MPSC SIMPLIFIED(official)
34.4K subscribers
34.8K photos
52 videos
3.69K files
9.49K links
simplified चा टेलिग्राम ग्रुप
(आपल्या मित्रांना जॉईन करा)

+ सिम्प्लिफाइड स्टडी
+newspaper सिम्प्लिफाइड
+job सिम्प्लिफाइड
+daily चालू घडामोडी टेस्ट
+अभ्यास आधारित टेस्ट


https://telegram.me/mpscsimplified
Download Telegram
Forwarded from MPSC Mantra (Balaji Surne)
#CurrentAffairs #ImpReports
» क्यूएस वर्ल्ड युनिव्हर्सिटी रँकिंग 2021
» संकलन : बालाजी सुरणे

जॉईन करा » @MpscMantra
🟪माजी खासदार सदाशिवराव ठाकरे यांचे निधन.

➡️माजी खासदार, ज्येष्ठ सर्वोदयी नेते सदाशिवराव ठाकरे यांचे आज वृद्धापकाळाने निधन झाले. ते ९७ वर्षांचे होते. प्रकृती अस्वस्थामुळे त्यांना आज (मंगळवार) सकाळी यवतमाळ येथील क्रिटीकेअर हॉस्पिटलमध्ये दाखल करण्यात आले होते. तेथेच संध्याकाळी ७ वाजता त्यांची प्राणज्योत मालवली. उद्या (बुधवार) इंजाळा, ता. घाटंजी येथे त्यांच्यावर अंत्यसंस्कार करण्यात येणार आहे.

➡️यवतमाळ जिल्हा परिषदेचे अध्यक्ष,आमदार आणि खासदार असा त्यांचा राजकीय प्रवास होता. यवतमाळ जिल्ह्यात त्यांनी सपत्नीक भूदान पदयात्रा करून, विदर्भात सर्वाधिक जमिनीचे दान मिळविले होते. त्यासाठी आयोजित कार्यक्रमात तत्कालीन पंतप्रधान पंडित जवाहरलाल नेहरू यांच्या हस्ते त्यांना सन्मानीतही करण्यात आले होते.

➡️सदाशिवराव ठाकरे हे महात्मा गांधी आणि विनोबा भावे यांच्या प्रेरणेतून सर्वोदयवादी जीवन जगत होते. अनेक वर्ष ते यवतमाळ

➡️जिल्हा काँग्रेस कमिटीचे अध्यक्ष होते. महाराष्ट्राचे माजी मुख्यमंत्री यशवंतराव चव्हाण, वसंतराव नाईक, सुधाकरराव नाईक यांचे ते समकालीन राजकीय मित्र होते. राष्ट्रवादी काँग्रेसचे अध्यक्ष शरद पवार यांच्याशी त्यांचा कौटुंबिक स्नेह सर्वश्रुत आहे. त्यांच्या पश्चात मुलगा माजी जिल्हा परिषद सदस्य जितेंद्र ठाकरे यांच्यासह मोठा परिवार आहे.
🟪राज्याला ९ हजार कोटींचा जीएसटी फटका

🔰करोना टाळेबंदीमुळे एप्रिल आणि मे या दोन महिन्यांत वस्तू व सेवाकराच्या (जीएसटी) महसुलात ९ हजार कोटी रुपयांची घट झाल्याने, शिवाय याच कालावधीत सुमारे २० हजार व्यापाऱ्यांनी नोंदणी रद्द केल्यामुळे राज्याची कोलमडलेली अर्थव्यवस्था रुळावर आणण्याचे आव्हान उभे ठाकले आहे.

🔰देशात आणि राज्यात मार्चच्या पहिल्या आठवडय़ात करोना संसर्गाचे वादळ घोंघावत शिरले. त्याला रोखण्यासाठी २४ मार्चपासून टाळेबंदी लागू करण्यात आली. सर्व उद्योग, व्यवसाय आणि आर्थिक व्यवहार ठप्प झाले. परिणामी, राज्याला सर्वाधिक महसूल देणाऱ्या ‘जीएसटी’ला मोठा फटका बसला.

🔰साधारणपणे दर महिन्याला पाच ते सहा हजार नव्या व्यापाऱ्यांची नोंदणी होते. टाळेबंदीच्या दोन महिन्यांत १३ हजार नवीन व्यापाऱ्यांनी नोंद केली आहे, मात्र आधीच्या २० हजार व्यापाऱ्यांनी नोंदणी दाखले रद्द के ले आहेत, अशी माहिती एका उच्चपदस्थ अधिकाऱ्याने दिली.

🔰गेल्या वर्षी एप्रिल आणि मे या दोन महिन्यांत ‘जीएसटी’च्या माध्यमातून १४ हजार कोटी रुपयांचा महसूल मिळाला होता. या वर्षी त्यात दोन हजार कोटी रुपयांची नैसर्गिक वाढ अपेक्षित धरण्यात आली होती. म्हणजे १६ हजार कोटी रुपये मिळणे अपेक्षित होते. परंतु एप्रिल आणि मे या दोन महिन्यांत फक्त पाच हजार कोटी रुपयांचा महसूल मिळाला. याचाच अर्थ नऊ हजार कोटी रुपयांचे नुकसान झाले. सेवा क्षेत्र काही प्रमाणात चालू राहिल्याने थोडा महसूल मिळू शकला. सेवा क्षेत्रातील एलआयसी, जीआयसी यांसारख्या मोठय़ा विमा, ऑनलाइन सेवा आणि अन्य कं पन्यांचे मोठे योगदान आहे.

🔰 राज्याच्या वस्तू व सेवा कर विभागातून मिळालेल्या माहितीनुसार, १ एप्रिलपासून नवे आर्थिक वर्ष सुरू झाले.

🔰मात्र त्याआधी म्हणजे मार्चअखेरपासूनच राज्यात टाळेबंदी लागू झाली. त्यामुळे सर्व आर्थिक व्यवहार ठप्प झाले.

🔰उत्पादन क्षेत्रालाच टाळे लागले. सर्वाधिक महसूल जीएसटीतून मिळतो, परंतु टाळेबंदीमुळे या महसुलात घट झाली.

🔰व्यापारी हवालदिल : जीएसटी नोंदणी केलेल्या व्यापाऱ्यांना दर महिन्याला विवरणपत्रे भरावी लागतात. परंतु व्यवसाय बंद असल्यामुळे मोठय़ा प्रमाणावर व्यापारी ‘जीएसटी’मधून बाहेर पडत आहेत. विवरणपत्रे भरण्याचे प्रमाणही नगण्यच आहे. राज्यातील नोंदणी केलेल्या १३ लाख व्यापाऱ्यांपैकी केवळ ५ ते १० टक्के व्यापाऱ्यांनी या दोन महिन्यांत विवरणपत्रे सादर केली आहेत.