MPSC SIMPLIFIED(official)
34.4K subscribers
34.8K photos
52 videos
3.69K files
9.49K links
simplified चा टेलिग्राम ग्रुप
(आपल्या मित्रांना जॉईन करा)

+ सिम्प्लिफाइड स्टडी
+newspaper सिम्प्लिफाइड
+job सिम्प्लिफाइड
+daily चालू घडामोडी टेस्ट
+अभ्यास आधारित टेस्ट


https://telegram.me/mpscsimplified
Download Telegram
🟧अ‍ॅरिझोनामध्ये बायडेन विजयी.

अमेरिकेचे नियोजित अध्यक्ष जो बायडेन यांनी अ‍ॅरिझोनातील निवडणूक कमी मताधिक्याने जिंकली आहे. राज्यातील ११ प्रतिनिधी मते त्यांना मिळाली असून रिपब्लिकन पक्षाचे उमेदवार, विद्यमान अध्यक्ष डोनाल्ड ट्रम्प यांच्यावर त्यांनी निर्णायक विजय मिळवला. डेमोक्रॅटिक पक्षाला सात दशकांत अ‍ॅरिझोनामध्ये मिळालेला हा दुसरा विजय आहे. एकेकाळी तो रिपब्लिकनांचा बालेकिल्ला होता.

मतमोजणी ३ नोव्हेंबरला सुरू झाल्यानंतर नवव्या दिवशी अ‍ॅरिझोनाचा निकाल लागला आहे. राज्यातील ११ प्रतिनिधी मते बायडेन यांना मिळाल्याने आता २९०-२१७ असे प्रातिनिधिक मतांचे बलाबल आहे. बायडेन यांना अ‍ॅरिझोनात ११००० मतांनी म्हणजे ०.३ टक्क्य़ांच्या फरकाने विजय मिळाला आहे.

१९९६ मध्ये अध्यक्ष बिल क्लिंटन यांनी अ‍ॅरिझोनातून विजय मिळवला होता असे दी न्यूयॉर्क टाइम्सने म्हटले आहे. बायडेन यांनी तीनशे मतांच्या दिशेने घोडदौड सुरू ठेवली आहे. अ‍ॅरिझोनात १९९६ नंतर डेमोक्रॅटिक पक्षाला विजय मिळाला नव्हता. हिलरी क्लिंटन यांचा २०१६ मध्ये ट्रम्प यांनी अ‍ॅरिझोनात पराभव केला होता.

डेमोक्रॅटिक पक्षाचा विजय हा मॅरीकोपा भागातील मतदानामुळे झाला आहे. अ‍ॅरिझोनात १९४८ मध्ये डेमोक्रॅटिक पक्षाचे हॅरी ट्रमन यांनी विजय मिळवला होता. त्यानंतर १९९६ मध्ये बिल क्लिंटन व आता बायडेन यांनी विजय संपादन केला. बहुमतासाठी ५३८ पैकी २७० मते आवश्यक असतात, ती बायडेन यांना आधीच मिळाली असल्याने त्यांना माध्यमांनी विजयी जाहीर केले.
🟧जागतिक मधुमेह दिन: 14 नोव्हेंबर

जागतिक आरोग्य संघटना (WHO) आणि आंतरराष्ट्रीय मधुमेह महासंघ (IDF) यांच्या नेतृत्वात दरवर्षी 14 नोव्हेंबर या दिवशी जागतिक मधुमेह दिन साजरा करतात. 2020 साली जागतिक मधुमेह दिन "द नर्स अँड डायबेटिज" या विषयाखाली पाळला गेला.

⚡️मधुमेह आजाराविषयी.

कार्बोहायड्रेट या अन्नघटकाच्या चयापचयात्मक विकृतीमुळे मूत्रातून बरेचसे ग्‍लुकोज उत्सर्जित होत असलेल्या रोगाला मधुमेह (गोड अथवा मधुर मूत्रोत्सर्जन) म्हणतात. केवळ या एकाच लक्षणावरून जरी या रोगाला हे नाव दिले गेले असले, तरी प्रत्यक्षात तो काही लक्षणसमूहांचा बनलेला असतो. मधुमेहाचे टाईप-1 आणि टाईप-2 असे दोन प्रकार आहेत.

क्लोद बेर्नार या फ्रेंच शरीरक्रियावैज्ञानिकांनी 1850 साली ग्‍लुकोजची रक्तातली अती वाढ व मधुमेह यांचा संबंध प्रथम दाखविला. 1921 साली सर फ्रेडरिक ग्रांट बँटिंग व चार्ल्‌स हर्बर्ट बेस्ट या शास्त्रज्ञांनी अग्‍निपिंडापासून इन्शुलीन मिळविले आणि 1922 साली ए. ए. फ्लेचर यांनी मधुमेहावरील उपचारात त्याचा प्रथम उपयोग केला.

सल्फोनामाइड औषधांचा रक्तातील ग्‍लुकोजाची पातळी कमी करण्याचा गुणधर्म जांबोन या शास्त्रज्ञांच्या लक्षात 1942 साली आकस्मिकरीत्या आला. 1955 साली फ्रँक व फुक्स या शास्त्रज्ञांनी कारब्युटामाइड या सल्फोनामाइडाचा हा गुणधर्म एका संसर्गजन्य रुग्णाच्या उपचारामध्ये पाहिला व त्यानंतर अनेक सल्फॉनिल यूरिया गटातील तोंडाने गोळीच्या रूपात घ्यावयाच्या मधुमेहरोधी औषधांचा उपयोग सुरू झाला. 1957 साली उंगर यांनी बायग्वानिडे मधुमेहात वापरली व ती परिणामकारक असून धोकारहित असल्याचे दाखवून दिले.

आज जगभरात 50 दशलक्षहून अधिक लोक मधुमेहाने ग्रस्त आहेत. सध्या भारताला मधुमेहाची राजधानी म्हणून संबोधले जात आहे. यात टाईप-2 मधुमेह असणाऱ्या रूग्णांची संख्या प्रचंड आहे. टाईप-2 मधुमेह होण्यामागील वाढत वजन हे मुख्य कारण आहे.
🟧केंद्रीय कामगार व रोजगार मंत्रालयाच्या “सामाजिक सुरक्षा संहिता 2020” याचा मसूदा जाहीर.

केंद्रीय कामगार व रोजगार मंत्रालयाने “सामाजिक सुरक्षा संहिता 2020” याचे मसुदा अधिनियम जाहीर केला आहे.

🧩अधिनियमातल्या तरतुदी

“सामाजिक सुरक्षा संहिता 2020” या अंतर्गत कर्मचारी भविष्य निर्वाह निधी, कर्मचारी राज्यविमा महामंडळ, सेवा लाभ (ग्रॅच्युईटी) मातृत्व लाभ, इमारत बांधकाम कामगार तसेच इतर बांधकाम कामगारांसाठी सामाजिक सुरक्षा आणि इमारत उपकर, असंघटीत कामगारांसाठी सामाजिक सुरक्षा, गिग कामगार आणि रेल्वे स्थानकावरील कामगार यांच्याशी संबंधित तरतूदी कार्यान्वित करण्याची तरतूद केली आहे.केंद्र सरकार आणि राज्य सरकार अथवा राज्य कल्याण मंडळाच्या निर्दिष्ट संकेतस्थळावर इमारत आणि इतर बांधकाम कामगारांची, गिग कामगारांची आणि रेल्वे स्थानकावरील कामगारांची त्यांच्या आधारकार्डानुसार नोंदणी करण्याची मुभा आहे.

इमारत बांधकाम आणि इतर बांधकाम कामगारांना केंद्र सरकार, राज्य सरकार अथवा राज्य कामगार कल्याण मंडळाच्या विशिष्ट संकेतस्थळावर आपल्या आधारकार्डानुसार नोंदणी करावी लागणार. एखाद्या ठिकाणाहून एखादा कामगार जर दुसऱ्या ठिकाणी स्थलांतरीत झाला, तर तो ज्या राज्यात काम करीत असेल त्या राज्यात त्याला ते लाभ मिळू शकतील आणि अशा कामगारांना तो लाभ मिळवून देणे ही त्या राज्यातल्या बांधकाम कामगार कल्याण मंडळाची जबाबदारी असणार.

ठरवलेल्या मुदतीवर नोकरी असलेल्या कर्मचाऱ्यांसाठी सेवा लाभ (ग्रॅच्युईटी) मिळण्याबाबतही नियमांमध्ये तरतूद केलेली आहे.नोंदणीकृत व्यवसायातले काम बंद झाल्यानंतर, आस्थापनेवरील नोंद केलेली एकल इलेक्ट्रॉनिक नोंदणी रद्द करण्याची सोय देखील या नियमांमध्ये केली गेली आहे.

कर्मचारी भविष्यनिर्वाह मंडळ आणि कर्मचारी राज्य विमा महामंडळ (EPFO आणि ESIC) यांच्या छत्रामधून आस्थापनांना बाहेर पडता येणार, अशी तरतूद देखील यात केली आहे.
इमारत कामगार आणि इतर बांधकाम कामगारांच्या संबंधित स्वमूल्यांकन आणि इमारतीच्या उपकराची देयके यांच्या प्रक्रियेसंबंधित नियमांची तपशीलवार माहिती यात दिलेली आहे.स्वमूल्यांकन करण्यासाठी बांधकाम खर्च हा नियोक्त्याने राज्यातले सार्वजनिक बांधकाम विभाग अथवा केंद्रीय सार्वजनिक बांधकाम विभाग यांनी नेमून दिलेल्या दरानुसार अथवा रीअल इस्टेट नियामक प्राधिकरणाकडे दिलेल्या परताव्याच्या कागदपत्रांनुसार मोजला जाणार.

अशा उपकरांबाबतीतल्या विलंब देयकासाठी व्याजदर दरमहा 2 टक्क्यांवरून काही महिन्यांपुरता अथवा महिन्याच्या काही दिवसांपुरता दरमहा एक टक्का इतका निश्चित करण्यात आला आहे.

सध्या अस्तित्वात असलेल्या नियमांनुसार, मूल्यांकन अधिकाऱ्याला बांधकामाच्या जागेवरून कोणतीही सामुग्री अथवा यंत्रणा काढून टाकण्यासाठी किंवा हलविण्यासाठी आदेश देण्याचे अधिकार दिलेले आहेत. असे बांधकाम अनिश्चित काळासाठी थांबविण्याचे अधिकार, आता या अधिनियम मसुद्यातून काढून घेतले आहेत. या मसुद्याअंतर्गत नियमांनुसार मूल्यांकन अधिकारी इमारत सचिव आणि इतर बांधकाम कर्मचारी मंडळाच्या पूर्वपरवानगीनेच बांधकाम जागेला भेट देऊ शकणार.संस्थांना एकत्रितपणे स्वमूल्यांकनानुसार वर्गणी भरण्याची मुभा देण्यात आली आहे.
🟧राष्ट्रीय जल पुरस्कारात महाराष्ट्राची सरशी.

जलसंधारण क्षेत्रामध्ये महाराष्ट्राने चमकदार कामगिरी करत राष्ट्रीय जल पुरस्कारावर आपली मोहर उमटवली आहे. विविध क्षेत्रात एकूण 6 पुरस्कार पटकाविले आहेत.

तर सांगली जिल्ह्याला नदी पुनरुज्जीवनासाठी तर अमरावती जिल्ह्यातील शरद पाणी वापर ठिंबक सिंचन सहकारी सोसायटीला पहिला पुरस्कार मिळाला. याशिवाय नाशिक, जळगाव आणि बीड जिल्हयांनीही या पुरस्कारावर आपले नाव कोरले आहे.

केंद्रीय जलशक्ती मंत्रालयाच्या वतीने जलसंधारण क्षेत्रात वैविध्यपूर्ण व उल्लेखनिय कार्य करणाºया व्यक्ती व संस्थाच्या कार्याचा गौरव म्हणून ‘राष्ट्रीय जल पुरस्कार 2019’ चे वितरण करण्यात आले.
🟧भारतीय नौदलाच्या ताफ्यात शक्तिशाली आयएनएस वागीर पाणबुडी दाखल.



केंद्रीय संरक्षण राज्यमंत्री श्रीपाद नाईक यांनी व्हिडीओ कॉन्फरन्सिंगद्वारे वागीर या पाणबुडीचे उद्घाटन केले. मुंबईतील माझगाव डॉकयार्डने शिपबिल्डर्सने ही पाणबुडी भारतीय नौदलाला सुपूर्द केली.भारतीय नौदलाने आपल्या ताफ्यात पाचव्या श्रेणीची पाणबुडी ‘आयएनएस वजीर’ सामील झाली. गुरुवारी दक्षिण मुंबईतील माझगाव डॉक येथे आयएनएसवजीर समुद्रात सोडण्यात आली. ही पाणबुडी शत्रूच्या रडारपासून बचाव करण्यासाठी आधुनिक तंत्रज्ञानाने सज्ज आहे.

केंद्रीय संरक्षण राज्यमंत्री श्रीपाद नाईक यांच्या पत्नी विजया यांनी व्हिडिओ कॉन्फरन्सद्वारे पाणबुडीचा शुभारंभ केला.
गोवा येथून व्हिडिओ कॉन्फरन्सद्वारे नाईक या कार्यक्रमास प्रमुख पाहुणे म्हणून उपस्थित होते.

वजीर पाणबुडी ही भारतात तयार होणार्‍या सहा काळवेरी-वर्ग पाणबुडींचा एक भाग आहे. या पाणबुडीची रचना फ्रेंच सागरी संरक्षण व ऊर्जा कंपनी डीसीएनएस यांनी केली असून भारतीय नौदलाच्या प्रकल्प 75 अंतर्गत हे काम सुरू आहे.

पाणबुडीचे नाव हिंद महासागरातील शिकारी मासा ‘वजीर’ यावरून ठेवले आहे. पहिली वजीर पाणबुडी रशियाकडून खरेदी करण्यात आली जी 3 डिसेंबर 1973 रोजी भारतीय नौदलात दाखल झाली आणि तीन दशकांच्या सेवेनंतर 7 जून 2001 रोजी तिला सेवेतून मुक्त करण्यात आली.
🟧रशियाच्या लशीच्या भारतात चाचण्या.

हैदराबाद : रशियाची ‘स्पुटनिक-५’ ही करोना प्रतिबंधक लस भारतात आली असून ‘डॉ. रेड्डीज लॅबोरेटरीज’ या कंपनीला या लशीच्या चाचण्या करण्यासाठी परवानगी देण्यात आली होती. या लशीच्या दुसऱ्या व तिसऱ्या टप्प्यातील मानवी चाचण्या ‘डॉ. रेड्डीज लॅबोरेटरी’ करणार आहे.

समाजमाध्यमांवर याबाबत चित्रफीत प्रसारित करण्यात आली असून त्यात ‘स्पुटनिक -५’असे ठळक अक्षरात लिहिलेल्या कुप्यांची खोकी एका लहान ट्रकमधून खाली उतरवली जात असताना दिसत आहेत.

‘दी न्यू इंडियन एक्स्प्रेस’ने म्हटले आहे,की ‘डॉ. रेड्डीज’च्या वरिष्ठ अधिकाऱ्यांनी भारतात स्पुटनिक ५ लस दाखल झाल्याच्या वृत्तास दुजोरा दिला आहे. रशियाच्या ‘गेमालेया नॅशनल रीसर्च इन्स्टिटयूट’ या संस्थेची ही लस ९२ टक्के प्रभावी ठरल्याचा दावा आहे.
🟧पंतप्रधान मोदी यंदा जैसलमेर सीमेवर जवानांसोबत साजरी करणार दिवाळी.


दरसालप्रमाणे पंतप्रधान नरेंद्र मोदी यंदाही जवानांसोबत दिवाळी साजरी करणार आहेत. यासाठी यंदा ते राजस्थानमधील जैसलमेरच्या सीमेवर पोहोचले आहेत. यावेळी त्यांच्यासोबत सीडीएस बिपीन रावत, लष्करप्रमुख एम. एम. नरवणे आणि बीएसएफचे महासंचालक राकेश अस्थाना उपस्थित आहेत.

राजस्थानमधील जैसलमेर येथून भारत-पाकिस्तानची सीमारेषा जाते. या ठिकाणी सीमेवर बीएसएफचे जवान तैनात आहेत. प्रसिद्ध तनोट माता मंदिरही याच ठिकाणी आहे. दरम्यान, पंतप्रधान मोदी येथील लोंगेवाला भागात बीएसएफच्या जवानांची भेट घेतली त्यांची विचारपूस केली तसेच दिवाळीनिमित्त त्यांना मिठाईचे वाटप करणार आहेत.

गेल्या वर्षी २७ ऑक्टोबर २०१९ रोजी पंतप्रधान मोदी यांनी जम्मू-काश्मीरच्या राजौरी येथे जवानांसोबत दिवाळी साजरी केली होती. सैन्याच्या गणवेशात ते जवानांमध्ये जाऊन त्यांना मिठाईचे वाटप केले होते. तत्पूर्वी २०१८ मध्ये त्यांनी उत्तराखंडच्या उत्तरकाशी येथे लष्कर आणि आयटीबीपीच्या जवानांसोबत दिवाळी साजरी केली होती.
🟧मुख्यमंत्री नितीश कुमार यांनी राज्यपालांकडे सोपवला राजीनामा.

बिहारचे मुख्यमंत्री नितीश कुमार यांनी त्यांचा राजीनामा राज्यपालांकडे सोपवला आहे. मंत्रिमंडळाच्या बैठकीत विधानसभा भंग करण्याची शिफारस करण्यात आल्यानंतर नितीश कुमार यांनी त्यांचा राजीनामा राज्यपालांकडे सोपवला आहे.

यापूर्वी आज झालेल्या एनडीएच्या बैठकीत दिवाळीनंतर आपला नवा नेता निवडण्यात येईल असा निर्णय घेण्यात आला. मुख्यमंत्री नितीश कुमार यांच्या निवासस्थानी ही बैठक पार पडली. यापुढची बैठक १५ नोव्हेंबरला होणार आहे अशीही माहिती नितीश कुमार यांनी दिली.

बिहार विधानसभा निवडणुकीचा निकाल ११ नोव्हेंबरच्या पहाटे लागला. या निकालात एनडीएलाच बहुमत मिळालं आहे. मात्र भाजपाच्या जागा वाढल्या आहेत तर जदयूच्या जागा कमी झाल्या आहेत. असं असलं तरीही नितीश कुमार हेच मुख्यमंत्री होतील हे भाजपाने स्पष्ट केलं आहे.

असं असलं तरीही जदयूच्या जागा कमी झाल्याने नितीश कुमार हे नाराज असल्याची चर्चा राजकीय वर्तुळात आहे. आता बिहारमध्ये सत्ता स्थापन होताना काही नाट्यमय घडामोडी घडणार का? हे पाहणं महत्त्वाचं ठरणार आहे.
🟧भगवान बिरसा मुंडा’ यांची जयंती: 15 नोव्हेंबर

भगवान बिरसा मुंडा यांच्या जयंतीनिमित्त पंतप्रधान नरेंद्र मोदी यांनी त्यांना श्रद्धांजली अर्पण केली. 15 नोव्हेंबर 2000 रोजी झारखंड राज्य अस्तित्वात आले, त्यामुळे हा दिवस झारखंड राज्यदिन म्हणून साजरा करतो.

♦️बिरसा मुंडा (15 नोव्हेंबर 1875 - 9 जून 1900.

ते आदिवासी समाजक्रांतीचे जनक व एक स्वातंत्र्यसेनानी होते. त्यांचा जन्म झारखंडमधील उलिहातु या छोट्याशा खेड्यात झाला.

हिंदू, ख्रिश्चन व मुंडा आदिवासी या धर्मांतील चांगली तत्त्वे एकत्रित करून नव्या ‘बिरसाईट’ (Birsaites) धर्माची स्थापना करून त्यांनी लोकसंघटन केले, तसेच मुंडा जमातीत एकता निर्माण केली. त्यामुळे ते भगवान बिरसा म्हणून ओळखले जाऊ लागले.

1857च्या क्रांतीनंतर इंग्रजांनी छोटा नागपूर प्रदेशातल्या मुंडा आदिवासींच्या शेतजमिनी हिरावून घेतल्या होत्या. त्या परत मिळविण्यासाठी त्यांनी इंग्रजांविरुद्ध संघर्ष सुरू केला. त्यांनी इंग्रजांच्या गुलामीत असलेल्या आदिवासी समाजाला मुक्त करण्यासाठी क्रांतिकारक चळवळीला सुरुवात केली.

मुक्तीआंदोलनाला मुंडारी भाषेत ‘उलगुलानʼ असे म्हणतात. 3 फेब्रुवारी 1900 रोजी बिरसांना पकडण्यात आले. रांची येथे कैदेत असताना त्यांचे निधन झाले.

बिरसा यांच्या आंदोलनाची ब्रिटिशांना गंभीरपणे दखल घ्यावी लागली. ब्रिटिशांनी ‘छोटा नागपूर टेनन्सी ॲक्टʼ (वर्ष 1902) मंजूर करून आदिवासींचे जमिनीवरील हक्क मान्य केले. आदिवासी-हक्क, स्त्री-स्वातंत्र्य, मानवी प्रतिष्ठा यांच्यासाठी लढा देणारा पहिला आदिवासी नेता म्हणून बिरसा यांची ओळख आहे.
🟧2 लाख 65 हजार कोटींच्या अर्थसाह्य़ाची घोषणा.

करोनामुळे मंदावलेली अर्थव्यवस्था गतिमान करण्यासाठी ‘आत्मनिर्भर भारत’ योजने अंतर्गत 2 लाख 65 हजार कोटींच्या तिसऱ्या आर्थिक साह्याची घोषणा केंद्रीय अर्थमंत्री निर्मला सीतारामन यांनी गुरुवारी केली.

तर त्यात 26 क्षेत्रांतील रोजगारनिर्मितीला प्रोत्साहन देणाऱ्या नव्या योजनेचा समावेश असून, गृहखरेदी करणाऱ्या मध्यमवर्गाला तसेच बांधकाम क्षेत्राला सवलतीची दिवाळीभेट देण्यात आली आहे.

आत्मनिर्भर भारत रोजगार योजनेची घोषणा निर्मला सीतारामन यांनी केली. भविष्य निर्वाह निधी संघटनेशी (ईपीएफओ) संलग्न आस्थापनांमध्ये 15 हजारांपर्यंत मासिक वेतन असलेल्या नव्या कर्मचाऱ्यांना योजनेचा लाभ मिळेल.
1 मार्च ते 30 सप्टेंबर 2020 या कालावधीत रोजगार गमावलेल्या आणि 1 ऑक्टोबर 2020 वा त्यानंतर पुन्हा रोजगार मिळवलेल्या कर्मचाऱ्यांना लाभ मिळणार आहे.

एक हजार कर्मचारी असलेल्या कंपनीतील कर्मचारी व कंपनीमालकाकडून दिला जाणारा भविष्य निर्वाह निधीतील प्रत्येकी 12 टक्क्यांचा मासिक हप्ता पुढील दोन वर्षांसाठी केंद्र सरकार भरेल. एक हजारपेक्षा जास्त कर्मचारी असतील तर फक्त कर्मचाऱ्यांचा 12 टक्क्यांचा हप्ता सरकार भरेल.

तसेच ही योजना 30 जून 2021 पर्यंत सुरू राहणार असून, 50 पर्यंत कर्मचारी असलेल्या कंपनीने किमान दोन अतिरिक्त रोजगार, तर 50 पेक्षा जास्त कर्मचारी असलेल्या कंपनीने किमान 5 अतिरिक्त रोजगार निर्माण करणे गरजेचे आहे.
🟧 भारत ‘या’ देशाला विकणार घातक ‘ब्रह्मोस’ क्षेपणास्त्र.

‘ब्रह्मोस’ हे भारताच्या ताफ्यातील सर्वात घातक क्रूझ क्षेपणास्त्र आहे. भारत लवकरच हे क्षेपणास्त्र निर्यात करु शकतो. पुढच्यावर्षी पंतप्रधान नरेंद्र मोदी आणि फिलिपिन्सचे राष्ट्राध्यक्ष रॉड्रिगो ड्युटर्ट यांच्यात एक परिषद होणार आहे. त्यावेळी दोन्ही देशांमध्ये ‘ब्रह्मोस’च्या निर्याती संदर्भात महत्त्वाचा करार होऊ शकतो.

तर हा करार प्रत्यक्षात आल्यास फिलिपिन्स हा ‘ब्रह्मोस’ क्षेपणास्त्र विकत घेणारा भारताचा पहिला ग्राहक ठरेल.‘ब्रह्मोस’ हे भारत आणि रशियाने मिळून विकसित केलेले क्षेपणास् आहे. ब्रह्मोस एरोस्पेसची एक टीम पुढच्या महिन्यात डिसेंबरमध्ये या करारासंदर्भात मनिलाला जाऊ शकते.

तसेच दोन्ही देशांमध्ये हा करार होण्याआधी काही मुद्दे आहे, त्यावर तोडगा काढण्यासाठी ही टीम मनिलाला जाणार आहे. फिलिपिन्सच्या लष्कराला जमिनीवरुन जमिनीवर हल्ला करणाऱ्या ‘ब्रह्मोस’ क्षेपणास्त्राच्या आवृत्तीचा पुरवठा करण्यात येईल.

हवेतून जमिनीवर मारा करणारे ब्रह्मोस हे भारताचे सर्वात घातक क्रूझ क्षेपणास्त्र आहे. 300 किलो वॉरहेड वाहून नेण्याची क्षमता असलेले हे क्षेपणास्त्र हिंदी महासागरातील चिनी युद्धनौका तसेच तिबेट आणि शिनजियांगमधील चीनच्या धावपट्टया उद्धवस्त करु शकते.

तर या क्षेपणास्त्राचे वैशिष्टय म्हणजे सुखोई Su-30 MKI या फायटर जेटमधूनही हे क्षेपणास्त्र डागता येते. त्यामुळे ब्रह्मोसमधून होणारा हल्ला अधिका घातक असेल. चीन बरोबर सुरु असलेल्या तणावाच्या पार्श्वभूमीवर भारताने लडाखमध्येही हे क्षेपणास्त्र तैनात केले आहे. “भारत आणि रशिया मिळून या क्षेपणास्त्राचा पल्ला वाढवण्यावर काम करत.
शांघाय सहकार्य संघटना (SCO) मंडळातल्या देशांच्या सरकारप्रमुखांची 20 वी शिखर परिषद

शांघाय सहकार्य संघटना (SCO) मंडळातल्या देशांच्या सरकारप्रमुखांच्या 20 व्या शिखर परिषदेचे व्हिडिओ कॉन्फरन्सच्या माध्यमातून 10 नोव्हेंबर 2020 रोजी आयोजन करण्यात आले. बैठकीत भारतीय प्रतिनिधी मंडळाचे पंतप्रधान नरेंद्र मोदी यांनी नेतृत्व केले.

ठळक बाबी

या बैठकीच्या अध्यक्षस्थानी रशियाचे राष्ट्रप्रमुख व्लादिमिर पुतिन होते.

या परिषदेला SCO सचिवालयाचे महासचिव, SCO क्षेत्रीय दहशतवादविरोधी संरचनेचे कार्यकारी संचालक, अफगाणिस्तान, बेलारूस, इराण, मंगोलिया या चार देशांचे निरीक्षक उपस्थित होते.

2021 साली SCOचा 20 वा वर्धापन दिन आहे. यानिमित्त “SCO संस्कृती वर्ष” म्हणून साजरे करण्यासाठी पंतप्रधान मोदी यांनी पाठिंबा दर्शवला. या वर्षात SCO पाककृती महोत्सव, भारतीय संग्रहालयाच्यावतीने पहिले बौद्ध वारसा प्रदर्शन भारतामध्ये आयोजित करण्यात येणार. तसेच रशियन आणि चीनी भाषेमध्ये 10 भारतीय प्रादेशिक भाषेतल्या साहित्य कृतींचा अनुवाद प्रकाशित करण्यात येणार.

30 नोव्हेंबर 2020 रोजी SCO मंडळाच्या सरकारप्रमुखांची नियमित बैठक आभासी स्वरूपात होणार असून त्याचे यजमानपद भारत भूषविणार आहे.

नवसंकल्पना आणि स्टार्टअप्स यांच्याविषयी विशेष कृती दल स्थापन करण्याचा प्रस्ताव भारताने मांडला आहे. तसेच पारंपरिक औषधांविषयी SCOचा उपगट स्थापण्याचा प्रस्तावही मांडला.

शांघाय सहकार्य संघटना (SCO) विषयी
#SCO #current_affairs_Notes

शांघाय सहकार्य संघटना (Shanghai Cooperation Organisation -SCO) याची स्थापना 15 जून 2001 रोजी झाली. संघटनेचे मुख्यालय बिजिंग (चीन) येथे आहे. ही एक यूरेशियन राजकीय, आर्थिक आणि सुरक्षा युती आहे.

SCO मध्ये चीन, रशिया, कझाकिस्तान, किर्गिस्तान, ताजिकिस्तान, उज्बेकिस्तान, भारत आणि पाकिस्तान या देशांचा समावेश आहे. चीन हा संघटनेचा संस्थापक देश आहे. भारताला या संघटनेचे 2017 साली पूर्ण सदस्यत्व मिळाले.
●▬▬▬▬⚜۩۞۩⚜▬▬▬▬●
सेल!! सेल!! सेल!! सेल!! सेल!!सेल!!
●▬▬▬▬⚜۩۞۩⚜▬▬▬▬●

🟧 दिपावली पाडवा व भाऊबीज निमित्त विशेष सवलतीत सर्व पुस्तके घरपोच 🟧

●▬▬▬▬⚜۩۞۩⚜▬▬▬▬●

👇आगामी राज्यसेवा पूर्व व संयुक्त परीक्षासाठी (Combine Exam) उपयुक्त सर्व पुस्तके सवलतीच्या दरात एकाच Platform उपलब्ध.

👉 सिम्प्लिफाईड प्रकाशनाची सर्व पुस्तके 50 टक्के पर्यंत विशेष सवलतीत उपलब्ध.
👉 इतर सर्व प्रकाशनाची पुस्तके 20% - 50% विशेष सवलतीत उपलब्ध.
👉 भाऊबीज निमित्ताने महिलांनी केलेल्या Booking वर 16 वा चालू घडामोडी अंक मोफत

●▬▬▬▬⚜۩۞۩⚜▬▬▬▬●
‼️BUY ONLINE BOOKS ‼️
●▬▬▬▬⚜۩۞۩⚜▬▬▬▬●

👉 SIMPLIFIED PUBLICATIONचे अधिकृत ONLINE BOOK STORE 👇


www.simplifiedpublication.com

▪️ Door Delivery Available
▪️Home delivery
▪️Offer Only 16/17 November
▪️संपर्क :- अभिजीत थोरबोले

9423333181 | 8788639688
●▬▬▬▬⚜۩۞۩⚜▬▬▬▬●
🟧 दिपावली पाडवा व भाऊबीज निमित्त सर्वांना मनपूर्वक हार्दिक शुभेच्छा!💐💐
www.simplifiedcart.com
●▬▬▬▬⚜۩۞۩⚜▬▬▬▬●
🟧हॅमिल्टनला सातवे जगज्जेतेपद.

मर्सिडीझच्या लुइस हॅमिल्टनने रविवारी ओलसर अशा ट्रॅकवर निर्विवाद वर्चस्व गाजवत तुर्कीश ग्रां. प्रि. फॉर्म्युला-वन शर्यतीचे जेतेपद पटकावले आणि सातव्यांदा जगज्जेता होण्याचा मान मिळवला. या कामगिरीसह त्याने मायकेल शूमाकर याच्या सात जगज्जेतेपदाच्या विक्रमाशी बरोबरी साधली.

तर या मोसमातील 10वी शर्यत जिंकत हॅमिल्टनने कारकीर्दीत 94 जेतेपदे पटकावण्याचा विक्रम आपल्या नावावर केला.

2013 मध्ये मर्सिडीझ संघातील शूमाकरची जागा घेतल्यानंतर हॅमिल्टनने सहा जगज्जेतेपदे मिळवली आहेत. मॅकलॅरेनकडून खेळताना त्याने 2008 मध्ये जगज्जेतेपद पटकावले होते.