MPSC SIMPLIFIED(official)
34.4K subscribers
34.8K photos
52 videos
3.69K files
9.49K links
simplified चा टेलिग्राम ग्रुप
(आपल्या मित्रांना जॉईन करा)

+ सिम्प्लिफाइड स्टडी
+newspaper सिम्प्लिफाइड
+job सिम्प्लिफाइड
+daily चालू घडामोडी टेस्ट
+अभ्यास आधारित टेस्ट


https://telegram.me/mpscsimplified
Download Telegram
🟧ईशान्य क्षेत्रात विशेष त्वरणित रस्ते विकास कार्यक्रम” (SARDP-NE) निधीत वाढ

रस्ते परिवहन व महामार्ग मंत्रालयाच्यावतीने चालू आर्थिक वर्षात “ईशान्य क्षेत्रात विशेष त्वरणित रस्ते विकास कार्यक्रम” (SARDP-NE) याच्या अंतर्गत संबंधित कामांसाठी खर्चाच्या निधी वाटपामध्ये वाढ करण्यात आली आहे. सुधारित वाटपानुसार, आधीच्या रकमेच्या दुप्पट रक्कम देण्याला मंत्रालयाने मान्यता दिली आहे.

भारत सरकारने पूर्वोत्तर प्रदेशात SARDP-NE योजनेच्या अंतर्गत मोठ्या प्रमाणावर रस्ते विकास कार्यक्रम हाती घेतला आहे.

🔴ठळक बाबी

सन 2020-21 मध्ये राष्ट्रीय गुंतवणूक निधीतून करण्यात येणाऱ्या 390 कोटी रुपये खर्चाच्या तुलनेत, याच कालावधीसाठी 760 कोटी रुपये निश्चित करण्यात आले आहेत. त्यापैकी 300 कोटी रुपये अरुणाचल प्रदेशातल्या कामांसाठी विशेषत: निश्चित केले आहेत.

त्याव्यतिरिक्त, 10 टक्के अनिवार्य पूल फंड अंतर्गत ईशान्य भागातल्या राष्ट्रीय महामार्गामध्ये गेल्या 5 वर्षात वाढ झाली आहे.
निधीच्या अंतर्गत सन 2016-17 साठी 4,520 कोटी रुपये, सन 2017-18 साठी 5,265 कोटी रुपये, सन 2018-19 साठी 6,210 कोटी रुपये, सन 2019-20 साठी 6,070 कोटी रुपये, आणि सन 2020-21 साठी 6,780 कोटी रुपये एवढ्या निधीचे वाटप करण्यात आले आहे.

SARDP-NE (फेज-ए आणि अरुणाचल प्रदेश) याच्या अंतर्गत अंदाजे 6418 किलोमीटर लांबीचा रस्ते विकास निश्चित करण्यात आला असून यासाठी अंदाजे 30,450 कोटी रुपये गुंतवणूक अपेक्षित आहे. त्यापैकी 3356 किलोमीटर रस्त्यांचे पूर्ण झाले असून 1961 किलोमीटर रस्त्यांचे बांधकाम सुरू आहे.
🟧भारतीय तंत्रज्ञांवर अमेरिकेत आणखी निर्बंध.

भारतीय माहिती तंत्रज्ञान व्यावसायिक आणि कंपन्या यांच्यात लोकप्रिय असलेल्या अस्थलांतरित एच १-बी व्हिसावर ट्रम्प प्रशासनाने आणखी नवे निर्बंध लागू केले. अमेरिकी कामगारांच्या नोक ऱ्या वाचवण्याच्या प्रयत्नात हे पाऊल उचलण्यात आले असून त्याचा सर्वाधिक फटका भारतीय तंत्रज्ञ आणि कामगारांना बसणार आहे.

अंतर्गत सुरक्षा मंत्रालयाने म्हटले आहे,की निकष पूर्ण करणाऱ्या कामगारांनाच कंपन्यांनी नियुक्तीचे प्रस्ताव द्यावेत. यापुढे अंतर्गत सुरक्षा व स्थलांतर खात्याचे अधिकारी कंपन्यांमध्ये जाऊन तपासणी करणार आहेत. एच १-बी अस्थलांतरित व्हिसामुळे अमेरिकी कंपन्या परदेशी कामगारांना अमेरिकी कामगारांच्या तुलनेत कमी वेतन देऊन कामावर ठेवू शकतात, पण आता ट्रम्प प्रशासनाने परदेशी कामगारांचे वेतन वाढवण्याचा नियम केल्याने आपोआप या कंपन्यांना देशी कर्मचाऱ्यांना कामावर घ्यावे लागणार आहे.

एच १-बी व्हिसा हा तांत्रिक कौशल्ये असलेल्या कामगारांना दिला जातो. भारत व चीन या दोन देशांच्या कंपन्या अधिक प्रमाणात माहिती तंत्रज्ञान कर्मचारी अमेरिकेत पाठवतात. या निर्णयांमुळे भारताच्या माहिती तंत्रज्ञान कर्मचाऱ्यांना फटका बसणार असून आधीच अनेकभारतीय माहिती तंत्रज्ञान कर्मचाऱ्यांनी नोकऱ्या गमावल्या आहेत आणि ते परत येत आहेत.
🟧जबेरमुळे अरब देशांमध्ये टेनिसक्रांती.

टय़ुनिशियाच्या ओन्स जबेरला मंगळवारी फ्रेंच खुल्या टेनिस स्पर्धेची उपांत्यपूर्व फेरी गाठण्यात अपयश आले असले तरी तिच्या स्वप्नवत वाटचालीमुळे अरब देशांमध्ये पुन्हा एकदा टेनिसक्रांती घडून आली आहे.

26 वर्षीय जबेरला डॅनिल कॉलिन्सने पराभूत केले. मात्र याच स्पर्धेतील पहिल्या फेरीत कॅरोलिना प्लिस्कोव्हा आणि इजिप्तच्या मायर शेरिफ यांच्यातील लढत पाहून जबेर भावूक झाल्याचे दिसून आले.त्याशिवाय चौथ्या लढतीत पराभूत झाल्यानंतरही जबेरच्या डोळ्यांतून आनंदाश्रू वाहू लागले.

जबेर आणि शेरिफ यांच्या रुपात प्रथमच अरबच्या दोन महिला एखाद्या ग्रँडस्लॅम स्पर्धेत खेळत होत्या. त्यामुळे अरब देशांमधील नागरिकांसाठी हा अभिमानाचा क्षण होता.
🟧दोन महिलांनी रसायनशास्त्राचे नोबेल पटकावण्याची ही पहिलीच वेळ

जनुकीय संपादनासाठी वापरण्यात येणाऱ्या रेणवीय कात्र्यांच्या संशोधनाला यंदा रसायनाशास्त्राचे नोबेल जाहीर झाले.
या संशोधनामुळे रोगकारक जनुके काढून अनेक आनुवंशिक आजार तसेच कर्करोगही बरा करता येणे शक्य आहे.

रसायनशास्त्राचे हे नोबेल फ्रान्सच्या इमॅन्युएल शापेंटी आणि अमेरिकेच्या जेनिफर ए. डाउडना यांना विभागून देण्यात येणार आहे.

दोन महिलांनी रसायनशास्त्राचे नोबेल पटकावण्याची ही पहिलीच वेळ आहे. त्यांनी प्राणी आणि माणसातील सदोष जनुके काढून टाकण्यासाठीचे ‘क्रिस्पर’ किंवा ‘कॅस 9’ तंत्रज्ञान शोधून काढले होते.
ही पद्धत वनस्पती व सूक्ष्मजीवातील घातक किंवा सदोष जनुके काढून टाकण्यासाठी वापरता येते.

रेणवीय कात्र्यांचे हे जनुकीय साधन विशेष परिणामकारक असल्याचे रसायनशास्त्राच्या नोबेल समितीचे अध्यक्ष क्लेस गुस्ताफसन यांनी म्हटले आहे.
🟧12 वी BRICS शिखर परिषद.

17 नोव्हेंबर 2020 रोजी व्हिडिओ कॉन्फरन्सच्या माध्यमाने 12 वी BRICS शिखर परिषद आयोजित करण्याचे नियोजित आहे.

🔴ठळक बाबी.

कार्यक्रमात ब्राझील, रशिया, भारत, चीन आणि दक्षिण आफ्रिका या देशांचे प्रतिनिधी परस्पर सहकार्यावर चर्चा करणार.कार्यक्रमाचा विषय - “जागतिक स्थिरता, सामायिक सुरक्षा आणि नाविन्यपूर्ण वाढ यासाठी BRICS भागीदारी”.परिषदेचे अध्यक्षपद रशियाकडे आहे.

🔴BRICS विषयी.

BRICS हा ब्राझील, रशिया, भारत, चीन आणि दक्षिण आफ्रिका या पाच राष्ट्रांचा समूह आहे. 2006 साली समूहाची स्थापना झाली. 2011 साली BRIC समुहात दक्षिण आफ्रिकेचा समावेश करण्यात आला आणि समूहाला BRICS हे नाव दिले गेले. BRICS देशांमधले द्विपक्षीय संबंध प्रामुख्याने हस्तक्षेप-मुक्त, समानता आणि परस्पर लाभाच्या आधारे प्रस्थापित केले जातात.

रशियाच्या येकतेरिनबर्ग शहरात दिनांक 16 जून 2009 रोजी BRIC समूहाची पहिली औपचारिक परिषद आयोजित करण्यात आली होती. 2009 सालापासून BRICS राष्ट्रे औपचारिक परिषदेत दरवर्षी भेट घेतात.
🟧 केंद्रीय मंत्री आणि लोकजनशक्ती पार्टीचे अध्यक्ष रामविलास पासवान यांचे निधन

लोकजनशक्ती पार्टी अध्यक्ष आणि केंद्रीय मंत्री रामविलास पासवान यांचे आज निधन झाले. ते ७४ वर्षांचे होते. त्यांच्यावर दिल्लीतील रुग्णालयात उपचार सुरू होते. तिथे त्यांनी अखेरचा श्वास घेतला.

पासवान यांनी गेल्या ३२ वर्षांत ११ निवडणुका लढवल्या होत्या. त्यापैकी ९ निवडणुकांत ते विजयी झाले होते. सध्याच्या मोदी सरकारमध्ये रामविलास पासवान ग्राहक, अन्न आणि नागरी पुरवठा मंत्रालयाचा कारभार पाहत होते.

दरम्यान, देशातील सहा पंतप्रधानांसोबत त्यांच्या मंत्रिमंडळात काम करण्याचा विक्रम पासवान यांच्या नावावर आहे. तसेच पासवान यांनी केंद्रात
रेल्वे,माहिती प्रसारण,खनिज,रसायन,अन्न आणि नागरी पुरवठा अशा विविध खात्यांची जबाबदारी सांभाळली आहे.
Buy Online All Exam Book
👇👇👇👇


http://www.simplifiedcart.com
Forwarded from MPSC Mantra (Simplified Publication abhijit Thorbole)