MPSC SIMPLIFIED(official)
34.4K subscribers
34.8K photos
52 videos
3.69K files
9.49K links
simplified चा टेलिग्राम ग्रुप
(आपल्या मित्रांना जॉईन करा)

+ सिम्प्लिफाइड स्टडी
+newspaper सिम्प्लिफाइड
+job सिम्प्लिफाइड
+daily चालू घडामोडी टेस्ट
+अभ्यास आधारित टेस्ट


https://telegram.me/mpscsimplified
Download Telegram
Forwarded from MPSC Mantra (Balaji Surne)
⚠️📎 *राज्यसेवा पूर्व परीक्षा हॉल तिकिट आले आहेत*..
🙏🙏🙏

Link:
https://mahampsc.mahaonline.gov.in/MPSC/MPSCHome.aspx
🟧“ई-दाखिल”: ग्राहकांच्या तक्रारींचे निवारण करण्यासाठी डिजिटल व्यासपीठ.

ग्राहकांच्या तक्रारींचे निवारण करण्यासाठी दिनांक 7 सप्टेंबर 2020 पासून ‘ई-दाखिल’ (E-Daakhil) नामक एक राष्ट्रीय पातळीवरील डिजिटल व्यासपीठ कार्यरत करण्यात आलेले आहे.

▪️ठळक बाबी.

केन्द्रीय सरकारच्या राष्ट्रीय ग्राहक तंटा निवारण परिषदेच्यवतीने हे व्यासपीठ तयार करण्यात आले आहे.

राष्ट्रीय सूचना विज्ञान केंद्राने (NIC) ग्राहकांच्या तक्रारी डिजिटल पध्दतीने दाखल करण्यासाठी ‘edaakhil.nic.in’ नावाचे एक डिजिटल व्यासपीठ तयार केले आहे. ग्राहकांच्या तक्रारी डिजिटल पध्दतीने नोंदविण्यासाठी या डिजिटल व्यासपीठावर ई-सूचना, तक्रारीचा दस्ताऐवज डाऊनलोड करणे, दूरदृश्य पध्दतीने सुनावणी करण्याचा डिजिटल दुवा, प्रतिपक्षाकडून लेखी उत्तराची प्रतिक्रिया, तक्रारदाराने फेरदावा करणे, एसएमएस/ई-मेल द्वारे सतर्कता दाखविणे अशा बाबींचा समावेश आहे.

हे व्यासपीठ आता 15 राज्ये/केंद्रशासित प्रदेशांमध्ये कार्यरत झाले आहे. ग्राहक कार्य विभाग आता राज्यांचे ई-फायलींग डिजिटल व्यासपीठासाठी अग्रक्रमाने पाठपुरावा करीत आहे.

हे व्यासपीठ ग्राहकांना आणि त्यांच्या वकिलांना कोणत्याही ठिकाणाहून आपली तक्रार आणि त्या सोबत भरण्याची आवश्यक शुल्क ऑनलाईन पध्दतीने भरण्याचे अधिकार देते.
🟧विनेश फोगटला सुवर्णपदक.

करोना साथीच्या प्रदीर्घ विश्रांतीनंतर भारताची आघाडीची कुस्तीपटू विनेश फोगटने झोकात पुनरागमन केले आहे. रविवारी विनेशने २०१७च्या विश्वविजेत्या व्ही. कॅलाडझिन्स्कायला नामोहरम करून कीव्ह आंतरराष्ट्रीय कुस्ती स्पध्रेचे सुवर्णपदक जिंकले.

जागतिक क्रमवारीत तिसऱ्या स्थानावर असलेल्या विनेशला ५३ किलो वजनी गटाच्या अंतिम फेरीत क्रमवारीत सातव्या स्थानावर असलेल्या बेलारूसच्या कॅलाडझिन्स्कायने तोलामोलाची लढत दिली. विनेशने सुरुवातीला ४-० अशी आघाडी घेतली.

मग कॅलाडझिन्स्कायने ४-४ अशी बरोबरी साधली. मग विनेशने पुन्हा ६-४ अशी आघाडी घेतली. कॅलाडझिन्स्कायने दडपण वाढवत चार गुणांची कमाई करीत पुन्हा आगेकूच केली. पण विनेशने चार गुणांची कमाई करीत १०-८ अशा फरकाने लढतीवर वर्चस्व गाजवले.
🟧पंतप्रधान मोदी यांना ऊर्जा क्षेत्रातील पुरस्कार.

पुढील आठवड्यातील एका परिषदेत पंतप्रधान नरेंद्र मोदी यांना ‘सेरावीक ग्लोबल एनर्जी अँड एनव्हॉयर्नमेंट लीडरशिप’ पुरस्कार प्रदान करण्यात येणार आहे. पंतप्रधान मोदी हे ‘सेरावीक परिषद २०२१’ मध्ये बीजभाषण करणार असून १ ते ५ दरम्यान ही परिषद ऑनलाइन घेण्यात येणार आहे, असे आयएचएस मर्किट या संस्थेने म्हटले आहे.

या परिषदेत अमेरिकेचे ऊर्जा दूत जॉन केरी, बिल व मेलिंडा गेट्स फाउंडेशनचे सहसंस्थापक बिल गेट्स, अरम्को या सौदी अरेबियातील ऊर्जा कंपनीचे मुख्य कार्यकारी अधिकारी अमीन नासेर सहभागी होणार आहेत.

आयएचएस मार्किटचे उपाध्यक्ष व परिषदेचे अध्यक्ष डॅनियल येरगिन यांनी सांगितले की, पंतप्रधान मोदी यांच्या भाषणाची आम्ही उत्सुकतेने वाट पाहात आहोत. भारत हा जगातील मोठा लोकशाही देश असून सेरावीक ग्लोबल एनर्जी अँड एनव्हॉयर्नमेंट लीडरशिप पुरस्कार त्यांना प्रदान करण्यात आम्हाला आनंदच आहे.

शाश्वत विकास व ऊर्जेच्या गरजा यात भारताची भूमिका महत्त्वाची आहे. आर्थिक वाढ, दारिद्र्य निर्मूलन व नवीन ऊर्जा भवितव्य यात भारताने जागतिक पातळीवर काम केले असून ऊर्जा व पर्यावरण क्षेत्रातही चांगली भूमिका पार पाडली आहे. उद्योग धुरीण, देशांचे नेते,धोरणकर्ते या परिषदेत सहभागी होणार आहेत. जगाला नवीन ऊर्जा तंत्रज्ञानाची गरज असून त्यासाठी औद्योगिक क्षेत्राने पुढे येण्याची गरज आहे.
🟧सैन्य भरती परीक्षेच्या पेपरफुटी प्रकरणी तिघांना अटक; परीक्षा रद्द

सैन्य भरती परीक्षेची प्रश्नपत्रिका लीक झाल्यानंतर रविवारी देशभरात विविध ठिकाणी होणारी ही परीक्षा रद्द करण्यात आली आहे. गुप्तचर विभागाच्या माहिती आधारे शनिवारी मध्यरात्री आणि रविवारी पुणे मुख्यालयातील दक्षिणी कमांडच्या मिलिटरी इंटेलिजन्स युनिट आणि पुणे पोलिस गुन्हे शाखेच्या खंडणीविरोधी कक्षाने संयुक्त कारवाई केली.

या कारवाईत विविध ठिकाणी छापा टाकण्यात आला होता, ज्यात सैनिक (जनरल ड्युटी) भरतीसाठी कॉमन एन्ट्रन्स परीक्षेची (सीईई) प्रश्नपत्रिका प्राप्त झाली, अशी माहिती सूत्रांनी ‘इंडियन एक्स्प्रेस’ला दिली.

प्राप्त झालेली प्रश्नपत्रिका प्रत्यक्षात नियोजित परीक्षेची असल्याची पुष्टी मिळाल्यानंतर लष्कराच्या अधिकार्‍यांनी परीक्षा रद्द केली, असे एका वरिष्ठ अधिकाऱ्याने सांगितले. भरती प्रक्रियेच्या सुधारित तारखा जाहीर केल्या जातील, असेही ते म्हणाले.

याप्रकरणात पुणे पोलिसांनी आतापर्यंत लष्कराच्या माजी सैनिकाला आणि दोन नागरिकांना अटक केली आहे. पेपर कसे लीक झाले आणि संशयित ते कसे वितरीत करीत होते याचा शोध घेण्यात येत आहे. सध्या सेवेत असणाऱ्या जवानांच्या संभाव्य सहभागाचीही चौकशी केली जात आहे.
🟧इस्रोची २०२१ मधली पहिली कामगिरी यशस्वी.

भारतीय अंतराळ संशोधन संस्थेने २०२१ मधले पहिले प्रक्षेपण यशस्वीरित्या केले आहे. रविवारी सकाळी १०.२४ वाजता श्रीहरीकोटा, सतीश धवन स्पेस सेंटर (एसडीएससी) येथून हे प्रक्षेपण झाले. चेन्नईपासून १०० कि.मी. अंतरावर असलेल्या आंध्र प्रदेशातील श्रीहरिकोटा स्पेसपोर्टच्या प्रक्षेपण पॅडमधून प्रथमच भारतीय रॉकेट ब्राझीलच्या ६३७ किलो वजनाच्या अमेझोनिया -१ उपग्रहाचे प्रक्षेपण करत आहे.

या उपग्रहाला सतीश धवन उपग्रह किंवा एसडी सॅट असे नाव देण्यात आले असून ते २५,००० लोकांची नावे अंतराळात पाठवणार आहे. नॅनो सॅटेलाइटमध्ये भगवतगीतेची एक प्रत एसडी कार्डच्या रूपात आणि पंतप्रधान नरेंद्र मोदी यांचे छायाचित्र वरच्या पॅनेलवर कोरले असून हा त्यांच्या आत्मनिर्भर भारत उपक्रमासाठी आणि अवकाश खासगीकरणासाठीच्या योजनेबद्दल कृतज्ञता व्यक्त करण्यासाठीचा प्रयत्न आहे.

इस्रोचे अध्यक्ष डॉ. के शिवन आणि वैज्ञानिक सचिव डॉ. आर उमामहेश्वरन यांची नावे तळावरील पॅनेलवर कोरलेली आहेत. पीएसएलव्ही-सी ५१ रॉकेट हे पीएसएलव्ही (ध्रुवीय उपग्रह प्रक्षेपण वाहन) चे ५३ वे मिशन आहे, यात ब्राझीलचा अॅमेझोनिया -१ हा प्राथमिक उपग्रह आहे आणि इतर १८ पेलोड आहेत. आंध्र प्रदेशातील नेल्लूर जिल्ह्यातील श्रीहरिकोटा स्पेसपोर्टच्या पहिल्या लॉन्चपॅडवरून हे प्रक्षेपित करण्यात आले.
🟧'मन की बात’ मध्ये मोदींनी केली या विषयांवर चर्चा

पंतप्रधान नरेंद्र मोदींनी रविवारी सकाळी ११ वाजता आपल्या मासिक रेडिओ कार्यक्रम ‘मन की बात’ च्या ७४ व्या भागात देशाला संबोधित केले. या महिन्याच्या सुरूवातीलाच पंतप्रधानांनी देशातील लोकांना कला, संस्कृती आणि पर्यटन क्षेत्रातील प्रेरणादायी कथा सुचविण्यासाठी सांगितले होते.

जानेवारीच्या ‘मन की बात’मध्ये प्रेरणादायक उदाहरणांच्या माध्यमातून कला, संस्कृती, पर्यटन आणि शेतीविषयक विविध नाविन्यपूर्ण विषयांवर त्यांनी प्रकाश टाकला होता. कार्यक्रमाच्या मागील भागात मोदींनी प्रजासत्ताक दिनी राष्ट्रीय राजधानीत शेतकरी आणि दिल्ली पोलिस यांच्यात झालेल्या हिंसाचाराचा निषेध केला होता.

पंतप्रधान नरेंद्र मोदी यांनी रविवारी आपल्या ‘मन की बात’ भाषण दरम्यान जलसंधारणाचे महत्त्व यावर जोर दिला. जल शक्ती मंत्रालय लवकरच ‘कॅच द रेन’ नावाची जलसंधारण मोहीम राबवणार असल्याचेही त्यांनी जाहीर केले.

“जलसंधारणाबाबतची आपली जबाबदारी समजून घ्यायला हवी. काही दिवसात जलशक्ती मंत्रालय ‘कॅच द रेन’ ही मोहीम राबवेल. त्याचा नारा म्हणजे ‘कधीही आणि कुठेही पाऊस पडो, कॅच द रेन’, असे पंतप्रधान मोदी म्हणाले.
🟧एकापाठोपाठ १९ उपग्रह अवकाशात.

ध्रुवीय प्रक्षेपकाच्या मदतीने ब्राझीलचा ‘अ‍ॅमेझॉनिया १’ हा उपग्रह व इतर १८ उपग्रह रविवारी सकाळी यशस्वीरीत्या अवकाशात सोडण्यात आले. भारतीय अवकाश संशोधन संस्था म्हणजे इस्रोचे या वर्षांतील हे पहिले प्रक्षेपण होते.

पंतप्रधान नरेंद्र मोदी यांनी ब्राझीलचे अध्यक्ष जेर बोलसेनारो यांचे त्यांच्या देशाचा उपग्रह यशस्वीरित्या सोडण्यात आल्याबाबत अभिनंदन केले आहे.

पीएसएलव्ही सी ५१ या ध्रुवीय उपग्रह प्रक्षेपकाचे उड्डाण सकाळी १०.५४ वाजता सतीश धवन अवकाश केंद्राच्या पहिल्या तळावरून करण्यात आले. अ‍ॅमेझॉनिया हा उपग्रह उड्डाणानंतर सतरा मिनिटांनी कक्षेत स्थापित झाला. दीड तासाने इतर उपग्रह कक्षेत सोडले गेले, त्यात चेन्नईच्या ‘स्पेस किड्स इंडिया’ या संस्थेचा उपग्रह असून त्याचे नाव ‘सतीश धवन उपग्रह’ असे आहे. त्यावर पंतप्रधान नरेंद्र मोदी यांचे चित्र कोरलेले आहे.

एका पाठोपाठ एक असे इतर १८ उपग्रह अवकाशात सोडण्यात आले. भारतीय अवकाश संशोधन संस्थेचे प्रमुख के. सिवन यांनी मोहीम यशस्वी झाल्याचे जाहीर केले व सर्व १९ उपग्रह कक्षेत प्रस्थापित झाल्याचे स्पष्ट केले.
🟧चौथ्या टप्प्याच्या अंतर्गत ‘स्वच्छ पर्यटन स्थळात’ रूपांतर करण्यासाठी 12 स्थळांची निवड

जलशक्ती मंत्रालयाच्या पे
यजल व स्वच्छता विभागाने पंतप्रधानांच्या देशातील प्रतिष्ठित वारसा स्थळे, अध्यात्मिक व सांस्कृतिक स्थळांचे परिवर्तन करण्याच्या दृष्टिकोनाचा अंगीकार करून ‘स्वच्छ भारत अभियान- ग्रामीण’ (SBM-G) याच्या ‘स्वच्छ प्रतीकात्मक स्थळे’ (SIP) उपक्रमाच्या अंतर्गत चौथ्या टप्प्यातील बारा (12) प्रतीकात्मक स्थळांच्या पुढील यादीची घोषणा केली आहे.

🎆ही स्थळे पुढीलप्रमाणे आहेत -

अजिंठा लेणी, महाराष्ट्र
सांची स्तूप, मध्यप्रदेश
कुंभलगड किल्ला, राजस्थान
जैसलमेर किल्ला, राजस्थान
रामदेवरा, जैसलमेर, राजस्थान
गोवळकोंडा किल्ला, हैदराबाद, तेलंगणा
सूर्य मंदिर, कोणार्क, ओडिशा
रॉक गार्डन, चंदीगड
दाल तलाव, श्रीनगर, जम्मू व काश्मीर
बांके बिहारी मंदिर, मथुरा, उत्तरप्रदेश
आग्रा किल्ला, आग्रा, उत्तरप्रदेश
कालीघाट मंदिर, पश्चिम बंगाल
पर्यटन स्थळ आणि त्याच्या परिसरातील सांडपाणी व्यवस्थापन आणि स्वच्छतेचे निकष यात सुधारणा करून देशी आणि परदेशी पर्यटकांचा अनुभव समृद्ध करणे हे या उपक्रमाचे उद्दीष्ट आहे. तर या ठिकाणी विशेषत: परिघीय आणि प्रविष्ट क्षेत्रात उच्च प्रतीचे सांडपाणी व्यवस्थापन आणि स्वच्छतेचे निकष साध्य करणे हे स्वच्छ प्रतीकात्मक स्थळांचे ध्येय आहे.

गृह व शहरी व्यवहार मंत्रालय, पर्यटन मंत्रालय, सांस्कृतिक मंत्रालय आणि संबंधित राज्य / केंद्रशासित प्रदेश सरकार यांच्या संयुक्त विद्यमाने जलशक्ती मंत्रालयाचा पेयजल व स्वच्छता विभाग हा प्रकल्प राबवित आहे.
🛸🛸ISROच्या PSLV-C51 प्रक्षेपकाने ब्राझीलच्या ‘अॅमेझॉनिया-1’ सह 19 उपग्रहांचे प्रक्षेपण🛸🛸

🚀28 फेब्रुवारी 2021 रोजी भारतीय अंतराळ संशोधन संस्थेने (ISRO) आंध्रप्रदेशातील श्रीहरीकोटा येथील सतीश धवन स्पेस सेंटरवरुन ब्राझीलच्या ‘अॅमेझॉनिया-1’ उपग्रहासहीत इतर 18 उपग्रहांचे यशस्वी प्रक्षेपण केले.

🚀इतर 18 उपग्रहांमध्ये ISROचे चार उपग्रह असून तीन उपग्रह हे शैक्षणिक संस्थांशी संबंधित तर एक विकिरणाचा अभ्यास करणार आहेत.

🚀ब्राझीलच्या स्पेस रिसर्च सेंटरने तयार केलेला ‘अॅमेझॉनिया-1’ हा ब्राझीलचा पहिला ऑप्टिकल अर्थ ऑब्झर्वेशन उपग्रह आहे. याच्या माध्यमातून ब्राझीलमधील अॅमेझॉनच्या जंगलात झाडे आणि इतर बदलांवर नजर ठेवण्याचे काम होणार आहे. उपग्रहाचे वजन 637 किलोग्रॅम आहे.

🪝भारतीय अंतराळ संशोधन संस्था (ISRO) विषयी...

🚀ISRO ही भारत सरकारची प्रमुख अंतराळ संस्था आहे आणि त्याचे बेंगळुरू (कर्नाटक) या शहरात मुख्यालय आहे. 15 ऑगस्ट 1969 रोजी स्थापना झालेल्या ISRO ने पूर्वीच्या इंडियन नॅशनल कमिटी फॉर स्पेस रीसर्च (INCOSPAR) या संस्थेची जागा घेतली. ही संस्था विज्ञान विभागाकडून व्यवस्थापित केली जाते.

🪝संस्थेनी केलेली कार्ये -

🚀19 एप्रिल 1975 रोजी भारताने सोवियत संघाच्या मदतीने आपला ‘आर्यभट्ट’ नावाचा पहिला उपग्रह पृथ्वीच्या कक्षेत स्थापित केला.

🚀1980 साली पुर्णपणे स्वदेशी बनावटीच्या SLV-3 प्रक्षेपकाद्वारे ‘रोहिणी’ हा पहिला उपग्रह अवकाशात सोडण्यात आला.
22 ऑक्टोबर 2008 रोजी भारताची ‘चंद्रयान-1’ मोहीम यशस्वी झाली.
‘मार्स ऑर्बिटर मिशन (MOM)’ ने 24 सप्टेंबर 2014 रोजी यशस्वीरित्या मंगळ ग्रहाच्या कक्षेत प्रवेश केला आणि पहिल्याच प्रयत्नात आणि अगदी कमी खर्चात मंगळ ग्रहाच्या कक्षेत यशस्वीपणे पोहोचणारा पहिला देश ठरला.

🚀फेब्रुवारी 2017 मध्ये एकाचवेळी 7 देशांचे 104 उपग्रह अवकाशात सोडत रशियाचा 37 उपग्रहांचा विक्रम मोडीत काढला.ध्रुवीय उपग्रह प्रक्षेपक (PSLV) आणि भूस्थिर उपग्रह प्रक्षेपक (GSLV) विकसित केले.

🚀सॅटलाइट सुचालन प्रणाली ‘गगन’ आणि क्षेत्रीय सुचालन उपग्रह प्रणाली ‘IRNSS’ विकसित केले.यानाला पुढे नेणारे अत्यावश्यक असलेले स्वदेशी ‘क्रायोजेनिक इंजन’ तयार केले.
भारतीय प्रक्षेपक

🚀ISRO ने भारतीय उपग्रह प्रक्षेपण यानाचे काम 1970 साली सुरू केले. ह्या कामाचे नेतृत्व डॉ. ए.पी.जे. अब्दुल कलाम यांच्याकडे दिले गेले होते. अग्निबाणात सॉलिड प्रोपेलंट मोटारी वापरल्या जातात. प्रथम प्रक्षेपण वर्ष 1979 मध्ये झाले.

🚀ध्रुवीय उपग्रह प्रक्षेपक (PSLV) - ISRO चा शाश्वत प्रक्षेपक म्हणून ओळखल्या जाणार्‍या ‘धृवीय उपग्रह प्रक्षेपक (PSLV)’ याचा जागतिक अंतराळ स्पर्धेत भारताला आघाडी मिळवून देण्यास मोलाचा वाटा आहे. PSLV हे ISRO चे अष्टपैलू प्रक्षेपण वाहक अग्निबाण आहे. PSLV कडून केल्या गेलेल्या प्रथम यशस्वी 36 प्रक्षेपणांनंतर, PSLV हे ISRO चे ‘वर्कहोर्स लाँच व्हेईकल’ म्हणून उदयास आले आणि आंतरराष्ट्रीय ग्राहकांसाठी उपग्रह प्रक्षेपित करण्यासाठी खुले करण्यात आले. PSLV हे जगातल्या सर्वात विश्वसनीय प्रक्षेपकांपैकी एक आहे. PSLV-C37 ही PSLV-XL ची एक सुधारित संरचना आहे.

🚀PSLV ची वैशिष्ठ्ये -

उंची

44 मीटर

व्यास

2.8 मीटर

स्टेज ची संख्या

4

वाहून नेण्याची क्षमता

320 टन (XL)

प्रकार

3 (PSLV-G, PSLV - CA, PSLV - XL)

प्रथम उड्डाण

20 सप्टेंबर 1993

🚀भूस्थिर उपग्रह प्रक्षेपक (GSLV) - GSLV हे प्रामुख्याने पृथ्वीच्या भूस्थिर कक्षेत उपग्रहाच्या INSAT वर्गातल्या उपग्रहांचे प्रक्षेपण करण्याकरिता विकसित केले गेले. GSLV हे उपग्रहाच्या GSAT मालिकेच्या प्रक्षेपणासाठी वापरले जात आहे. GSLV मध्ये तीन टप्पे आहेत - घन इंधन वापरणारे रॉकेट मोटर स्टेज, अर्थ स्टोअरेबल लिकुइड स्टेज आणि क्रायोजेणीक स्टेज. या वाहनाची 49.13 मीटर उंची आहे. GSLV चे प्रथम उड्डाण 18 एप्रिल 2001 रोजी केले गेले होते.

🚀2017 साली तयार करण्यात आलेले ‘जियोसिंक्रोनस सॅटलाइट लॉंच व्हेइकल मार्क-III’ (GSLV Mk-III) हे भारताने आतापर्यंत बनविलेले सर्वात भारी अग्निबाण आहे आणि हे सर्वाधिक वजनी उपग्रह प्रक्षेपित करण्यास सक्षम आहे. याला ‘फॅट बॉय’ असे टोपणनाव दिले गेले. त्याचे वजन जवळपास 640 टन आहे. हा अग्निबाण पृथ्वीच्या वातावरणाच्या खालच्या परिभ्रमन कक्षेत 8 टन वजनापर्यंतचे अंतराळ केंद्र पोहोचवण्यास सक्षम आहे.
Forwarded from Simplified Publication abhijit Thorbole
●▬▬▬▬⚜۩۞۩⚜▬▬▬▬●

👇आगामी राज्यसेवा पूर्व व संयुक्त परीक्षासाठी (Combine Exam) उपयुक्त सर्व पुस्तके

महाराष्ट्रात सर्व बुक स्टॉल वर उपलब्ध

●▬▬▬▬⚜۩۞۩⚜▬▬▬▬●
‼️BUY ONLINE BOOKS ‼️
●▬▬▬▬⚜۩۞۩⚜▬▬▬▬●

www.simplifiedcart.com

https://www.myownshop.in/simplifiedbooks

▪️Door Delivery Available
▪️Home delivery

▪️संपर्क :- अभिजीत थोरबोले
9423333181 | 8788639688
●▬▬▬▬⚜۩۞۩⚜▬▬▬▬●

www.simplifiedcart.com

https://www.myownshop.in/simplifiedbooks
●▬▬▬▬⚜۩۞۩⚜▬▬▬▬●
🟧स्वच्छ सर्वेक्षण 2021’ कार्यक्रमाच्या क्षेत्र मूल्यांकनाला सुरुवात

केंद्रीय गृहनिर्माण व शहरी कार्य मंत्रालयाच्यवतीने ‘स्वच्छ सर्वेक्षण’ कार्यक्रमाच्या सहाव्या सत्राच्या म्हणजे 2021 या वर्षीच्या क्षेत्र मुल्यांकनाला 1 मार्च 2021 रोजी सुरुवात झाली.

या वर्षीचा स्वच्छता सर्वेक्षण कार्यक्रम राबविण्यासाठी 2,000 पेक्षा जास्त कार्यकर्त्यांच्या मदतीने शहरांच्या स्वच्छताविषयक दर्जाचे मूल्यमापन केले जाणार.

दरवर्षी, 4 जानेवारी ते 31 जानेवारी या कालावधीत स्वच्छता सर्वेक्षण कार्यक्रमासाठी प्रत्यक्ष क्षेत्रांवर जाऊन मूल्यांकनाचे काम होत असते. मात्र कोविड-19 महामारीमुळे या वर्षी या उपक्रमाला विलंब झाला असून आता 1 ते 28 मार्च या कालावधीत मूल्यांकनाचे काम होणार आहे.

🟠पार्श्वभूमी.

स्वच्छ सर्वेक्षण हा शहरी भागातील स्वच्छतेचा दर्जा सुधारण्यासाठी नागरिकांना मोठ्या प्रमाणात सक्रीय सहभाग घेण्यास प्रोत्साहित करून शहरांना उत्तेजन देण्याच्या उद्देशाने भारत सरकारने 2016 साली सुरु केलेला वार्षिक स्वच्छता सर्वेक्षण कार्यक्रम आहे.

2016 साली फक्त 73 शहरांमधील सुमारे दहा लाख लोकसंख्येच्या सहभागाने सुरु झालेला हा उपक्रम आता कित्येक पटीने वाढला असून 2017 साली यात 434 शहरांनी भाग घेतला तर 2018 मध्ये 4,203 शहरांचा यात समावेश झाला. त्याच धर्तीवर 2019 मध्ये 4,237 आणि 2020 मध्ये 4,242 शहरांमध्ये स्वच्छ सर्वेक्षण कार्यक्रम राबविला गेला. यामध्ये 62 छावणी क्षेत्रांचाही समावेश होतो.
🟧जीएसटी मधून केंद्र सरकारची घसघशीत कमाई, सलग तिसर्‍या महिन्यात एक ट्रिलियन जमा

फेब्रुवारी महिन्यात वस्तू व सेवा कर (जीएसटी) वसुलीने एक ट्रिलियन रुपयांचा टप्पा ओलांडला कोविड-१९ या साथीच्या रोगानंतर सलग पाचव्या महिन्यासाठी आणि सलग तिसर्‍यांदा १.१ ट्रिलियन रुपयांची वसुली केली, अशी माहिती सरकारने सोमवारी दिली.

फेब्रुवारीमध्ये जमा झालेला जीएसटी महसूल १.१३ ट्रिलियन रुपये होता, जो मागील वर्षीच्या याच महिन्याच्या तुलनेत ७ टक्क्यांनी वाढला आहे.

“गेल्या पाच महिन्यांतील जीएसटीच्या उत्पन्नातील वसुलीच्या अनुषंगाने फेब्रुवारी २०२१ या महिन्यातील महसूल मागील वर्षातील याच महिन्यात जीएसटीच्या उत्पन्नाच्या तुलनेत ७ टक्क्यांनी अधिक आहे,” असे सरकारने सांगितले.

एकूण जमा झाल्यापैकी केंद्रीय जीएसटी (सीजीएसटी) सुमारे २१,०९२ कोटी रुपये, राज्य जीएसटी (एसजीएसटी) २७,२७३ कोटी रुपये आहे. दरम्यान, एकात्मिक जीएसटी (आयजीएसटी) संकलन ५५,२५३ कोटी रुपये (वस्तूंच्या आयातीवर जमा झालेले २४,३८२ कोटी रुपये) आणि सेस ९,५२५ कोटी (वस्तूंच्या आयातीवर जमा झालेल्या ६६० कोटी रुपयांचा समावेश आहे) आहे.

सरकारने सीजीएसटीला २२, ३९८ कोटी रुपये आणि आयजीएसटीकडून १७.५३४ कोटी रुपये नियमित सेटलमेंट म्हणून घेतले आहेत. या व्यतिरिक्त, केंद्र व राज्ये आणि केंद्रशासित प्रदेशांमधील ५०:५० च्या गुणोत्तरानुसार आयजीएसटीमध्ये तात्पुरता म्हणून केंद्रानेही ,४८,००० कोटी रुपयांचा तोडगा काढला आहे.
🟧फास्टॅगमुळे वार्षिक २० हजार कोटींची बचत.

महामार्गावर फास्टॅग बंधनकारक करण्यात आल्याने इंधनावर दरवर्षी २० हजार कोटी रुपयांची बचत होण्यास मदत होणार आहे आणि महसुलात जवळपास १० हजार कोटी रुपयांची वाढ होणार आहे, असे केंद्रीय मंत्री नितीन गडकरी यांनी सोमवारी येथे सांगितले.

फास्टॅग बंधनकारक केल्याने टोल नाक्यांवर होणाऱ्या विलंबामध्ये लक्षणीय कपात झाली आहे, इंधनाच्या खर्चावर दरवर्षी त्यामुळे २० हजार कोटी रुपयांची बचतही झाली आहे.

इतकेच नव्हे तर इलेक्ट्रॉनिक पद्धतीने टोलवसुली केल्याने महसुलामध्ये दरवर्षी १० हजार कोटी रुपयांची वाढ होणार आहे, असेही त्यांनी सांगितले. फास्टॅगमार्फत दररोजची टोलवसुली १०४ कोटी रुपयांवर पोहोचली आहे, असे भारतीय राष्ट्रीय महामार्ग प्राधिकरणातर्फे सांगण्यात आले.
🟧भारतातील शाळकरी विद्यार्थ्यांकडून १८ लघुग्रहांचा शोध.

भारतीय विद्यार्थ्यांच्या चमूने एका वैज्ञानिक प्रकल्पात अठरा नवीन लघुग्रहांचा शोध लावला असल्याचे आंतरराष्ट्रीय खगोलशास्त्र संघटनेने (आयएयू) म्हटले आहे.

भारतातील विद्यार्थ्यांनी आंतरराष्ट्रीय लघुग्रह शोध प्रकल्पात भाग घेतला होता. स्टेम व स्पेस या संस्थांनी आंतरराष्ट्रीय खगोलशास्त्रीय संशोधन आघाडीच्या मदतीने नासा नागरी विज्ञान प्रकल्पाचा भाग म्हणून ही मोहीम हाती घेतली होती. गेल्या दोन वर्षांत भारतातील दीडशे विद्यार्थी यात सहभागी झाले. त्यात एकूण १८ नवे लघुग्रह शोधण्यात आले आहेत.

स्टेम अँड स्पेसच्या प्रमुख मिला मित्रा यांनी सांगितले की, हा सर्वात मोठा प्रकल्प होता. या प्रकल्पात भारतातील तसेच जगातील विद्यार्थ्यांनी खगोलशास्त्रीय माहितीचा अभ्यास केला. ही माहिती आंतरराष्ट्रीय खगोल संशोधन आघाडीने पुरवली होती. त्यात विद्यार्थ्यांनी लघुग्रह व पृथ्वी निकटचे घटक शोधून काढणे अपेक्षित होते. पृथ्वी निकटचे घटक हे मंगळ ते गुरू या पट्टय़ात फिरत असतात, पण ते काही वेळा पृथ्वीवर आदळण्याचा धोका असतो.

मित्रा व त्यांच्या पथकाने म्हटले आहे की, विद्यार्थ्यांनी सॉफ्टवेअर व खगोलीय माहिती विश्लेषण यातून रोज दोन-तीन तास काम करून लघुग्रह शोधले आहेत. सुरुवातीला प्राथमिक निरीक्षणात ३७२ लघुग्रह ओळखण्यात आले. त्यानंतर १८ हंगामी लघुग्रह म्हणून मान्य करण्यात आले. याचा अर्थ अजून त्यांच्यावर अंतिम शिक्कामोर्तब बाकी आहे.
🟧देशात लस नोंदणी ‘पोर्टल’च्या माध्यमातून.

देशात एक मार्चपासून कोविड १९ प्रतिबंधक लसीकरणाचा दुसरा टप्पा सुरू झाला असून पात्र व्यक्तींनी त्यांची नावनोंदणी को-विन २.० उपयोजनावर करायची नसून पोर्टलच्या माध्यमातून करायची आहे, असे केंद्रीय आरोग्य मंत्रालयाने स्पष्ट केले. को-विन अ‍ॅप हे प्ले स्टोअरवर उपलब्ध असून ते फक्त प्रशासकांसाठी आहे. लस घेण्यास पात्र व्यक्तींनी पोर्टलच्या माध्यमातून नावनोंदणी करायची आहे.

मंत्रालयाने ट्विट संदेशात म्हटले आहे, की लसीकरण नोंदणी व वेळेची नोंदणी कोविन पोर्टल ‘डब्ल्यूडब्ल्यूडब्ल्यू कोविन डॉट गव्ह डॉट इन’ येथे लसीकरणासाठी नोंदणी करायची आहे. प्लेस्टोअरवरील उपयोजन हे प्रशासकांसाठी आहे. सरकारने बुधवारी असे जाहीर केले होत, की तिसऱ्या टप्प्यात १ मार्चपासून साठीवरील व्यक्ती तसेच ४५ वर्षे व त्यावरील वयोगटातील सह आजाराच्या व्यक्तींना लस देण्यात येईल. त्यासाठी आता कोविन पोर्टल ‘डब्ल्यूडब्ल्यूडब्ल्यू डॉट कोविन डॉट गव्ह’ उपलब्ध करण्यात आले आहे.

आरोग्य सेतूच्या माध्यमातूनही लसीकरणासाठी नोंदणी करता येणार आहे. लाभार्थी थेट लसीकरण केंद्रात येऊन ओळख पटवून लस घेऊ शकतात. पात्र व्यक्ती त्यांच्या पसंतीचे ठिकाण व वेळ उपलब्धतेनुसार निवडू शकतात. साठ वर्षे वयावरील सर्व नागरिक लसीकरणास पात्र आहेत. या शिवाय वीस सहआजार असलेले ४५ ते ५९ वयोगटातील व्यक्तीही लसीकरणास पात्र आहेत.

नागरिकांनी कोविन पोर्टलवर नोंदणी करायची असून ती मोबाईल क्रमांकाच्या मदतीने करता येईल. या वेळी वन टाइम पासवर्ड दिला जाईल. कोविनवर खाते सुरू करून मोबाइल क्रमांकाच्या मदतीने नोंदणी व वेळ घेता येणार आहे. लाभार्थीना आयडी कार्डचा प्रकार व क्रमांक दिला जाईल.
🟧लिगिया नोरोन्हा (भारतीय): संयुक्त राष्ट्रसंघ पर्यावरण कार्यक्रम (UNEP) याच्या नव्या सहाय्यक सरचिटणीस

संयुक्त राष्ट्रसंघाचे (UN) प्रमुख अँटोनियो गुटेरेस यांनी भारतीय अर्थशास्त्रज्ञ लिगिया नोरोन्हा यांची संयुक्त राष्ट्रसंघ पर्यावरण कार्यक्रम (UNEP) याच्या सहाय्यक सरचिटणीसपदी नियुक्ती केली आहे.

त्यामुळे लिगिया नोरोन्हा भारतीय सहकारी आणि अर्थशास्त्रज्ञ सत्या त्रिपाठी यांची जागा घेणार आहेत.

लिगिया नोरोन्हा ह्या एक अर्थशास्त्रज्ञ आहेत. त्यांच्याकडे आंतरराष्ट्रीय स्तरावर काम करण्याचा 30 वर्षांचा अनुभव आहे. त्यांनी 2014 सालापासून नैरोबी येथून UNEP च्या आर्थिक विभागात संचालिक म्हणून काम पाहिले आहे. UNEP मध्ये दाखल होण्यापूर्वी त्यांनी नवी दिल्लीतील 'द एनर्जी अँड रिसोर्स इन्स्टिट्यूट (TERI) या संस्थेमध्ये कार्यकारी संचालिका म्हणून काम केले आहे. तसेच त्यांनी संसाधन, नियमन आणि ग्लोबल सिक्युरिटी सेक्शनच्या संचालिका म्हणूनही काम पाहिलेले आहे.

गेल्याच आठवड्यात गुटेरेस यांनी गुंतवणूकविषयक तज्ज्ञ असणाऱ्या उषा राव मोनारी यांची संयुक्त राष्ट्रसंघ विकास कार्यक्रमाच्या (UNDP) सरचिटणीस पदी नियुक्ती केली आहे.

संयुक्त राष्ट्रसंघ पर्यावरण कार्यक्रम (UNEP) विषयी...

हा संयुक्त राष्ट्रसंघाचा एक अंग असून ते प्रमुख जागतिक पर्यावरण प्राधिकरण आहे. ही संस्था जागतिक पर्यावरण संरक्षणासाठी जागतिक पातळीवर कार्य करते. संस्थेची 5 जून 1972 रोजी स्थापना झाली. संस्थेचे मुख्यालय नैरोबी (केनिया) येथे आहे.
🟧पहिल्या ४० तेजसमध्ये इस्रायली बनावटीचे रडार आहेत

▪️वेल डन DRDO! ‘तेजस’ फायटर जेटमध्ये देशी ‘उत्तम’ रडार

स्वदेशी संरक्षण तंत्रज्ञानाला बळकटी देणारी एक चांगली बातमी आहे. पुढच्या काही काळात इंडियन एअर फोर्समध्ये १२३ 'तेजस' फायटर विमानांचा समावेश करण्यात येणार आहे. त्यातील ५१ टक्के 'तेजस'मध्ये स्वदेशी बनावटीची 'उत्तम' रडार यंत्रणा असेल. आधी निर्मिती करण्यात आलेल्या काही 'तेजस'मधील इस्रायली रडारच्या जागी, ही 'उत्तम' रडार यंत्रणा बसवण्यात येईल.

इंडियन एअर फोर्सला १२३ 'तेजस' फायटर जेट मिळणार आहे. त्यात ४० विमाने फायनल ऑपरेशनल क्लियरन्समध्ये आहेत. ८३ तेजस मार्क-१ए साठी फेब्रुवारीच्या पहिल्या आठवडयात ऑर्डर देण्यात आली आहे. हिंदुस्थान एरोनॉटिक्स लिमिटेड या विमानांचे उत्पादन करत आहे. पहिल्या ४० तेजसमध्ये इस्रायली बनावटीचे रडार आहेत तर, ८३ तेजस मार्क-१ए AESA रडार यंत्रणा असेल.
"तेजस मार्क-१ए मध्ये उत्तम रडार यंत्रणा असेल. आतापर्यंतच्या चाचण्यांमध्ये उत्तमने अपेक्षेपेक्षा चांगली कामगिरी केली आहे. HAL बरोबर आम्ही सामंजस्य करार केला आहे" असे डीआरडीओचे अध्यक्ष सतीश रेड्डी यांनी सांगतिले. टाइम्स ऑफ इंडियाने हे वृत्त दिले आहे. ८३ पैकी ६३ तेजस विमानात उत्तम रडार यंत्रणा असेल.

डीआरडीओच्या बंगळुरुमधील LRDE प्रयोगशाळेने हे रडार विकसित केलेय. मोदी सरकार संरक्षण क्षेत्रात स्वदेशी तंत्रज्ञान निर्मितीवर भर देत आहे. उत्तम रडारमुळे तेजसमध्ये स्वदेशी घटकांचे प्रमाण वाढणार आहे. तेजसच्या निर्मितीमध्ये ६२ ते ६५ टक्के स्वदेशी घटक वापरण्याचा HAL चा प्रयत्न आहे. उत्तम रडारमुळे HAL ला त्यांच्या उद्दिष्टात मदत होणार आहे. उत्तम रडारमध्ये एकाचवेळी वेगवेगळया लक्ष्यांना शोधण्याची तसेच उच्चप्रतीचे फोटो काढण्याची क्षमता आहे.
🟧“ई-दाखिल”: ग्राहकांच्या तक्रारींचे निवारण करण्यासाठी डिजिटल व्यासपीठ

ग्राहकांच्या तक्रारींचे निवारण करण्यासाठी दिनांक 7 सप्टेंबर 2020 पासून ‘ई-दाखिल’ (E-Daakhil) नामक एक राष्ट्रीय पातळीवरील डिजिटल व्यासपीठ कार्यरत करण्यात आलेले आहे.

▪️ठळक बाबी

केन्द्रीय सरकारच्या राष्ट्रीय ग्राहक तंटा निवारण परिषदेच्यवतीने हे व्यासपीठ तयार करण्यात आले आहे.

राष्ट्रीय सूचना विज्ञान केंद्राने (NIC) ग्राहकांच्या तक्रारी डिजिटल पध्दतीने दाखल करण्यासाठी ‘edaakhil.nic.in’ नावाचे एक डिजिटल व्यासपीठ तयार केले आहे. ग्राहकांच्या तक्रारी डिजिटल पध्दतीने नोंदविण्यासाठी या डिजिटल व्यासपीठावर ई-सूचना, तक्रारीचा दस्ताऐवज डाऊनलोड करणे, दूरदृश्य पध्दतीने सुनावणी करण्याचा डिजिटल दुवा, प्रतिपक्षाकडून लेखी उत्तराची प्रतिक्रिया, तक्रारदाराने फेरदावा करणे, एसएमएस/ई-मेल द्वारे सतर्कता दाखविणे अशा बाबींचा समावेश आहे.

हे व्यासपीठ आता 15 राज्ये/केंद्रशासित प्रदेशांमध्ये कार्यरत झाले आहे. ग्राहक कार्य विभाग आता राज्यांचे ई-फायलींग डिजिटल व्यासपीठासाठी अग्रक्रमाने पाठपुरावा करीत आहे.

हे व्यासपीठ ग्राहकांना आणि त्यांच्या वकिलांना कोणत्याही ठिकाणाहून आपली तक्रार आणि त्या सोबत भरण्याची आवश्यक शुल्क ऑनलाईन पध्दतीने भरण्याचे अधिकार देते.