MPSC SIMPLIFIED(official)
34.4K subscribers
34.8K photos
52 videos
3.69K files
9.49K links
simplified चा टेलिग्राम ग्रुप
(आपल्या मित्रांना जॉईन करा)

+ सिम्प्लिफाइड स्टडी
+newspaper सिम्प्लिफाइड
+job सिम्प्लिफाइड
+daily चालू घडामोडी टेस्ट
+अभ्यास आधारित टेस्ट


https://telegram.me/mpscsimplified
Download Telegram
PSI_मुख्य_2010_19_पेपर_1_उत्तरे_टिक_करून_पेपर्स.pdf
13.7 MB
#Mains #मुख्य परीक्षा

😱POLICE SUB INSPACTOR (PSI) मुख्य परीक्षा, पेपर - 1 सन - 2010 ते 2019 उत्तरे टिक करून देत आहोत.

👍नक्की अभ्यासा आणि Save करून ठेवा!!!👌👌👌
PSI_मुख्य_2011_19_पेपर_2_उत्तरे_टिक_करून_पेपर्स.pdf
26 MB
#Mains #मुख्य परीक्षा

😱POLICE SUB INSPACTOR (PSI) मुख्य परीक्षा, पेपर - 2 सन - 2010 ते 2019 उत्तरे टिक करून देत आहोत.

👍नक्की अभ्यासा आणि Save करून ठेवा!!!👌👌👌
STI_मुख्य_2010_19_पेपर_1_उत्तरे_टिक_करून_पेपर्स.pdf
10.6 MB
#Mains #मुख्य परीक्षा

😱SALES TAX INSPECTOR (STI) मुख्य परीक्षा, पेपर - 1 सन - 2011 ते 2019 उत्तरे टिक करून देत आहोत.

👍नक्की अभ्यासा आणि Save करून ठेवा!!!👌👌👌
STI_मुख्य_2010_19_पेपर_2_उत्तरे_टिक_करून_पेपर्स.pdf
19.1 MB
#Mains #मुख्य परीक्षा

😱SALES TAX INSPECTOR (STI) मुख्य परीक्षा, पेपर - 2 सन - 2011 ते 2019 उत्तरे टिक करून देत आहोत.

👍नक्की अभ्यासा आणि Save करून ठेवा!!!👌👌👌
ASO_मुख्य_2011_19_पेपर_1_उत्तरे_टिक_करून_पेपर्स.pdf
14.7 MB
#Mains #मुख्य परीक्षा

😱ASST. SECTION OFFICER मुख्य परीक्षा, पेपर - 1 सन - 2011 ते 2019 उत्तरे टिक करून देत आहोत.

👍नक्की अभ्यासा आणि Save करून ठेवा!!!👌👌👌
ASO_मुख्य_2011_19_पेपर_2_उत्तरे_टिक_करून_पेपर्स.pdf
21 MB
#Mains #मुख्य परीक्षा

😱ASST. SECTION OFFICER मुख्य परीक्षा, पेपर - 2 सन - 2011 ते 2019 उत्तरे टिक करून देत आहोत.

👍नक्की अभ्यासा आणि Save करून ठेवा!!!👌👌👌
🟪अर्थबुडी

🔷करोना आणि टाळेबंदीच्या आरंभीच्या कालावधीत देशाच्या अर्थव्यवस्थेला सर्वाधिक फटका बसला आहे. ठप्प पडलेल्या अर्थव्यवस्थेचा निराशाजनक प्रवास मावळत्या वर्षांपूर्वीच सुरू झाल्याचे शुक्रवारच्या सरकारच्या आकडेवारीवरूनच स्पष्ट झाले.

🔷गेले वित्त वर्ष, २०१९-२० मध्ये भारताचे सकल राष्ट्रीय उत्पादन ४.२ टक्के असे गेल्या तब्बल ११ वर्षांच्या तळातील नोंदले गेले आहे, तर आर्थिक वर्षांच्या शेवटच्या तिमाहीत देशाचा विकास दर घसरून ३.१ टक्के राहिला. करोनाबाधितांची वाढती संख्या समोर येत असताना मार्चच्या शेवटी देशात टाळेबंदीचा पहिला टप्पा लागू झाला. चौथ्यांदा वाढविण्यात आलेला टाळेबंदीचा टप्पा आणखी वाढण्याची भीती आहे.

🔷चालू आर्थिक वर्षांच्या विकासदराबाबत अर्थतज्ज्ञांमध्ये भिन्न मते असली तरी गुंतवणूक आणि वस्तू व सेवेसाठीची ग्राहकांची मागणी रोडावल्याचे शेवटच्या तिमाही तसेच एकू णच गेल्या आर्थिक वर्षांच्या आकडेवारीवरून दिसत आहे. जानेवारी ते मार्च २०१९ या तिमाहीमध्ये देशाचा विकास दर ५.७ टक्के, तर २०१८-१९ आर्थिक वर्षांत ६.१ टक्के होता. यापूर्वी भारतीय अर्थव्यवस्थेने २००८-०९ मध्ये ३.१ टक्के अशी किमान अर्थ हालचाल नोंद केली होती. विशेष म्हणजे हा अमेरिके तील सब प्राइमरूपी जागतिक मंदीचा कालावधी होता.
🟪सर्वाधिक कमाई करणाऱ्या खेळाडूंच्या यादीत विराट एकटा क्रिकेटपटू.

भारतीय क्रिकेट संघाचा कर्णधार विराट कोहलीच्या शिरपेचात आणखी एक मानाचा तुरा रोवला गेला आहे.तर 2020 वर्षात सर्वाधिक कमाई करणाऱ्या फोर्ब्सच्या 100 खेळाडूंच्या यादीत विराट कोहलीला स्थान मिळालं आहे.

तसेच या यादीत विराट कोहली हा एकटाच क्रिकेटपटू आहे. विराटचं वार्षिक उत्पन्न हे 26 Million अमेरिकन डॉलर्स एवढं असून यातील 24 Million अमेरिकन डॉलर्स एवढं उत्पन्न विराटला जाहीरातींमधून मिळतं.

तर महत्वाची गोष्ट म्हणजे 2018 साली जाहीर करण्यात आलेल्या यादीत विराट 83 व्या स्थानावर होता. यानंतर 2019 साली विराटची या यादीत घसरण होऊन ते 100 व्या स्थानावर फेकला गेला होता. मात्र नवीन वर्षात विराटने चांगली कमाी करत थेट 66 व्या स्थानावर झेप घेतली आहे.

क्रिकेट व्यतिरीक्त विराट अनेक ब्रँडच्या जाहीराती करतो. ज्यामध्ये PUMA, Audi India, Hero MotoCorp, Philips India, Himalaya, Vicks, Volini अशा नामांकित ब्रँडचा समावेश आहे.
🟪अमेरिकेने WHO सोबतचे तोडले सर्व संबंध.
✳️सध्या जगभरातल करोनानं थैमान घातलं आहे. अशा परिस्थितीत अनेक देश या संकटाचा सामना करत आहेत.

✳️तरदुसरीकडे या संकटाला चीन जबाबदार असल्याचं म्हणत अमेरिकेचे राष्ट्राध्यक्ष डोनाल्ड ट्रम्प यांनी चीनवर हल्लाबोल केला होता.

✳️तर त्यातच जागतिक आरोग्य संघटना ही चीनच्या हातची बाहुली असल्याचं म्हणत त्यांनी संघटनेसोबत सर्व संबंध तोडण्याचाही इशारा दिला होता.

✳️दरम्यान, शुक्रवारी राष्ट्राध्यक्ष डोनाल्ड ट्रम्प यांनी जागतिक आरोग्य संघटनेसोबत असलेले सर्व संबंध तोडत असल्याची घोषणा केली.

✳️तसेच ट्रम्प यांनी काही दिवसांपूर्वी करोना व्हायरसच्या संकटात योग्यरित्या काम न केल्याचा ठपका ठेवत जागतिक आरोग्य संघटनेचा निधी रोखण्याचा निर्णय घेतला होता.

✳️तर जोवर करोनाचा प्रसार कमी करण्यासाठी जागतिक आरोग्य संघटनेच्या भूमिकेची समिक्षा केली जात नाही तोवर हा निधी थांबवण्यात येणार असल्याचं ट्रम्प म्हणाले होते. तसंच त्यांनी जागति आरोग्य संघटनेतून बाहेर पडण्याचा इशाराही दिला होता.
🟪मुंबईच्या VAMS ग्लोबल कंपनीने जगातले पहिले कॉन्टॅक्टलेस विझिटर मॅनेजमेंट सॉफ्टवेयर विकसित केले.

🎆मुंबईच्या VAMS ग्लोबल या कंपनीने ‘VAMS सेफगार्ड’ या नावाने स्वयंचलित मार्गाने शरीराचे तापमान आणि मास्क यांची तपासणी करणारे जगातले पहिले कृत्रिम बुद्धिमत्ता आधारित ‘कॉन्टॅक्टलेस विझिटर मॅनेजमेंट सॉफ्टवेयर’ विकसित केले आहे.

♟ठळक वैशिष्ट्ये...

🎆शरीराचे तापमान तपासणारे उपकरण आणि कॅमेरा अश्या उपकरणांचा वापर करून कोविड-19 रोगाची लक्षणे असणारी व्यक्ती, व्यक्तीने मास्क घातला आहे किंवा नाही आणि सामाजिक अंतर पाळले जात आहे किंवा नाही अश्या महत्त्वाच्या बाबींवर स्वयंचलित मार्गाने नजर ठेवणारी ही यंत्रणा आहे. ही प्रणाली संपर्कविरहित असल्यामुळे अगदी सुरक्षित आहे.18 इंच अंतरावरुन एखाद्याची माहिती केवळ 3 ते 5 सेकंदात गोळा केली जाऊ शकते.

🎆हे सॉफ्टवेअर व्यवसायिक आणि निवासी इमारती, शैक्षणिक संस्था, उत्पादन केंद्र, वाहतूक आणि मालवाहतूक, आदरतिथ्य आणि औषधीनिर्माण केंद्रांमध्ये वापरण्यासाठी अगदी योग्य आहे, जिथे सुरक्षितता महत्त्वाची ठरते.
🟪छत्तीसगढचे माजी मुख्यमंत्री अजित जोगी यांचे निधन.

छत्तीसगढचे माजी मुख्यमंत्री अजित जोगी यांचं प्रदीर्घ आजाराने निधन झालं. अजित जोगी 74 वर्षांचे होते.

तर राजकारणात येण्यापूर्वी अजित जोगी यांनी सिव्हिल परीक्षा उत्तीर्ण केली होती. तसंच ते तहसीलदार या पदावर कार्यरत होते.

1988 च्या जवळपास त्यांनी काँग्रेसमध्ये प्रवेश केला. मुख्यमंत्रीपदाची धुरा हाती येण्यापूर्वी त्यांनी खासदार म्हणूनही काम केलं आहे.

तसेच छत्तीसगढच्या निर्मितीनंतर त्यांनी 2000-2003 या कालावधीत मुख्यमंत्रीपदाची धुरा हाती घेतली होती.
🟪फेसबुकपाठोपाठ गुगलही भारतीय टेलिकॉम क्षेत्रात घेणार उडी

💢काही दिवसांपूर्वी फेसबुकनं रिलायन्स जिओमध्ये मोठी गुंतवणूक करण्याचा निर्णय घेतला होता. त्यानंतर आणखी काही कंपन्यांनीदेखील जिओमध्ये गुंतवणूक केली होती.

💢तर आता गुगलनंदेखील भारतातील टेलिकॉम क्षेत्रात सर दाखवला आहे. एजीआरच्या ओझ्याखाली दबलेल्या व्होडाफोन आयडिया या कंपनीत गुगल गुंतवणूक करण्याची शक्यता वर्तवण्यात येत आहे.

💢गुगल ही कंपनी व्होडाफोन आयडिया या टेलिकॉम क्षेत्रातील कंपनीचा काही हिस्सा विकत घेण्याची शक्यता वर्तवण्यात येत आहे.तसेच गुगल व्होडाफोन आयडिया या कंपनीतील 5 टक्के हिस्सा खरेदी करण्याची शक्यता आहे.
🟪रिलायन्सने करुन दाखवलं चीनपेक्षा स्वस्त आणि दर्जेदार PPE किट्स.

रिलायन्स इंडस्ट्रीजनं चीनपेक्षा तीन पण कमी किंमतीत ही पीपीई किट्स तयार करण्यास सुरूवात केली आहे. रिलायन्स इंडस्ट्रीजच्या सिल्व्हासा येथील प्रकल्पात दररोज 1 लाख पीपीई किट्स तयार करण्यात येत आहेत.

तर डॉक्टर्स, परिचारिका, अन्य वैद्यकीय कर्मचाऱ्यासोबतच डॉक्टरांनादेखील या पीपीई किट्सची आवश्यकता आहे.
चीनमधून आयात करण्यात येणाऱ्या पीपीई किट्सची किंमत 2 हजार रूपयांपेक्षा अधिक होती.

तर रिलायन्स इंडस्ट्रीजची कंपनी अलोक इंडस्ट्रीजनं तयार केलेल्या पीपीई किट्सची किंमत केवळ 650 रूपये इतकी आहे.
रिलायन्स इंडस्ट्रीजनं करोनाच्या टेस्टिंग किटमध्येही स्वदेशी तंत्रज्ञानाचा वापर केला आहे.

तसेच काऊन्सिल ऑफ सायंटिफिक अँड इंडस्ट्रिअल रिसर्चच्या मदतीनं रिलायन्सनं हे स्वदेशी टेस्टिंग किट तयार केलं आहे.
तर हे किटदेखील चीनच्या टेस्टिंग किट्सपेक्षा अनेक पटींनी स्वस्त असून 45 मिनिटं ते एक तासाच्या आत रुग्णाचा संपूर्ण माहिती मिळते.
जैवविविधतेच्या संवर्धनासाठी भारत सरकारचे पाच नवे उपक्रम

22 मे 2020 रोजी पाळल्या गेलेल्या आंतरराष्ट्रीय जैविक विविधता दिनाचे औचित्य साधून केंद्रीय पर्यावरण, वन आणि हवामान बदल मंत्री प्रकाश जावडेकर यांच्या हस्ते जैवविविधतेच्या संवर्धनासाठी पाच महत्त्वाच्या उपक्रमाचा शुभारंभ करण्यात आला.

हे उपक्रम पुढीलप्रमाणे आहेत -

राष्ट्रीय जैवविविधता प्राधिकरण (NBA) आणि संयुक्त राष्ट्रसंघ विकास कार्यक्रम (UNDP) यांचा जैवविविधता संरक्षण इंटर्नशिप कार्यक्रम – या कार्यक्रमात एका वर्षाच्या कालावधीसाठी पदव्युत्तर पदवी प्राप्त 20 विद्यार्थ्यांची निवड केली जाणार आहे. नैसर्गिक स्त्रोत व्यवस्थापन आणि जैवविविधता संवर्धन याबाबत शिक्षण/प्रशिक्षण आणि विविध राज्ये आणि केंद्रशासित प्रदेशांमध्ये चाललेल्या राष्ट्रीय जैवविविधता प्राधिकरण (NBA) यांच्या उपक्रमांमध्ये त्यानं गुंतविले जाणार. तसेच ते राज्य जैवविविधता मंडळांना तांत्रिक मदत पुरविणार.

'नॉट ऑल अॅनिमल्स मायग्रेट बाय चॉइस' मोहीम - संयुक्त राष्ट्रसंघ पर्यावरण कार्यक्रम (UNEP) यांच्या सहकार्याने वन्यजीव गुन्हे नियंत्रण विभाग (WCCB) यांची लुप्तप्राय प्रजातींची बेकायदेशीर तस्करी रोखण्यासाठी एक जनजागृती मोहीम आहे. वन्यजीवांच्या अवैध व्यापारात धोकादायक साथीचे रोग पसरण्याचा धोका असतो.

‘जैवविविधता संवर्धन आणि जैविक विविधता अधिनियम-2002’ विषयक एक ऑनलाइन परिसंवाद (वेबिनार) मालिका

WWF मॉडेल कॉन्फरन्स ऑफ पार्टीज (MCoP) – हा जैवविविधतेच्या संभाषणात तरुण पिढीचा सहभाग समाविष्ट असलेला WWF इंडिया याचा नवा उपक्रम आहे. जैवविविधता संवर्धनाविषयी पाऊले उचलण्यास विचारविमर्श करण्यासाठी तरुणाईला एकत्र आणणे आणि त्याना एक व्यासपीठ उपलब्ध करून देणे हा या कार्यक्रमाचा हेतू आहे.

मनुष्यप्राणी प्रजातीसाठी नैसर्गिकरीत्या नि:शुल्क उपलब्ध असलेल्या पर्यावरणीय सेवांच्या माध्यमातून निसर्गाच्या महत्त्वपूर्ण भूमिकेवर प्रकाश टाकण्यासाठी ‘वर्ल्ड वाइल्डलाइफ फंड’ (WWF) या संस्थेचे पाठबळ असलेली एक जनजागृती मोहीम
​​पश्चिम नौदल कमांड येथे ‘अतिनील निर्जंतुकीकरण कक्ष’ ही सुविधा कार्यरत

• कोविड-19 महामारीमुळे लागू असलेल्या राष्ट्रव्यापी टाळेबंदीचा कालावधी आता संपुष्टात येत असून पुढे मोठ्या संख्येनी कामावर परत रुजू होणाऱ्या कर्मचाऱ्यांकडून वापरल्या जाणाऱ्या विविध वस्तूंचे निर्जंतुकीकरण करण्यासाठी पश्चिम नौदल कमांडमधील नौदल डॉकयार्ड (मुंबई) येथे ‘अतिनील निर्जंतुकीकरण कक्ष’ ही सुविधा उभारण्यात आली आहे.

✅ ठळक बाबी :

• ‘UV-C’ प्रकाशयोजनेसाठी एल्युमिनियम शीट्सच्या विद्युतीय व्यवस्थेच्या बनावटीद्वारे एका मोठ्या सामान्य खोलीचे या सुविधेत रूपांतर करण्यात आले आहे. या सुविधेला ‘UV सॅनिटायझेशन बे’ असे नाव देण्यात आले आहे.

• सुविधेत अतिनील किरण उत्सर्जित करणारे दिवे बसविण्यात आले आहे. या अतिनील उपकरणाचा उपयोग कोरोना विषाणूच्या प्रसारावर नियंत्रण ठेवण्यासाठी साधने, कपडे आणि इतर विविध वस्तूंच्या निर्जंतुकीकरणासाठी केला जाणार आहे.

• कारंजा येथील नौदल तळावर देखील अशीच सुविधा प्रस्थापित करण्यात आली आहे, जेथे UV-C स्टरलाइझर व्यतिरिक्त, एक इंडस्ट्रियल ओव्हन देखील ठेवण्यात आला आहे, जो कमीतकमी 60 अंश सेल्सिअस तापमानात गरम होते, बहुतांश सूक्ष्मजंतूंचा नाश करण्यासाठीचे हे एक योग्य तापमान आहे.

• नामांकित संशोधन संस्थाच्या अभ्यासानुसार, UV-C या प्रकाशकिरणांचा विघातक परिणाम SARS, इन्फ्लूएंझा इत्यादी श्वसन रोगकारकांवर परिणामकारक रित्या सिद्ध झाला आहे. असे निदर्शनास आले आहे की सूक्ष्मजीव जंतू जेव्हा 1 मिनिट किंवा त्यापेक्षा जास्त काळासाठी 1 जी / सेमी 2 तीव्रतेच्या UV-C प्रकाशाच्या संपर्कात येतात तेव्हा ते कमी व्यवहार्य होतात, हे एक प्रभावी निर्जंतुकीकरण असल्याचे निदर्शनास आले आहे.
🟪अम्फान चक्रीवादळ’

• भारताची पूर्व किनारपट्टी आणि बांगलादेश या क्षेत्रामध्ये मे २०२० मध्ये आलेले अम्फान चक्रीवादळ हे अत्यंत तीव्र आणि विध्वंसक चक्रीवादळ होते.

✅ अम्फान चक्रीवादळ तथ्ये
 कालावधी - १६ मे ते २० मे २०२०
 हवामानविषयक मुद्दे -
-सर्वाधिक वेग २६०किमी प्रति तास;
-सर्वात कमी दाब - 925 hPa (mbar); 27.32 inHg

• सुपर सायक्लोन किंवा पाचव्या श्रेणीचे चक्रीवादळ

• प्रभावक्षेत्र —
श्रीलंका, भारत (अंदमान निकोबार द्वीपसमूह, ओदीशा व पश्चिम बंगाल), बांगलादेश, भूतान

• प्रत्यक्ष चक्रीवादळाच्या मार्गामध्ये केरळ, तमिळनाडू आणि आंध्र प्रदेश ही राज्ये नसली तरी त्यांच्यावरही या वादळाचा दुय्यम परिणाम झाला आहे.

 ✅ आर्थिक मुद्दे -
जीवितहानी - १२०; वित्तहानी - १३३९ कोटी डॉलर
 
• आनुषंगिक तथ्ये -
उत्तर हिंदी महासागर क्षेत्रातील आत्तापर्यंतचे सर्वात विध्वंसक व नुकसानकारक चक्रीवादळ, सन १९९९च्या ओदिशा चक्रीवादळानंतरचे पहिलेच Super cyclonic storm म्हणजे पाचव्या किंवा सर्वाधिक श्रेणीचे चक्रीवादळ

✅ मूलभूत संज्ञा आणि संकल्पना - उष्णकटिबंधीय चक्रीवादळ ही एक अशी वादळ प्रणाली आहे ज्यामध्ये एक मोठे कमी-दाब केंद्र, एक बंद निम्नस्तरीय अभिसरण प्रणाली आणि जोरदार वारा आणि मुसळधार पाऊस निर्माण करणाऱ्या असंख्य वादळांची आवर्त व्यवस्था असते. उष्णकटिबंधीय चक्रीवादळ यामध्ये दोन संज्ञा समाविष्ट आहेत.

• उष्णकटिबंधीय - यातून वादळांचे भौगोलिक क्षेत्र लक्षात येते. कर्कवृत्त आणि मकरवृत्ताच्या दरम्यानचे क्षेत्र उष्णकटिबंधीय क्षेत्र असले तरी बहुतेक उष्णकटिबंधीय चक्रीवादळे विषुववृत्ताच्या दोन्ही बाजूंना १० अंश अक्षांशादरम्यान उगम पावतात.

• चक्रीवादळ - याचा शब्दश: अर्थ आहे चक्रीय दिशेने फिरणारे वारे. हे वारे आपल्या केंद्राभोवती उत्तर गोलार्धामध्ये घडय़ाळाच्या काटय़ांच्या उलटय़ा दिशेने तर दक्षिण गोलार्धात घडय़ाळाच्या काटय़ांच्या दिशेने फिरतात.

• कोरिआलिस परिणामामुळे दोन्ही गोलार्धामधील वाऱ्यांची दिशा वेगळी असते.

• निर्मिती - ही वादळे तुलनेने उष्ण समुद्री प्रवाह क्षेत्रांमध्ये निर्माण होतात. महासागराच्या पाण्याच्या बाष्पीभवनातून या वाऱ्यांना ऊर्जा मिळते. पाण्याचे उच्च तापमान, उंचीबरोबर वेगाने घटणारे तापमान, उच्च आद्र्रता, वाऱ्यांच्या गतीमध्ये बदल होण्याचे कमी प्रमाण या चक्रीवादळांच्या निर्मितीसाठी आवश्यक भौगोलिक बाबी आहेत.

• तीव्रता आणि तिच्या श्रेणी - चक्रीवादळांच्या श्रेणी किंवा वर्गीकरण त्या त्या क्षेत्रातील हवामान विभागांकडून करण्यात येते. उत्तर हिंदी महासागरातील १०० अंश पूर्व ते ४५ अंश पूर्व या क्षेत्रातील चक्रीवादळांचे श्रेणीकरण किंवा वर्गीकरण भारतीय हवामानशास्त्र विभागाकडून करण्यात येते.

✅ चक्रीवादळांचे नामकरण :
उष्णकटिबंधीय चक्रीवादळे ही साधारणपणे एक आठवडय़ापर्यंत किंवा काही वेळ त्यापेक्षा जास्त दिवस प्रभावी असू शकतात.

• त्यामुळे एखाद्या क्षेत्रात एकाच वेळी एकापेक्षा जास्त चक्रीवादळे कार्यरत असू शकतात. अशा वेळी या वादळांची माहिती, पूर्वसूचना, इशारे प्रसारित करणे व आपत्ती व्यवस्थापन करताना कुठलाही गोंधळ उडू नये म्हणून त्यांना सामान्य भाषेतील नावे देण्यात येतात.

• पारिभाषिक क्लिष्ट संज्ञांपेक्षा ही नावे धोक्याचे इशारे आणि माहितीचे प्रसारण करताना जास्त उपयुक्त आणि प्रभावी ठरतात.

• ही नावे कोणत्याही प्रसिद्ध व्यक्तींची स्मृती म्हणून किंवा तशा हेतूने दिली जात नाहीत. त्या त्या क्षेत्रातील स्थानिक लोकांना परिचित अशी ही नावे असतात जेणेकरून स्थानिक लोकांमध्ये या वादळांची माहिती, पूर्वसूचना, इशारे प्रसारित करणे आणि त्यांना ते चटकन व व्यवस्थितपणे कळणे शक्य व्हावे.

• हिंद महासागरातील चक्रीवादळांची नावे ठरविण्यासाठी जागतिक हवामान परिषदेची क्षेत्रीय समिती (WMO /ESCAP panel) कार्यरत आहे. यामध्ये एकूण १३ देशांचा समावेश आहे (भारत, बांगलादेश, इराण, मालदीव, म्यानमार, ओमान, पाकिस्तान, कतार, सौदी अरब, श्रीलंका, थायलंड, संयुक्त अरब अमिराती आणि येमेन).

• अम्फान हे नाव थायलंडने दिलेल्या सूचीतून देण्यात आले आहे. यानंतर चक्रीवादळे आली तर निसर्ग (बांगलादेशाकडून सुचविलेले), गती (भारताकडून सुचविलेले), निवर (इराणकडून सुचविलेले), बुरेवी (मालदीवकडून सुचविलेले) आणि तौते (म्यानमारकडून सुचविलेले) अशी नावे देण्यात येतील. एकूण १३ देशांकडून देण्यात आलेली प्रत्येकी १३ नावांची सूची वापरण्यात येईल.