MPSC SIMPLIFIED(official)
34.4K subscribers
34.8K photos
52 videos
3.69K files
9.49K links
simplified चा टेलिग्राम ग्रुप
(आपल्या मित्रांना जॉईन करा)

+ सिम्प्लिफाइड स्टडी
+newspaper सिम्प्लिफाइड
+job सिम्प्लिफाइड
+daily चालू घडामोडी टेस्ट
+अभ्यास आधारित टेस्ट


https://telegram.me/mpscsimplified
Download Telegram
🟧करोनाचा नवीन स्ट्रेन, सौदी अरेबियाचा आंतरराष्ट्रीय विमान सेवा बंद करण्याचा निर्णय

सौदी अरेबियाने आंतरराष्ट्रीय विमान सेवा आठवडयाभरासाठी स्थगित करण्याचा निर्णय घेतला आहे. ही स्थगिती आणखी आठवडयाभरासाठी वाढवली जाऊ शकते. ब्रिटनमध्ये करोना व्हायरसचा एक नवीन स्ट्रेन आढळून आला आहे. हा स्ट्रेन नियंत्रणाबाहेर असल्याचं तिथल्या प्रशासनाचं म्हणणं आहे. त्यामुळे खबरदारीचा उपाय म्हणून सौदी अरेबियाने सर्व आंतरराष्ट्रीय उड्डाण स्थगित करण्याचा निर्णय घेतला आहे.

सौदीच्या जीएसीएने यासंबंधी अधिसूचना जारी केली आहे. जगभरातील अनेक देश आंतरराष्ट्रीय विमान सेवा बंद करत असून ब्रिटनहून येणाऱ्या प्रवाशांना प्रवेशबंदी करण्यात येत आहे. करोना व्हायरसचा हा नवीन स्ट्रेन वेगाने फैलवणारा असून नियंत्रणा बाहेर असल्याचं यूकेमधल्या तज्ज्ञांच मत आहे.

काही अपवाद वगळता सर्व आंतरराष्ट्रीय प्रवाशांसाठी आठवडयाभरासाठी विमानसेवा बंद करण्यात येत आहे. आणखी आठवडयाभरासाठी ही बंदी वाढवली जाऊ शकते. सौदीच्या क्षेत्रात असलेल्या सर्व परदेशी विमानांना बाहेर जाण्याची परवानगी देण्यात आलीय असे जीएसीएच्या अधिसूचनेत म्हटलं आहे.
🟧महाराष्ट्र अ‍ॅथलेटिक्स संघटनेत ललिता, कविताचा समावेश

ऑलिम्पियन धावपटू ललिता बाबर आणि कविता राऊत यांचा महाराष्ट्र अ‍ॅथलेटिक्स संघटनेच्या दोन समित्यांवर समावेश करण्यात आला आहे.

ललिता ही शिस्तपालन समितीची अध्यक्ष असेल तर कविताकडे अ‍ॅथलेटिक्स आयोगाचे अध्यक्षपद देण्यात आले आहे, अशी माहिती संघटनेचे सरचिटणीस सतीश उचिल यांनी दिली.तर रविवारी झालेल्या निवडणुकीत माजी ऑलिम्पियन आदिल सुमारीवाला हे पुन्हा अध्यक्षपदी निवडून आले.

कविताने 2010च्या आशियाई क्रीडा स्पर्धेत 10 हजार मीटर आणि 5 हजार मीटर धावण्याच्या शर्यतीत अनुक्रमे रौप्य आणि कांस्य पदक पटकावले होते. 2010च्या राष्ट्रकुल स्पर्धेतही तिने कांस्यपदकाची कमाई केली होती.
तर ललिताने 2014च्या आशियाई स्पर्धेत स्टिपलचेस प्रकाराचे कांस्यपदक पटकावले होते.
🟧अनेक देशांकडून ब्रिटिश प्रवाशांवर निर्बंध.

ब्रिटनमध्ये वेगाने पसरणारा करोना विषाणूचा नवा प्रकार आढळून आल्याने खळबळ उडाली असून फ्रान्सने त्या देशासमवेतच्या सीमा बंद केल्या आहेत.

जर्मनी, बल्गेरिया, आयरिश प्रजासत्ताक, तुर्कस्तान व कॅनडा यांनी ब्रिटनमधून येणाऱ्या विमानांवर बंदी घातली आहे. भारताकडूनही विमानांवर बंदी लागू करण्यात आली आहे.

ब्रिटनमधून येणाऱ्या प्रवाशांवर ज्या देशांनी निर्बंध लादले त्यात हाँगकाँग, इस्रायल, इराण, क्रोएशिया, अर्जेटिना, चिली, मोरोक्को व कुवेत यांचा समावेश आहे.

करोना विषाणूचा हा नवीन प्रकार सत्तर टक्के संक्रमणशील व संसर्गजन्य असून आरोग्य तज्ज्ञांनी असे म्हटले आहे, की हा विषाणू घातक नाही, तो लशींना दाद देत नाही हेही खरे नाही.

UK अर्थात युनायटेड किंग्डममधून भारतात येणाऱ्या विमानांवर 31 डिसेंबरच्या मध्यरात्रीपर्यंत बंदी घालण्यात आली आहे. 22 डिसेंबर ते 31 डिसेंबर या कालावधीत ही बंदी असणार आहे.
🟧गटका, कलारीपयट्टू, थांग-ता आणि मल्लखांब या देशी खेळांचा ‘खेलो इंडिया यूथ गेम्स 2021’मध्ये समावेश.

क्रिडा मंत्रालयाने हरयाणामध्ये आयोजित करण्यात येणाऱ्या ‘खेलो इंडिया यूथ गेम्स-2021’ या स्पर्धांमध्ये देशी खेळांचा समावेश करण्याच्या प्रस्तावाला मान्यता दिली आहे. त्यानुसार, गटका, कलारीपयट्टू, थांग-ता आणि मल्लखांब या खेळांची निवड करण्यात आली आहे.

कलारीपयट्टू या खेळाचा उगम केरळमधला असून त्याचा जगभरात सराव केला जातो. ते प्राचीन युद्ध कौशल्य आहे.
मल्लखांब हा संपूर्ण भारतात प्रसिद्ध असून मध्यप्रदेश आणि महाराष्ट्र ही त्याची आकर्षण केंद्रे आहेत. हा एक पारंपारिक खेळ आहे, ज्यामध्ये व्यक्ती उभ्या लाकडी खांबावर हवाई कसरती व योगासने करतो.

गटका या खेळाची जन्मभूमी पंजाब असून ती निहांग शीख लढवय्यांची पारंपरिक युध्दकला आहे आणि ती स्वसंरक्षणार्थ आणि क्रिडा प्रकार म्हणून वापरली जाते.
थांग-ता हा मणीपूर राज्यातला लढाऊ खेळ आहे. ती एक पारंपरिक युध्दकला आहे.

▪️खेलो इंडिया अभियान

एप्रिल 2016 मध्ये भारत सरकारने देशात क्रिडा क्षेत्राला प्रोत्साहन देण्याच्या उद्देशाने ‘खेलो इंडिया’ नावाने एका अभियानाला प्रारंभ केला होता. समाजाच्या अगदी तळ-पातळीवर बदल करून राष्ट्रव्यापी क्रिडा संस्कृतीला प्रोत्साहन देण्याच्या उद्देशाने जानेवारी-फेब्रुवारी 2018 मध्ये ‘खेलो इंडिया शालेय खेळ’ याच्या प्रथम संस्करणाचे आयोजन करण्यात आले. स्पर्धांमधून निवडण्यात येणार्‍या सर्वश्रेष्ठ प्रतिभावंत खेळाडूंना आठ वर्षापर्यंत दरवर्षी प्रत्येकी पाच लक्ष रुपये शिष्यवृत्ती प्रदान केली जाते, जी 1000 उदयोन्मुख खेळाडूंसाठी निश्चित करण्यात आलेली आहे. वर्षागणीक खेळाडूंना ‘खेलो इंडिया’ अंतर्गत जोडण्यात येत आहे.