MPSC SIMPLIFIED(official)
34.4K subscribers
34.8K photos
52 videos
3.69K files
9.49K links
simplified चा टेलिग्राम ग्रुप
(आपल्या मित्रांना जॉईन करा)

+ सिम्प्लिफाइड स्टडी
+newspaper सिम्प्लिफाइड
+job सिम्प्लिफाइड
+daily चालू घडामोडी टेस्ट
+अभ्यास आधारित टेस्ट


https://telegram.me/mpscsimplified
Download Telegram
🟧युद्ध व सशस्त्र संघर्षात पर्यावरणाची हानी टाळण्यासाठी आंतरराष्ट्रीय दिन: 6 नोव्हेंबर

दरवर्षी 6 नोव्हेंबर या दिवशी संयुक्त राष्ट्रसंघाच्या नेतृत्वात ‘युद्ध व सशस्त्र संघर्षात पर्यावरणाची हानी टाळण्यासाठी आंतरराष्ट्रीय दिन’ साजरा केला जातो.

संयुक्त राष्ट्रसंघ पर्यावरण कार्यक्रम (UNEP) यांच्या मते, गेल्या 60 वर्षांत सर्व अंतर्गत संघर्षांपैकी किमान 40 टक्के नैसर्गिक स्त्रोतांच्या शोषणाशी संबंधित होते.

युद्ध व सशस्त्र संघर्षादरम्यान होणारी पर्यावरणाची हानी कमी करण्यासाठीच्या उद्देशाने 2001 साली संयुक्त राष्ट्रसंघ महासभेनी 6 नोव्हेंबरला ‘युद्ध व सशस्त्र संघर्षात पर्यावरणाची हानी टाळण्यासाठी आंतरराष्ट्रीय दिन’ म्हणून घोषित केले.

हा दिवस कोणत्याही परिस्थितीत पर्यावरणाचे संरक्षण आणि पर्यावरणविषयक जनजागृती करण्यासाठी समर्पित आहे. जगाच्या कोणत्याही भागात कोणत्याही सशस्त्र संघर्षादरम्यान पर्यावरणाला इजा होणार नाही याची खात्री करणे, हा या दिनाचा उद्देश आहे.
🟧इस्कॉनला मिळाला ग्रीन चॅम्पियन पुरस्कार

ग्रीन बिल्डिंग काँग्रेसच्या नुकत्याच आयोजित झालेल्या अठराव्या आवृत्तीत इस्कॉनला यंदाचा ग्रीन चॅम्पियनशिप पुरस्कार जाहीर झाला आहे.
जनतेला निसर्गाविषयी संवेदनशील बनविण्यासाठी सतत अग्रणी राहिल्याने इस्कॉन या संस्थेला हा पुरस्कार जाहीर झाला आहे.
तर इस्कॉन गोवर्धन इकोव्हिलेजचे संचालक गौरंगा दास यांनी हा पुरस्कार स्वीकारला.

तसेच यावेळी ते म्हणाले की येत्या काळात इस्कॉनच्या वतीने भक्तिवेदांत संशोधन केंद्राच्या विद्यापीठाची रचना व बांधकाम ग्रीन कॅम्पस या संकल्पनेवर आधारित करण्यात येणार आहे. इस्कॉनची जगभरातील 700 मंदिरं उपासनेची ग्रीन केंद्रे म्हणून विकसित करण्यात येणार आहेत.

यासाठी इस्कॉनची आंतरराष्ट्रीय ग्रीन कमिटी आयजीबीसीबरोबर कार्यरत आहे.
🟧बायडेन यांचा पहिला निर्णय Covid Task Force स्थापन

अमेरिकेचे नवनिर्वाचित राष्ट्राध्यक्ष जो बायडन व उप राष्ट्राध्यक्ष कमला हॅरिस यांनी सोमवारी अमेरिकेतील करोना संदर्भातील टास्क फोर्सची निर्मिती केली.

तर विशेष म्हणजे या टास्क फोर्सचे नेतृत्व करण्यासाठी नेमण्यात आलेल्या तीन सह अध्यक्षांमध्ये एका भारतीय वंशाच्या समावेश आहे.
करोना टास्क फोर्सचे नेतृत्व करण्याची जबाबदारी तीन सह अध्यक्षांवर असणार आहे. ज्यामध्ये डॉक्टर विवेक मूर्ती यांच्यासह येल विद्यापीठातील औषधी विभागाचे सहयोगी प्राध्यापक मार्सेला नुनेझ-स्मिथ व अन्न व औषध प्रशासन विभागचे माजी आयुक्त डेव्हिड केसलर यांचा समावेश आहे.

तसेच करोना टास्क फोर्समधील 13 सदस्यांच्या नावांची घोषणा आज करण्यात आली आहे. यामध्ये प्रख्यात आरोग्य तज्ज्ञांचा समावेश आहे.
🟧ठाकरे सरकारकडून एसटी कर्मचाऱ्यांना एक महिन्याचा पगार आणि दिवाळी बोनस जाहीर

जळगावमध्ये एसटी कंडक्टरने आत्महत्या केल्यानंतर खडबडून जाग आलेल्या ठाकरे सरकारने लगेचच एसटी कर्मचाऱ्यांना दिवाळी बोनस आणि एक महिन्यांचा पगार देण्याची घोषणा केली आहे. जळगावमधील मनोज अनिल चौधरी या एस.टी कंडक्टरने सोमवारी गळफास घेऊन आत्महत्या केली.

एसटी कर्मचाऱ्यांचा तीन महिन्यांचा पगार थकला आहे. त्यात या महिन्याचा पगार तासाभरात केला जाईल अशी माहिती परिवहन मंत्री अनिल परब यांनी दिली आहे. दिवाळीपूर्वी आणखी एका महिन्याचा पगार देण्याचेही त्यांनी आश्वासन दिले आहे. एसटी कर्मचाऱ्यांना ऑगस्ट, सप्टेंबर महिन्याचा पगार देण्यासाठी पत्रक महाराष्ट्र राज्य परिवहन मंडळाने पत्रक जारी केले आहे.

आत्महत्या करणाऱ्या कर्मचाऱ्याने पत्रात काय म्हटले होते - ‘एसटी महामंडळातील कमी पगार व त्यातील अनियमितता यास कंटाळून मी आत्महत्या करीत आहे. यास जबाबदार एसटी महामंडळातील कार्यपद्धती व आपले मराठी माणसाचे ठाकरे सरकार आहे. (शिवसेना) माझ्या घरच्यांचा यात काहीही संबंध नाही. संघटनांनी माझ्या पीएफ आणि एलआयसी वीमा हा माझ्या कुटुंबाला मिळवून देण्याचा प्रयत्न करावा’ असा मजकूर मनोज चौधरी यांनी चिठ्ठीत लिहिला आहे.
🟧अमेरिकेतील अध्यक्षीय निवडणुकीत मतदानाचा विक्रम.

अमेरिकेत अजूनही मतमोजणी सुरू असून २०२० च्या अध्यक्षीय निवडणुकीत गेल्या पन्नास वर्षांतील उच्चांकी मतदान झाले आहे. यापूर्वी २००८ मध्ये बराक ओबामा निवडून आले त्या वेळी मोठे मतदान झाले होते. या वेळी अध्यक्ष ट्रम्प यांच्या विरोधात गेलेला कौल मोठा आहे.

रविवारी जी आकडेवारी मिळाली ती पाहता मतदानास पात्र असलेल्यांपैकी ६२ टक्के लोकांनी मतदान केले. २००८ पेक्षा यावेळचे मतदान ०.४ टक्क्य़ांनी अधिक झाले आहे. २००८ मध्ये ओबामा यांच्या रूपाने पहिला कृष्णवर्णीय अध्यक्ष देशाला मिळाला होता. मतदान जास्त झाले असले तरी त्याबरोबर देशाची लोकसंख्याही वाढलेली आहे, हा मुद्दा दुर्लक्षित करता येणार नाही. आतापर्यंत १४ कोटी ८० लाख मतांची मोजणी झाली असून डेमोक्रॅटिक पक्षाचे जो बायडेन यांना ७ कोटी ५० लाख मते मिळाली आहे.

ट्रम्प यांना सात कोटी मते मिळाली आहेत. पराभूत उमेदवाराला इतकी मते कधी मिळाली नव्हती हेही वास्तव सामोरे आले आहे. किमान १६ कोटी मतदान झाल्याचा अंदाज असून यानंतरही आकडे बदलण्याची शक्यता आहे. जेव्हा राज्ये मतदानाला वेळ वाढवून देतात तेव्हा मतदानावर त्याचा परिणाम होतो हे स्पष्ट झाले, कारण यावर्षी अनेक राज्यांनी मतदानाची वेळ वाढवली होती. ट्रम्प यांनी मतदानाच्या वाढीव वेळेला विरोध करून या वेळेतील मते बाद करण्यासाठी न्यायालयात दावे केले होते. असोसिएटेड प्रेस व युनायटेड स्टेटस इलेक्शन प्रोजेक्ट यांनी दिलेल्या आकडेवारीनुसार १९६८ नंतर प्रथमच निवडणुकीचा उच्चांक झाला आहे. तज्ज्ञांच्या मते विसाव्या शतकात एवढे मतदान कधी झाले नव्हते.
🟧भारताचा पहिला अनेक खेड्यांसाठीचा संपूर्णपणे सौर ऊर्जेवर चालणारा एकात्मिक पाणीपुरवठा प्रकल्प अरुणाचल प्रदेशात उभारला

अरुणाचल प्रदेशात भारताचा पहिला अनेक खेड्यांसाठीचा संपूर्णपणे सौर ऊर्जेवर चालणारा एकात्मिक पाणीपुरवठा प्रकल्प उभारण्यात आला आहे.

‼️ठळक बाबी

अरुणाचल प्रदेशाच्या लोअर दिबांग व्हॅली जिल्ह्यातील्या 39 खेड्यांना या प्रकल्पाच्या माध्यमातून पाणीपुरवठा केला जाणार आहे.
17,480 लोकांना पिण्याचे पाणी पुरवण्यासाठी प्रकल्प संरचीत केलेला आहे.

प्रकल्प 28.50 कोटी रुपये खर्चून उभारण्यात आला आहे. प्रकल्पात पिण्याचे पाणी, हरित ऊर्जा आणि पर्यटन अश्या घटकांसह हा एकात्मिक प्रकल्प म्हणून तयार केला गेला आहे.

व्यवस्थापनासाठी अत्याधुनिक तंत्रज्ञान, जसे की एनर्जी-सोलर ग्रिड, SCADA ऑटोमेशन सिस्टम, प्री-फॅब्रिकेटेड झिंक अलम स्टोरेज टाकी, यांचा वापर केला गेला आहे.

प्रकल्पामध्ये स्विमिंग पूल, अ‍ॅम्फीथिएटर, कारंजे आणि बसण्याची व्यवस्था अश्या सोयी उभारून त्याला एक मनोरंजनाचे स्थळ म्हणून स्वरूप देण्यात आले आहे.
🟧केंद्रीय कार्यालयांत मराठी भाषा आता सक्तीची

केंद्र शासनाच्या सर्व कार्यालयांत इंग्रजी व हिंदीबरोबरच स्थानिक भाषा म्हणजेच मराठी भाषेचा वापर करणे बंधनकारक केले आहे.

तर ते न करणारे कार्यालय जिल्ह्यात आढळल्यास त्याच्या प्रमुखास निमंत्रक करून त्यास पालकमंत्री, लोकप्रतिनिधी आणि जिल्हाधिकाऱ्यांनी मराठीचा वापर करण्यास प्राधान्य देण्याचे लक्षात आणून देणे आवश्यक आहे.

तसेच यासाठी जिल्हाधिकाऱ्यांनी दर तीन महिन्यांनी भाषा संचालनालयास अहवाल देण्याचे आदेश राज्य शासनाने 6 नोव्हेंबर रोजी जारी केले आहेत.

राज्यातील केंद्र शासनाच्या राजभाषा विभागाने हिंदी व इंग्रजीबरोबर प्रादेशिक मराठी भाषेचा वापर प्राधान्याने करण्याच्या सूचना दिल्या आहेत.

यानुसार, राज्यासह जिल्ह्यातील केंद्रीय कार्यालये, सार्वजनिक उपक्रम, बँका, विमा कंपन्या, रेल्वे तसेच अन्य केंद्रीय आस्थापनांच्या कार्यालयांत मराठी भाषेचा वापर करण्यात येतो यावर लक्ष केंद्रित करून अहवाल तयार करण्याच्या कामासाठी जिल्हा व तालुका स्तरावर गट-ब च्या दर्जापेक्षा कमी नाही अशा अधिकाऱ्यांमधून एका समन्वय अधिकाऱ्याची नेमणूक आदेशही आता जिल्हाधिकाऱ्यांना प्राप्त झाले आहेत.
🟧'फायझर’ची करोना लस 90 टक्के परिणामकारक

जगभर आतापर्यंत सुमारे 10 लाख लोकांचा बळी घेणाऱ्या करोना विषाणूच्या प्रतिबंधाबाबत दिलासादायक माहिती फायझर कंपनीने सोमवारी दिली. कंपनीने तयार केलेली लस 90 टक्के परिणामकारक ठरू शकते, असे कंपनीने सांगितले.

तसेच फायझर आणि तिची जर्मन सहयोगी कंपनी बायोएनटेक यांनी ही लस संयुक्तपणे तयार केली आहे. ती 90 टक्के परिणामकारक ठरू शकेल, असे प्राथमिक निष्कर्ष असल्याचे फायझर कंपनीने सांगितले.

तर लशीचा उपयोग 16 ते 85 वयोगटातील लोकांवर तातडीने करण्यासाठी या महिनाअखेरीस अमेरिकेच्या नियंत्रकांकडे अर्ज करण्याचे संकेतही कंपनीने दिले आहेत.
🟧मोदी- जिनपिंग यांचा आज संवाद.

भारत व चीन यांच्यादरम्यान गेल्या मे महिन्यापासून पूर्व लडाखच्या सीमेवर तणाव उद्भवल्यापासून पंतप्रधान नरेंद्र मोदी आणि चीनचे अध्यक्ष क्षी जिनपिंग यांचा मंगळवारी प्रथमच संवाद होणार आहे. शांघाय सहकार्य परिषदेच्या परिषदेनिमित्त एका आभासी संवादात हे दोघे सहभागी होणार आहेत.

याशिवाय, ब्रिक्स बैठकीनिमित्त १७ नोव्हेंबरला आणि जी-२० परिषदेसाठी २१-२२ नोव्हेंबरलाही मोदी हे जिनपिंग यांच्यासोबत एकाच आभासी व्यासपीठावर येतील. गेल्या ६ वर्षांत हे दोन नेते किमान १८ वेळा भेटले आहेत. सौदी अरेबियाने करोना महासाथीच्या प्रश्नावर गेल्या २६ मार्चला जी-२०ची आभासी बैठक आयोजित केली होती, त्यावेळी हे दोघे एका व्यासपीठावर आले होते.

भारत व चीन यांनी घेतलेल्या कठोर भूमिकेच्या पार्श्वभूमीवर, एससीओ बैठकीत सीमेवरील तणावाचा मुद्दा उपस्थित होण्याची शक्यता अतिशय अंधुक असल्याचे अधिकाऱ्यांनी सांगितले.
🟧दिवाळीत स्थानिक उत्पादनेच वापरा- पंतप्रधान

दिवाळीत लोकांनी स्थानिक उत्पादनेच वापरून ‘व्होकल फॉर लोकल’ या तत्त्वाचा अवलंब करावा, असे आवाहन पंतप्रधान नरेंद्र मोदी यांनी सोमवारी केले आहे.

देशाच्या अर्थव्यवस्थेला उभारी देण्यासाठी स्थानिक उत्पादने वापरणे गरजेचे आहे,असे आवाहन करताना त्यांनी सांगितले,की ‘व्होकल फॉर लोकल’ हा मूलमंत्र आचरणात आणण्यासाठी स्थानिक उत्पादनेच खरेदी करावीत. परदेशी उत्पादने खरेदी करू नयेत, वाराणसीतील लोकांनीही खरेदी करताना स्थानिक उत्पादनेच खरेदी करावी.

वाराणसी येथील ७०० कोटींच्या १९ विकास प्रकल्पांचे उद्घाटन त्यांनी केले. मोदी यांनी सांगितले की, दिवाळीच्या निमित्ताने लोकांनी स्थानिक उत्पादनांना संधी द्यावी, कारण या काळात मोठय़ा प्रमाणात खरेदी-विक्री होत असते.

तुम्ही स्थानिक उत्पादने खरेदी करून त्याचा अभिमान बाळगा. त्यामुळे स्थानिक व देशी उत्पादनांचा दर्जा चांगला असल्याचा संदेश इतरांनाही जाईल. यात स्थानिक ओळख तर निर्माण होईलच, त्याशिवाय सगळ्यांची दिवाळीही प्रकाशमान होईल.
*💰 अमेरिकन राष्ट्रपतींना मिळणारा पगार व भत्ते*

अमेरिकेचे राष्ट्रपती बनणे प्रतिष्ठेची बाब तर आहेच मात्र या पदाचे लाभही फार मोठे आहेत. आज आपण आजी-माजी राष्ट्रपतींना अनेक लाभ व भत्ते मिळत असतात. ते पाहुयात...

● राष्ट्रपतींना दरवर्षी 4 लाख डॉलर्स (2,94,19,440 रुपये) पगार मिळतो.
● 19 हजार डॉलर्स मनोरंजन भत्ता.
● 50 हजार डॉलर्स व्यय भत्ता.
● 1 लाख डॉलर्स करविरहित योग्य प्रवास भत्ता.
● माजी राष्ट्रपतींना पेन्शन म्हणून 2 लाख डॉलर्स.
● राष्ट्रपतीच्या विधवेला 1 लाख डॉलर्स दिले जातात.
● राष्ट्रपतींना पगाराशिवाय 17 प्रकारचे अन्य भत्ते दिले जातात.

🏠 *असे आहे निवासस्थान* :

● अमेरिकन अध्यक्षांच्या निवासस्थानात अनेक बदल झाले आहेत.
● 'व्हाईट हाउस' या सहा मजली इमारतीचे क्षेत्रफळ 55 हजार चौरस फुट आहे.
● त्यात 132 खोल्या, 35 बाथरूम, 28 फायरप्लेस, 1 टेनिस कोर्ट, बोलिंग अ‍ॅली, फॅमिली मुव्ही थियेटर, जॉगिंग ट्रॅक, स्वीमिंग पूल व पाच शेफ, सचिव, कॅलीग्राफर, फुलवाला, बटलर असा स्टाफ असतो.

🤓 *गेस्टहाउस 'ब्लेअर हाउस'* : याचे क्षेत्रफळ 70 हजार चौरस फुट आहे. त्यात 119 खोल्या, गेस्ट कर्मचारी यांच्यासाठी 20 बेडरूम्स, 35 बाथरूम, 4 डायनिंग रुम्स, 1 जिम, फुलवला, हेअरसलून अश्या सुविधा आहेत.

🎯 *इतर खास सुविधा* :

👉 कॅप डेव्हिड (1935) राष्ट्रीय पर्वत परिसर 128 एकरचा आहे. तो मेरीलँड डोंगररांगा मध्ये आहे. प्रत्येक राष्ट्रपतीने या सुविधेचा वापर केला आहे.

👉 राष्ट्रपतींच्यासाठी खास विमान असून ते 'एअरफोर्स वन' नावाने ओळखले जाते. हे विमान अत्याधुनिक आणि सुरक्षेच्या दृष्टीने एखाद्या भक्कम किल्ल्याप्रमाणे आहे.

👉 मरिन वन ताफ्यात राष्ट्रपतीच्या हेलीकॉप्टरला पाच हेलिकॉप्टरची सोबत असते. या ताफ्याचे काम रेस्क्यू मिशन ऑपरेट करणे हे आहे. इंजिन फेल झाले तरी ताशी 150 मैल वेगाने ते क्रुझ संचालित करू शकते.

👉 राष्ट्रपतीच्या तैनातीला 'द बीस्ट' ही खास लीमोसीन असून तिच्यावर कोणत्याही मिसाईल, रासायनिक अस्त्राचा परिणाम होत नाही. या कारमध्ये ऑक्सिजन पुरवठा, फायर फायटिंग सिस्टीम, रक्तपेढीची सुविधा आहे.

👉 राष्ट्रपती आणि त्यांच्या परिवाराला चोवीस तास सुरक्षा पुरविली जाते आणि हे काम सिक्रेट सर्विस विभागाच्या अखत्यारीत येते.
❣वर्धापन दिन📍वर्धापन दिन📍वर्धापन दिन
❗️❗️❗️❗️❗️❗️❗️❗️❗️❗️❗️❗️❗️❗️

●▬▬▬▬⚜۩۞۩⚜▬▬▬▬●
🟧आज सिम्प्लिफाईड प्रकाशनाचा वर्धापन दिन
●▬▬▬▬⚜۩۞۩⚜▬▬▬▬●

▪️नमस्कार विद्यार्थी मित्र मैत्रिणींनो
आज आपल्या सिम्प्लिफाईड प्रकाशनाच्या वर्धापन दिनानिमित्त सिम्प्लिफाईड प्रकाशनाची व इतर सर्व प्रकाशनची सर्व पुस्तके 50% पर्यंत सवलतीत उपलब्ध.

●▬▬▬▬⚜۩۞۩⚜▬▬▬▬●
✌️Free Shipping ❗️ Free Shipping
●▬▬▬▬⚜۩۞۩⚜▬▬▬▬●

👉 SIMPLIFIED PUBLICATIONचे अधिकृत ONLINE BOOK STORE 👇

www.simplifiedcart.com

▪️Door Delivery Available
▪️Home delivery

▪️संपर्क :- अभिजीत थोरबोले

9423333181 | 8788639688
Forwarded from MPSC SIMPLIFIED(official) (Nagesh Patil)
❣वर्धापन दिन📍वर्धापन दिन📍वर्धापन दिन
❗️❗️❗️❗️❗️❗️❗️❗️❗️❗️❗️❗️❗️❗️

●▬▬▬▬⚜۩۞۩⚜▬▬▬▬●
🟧आज सिम्प्लिफाईड प्रकाशनाचा वर्धापन दिन
●▬▬▬▬⚜۩۞۩⚜▬▬▬▬●

▪️नमस्कार विद्यार्थी मित्र मैत्रिणींनो
आज आपल्या सिम्प्लिफाईड प्रकाशनाच्या वर्धापन दिनानिमित्त सिम्प्लिफाईड प्रकाशनाची व इतर सर्व प्रकाशनची सर्व पुस्तके 50% पर्यंत सवलतीत उपलब्ध.

●▬▬▬▬⚜۩۞۩⚜▬▬▬▬●
✌️Free Shipping ❗️ Free Shipping
●▬▬▬▬⚜۩۞۩⚜▬▬▬▬●

👉 SIMPLIFIED PUBLICATIONचे अधिकृत ONLINE BOOK STORE 👇

www.simplifiedcart.com

▪️Door Delivery Available
▪️Home delivery

▪️संपर्क :- अभिजीत थोरबोले

9423333181 | 8788639688