MPSC SIMPLIFIED(official)
34.4K subscribers
34.8K photos
52 videos
3.69K files
9.49K links
simplified चा टेलिग्राम ग्रुप
(आपल्या मित्रांना जॉईन करा)

+ सिम्प्लिफाइड स्टडी
+newspaper सिम्प्लिफाइड
+job सिम्प्लिफाइड
+daily चालू घडामोडी टेस्ट
+अभ्यास आधारित टेस्ट


https://telegram.me/mpscsimplified
Download Telegram
🟧२०२२ राष्ट्रकुल खेळांमध्ये महिला क्रिकेटचा समावेश, ICC ने दिली माहिती

२०२२ साली बर्मिंगहम येथे रंगणाऱ्या राष्ट्रकुल खेळांमध्ये महिला क्रिकेटचा समावेश करण्यात आला आहे. ICC आणि कॉमनवेल्थ गेम्स फेडरेशन यांनी गुरुवारी याबद्दल अधिकृत घोषणा केली. महिला क्रिकेटला राष्ट्रकुल खेळांमध्ये संधी मिळण्याची ही पहिली वेळ मानली जात आहे.

२८ जुलै ते ८ ऑगस्ट २०२२ दरम्यान बर्मिंगहम येथे राष्ट्रकुल खेळांचं आयोजन केलं जाणार आहे. राष्ट्रकुल खेळांमध्ये महिला क्रिकेट खेळवण्याची ही पहिलीच वेळ असली तरीही १९९८ साली क्वालालांपूर राष्ट्रकुल खेळांमध्ये पुरुषांच्या क्रिकेटचा सहभाग करण्यात आला होता.

८ संघांना या स्पर्धेत सहभाग मिळणार आहे. यजमान देश म्हणून इंग्लंडच्या महिलांना यात थेट संधी मिळणार असून १ एप्रिल २०२१ पर्यंत टी-२० क्रमवारीत पहिल्या ६ क्रमांकावर असणारे महिला संघही या स्पर्धेसाठी थेट पात्र होतील. उर्वरित दोन संघांना क्वालिफायर सामन्यांतून आपलं स्थान कमवावं लागणार आहे.

राष्ट्रकुल खेळांच्या माध्यमातून सर्व महिला संघांना आपलं कौशल्य जगासमोर मांडण्याची संधी मिळणार आहे अशी भावना कॉमनवेल्थ गेम्स फेडरेशनच्या अधिकाऱ्यांनी व्यक्त केली.
🟧12 वी BRICS शिखर परिषद.

17 नोव्हेंबर 2020 रोजी 12 वी ‘BRICS शिखर परिषद’ आभासी माध्यमातून पार पाडण्यात आली. “वैश्विक स्थिरता, सामायिक सुरक्षा आणि अभिनव वाढीसाठी BRICS भागीदारी” या विषयाखाली BRICS नेत्यांनी यावर्षी चर्चा केली.

यावर्षी परिषदेचे अध्यक्षपद रशियाकडे होते. पंतप्रधान नरेंद्र मोदी यांनी भारताचे प्रतिनिधीत्व केले.

💮BRICS समूहाबद्दल.

BRICS हा ब्राझील, रशिया, भारत, चीन आणि दक्षिण आफ्रिका या पाच राष्ट्रांचा समूह आहे. 2006 साली समूहाची स्थापना झाली. 2011 साली BRIC समुहात दक्षिण आफ्रिकेचा समावेश करण्यात आला आणि समूहाला BRICS हे नाव दिले गेले. BRICS देशांमधले द्विपक्षीय संबंध प्रामुख्याने हस्तक्षेप-मुक्त, समानता आणि परस्पर लाभाच्या आधारे प्रस्थापित केले जातात.

रशियाच्या येकतेरिनबर्ग शहरात दिनांक 16 जून 2009 रोजी BRIC समूहाची पहिली औपचारिक परिषद आयोजित करण्यात आली होती. 2009 सालापासून BRICS राष्ट्रे औपचारिक परिषदेत दरवर्षी भेट घेतात.
🟧पंतप्रधान नरेंद्र मोदींनी केला जो बायडेन यांना फोन, अभिनंदन करत म्हणाले.

पंतप्रधान नरेंद्र मोदी यांनी अमेरिकेचे नवनिर्वाचित राष्ट्राध्यक्ष जो बायडेन यांना फोन करुन शुभेच्छा दिल्या आहेत. नरेंद्र मोदींनी यावेळी अमेरिकेसोबत असणाऱ्या धोरणात्मक भागीदारीचा पुनरुच्चारही केला. तसंच ही भागीदारी अजून मजबूत करण्यासंबंधी चर्चा केली.

मंगळवारी रात्री उशिरा ट्विट करत नरेंद्र मोदींनी जो बायडेन यांच्याशी चर्चा झाल्याची माहिती दिली. यावेळी त्यांनी उपाध्यक्ष कमला हॅरिस यांचंही अभिनंदन केलं. कमला हॅरिस यांचा विजय भारतीय-अमेरिकन समुदायासाठी अभिमानाची बाब असल्याचं ते म्हणाले आहेत.

नरेंद्र मोदींनी ट्विट करत म्हटलं आहे की, “अमेरिकेचे नवनिर्वाचित राष्ट्राध्यक्ष जो बायडेन यांना फोन करुन अभिनंदन केलं. भारत आणि अमेरिकेतील धोरणात्मक भागीदारीसंबंधी आपल्या वचनबद्धतेचा यावेळी पुनरुच्चार केला. याशिवाय आम्ही करोना महामारी, हवामान बदल, इंडो-पॅसिफिक भागात सहकार्य अशा अनेक मुद्द्यांवर चर्चा केली”.

नरेंद्र मोदी यांनी यावेळी अजून एक ट्विट उपाध्यपदी निवडून आलेल्या कमला हॅरिस यांचंही अभिनंदन केलं आहे.

याआधी मंगळवारी परराष्ट्रमंत्री एस जयशंकर यांनी जो बायडेन यांच्या नेतृत्वात अमेरिकेसोबत सकारात्मक संबंध निर्माण होतील असा विश्वास व्यक्त केला. दहशतवाद, हवामान बदल आणि करोनाविरोधातील लढ्यात भारत एकत्रितपणे काम करण्याची शक्यता आहे. याशिवाय जो बायडेन संयुक्त राष्ट्र सुरक्षा परिषदेत भारताच्या कायमस्वरुपी जागा देण्याच्या दाव्याचं समर्थन करण्याची शक्यता आहे.
🟧करोनानंतर आता ‘चापरे व्हायर’ची दहशत; या विषाणूने साथीचं रुप धारण केल्यास

💬करोनाचा पहिला रुग्ण सापडल्याच्या घटनेला मंगळवारी एक वर्ष पुर्ण झालं. मात्र आजही जगभरातील अनेक देशांमध्ये करोनाचा प्रादुर्भाव वाढत असून रुग्णांची संख्याही वाढताना दिसत आहे. एकीकडे जग करोनाच्या संकटाला तोंड देत असतानाच दुसरीकडे मानवाकडून मानवाला संसर्ग होणारा आणखीन एक विषाणू वैज्ञानिकांना आढळून आला आहे. अमेरिकेतील आरोग्य विषयक संस्था असणाऱ्या सेंटर फॉर डिसीज कंट्रोलनेही (सीडीसी) हा विषाणू सापडल्याच्या वृत्ताला दुजोरा दिला आहे.

💬बोलिव्हियामध्ये या विषाणूच्या संसर्गाचे पुरावे आढळून आले आहेत. या विषाणूचा संसर्ग ताप येतो आणि हा ताप थेट मेंदूवर परिणाम करतो. या विषाणूमुळे ब्रेन हॅमरेजचा धोका असतो. हा विषाणू इबोलासारखाच आहे. इबोला हा विषाणूही संसर्ग होण्याच्या दृष्टीने खूपच धोकादायक असल्याचं सांगण्यात आलं होतं. मात्र त्यावर तातडीने नियंत्रण मिळवण्यात यशही आलं होतं.

💬वैज्ञानिकांनी दिलेल्या माहितीनुसार बोलिव्हियामध्ये सापडलेल्या या विषाणूचे नाव चापरे विषाणू (व्हायरस) असं आहे. सर्वात आधी हा विषाणू २००४ साली बोलिव्हियामध्ये चापरे भागात आढळून आला होता. लाइव्ह सायन्सने दिलेल्या वृत्तानुसार सीडीसीने २०१९ साली या विषाणूचा संसर्ग तीन आरोग्य कर्मचाऱ्यांना झाल्याचे स्पष्ट केलं आहे. या तिघांपैकी दोघांचा या आजारामुळे मृत्यू झाल्याचेही सीडीसीेने सांगितलं आहे.
🟧महाराष्ट्राचे माजी कबड्डी कर्णधार रत्नाकर शेट्टी यांचे निधन.

महाराष्ट्राचे माजी संघनायक रत्नाकर शेट्टी यांचेअल्पशा आजाराने निधन झाले. ते ७८ वर्षांचे होते. त्यांच्या पश्चात पत्नी, दोन मुलगे, एक मुली, सुना, जावई व नातवंडे असा परिवार आहे. घोडबंदर (ठाणे) येथील स्मशानभूमीत त्यांच्यावर अंत्यसंस्कार करण्यात आले.

शेट्टी यांनी चार वेळा महाराष्ट्राचे प्रतिनिधित्व केले. १९६८मध्ये इंदूर (मध्य प्रदेश) येथे झालेल्या राष्ट्रीय कबड्डी स्पर्धेत त्यांनी महाराष्ट्राचे नेतृत्व केले होते. साऊथ कॅनरा स्पोर्ट्स क्लबकडून खेळणाऱ्या शेट्टी यांची आक्रमक खेळाडू म्हणून ओळख होती. त्या काळी साऊथ कॅनरा संघात जया शेट्टी, शेखर शेट्टी, सदाशिव शेट्टी अशा अनेक शेट्टी आडनावाच्या खेळाडूंचा विशेष भरणा होता. ते हिंद सायकल या व्यावसायिक संघातून खेळत असत.

सोमवारी रुग्णालयात उपचारासाठी गेले असता शेट्टी यांचे निधन झाले. ना. म. जोशी मार्ग येथे राहणाऱ्या शेट्टी यांचा कबड्डी प्रवास डॉ. शिरोडकर विद्यालय या मराठी शाळेतून झाला. या शाळेत प्रथम अर्जुनवीर सदानंद शेट्टे कबड्डीत त्यांचे सवंगडी होते. ‘‘जुन्या काळातील एक आक्रमक खेळाडू काळाच्या पडद्याआड गेला,’’ अशा शब्दांत महाराष्ट्र राज्य कबड्डी संघटनेचे सचिव आस्वाद पाटील यांनी त्यांना आदरांजली वाहिली.
🟧रामायण, महाभारतामधील गोष्टी ऐकत मोठा झालो - बराक ओबामा.

अमेरिकेचे माजी राष्ट्राध्यक्ष बराक ओबामा यांच्या ‘अ प्रॉमिस्ड लँड’ या पुस्तकाची सध्या जोरदार चर्चा सुरु आहे. आपल्या राजकीय प्रवासापासून ते खासगी गोष्टींपर्यंत अनेक गोष्टींवर ओबामा यांनी भाष्य केलेलं पुस्तक सध्या भारतातही चांगलेच चर्चेत आहे. याच पुस्तकामध्ये भारतीय काँग्रेससंदर्भात ओबामा यांनी व्यक्त केलेल्या मतांमुळे सध्या देशातील राजकारण चांगलेच तापले आहे. मात्र याच पुस्तकामध्ये ओबामा यांनी आपले बालपण हे रामायण, महाभारतामधील गोष्टी ऐकत गेल्याचे म्हटले आहे.

भारत आणि तेथील संस्कृतीबद्दल आपल्या मनात कायम विशेष स्थान राहिलं आहे. याचं मुख्य कारण म्हणजे इंडोनेशियामध्ये बालपण गेलं असून तिथे मी बालपणी रामायण, महाभारतामधील गोष्टी अनेकदा ऐकल्याचा उल्लेख ओबामांनी केला आहे.

“भारताचे आकारमान आणि जागतिक लोकसंख्येपैकी प्रत्येक सहावी व्यक्ती या देशात रहात असल्याने, वेगवेगळ्या वंशाचे दोन हजारहून अधिक संस्कृती आणि सातशेहून अधिक भाषा बोलला जाणारा हा देश असल्याने त्याचा अधिक प्रभाव दिसून येतो,” असं ओबामा यांनी म्हटलं आहे. अमेरिकेचे राष्ट्राध्यक्ष म्हणून २०१० साली आपण भारताला पहिल्यांदा भेट दिली. त्यापूर्वी आपण कधीही भारतामध्ये गेलो नव्हतो मात्र भारत देशाला माझ्या मनात कायमच विशेष स्थान होतं, असं ओबामा यांनी म्हटलं आहे.
🟧जपान आणि ऑस्ट्रेलिया यांचा “रेसिप्रोकल अॅक्सेस अॅग्रीमेंट”

दक्षिण चीन समुद्र आणि प्रशांत महासागर प्रदेशातले चीनचे वाढते प्रभुत्व कमी करण्याच्या हेतूने 17 नोव्हेंबर 2020 रोजी जपान आणि ऑस्ट्रेलिया या देशांच्या दरम्यान “रेसिप्रोकल अॅक्सेस अॅग्रीमेंट” नामक एक करार झाला.

करारामुळे जपानी आणि ऑस्ट्रेलियाच्या सैन्य दलांना परस्परांच्या देशांची भेट घेण्यास तसेच प्रशिक्षण व संयुक्त मोहिमा आयोजित करण्याची परवानगी मिळते.

▪️दक्षिण चीन समुद्र

दक्षिण चीन समुद्र हा प्रशांत महासागराचा एक भाग आहे. चीन, तैवान, मलेशिया, ब्रुनेई, इंडोनेशिया, सिंगापूर व व्हियेतनाम हे दक्षिण चीन समुद्राच्या भोवतालचे देश आहेत. नैसर्गिक वायू आणि तेल यांचे समृध्द साठे या समुद्राखाली असल्याने चीन देश या जवळजवळ संपूर्ण समुद्रावर आपला दावा करीत आहे.

▪️प्रशांत महासागर

प्रशांत महासागर हा पृथ्वीवरील सर्वात मोठा महासागर आहे. प्रशांत महासागराच्या उत्तरेला आर्क्टिक महासागर, दक्षिणेला दक्षिणी महासागर, पश्चिमेला आशिया व ऑस्ट्रेलिया तर पूर्वेला अमेरिका खंड आहेत. प्रशांत महासागराने पृथ्वीच्या पृष्ठभागाचा 32 टक्के भाग व्यापला आहे व जगातले एकूण पाण्याच्या 46 टक्के पाणी प्रशांत महासागरामध्ये आहे.