MPSC SIMPLIFIED(official)
34.4K subscribers
34.8K photos
52 videos
3.69K files
9.49K links
simplified चा टेलिग्राम ग्रुप
(आपल्या मित्रांना जॉईन करा)

+ सिम्प्लिफाइड स्टडी
+newspaper सिम्प्लिफाइड
+job सिम्प्लिफाइड
+daily चालू घडामोडी टेस्ट
+अभ्यास आधारित टेस्ट


https://telegram.me/mpscsimplified
Download Telegram
🌺🌺विश्वचषक बॉक्सिंग स्पर्धात सिम्रनजीत अंतिम फेरीत.🌺🌺

🦋जागतिक अजिंक्यपद कांस्यपदक विजेत्या सिम्रनजीत कौरने शुक्रवारी युक्रेनच्या मरियाना बॅसानेटसचा पराभव करून जर्मनीत सुरू असलेल्या कॉलोग्न विश्वचषक बॉक्सिंग स्पर्धेची अंतिम फेरी गाठली आहे.

🦋आशियाई रौप्यपदक विजेत्या सिम्रनजीतने मरियानाला 4-1 असे पराभूत करीत शनिवारी होणाऱ्या सुवर्णपदकाच्या लढतीमधील स्थान निश्चित केले.

🦋तर त्याआधी, दोन वेळा जागतिक पदक विजेत्या सोनिया लाथेरने युक्रेनच्या स्निझहाना खोलोडकोव्हाचा 3-2 असा पराभव करून उपांत्य फेरी गाठली आहे.
🏮🏮पुढील दोन वर्षात टोलनाक्यांपासून मुक्तता; नितीन गडकरींची मोठी घोषणा.🏮🏮

🗞केंद्रीय रस्ते, वाहतूक आणि महामार्ग मंत्री नितीन गडकरी यांनी रस्ते वाहतुकीसंदर्भात मोठी घोषणा केली आहे. “पुढील दोन वर्षात टोलनाक्यांपासून मुक्तता होईल,” असं नितीन गडकरी यांनी जाहीर केलं आहे. “पुढील दोन वर्षात महामार्गांवर कोणताही टोलनाका नसेल, यामुळे वाहनांना पैसे भरण्यासाठी थांबण्याची किंवा वाहनाची गती कमी करण्याची गरज नाही,” असं नितीन गडकरी यांनी सांगितलं आहे.

🗞नितीन गडकरी अ‍ॅसोचॅम कॉन्फरन्समध्ये बोलत होते. यावेळी त्यांनी मंत्रालय सध्या जीपीएस यंत्रणेच्या सहाय्याने टोल वसूल करण्याच्या प्रस्तावावर काम करत असल्याची माहिती दिली. सर्व नवी वाहनं जीपीएस सिस्टमशी जोडले जातील असंही यावेळी त्यांनी सांगितलं. जीपीएस यंत्रणेच्या सहाय्याने बस तसंच ट्रक चालकांकडून टोल वसूल केला जाणार आहे. जीपीएस यंत्रणा या वाहनांनी किती अंतर पार केलं आहे याचं मोजमाप करन आपोआप टोलची रक्कम वसूल केली जाईल. सध्या फास्टटॅग या नव्या प्रणालीमुळे टोलनाक्यांवरील वाहनांचा वेग कमी होण्याचं किंवा थांबवण्याचं प्रमाण कमी झाल्याचं समोर आलं आहे.

🗞नितीन गडकरी यांनी चालू आर्थिक वर्षात राष्ट्रीय महामार्गावर वसूल होणाऱ्या टोलची रक्कम ३४ हजार कोटी इतकी असेल अशी माहिती दिली आहे. गतवर्षी ही रक्कम २४ हजार कोटी इतकी होती असंही त्यांनी सांगितलं.
🔗🔗सावित्रीबाई फुलेंची जयंती ‘महिला शिक्षण दिन’ म्हणून होणार साजरी; मुख्यमंत्र्यांचं आश्वासन.🔗🔗

📖क्रांतीज्योती सावित्रिबाई फुले यांचा जन्मदिन आता ‘महिला शिक्षण दिन’ म्हणून साजरा केला जाणार आहे. मुख्यमंत्री उद्धव ठाकरे यांनी याला मंजुरी दिली आहे, अशी माहिती अन्न, नागरी पुरवठा व ग्राहक संरक्षण मंत्री छगन भुजबळ यांनी ट्विटद्वारे दिली.

📖भुजबळ म्हणाले, “महात्मा जोतीराव फुले आणि क्रांतीज्योती सावित्रीबाई फुले यांनी बहुजन समाजाला मुख्य प्रवाहात आणण्यासाठी आपले संपूर्ण जीवन वेचले आहे. स्त्रियांना मुख्य प्रवाहात आणण्याचे काम फुले दाम्पत्यांने केले. त्यामुळे सावित्रीबाई फुले यांच्याप्रती कृतज्ञता व्यक्त करण्यासाठी त्यांचा जन्मदिन हा ‘महिला शिक्षण दिन’ म्हणून साजरा करण्यात यावा, अशी मागणी निवेदनाद्वारे मुख्यमंत्री यांच्याकडे केली.

📖मुख्यमंत्र्यांनी हे निवेदन स्वीकारत मागणीही मान्य केली.” त्याचबरोबर हा दिवस देशभरात ‘महिला शिक्षण दिन’ म्हणून साजरा केला जावा यासाठी महाराष्ट्र शासनाच्यावतीने केंद्र सरकारकडे मागणी करण्यात येणार असल्याचेही त्यांनी सांगितले आहे.
♻️भारत-बांगलादेश संबंध.♻️

💢हल्दीबाडी-चिलाहाटी रेलमार्ग पुन्हा कार्यरत17 डिसेंबर 2020 रोजी झालेल्या आभासी द्विपक्षीय शिखर परिषदेदरम्यान पंतप्रधान नरेंद्र मोदी आणि बांगलादेशाच्या पंतप्रधान शेख हसीना यांच्या हस्ते भारतातले हल्दीबाडी आणि बांगलादेशामधले चिलाहाटी या ठिकाणांना जोडणाऱ्या रेल्वे मार्गाचे संयुक्तपणे उद्घाटन झाले. लोकांचे परस्पर संबंध वृद्धिंगत करण्याच्या दिशेने हे एक प्रमुख पाऊल आहे.

〽️नव्या मार्गाचे फायदे...

💢हल्दीबाडी - चिलहाटी मार्ग आसाम आणि पश्चिम बंगालमधून बांगलादेशात जाण्यासाठी फायदेशीर ठरणार आहे.
हा रेल्वे मार्ग प्रादेशिक व्यापाराच्या वाढीला आधार देण्यासाठी आणि त्या क्षेत्राच्या आर्थिक व सामाजिक विकासाला प्रोत्साहित करण्यासाठी मुख्य बंदरे, सुकी बंदरे आणि भौगोलिक सीमांवर रेल्वे सुलभता वाढविणार. पुढे दोन्ही देशांचे सामान्य नागरिक आणि व्यापारी माल आणि प्रवासी वाहतुकीचा लाभ घेऊ शकणार.नवीन मार्ग कार्यान्वित झाल्यामुळे बांगलादेशातले पर्यटक नेपाळ, भुटान इत्यादी देशांव्यतिरिक्त दार्जिलिंग, सिक्किम, डुवर्स यासारख्या ठिकाणी सहज भेट देऊ शकणार.
🅾करोनामुळे परीक्षा देता न आलेल्या UPSC उमेदवारांना मिळणार पुन्हा संधी.🅾

✍करोनामुळे युपीएससीकडून घेण्यात येणाऱ्या नागरी सेवा परीक्षेला मुकलेल्या परीक्षार्थींना पुन्हा संधी देण्याची मागणी करत सर्वोच्च न्यायालयात याचिका दाखल करण्यात आली होती.

✍परीक्षार्थींना पुन्हा एक देण्यासंदर्भात युपीएससी आयोगाला निर्देश देण्याची मागणी याचिकेद्वारे करण्यात आलेली आहे. या याचिकेवर ए.एम. खानविलकर यांच्या खंठपीठासमोर सुनावणी झाली.

✍तर यावेळी न्यायालयाने केंद्र सरकार व युपीएससी आयोगाला सल्ला दिला.करोनामुळे नागरी सेवा परीक्षेला मुकलेल्या उमेदवारांना पुन्हा एक संधी देण्याच्या प्रस्तावावर निर्णय घ्यावा, असं न्यायालयानं सांगितलं.

✍केंद्र सरकारनं सर्वोच्च न्यायालयात सकारात्मक भूमिका घेतली आहे. त्यामुळे उमेदवारांना पुन्हा एक संधी मिळण्याची आशा निर्माण झाली आहे. दरम्यान या याचिकेवर पुढील सुनावणी 11 जानेवारी रोजी होणार आहे.
🚧 रेल्वेची महत्त्वाची योजना. 🚧

🚆भारतीय रेल्वेने आखलेल्या ‘नॅशनल रेल प्लॅन (एनआरपी) 2030’अंतर्गत रेल्वे तिकिटांची प्रतीक्षा यादी संपविण्यात येणार असून, सर्व तिकिटे निश्चित (कन्फर्म) करण्यात येणार आहेत.

🚆‘एनआरपी 2030’ ही योजना सार्वजनिक सल्लामसलतीसाठी, तसेच विविध हितधारक आणि मंत्रालयाकडून अभिप्राय मागविण्यासाठी सार्वजनिक करण्यात येणार आहे.

🚆‘एनआरपी 2030’मध्ये पायाभूत सुविधांची उभारणी आणि महसूलनिर्मिती यावर लक्ष केंद्रित करण्यात आले आहे. या योजनेच्या अंमलबजावणीने रेल्वेच्या मालवाहतुकीत वाढ होईल.तर देशातील एकूण मालवाहतुकीत 47 टक्के हिस्सेदारी मिळविण्याची रेल्वेची योजना आहे.

🚆रेल्वे आणखी चार समर्पित मालवाहतूक कॉरिडॉर 2030 पर्यंत उभारणार आहे. नवे मालवाहतूक कॉरिडॉर सरकारी-खाजगी भागीदारीत (पीपीपी) उभारले जातील. त्यामुळे रेल्वेचा मालवाहतूक काळ कमालीचा कमी होईल.
🗺इस्रो’च्या उपग्रहाचे यशस्वी उड्डाण.🗺

🚀भारतीय अंतराळ संशोधन संस्थेने (इस्रो) गुरुवारी भारताचा ४२ वा संप्रेषण उपग्रह यशस्वीपणे अवकाशात सोडला. हा उपग्रह आपत्ती व्यवस्थापन आणि माहिती महाजाल संपर्कतेसाठी काम करणार आहे. कोविड-१९च्या स्थितीत इस्रोने केलेले हे दुसरे प्रक्षेपण आहे. उपग्रह उत्तम स्थितीत असल्याचे इस्रोचे अध्यक्ष के. सिवन यांनी म्हटले आहे.

🚀श्रीहरिकोटा येथील द्वितीय प्रक्षेपण केंद्रातून बुधवारी दुपारी पीएसएलव्ही-सी ५० रॉकेटने अवकाशात झेप घेतली. हा उपग्रह देशाच्या मुख्य भूमीसह अंदमान-निकोबार आणि लक्षद्वीपला व्यापणाऱ्या वारंवारिता स्पेक्ट्रमच्या विस्तारित सी बॅण्डमध्ये सेवा प्रदान करण्यासाठी तयार करण्यात आला आहे. सीएमएस-०१, इस्रोचा संप्रेषण उपग्रह आहे. ध्रुवीय उपग्रह प्रक्षेपण यानाचे हे ५२ वे अभियान आहे.
🟧आयआयटी’त प्राध्यापक पदासाठी मर्यादित आरक्षणाची तज्ज्ञांची शिफारस.

देशातील भारतीय तंत्रज्ञान संस्था (आयआयटी) या राष्ट्रीय महत्त्वाच्या असून तेथे संशोधनाचे कार्य पार पडते. त्यामुळे या संस्थांमध्ये प्राध्यापकांची नेमणूक करताना जातनिहाय आरक्षणाचा निकष लावण्यात येऊ नये, अशी शिफारस भारतीय तंत्रज्ञान संस्थांचे संचालक व इतरांच्या तज्ज्ञ पथकाने केली आहे.

जूनमध्ये सरकारला याबाबत शिफारशींचा अहवाल सादर करण्यात आला असून त्यात म्हटले आहे की, भारतीय तंत्रज्ञान संस्था या राष्ट्रीय महत्त्वाच्या संस्था कायदा संसदेत संमत करून स्थापन करण्यात आल्या आहेत.

या संस्था सीईआय (शिक्षक आरक्षण) कायदा २०१९ च्या तरतूद ४ अंतर्गत येतात त्यामुळे या संस्थांना प्राध्यापकांची भरती करताना जातनिहाय आरक्षणातून सूट आहे. आरक्षणाचा मुद्दा हा त्या संस्थांच्या संचालक मंडळाने केलेले ठराव, उपनियम यात मोडतो. त्यामुळे त्याबाबतचा निर्णय त्या संस्थांवर अवलंबून आहे.

सीईआय कायद्याच्या तरतूद ४ मध्ये म्हटल्याप्रमाणे प्राध्यापकांची नियुक्ती करताना आरक्षणातून सूट दिली आहे. सध्या याशिवाय टाटा मूलभूत संशोधन संस्था- मुंबई, राष्ट्रीय मेंदू संशोधन केंद्र- गुडगाव, ईशान्य इंदिरा गांधी प्रादेशिक आरोग्य व वैद्यकीय विज्ञान संस्था- शिलाँग, जवाहरलाल नेहरू सेंटर फॉर अ‍ॅडव्हान्सड रीसर्च-बेंगळुरू, फिजिकल रिसर्च लॅबोरेटरी- अहमदाबाद, स्पेस फिजिक्स लॅबोरेटरी- तिरुअनंतपुरम, इंडियन इन्स्टिटय़ूट ऑफ रिमोट सेन्सिंग- डेहराडून व होमी भाभा इन्स्टिटय़ूट व मुंबईतील दहा घटक संस्था या कायद्याच्या तरतुदी अंतर्गत येतात.
🟧भारतीय आंतरराष्ट्रीय विज्ञान महोत्सव (IISF) 2020

यंदाचा 6 वा भारतीय आंतरराष्ट्रीय विज्ञान महोत्सव (IISF-2020) CSIR- नॅशनल इन्स्टिट्यूट ऑफ सायन्स, टेक्नॉलॉजी अँड डेव्हलपमेंट स्टडीज (NISTADS) या संस्थेच्या पुढाकाराने आयोजित केला जाणार आहे.

विज्ञान व तंत्रज्ञान विभाग, वैज्ञानिक व औद्योगिक संशोधन परिषद (CSIR), भूविज्ञान मंत्रालय, आरोग्य व कुटुंब कल्याण मंत्रालय आणि जैवतंत्रज्ञान विभाग यांनी संयुक्तपणे या विज्ञान महोत्सवाचे आयोजन केले आहे.

🔴ठळक बाबी

महोत्सव 22 डिसेंबर 2020 रोजी सुरू होणार आणि 25 डिसेंबर 2020 रोजी जगातले प्रसिद्ध गणितज्ञ श्रीनिवास रामानुजन आणि देशाचे माजी पंतप्रधान अटल बिहारी वाजपेयी यांच्या जयंतीदिनी महोत्सवाची सांगता होणार.

IISF 2020 ची संकल्पना: “आत्मनिर्भर भारत आणि जागतिक कल्याणासाठी विज्ञान" (सायन्स फॉर सेल्फ रिलायंट इंडिया अँड ग्लोबल वेलफेअर).

भारतीय आंतरराष्ट्रीय विज्ञान महोत्सव हा चर्चासत्र, कार्यशाळा, प्रदर्शन, चर्चा आणि वादविवादाचे अनोखे मिश्रण असून विविध प्रात्यक्षिकांसह तज्ञांशी संवाद आणि वैज्ञानिक नाट्य, संगीत आणि कविता वाचन अश्या विविध कार्यक्रमांचा यात समावेश आहे. IISF-2020 यात 41 कार्यक्रम आयोजित करण्यात आले आहेत.

🔴पार्श्वभूमी

भारतीय आंतरराष्ट्रीय विज्ञान महोत्सव (IISF) देशातली सगळ्यात मोठी तंत्रज्ञान आणि औद्योगिक प्रदर्शनी आहे. हा कार्यक्रम भारत सरकारच्या विज्ञान आणि तंत्रज्ञान मंत्रालयाच्यावतीने आयोजित केला जातो. महोत्सव जनसामान्यांमध्ये वैज्ञानिक दृष्टीकोनाचा प्रचार करण्यासाठी तसेच युवा वैज्ञानिकांना आपले अनुभव आणि ज्ञान वाटण्यासाठी आणि महत्त्वाच्या समस्यांवर तोडगा काढण्यासाठी एक महत्त्वाचे व्यासपीठ ठरते.
🟧लेवांडोस्की सर्वोत्तम

अर्जेटिनाचा लिओनेल मेसी आणि पोर्तुगालचा ख्रिस्तियानो रोनाल्डो यांसारख्या मातब्बर खेळाडूंची मक्तेदारी संपुष्टात आणून पोलंडचा कर्णधार रॉबर्ट लेवांडोस्कीने ‘फिफा’च्या वर्षांतील सर्वोत्तम फुटबॉलपटूच्या पुरस्कारावर नाव कोरले. महिलांमध्ये इंग्लंडच्या लुसी ब्राँझने सर्वोत्तम फुटबॉलपटूच्या पुरस्कारावर मोहोर उमटवली.

झुरिच येथे झालेल्या या आभासी सोहळ्यादरम्यान विजेत्यांची नावे घोषित करण्यात आली. परंतु ‘फिफा’चे अध्यक्ष जिआनी इन्फॅन्टिनो यांनी म्युनिक येथे जाऊन लेवांडोस्कीला पुरस्कार प्रदान केल्याची चित्रफीत या सोहळ्यादरम्यान दाखवण्यात आली. नेहमीप्रमाणे जगभरातील निवडक राष्ट्रीय फुटबॉल संघांचे कर्णधार, प्रशिक्षक, क्रीडा पत्रकार आणि चाहत्यांच्या मतांचा आढावा घेऊन विजेत्यांची निवड करण्यात आली.

३२ वर्षीय लेवांडोस्कीने यंदा बायर्न म्युनिकला चॅम्पियन्स लीगचे विजेतेपद मिळवून देण्यात मोलाची भूमिका बजावली. त्याने हंगामात सर्वाधिक ५५ गोल करतानाच बायर्नला बुंडेसलिगाचे जेतेपदही जिंकून दिले.
🟧E20 इंधन

भारत सरकारने इथॅनॉल सारख्या हरित इंधनाच्या वापराला प्रोत्साहन देण्याच्या हेतूने ‘E-20 इंधन’ स्वीकारण्यासाठी एक मसुदा योजना तयार केली आहे आणि त्याबाबत नागरिकांकडून मते आमंत्रित केली आहेत.

‘E-20 इंधन’ म्हणजे मोटरगाड्यांमध्ये वापरल्या जाणाऱ्या गॅसोलिन इंधनात 20 टक्के इथॅनॉल मिसळणे होय.‘E-20 इंधन’मुळे कार्बन डाय-ऑक्साईड, हायड्रोकार्बन अश्या हरितगृह वायूंचे उत्सर्जन कमी करण्यात मदत होणार.

‘E-20 इंधन’च्या वापरामुळे तेलाची आयात कमी केली जाऊ शकते. त्यामधून विदेशी चलन वाचणार आणि ऊर्जा सुरक्षेला चालना मिळणार.

इथॅनॉल (आण्विक सूत्र: ‘C2H5OH’) हा एक अल्कोहोल प्रकार आहे. ते वैशिष्ट्यपूर्ण गंधसह एक स्पष्ट, रंगहीन द्रव आहे. शिवाय, इथॅनॉल एक ज्वलनशील द्रव आहे. त्याचे वितळण बिंदू ‘-114.1’ अंश सेल्सियस ​​आहे, आणि उकळण बिंदू ‘78.5’ अंश सेल्सियस आहे.

इथॅनॉल एक ध्रुवीय कंपाऊंड आहे. झिमेझ एंजाइमचा वापर करून साखर किण्वन प्रक्रियेद्वारे इथॅनॉल सहज मिळवता येते.

पेय म्हणून इथॅनॉल उपयुक्त आहे. इथॅनॉलच्या टक्केवारीनुसार, वाइन, बिअर, व्हिस्की, ब्रॅन्डी, अरॅक इत्यादींसारखे विविध प्रकारचे पेये आहेत.ते पेय म्हणून वापरण्याशिवाय आपण सूक्ष्मजीवांपासून पृष्ठभाग साफ करण्यासाठी एंटीसेप्टिक म्हणून इथॅनॉल देखील वापरू शकता येते. तसेच, वाहनांमध्ये इंधन आणि इंधन जोड म्हणून उपयुक्त आहे.
🏆 नोबेल पुरस्कार २०२० विजेते 👇

🏆 वैद्यकीय क्षेत्रातील नोबेल पुरस्कार २०२०
१) हार्वे अल्टर (अमेरिका)
२) मायकल होउगटन (ब्रिटन)
३) चार्ल्स राइस (अमेरिका)

🏆 भौतिक शास्त्रातील नोबेल पुरस्कार २०२०
१) रॉजर पेनरोज (ब्रिटन)
२) रेनहार्ड गेंजेल (जर्मनी)
३) अॅण्ड्रीया गेज (अमेरिका-महिला)

🏆 रसायनशास्त्रातील नोबेल पुरस्कार २०२०
१) इमॅन्यूअल शार्पेंची (जर्मनी - महिला)
२) जेनफिर डाउडना (अमेरिका - महिला)

🏆 साहित्यातील नोबेल पुरस्कार २०२०
१) लुईस ग्लुक ( अमेरिका - महिला )

🏆 शांततेतील नोबेल पुरस्कार २०२०
१) संयुक्त राष्ट्र अन्न सुरक्षा कार्यक्रम

🏆 अर्थशास्त्रातील नोबेल पुरस्कार २०२०
१) पॉल आर. मिलग्रोम (अमेरिका)
२) रॉबर्ट बी. विल्सन (अमेरिका)
🟧WhatsApp Payments सर्व्हिस भारतात सुरू.

भारतात डिजिटल पेमेंट सर्व्हिस प्रोव्हाईडरमध्ये (Digital Payment Service Providers) आज आणखी एक नवीन नाव जोडले आहे.

जे व्हॉट्सअ‍ॅप पेमेंट्स सर्व्हिस (WhatsApp Payments service) आहे.आयसीआयसीआय बँक, अ‍ॅक्सिस बँक, एसबीआय आणि एचडीएफसी या प्रमुख बँकांच्या भागीदारीने फेसबुकची मालकी असलेल्या व्हॉट्सअ‍ॅपने भारतात डिजिटल पेमेंट सर्व्हिस सुरू केली आहे.

तसेच याठिकाणी या चारही बँकांचे कोट्यावधी ग्राहक व्हॉट्सअ‍ॅपच्या मदतीने ऑनलाईन पैसे पाठवू शकतात आणि आपल्या खात्यावर मागवू शकणार आहेत.

यासाठी त्यांना व्हॉट्सअ‍ॅपच्या होमपेजवर उजवीकडे वरच्या बाजूस दिसणार्‍या तीन डॉट्सवर क्लिक करावे लागेल.

आपल्याला Payment चा ऑप्शन दिसेल. त्यावर क्लिक केल्यानंतर पेमेंट विंडो उघडेल, ज्यामध्ये तुम्हालाAdd new payments method वर क्लिक करावे लागेल. त्यावर क्लिक करा आणि accept केल्यानंतर तुम्हाला व्हॉट्सअ‍ॅपने भागीदारी केलेल्या बँकांची नावे दिसतील.
अंतरराष्ट्रीय प्रवासी दिवस 18 डिसेंबर 

○आंतरराष्ट्रीय स्थलांतर दिन दरवर्षी 18 डिसेंबर रोजी साजरा केला जातो. या दिवसाचे मुख्य उद्दीष्ट हे लोकांना शिक्षित करणे आहे की प्रत्येक परप्रांतीयांना सन्मानपूर्वक वागणे ही मूलभूत गरजांपैकी एक आहे.

○आंतरराष्ट्रीय स्थलांतरितासमोरील आव्हाने व अडचणींबद्दल जागरूकता वाढविणे हा या दिवसाचा उद्देश आहे. संयुक्त राष्ट्र संघाने या निमित्ताने दरवर्षी या क्षेत्रात अग्रगण्य भूमिका निभावणारी सरकारे, संस्था आणि लोकांना आमंत्रित करते.

○आंतरराष्ट्रीय स्थलांतरित दिन 2020 ची थीम 'रीमॅजिनिंग ह्युमन मोबिलिटी' आहे. यंदाचा आंतरराष्ट्रीय स्थलांतर दिन कोविड -19 of च्या प्रभावाखाली स्थलांतरितांच्या संरक्षणासाठी समर्पित असेल. युनायटेड नेशन्स जनरल असेंब्लीने स्थलांतरितांच्या संरक्षणासाठी काही आश्वासने स्वीकारली. या बांधिलकी न्यूयॉर्क घोषणा म्हणून ओळखल्या जातात.

○कामाच्या आणि मानवी हक्कांच्या मुद्दय़ावरून प्रवासी कामगारांशी संबंधित स्वातंत्र्यासह आंतरराष्ट्रीय प्रवासी दिवाचा उद्देश सामायिक केला गेला आहे. स्थलांतरित कामगार आणि त्यांच्या सुरक्षिततेची सुरक्षा सुनिश्चित करणे हा त्याचा हेतू आहे ...जेव्हा कोणत्याही देशाचा नागरिक आपला देश सोडून कामाच्या शोधात दुसर्‍या देशात गेला तेव्हा त्याला प्रवासी म्हणतात. उदाहरणार्थ, एखादा भारतीय नागरिक जर अमेरिका, सौदी किंवा इतर कोणत्याही देशात जाऊन तेथे स्थायिक झाला तर त्याला प्रवासी भारतीय असे म्हणतात. अमेरिका, चीन, रशिया, जपानसह काही देश आहेत, जिथे जगभरातून मोठ्या संख्येने स्थलांतरित वास्तव्य करतात.

○2019 मध्ये आंतरराष्ट्रीय स्थलांतरितांनी किंवा त्यांच्या जन्म देश सोडून इतर देशात राहणा-यांची संख्या 272 दशलक्षपर्यंत पोहोचली आहे.

○जगातील जवळपास 31 टक्के लोक आशियामध्ये, 30 टक्के युरोपमध्ये, 26 टक्के अमेरिकेत, 10 टक्के आफ्रिकेत आणि 3 टक्के ओशनियात आहेत.

○UN संयुक्त राष्ट्रसंघाच्या एका अहवालात असा दावा करण्यात आला आहे की जगात सर्वाधिक संख्येने परदेशी नागरिक भारतीय आहेत. अहवालानुसार 15.6 दशलक्षाहून अधिक भारतीय परदेशात वास्तव्य करतात. 2014 पासून उत्तम जीवन आणि संरक्षणासाठी 5000 हून अधिक लोकांना जीव गमवावा लागला आहे.आंतरराष्ट्रीय स्थलांतराची आव्हाने पेलण्यासाठी, स्थलांतरितांचे हक्क बळकट करण्यासाठी आणि झालेल्या विकासात हातभार लावण्यासाठी संयुक्त राष्ट्र संघटनेने नुकताच जागतिक कराराचा अंतिम मसुदा तयार केला आहे.

○सर्व स्थलांतरित कामगार आणि त्यांच्या कुटुंबातील सदस्यांच्या हक्कांच्या संरक्षणावरील आंतरराष्ट्रीय परिषद 18 डिसेंबर 1990 रोजी संयुक्त राष्ट्र महासभेने स्वीकारली.

○ 04 डिसेंबर 2000 रोजी, युनायटेड नेशन्स जनरल असेंब्लीने जगभरातील स्थलांतरितांची वाढती संख्या लक्षात घेता 18 डिसेंबरला आंतरराष्ट्रीय स्थलांतर दिन म्हणून साजरा करण्याची घोषणा केली.

○ऑक्टोबर 2013 मध्ये, आंतरराष्ट्रीय स्थलांतर आणि विकासावरील उच्च स्तरीय चर्चेदरम्यान संयुक्त राष्ट्रसंघाच्या सदस्य देशांनी विकासासाठी स्थलांतर करण्याच्या योगदानास मान्यता देणारी एक घोषणा एकमताने स्वीकारली.