MPSC SIMPLIFIED(official)
34.4K subscribers
34.8K photos
52 videos
3.69K files
9.49K links
simplified चा टेलिग्राम ग्रुप
(आपल्या मित्रांना जॉईन करा)

+ सिम्प्लिफाइड स्टडी
+newspaper सिम्प्लिफाइड
+job सिम्प्लिफाइड
+daily चालू घडामोडी टेस्ट
+अभ्यास आधारित टेस्ट


https://telegram.me/mpscsimplified
Download Telegram
▪️मोदी सरकारचा मोठा निर्णय! सरकारी नोकरीसाठी सामायिक परीक्षा.

सरकारी नोकरीबाबत मोदी सरकारने आता एक मोठा निर्णय घेतला आहे. राष्ट्रीय भरती संस्था अर्थात National Recruitment Agency स्थापन करण्यात येईल. त्याद्वारे एकच सामायिक परीक्षा देऊन तरुणांना आपली गुणवत्ता सिद्ध करता येईल. शिक्षण झाल्यानंतर नोकरी मिळवण्यासाठी युवा पिढी अनेक मार्गाचा अवलंब करते. प्रत्येक संस्था आणि कंपन्या आपल्या परीक्षा ठेवतात. नोकरीच्या महत्त्वाकांक्षेच्या दृष्टीने या सगळ्या परीक्षा देतात. मात्र मोदी सरकारच्या निर्णयामुळे हे चित्र बदलण्याची चिन्हं आहेत. केंद्रीय मंत्री प्रकाश जावडेकर यांनी कॅबिनेट बैठकीत झालेल्या निर्णयासंबंधी झालेल्या महत्त्वाच्या निर्णयाची माहिती दिली.

सरकारी संस्थेत नोकरीसाठी प्रयत्न करणाऱ्या सर्व इच्छुक उमेदवारांसाठी सामायिक परीक्षा घेतली जाईल. त्यासाठी राष्ट्रीय भरती संस्था अर्थात National Recruitment Agency स्थापन करण्यात येणार आहे. या संस्थेत एकदा नोंदणी केली की एकच परीक्षा देऊन युवकांना आपली योग्यता सिद्धता करावी लागेल. नोकरीसाठी दारोदारी परीक्षा देत भटकण्याची वेळ युवा पिढीवर येणार नाही. प्रकाश जावेडकर यांनी यासंदर्भात माहिती देताना म्हणले, “युवकांना जागोजागी परीक्षा देण्यासाठी जावं लागू नये म्हणून एकच Common Eligibility test असेल. यात गुणवत्ता सिद्ध करुन उमेदवारांना पुढे जाण्याची संधी मिळू शकेल.”

आज कॅबिनेट मिटिंगमध्ये राष्ट्रीय भरती संस्था स्थापन करण्याखेरीज आणखी एक मोठा निर्णय झाला. देशातल्या सहा विमानतळांचं व्यवस्थापन आणि दैनंदिन व्यवहार खासगी संस्थेला देण्याचा निर्णय मोदी सरकारने घेतला आहे. विमान प्रवाशांना अधिकाधिक चांगल्या सुविधा देण्याच्या उद्देशाने हे खासगीकरण करण्याचा निर्णय घेतल्याचं जावडेकर यांनी स्पष्ट केलं.
🟧पॅरिस सेंट जर्मेन प्रथमच अंतिम फेरीत.

पॅरिस सेंट जर्मेनने सुरुवातीपासूनच दर्जेदार कामगिरीचे प्रदर्शन करत आरबी लेपझिग संघाचा 3-0 असा पाडाव करत चॅम्पियन्स लीग फुटबॉलच्या अंतिम फेरीत पहिल्यांदाच धडक मारली.

चॅम्पियन्स लीगमधील तब्बल 110 सामन्यांमध्ये खेळल्यानंतर फ्रान्समधील अव्वल क्लब असलेल्या पॅरिस सेंट जर्मेनचे अंतिम फे रीत मजल मारण्याचे स्वप्न प्रत्यक्षात अवतरले.

मार्किन्होज, अँजेल डी मारिया तसेच हुआन बेर्नाट वेलास्को यांनी केलेल्या गोलमुळे पॅरिस सेंट जर्मेनने उपांत्य फे रीच्या लढतीवर वर्चस्व गाजवले.

पहिल्यांदाच चॅम्पियन्स लीगची उपांत्य फेरी गाठणाऱ्या लेपझिगविरुद्ध पॅरिस सेंट जर्मेनने सुरुवातीपासूनच सामन्यावर नियंत्रण मिळवले.

अप्रतिम पासेस, मोकळ्या जागेतून धावत चेंडूला पुढे सरकावणे आणि लेपझिगच्या बचावफळीवर सातत्याने दडपण आणत पॅरिस सेंट जर्मेनने हा सामना सहज जिंकला.
🎇 🎇भारतीय रेल्वेकडून रेल्वेच्या सुरक्षेसाठी ड्रोन आधारित टेहळणी प्रणालीचा वापर.🎇 🎇

👇👇👇👇👇👇👇👇👇👇👇👇

🧬कमीत कमी मनुष्यबळामध्ये खूप मोठ्या जागेवर सुरक्षेच्या दृष्टीने लक्ष ठेवण्यासाठी ड्रोन टेहळणी प्रणाली एक अतिशय महत्त्वाची आणि किफायतशीर प्रणाली म्हणून उदयाला येत आहे. रेल्वेच्या सुरक्षा कर्मचाऱ्यांच्या कार्यक्षमतेत वाढ करणे आणि सुरक्षा व्यवस्थेला आणखी पाठबळ पुरवणे हा ड्रोन प्रणाली तैनात करण्याचा उद्देश आहे.

🩸ठळक बाबी..

🧬मध्य रेल्वेच्या मुंबई विभागाने रेल्वे स्थानकाची संकुले, रेल्वे ट्रॅक सेक्शन यार्ड, कार्यशाळा इत्यादीसारख्या रेल्वेच्या जागांची अधिक चांगल्या प्रकारे सुरक्षा करण्याकरीता आणि त्यावर लक्ष ठेवण्याकरीता दोन ‘निन्जा’ मानव-रहीत हवाई वाहनांची खरेदी केली आहे. वास्तविक वेळेत शोध, चलचित्रपट तयार करण्याची या ड्रोनची क्षमता आहे आणि स्वयंचलित फॉल सेफ मोडमध्ये देखील त्यांचे परिचालन करता येते.

🧬रेल्वे सुरक्षा बलाच्या (RPF) चार कर्मचाऱ्यांच्या एका पथकाला ड्रोन उड्डाणाचे, त्याद्वारे लक्ष ठेवण्याचे आणि देखभालीचे प्रशिक्षण देण्यात आले आहे.

🧬रेल्वेच्या सुरक्षेसाठी ड्रोनचा व्यापक प्रमाणावर वापर करण्याचे RPF दलाने ठरवले असून आतापर्यंत 31.87 लक्ष रुपये खर्चून दक्षिण पूर्व रेल्वे, मध्य रेल्वे, मॉडर्न कोचिंग फॅक्टरी, रायबरेली आणि दक्षिण पश्चिम रेल्वे येथे नऊ ड्रोन खरेदी करण्यात आले आहेत.

🧬तसेच 97.52 लक्ष रुपये खर्चाने आणखी 17 ड्रोन खरेदी करण्याचा प्रस्ताव तयार करण्यात आला आहे. आतापर्यंत RPFच्या 19 कर्मचाऱ्यांना ड्रोनचे प्रशिक्षण देण्यात आले आहे आणि त्यापैकी चार जणांना ड्रोन उड्डाणाचा परवाना प्राप्त झाला आहे.

🩸ड्रोन प्रणालीचे उपयोग...

🧬रेल्वेच्या संकुलात जुगार, कचरा फेकणे, फेरीने विक्री करणे यांसारख्या गुन्हेगारी तत्वांवर लक्ष ठेवण्यासाठी ही प्रणाली उपयुक्त आहे.

🧬याचा वापर विविध प्रकारच्या माहितीचे संकलन आणि विश्लेषणासाठी होणार आहे. या माहितीचा उपयोग रेल्वेगाड्यांच्या सुरक्षित परिचालनासाठी आणि संवेदनशील भागांमध्ये होऊ शकतो.

🧬आपत्ती घडलेल्या ठिकाणी मदत, बचाव आणि पुनर्वसन कार्यासाठी तसेच विविध संस्थांमध्ये समन्वयासाठी देखील ड्रोन तैनात केली जाऊ शकतात.

🧬रेल्वेच्या मालमत्तांवर होणारी अतिक्रमणे रोखण्यासाठी या मालमत्तांचा नकाशा तयार करण्यासाठी देखील ड्रोन उपयुक्त आहेत.

🧬खूप जास्त प्रमाणात होणाऱ्या गर्दीचे व्यवस्थापन करताना जास्त गर्दी होणारी ठिकाणे, गर्दीची वेळ आणि गर्दी पांगवण्यासाठी आवश्यक असलेले उपाय याबाबत अतिशय महत्त्वाची माहिती ही प्रणाली उपलब्ध करू शकते आणि त्यानुसार गर्दी नियंत्रणाच्या योजना तयार करून त्यांची अंमलबजावणी करता येणार.

🧬ड्रोनच्या एका कॅमेऱ्याने आठ ते दहा कर्मचाऱ्यांची गरज असलेल्या खूप मोठ्या भागावर लक्ष ठेवता येऊ शकते. त्यामुळे मनुष्यबळाची टंचाई असताना अतिशय कमी मनुष्यबळामध्ये कामे करता येतात.
🟧दिल्ली पोलीसांच्या निवासी वसाहतींमध्ये आयुर्वेदीक आरोग्य सेवा वाढविण्यासाठी ‘धन्वंतरी रथ’ तैनात.

‘आयुरक्षा’ उपक्रमाच्या अंतर्गत दिल्ली पोलीसांच्या निवासी वसाहतींमध्ये आयुर्वेदीक सेवांना प्रोत्साहन देण्याचे उद्दिष्ट ठेवून ‘आयुर्वेद प्रतिबंधक व प्रोत्साहनपर आरोग्य सेवा’ यांचा विस्तार करण्यासंबंधी अखिल भारतीय आयुर्वेद संस्था (AIIA) आणि दिल्ली पोलीस यांच्यात एक सामंजस्य करार झाला आहे.

या सेवा ‘धन्वंतरी रथ’ हे फिरते वाहन आणि पोलीस कल्याणकारी केंद्र यांच्यामार्फत पुरविल्या जात आहेत. या सेवा आयुष मंत्रालयाच्या पाठिंब्याने अखिल भारतीय आयुर्वेद संस्था (AIIA) पुरवित आहे.

✨‘आयुरक्षा’ उपक्रम.

‘आयुरक्षा’ हा अखिल भारतीय आयुर्वेद संस्था (AIIA) आणि दिल्ली पोलीस यांचा एक संयुक्त उपक्रम आहे, ज्यामार्फत आयुर्वेदीक औषधोपचारांचा वापर करून कोविड-19 महामारीच्या काळात सर्वात पुढे काम करणाऱ्या पोलीस कर्मचाऱ्यांची रोग प्रतिकारशक्ती वाढविण्याचा प्रयत्न केला जात आहे.

या प्रकल्पाचा विस्तार करीत ‘आयुर्वेद प्रतिबंधक व प्रोत्साहनपर आरोग्य सेवा’ आता दिल्ली पोलीस कर्मचार्‍यांच्या कुटूंबीयांपर्यंत दिल्या जात आहेत.

या प्रकल्पाच्या अंतर्गत दोन महिन्यांच्या कालावधीत सुमारे 80 हजार पोलीस कर्मचार्‍यांना ‘आयुरक्षा’ वैद्यकीय संचाचे वितरण करण्यात आले. आता असे संच त्यांच्या कुटुंबीयांना देखील दिल्या जात आहेत.

‘धन्वंतरी रथ’ हे आयुर्वेद आरोग्य सेवांचे फिरते केंद्र आहे, ज्यामध्ये चिकित्सकांची एक चमू कार्यरत असणार आहे आणि ते नियमितपणे दिल्ली पोलीस निवासी वसाहतींना भेट देणार.
🟧राष्ट्रीय भरती संस्थेची स्थापना करण्यासाठी केंद्रीय मंत्रिमंडळाची मंजुरी.

पंतप्रधान नरेंद्र मोदी यांच्या अध्यक्षतेखाली झालेल्या केंद्रीय मंत्रिमंडळाच्या बैठकीत राष्ट्रीय भरती संस्था (NRA) याची स्थापना करण्याला मंजुरी देण्यात आली आहे. केंद्रीय सरकारमधील पदांच्या भरती प्रक्रियेला एकात्मिक करण्यासाठी हा पुढाकार घेतला गेला आहे.

🔶वर्तमान परिस्थिति.

वर्तमानात, सरकारी नोकरीत जाण्यासाठी इच्छुक असलेल्या उमेदवारांना, वेगवगेळ्या पदांसाठी असलेल्या विविध भरती समितीच्या वेगवेगळ्या परीक्षा द्याव्या लागतात. त्यासाठी उमेदवारांना वेगवगेळ्या समितीचे परीक्षा शुल्क देखील भरावे लागते आणि अनेकदा परीक्षा देण्यासाठी दूरवर प्रवास देखील करावा लागतो.

दरवर्षी साधारणपणे, 1.25 लक्ष सरकारी नोकऱ्यांसाठी 2.5 कोटी इच्छुक उमेदवार विविध परीक्षा देतात. मात्र, आता एकाच सामाईक पात्रता परीक्षेमुळे या उमेदवारांना एकदाच ही पात्रता परीक्षा द्यावी लागणार आणि ती उत्तीर्ण झाल्यावर त्यानंतर ते यापैकी कोणत्याही एका भरती समितिकडे किंवा एकाच वेळी विविध समित्यांकडे उच्चस्तरीय परीक्षा देण्यासाठी अर्ज सादर करु शकणार.

सरकारी आणि सार्वजनिक बँकिंग क्षेत्रातल्या अराजपत्रित पदांसाठी NRA मार्फत एक सामाईक पात्रता परीक्षा घेतली जाणार. वर्तमानातल्या विविध परीक्षांच्या ऐवजी आता पुढे दरवर्षी जाहिरात निघालेल्या सरकारी नोकऱ्यांसाठी एकच सामाईक पात्रता परीक्षा घेतली जाणार.

🔶NRA संस्थेविषयी.

राष्ट्रीय भरती संस्थेची स्थापना संस्था नोंदणी कायद्याच्या अंतर्गत असणार आहे.
केंद्र सरकारमधले सचिव दर्जाचे अधिकारी संस्थेचे अध्यक्ष असणार. या संस्थेत रेल्वे मंत्रालय, अर्थमंत्रालय / वित्तसेवा विभाग, कर्मचारी निवड आयोग, क्षेत्रीय ग्रामीण बँक आणि बँकिंग कार्मिक निवड संस्था (IBPS) यांचे प्रतिनिधी असणार.
सरकारने राष्ट्रीय भरती संस्थेसाठी (NRA) 1517.57 कोटी रुपये मंजूर केले आहेत. तीन वर्षांमध्ये हा खर्च करण्यात येणार.

🔶परीक्षेची ठळक वैशिष्ट्ये.

सामाईक पात्रता परीक्षा वर्षातून दोनदा घेतली जाणार.पदवी, 12 वी उत्तीर्ण आणि दहावी उत्तीर्ण अशा पातळ्यांसाठी वेगवेगळ्या सामाईक पात्रता परीक्षा असणार, जेणेकरुन विविध पातळ्यांवर वेगवेगळी भरती प्रक्रिया करता येणार.

सामाईक पात्रता परीक्षा प्रमुख 12 भारतीय भाषांमध्ये घेतली जाणार. सध्या सगळ्या परीक्षा केवळ इंग्रजी आणि हिंदी या दोनच भाषेतून होत आहेत.

सामाईक पात्रता परीक्षेच्या अंतर्गत, तीन समित्यांमार्फत होणाऱ्या परीक्षा समाविष्ट करण्यात आल्या आहेत; यात, कर्मचारी निवड आयोग (SSC), रेल्वे भरती मंडळ आणि बँकिंग कर्मचारी निवड संस्था यांचा समावेश आहे. पुढे, टप्प्याटप्याने आणखी समित्या यात समाविष्ट केल्या जाणार आहेत.

सामाईक पात्रता परीक्षा देशभरातल्या 1,000 केंद्रांवर घेतली जाणार. देशातल्या प्रत्येक जिल्ह्यात एक परीक्षा केंद्र असणार. विशेषतः देशातल्या 117 आकांक्षी जिल्ह्यांमध्ये या परीक्षेसाठीच्या पायाभूत सुविधा उभारण्यासाठी विशेष प्रयत्न केले जाणार आहेत.

सामाईक पात्रता परीक्षा ही उमेदवारांची पहिली यादी निश्चित करण्यासाठीची पहिली परीक्षा असणार. परीक्षेत मिळविलेले गुण तीन वर्षांसाठी ग्राह्य धरले जाणार.

सामाईक पात्रता परीक्षा कितीही वेळा देता येणार, त्यावर कुठलेही बंधन असणार नाही. मात्र, त्यासाठीच्या कमाल वयोमर्यादेची अट लागू राहणार. अनुसूचित जाती/जमाती आणि इतर मागासवर्गीय उमेदवारांसाठी सध्याच्या वयोमर्यादेबाबतच्या शिथिलता पुढेही कायम राहणार.
🟧बायडेन यांच्या उमेदवारीवर शिक्कामोर्तब.

डेमोक्रॅटिक पक्षाचे अध्यक्षीय उमेदवार म्हणून जो बायडेन यांच्या नावाला अधिकृत मान्यता देण्यात आली. डेमोक्रॅटिक पक्षाचे अधिवेशन आभासी पद्धतीने झाले त्यात हे सोपस्कार पूर्ण करण्यात आले. आता ३ नोव्हेंबर रोजी अध्यक्षीय निवडणुकीत रिपब्लिकन नेते व विद्यमान अध्यक्ष डोनाल्ड ट्रम्प तसेच डेमोक्रॅटिकपक्षाचे उमेदवार बायडेन यांच्यात कडवी झुंज होणार आहे.

बायडेन (वय ७७) यांनी जानेवारी २००९ ते जानेवारी २०१७ अशी आठ वर्षे अमेरिकेचे उपाध्यक्ष म्हणून काम केले आहे. गुरुवारी ते उमेदवारी स्वीकारल्याबाबत भाषण करणार आहेत. डेलावरचे सिनेटर असलेल्या बायडेन यांनी सांगितले की, अमेरिकी अध्यक्षपदाची उमेदवारी स्वीकारताना आपल्याला आनंद होत आहे. त्यांच्या पत्नी जिल बायडेन यांनी सांगितले की, देशातील लोकांना त्यांच्या अपेक्षेप्रमाणे नेतृत्व हवे आहे.

डेमोक्रॅटिक पक्षाच्या प्रतिनिधींनी आभासी अधिवेशनात जो बायडेन यांच्या उमेदवारीवर अखेरचे शिक्कामोर्तब केले. बायडेन यांनी पन्नास राज्यातून आलेल्या प्रतिनिधींच्या आभासी हजेरीनंतर उमेदवारी स्वीकारली. बायडेन यांनी भारत व अमेरिका यांच्यात अणुकरार घडवून आणण्यात महत्त्वाची भूमिका पार पाडली होती.

बायडेन यांचे त्यांच्या उपाध्यक्षपदाच्या उमेदवार कमला हॅरीस यांनी अभिनंदन केले आहे. सध्याच्या परिस्थितीत बायडेन हे ट्रम्प यांच्यापेक्षा ७.७ गुणांनी आघाडीवर आहेत. जूनमध्ये ही आघाडी १०.२ गुणांची होती. दरम्यान ट्रम्प यांच्या अध्यक्षीय उमेदवारीवर पुढील आठवडय़ात रिपब्लिकन पक्षाच्या आभासी अधिवेशनात शिक्कामोर्तब होणार आहे.
🟧National Recruitment Agency स्थापन करण्यात येईल- मोदी सरकार.


सरकारी नोकरीबाबत मोदी सरकारने आता एक मोठा निर्णय घेतला आहे. राष्ट्रीय भरती संस्था अर्थात National Recruitment Agency स्थापन करण्यात येईल.

त्याद्वारे एकच सामायिक परीक्षा देऊन तरुणांना आपली गुणवत्ता सिद्ध करता येईल. शिक्षण झाल्यानंतर नोकरी मिळवण्यासाठी युवा पिढी अनेक मार्गाचा अवलंब करते.

प्रत्येक संस्था आणि कंपन्या आपल्या परीक्षा ठेवतात. नोकरीच्या महत्त्वाकांक्षेच्या दृष्टीने या सगळ्या परीक्षा देतात.

मात्र मोदी सरकारच्या निर्णयामुळे हे चित्र बदलण्याची चिन्हं आहेत. केंद्रीय मंत्री प्रकाश जावडेकर यांनी कॅबिनेट बैठकीत झालेल्या निर्णयासंबंधी झालेल्या महत्त्वाच्या निर्णयाची माहिती दिली
.