MPSC SIMPLIFIED(official)
34.4K subscribers
34.8K photos
52 videos
3.69K files
9.49K links
simplified चा टेलिग्राम ग्रुप
(आपल्या मित्रांना जॉईन करा)

+ सिम्प्लिफाइड स्टडी
+newspaper सिम्प्लिफाइड
+job सिम्प्लिफाइड
+daily चालू घडामोडी टेस्ट
+अभ्यास आधारित टेस्ट


https://telegram.me/mpscsimplified
Download Telegram
🙏💐 Happy Teacher's Day 💐🙏
🟧इंद्रा नेव्ही-20”: भारत आणि रशिया यांचा संयुक्त युद्धसराव.

भारतीय नौदल आणि रशियाचे नौदल यांचा 11 वा द्वैवार्षिक संयुक्त सागरी सराव 4 आणि 5 सप्टेंबर 2020 रोजी बंगालच्या उपसागरात आयोजित करण्यात आला आहे.

🌀ठळक बाबी

“इंद्रा नेव्ही-20”चा मुख्य उद्देश दोन्ही नौदलामधले आंतर-संचालन अधिक दृढ करणे आणि बहु आयामी सागरी अभियानासाठी आकलन आणि पद्धती विस्तृत करणे हा आहे.

सरावादरम्यान भारतीय नौदलाच्या ताफ्यात क्षेपणास्त्र विनाशिका ‘रणविजय’, स्वदेशी लढाऊ जहाज ‘सह्याद्री’ आणि ‘शक्ती’ या तेलवाहू जहाजाचा आणि हेलिकॉप्टरचाही समावेश आहे. तर रशियाच्या ताफ्यात विनाशिका ‘एडमिरल विनोग्राडोव्ह’, विनाशिका ‘एडमिरल ट्रिब्युट’ आणि फ्लीट टॅंकर ‘बोरिस ब्यूटोमा’ या जहाजांचा समावेश आहे.

2003 साली सुरु झालेला “इंद्रा नेव्ही” म्हणजे दोन्ही देशांच्या नौदलामधल्या दीर्घकालीन धोरणात्मक संबंधांचे प्रतिक आहे. सरावामुळे दोन्ही नौदलात परस्पर विश्वास आणि सहकार्य अधिक दृढ होणार असून, उभय देशातले दीर्घ काळापासूनचे मैत्रीचे बंध अधिक बळकट होण्यास मदत होणार आहे.

🌀रशिया देश.

रशिया हा आशिया खंडाच्या उत्तर भागातला एक देश आहे. क्षेत्रफळाच्या दृष्टीने रशिया जगातला सर्वात मोठा देश आहे. जगाच्या एकूण भूभागाच्या क्षेत्रफळापैकी सुमारे एक-सप्तमांश क्षेत्र रशियाने व्यापलेले आहे. रशियाचा विस्तार यूरोप व आशिया अशा दोन्ही खंडांत असून यूरोप खंडाचा पूर्वेकडील जवळजवळ निम्मा भाग तर आशिया खंडाचा उत्तरेकडील सुमारे दोन-पंचमांश भाग या देशाने व्यापलेला आहे.

मॉस्को हे देशाच्या राजधानीचे शहर आहे. रूबल हे रशियाचे राष्ट्रीय चलन आहे.
🟧“राजीव गांधी नाही तर महान खेळाडूच्या नावाने दिला जावा देशातील सर्वोच्च क्रीडा पुरस्कार”

राजकारणामध्ये सक्रीय झालेली भारताची महिला कुस्तीपटू बबिता फोगटने देशातील सर्वोच्च खेळ पुरस्कार असणाऱ्या राजीव गांधी खेलरत्न या पुरस्कारचे नाव बदलण्याची मागणी केली आहे. बबिताने सोशल मिडियावरुन ही मागणी केली असून खेळांशी संबंधित पुरस्कारांना केवळ महान आणि सन्माननिय खेळाडूंचे नाव देण्यात यावे असं म्हटलं आहे. देशातील खेळ पुरस्कार राजकीय व्यक्तींच्या नावाने देण्यात येऊ नयेत असं बबिताने म्हटलं आहे.

बबिताने ट्विटवरुन या पुरस्कारांचे नाव बदलण्याची मागणी केली आहे. तसेच ही मागणी योग्य आहे की नाही यासंदर्भात तिने आपल्या फॉलोअर्स आणि चाहत्यांना प्रश्न विचारला आहे. राजीव गांधी खेलरत्न पुरस्काराचे नाव बदलून त्या पुरस्काराला एखाद्या खेळाडूचे नाव देण्याचा सल्ला तुम्हाला कसा वाटला, असं बबिताने चाहत्यांना विचारलं आहे.

इतकचं नाही तर बबिताने देशातील क्रिडा क्षेत्रातील सर्वोच्च पुरस्कार राजीव गांधींच्या नावाने का देण्यात येतात असा प्रश्न उपस्थित करणारे ट्विट अगदी खोचक शब्दात केलं आहे. “भारतात उभं राहून राजीव गांधी यांनी थेट इटलीमध्ये भाला फेकला होता म्हणून त्यांच्या नावाने खेलरत्न पुरस्कार दिला जातो का?,” असा टोला अन्य एका ट्विटमध्ये बबिताने लागावला आहे.
🟧ऑक्टोबरच्या पहिल्या आठवड्यात अंतिम वर्षाची परीक्षा, घरी बसून परीक्षा देण्यास राज्यपालांची मंजुरी.

राज्यातील विद्यापीठस्तरावरील अंतिम सत्राच्या परीक्षा विद्यार्थ्यांनी घरी बसून देण्यास राज्यपाल भगतसिंग कोश्यारी यांनी मंजुरी दिली असल्याची माहिती राज्याचे उच्च व तंत्रशिक्षण मंत्री उदय सामंत यांनी दिली आहे. ऑक्टोबरच्या पहिल्या आठवड्यात लेखी परीक्षा होतील असं उदय सामंत यांनी सांगितलं असून महिना अखेपर्यंत निकाल लावण्याचा प्रयत्न असेल अशी माहिती दिली आहे. राज्यपाल आणि कुलगुरुंसोबत झालेल्या बैठकीनंतर प्रसारमाध्यमांशी बोलताना त्यांनी ही माहिती दिली. उद्या १२ वाजता अंतिम अहवाल सादर केला जाणार असल्याचंही त्यांनी सांगितलं आहे.

“घरात बसून परीक्षा झाली पाहिजे यासाठी आमचा आग्रह होता. त्याला राज्यपालांनी मंजुरी दिली आहे. परीक्षा घेण्यासंबंधी ऑनलाइन, ऑफलाइन असे चार प्रकार असून त्यासंबंधी अंतिम अहवाल आज रात्रीपर्यंत तयार होईल. उद्या शासनाला तो प्राप्त होईल. अहवाल मिळाल्यांतर कोणतीही मुदत न घेता तातडीने विद्यापीठांकडे पाठवू,” असं उदय सामंत यांनी सांगितलं आहे.

“सोमवारी किंवा मंगळवारी मुख्यमंत्र्यांच्या अध्यक्षतेखाली आपत्ती व्यवस्थापन विभागाची बैठक बोलावून युजीसीला विनंती करण्याबाबत निर्णय घेऊ. ३१ ऑक्टोबरपर्यंत महाराष्ट्रातील सर्व निकाल लावू शकतो ही जी कुलगुरुंनी भूमिका घेतली आहे ती आम्ही युजीसीकडे मांडू,” असं उदय सामंत यांनी सांगितलं आहे.
🟧सुरूवात झाली नरेंद्र मोदींच्या 2.25 लाख रुपयांपासून

कोविड-१९ मुळे निर्माण झालेल्या आणीबाणीच्या परिस्थितीला तोंड देण्यासाठी मार्च महिन्यात पंतप्रधान नरेंद्र मोदी यांच्यामार्फत सुरू करण्यात आलेल्या पीएम केअर्स फंडला भारतीयांनी पाठिंबा दिला आहे. पंतप्रधान नरेंद्र मोदींनीदेखील या फंडसाठी स्वखर्चातील निधी दिला आहे. पंतप्रधान मोदींनी 27 मार्च रोजी पीएम केअर्स फंडाची स्थापना केल्यानंतर सर्वात आधी 2.25 लाखांचा निधी दिला.

पंतप्रधान केअर 2019 -2020 च्या वार्षिक लेखापरीक्षण अहवालात पंतप्रधान मोदींनी 2.25 लाखांचा निधी दिला असल्याची माहिती समोर आली आहे. तसेच पीएम केअर्स निधीला स्थापनेपासून केवळ पाच दिवसांमध्ये 3076.62 कोटी रुपये ऐच्छिक देणगीच्या रुपात जमा झाल्याचा उल्लेख यात करण्यात आला आहे. इकॉनॉमिक्स टाइम्सने या संदर्भात वृत्त दिले आहे.

यापूर्वी मोदींनी 2019 साली झालेल्या कुंभमेळ्यातील स्वच्छता कामगारांच्या कल्याणासाठी आपल्या वैयक्तिक बचतीतून 21 लाख रुपयांची मदत दिली होती. दक्षिण कोरियामध्ये सोल पीस पुरस्कारासोबत मिळालेल्या संपूर्ण 1.3 कोटी रुपयांची रक्कम त्यांनी नमामि गंगे प्रकल्पसाठी दिली होती. या पुरस्कारातून मिळालेल्या बक्षिसपात्र रकमेच्या करामध्ये सवलत मिळावी यासाठी मोदींनी अर्थमत्र्यांना पत्रदेखील लिहिले होते.
🟧ग्लोबल सप्लाय चेन विकसित करण्यासाठी विश्वास महत्त्वाचा हे महामारीनं दाखवून दिलं - पंतप्रधान.


‘भारत-अमेरिका स्ट्रॅटेजिक पार्टनरशिप फोरम’मध्ये (USISPF) विविधता असलेले लोकं एकत्र आली आहे. या फोरमचं काम उल्लेखनीय असल्याचं मत पंतप्रधान नरेंद्र मोदी यांनी व्यक्त केलं. “जेव्हा २०२० हे वर्ष सुरू झालं तेव्हा कोणी अशी महामारी येईल याचा विचारही केला नव्हता. सुरूवातीच्या काळात भारतात केवळ एकच करोना चाचणीची लॅब होती. परंतु आता देशभरात १ हजार १६०० लॅब आहेत.

भारतातील करोनामुळे होणार मृत्यूदरही इतर देशांच्या तुलनेत कमी आहे,” असं मोदी म्हणाले. पंतप्रधान नरेंद्र मोदी यांनी ‘भारत-अमेरिका स्ट्रॅटेजिक पार्टनरशिप फोरम’ला (USISPF) संबोधित केलं. त्यावेळी ते बोलत होते. तसंच ग्लोबल सप्लाय चेन विकसित करण्यासाठी विश्वास महत्त्वाचा हे महामारीनं दाखवून दिल्याचं मोदी म्हणाले. पंतप्रधान नरेंद्र मोदी यांच्यापूर्वी अर्थमंत्री निर्मला सीतारामन, चीफ ऑफ डिफेन्स स्टाफ जनरल बिपिन रावत हेदेखील सहभागी झाले होते.

“या वर्षाच्या सुरूवातीला करोनासारखी महामारी येईल असं कोणालाही वाटलं नव्हतं. परंतु या महामारीचा जगातील सर्वांवर परिणाम झाला. ही महामारी सार्वजनिक आरोग्य व्यवस्था आर्थिक प्रणालीची परीक्षा घेत आहे. सद्यस्थितीत विकासाठी मानव केंद्रीत दृष्टीकोन ठेवणं आवश्यक आहे,” असं मोदी म्हणाले.

भारतात करोनापासून बरे होण्याचा दरही वेगानं वाढत आहे. देशातील व्यावसायिक, उद्योजकही उत्तम काम करत आहेत. भारत हा आता जगातील दुसऱ्या क्रमांकाचा पीपीई किट तयार करणार देश ठरला असल्याचंही त्यांनी सांगितलं.
🟧जनऔषधी योजनेच्या अंतर्गत रोगप्रतिकारशक्ती वाढविणारी आठ उत्पादने विक्रीसाठी उपलब्ध.

🔘प्रधानमंत्री भारतीय जनऔषधी योजनेच्या अंतर्गत रोगप्रतिकारशक्ती वाढविणाऱ्या आठ पोषक उत्पादनांना जनऔषधी केंद्रांवर उपलब्ध करून देण्यात आली आहेत.

🟣ती उत्पादने खालीलप्रमाणे आहेत –

▪️जन औषधी पोषण माल्ट-बेस्ड (500 ग्रॅम) – 175 रुपये
▪️जन औषधी पोषण माल्ट-बेस्ड विथ कोको (500 ग्रॅम) – 180 रुपये
▪️प्रोटीन पाऊडर (चोकोलेट) (250 ग्रॅम) – 200 रुपये
▪️प्रोटीन पाऊडर (वॅनीला) (250 ग्रॅम) – 200 रुपये
प्रोटीन पाऊडर (केसर पिस्ता) (250 ग्रॅम) – 200 रुपये
▪️जन औषधी जननी (250 ग्रॅम) – 225 रुपये
▪️प्रोटीन बार (35 ग्रॅम) – 40 रुपये
जन औषधी इम्युनिटी बार (10 ग्रॅम) – 10 रुपये

🔘कोविड-19 महामारीच्या काळात शरीराची विषाणूच्या विरोधात रोगप्रतिकारशक्ती वाढविण्यासाठी या उत्पादनांचा उपयोग होऊ शकतो.नैसर्गिकरित्या तयार करण्यात आलेल्या या सर्व औषधांची गुणवत्ता चांगली असून बाजारातल्या इतर उत्पादनांच्या तुलनेत त्यांची किंमत जवळजवळ 26 टक्क्यांनी कमी आहे.

🟣प्रधानमंत्री भारतीय जन औषधी (जनौषधी) योजना.

गरीब, निम्न मध्यम वर्ग आणि मध्यम वर्गाला परवडण्याजोग्या दरात औषधे उपलब्ध व्हावीत आणि त्यांच्यावरचे आर्थिक ओझे कमी व्हावे, या उद्देशाने 1 जुलै 2015 रोजी “प्रधानमंत्री भारतीय जन औषधी (जनौषधी) योजना” लागू करण्यात आली. परंतु मुळात ही योजना 2008 सालापासून राबवली जात आहे आणि आत्ताची योजना त्याची सुधारित आवृत्ती आहे. जनौषधी केंद्रांमध्ये उपलब्ध असणाऱ्या औषधांच्या किंमती बाजारात उपलब्ध असणाऱ्या इतर औषधांच्या तुलनेत 50-90% कमी आहेत. सध्या देशातल्या 732 जिल्हयांमध्ये 6587 केंद्र उघडण्यात आली आहेत.
🟧आरोग्य विद्यापीठाच्या परीक्षा घेण्यास राज्यपालांची मंजुरी.

राज्यपाल तथा कुलपती भगतसिंह कोश्यारी यांनी आरोग्य विज्ञान विद्यापीठाने प्रस्तावित केलेल्या पदवी व पदव्युत्तर वैद्यकीय विद्याशाखांच्या परीक्षा आराखड्याला मंजुरी देत सर्व परीक्षा घेण्यास अनुमती दिली आहे.

तर राज्याचे वैद्यकीय शिक्षण मंत्री अमित देशमुख यांनी गुरुवारी राज्यपालांची भेट घेऊन राज्यपालांना आरोग्य विज्ञान विद्यापीठातर्फे तयार करण्यात आलेला वैद्यकीय परीक्षा घेण्याबाबतचा विस्तृत आराखडा सादर केला.

तसेच विद्यापीठाने परीक्षा घेण्यासंदर्भात केलेल्या नियोजनाचे राज्यपालांनी कौतुक केले. राज्यपालांना दिलेल्या पत्रामध्ये अमित देशमुख यांनी आरोग्य विज्ञान विद्यापीठाने परीक्षा घेण्यासंदर्भात तीन पर्याय तयार केले असल्याचे सांगितले.

पहिल्या प्रस्तावानुसार परिस्थिती अनुकूल असल्यास सर्व लेखी परीक्षा 15 जूलै ते 15 आगष्ट या कालावधीत घेण्यात येतील. कोरोना परिस्थितीमुळे या कालावधीत परीक्षा घेणे शक्य न झाल्यास लेखी परीक्षा 16 आगष्ट ते 15 सप्टेंबर या कालावधीत घेण्यात येईल.

तसेच उपरोक्त दोन्ही पयार्यांनुसार परीक्षा होऊ न शकल्यास आरोग्य विज्ञान विद्यापीठातर्फे केंद्रीय परिषदेचे मार्गदर्शन घेण्यात येईल व त्यानुसार आॅनलाईन किंवा इतर पद्धतीने परीक्षा घेण्याचा निर्णय होईल.
ऑस्ट्रेलियाचे मिलिट्री बेस वापरणार भारत.

गुरूवार पंतप्रधान नरेंद्र मोदी यांनी ऑस्ट्रेलियाचे पंतप्रधान स्कॉट मॉरिसन यांच्यासोबत व्हर्च्युअल बैठक केली.
तर या बैठकीत दोन्ही देशांनी एका महत्त्वाच्या करारावर स्वाक्षऱ्या केल्या.

या कराराअंतर्गत दोन्ही देशांना एकमेकांचे सैन्य तळ वापरता येणार आहेत.तसेच “हा करार म्हणजे भारत आणि ऑस्ट्रेलियाच्या मैत्रीचे नवे मॉडेल आहे,” असा उल्लेख पंतप्रधान नरेंद्र मोदी यांनी करारानंतर केला.

याबैठकीतदरम्यान दोन्ही देशांमध्ये अनेक महत्त्वाच्या बाबींवर चर्चा करण्यात आली. तसंच यावेळी आरोग्य सेवा, व्यवसाय आणि संरक्षण क्षेत्रातील द्विपक्षीय संबंध अधिक दृढ करण्यावर दोन्ही देशांच्य पंतप्रधानांनी चर्चा केली.

नव्या करारानुसार भारत आणि ऑस्ट्रेलिया या दोन्ही देशांची लढाऊ जहाजं आणि लढाऊ विमानं एकमेकांच्या सैन्य तळांचा वापर करू शकणार आहेत. तसंच गरज भासल्यास त्यांना इंधनाचा पुरवठादेखील केला जाणार आहे.

हिंद महासागरात चीनचा वाढता हस्तक्षेप पाहता तो रोखण्यासाठी दोन्ही देश एकत्र आल्याचं म्हटलं जात आहे. भारतानं अमेरिकेसोबतही असाच एक करार केला आहे.