MPSC SIMPLIFIED(official)
34.4K subscribers
34.8K photos
52 videos
3.69K files
9.49K links
simplified चा टेलिग्राम ग्रुप
(आपल्या मित्रांना जॉईन करा)

+ सिम्प्लिफाइड स्टडी
+newspaper सिम्प्लिफाइड
+job सिम्प्लिफाइड
+daily चालू घडामोडी टेस्ट
+अभ्यास आधारित टेस्ट


https://telegram.me/mpscsimplified
Download Telegram
⚡️ अमेरिकेत डोनाल्ड ट्रम्प यांच्याकडून राष्ट्रीय आणीबाणी जाहीर

कोरोना व्हायरस आता जगभर वेगाने पसरताना दिसत आहे. या पार्श्वभूमीवर अमेरिकेचे अध्यक्ष डोनाल्ड ट्रम्प यांनी देशात राष्ट्रीय आणीबाणी जाहीर केली आहे. यासाठी त्यांनी 50 अब्ज डॉलरची तरतूदही केली आहे.

वाशिंग्टन : कोरोनाच्या पार्श्वभूमीवर अमेरिकेचे राष्ट्राध्यक्ष डॉनल्ड ट्रम्प यांनी राष्ट्रीय आणीबाणी जाहीर केलीय. कोरोनाचा मुकाबला करण्यासाठी 50 अब्ज डॉलरची तरतूदही करण्यात आली आहे. राष्ट्राध्यक्ष ट्रम्प यांनी पत्रकार परिषद घेत ही माहिती दिली. दरम्यान, कोरोनामुळे अमेरिकेत 41 जणांचा मृत्यू झालाय तर दोन हजारहून अधिक जणांना याची लागण झालीय. चीनमधील वुहान प्रांतातून पसरलेला कोरोना व्हायरस आतापर्यंत 114 देशांत पोहोचला आहे. जवळपास सव्वालाखांहून अधिक लोकांना याची लागण झाली आहे. तर, चार हजारच्या आसपास लोकांचा यात मृत्यू झालाय.

जागतिक आरोग्य संघटना (WHO) प्रमुख टेड्रोस गेब्रेसियोस यांनी सांगितले की, चीनच्या तुलनेत युरोपीयन देशांमध्ये हा आजार वेगाने पसरत आहे. एकट्या इटलीमध्ये मृतांचा आकडा 1266 झाला आहे. तर 17660 लोकांना या विषाणूचे संक्रमण झाले आहे. या पार्श्वभूमीवर अनेक देश आता खबरदारीचा उपाय अवलंबताना दिसत आहे. युक्रेनने परदेशी नागरिकांना आपली सीमा बंद केली. येथे तीन जणांना संसर्ग झाल्याचे समोर आले आहे. कोरोनो व्हायरसचा प्रादुर्भाव ऑफ्रिकन खंडातील सुमारे 18 देशांमध्ये झाला आहे. स्पेनचे पंतप्रधान पेद्रो सांचेझ यांनी देशात 15 दिवसांची आपत्कालीन परिस्थिती जाहीर केलीय.
​​◼️ मध्यप्रदेशाचे राष्ट्रीय चंबळ अभयारण्य ‘इको-सेन्सिटिव्ह झोन’ म्हणून घोषित

राष्ट्रीय चंबळ अभयारण्य, जे मध्यप्रदेशात आहे, त्याला भारत सरकारच्या पर्यावरण मंत्रालयाने ‘इको-सेन्सिटिव्ह झोन’ म्हणून जाहीर केले. अधिसूचनेनुसार, अभयारण्याच्या सभोवताल असलेला शून्य ते दोन किलोमीटरपर्यंत पसरलेले क्षेत्र ‘इको-सेन्सेटिव्ह झोन’ असणार.

मध्यप्रदेश राज्य सरकार क्षेत्राच्या संवर्धनासाठी एक योजना तयार करणार. पर्यावरण मंत्रालयाने राज्य सरकारला भूजल व्यवस्थापन व जलसंधारणाच्या संवर्धनासाठी योजना तयार करण्याचे निर्देश दिले आहे.

राष्ट्रीय चंबळ अभयारण्य हे गंगेटिक डॉल्फिन आणि देशातल्या 75 टक्के घडियाल या मगरीच्या जातीचे घर आहे.
» समृद्धी महामार्गाच्या धर्तीवर कोकणमध्ये ग्रीनफिल्ड महामार्ग

» रायगड, रत्नागिरी आणि सिंधुदुर्गच्या किनारपट्टीजवळून जाणार - सार्वजनिक बांधकाम मंत्री श्री. एकनाथ शिंदे

» हिंदुह्रदयसम्राट बाळासाहेब ठाकरे महाराष्ट्र समृद्धी महामार्गाच्या धर्तीवर 500 किलोमीटर लांबीचा ग्रीनफिल्ड महामार्ग (Express Way) कोकणच्या किनारपट्टीवर अस्तित्वात येणार आहे. सार्वजनिक बांधकाम (सार्वजनिक उपक्रम) मंत्री श्री. एकनाथ शिंदे यांनी विधिमंडळात एका निवेदनाद्वारे ही माहिती दिली. कोकणाच्या सर्वांगिण विकासासाठी रायगड, रत्नागिरी आणि सिंधुदूर्ग या तिन्ही जिल्ह्यांना जोडणारा हा महामार्ग बांधण्याचे नियोजन करण्यात येत असल्याचे त्यांनी सांगितले.
🎯भारतीय बॅडमिंटनपटू पी. व्ही. सिंधू पहिल्यावहिल्या 'बीबीसी इंडियन स्पोर्ट्सवुमन ऑफ द इयर' पुरस्काराची मानकरी ठरली.

⌛️भारतीय खेळातील उल्लेखनीय कामगिरी आणि त्याद्वारे अनेक पिढ्यांना प्रेरित केल्याबदद्ल प्रसिद्ध क्रीडापटू पी.टी.उषा यांना जीवनगौरव अचिव्हमेंट अवार्ड देण्यात आला.
◼️बिल गेट्स यांचा मायक्रोसॉफ्टच्या संचालक मंडळाचा राजीनामा

बिल गेट्स यांनी मायक्रोसॉफ्टच्या संचालक मंडळाचा राजीनामा दिल्याची माहिती कंपनीकडून देण्यात आली. त्यांना सामाजकार्यात स्वत:ला झोकून द्यायचं असल्यानं त्यांनी राजीनामा दिल्याचं सांगण्यात आलं. बिल गेट्स यांना जागतिक आरोग्य आणि शिक्षण या क्षेत्रात काम करायचं आहे, त्यामुळेच ते सर्व जबाबदाऱ्यांमधून मुक्त झाले आहेत. परंतु ते मायक्रोसॉफ्टचे मुख्य कार्यकारी अधिकारी सत्या नडेला यांच्यासोबत तांत्रिक सल्लागार म्हणून कार्यरत राहणार आहेत.

मायक्रोसॉफ्टचे सह-संस्थापक आणि तांत्रिक सल्लागार बिल गेट्स यांना आपला सर्वाधिक वेळ शिक्षण, आरोग्य आणि जागतिक विकासाला चालना देण्यासाठी द्यायचा आहे, यासाठीच ते कंपनीच्या संचालक मंडळाचा राजीनामा देत आहेत,” अशी माहिती मायक्रोसॉफ्टकडून देण्यात आली. १९७५ मध्ये पॉल अलेन यांच्यासोबत त्यांनी मायक्रोसॉफ्टची स्थापना केली होती. २००० पर्यंत त्यांनी कंपनीच्या मुख्य कार्यकारी अधिकारीपदाची जबाबदारी पार पाडली होती.

बिल गेट्स यांच्या राजीनाम्यानंतर कंपनीच्या संचालक मंडळातील सदस्यांची संख्या १२ झाली आहे. यामध्ये कंपनीचे मुख्य कार्यकारी अधिकारी सत्या नडेला यांचाही समावेश आहे. बिल गेट्स यांच्यासोबत काम करण्याची संधी मिळणं ही अभिमानास्पद बाब असल्याचं सत्या नडेला म्हणाले. 
​■ मान कौर यांना नारीशक्ती पुरस्कार ■
————————————————

- मान कौर यांना नारीशक्ती पुरस्काराने सन्मानित केले गेले.

- 8 मार्च रोजी आंतरराष्ट्रीय महिला दिनी राष्ट्रपती रामनाथ कोविंद यांनी त्यांना सन्मानित केले.

- 104 वर्षीय कौर यांनी वयाच्या 93 व्या वर्षी धावण्यास प्रारंभ केला होता.

- मान कौर पिंकाथॉनच्या ब्रँड ऍम्बेसिडर आहेत. पंतप्रधान नरेंद्र मोदी यांनीही मान कौर यांचे कौतुक केले आहे.
■ नवीन नियुक्ती :- अजय भूषण पांडे
➖➖➖➖➖➖➖➖➖➖➖➖
सरकारने अजय भूषण पांडे यांना
नवीन वित्त सचिव म्हणून नियुक्त केले.
केंद्र सरकारने विद्यमान महसूल सचिव
अजय भूषण पांडे यांची नवे वित्त
सचिव म्हणून नियुक्ती करण्याची
घोषणा केली आहे.
पांडे सध्याचे अर्थ सचिव राजीव कुमार
यांची जागा घेतील. मंत्रिमंडळाच्या
नियुक्ती समितीने या नियुक्तीस मान्यता
दिली आहे.
यापूर्वी त्यांनी आधार - अद्वितीय
आयडेंटिफिकेशन Authorityथॉरिटी
ऑफ इंडियाचे मुख्य कार्यकारी
अधिकारी म्हणून काम पाहिले आहे.
वित्त मंत्रालयातील सचिवांचा सर्वाधिक
अनुभव असणार्‍या नोकरशहाची वित्त
सचिव म्हणून नेमणूक केली जाते.
गुजरात कॅडरचे १९८५ च्या बॅचचे
आयएएस अधिकारी अतनु चक्रवर्ती हे
आर्थिक व्यवहार विभागाचे विद्यमान
सचिव आहेत.
ते एका रुपयाच्या दोन नव्या नोटांवर
सह्या घेतील.
तामिळनाडू केडरचे १९८७ च्या बॅचचे
आयएएस अधिकारी टीव्ही सोमणनाथ
हे खर्च विभागाचे विद्यमान सचिव
आहेत तर देबाशिष पांडा आर्थिक सेवा
सचिव आहेत.
◼️ काश्मीरमध्ये नवा राजकीय पक्ष

मेहबुबा मुफ्ती सरकारमध्ये कृषी मंत्री म्हणून काम केलेल्या अल्ताफ बुखारी यांनी काश्मीरमध्ये 'अपनी पार्टी' नावाचा नवीन राजकीय पक्ष स्थापन केला आहे.

👇अल्ताफ बुखारी म्हणाले..

या भागताील सामान्य लोकांचा हा पक्ष असेल, त्यामुळेच याचं नामकरण 'अपनी पार्टी' असं करण्यात आलं आहे.

आमच्यासमोर खूप साऱ्या अपेक्षा आणि आव्हानं आहेत, मी जम्मू-काश्मीरच्या लोकांना विश्वास देऊ इच्छितो की माझी इच्छाशक्ती मजबूत आहे.

यांनी दिला पाठिंबा :
माजी मंत्री आणि डेमोक्रेटिक पक्षाचे (राष्ट्रवादी) अध्यक्ष गुलाम हसन मीर, पीडीपीचे माजी आमदार दिलावर मीर, नूर मोहम्मद शेख, अशरफ मीर आणि माजी काँग्रेस आमदार फारुख अंद्राबी, इरफान नकीब आणि इतर स्थानिक नेते

दरम्यान, कलम 370 हटवल्यामुळे जम्मू काश्मीरमध्ये सध्या तणावपूर्ण वातावरण असून येथील अनेक नेते नजरकैदेत आहेत.

या पार्श्वभूमीवर नवीन राजकीय पक्षाचा उदय झाल्याने तर्कवितर्कांना उधाण आले आहे.
GST परिषदेची 39 वी बैठक: भ्रमणध्वनी संचावरचा GST आता 18 टक्के

🔸14 मार्च 2020 रोजी केंद्रीय अर्थमंत्री निर्मला सीतारामन ह्यांच्या अध्यक्षतेखाली GST परिषदेची 39 वी बैठक पार पडली.

🔸बैठकीत घेतल्या गेलेल्या निर्णयानुसार, भ्रमणध्वनी संचावरचा (आणि त्यांच्या काही सुट्या भागांवर) वस्तू व सेवा कर (GST) हा आत्ताच्या 12 टक्क्यांवरुन 18 टक्के इतका केला.

🔸हा निर्णय 1 एप्रिल 2020 पासून लागू होणार.

🔸विमानांची देखरेख, दुरूस्ती यासाठी येणाऱ्या खर्चावरचा GST आत्ताच्या 18 टक्क्यांवरुन 5 टक्के इतका केला.

🔸GST भरण्यास विलंब केल्यास 1 जुलै 2020 पासून व्याज द्यावे लागणार.
मास्क आणि हँड सॅनिटायझरचा समावेश अत्यावश्यक वस्तूंमध्ये.

🔸केंद्र सरकारने N95 मास्क, सर्जिकल मास्क आणि हँड सॅनिटायझरचा समावेश अत्यावश्यक वस्तूंमध्ये केला आहे. ग्राहक संरक्षण आणि अन्न व नागरी पुरवठा मंत्रालयाने याबाबत आदेश दिला आहे.

🔸देशभरात कोरोनाचा प्रसार रोखण्यासाठी लागणाऱ्या मास्क आणि हँड सॅनिटायझरच्या तुटवड्याची परिस्थिती निर्माण झाली आहे. अनेक ठिकाणी त्यांचा काळा बाजार होत असल्याचे समोर आले आहे. त्यामुळे हा निर्णय घेण्यात आला. या निर्णयामुळे चढ्या दराने विक्री, साठेबाजी आणि काळाबाजार रोखणे शक्य होणार आहे. सदर आदेश 30 जून 2020 पर्यंत कायम राहणार असून त्याचे उल्लंघन केल्यास सात वर्षांपर्यंत शिक्षेची तरतूद आहे.

🔸या निर्णयामुळे, बाजारात जर आपल्याला मास्क मिळाला नाही तर तक्रार करता येणार आहे. त्यासाठी 1800-11-400 या राष्ट्रीय ग्राहक क्रमांकावर तक्रार करावी लागणार.

🔸अत्यावश्यक वस्तू कायदा-1955

🔸अत्यावश्यक वस्तू कायदा हा भारतीय संसदेचा एक कायदा आहे. चढ्या दराने वस्तूंची विक्री, साठेबाजी आणि काळाबाजार रोखण्यासाठी हा कायदा करण्यात आला आहे. यात अन्न-धान्य, औषधे, खते, डाळी व खाद्यतेल आणि इंधन (पेट्रोलियम उत्पादने) इत्यादींचा समावेश आहे.

या व्यतिरिक्त, सरकार अत्यावश्यक वस्तू घोषित करण्यात आलेल्या कोणत्याही डब्बाबंद असलेल्या उत्पादनाची कमाल किरकोळ किंमत (MRP) निश्चित करू शकते. गरज भासते तेव्हा केंद्र सरकार या यादीत नवीन वस्तूंचा समावेश करू शकते आणि परिस्थिती सुधारल्यानंतर त्यांना या यादीतून वगळू शकते.
◼️ग्रीसमध्ये पहिली महिला अध्यक्ष

🔸 ग्रीसच्या उच्च न्यायालयाच्या माजी न्यायाधीश कतरिना साकेल्लारोपोलो यांची देशाच्या पहिल्या महिला अध्यक्ष म्हणून निवड झाली आहे. शुक्रवारी एका साध्या समारंभात त्यांनी अध्यक्षपदाची शपथ घेतली.

🔸निवडणुकीत विजय मिळाल्यानंतरही दोन महिन्यांच्या कालावधीनंतर कतरिना यांना शपथ घेतली असून, करोना विषाणूच्या फैलावाच्या पार्श्वभूमीवर शपथविधी सोहळा पार पडला. या वेळी अगदी मोजके लोकप्रतिनिधी आणि पत्रकार उपस्थित होते. कतरिना यांनी मास्क लावूनच शपथ घेतली.

🔸ग्रीसचे पंतप्रधान किरियाकोस मित्सोटाकीस यांनी कतरिना यांच्या नावाला अनुमोदन दिले होते. जानेवारी महिन्यात झालेल्या निवडणुकीत कतरिना २९४ पैकी २६१ मते मिळवून त्या मोठ्या मताधिक्याने जिंकून आल्या.

🔸 ग्रीसमध्ये राजकारणात ज्येष्ठ पदांवर अगदी मोजक्याच महिला आहेत. त्यामुळे मित्सोटाकीस यांनी कतरिना यांच्या नावाला अनुमोदन दिल्यानंतर त्यांना संसदेतील पुरुषांच्या टीकेला सामोरे जावे लागले. ग्रीकच्या मंत्रिमंडळात सध्या १८ वरिष्ठ पदांवर पुरुष असून, त्यामध्ये एकाही महिलेला स्थान मिळालेले नाही.

🔸करोना'मुळे ग्रीसमध्ये शाळा, कॉलेज, विद्यापीठे, सिनेमागृहे, व्यायामशाळा, नाइटक्लब बंद ठेवण्यात आले आहे. ग्रीसमध्ये आतापर्यंत ११७ जणांना करोनाची लागण झाली असून, एकाचा मृत्यू झाला आहे.
​“निर्यात वस्तूंवरील शुल्क किंवा कर माफी (RoDTEP)” योजनेला केंद्रीय मंत्रिमंडळाची मंजुरी

🔸13 मार्च 2020 रोजी पंतप्रधान नरेंद्र मोदी यांच्या अध्यक्षतेखाली झालेल्या वित्तीय व्यवहारविषयक मंत्रिमंडळ समितीच्या बैठकीत “निर्यात वस्तूंवरील शुल्क किंवा कर माफी (RoDTEP)” या नव्या योजनेला मंजुरी देण्यात आली. RoDTEP योजना सध्याच्या ‘भारताकडून माल निर्यात योजना’ (Merchandise Export from India Scheme -MEIS) याची जागा घेणार.

🔸ठळक वैशिष्ट्ये

🔸योजनेच्या अंतर्गत भारतातून निर्यात केल्या जाणाऱ्या उत्पादनांवर कर आणि शुल्कमाफी दिली जाणार आहे. त्यासाठी केंद्र, राज्य आणि स्थानिक पातळीवर एक वेगळी यंत्रणा उभी केली जाणार

🔸 निर्यातीसाठीच बनवल्या जाणाऱ्या ज्या उत्पादनांच्या कराचे परतावे मिळण्यासाठी सध्या कोणतीही यंत्रणा नाही, त्यांच्यासाठी नवी यंत्रणा काम करणार.

🔸या योजनेच्या अंतर्गत, आंतर-मंत्रालयीन समिती तयार केली जाणार आहे. ज्या उत्पादनांवरचे निर्यात शुल्क/कर भरपाईच्या स्वरूपात माफ करायचा आहे, त्याचे दर आणि शुल्क निश्चित करण्याचे काम ही समिती करणार.

🔸 संपूर्ण डिजिटलीकरणाच्या माध्यमातून ही योजना राबवली जाईल.

🔸वर्तमानात, निर्यातक्षम उत्पादने तयार करण्यासाठी लागणाऱ्या कच्च्या मालावरील GST आणि आयात/सीमाशुल्क कर एकत्र माफ आहेत किंवा त्यांचे परतावे दिले जातात. मात्र, GSTच्या पलीकडे काही कर/शुल्क जे निर्यातीत वस्तूंवर आहेत, ते माफ नाहीत. जसे की वाहतुकीच्या इंधनावर लागणारा मूल्यवर्धित कर, मंडी टैक्स, विजेवरील कर, हे सगळे शुल्क आहेत, जे RoDTEP योजनेच्या अंतर्गत येणार.

🔸योजना लागू करण्याचे टप्पे, क्षेत्रांचे प्राधान्य, विविध उत्पादनांवरील करमाफीचे लाभ, ह्या सगळ्या गोष्टी समितीद्वारे ठरवल्या जाणार. निर्यातमालाच्या निर्यातमूल्यानुसार दिल्या जाणाऱ्या सवलतीचे प्रमाण ठरवले जाणार.

🔸 या योजनेमुळे देशातल्या उद्योगांना आणि निर्यातीलाही बळ मिळणार तसेच, भारतीय उत्पादने आंतरराष्ट्रीय बाजारात समतुल्य किमतींना मिळू शकतील.
​◼️चार राज्यांमधल्या 780 किलोमीटर लांबीच्या राष्ट्रीय महामार्गांच्या पुनर्वसनाला केंद्रीय मंत्रिमंडळाची मंजुरी

- पंतप्रधान नरेंद्र मोदी यांच्या अध्यक्षतेखाली केंद्रीय मंत्रिमंडळाने हिमाचल प्रदेश, राजस्थान, उत्तरप्रदेश आणि आंध्रप्रदेश या चार राज्यांमध्ये असलेल्या एकूण 780 किलोमीटर लांबीच्या राष्ट्रीय महामार्गांचा दर्जा सुधारण्यास आणि पुनर्वसनास मंजुरी दिली.

▪️ प्रस्तावानुसार,

- दुपदरी तसेच चौपदरी रस्त्यांच्या पुनर्वसन आणि दर्जा सुधारण्यासाठी ही मंजुरी देण्यात आली आहे.

- या प्रकल्पामध्ये 7762.45 कोटी रुपयांची गुंतवणूक करण्यात आली असून त्यामध्ये 3500 कोटी रुपयांच्या कर्जाचा अंतर्भाव आहे.

- राष्ट्रीय हरित महामार्ग मार्गिका प्रकल्प (National Highway Corridor Project -GNHCP) याच्या अंतर्गत जागतिक बँकेकडून या प्रकल्पासाठी मदत घेण्यात आली आहे.

- महामार्गांची रस्तेबांधणी पूर्ण झाल्यानंतर पाच वर्षापर्यंत या मार्गांचा राखरखाव या प्रकल्पांच्या किमतीमध्ये अंतर्भूत आहे.
Forwarded from MPSC Mantra (Balaji Surne)