MPSC SIMPLIFIED(official)
34.4K subscribers
34.8K photos
52 videos
3.69K files
9.49K links
simplified चा टेलिग्राम ग्रुप
(आपल्या मित्रांना जॉईन करा)

+ सिम्प्लिफाइड स्टडी
+newspaper सिम्प्लिफाइड
+job सिम्प्लिफाइड
+daily चालू घडामोडी टेस्ट
+अभ्यास आधारित टेस्ट


https://telegram.me/mpscsimplified
Download Telegram
🔳राज्यात आता ऑनलाइन तासिकेसाठी होणार 'गुगल क्लासरूम'चा वापर.

कोरोनाचा प्रादुर्भाव वाढतच असल्याने आता मुलांना घर बसल्या दर्जेदार शिक्षण मिळावे, यासाठी आता 'गुगल' मदतीला आले आहे.

'गुगल क्लासरूम' द्वारे राज्यातील सर्व शाळा, कनिष्ठ महाविद्यालयातील विद्यार्थ्यांना लवकरच धडे गिरविता येणार आहेत.

त्यासाठी शिक्षण विभागाने जय्यत तयारी सूरू केली असून लवकरच शिक्षकांना या सुविधेचा वापर कसा करायचा याचे प्रशिक्षण देण्यात येणार आहे.
◾️सामरिकदृष्ट्या महत्त्वाचा देश असणाऱ्या इराणने भारताला मोठा धक्का दिला आहे.

◾️ या रेल्वे प्रकल्पासाठी भारताकडून निधी येणार होता. मात्र, कराराच्या चार वर्षानंतरही हा निधी न आल्यामुळे हा निर्णय घेतला असून हा प्रकल्प स्वत: पूर्ण करणार असल्याचे इराणने म्हटले आहे.

◾️इराणच्या या निर्णयामुळे भारताला मोठा कूटनीतिक धक्का बसला असल्याचे बोलले जात आहे.

◾️चाबहार रेल्वे प्रकल्पानुसार, चाबहार बंदरापासून जहेदानपर्यंत रेल्वे मार्ग सुरू करण्यात येणार होता.

◾️मागील आठवड्यात इराणचे परिवहन आणि शहर विकास मंत्री मोहम्मद इस्लामी यांनी ६२८ किमी लांबीच्या रेल्वे मार्गाचे उद्घाटन केले होते.

◾️या रेल्वे मार्ग अफगाणिस्तानच्या सीमेपर्यंत जाणार आहे. 'द हिंदू'ने दिलेल्या वृत्तानुसार, हा प्रकल्प २०२२ पर्यंत पूर्ण होणे अपेक्षित आहे.
⚫️NTPC कंपनीने ‘CII-ITC शाश्वतता पुरस्कार 2019’ पटकावला

NTPC मर्यादीत (पूर्वीचे राष्ट्रीय औष्णिक ऊर्जा महामंडळ) या सार्वजनिक कंपनीने प्रतिष्ठित ‘CII-ITC शाश्वतता पुरस्कार 2019’ पटकावला आहे. कॉर्पोरेट उत्कृष्टता श्रेणीत उल्लेखनीय कामगिरीसाठी हा पुरस्कार प्रदान करण्यात आला आहे.

‘CII-ITC शाश्वतता पुरस्कार’ हा शाश्वत उपक्रमांमध्ये उत्कृष्ट कामगिरी करणाऱ्यांना प्रदान केला जातो. देशातील शाश्वतता ओळखण्यासाठी हे सर्वात विश्वासार्ह व्यासपीठ मानले जाते.

◾️इतर ठळक बाबी.

NTPC मर्यादीत (पूर्वीचे राष्ट्रीय औष्णिक ऊर्जा महामंडळ) ही ऊर्जा मंत्रालयाच्या अंतर्गत कार्यरत असलेले केंद्रीय सार्वजनिक उपक्रम आणि भारतातली सर्वात मोठी वीज निर्मिती कंपनी आहे.

NTPC कंपनीचा पथदर्शी CSR कार्यक्रम असलेला GEM (मुलगी सशक्तीकरण अभियान) हा वंचित वर्गातील शालेय मुलींच्या सर्वांगीण विकासाला पाठिंबा देण्यासाठी चालत आहे, ज्याच्या अंतर्गत वीज केंद्र परिसरात चार आठवड्यांचा निवासी कार्यक्रम आयोजित केला जातो.

NTPCने कंत्राटदारांची कामगार माहिती व्यवस्थापन प्रणाली (CLIMS) देखील अंमलात आणली असून त्याद्वारे कंत्राटी मजुरांना महिना अखेरीस प्रकल्प सुरु असलेल्या ठिकाणीच वेतन दिले जाते.

NTPCची एकूण स्थापित क्षमता 62110 मेगावॅट असून NTPC समूहाकडे 24 कोळसा ऊर्जा केंद्रांसह 70 ऊर्जा केंद्र, 7 एकात्मिक नैसर्गिक वायू / द्रव इंधन, 1 जलविद्युत, 13 नवीकरणीय व 25 सहाय्यक आणि संयुक्त उपक्रम ऊर्जा केंद्र आहेत.
⬛️"प्रज्ञाता” (PRAGYATA): डिजिटल शिक्षणाच्या संदर्भात भारत सरकारची मार्गदर्शक तत्वे.

केंद्रीय मनुष्यबळ विकास मंत्री रमेश पोखरियाल 'निशंक' यांच्या हस्ते नवी दिल्लीत आभासी माध्यमातून डिजिटल शिक्षण देण्या-घेण्याच्या संदर्भात “प्रज्ञाता” (PRAGYATA) या नावाने मार्गदर्शक तत्त्वांची एक यादी जाहीर करण्यात आली आहे.

कोविड-19 महामारीमुळे देशभरातील सर्व शाळा बंद ठेवाव्या लागल्या आहेत आणि शाळांमध्ये प्रवेश घेतलेल्या 240 दशलक्ष मुलांच्या अभ्यासावर याचा परिणाम झाला आहे. शाळा बंद ठेवण्याच्या मुदतीमध्ये सारखी वाढ होत असल्यामुळे शिक्षणाचे नुकसान होऊ शकते. ही समस्या लक्षात घेता घरी आणि शाळेतील शिक्षणामध्ये योग्य समतोल व समन्वय साधून दर्जेदार शिक्षण देण्यासाठी योग्य पद्धत अवलंबण्यावर भर दिला जात आहे.
🟪पंतप्रधान नरेंद्र मोदी १७ जुलैला UN ला करणार संबोधित.

पंतप्रधान नरेंद्र मोदी १७ जुलै रोजी संयुक्त राष्ट्रात अतिशय महत्त्वपूर्ण संबोधन करणार आहेत. संयुक्त राष्ट्र संघाच्या ७५ व्या वर्धापन दिनाच्या पूर्वसंध्येला न्यूयॉर्कमध्ये पार पडणाऱ्या कार्यक्रमात पंतप्रधान मोदी हे व्हिडीओ कॉन्फरन्सिंगद्वारे संबोधित करणार आहेत.

संयुक्त राष्ट्रातील भारताचे कायम प्रतिनिधी टीएस तिरूमूर्ती यांच्यानुसार संयुक्त राष्ट्र सुरक्षा परिषदेतील (UNSC) विजयानंतर पंतप्रधानांचं हे पहिलंच भाषण असेल. गेल्या वर्षी सप्टेंबर महिन्यात त्यांनी संयुक्त राष्ट्र महासभेला (UNGA) संबोधित केलं होतं. तसंच त्यावेळी त्यांनी आंतरराष्ट्रीय समुदायाला दहशतवादाविरोधात एकत्र येण्याचं आवाहन केलं होतं.

यावर्षी भारताची दोन वर्षांसाठी संयुक्त राष्ट्र सुरक्षा परिदेच्या अस्थायी सदस्य म्हणून निवड करण्यात आली होती. भारताला १९२ पैकी १८४ मतं मिळाली होती. या सुरक्षा परिषदेत अमेरिका, युनायटेड किंगडम.

फ्रान्स, रशिया आणि चीन हे स्थायी सदस्य आहेत. तर त्यांच्याव्यतिरिक्त १० अस्थायी सदस्यदेखील असतात. यापूर्वीही भारत सुरक्षा परिषदेचा अस्थायी सदस्य होता. १९५०-५१, १९६७-६८, १९७२-७३, १९७७-७८, १९८४-८५, १९९१-९२ आणि २०११-१२ मध्ये भारताची अस्थायी सदस्य म्हणून निव़ड झाली होती.
🟪महाविद्यालयामधून पदवी प्रमाणपत्राबरोबरच मिळणार पासपोर्ट; विद्यार्थीनींसाठी ‘या’ राज्याची नवी योजना

हरियाणाचे मुख्यमंत्री मनोहर लाल खट्टर यांनी नुकतीच एक महत्वाची घोषणा केली आहे. पदवी परिक्षा उत्तीर्ण होणाऱ्या विद्यार्थ्यीनींना त्यांच्या पदवी प्रमाणपत्राबरोबरच पासपोर्टही दिला जाणार आहे. यासाठीची आवश्यक असणारी संपूर्ण कागदोपत्री प्रक्रिया ही कॉलेजमध्येच पार पाडली जाणार असल्याचे सांगण्यात आलं आहे. यासंदर्भातील वृत्त एएनआय या वृत्तसंस्थेनं दिलं आहे.

“प्रत्येक मुलीला पासपोर्ट मिळाला पाहिजे असा निर्णय राज्य सरकारने घेतला आहे. हा पासपोर्ट विद्यार्थिनीला ती पदवीची परीक्षा देऊन उत्तीर्ण झाल्यानंतर पदवी प्रमाणपत्राबरोबर दिला जावा असं सरकारचं मत आहे,” अशी माहिती खट्टर यांनी दिली. ते शनिवारी ‘हर सर हेल्मेट’ या रस्ते सुरक्षासंदर्भातील कार्यक्रमामध्ये बोलत होते. या कार्यक्रमाअंतर्गत कर्नालमधील १०० विद्यार्थ्यांना वाहन परवाना आणि मोफत हेल्मेटचे वाटप करण्यात आलं.

मुलांना वाहतुकीच्या नियमांसंदर्भातील माहिती व्हावी म्हणून त्यांना शिकावू परवाने देण्यात येणार असल्याचंही मुख्यमंत्र्यांनी स्पष्ट केलं. मुलांना रस्ते सुरक्षेसंदर्भातील माहिती दिल्यानंतर मुख्यमंत्र्यांनी त्यांना हेल्मेटचे वाटप केलं. “असे कार्यक्रम हे राजकारणाच्या दृष्टीकोनातून पाहिले जाऊ नये. या कार्यक्रमांचा परिणाम दिर्घकालीन असतो,” असं सांगत असे जनजागृतीचे कार्यक्रम करणं आवश्यक असल्याचे मत मुख्यमंत्र्यांनी नोदंवलं.
🟪हेमांग अमिन बीसीसीआयचे हंगामी सीईओ.

राहुल जोहरी यांचा सीईओ पदाचा राजीनामा स्विकारल्यानंतर बीसीसीआयने आयपीएलचे Chief Operating Officer हेमांग अमिन यांची बीसीसीआयच्या हंगामी सीईओ पदावर नियुक्ती केली आहे. पुढील दोन महिन्यांच्या कालावधीत बीसीसीआयने सीईओ पदावर नवीन नियुक्ती करणं अपेक्षित आहे. २०१७ पासून हेमांग अमिन आयपीएलमध्ये Chief Operating Officer पदावर काम करत आहेत.

२०१६ साली बीसीसीआयने सीईओ पदावर नेमणुकीसाठी प्रोफेशनल एजन्सीची मदत घेतली होती. मात्र राहुल जोहरी यांच्या नियुक्तीनंतर अनेक वादंग निर्माण झाले होते. त्यामुळे यंदा बीसीसीआय आपल्याचपैकी एका अधिकाऱ्याची या पदावर नियुक्ती करण्याची शक्यता असल्याची माहिती सूत्रांनी दिली.

१७ जुलै रोजी बीसीसीआयच्या वरिष्ठ कार्यकारणीची बैठक होणार आहे. यात नवीन सीईओ नेमणुकीचा मुद्दा चर्चेसाठी येणार आहे. त्यामुळे येत्या काही दिवसांत सीईओ पदासाठी बीसीसीआय जाहीरात काढेल अशीही माहिती सूत्रांनी दिली आहे.
🟪चीनविरोधात अमेरिकेचं पाऊल, डोनाल्ड ट्रम्प यांनी हाँगकाँग स्वायत्तता कायद्यावर केली स्वाक्षरी.

अमेरिका आणि चीनमधील मतभेद आता तीव्र होताना दिसत आहेत. दरम्यान, अमेरिकेचे राष्ट्राअध्यक्ष डोनाल्ड ट्रम्प यांनी चीनविरोधात मोठी कारवाई करत त्यांच्यावर कठोर निर्बंध घालण्याच्या कायद्यावर स्वाक्षरी केली आहे. यासह हाँगकाँगला व्यापारासाठी देण्यात आलेला विशेष दर्जाही काढून घेण्यात आला आहे.

ट्रम्प यांनी हाँगकाँगमधील दडपशाहीच्या कारवायांविरोधात आणि अत्याचारासाठी चीनवर आरोप केले होते. तसंच नव्या कायद्यामुळे चीनला त्याच्या कारवायांसाठी जबाबदार धरण्यास अनेक अधिकार देण्यात येतील, असंही ते म्हणाले होते.

ट्रम्प यांनी व्हाईट हाऊसमध्ये माध्यमांशी संवाद साधला. “हाँगकाँगच्या लोकांविरुद्ध चीनने केलेल्या अत्याचाराविरोधात त्यांना जबाबदार धरण्यासाठी मी आज कायदा आणि आदेशावर स्वाक्षरी केली. हाँगकाँगमध्ये जे काही घडत आहे हे आपण सर्वजण पाहत आहोत.

अशा परिस्थितीत त्यांची स्वायत्तता संपवणं योग्य नाही. आम्ही चिनी तंत्रज्ञान आणि दूरसंचार प्रदात्यांचा सामना केला. सुरक्षेच्या कारणास्तव, अनेक देशांना आम्हाला हे पटवून द्यावे लागले की हुआवे धोकादायक आहे. आता युनायटेड किंगडमनंही त्यांच्यावर बंदी घातली आहे,” असं ते म्हणाले.
Forwarded from MPSC SIMPLIFIED(official) (Nagesh Patil)
🟪 Online Booking Available

www.simplifiedcart.com