MPSC SIMPLIFIED(official)
34.4K subscribers
34.8K photos
52 videos
3.69K files
9.49K links
simplified चा टेलिग्राम ग्रुप
(आपल्या मित्रांना जॉईन करा)

+ सिम्प्लिफाइड स्टडी
+newspaper सिम्प्लिफाइड
+job सिम्प्लिफाइड
+daily चालू घडामोडी टेस्ट
+अभ्यास आधारित टेस्ट


https://telegram.me/mpscsimplified
Download Telegram
🟪 महत्त्वाच्या घटनादुरुस्त्या👆
🔳 घटनादुरुस्ती 99 ते 103 च्या नोटस्👆
➖➖➖➖➖➖➖➖➖➖➖➖

🔘 सर्व घटनादुरुस्त्या (1 ते 103)च्या सविस्तर अभ्यासासाठी पहा- हे लेक्चर👇
https://youtu.be/iHHqGjaXsl8
​​🧿🧿'मिशन सागर': क्षेत्रीय मित्र राष्ट्रांच्या मदतीसाठी भारत सरकारची मोहीम.🧿🧿

🔶कोविड-19 महामारीच्या पार्श्‍वभूमीवर भारत सरकारने इतर देशांपुढे मदतीचा हात दिला आहे. त्याचाच एक भाग म्हणून 'मिशन सागर' अंतर्गत भारतीय नौदलाचे ‘INS केसरी’ हे जहाज इतर देशांसाठी अन्न, आवश्यक औषधे अशी मदत सामुग्री घेवून 10 मे 2020 रोजी रवाना झाले.

🔶मालदीव, मॉरिशस, सेशेल्स, मॅडागास्कर आणि कॉमोरोस या देशांना मदत पुरवण्यासाठी जहाज रवाना झाले. या जहाजातून अन्नसामुग्री, कोविड-19 महामारीवर उपयोगी ठरत असलेल्या HCQ औषधाच्या गोळ्या आणि विशेष आयुर्वेदिक औषधे तसेच वैद्यकीय सहाय्यकांचे पथक पाठवण्यात आले.

🔷इतर ठळक बाबी🔷

🔥संपूर्ण क्षेत्रामध्ये अशी मोहीम चालवून परदेशांना असा मदतीचा हात पुढे करणारा भारत पहिला देश आहे.

🔥हे अभियान भारत सरकारने 2015 साली आरंभ केलेल्या ‘सागर कार्यक्रम’ (क्षेत्रामधील सर्वांसाठी सुरक्षा आणि विकास / Security and Growth for All in the Region) याचा एक भाग आहे. कोविड-19 महामारी संकटाच्या काळात क्षेत्रीय देशांना आवश्यक असणारी मदत करून संबंध अधिक मजबूत करण्यासाठी ‘मिशन सागर’ राबवण्यात येत आहे.

🔥या मोहिमेची जबाबदारी संरक्षण मंत्रालय आणि परराष्ट्र व्यवहार मंत्रालय आणि सरकारच्या इतर संबंधित संस्था/विभाग मिळून संयुक्त समन्वयाने पार पाडत आहेत.
● राष्ट्रीय पशू जैवतंत्रज्ञान संस्थेनी ‘ईकोवसेन्स’ उपकरण विकसित केले

🔸 हैदराबादच्या राष्ट्रीय पशू जैवतंत्रज्ञान संस्था (NIAB) येथील संशोधकांनी एक उपकरण विकसित केले, ज्याला त्यांनी ‘ईकोवसेन्स’ (eCovSens) हे नाव दिले आहे.

🔸हे एक बायोसेन्सर (जैवसंवेदक) आहे, ज्यामुळे पशूच्या लाळेची तपासणी कोविड-19 रोगासाठी केली जाऊ शकते.

🔸हे उपकरण केवळ 20 मायक्रोलिटर एवढ्या प्रमाणात नमुन्याचा वापर 30 सेकंदात आपला अहवाल देते. हे उपकरण ब्ल्यूटूथ तंत्रज्ञानाच्या माध्यमाने संगणक किंवा दूरध्वनी संचाशी देखील जोडले जाऊ शकते आणि ज्यामुळे प्राप्त माहितीचा अभ्यास केला जाऊ शकतो.

🔸हे उपकरण साधारण सेल बॅटरीवर चालवले जाऊ शकतो कारण त्यात 1.3V-3V व्होल्टेजचा वापर केला जातो.
● मनुष्यबळ विकास मंत्रालयाचे नवे “युक्ती” संकेतस्थळ

🔸केंद्रीय मनुष्यबळ विकास मंत्री रमेश पोखरियाल “निशंक” यांच्या हस्ते नवे ‘YUKTI’ (यंग इंडिया कॉम्बीटिंग कोविड विथ नॉलेज, टेक्नॉलॉजी अँड इनोव्हेशन) संकेतस्थळ आणि डॅशबोर्डचे उद्घाटन करण्यात आले आहे.

🔸 मनुष्यबळ विकास मंत्रालयाने कोविड-19 महामारीच्या पार्श्वभूमीवर हाती घेतलेले उपक्रम आणि उपाययोजनांची नोंद ठेवणे तसेच त्याच्या अंमलबजावणीवर देखरेख ठेवण्यासाठी हे संकेतस्थळ विकसित करण्यात आले आहे.

🔸या व्यासपीठावर सर्व शिक्षणसंस्थांच्या विविध उपक्रम आणि संशोधनाची माहिती देण्यात आली आहे.

🔸कोविडच्या आव्हानांचा विविध अंगांनी आणि सर्वसमावेशक बाजूंनी सामना करण्यासाठी या व्यासपीठाची मदत होणार आहे.

🔸तसेच, विद्यार्थ्यांसाठी उच्च दर्जाचे शैक्षणिक वातावरण कायम ठेवण्याचे उद्दिष्ट साध्य करण्यासाठी हे व्यासपीठ उपयुक्त ठरणार आहे.
पंतप्रधानांकडून MSME क्षेत्राला 20 लक्ष कोटी रुपयांचा निधी जाहीर

कोविड-19 महामारीच्या पार्श्वभूमीवर अडचणीत आलेल्या देशाच्या सूक्ष्म, लघू आणि मध्यम उद्योग क्षेत्राला पाठिंबा देण्याच्या उद्देशाने पंतप्रधानांनी 20 लक्ष कोटी रुपयांचा निधी जाहीर केला आहे. तसेच “आत्मनिर्भर भारत” अभियानाची घोषणा यावेळी केली गेली.

भारताच्या एकूण राष्ट्रीय उत्पन्नाच्या 10 टक्के ठरणाऱ्या या निधीच्या माध्यमातून पंतप्रधानांनी MSME उद्योग, ग्रामोद्योग आणि कुटीर उद्योग क्षेत्राच्या अपेक्षा आणि आकांक्षा पूर्ण केल्या आहेत.

या निधीमुळे 11 कोटीपेक्षा अधिक लोकांना रोजगार देणाऱ्या आणि GDPच्या सुमारे 29 टक्के योगदान देणार्‍या सूक्ष्म, लघू आणि मध्यम उद्योग क्षेत्राला आत्मनिर्भर बनण्यास मदत होणार. मुबलक संसाधने, उत्तम तंत्रज्ञान आणि कच्च्या मालामुळे भारत लवकरच सर्व क्षेत्रांमध्ये आत्मनिर्भर बनण्यास मदत होणार.
रेशन कार्डाच्या नियमामध्ये बदल.

🔰केंद्र सरकारनं रेशन कार्डसंबंधी एका नियमात बदल केला आहे. सरकारच्या या निर्णयाचा फायदा कोट्यवधी लाभार्थ्यांना मिळण्याची शक्यता आहे.

🔰रेशन कार्डाला आधार क्रमांकाशी जोडण्याची अंतिम तारीख पुढे ढकलण्याचा निर्णय सरकारनं घेतला आहे.

🔰आता सप्टेंबरपर्यंत रेशन कार्डाला आधार क्रमांकाला जोण्याची मुदत वाढवण्यात आली आहे. सोमवारी सरकारनं यासंदर्भातील निर्णय जाहीर केला.

🔰तसंच आधार क्रमांक जोडला नसेल तरी रेशन कार्डधारकाला धान्य मिळत राहणार असल्याचंही सरकारनं सांगितलं.

🔰रेशन कार्डाला आधार क्रमांक न जोडल्यास रेशन कार्ड रद्द करण्यात येण्याच्या वृत्तावर स्पष्टीकरण देताना सरकारनं ही माहिती दिली.

🔰सरकारनं आता आधार क्रमांक रेशन कार्डाला जोडण्याची मुदत 30 सप्टेंबरपर्यंत वाढवली आहे.
🌺🌺विद्यार्थ्यांच्या परीक्षेसंदर्भातील शंका निरसनासाठी विद्यापीठाची हेल्पलाईन.🌺🌺

🔰मुंबई विद्यापीठाकडून कोविड – 19 च्या पार्श्वभूमीवर विद्यापीठाच्या परीक्षा व पुढील वर्गातील प्रवेशासंदर्भात विद्यार्थ्यांसाठी हेल्पलाईन क्रमांक व ईमेल सुविधा सुरु केली आहे.

🔰विद्यार्थी या हेल्पलाईन क्रमांकावर व ईमेलवर संपर्क साधून परीक्षा व पुढील वर्गातील प्रवेशासंदर्भात मार्गदर्शन घेऊ शकणार आहेत.

🔰विद्यापीठ अनुदान आयोग (युजीसी ) व राज्य शासनाच्या उच्च व तंत्रशिक्षण विभागाच्या निर्देशानुसार मुंबई विद्यापीठाने ही हेल्पलाईन आणि ई मेल सेवा सुरु केली आहे.
🌺🌺17 वर्षांखालील फुटबॉल विश्वचषक भारतातच.🌺🌺

🔰कोरोनामुळे स्थगित करण्यात आलेले 17 वर्षांखालील महिला फुटबॉल विश्वचषकाचे आयोजन पुढीलवर्षी 17 फेब्रुवारी ते 7 मार्च या कालावधीत भारतातच होईल, असे फिफाने मंगळवारी स्पष्ट केले.तर कोरोनामुळे निर्माण झालेल्या परिस्थितीचा आढावा घेतल्यानंतर हा निर्णय घेतला.

🔰तसेच आधी या स्पर्धेचे आयोजन 2 ते 21 नोव्हेंबर या कालावधीत होणार होते.
जगभरात कोरोनामुळे लॉकडाऊन होताच मागच्या महिन्यात स्पर्धा स्थगित करण्यात आली होती.

🔰तर या स्पर्धेचे मूळ पात्रता नियम कायम राहणार असून एक जानेवारी 2003 किंवा त्यानंतर ते 31 डिसेंबर 2005 पूर्वी जन्मलेले खेळाडू विश्वचषकात सहभागी होऊ शकतील.
🍀🍀 एप्रिल 2020 मध्ये खतांच्या विक्रीत 71 टक्के वाढ झाली: राष्ट्रीय खते मर्यादित🍀🍀

📌 रसायन व खते मंत्रालयाच्या अंतर्गत येणाऱ्या राष्ट्रीय खते मर्यादित (NFL) या सार्वजनिक क्षेत्रातल्या उपक्रमाने एप्रिल 2020 मध्ये खत विक्रीत 71 टक्के वाढ नोंदवली आहे.

📌 एप्रिलमध्ये कोविड-19 लॉकडाऊनमुळे देशात कडक निर्बंध असूनही कंपनीने गेल्या वर्षीच्या याच कालावधीतल्या 2.12 लक्ष मेट्रिक टनच्या तुलनेत एप्रिल 2020 मध्ये 3.62 लक्ष मेट्रिक टन खत विक्री नोंदवली.

📌 NFL पंजाबमध्ये नांगल आणि भटिंडा, हरयाणामध्ये पानिपत आणि मध्यप्रदेशात विजापूर येथे दोन अशा एकूण पाच कारखान्यांमध्ये यूरियाची निर्मिती करते. यूरियाची उत्पादन क्षमता 35.68 लक्ष मे. टन इतकी आहे. या सर्व उत्पादनांसह कंपनीने 2019-20 या आर्थिक वर्षात 57 लक्ष मेट्रिक टन इतकी सर्वाधिक विक्री सलग पाचव्यांदा नोंदवली.

▪️राष्ट्रीय खते मर्यादित (NFL)

📌 राष्ट्रीय खते मर्यादित (NFL) ही एक मिनीरत्न कंपनी असून त्याचे मुख्यालय नवी दिल्लीत आहे. या कंपनीची 23 ऑगस्ट 1974 रोजी झाली. ही कंपनी संपूर्णपणे सरकारी मालकीची आहे आणि ते औद्योगिक रसायनांसह सेंद्रिय व रासायनिक खतांचे उत्पादन करते.

📌 कंपनीचे ‘किसान’ म्हणून ब्रँड बाजारात प्रसिद्ध आहे. तसेच ‘किसान बीज’ या ब्रँड नावाखाली विक्रीसाठी प्रमाणित बियाणे देखील तयार करते.
🟪स्थानिक उत्पादनांना मदतीचा हात देण्यासाठी केव्हीआयसी आली पुढे.

❇️खादी आणि ग्रामोद्योग आयोग (केव्हीआयसी) पंतप्रधान नरेंद्र मोदी यांच्या ‘व्होकल फॉर लोकल’ आवाहनासाठी आणि भविष्यात त्याला ‘जागतिक’ स्तरावर नेण्यासाठी सज्ज झाले आहे.

❇️ पंतप्रधानांनी स्थानिक उत्पादनांना प्रोत्साहन देण्याचे आवाहन केल्यानंतर लगेच दुसऱ्या दिवशी केव्हीआयसी ने पीएमईजीपी कार्यक्रमांतर्गत, प्रकल्पांची अंमलबजावणी वेगाने व्हावी यासाठी अनेक मार्गदर्शक तत्वे जारी केली आहेत.
केव्हीआयसीचे अध्यक्ष विनय कुमार सक्सेना यांनी आज संबंधित संस्थांना पीएमईजीपी अंतर्गत प्राप्त अर्जांची छाननी करून ते अर्ज 26 दिवसांच्या आत निधी वितरण करण्यासाठी बँकांकडे पाठवण्याचे आदेश दिले.

❇️त्यांनी हा कालवधी 15 दिवसांपर्यंत आणण्याचे देखील आदेश दिले. प्रस्ताव तयार करण्यासाठी अर्जदाराला मार्गदर्शन करणे आणि कर्ज मंजूर होईपर्यंत त्याला मदत करणे हे  अंमलबजावणी करणाऱ्या संस्थेसाठी बंधनकारक असेल.

❇️लवकरात लवकर कर्ज मंजूर करून घेण्यासाठी सर्व संस्था बँकासोबत पाठपुरावा करतील.सुधारित मार्गदर्शक तत्त्वांनुसार, केव्हीआयसीचे मुंबई येतील निरीक्षण कक्ष दररोज अर्जाच्या प्रक्रियेवर लक्ष ठेवेल आणि आणि दर पंधरवड्याला अंमलबजावणी संस्थेला आपला अभिप्राय कळवेल. यानंतर प्रगती अहवाल केव्हीआयसीचे मुख्य कार्यकारी अधिकारी आणि अध्यक्षां समक्ष ठेवला जाईल.

❇️सक्सेना म्हणाले की, पंतप्रधानांनी स्थानिक उत्पादनांना प्रोत्साहन देण्याचे आवाहन केल्यानंतर ही  सुधारित मार्गदर्शक तत्वे जारी करण्यात आली आहेत. “पंतप्रधानांनी म्हंटल्याप्रमाणे ‘आत्मनिर्भर’ हा आता मंत्र झाला आहे. पीएमईजीपी अंतर्गत, प्रक्रिया सुलभ केल्यानंतर  स्थानिक उत्पादन वाढीस अधिक वेग येईल. हे कमी कालावधीत अधिकाधिक रोजगार निर्मितीची खात्री देईल” असे सक्सेना म्हणाले.

❇️खादी आणि ग्रामोद्योगाचे स्थानिक ते जागतिक स्तरावर परिवर्तन हे इतर स्थानिक उद्योग आणि उपक्रमांसाठी अध्ययनाचा विषय असेल. “नोडल संस्था म्हणून पीएमईजीपी अंतर्गत येणाऱ्या प्रकल्पांना मदतीचा हात देण्यासाठी केव्हीआयसी वचनबद्ध आहे” असेही ते म्हणाले.

❇️स्थानिक उत्पादनाला प्रोत्साहन देण्यासाठी प्रत्येक जिल्ह्यात किमान प्रत्येक एका युनिट मध्ये एन 95 मास्क, व्हेंटिलेटर किंवा त्याच्याशी संबधित उपकरणे, वैद्यकीय कर्मचाऱ्यांसाठी पीपीई कीट, सॅनिटायझर्स / लिक्विड हँड वॉश, थर्मल स्कॅनर तसेच अगरबत्ती आणि साबण यांचे उत्पादन घेतले जाईल असा निर्णय घेण्यात आला आहे. देशातील सध्याच्या कोविड-19 च्या परिस्थितीमुळे वाढती मागणी पूर्ण करण्यासाठी हा निर्णय घेण्यात आला आहे.

❇️सुधारित मार्गदर्शक तत्वांनुसार अंमलबजावणी करणार्‍या संस्थांनी छाननीच्या वेळी अर्जदाराला 100 पैकी किमान 60 गुण मिळाले आहेत याची खात्री करुन घ्यावी. त्याचप्रमाणे बँक स्तरावर अर्ज नामंजूर होण्याचे प्रणाम कमी करण्यासाठी कच्च्या मालाची उपलब्धता, मनुष्यबळ, वाहतुकीची सुविधा आणि वीज यासारख्या तांत्रिक व्यवहार्यतेची तपासणी करणे आवश्यक आहे.

❇️त्याचप्रमाणे अंमलबजावणी संस्था बाजार अध्ययन, प्रस्तावित उत्पादनांच्या मागणीचे मूल्यांकन, परिसरातील समान प्रकल्प आणि बाजाराची धोरण देखील तपासतील. प्रस्ताव निवडलेल्या बँकेच्या अखत्यारीतच येईल हे अंमलबजावणी संस्था सुनिश्चित करेल.
🟪वंदे भारत मिशन अंतर्गत 7 मे 2020 पासून आतापर्यंत 43 विमानांमधून 8503 भारतीय मायदेशी परतले
 
🍁वंदे भारत मिशन अंतर्गत 7 मे 2020 पासून मागील 6 दिवसांमध्ये एअर इंडिया आणि एअर इंडिया एक्सप्रेसच्या 43 इनबाउंड विमानांमधून 8503 भारतीयांना मायदेशी आणण्यात आले आहे. 

🍁भारत सरकारने दिनांक 7 मे 2020 पासून सुरु केलेले वंदे भारत मिशन हे परदेशातील आपल्या नागरिकांना मायदेशी परत आणण्यासाठी सुरु केलेले आतापर्यंतचे सर्वात मोठे अभियान आहे. या मिशन अंतर्गत नागरी उड्डाण मंत्रालय परदेश व्यवहार मंत्रालय आणि राज्य सरकारांसोबत समन्वय साधून भारतीयांना मायदेशी आणण्याचे कार्य करत आहे.

🍁एअर इंडियाने आपल्या सहायक कंपनी एअर इंडिया एक्सप्रेस सोबत एकूण 64 विमान फेऱ्यात (एअर इंडियाच्या 42 आणि एअर इंडिया एक्सप्रेसच्या 24) अमेरिका, ब्रिटन, बांग्लादेश, सिंगापूर, सौदी अरेबिया, कुवैत, फिलिपाईन्स, संयुक्त अरब अमिराती आणि मलेशिया अशा 12 देशांमधून पहिल्या टप्प्यात 14,800 भारतीयांना मायदेशी परत आणले आहे. 

🍁परदेशातून भारतीयांना मायदेशी परत आणण्यासाठी सुरु केलेल्या या सर्वात मोठ्या अभियानाच्या प्रत्येक टप्प्यावर सरकार आणि डीजीसीए ने निश्चित केलेल्या सुरक्षेच्या आणि स्वच्छतेच्या सर्व शिष्टाचारांचे काटेकोरपणे पालन केले जाते. एमओसीए, एएआय आणि एअर इंडिया या संदेदानशील वैद्यकीय मोहिमेतील प्रवासी, चालक दल, विमानतळावरील कर्मचारी यांच्या सुरक्षेला सर्वोच्च प्राधान्य देत आहेत. 
सरकारच्या मार्गदर्शक सूचनांच्या अनुषंगाने सावधगिरी बाळगत काटेकोर सुरक्षा व्यवस्था केली जात आहे.