MPSC SIMPLIFIED(official)
34.4K subscribers
34.8K photos
52 videos
3.69K files
9.49K links
simplified चा टेलिग्राम ग्रुप
(आपल्या मित्रांना जॉईन करा)

+ सिम्प्लिफाइड स्टडी
+newspaper सिम्प्लिफाइड
+job सिम्प्लिफाइड
+daily चालू घडामोडी टेस्ट
+अभ्यास आधारित टेस्ट


https://telegram.me/mpscsimplified
Download Telegram
🟧RBI चा मोठा निर्णय.

रिझर्व्ह बँकेने रिअल टाइम ग्रॉस सेटलमेंटची (RTGS) सुविधा आजपासून 24 तास म्हणजेच प्रत्येकवेळी उपलब्ध करण्याची घोषणा केली आहे.

रिझर्व्ह बँक ऑफ इंडियाच्या म्हणण्यानुसार, 14 डिसेंबरपासून आरटीजीएसची सुविधा 24 तास उपलब्ध असेल.

याचा अर्थ असा की तुम्ही आरटीजीएसद्वारे कधीही पैसे ट्रान्सफर करू शकता. यामुळे भारत या देशांमध्ये सामील होईल, जेथे ही सुविधा दिवसरात्र कार्यरत आहे.आरटीजीएस डिजिटल फंड ट्रान्सफर करण्याची एक पद्धत आहे.

आरटीजीएसच्या मदतीने कमी वेळात पैसे ट्रान्सफर केले जातात. याअंतर्गत किमान 2 लाख रुपये पाठविले जाऊ शकतात. जास्तीत जास्त रक्कम पाठविण्याची मर्यादा 10 लाख रुपये आहे.

आरटीजीएसमार्फत 2 लाख ते 5 लाखांपर्यंत निधी ट्रान्सफर करण्यासाठी आरबीआयने जास्तीत जास्त 24.5 रुपये शुल्क ठेवले आहे आणि 5 लाखाहून अधिक निधी ट्रान्सफर करण्यासाठी बँक जास्तीत जास्त 49.5 रुपये शुल्क आकारू शकते.

याआधी आरबीआयने एनईएफटीचे (NEFT) नियमांमध्ये बदल केले होते. एनईएफटीची सुविधा डिसेंबर 2019 पासून 24 तास उपलब्ध आहे. एनईएफटी देखील पेमेंटची एक पद्धत आहे. मात्र, यामध्ये पैसे ट्रान्सफर करण्याची प्रक्रिया काही काळानंतर पूर्ण केली जाते.
🟧सक्ती असूनही राज्यभाषा वाऱ्यावरच.

२०२०-२१ हे शैक्षणिक वर्ष संपत आले तरी केंद्रीय, आंतरराष्ट्रीय शिक्षण मंडळांच्या शाळा मराठी भाषा सक्तीच्या कायद्याबाबत अनभिज्ञ आहेत. मराठीसाठी अभ्यासक्रम कोणता, मूल्यमापन कसे, अशा प्रश्नांबाबत संभ्रम आहे. यासंदर्भात राज्य सरकारकडून अद्याप कोणतीही अधिकृत सूचना आली नसल्याचे संस्थाचालकांनी सांगितले. त्यामुळे या कायद्याच्या अंमलबजावणीबाबत उदासीनता असल्याचे चित्र आहे.

बोरिवलीच्या ‘मुंबई हाय वल्र्ड स्कूल’ सीबीएसई शाळेत प्रथम भाषा इंग्रजी, द्वितीय भाषा हिंदी आहे. अतिरिक्त उपक्रम म्हणून फ्रेंच, स्पॅनिश, संस्कृतसोबत मराठीही शिकवली जाते. आठवडय़ातून हिंदीच्या चार तासिका तर, मराठीचा केवळ एक तास असतो. मराठीबाबत लेखन, वाचन, संभाषण यांचे प्राथमिक धडे देण्यासाठी वृत्तपत्र वाचन वगैरे घेतले जाते. लेखी परीक्षा होत नाही.

‘मराठी सक्तीच्या कायद्याबाबत सरकारकडून कोणतीही अधिकृत सूचना आलेली नाही. मराठी अनिवार्य झाल्यास तिची लेखी परीक्षा घेणार का, दहावीसाठी मराठीची प्रश्नपत्रिका सीबीएसई काढणार का, असे प्रश्न शाळेचे संचालक योगेश दराडे यांनी उपस्थित केले.
🟧बारावीच्या परीक्षेसाठीचे अर्ज १५ डिसेंबर ते ४ जानेवारी दरम्यान.

महाराष्ट्र राज्य माध्यमिक व उच्च माध्यमिक शिक्षण मंडळातर्फे घेतल्या जाणाऱ्या बारावीच्या परीक्षेसाठी नियमित, पुनर्परीक्षार्थी, खासगी विद्यार्थी, श्रेणीसुधार योजनेअंतर्गत आणि विषय घेऊन प्रविष्ट होणाऱ्या विद्यार्थ्यांना ऑनलाइन अर्ज करता येणार आहे. त्यात नियमित विद्यार्थ्यांना १५ डिसेंबर ते ४ जानेवारीदरम्यान, तर पुनर्परीक्षार्थी, श्रेणीसुधार, व्यवसाय अभ्यासक्रम आदी विद्यार्थ्यांना ५ ते १८ जानेवारीदरम्यान अर्ज भरता येईल.

राज्य मंडळाचे सचिव डॉ. अशोक भोसले यांनी प्रसिद्धीपत्रकाद्वारे ही माहिती दिली. शाळा-कनिष्ठ महाविद्यालयांना www.mahahsscboard.in या संकेतस्थळावर विद्यार्थ्यांचे अर्ज भरता येणार आहेत. अर्ज भरल्यानंतर शुल्क चलनाद्वारे १५ डिसेंबर ते २५ जानेवारीदरम्यान बँकेत भरायचे आहे.

त्यानंतर विद्यार्थ्यांच्या यादी आणि प्री-लिस्ट चलनासोबत २८ जानेवारीला विभागीय मंडळात जमा करायची आहे. या वर्षी नव्याने १७ नंबरच्या अर्जाद्वारे नोंदणी करणाऱ्या खासगी विद्यार्थ्यांसाठी आवेदनपत्रे भरण्यासाठी स्वतंत्र कालावधी देण्यात येणार असल्याने त्या कालावधीत त्यांचे अर्ज भरू नयेत, असे डॉ. भोसले यांनी स्पष्ट के ले आहे.
🟧लोकसंख्या व विकास यांमधले भागीदार (PPD) यांची 17 वी बैठक संपन्न

19 नोव्हेंबर ते 8 डिसेंबर 2020 या कालावधीत 17 वी ‘लोकसंख्या व विकास यांमध्ये दक्षिण-दक्षिण सहकार्य विषयक आंतरराष्ट्रीय आंतरमंत्रीस्तरीय परिषद’ संपन्न झाली.

परिषद ‘नैरोबी वचनबद्धता आणि 2030 अजेंडा: कोविड-19 नंतरच्या संकट काळात साठा लक्षात घेणे आणि पुढे पाहणे’ या विषयावर केंद्रित करण्यात आली होती.

ही परिषद लोकसंख्या व विकास यांमधले भागीदार (PPD), संयुक्त राष्ट्रसंघ लोकसंख्या निधी (UNFPA) आणि PPDचा अध्यक्ष असलेले चीनचे राष्ट्रीय आरोग्य आयोग या संस्थांनी संयुक्तपणे आयोजित केली होती.

⚙लोकसंख्या व विकास यांमधले भागीदार (PPD) विषयी.

‘लोकसंख्या व विकास यांमधले भागीदार’ (Partners in Population and Development) या आंतर-सरकारी उपकरमाची 1994 साली आंतरराष्ट्रीय लोकसंख्या व विकास परिषदेत (ICPD) स्थापना झाली.

प्रजनन आरोग्य आणि लोकसंख्येच्या विकासासाठी दक्षिण-ते-दक्षिण सहयोग वाढविण्याच्या दृष्टीने तयार केलेला हा एक आंतरसरकारी उपक्रम आहे.

कैरो प्रोग्राम ऑफ अॅक्शन (POA) राबविण्यास मदत करण्यासाठी हा समूह तयार करण्यात आला आहे.
179 राष्ट्रांकडून मान्यता मिळालेला कैरो प्रोग्राम ऑफ अॅक्शन (POA) प्रजनन आरोग्य आणि कुटुंब नियोजन याविषयीच्या अनुभवांची देवाणघेवाण करून विकासाला प्रोत्साहन देण्यासाठी एक सक्षम यंत्रणा स्थापन करण्यावर भर देतो.
🟧दुबई आयटीएफ टेनिस स्पर्धात अंकिताला दुहेरीचे विजेतेपद.

भारताची अव्वल टेनिसपटू अंकिता रैनाने दुबई येथील अल हबतूर चॅलेंज या ‘आयटीएफ’ प्रकारातील दुहेरीचे विजेतेपद पटकावले.अंकिताने चालू वर्षांत पटकावलेले हे दुहेरीतील तिसरे विजेतेपद ठरले.

अंकिताने जॉर्जियाच्या इकॅटरिन जॉजरेझेच्या साथीने खेळताना स्पेनची अ‍ॅलिओना झॅडोइनोव आणि स्लोव्हाकियाची काजा जुवान या जोडीचा 6-4, 3-6, 10-6 असा पराभव केला.