MPSC SIMPLIFIED(official)
34.4K subscribers
34.8K photos
52 videos
3.69K files
9.49K links
simplified चा टेलिग्राम ग्रुप
(आपल्या मित्रांना जॉईन करा)

+ सिम्प्लिफाइड स्टडी
+newspaper सिम्प्लिफाइड
+job सिम्प्लिफाइड
+daily चालू घडामोडी टेस्ट
+अभ्यास आधारित टेस्ट


https://telegram.me/mpscsimplified
Download Telegram
Forwarded from MPSC Mantra (Balaji Surne)
#CurrentAffairs #PIN
» महान हॉकीपटू बलबीर सिंग यांचे निधन

Join » @MpscMantra
Forwarded from Simplified Publication abhijit Thorbole
◼️👆Sample Copy👆

◼️सिम्प्लिफाईड
❇️COMBINE सराव प्रश्नसंच
"गट 'ब' व गट 'क' परीक्षा"
MPSC / PSI/STI/ASO/, Exci SI/CL-Ty/TaxAsst / सरळसेवा / सह आगामी होणाऱ्या मेगाभरती साठी उपयुक्त

www.simplifiedpublication.in
Forwarded from Simplified Publication abhijit Thorbole
Simplified Combine Que. Set Sample Copy.pdf
2.9 MB
Forwarded from MPSC Mantra (Simplified Publication abhijit Thorbole)
Simplified Year Book Sample Copy.pdf
13.8 MB
🟪भारताच्या ‘मँगो मॅन’चा करोना योद्ध्यांना अनोखा सलाम.

🎖भारताचे मँगो मॅन म्हणून ओळखल्या जाणाऱ्या हाजी कलीमुल्लाह खान यांनीही अगदी हटके पद्धतीने या कोवीड योद्ध्यांना समाल केला आहे.

🎖तर आंब्याच्या वेगवेगळे वाण विकसित करण्यासाठी पद्मश्री पुरस्कार मिळाले्या खान यांनी नुकत्याच दोन नवीन वाण तयार केले आहे.

🎖तसेच हे दोन्ही वाण त्यांनी कोवीड योद्ध्यांना समर्पित करत एका वाणाचे नाव ‘डॉक्टर आंबा’ तर दुसऱ्याचे ‘पोलीस आंबा’ असं ठेवलं आहे.

🎖बायगत शेतीचे तज्ज्ञ असणाऱ्या खान हे कलम करण्याच्या तंत्रज्ञानाच्या मदतीतून आठ एकर जमिनीमध्ये 1600 वेगवेगळ्या प्रकारच्या आंब्याच्या वाणांचे उत्पादन घेतात.

🎖उत्तर प्रदेशमधील महिलाबाद येथे खान कुटुंबाच्या 20 एकर जमिनीवर आंब्याच्या बागा आहेत. त्यापैकी 8 एकरावर कलीमुल्लाह हे आंब्याची नवीन नवीन कलम तयार करुन प्रयोग करत असतात.

🎖तर त्यांनी कलम करण्याच्या तंत्रज्ञानाच्या माध्यमातून म्हणजेच ग्राफ्टींगच्या माध्यमातून एकाच झाडावर 300 प्रकराच्या आंब्यांचे उत्पादन घेतलं होतं.

🎖तसेच आंबा संशोधन आणि बागायती शेतीमधील प्रयोगशिलतेसाठी त्यांना 2008 साली भारत सरकारने पद्मश्री पुरस्कार देऊन सन्मानित केलं होतं.
जैवविविधतेच्या संवर्धनासाठी भारत सरकारचे पाच नवे उपक्रम

22 मे 2020 रोजी पाळल्या गेलेल्या आंतरराष्ट्रीय जैविक विविधता दिनाचे औचित्य साधून केंद्रीय पर्यावरण, वन आणि हवामान बदल मंत्री प्रकाश जावडेकर यांच्या हस्ते जैवविविधतेच्या संवर्धनासाठी पाच महत्त्वाच्या उपक्रमाचा शुभारंभ करण्यात आला.

हे उपक्रम पुढीलप्रमाणे आहेत -

🔸राष्ट्रीय जैवविविधता प्राधिकरण (NBA) आणि संयुक्त राष्ट्रसंघ विकास कार्यक्रम (UNDP) यांचा जैवविविधता संरक्षण इंटर्नशिप कार्यक्रम – या कार्यक्रमात एका वर्षाच्या कालावधीसाठी पदव्युत्तर पदवी प्राप्त 20 विद्यार्थ्यांची निवड केली जाणार आहे. नैसर्गिक स्त्रोत व्यवस्थापन आणि जैवविविधता संवर्धन याबाबत शिक्षण/प्रशिक्षण आणि विविध राज्ये आणि केंद्रशासित प्रदेशांमध्ये चाललेल्या राष्ट्रीय जैवविविधता प्राधिकरण (NBA) यांच्या उपक्रमांमध्ये त्यानं गुंतविले जाणार. तसेच ते राज्य जैवविविधता मंडळांना तांत्रिक मदत पुरविणार.

🔸'नॉट ऑल अॅनिमल्स मायग्रेट बाय चॉइस' मोहीम - संयुक्त राष्ट्रसंघ पर्यावरण कार्यक्रम (UNEP) यांच्या सहकार्याने वन्यजीव गुन्हे नियंत्रण विभाग (WCCB) यांची लुप्तप्राय प्रजातींची बेकायदेशीर तस्करी रोखण्यासाठी एक जनजागृती मोहीम आहे. वन्यजीवांच्या अवैध व्यापारात धोकादायक साथीचे रोग पसरण्याचा धोका असतो.

🔸‘जैवविविधता संवर्धन आणि जैविक विविधता अधिनियम-2002’ विषयक एक ऑनलाइन परिसंवाद (वेबिनार) मालिका

🔸WWF मॉडेल कॉन्फरन्स ऑफ पार्टीज (MCoP) – हा जैवविविधतेच्या संभाषणात तरुण पिढीचा सहभाग समाविष्ट असलेला WWF इंडिया याचा नवा उपक्रम आहे. जैवविविधता संवर्धनाविषयी पाऊले उचलण्यास विचारविमर्श करण्यासाठी तरुणाईला एकत्र आणणे आणि त्याना एक व्यासपीठ उपलब्ध करून देणे हा या कार्यक्रमाचा हेतू आहे.

🔸मनुष्यप्राणी प्रजातीसाठी नैसर्गिकरीत्या नि:शुल्क उपलब्ध असलेल्या पर्यावरणीय सेवांच्या माध्यमातून निसर्गाच्या महत्त्वपूर्ण भूमिकेवर प्रकाश टाकण्यासाठी ‘वर्ल्ड वाइल्डलाइफ फंड’ (WWF) या संस्थेचे पाठबळ असलेली एक जनजागृती मोहीम
व्यक्ती विशेष :मेजर गुरुदयाल सिंह जलानवालिया (निवृत्त)

दुसऱ्या महायुद्धासह चार युद्धांत सहभागी होऊन, शत्रूवर तोफखान्याचा अचूक भडिमार करणारे सर्वात ज्येष्ठ ‘गनर’ मेजर गुरुदयाल सिंह जलानवालिया (निवृत्त) यांचे नुकतेच निधन झाले. १०२ वर्षांच्या या योद्धय़ाला लष्करप्रमुखांसह तोफखाना दलाने आदरांजली अर्पण केली. लष्करी सेवेत प्रत्यक्ष युद्धात सहभागी होण्याची संधी मिळणे म्हणजे अधिकारी आणि जवानांसाठी अभिमानास्पद बाब. धाडस, कौशल्य आणि नेतृत्व सिद्ध करण्यास पुरेपूर वाव असणारी हीच संधी असते. मेजर गुरुदयाल सिंह यांना ती संधी पुरेपूर लाभली. लष्करी सेवा अन् युद्धात पारंगत होण्याचे बाळकडू त्यांना घरातून मिळाले. त्यांचे वडील ‘ब्रिटिश इंडियन आर्मी’त कार्यरत होते. पहिल्या महायुद्धात ते मेसोपोटोमिया येथे कार्यरत होते. गुरुदयाल सिंह यांचा जन्म २१ ऑगस्ट १९१७ रोजी लुधियानातील हरनामपुरा या गावात झाला. वडिलांच्या पावलावर पाऊल ठेवत त्यांनी लष्करी सेवेची वाट निवडली. जालंदरच्या ‘रॉयल इंडियन मिल्रिटी स्कूल’मधून ते उत्तीर्ण झाले. १९३५ मध्ये उत्तुंग पर्वतीय क्षेत्रातील तोफखान्याचे खास प्रशिक्षण घेऊन, अबोटाबाद (आता पाकिस्तानात) येथील ‘१४ राजपुताना माऊंटन बॅटरी’त ते दाखल झाले. अल्पावधीत त्यांची कॅम्बेलपूर (आता पाकिस्तानात) येथे बदली झाली. दुसऱ्या महायुद्धाच्या काळात सिंह यांच्या तुकडीला जपानी सैन्याशी लढण्यासाठी बर्मात (आताचे म्यानमार) पाठविण्यात आले. बंगळूरुहून रस्तेमार्गाने मजल-दरमजल करीत त्यांची तुकडी बर्मात पोहोचली. तिथे जपानी जवानाच्या गोळीबारात ते जखमी झाले. त्यांच्या सहकाऱ्यांनी तात्काळ चोख प्रत्युत्तर देत जपानी सैनिकांना गारद केले. बरे झाल्यानंतर सिंह हे देशाच्या स्वातंत्र्यावेळी जम्मू-काश्मीरच्या आघाडीवर तैनात झाले. १९४७ आणि १९४८ या काळात जम्मू-काश्मीरमधील चकमकींत त्यांनी मोलाचे योगदान दिले. नौशेरा भागात घुसखोरांना रोखण्याची जबाबदारी सांभाळली. १९६५ मधील भारत-पाकिस्तान युद्धात मेजर सिंह हे अमृतसर क्षेत्रात गनर अधिकारी म्हणून तैनात होते. १९६७ च्या सुमारास लष्करातून ते निवृत्त झाले. तोफखाना हे लष्कराचे महत्त्वाचे उपदल. समोरासमोरील लढाईआधीच शत्रूला नामोहरम करण्याची त्याची क्षमता आहे. सिंह यांनी प्रदीर्घ काळ ते काम केले. लष्करी सेवेचा वारसा त्यांच्या कुटुंबानेही जपला. त्यांचे दोन्ही मुलगे सैन्यदलातून निवृत्त झाले, त्यांनी कारगिल युद्धात सहभाग घेतला होता. कुटुंबातील चौथी पिढी म्हणजे सिंह यांचा नातूदेखील लष्करी अधिकारी आहे! वेगवेगळ्या युद्धक्षेत्रांत मेजर गुरुदयाल सिंह यांची विलक्षण कामगिरी सैन्यदलातील प्रत्येकास नेहमीच लढण्याची प्रेरणा देईल.
IIT मद्रास संस्थेच्या संशोधकांनी ‘सोलर पॅराबोलिक ट्रॉफ कलेक्टर’ विकसित केले.

🔰मद्रास (किंवा चेन्नई) येथील भारतीय तंत्रज्ञान संस्थेच्या संशोधकांनी अधिक कार्यक्षमतेनी कार्य करणारे कमी किंमतीचे ‘सोलर पॅराबोलिक ट्रॉफ कलेक्टर’ (PTC) प्रणाली विकसित केली आहे. यांत्रिकी अभियांत्रिकी विभागाचे प्रा. के. श्रीनिवास रेड्डी यांच्या नेतृत्वात हे संशोधन केले गेले.

🔴ठळक वैशिष्ट्ये..

🔰ही प्रणाली डिसॅलिनेशन, स्पेस हिटिंग आणि स्पेस कूलिंग यासारख्या क्षेत्रात औद्योगिक वापरासाठी वापरली जाते.
हे उपकरण वजनानी हलके आणि भारतीय हवामानाच्या परिस्थितीत उच्च ऊर्जा कार्यक्षमता असलेले आहे. उष्णता अनुप्रयोगांचा समावेश असलेल्या विविध प्रणालीमध्ये या उपकरणाचा उपयोग केला जाऊ शकतो.हे संशोधन सौर ऊर्जेच्या उत्पादकांना आणि संशोधकांना उच्च कार्यक्षमतेसह विविध उपकरणे बनविण्यात मदत करू शकते.

🔰राष्ट्रीय सौर अभियानाच्या अंतर्गत भारत सरकारद्वारे 2022 सालापर्यंत सौरऊर्जेद्वारे 20 हजार मेगावॅट वीज निर्मितीचे उद्दीष्ट ठेवण्यात आले आहे. हा टप्पा गाठण्यासाठी यासारखे संशोधन महत्त्वाचे ठरू शकते.पॅराबोलिक ट्रॉफ कलेक्टर (PTC) विषयी

🔰‘पॅराबोलिक ट्रॉफ कलेक्टर’ (PTC) प्रणालीमध्ये या प्रणालीमध्ये एक रिफ्लेक्टर, एक रिसीव्हर आणि त्यांना उभे धरून ठेवणारी संरचना तसेच एक ट्रॅकिंग एकक असते. रिफ्लेक्टरवर पडणारे सूर्यकिरण परावर्तित होऊन ते सर्व रिसीव्हर संचावर केंद्रित केले जातात. एकाच ठिकाणी सूर्यकिरण जमा झाल्यामुळे त्याठिकाणी अत्याधिक उष्मा तयार होते. ती उष्मा पाण्याची वाफ करण्यासाठी वापरली जाते आणि वाफ पुढे टर्बाइन आणि जनरेटर चालविण्यासाठी वापरली जाते आणि त्यापासून वीज निर्मिती होते.
🟪कोरोना लसीच्या माणसांवरील चाचणीचा पहिला टप्पा यशस्वी.

💉कोविड-19 विषाणूवर प्रतिबंधक लस बनविण्यासाठी माणसांवर सुरू असलेल्या चाचण्यांच्या पहिल्या टप्प्यात त्या लसीने शरीरातील रोगप्रतिकारशक्ती वाढविण्यास मदत केल्याचे आढळून आले आहे.
तर या पहिल्या टप्प्यातील चाचण्या अतिशय सुरक्षित पद्धतीने पार पडल्या आहे.

💉प्रायोगिक तत्त्वावर बनविलेली कोरोना प्रतिबंधक लस 108 जणांना टोचण्यात आली. त्यामुळे त्यांच्यातील रोगप्रतिकारशक्ती वाढून कोरोना विषाणूच्या संसर्गाचा जोर कमी झाल्याचे आढळून आले.तसेच या संशोधनात बीजिंग इन्स्टिट्यूट आॅफ बायोटेक्नॉलॉजीचे शास्त्रज्ञही सहभागी झाले आहेत.

💉या लसीचे माणसांवर किमान सहा महिने प्रयोग केल्यानंतर जे निष्कर्ष हाती येतील, ते सर्वात महत्त्वाचे आहेत. त्यावरून ही लस खरंच किती परिणामकारक आहे हे कळू शकेल.
🟪चिंताजनक! करोना रुग्णांच्या यादीत भारत १० व्या क्रमांकावर.

भारतात करोनाचा प्रादुर्भाव रोखण्यात अद्याप यश आलेलं नसून रुग्णांची संख्या दिवसेंदिवस वाढत आहे. रविवारी भारताने इराणला मागे टाकलं असून करोनाचा सर्वाधिक फटका बसलेल्या देशांच्या यादीत १० व्या क्रमांकावर पोहोचला आहे. गेल्या २४ तासात भारतात ६५६६ नव्या रुग्णांची नोंद झाली आहे. आतापर्यंत एका दिवसात मिळालेले हे सर्वाधिक रुग्ण आहेत. तर १५३ मृत्यूंची नोंद झाली आहे.

भारतातील करोनाबाधित रुग्णांची एकूण संख्या १ लाख ३७ हजार इतकी झाली आहे. तर मृतांची संख्या चार हजारावर पोहोचली आहे. यामुळे अमेरिका, रशिया, स्पेन, ब्राझील, इंग्लंड, इटली, फ्रान्स, जर्मनी, तुर्कस्थान नंतर आता १० व्या क्रमांकावर भारत पोहोचला आहे.

भारतात सध्या ७५ हजार ७०० करोनाचे अॅक्टिव्ह रुग्ण आहेत. अॅक्टिव्ह रुग्णांच्या आकडेवारीत भारत अमेरिका, रशिया, ब्राझिल आणि फ्रान्सनंतर पाचव्या क्रमांकावर आहे. जगभरात सध्या करोनाचे एकूण २८ लाख अॅक्टिव्ह रुग्ण असून एकट्या अमेरिकेत ही संख्या ११ लाख आहे.
🟪देशांतर्गत विमान सेवा

➡️टाळेबंदीमुळे जवळपास दोन महिन्यांपासून बंद असलेली देशांतर्गत विमान सेवा सोमवारपासून सुरू होणार असून मुंबई विमानतळावरूनही दररोज 50 विमानांची ये-जा होणार आहे.मात्र, महाराष्ट्रासह अनेक राज्यांनी विमान प्रवाशांबाबत स्वत:ची नियमावली व अटी घातल्याने या सेवेबाबत प्रवाशांमध्ये संभ्रमाचे वातावरण आहे.

➡️केंद्र सरकारने 25 मेपासून देशांतर्गत विमान सेवा सुरू करण्याची घोषणा केल्यापासूनच महाराष्ट्र, पश्चिम बंगाल आणि तमिळनाडू या राज्यांनी त्याला विरोध केला आहे.

➡️तर महाराष्ट्रातील मुंबई, नागपूर, पुणे आणि औरंगाबाद ही विमानतळांची शहरे ही लाल क्षेत्रांत असल्याने तसेच मुंबईत प्रवासी वाहतूक बंद असल्याने प्रवासी विमान सेवा सुरू करू नये, अशी आग्रही मागणी राज्य सरकारच्या वतीने करण्यात आली होती.

➡️देशांतर्गत आणि आंतरराष्ट्रीय विमान वाहतुकीसंदर्भात केंद्र सरकारने रविवारी नियमावली जाहीर केली आहे. मात्र, त्याच वेळी अलगीकरणासंदर्भात राज्यांना स्वतंत्र नियमावली आखण्याची परवानगी देण्यात आली आहे.

➡️तसेच विविध राज्य सरकारांनीही त्यानुसार नियमावली जाहीर केली आहे. मात्र, या नियमावलींमध्ये एकवाक्यता नसल्यामुळे प्रवाशांना अडचणींना तोंड द्यावे लागणार आहे.
🟪शेतकऱ्यांना खरिपासाठी कर्जपुरवठ्यास बँका तयार.

🧲जिल्ह्यातील शेतकऱ्यांकडून यंदा 65 हजार 909 हेक्टरवर खरीप हंगाम घेतला जाणार आहे.

🧲कोरोनाच्या संकटाचा परिणाम खरिपाच्या उत्पादनावर होऊ नये, शेतकºयांची आर्थिक कुचंबणा होऊ नये, यासाठी शेतकºयांना पतपुरवठ्याच्या नावाखाली 166 कोटी 79 लाख रुपये कर्जपुरवठा करण्याचे नियोजन बँकांनी केले आहे.

🧲तर यापैकी आतापर्यंत पाच कोटींचे वाटप झाले, असे जिल्हा कृषी अधीक्षक अंकुश माने यांनी निदर्शनास आणून दिले.
यंदाच्या हंगामात हेक्टरी सरासरी भाताचे 26 क्विंटल, नागलीचे 12 क्विंटल, कडधान्य, तृणधान्य अनुक्रमे सहा क्विंटल आदी भरघोस उत्पादन घेण्यासाठी कृषी विभागाने जोरदार प्रयत्न सुरू केले आहेत.

🧲तसेच यामध्ये सार्वजनिक बँकांकडून 52 कोटी 50 लाखांचा पत (कर्ज) पुरवठा केला जाणार आहे. खाजगी बँकांकडून २0 कोटी नऊ लाख, ग्रामीण बँका चार कोटी २0 लाख आणि सर्वाधिक ९0 कोटी रुपयांचा पतपुरवठा सहकारी बँकांकडून केला जाणार आहे.
🟪मिझोरम सरकारने ‘क्रिडा’ क्षेत्राला ‘औद्योगिक’ हा दर्जा दिला.

‼️क्रिडाविषयक क्रियाकलापांना अधिक चालना देण्याच्या उद्देशाने गुंतवणूक आकर्षित करण्यासाठी मिझोरम सरकारने ‘क्रिडा’ क्षेत्राला ‘औद्योगिक’ हा दर्जा देण्याची घोषणा केली आहे. अशी घोषणा करणारे हे देशातले पहिले राज्य आहे.

‼️या निर्णयामुळे अनुदान, बँकिंग सुविधांसह सर्व औद्योगिक फायदे आता क्रिडाक्षेत्रासाठी वाढविण्यात येणार. त्यामुळे या क्षेत्रात रोजगार निर्मितीला चालना मिळणार.

‼️मिझोरम सरकार नवीन औद्योगिक धोरण आखत आहे, त्यानुसार क्रिडाक्षेत्रालाही बरेच फायदे मिळतील. राज्यातही क्रिडा धोरण चांगले आहे.

‼️ईशान्य भारतातल्या आठ राज्यांपैकी मिझोरमने अनेक खेळात वर्चस्व गाठले आहे. आज या राज्याचे नाव फुटबॉल, हॉकी, भारोत्तोलन अश्या विविध आघाडीच्या क्रिडाप्रकारांमध्ये समोर येते. मिझोरममध्ये फुटबॉल, हॉकी, कुस्ती, स्टिक फाइटिंग, इन्सुकनावरा, कलछेत काल, इनारपठई अशा अनेक देशी खेळ देखील आहेत.

🔷मिझोरम राज्य...

‼️मिझोरम हे भारताच्या ईशान्य भागातले एक राज्य आहे. मिझोरमच्या उत्तरेस आसाम, ईशान्येस मणीपूर, पश्चिमेस त्रिपुरा ही राज्ये तर पूर्वेस व दक्षिणेस म्यानमार व पश्चिमेस बांगलादेश हे देश आहेत.

‼️मिझोरम राज्याची स्थापना 20 फेब्रुवारी 1987 रोजी आसाम राज्याला विभागून केली गेली. ऐझॉल ही मिझोरमची राजधानी आहे. मिझो व इंग्रजी nnया राज्यातल्या प्रमुख भाषा आहेत.
🔰🔰माजी शरीरसौष्ठवपटू सत्यवान कदम कालवश.🔰🔰

👇👇👇👇👇👇👇👇👇👇👇

🔺अनेक शरीरसौष्ठवपटू घडविणारे तसेच मुंबई आणि महाराष्ट्रातील शरीरसौष्ठवाचे खरे राजदूत समजले जाणारे सत्यवान (भाई) कदम यांचे रविवारी वृद्धापकाळाने निधन झाले. ते 81 वर्षांचे होते.

🔺तर शरीरसौष्ठव खेळाचा प्रचार, प्रसार आणि प्रगतीसाठी स्वत:चे आयुष्य वाहून घेणारे भाई कदम हे पीळदार देहयष्टीचे शरीरसौष्ठवपटू होते.

🔺तसेच अनेक राष्ट्रीय स्पर्धामध्ये त्यांनी महाराष्ट्राचे नाव उंचावले. 60च्या दशकात त्यांनी ‘भारत-श्री’चा बहुमान पटकावला होता.