिरा ते घोघा रो-पॅक्स फेरी सेवेला हिरवा झेंडा दाखविणार आहेत.

🅾ठळक बाबी

जलमार्ग वाहतुकीसाठी हजिरा येथे तयार करण्यात आलेल्या रो-पॅक्स टर्मिनलची लांबी 100 मीटर असून रूंदी 40 मीटर आहे. यासाठी सुमारे 25 कोटी रूपये खर्च करण्यात आला आहे.

रो-पॅक्स फेरी व्हेसलचे ‘व्होएज सिम्फनी’ या नावाचे तीन डेकचे जहाज आहे. त्याची क्षमता 2500-2700 मेट्रिक टन आहे. त्याचबरोबर 12000 ते 15000 GT सामान वाहून नेण्याची क्षमता आहे. या फेरी बोटीच्या मुख्य डेकवरून 30 मालमोटारी (प्रत्येकी 50 मेट्रिक टन वजनाच्या) वाहून नेता येणार आहेत. अप्पर डेकवर 100 प्रवासी गाडया आणि सर्वात वरच्या प्रवासी डेकवर 500 प्रवासी आणि त्याव्यतिरिक्त जहाजावरील 34 कर्मचारी आणि आदरातिथ्य करणारा कर्मचारी वर्ग यांची वाहतूक होऊ शकणार आहे.
सेवेचे फायदे

हजिरा ते घोघा या दरम्यान जलवाहतुकीचे अनेक लाभ होणार आहेत. दक्षिण गुजरात आणि सौराष्ट्र यांच्यामध्ये हा जलमार्ग ‘गेट वे’ म्हणून काम करणार आहे. त्यामुळे घोघा ते हजिरा यांच्यामधले 370 किलोमीटरचे अंतर कमी होऊन ते अवघे 90 किलोमीटर होणार आहे. त्याचबरोबर सामानाच्या वाहतुकीचा वेळ 10 ते 12 तासांवरून फक्त चार तास होणार आहे.

परिणामी, अंदाजे प्रतिदिनी 9000 लिटर इंधनाची बचत होऊ शकणार आहे. या जलमार्गामुळे वाहतुकीच्या कोंडीचा त्रास कमी होणार. त्याचबरोबर वाहनांची वाहतूक कमी झाली तर कार्बन उत्सर्जनाचे प्रमाण कमालीचे कमी होणार आहे. प्रतिदिनी अंदाजे 24 मेट्रिक टन म्हणजेच प्रतिवर्षाला 8,653 मेट्रिक टन कार्बन उत्सर्जनामध्ये घट होऊ शकणार आहे.

फेरी सेवेमुळे सौराष्ट्र आणि कच्छ भागामधील बंदरांच्या क्षेत्रात फर्निचर आणि खते उद्योगाला चालना मिळणार आहे. गुजरातमध्ये विशेषतः पोरबंदर, सोमनाथ, व्दारका आणि पालिताना येथे पर्यटनाला प्रोत्साहन मिळू शकणार आहे. फेरी सेवेमुळे गिर येथील वन्यजीव अभयारण्याचा मार्ग सुलभ होणार आहे.
🟧ऑनलाइन वर्गाला फक्त पाच दिवस दिवाळीची सुट्टी

कोरोनाच्या पार्श्वभूमीवर मार्चपासून ऑनलाइन वर्ग सुरू आहेत. उन्हाळी व गणेशोत्सवाच्या सुट्टीतही ते सुरू होते. त्यामुळे दिवाळीमध्ये मोठी सुट्टी मिळेल अशी अपेक्षा व्यक्त करण्यात येत होती.

मात्र राज्य सरकारने 12 ते 16 नोव्हेंबर अशी फक्त पाच दिवसच ऑनलाईन वर्गाला सुट्टी जाहीर केली. .

तसेच शाळांना पूर्वी दिवाळीची सुट्टी 21 दिवस होती. त्यांनतर वार्षिक सुट्ट्या 80 ऐवजी 76 करण्यात आल्याने दिवाळी सुट्टी 18 दिवस केली. पण कोरोनामुळे अभ्यास उशिरा सुरू झाल्याने दिवाळी सुट्टीसंदर्भात काढलेल्या परिपत्रकात ही सुट्टी फक्त पाच दिवसांची केली.
🟧पर्यायी ऊर्जेचा वाटा 40 टक्के करण्याचे लक्ष्य

पॅरिस करारानुसार 2100 पर्यंत तापमानातील वाढ दोन अंश सेल्सिअसपर्यंत सीमित राखण्यासाठी देशाने अपारंपरिक ऊर्जा क्षेत्रात धोरणात्मक निर्णय घेतले असून कार्बन उत्सर्जनदेखील 35 टक्क्यांनी कमी केले जाईल, अशी माहिती केंद्रीय पर्यावरणमंत्री प्रकाश जावडेकर यांनी गुरुवारी ‘इंडिया सीईओ फोरम’च्या पर्यावरण बदलासंदर्भातील कार्यक्रमात दिली.

तर जगभरातील विविध देशांनी एकत्रितपणे पर्यावरणातील बदलांची गती कमी करण्यासाठी ‘पॅरिस करार’ केला आहे.

त्याअंतर्गत तापमानातील वाढ दोन अंश सेल्सिअसपेक्षा जास्त होऊ नये, हा प्रमुख उद्देश ठेवण्यात आला आहे.
तसेच अमेरिकेने मात्र या करारातून बाहेर पडण्याचा निर्णय घेतला आहे.
🟧डोनाल्ड ट्रम्प यांनी पुन्हा केला विजयाचा दावा, डेमोक्रॅटिक पक्षावर केला गंभीर आरोप

वॉशिंग्टन - अमेरिकेतील राष्ट्राध्यक्ष निवडणुकीचा पेच दिवसागणित अधिकच वाढत आहे. एकीकडे मतमोजणीत डेमोक्रॅटिक पक्षाचे उमेदवार ज्यो बायडन यांनी मोठी आघाडी घेतली असली तरी डोनाल्ड ट्रम्प वारंवार आपल्या विजयाचा दावा करत आहेत. अनधिकृत मतांच्या माध्यमातून विजय चोरण्याचा प्रयत्न केला जात आहे, असा आरोप डोनाल्ड ट्रम्प यांनी केला आहे. अमेरिकन राष्ट्राध्यक्ष पदाच्या निवडणुकीसाठी मतमोजणी अखेरच्या टप्प्यात पोहोचली आहे. दरम्यान, सध्याच्या आकडेवारीनुसा ज्यो बायडन यांना २६४ तर डोनाल्ड ट्रम्प यांना २१४ इलेक्टोरल मते मिळाली आहेत.

प्रसारमाध्यमांशी संवाद साधताना ट्रम्प म्हणाले की, जर तुम्ही वैध मतांची मोजणी केली तर मी सहजपणे जिंकत आहे. मात्र जर तुम्ही अवैध मतांची (मेल इन बॅलेट्स) मोजणी केली तर डेमोक्रॅट आमच्याकडून विजय हिरावून घेण्याचा प्रयत्न करू शकतात. मी अनेक मोठ्या राज्यांमध्ये ऐतिहासिक मताधिक्याने विजय मिळवला आहे.

यावेळी विविध माध्यमांनी दाखवलेल्या ओपिनियन पोल्सवरही डोनाल्ड ट्रम्प यांनी शंका उपस्थित केली. ओपिनियन पोल्स घेणाऱ्यांनी जाणीवपूर्वक संपूर्ण देशाता ब्लू व्हेव दाखवली. प्रत्यक्षात अशी कुठलीही लाट नव्हती. संपूर्ण देशात मोठी रेड व्हेव आहे. याचा प्रसारमाध्यमांना अंदाज होता. मात्र त्याचा आम्हाला फायदा झाला नाही, असे ट्रम्प यांनी सांगितले.
🟧 युद्ध व सशस्त्र संघर्षात पर्यावरणाची हानी टाळण्यासाठी आंतरराष्ट्रीय दिन: 6 नोव्हेंबर

दरवर्षी 6 नोव्हेंबर या दिवशी संयुक्त राष्ट्रसंघाच्या नेतृत्वात ‘युद्ध व सशस्त्र संघर्षात पर्यावरणाची हानी टाळण्यासाठी आंतरराष्ट्रीय दिन’ साजरा केला जातो.

संयुक्त राष्ट्रसंघ पर्यावरण कार्यक्रम (UNEP) यांच्या मते, गेल्या 60 वर्षांत सर्व अंतर्गत संघर्षांपैकी किमान 40 टक्के नैसर्गिक स्त्रोतांच्या शोषणाशी संबंधित होते.

युद्ध व सशस्त्र संघर्षादरम्यान होणारी पर्यावरणाची हानी कमी करण्यासाठीच्या उद्देशाने 2001 साली संयुक्त राष्ट्रसंघ महासभेनी 6 नोव्हेंबरला ‘युद्ध व सशस्त्र संघर्षात पर्यावरणाची हानी टाळण्यासाठी आंतरराष्ट्रीय दिन’ म्हणून घोषित केले.

हा दिवस कोणत्याही परिस्थितीत पर्यावरणाचे संरक्षण आणि पर्यावरणविषयक जनजागृती करण्यासाठी समर्पित आहे. जगाच्या कोणत्याही भागात कोणत्याही सशस्त्र संघर्षादरम्यान पर्यावरणाला इजा होणार नाही याची खात्री करणे, हा या दिनाचा उद्देश आहे.
🟧चीनचा मोठा निर्णय, भारतातून येणाऱ्या परदेशी नागरिकांना प्रवेशबंदी

चीनने भारतात राहणाऱ्या परदेशी नागरिकांना देशात प्रवेशबंदी केली आहे. चीनी व्हिसा किंवा रेसिडन्स परमिट असणाऱ्या भारतातील सर्व परदेशी नागरिकांना हा निर्णय लागू असणार आहे.

तर इंडिया टुडेच्या वृत्तानुसार, हा निर्णय तात्पुरत्या स्वरुपासाठी असून करोनाच्या पार्श्वभूमीवर घेण्यात आला आहे.
याशिवाय चीनने भारतातून येणाऱ्या सर्व विमानांच्या उड्डाणावरही स्थगिती आणली आहे.
चीनच्या परराष्ट्र मंत्रालयाकडून यासंबंधी अधिकृत निवेदन प्रसिद्ध करण्यात आलं आहे. यानुसार, भारतात असणाऱ्या चिनी दुतावासाकडून व्हिसा किंवा रेसिडन्स परमिट असणाऱ्या नागरिकांना प्रवासाची परवानगी मिळणार नाही.

तसेच आपातकालीन परिस्थिती किंवा माणुसकीच्या आधारे चीनमध्ये प्रवेश मिळू इच्छिणारे चिनी दुतावासात व्हिसासाठी अर्ज करु शकतात. 3 नोव्हेंबर नंतर व्हिसा दिलेल्यांना कोणताही अडथळा येणार नाही.
हा निर्णय फक्त भारतापुरता मर्यादित नसून याआधी इतर देशांसंबंधीही असा निर्णय घेण्यात आला आहे. करोनाचे रुग्ण वाढत असल्याने उपाययोजना म्हणून चीन पावलं उचलत आहे.

भारताशिवाय ब्रिटेन, बेल्जिअम आणि फिलिपाइन्समधून नागरिकांनाही चीनमध्ये प्रवेशबंदी आहे. याशिवाय फ्रान्स, जर्मनी आणि अमेरिकेतील नागरिकांना प्रवेश करण्याआधी वैद्यकीय तपासणी अहवाल सादर करण्याचा आदेश आहे.
🟧​​जो बायडन: अमेरिकेचे नवनिर्वाचित राष्ट्राध्यक्ष
💐💐💐💐💐💐💐💐💐💐💐💐💐💐

💐 जो बायडन हे परराष्ट्र धोरणाचे तज्ज्ञ म्हणून ओळखले जातात. वॉशिंग्टन डीसी मधला अनेक वर्ष राजकारणाचा अनुभव त्यांच्या गाठीशी आहे.
💐 जीभेवर साखर ठेवून बोलणारा नेता, अशी त्यांची ओळख आहे. आपल्या वकृत्व कौशल्याने ते चुटकीसरशी लोकांची मनं जिंकतात. बायडन यांचं सर्वांत मोठं वैशिष्ट्य म्हणजे ते अगदी सहजपणे सामान्य माणसात मिसळतात.
💐 ते चिडखोर आहेत आणि आपल्या भाषणात गंभीर चुकाही करतात.
💐 जो बायडन यांचं निवडणूक प्रचाराशी जुनं नातं आहे. 47 वर्षांपूर्वी त्यांचा राजकीय प्रवास सुरू झाला. 1973 साली ते सिनेट सदस्य म्हणून निवडून गेले होते, तर 1987 साली म्हणजे तब्बल 33 वर्षांपूर्वी ते पहिल्यांदा अध्यक्षपदाच्या शर्यतीत उतरले होते.
💐 लोकांसमोर बोलताना बरेचदा ते भावनेच्या भरात वाहून जातात. अध्यक्षपदाच्या निवडणुकीतल्या त्यांच्या प्रयत्नात ते याच कारणामुळे लगेच बाहेर फेकले गेले होते. बायडन तिसऱ्यांदा अध्यक्षपदाच्या निवडणूक रिंगणात उतरले होते.
💐 1987 साली बायडन यांनी पहिल्यांदा अध्यक्षपदाचा उमेदवार होण्यासाठी प्रयत्न सुरू केले होते. त्यावेळी आपल्या प्रचार सभांमध्ये ते सांगायचे, "माझे पूर्वज वायव्य पेन्सिल्वेनियामधल्या कोळशाच्या खाणीत काम करायचे." ते असंही सांगायचे की माझ्या पूर्वजांना ते करण्याची संधी कधीच मिळाली नाही ज्याच्यावर त्यांचा हक्क होता आणि याचं शल्य त्यांच्या मनात आहे.