MPSC SIMPLIFIED(official)
34.4K subscribers
34.8K photos
52 videos
3.69K files
9.49K links
simplified चा टेलिग्राम ग्रुप
(आपल्या मित्रांना जॉईन करा)

+ सिम्प्लिफाइड स्टडी
+newspaper सिम्प्लिफाइड
+job सिम्प्लिफाइड
+daily चालू घडामोडी टेस्ट
+अभ्यास आधारित टेस्ट


https://telegram.me/mpscsimplified
Download Telegram
Please open Telegram to view this post
VIEW IN TELEGRAM
◼️करोनाग्रस्तांसाठी मुख्यमंत्र्यांनी दिलं तीन महिन्यांचं वेतन.

🔰
ओदिशाचे मुख्यमंत्री नवीन पटनायक यांनी आपलं तीन महिन्यांचं वेतन करोनाग्रस्तांसाठी देण्याचा निर्णय घेतला आहे. त्यांनी मुख्यमंत्री मदत निधीत आपलं त्यांनी आपलं वेतन जमा केलं आहे, राज्यातील करोनाग्रस्तांच्या मदतीसाठी त्यांनी पुढाकार घेतला आहे.

🔰“नवीन पटनायक यांनी आपलं तीन महिन्यांचं वेतन मुख्यमंत्री मदत निधीसाठी दिलं आहे. करोनासारख्या आजाराचा सामना करणाऱ्यांसाठी मदत म्हणून त्यांनी हा निर्णय घेतला आहे.

🔰याव्यतिरिक्त असामान्य परिस्थितीत सर्वांचा प्रतिसाद मिळावा अशी मागणीही त्यांनी केली आहे,” असं मुख्यमंत्री कार्यालयाकडून सांगण्यात आलं. तसंच सर्वांनी यासाठी मदत करावी, असं आवाहनही त्यांनी केलं आहे.

🔰दरम्यान, ओडिशामध्येही पाच जिल्ह्यांमध्ये लॉकडाऊन करण्यात आलं होतं. परंतु खबरदारीचा उपाय म्हणून सोमवारी ५ ऐवजी १४ जिल्ह्यांमध्ये लॉकडाऊन करण्याचा निर्णय घेण्यात आला.

🔰पुरी, नयागढ, जगतसिंगपूर, जाजपूर, भद्रक, बालासोर, ढेंकनाल, संबलपूर, झारसुगुडा या जिल्ह्यांमध्ये मंगळवारी सकाळीपासून २९ मार्च रात्री ९ वाजेपर्यंत लॉकडाऊन वाढवण्यात आलं आहे. याव्यतिरिक्त ज्यांना होम क्वारंटाईनचे आदेश देण्यात आले आहेत त्यांच्या घरांवरही शिक्के मारण्याचा निर्णय ओदिशा प्रशासनानं घेतला आहे.
◼️'लॉकडाऊन' आणि 'कर्फ्यू'मधला नेमका फरक समजून घ्या

🔴'लॉकडाऊन' म्हणजे काय?

1.आपात्कालीन परिस्थितीत सरकारकडून लॉकडाऊन घोषित केला जातो. यामध्ये अत्यावश्यक सेवा बंद केल्या जात नाही. सध्या, बँक, दूध डेअरी, औषध, रेशनिंग, फळ-भाज्या यांसारख्या अत्यावश्यक वस्तूंची दुकानं सुरू असलेली दिसतात.

2.तुम्ही जिथे असाल तिथंच थांबावं हा लॉकडाऊनचा हेतू असतो. यामध्ये नागरिकांना एखाद्या इमारतीत, भागात, राज्य किंवा देशापर्यंत सीमित केलं जातं. बऱ्याचदा नागरिकांना या नियमांत सूटही दिली जाते.

3.लॉकडाऊनमध्ये मुख्यत्वे: नागरिकांना घरातून बाहेर पडण्यासाठी भाग पाडणारी कारणं बंद केली जातील यावर भर दिला जातो. खासगी कंपन्यांना लॉकडाऊन पाळावा लागल्यानं कर्मचाऱ्यांना 'वर्क फ्रॉम होम' किंवा सुट्टी जाहीर करावी लागली.

4.लॉकडाऊनमध्ये लोकांना घरातच राहण्याची आणि रस्त्यावर न फिरण्याचं आवाहन केलं जातं. केवळ आवश्यक गोष्टींसाठी त्यांनी घराबाहेर पडणं अपेक्षित असतं.

5.लॉकडाऊन दरम्यान कोणत्या प्रकारच्या सेवांना सूट दिली जावी? हे तिथलं स्थानिक प्रशासन ठरवतं

6.सध्या, करोनाचं संक्रमण फैलावू नये यासाठी लोकांनी घरातच ठेवण्यासाठी अनेक राज्यांत लॉकडाऊन घोषित करण्यात आलाय.

🔴'कर्फ्यू' म्हणजे काय?

1.अत्यंत गंभीर परिस्थिती 'कर्फ्यू'ची अंमलबजावणी केली जाते. ही स्थिती नागरिकांसाठी थोडी अडचणीची ठरू शकते. कारण नागरिकांना कर्फ्यूच्या नियमांचं पालन करावंच लागतं कारण हा प्रशासनाचा 'आदेश' असतो.

2.या दरम्यान नागरिक आपल्या भागात किंवा रस्त्यांवर गर्दी करून उभे राहू शकतं नाहीत

3.मुख्य म्हणजे, कर्फ्यूच्या नियमांचं उल्लंघन करणाऱ्या नागरिकांवर कायदेशीर कारवाई करून त्यांना पोलीस अटक करू शकतात. तसंच अशा नागरिकांना दंडही भरावा लागू शकतो

4.कर्फ्यू दरम्यान नागरिकांना आपल्या घरातून बाहेर पडण्याची परवानगी नाही

5.कर्फ्यू दरम्यान शाळा, महाविद्यालय, बाजार बंद ठेवले जातात

6.कर्फ्यूमध्ये अत्यावश्यक सुविधा सुरू राहील, याची काळजी प्रशासन घेतं

7.कर्फ्यू दरम्यान बाजार आणि बँकसारख्या सेवाही बंद केल्या जातात

8.स्थानिक प्रशासनाकडून कर्फ्यू शिथील करण्यात आल्यानंतरच नागरिकांना घरातून बाहेर पडण्याची परवनानगी असते

📌दरम्यान, देशभरात आत्तापर्यंत ५२५ करोनाबाधित रुग्ण आढळले आहेत. हा आकडा अजूनही वाढण्याची शक्यता आहे. तसंच १० जणांनी करोनामुळे आपला जीव गमावला आहे.
🍀🍀करोनापुढे जपानने हात टेकले; ऑलिम्पिक स्थगित, पुढील वर्षी होणार!🍀🍀

📌करोना व्हायरसच्या संकटामुळे जपानची राजधानी टोकिओत होणारी ऑलिम्पिक स्पर्धा एक वर्ष स्थगित करण्यात येणार आहे. जपानचे पंतप्रधान शिंजो आबे यांनी मंगळवारी ऑलिम्पिक स्पर्धा स्थगित करण्याचा प्रस्ताव आंतरराष्ट्रीय ऑलिम्पिक समितीचे अध्यक्ष थॉमस बाक यांना पाठवला आहे. बाक यांनी या प्रस्तावाला होकार दिल्याचे आबे यांनी सांगितले.

📌करोना व्हायरसच्या संकटामुळे ऑलिम्पिक स्पर्धा घेता येणार नाही. स्पर्धा स्थगित करण्याशिवाय दुसरा कोणता मार्ग नाही. यासंदर्भात थॉमस बाक यांच्याशी फोनवर चर्चा झाल्याचे आबे यांनी सांगितले. अर्थात ऑलिम्पिक स्पर्धा पुढील वर्षी होणार असली तरी ती टोकिओ ऑलिम्पिक २०२० या नावानेच ओळखली जाईल असे ही त्यांनी स्पष्ट केले.

📌जपानचे पंतप्रधान आणि आंतरराष्ट्रीय ऑलिम्पिक समितीचे अध्यक्ष बाक यांच्यात चर्चा झाल्यानंतर टोकिओ ऑलिम्पिक स्पर्धा पुढे ढकलण्यात एकमत झाले आहे. ही स्पर्धा २०२१च्या उन्हाळ्याच्या आधी घेतली जाईल. ऑलिम्पिक स्पर्धेत भाग घेणारे खेळाडू आणि अन्य सर्व गोष्टींचा विचार करून हा निर्णय घेतल्याचे IOC आणि टोकिओ ऑलिम्पिक समितीने एकत्र प्रसिद्ध केलेल्या निवेदनात म्हटले आहे.

📌याआधी ठरलेल्या नियोजनानुसार २४ जुलै ते ९ ऑगस्ट या काळात ऑलिम्पिक स्पर्धा होणार होती. पण करोना व्हायरसमुळे ऑलिम्पिकच्या आयोजनावर संकट उभे होते. दोन दिवसांपूर्वी कॅनडा आणि नंतर ऑस्ट्रेलियाने ऑलिम्पिक स्पर्धेतून माघार घेण्याची घोषणा केली होती.

✅इतिहासात प्रथमच...

📌ऑलिम्पिक खेळाच्या इतिहासात प्रथमच स्पर्धा स्थगित करण्याची ही वेळ आहे. याआधी १९१६, १९४० आणि १९४४ मध्ये महायुद्धामुळे ऑलिम्पिक स्पर्धा झाली नव्हती.

📌ऑलिम्पिक स्पर्धेसंदर्भात कोणताही निर्णय घेण्यासाठी एक महिन्याचा कालावधी होता. पण त्याआधीच पंतप्रधान आबे यांच्या घरी कॅबिनेटची महत्त्वाची बैठक झाली. या बैठकीत स्पर्धा स्थगित करण्याचा निर्णय घेण्यात आला. त्यानंतर हा प्रस्ताव आंतरराष्ट्रीय ऑलिम्पिक समितीला कळवण्यात आला.

📌स्पर्धा एक वर्षासाठी स्थगित करण्यावर बाक १०० टक्के सहमत झाल्याचे आबे यांनी सांगितले.
​​◼️राष्ट्रीय लोकसंख्या नोंदणी (एनपीआर) आणि जनगणनेचा पहिला टप्पा पुढे ढकलला

◾️पंतप्रधान नरेंद्र मोदी यांनी देशात २१ दिवसांचे लॉकडाउन जाहीर केल्यानंतर केंद्र सरकारने आज राष्ट्रीय लोकसंख्या नोंदणी (एनपीआर) आणि जनगणनेचा पहिला टप्पा पुढे ढकलण्याचा निर्णय घेतला आहे.

◾️पूर्वनियोजनानुसार या मोहिमांची सुरुवात एक एप्रिलला होणार होती.

◾️कोरोनाच्या संसर्गाला आळा घालण्याचा उद्देशाने पंतप्रधान मोदी यांनी काल (ता. २४) रात्री जनतेला विश्वासात घेत देशभरात लॉकडाउन जाहीर केला.

◾️त्यामुळे सर्व कार्यक्रम लांबणीवर पडले आहेत. २०२१ ला होणाऱ्या जनगणनेचे काम दोन टप्प्यांत होणार होते. एप्रिल ते सप्टेंबर या काळात घर नोंदणी आणि घरांची गणना करण्याचे काम होते. याच काळात लोकसंख्या नोंदणीही केली जाणार होती.

◾️ 'एनपीआर' ला अनेक राज्यांचा विरोध आहे.
📌पंजाब,
📌राजस्थान,
📌 छत्तीसगढ,
📌बिहार, केरळ आणि
📌 पश्चिम बंगाल यांनी आपापल्या विधानसभेत ठराव करून विरोध केला आहे.
◼️राज्यभरात २२ हजार ११८ खोल्यांची सज्जता; ५५ हजार ७०७ खाटांची सोय - सार्वजनिक बांधकाम मंत्री अशोक चव्हाण यांची माहिती

🔰रोनाविरूद्धच्या लढाईत खबरदारीची उपाययोजना म्हणून सार्वजनिक बांधकाम विभागाच्या माध्यमातून राज्यभरात तब्बल २२ हजार ११८ खोल्यांची सज्जता करण्यात आली असून, या ठिकाणी ५५ हजार ७०७ खाटांची सोय होऊ शकेल. सार्वजनिक बांधकाममंत्री अशोक चव्हाण यांनी ही माहिती दिली आहे.

🔰यासंदर्भात मंत्री श्री. चव्हाण म्हणाले, कोरोना व्हायरसचा फैलाव रोखण्यासाठी संपूर्ण देशात लॉकडाऊन जाहीर झाले आहे.
◼️30 जूनपर्यंत आयकर परतावा भरता येणार.

करोनामुळे देशावर मोठे संकट निर्माण झाले आहे. त्यामुळे काही क्षेत्रांसाठी अर्थमंत्री निर्मला सीतारामण यांनी बुधवारी पत्रकार परिषदेत महत्वाच्या दिलासा देणाऱ्या घोषणा केल्या.

यामध्ये 30 जूनपर्यंत आयकर परतावा भरण्यासाठी मुदतवाढ देण्यात आली आहे.

तर सितारामन म्हणाल्या, ‘विवाद ये विश्वास’ या योजनेची मुदत 30 जून पर्यंत वाढवण्यात आली आहे.

यासाठी अतिरिक्त10 टक्के भरण्याची गरज नाही.तसेच नोटीस, अपिल, रिटर्न फायलिंग 30 जून पर्यंत करता येणार आहे.

त्यानुसार, आर्थिक वर्ष 2018-19 ज्यांनी रिटर्न फाईल केलेलं नाही त्यांना आता 31 मार्चऐवजी 30 जून 2020 पर्यंत रिटर्न फाइल करता येईल.

तसेच उशीरा रिटर्न फाईल करणार्यांसाठी व्याज हे 12 टक्क्यांवरुन 9 टक्के करण्यात आले आहे.
◼️अँटी मलेयरिया औषधावर निर्यातबंदी

जगात आणि देशात करोनाचा प्रादुर्भाव चांगलाच वाढला आहे. भारतातही करोनाग्रस्तांची संख्या 500 च्या वर पोहचली आहे. अशात आता या रोगाचा सामना करण्यासाठी हायड्रोक्सी क्लोरोक्वीन या अँटी मलेरिया औषधाची निर्यात बंद करण्यात आली आहे.

तर हे औषध करोनाचा मुकाबला करण्यासाठी कामी येऊ शकते. या औषधाची मागणी वाढू शकते ही बाब लक्षात घेऊन सरकारने हा महत्त्वाचा निर्णय घेतला आहे.

प्रयोगशाळेतील चाचण्यांमध्ये हायड्रोक्सी क्लोरोक्वीन हे औषध करोना व्हायरस विरोधात प्रभावी ठरत असल्याचे अ‍ॅडव्हायजरीमध्ये म्हटले आहे.

तसेच 15 वर्षाच्या आतील मुलांवर हे औषध वापरण्यास मनाई करण्यात आली आहे. अ‍ॅडव्हायजरीनुसार नोंदणीकृत डॉक्टरने प्रिस्क्रिप्शनवर लिहिले असेल तरच हे औषध मिळू शकते.
◼️ग्रेगरी मार्ग्युलिस आणि हिलेल फर्स्टेनबर्ग यांना 2020 या सालाचा एबेल पारितोषिक जाहीर

अमेरिकेचे गणितज्ञ ग्रेगरी मार्ग्युलिस आणि इस्त्राएलचे गणितज्ञ हिलेल फर्स्टेनबर्ग यांना संयुक्तपणे 2020 या सालाचा एबेल पारितोषिक जाहीर झाला आहे.

ग्रेगरी मार्ग्युलिस अमेरिकेच्या येल विद्यापीठात कार्यरत आहेत आणि हिलेल फर्स्टेनबर्ग इस्त्राएलच्या जेरुसलेम विद्यापीठात कार्यरत आहेत. त्यांची संख्या शास्त्र आणि कॉम्बिनेटोरिक्स याबाबतच्या सिद्धांतामध्ये दिलेल्या योगदानासाठी या पुरस्कारासाठी निवड करण्यात आली.

‘एबेल पारितोषिक’ हा गणित शास्त्र क्षेत्रात उल्लेखनीय योगदान देणार्‍या व्यक्तीला दिला जाणारा पुरस्कार आहे. हा पुरस्कार नॉर्वेजियन अकॅडेमी ऑफ सायन्स अँड लेट्टर्स या संस्थेकडून दिला जातो. 2003 सालापासून हा पुरस्कार दरवर्षी दिला जात आहे. पुरस्कार स्वरूपात 6 दशलक्ष क्रोनोर (सुमारे 715,000 डॉलर) रोख बक्षीस दिले जाते.