MPSC SIMPLIFIED(official)
34.4K subscribers
34.8K photos
52 videos
3.69K files
9.49K links
simplified चा टेलिग्राम ग्रुप
(आपल्या मित्रांना जॉईन करा)

+ सिम्प्लिफाइड स्टडी
+newspaper सिम्प्लिफाइड
+job सिम्प्लिफाइड
+daily चालू घडामोडी टेस्ट
+अभ्यास आधारित टेस्ट


https://telegram.me/mpscsimplified
Download Telegram
🟧2030 पर्यंत भारतीय अर्थव्यवस्था राहिल तिसऱ्या स्थानी.

भारतीय अर्थव्यवस्था ही सन 2025 पर्यंत जगातील पाचवी तर सन 2030 मध्ये तिसरी सर्वात मोठी अर्थव्यवस्था होईल, असं भाकीत सेंटर ऑफ इकॉनॉमिक्स अँड बिझनेस रिसर्च (सीईबीआर) या संस्थेनं वर्तवलं आहे. या संस्थेच्या एका अहवालात याबाबत उल्लेख करण्यात आला आहे.

भारत सन 2019 मध्ये ब्रिटनला मागे टाकत जगातील पाचवी सर्वात मोठी अर्थव्यवस्था बनला होता. मात्र, सन 2020 मध्ये भारत पुन्हा सहाव्या स्थानावर फेकला गेला.

भारतीय अर्थव्यवस्था 2021 मध्ये 9 टक्के आणि 2022 मध्ये 7 टक्क्यांनी वाढेल असंही सीईबीआरने म्हटलं आहे.

आर्थिक स्वरुपात भरभराट झाल्यानंतर स्वाभाविकपणे भारताचा वेग कमी होईल आणि सन 2035 मध्ये जीडीपीची वाढ 5.8 टक्के राहिल.

तर यादरम्यान भारत सन 2030 मध्ये जगातील तिसरी सर्वात मोठी अर्थव्यवस्था बनेल
🟧राष्ट्रीय स्वच्छ गंगा अभियान (NMCG) अंतर्गत 22 प्रकल्प पूर्ण

राष्ट्रीय स्वच्छ गंगा अभियान (NMCG) मार्फत यावर्षी 22 प्रकल्प पूर्ण झाले. त्याव्यतिरिक्त सांडपाणी व्यवस्थापन, प्रदूषण कमी करणे, वनीकरण आणि जैवविविधता यांच्याशी संबंधित 17 नवीन प्रकल्पांना मंजुरी देण्यात आली आहे.

💠राष्ट्रीय स्वच्छ गंगा अभियान (NMCG) विषयी.

राष्ट्रीय स्वच्छ गंगा अभियान (NMCG) ही राष्ट्रीय गंगा परिषदेची अंमलबजावणी करणारी शाखा आहे. ऑक्टोबर 2016 मध्ये लागू झालेल्या “गंगा नदी (पुनरुत्थान, संरक्षण व व्यवस्थापन) प्राधिकरणे आदेश 2016” अंतर्गत NMCG ची स्थापना झाली.

पंतप्रधान नरेंद्र मोदी यांनी मे 2015 मध्ये ‘नमामि गंगे’ अभियानाची सुरुवात केली. हे अभियान राष्ट्रीय स्वच्छ गंगा अभियान (NMCG) यांच्यावतीने चालवले जात आहे. अभियानात नदीच्या साफसफाईसाठी एकूण 20,000 कोटी रुपयांच्या प्रकल्पांना पूर्ण केले जाणार आहे. यात नदीचा विकास, सांडपाण्याचा निचरा तसेच घाट आणि श्मशान जागांचे निर्माण अशी कार्ये चालवली जात आहेत.

💠गंगा नदी.

गंगा नदी ही दक्षिण आशियातली भारत व बांग्लादेश या दोन देशातून वाहणारी एक प्रमुख नदी आहे. ब्रह्मपुत्रा नदीनंतर ही भारतातली सर्वात मोठी नदी आहे. गंगा नदीची लांबी 2,525 किलोमीटर आहे आणि तिचा उगम भारतातील उत्तराखंड राज्यात हिमालय पर्वतातल्या गंगोत्री येथे होतो. तेथून ती आग्नेय दिशेला वाहत येते व उत्तर भारतातल्या गंगेच्या खोऱ्यातून वाहत बांग्लादेशात प्रवेश करते. बांग्लादेशात ती बंगालच्या उपसागराला मिळते.
🌸दिल्‍ली मेट्रोच्‍या मॅजेंटा मार्गावर पहिल्‍या चालकविरहित रेलगाडीचे पंतप्रधानांच्या हस्ते उद्घाटन.🌸

◾️पंतप्रधान नरेंद्र मोदी यांच्या हस्ते 28 डिसेंबर 2020 रोजी दिल्‍ली मेट्रोच्‍या मॅजेंटा मार्गावर (जनकपुरी वेस्ट ते बोटॅनिकल गार्डन पर्यंत) भारताच्‍या पहिल्‍या चालकविरहित रेलगाडीचे उद्घाटन झाले.

◾️मॅजेंटा मार्गावर चालकविरहित सेवा सुरू झाल्यानंतर 2021च्या मध्यापर्यंत दिल्ली मेट्रोच्या पिंक मार्गामध्ये चालकविरहित मेट्रो गाड्या चालवल्या जाणार आहेत.

🔴ठळक बाबी....

◾️‘नॅशनल कॉमन मोबिलिटी कार्ड’ सेवेचा दिल्ली मेट्रोच्या एअरपोर्ट एक्सप्रेस मार्गापर्यंत विस्तार करण्यात आला. गेल्या वर्षी अहमदाबाद शहरात या सेवेची सुरवात करण्यात आली होती.
‘नॅशनल कॉमन मोबिलिटी कार्ड’ प्रवाश्यांना देशात कुठेही आणि कोणत्याही सार्वजनिक वाहनातून प्रवास करताना एकीकृत संधी प्रदान करते.

◾️देशातल्या कोणत्याही भागातून प्राप्त झालेले रुपे-डेबिट कार्ड असलेल्या व्‍यक्तिला ‘नॅशनल कॉमन मोबिलिटी कार्ड’ वापरुन विमानतळ एक्सप्रेस मार्गावर प्रवास करता येणार अआहे. ही सुविधा 2022 सालापर्यंत संपूर्ण दिल्ली मेट्रो जाळ्यासाठी उपलब्ध होणार आहे.

◾️वर्तमानात भारताच्या 18 शहरात मेट्रो उपलब्ध आहे. 2025 सालापर्यंत 25 पेक्षा जास्त शहरांमध्ये याचा विस्तार करण्यात येणार आहे. देशात सुमारे 700 किलोमीटर लांबीचे मेट्रो मार्ग कार्यान्वित आहेत.
🟧स्वदेशीची कास धरा.

नवी दिल्ली: भारतीयांनी परदेशी उत्पादनांना पर्याय असलेल्या भारतीय वस्तू वापरण्याचा संकल्प नवीन वर्षांच्या निमित्ताने करावा, असे आवाहन पंतप्रधान नरेंद्र मोदी यांनी रविवारी ‘मन की बात’ कार्यक्रमात केले.

या वर्षांतील शेवटच्या ‘मन की बात’ कार्यक्रमात मोदी म्हणाले, ‘‘आत्मनिर्भर भारत कार्यक्रमाचा एक भाग म्हणून केंद्र सरकारने सुरू केलेल्या ‘व्होकल फॉर लोकल’ या मोहिमेला लोकांनी पाठिंबा दिला आहे. त्यामुळे आता उत्पादक आणि उद्योजकांनी जागतिक दर्जाच्या वस्तूंचे उत्पादन करावे.’’ सरते वर्ष आत्मनिर्भर भारताचे प्रतिध्वनी उमटवणारे ठरले, अशी टिप्पणीही त्यांनी केली.

पंतप्रधान मोदी यांनी गुरु गोविंद सिंग, माता गुजरी, श्रीगुरु तेग बहादूरजी यांना आदरांजली वाहिली. त्यांचा त्याग आणि करुणेचा उल्लेखही केला.
🟧नृत्य इतिहासकार सुनील कोठारी यांचे निधन

नवी दिल्ली : महिनाभरापूर्वी करोनाचा संसर्ग झालेले नृत्य इतिहासकार व समीक्षक सुनील कोठारी यांचे रविवारी सकाळी दिल्ली येथील रुग्णालयात निधन झाले, त्यांना हृदयविकाराचा झटका आला. ते ८७ वर्षांचे होते.

त्यांना पद्मश्री किताबाने गौरविण्यात आले होते. त्यांचा जन्म २० डिसेंबर १९३३ रोजी मुंबईत झाला. ते चार्टर्ड अकाउंटंट होते. नंतर ते भारतीय नृत्य प्रकारांच्या अभ्यासाकडे वळले. त्यांनी वीस पुस्तके लिहिली असून त्यात भारतीय नृत्य प्रकारांवर नवा प्रकाश टाकला आहे. त्यात सत्रिया डान्सेस ऑफ आसाम, न्यू डायरेकशन्स इन इंडियन डान्स ही पुस्तके प्रसिद्ध आहेत. भरतनाटय़म, ओडिशी, छाहू, कथ्थक, कुचीपुडी या नृत्य प्रकारांवर त्यांनी लेखन केले.

रबींद्र भारती विद्यापीठाच्या उदय शंकर अध्यासनाचे ते प्रमुख होते. त्यांनी न्यूयॉर्क विद्यापीठाच्या नृत्य विभागात अध्यापन केले. ते फुलब्राइट प्राध्यापकही होते.

३१ डिसेंबपर्यंत सरकारी घर खाली करण्याच्या नोटिसा ज्यांना देण्यात आल्या होत्या, त्यात त्यांचा समावेश होता. त्यावर त्यांनी आपल्याला अवमानकारक वागणूक देण्यात येत असल्याचे म्हटले होते.
🟧साताऱ्यातील शिक्षकाला आंतरराष्ट्रीय पुरस्कार.

टाळेबंदीच्या काळात मुलांना शिक्षण देण्यासाठी अभिनव मार्ग शोधणारे बालाजी जाधव हे साताऱ्यातील शिक्षक आंतरराष्ट्रीय पुरस्काराचे मानकरी ठरले आहेत.

जाधव यांनी टाळेबंदीच्या काळात शिक्षण सुरू ठेवण्यासाठी केलेल्या कॉन्फरन्स कॉलद्वारे शिक्षणाच्या प्रयोगाची दखल ‘हनी बी नेटवर्क’ व ‘गियान’ या संस्थांनी घेतली आहे.

बालाजी जाधव हे विजयनगर येथील जिल्हा परिषद शाळेत शिक्षक असून त्यांनी करोना टाळेबंदीतही मुलांना शिक्षणापासून वंचित राहू दिले नाही. त्यांच्या शाळेत ४० विद्यार्थी शिकतात. आई-वडिलांकडे स्मार्टफोन नसल्याने जाधव यांनी दूरसंवादाच्या (कॉन्फरन्स कॉल) माध्यमातून एकावेळी दहा विद्यार्थी याप्रमाणे विद्यार्थ्यांना शिकवले. मुलांना सहज आकलन होण्यासाठी गोष्टींचा वापर केला. मोठय़ा मुलांना रोज सांगितलेल्या गोष्टी लिहिण्यास सांगण्यात आले. त्यातून विद्यार्थ्यांना लेखनाचा सराव झाला.

जाधव यांनी आठ महिने हा उपक्रम राबवून सर्वच विद्यार्थ्यांचा अभ्यास पूर्ण करून घेतला. एवढेच नव्हे, तर त्यांनी शेजारच्या शाळांतील विद्यार्थ्यांनाही मदत केली. या अभिनव कार्यासाठी त्यांना २४ डिसेंबरला एचबीएन क्रिएटीव्हिटी अँड एक्सलुजिव्ह अ‍ॅवॉर्डस पुरस्कारा जाहीर झाला. त्यांच्यासह देशभरातील आणखी दहा शिक्षकांना हा पुरस्कार मिळाला.
🟧इंग्लिश प्रीमियर लीग फुटबॉल - आर्सेनलचा चेल्सीवर विजय

आर्सेनलने शानदार कामगिरीचे प्रदर्शन करत इंग्लिश प्रीमियर लीग फुटबॉलमध्ये शनिवारी मध्यरात्री चेल्सीवर ३-१ असा विजय मिळवला. जवळपास दोन महिन्यांतील आर्सेनलचा हा पहिला विजय ठरला.

अलेक्झांडे लाकाझेट्टे याने ३५व्या मिनिटाला मिळालेल्या पेनल्टीवर आर्सेनलचे खाते खोलल्यानंतर पहिल्या सत्राच्या अखेरीस ग्रॅनिट झाका याने फ्री-किकवर अप्रतिम गोल करत आर्सेनलला २-० अशा आघाडीवर आणले.

बुकायो साका याने ५६व्या मिनिटाला तिसऱ्या गोलची भर घालत आर्सेनलला मोठी आघाडी मिळवून दिली. अखेर चेल्सीने चॅमी अब्राहमच्या (८५व्या मिनिटाला) गोलमुळे सामन्यात रंगत आणण्याचा प्रयत्न केला. त्याचबरोबर अतिरिक्त वेळेत चेल्सीला पेनल्टी-किक मिळाली. पण जॉर्गिन्योने मारलेला फटका आर्सेनलचा गोलरक्षक बेर्नार्ड लेनो याने अडवला. आर्सेनलने या मोसमातील खराब सुरुवातीनंतर १४वे स्थान प्राप्त केले आहे. चेल्सी मात्र २५ गुणांसह सातव्या स्थानी आहे.
प्रश्न:- १९८६ च्या कायद्यात सुधारणा करुन नवीन ग्राहक संरक्षण कायदा २०१९ हा कोणत्या दिवशी अंमलात आला आहे.
Anonymous Quiz
33%
१) २० जुलै २०२०
28%
२) १० डिसेंबर २०२०
24%
३) ११ नोव्हेंबर २०२०
15%
४) २२ डिसेंबर २०२०