MPSC SIMPLIFIED(official)
34.4K subscribers
34.8K photos
52 videos
3.69K files
9.49K links
simplified चा टेलिग्राम ग्रुप
(आपल्या मित्रांना जॉईन करा)

+ सिम्प्लिफाइड स्टडी
+newspaper सिम्प्लिफाइड
+job सिम्प्लिफाइड
+daily चालू घडामोडी टेस्ट
+अभ्यास आधारित टेस्ट


https://telegram.me/mpscsimplified
Download Telegram
🔲 लवकरच Pre Booking सुरु होत आहे.
●▬▬▬▬⚜۩۞۩⚜▬▬▬▬●
🟧Simplified चालू घडामोडी डायरी YEARBOOK 2021
●▬▬▬▬⚜۩۞۩⚜▬▬▬▬●

▪️विद्यार्थी प्रिय असलेले आपले YEAR BOOK जानेवारीच्या पहिल्या आठवड्यामध्ये (१० जानेवारीपर्यंत) महाराष्ट्रात सर्वत्र उपलब्ध होणार आहे.
━━━━━━━༺༻━━━━━━━
📚1 जानेवारी ते 31 डिसेंबर 2020 दरम्यानच्या घडामोडींचा सखोल सर्वसमावेशक व परीक्षाभिमुख आढावा
━━━━━━━༺༻━━━━━━━
▪️कोविड-१९ सर्वसमावेशक व सखोल आढावा.
▪️Maps, Flowchart, Diagrams, Infographics.
▪️अधिप्रमाणित Website व वृत्तपत्रांचा संदर्भ.
▪️सरावासाठी परीक्षाभिमुख बहुविधनात्म बहुपर्यायी सराव प्रश्न.
━━━━━━━༺༻━━━━━━━
▪️संपर्क :- अभिजीत थोरबोले
📱 9423333181 | 8788639688
●▬▬▬▬⚜۩۞۩⚜▬▬▬▬●

👇आवश्य भेट द्या -👇
www.simplifiedcart.com

Thank-you👍👍
» नवीन वर्षात चांगले संकल्प करा.
» या वर्षी मागच्या वर्षी केलेल्या चुकांची पुनरावृत्ती होणार नाही याची काळजी घ्या.
» आपल्या आईवडीलांच्या चेहऱ्यावर आनंद निर्माण होण्यासाठी प्रयत्न करा.
» नवनवीन गोष्टी शिका.
» व्यावहारिक बना.
» जबाबदारीने वागा.
» इतरांना मदत करा.
» मोठी स्वप्ने पहा.
» स्वतःशी प्रामाणिक रहा.
» संकुचित विचार सोडा.
» सतत आनंदी राहा.
» आव्हाने स्वीकारा.
» सकारत्मक राहा.
» आरोग्य सांभाळा.
» कोणतेही निर्णय काळजीपूर्वक घ्या.
» स्वतः आणि आपल्या कुटुंबातील सर्वांची काळजी घ्या.
💐 आपणास व आपल्या परिवारास नवीन वर्षाच्या खूप खूप शुभेच्छा!

👍 All The Very Best

डाॅ. अजित प्रकाश थोरबोले.
उपजिल्हाधिकारी
🟧अजिंक्य रहाणेचीही क्रमवारीत मोठी झेप.

भारत विरुद्ध ऑस्ट्रेलिया आणि न्यूझीलंड विरुद्ध पाकिस्तान या दोन संघांतील कसोटी सामन्यांचा निकाल लागल्यानंतर आयसीसीने वर्षाअखेरीस नवी क्रमवारी जाहीर केली आहे.

तर गेल्या काही सामन्यांत केलेल्या चांगल्या कामगिरीचा न्यूझीलंडचा कर्णधार केन विल्यमसनला फायदा झाला असून त्याने स्टिव्ह स्मिथ आणि विराट कोहली यांना मागे टाकून पहिलं स्थान पटकावलं.

890 गुणांसह विल्यमसन पहिल्या स्थानावर असून स्मिथ पहिल्या स्थानावरुन तिसऱ्या स्थानावर घसरला आहे.

याव्यतिरीक्त दुसऱ्या कसोटी सामन्यात भारतीय संघाकडून शतकी खेळी करणाऱ्या अजिंक्य रहाणेच्या क्रमवारीतही सुधारणा झाली असून तो क्रमवारीत सहाव्या स्थानी पोहचला आहे, तर चेतेश्वर पुजाराच्या क्रमवारीत घसरण झाली असून तो दहाव्या स्थानी पोहचला आहे.
🟧वाणिज्यिक बँकात ‘पॉझिटिव्ह पे सिस्टिम’लागू.

रिझव्‍‌र्ह बँकेच्या निर्देशानुसार वाणिज्यिक बँका ‘पॉझिटिव्ह पे सिस्टिम’ लागू करत आहेत.

तर 50,000 रुपयांवरील व्यवहारासाठी धनादेशाबरोबर संबंधितांनी खाते क्रमांक, आयएफसी कोड, खातेदाराचे नाव व संपर्क क्रमांक देणे बंधनकारक करण्यात आले आहे.

तसेच‘इन्सर्ट’नंतर ‘स्वाईप’ पद्धतीद्वारे व्यवहार करण्यासाठी एटीएम कार्डना चुंबकीय पट्टीची अनिवार्यता 2020 मध्ये अंमलात आली.

सुरक्षिततेच्या दृष्टीने यापुढचे पाऊल म्हणून संपर्करहित एटीएम कार्ड संबंधित ‘पीओएस’च्या एक इंच अंतरावरून कार्यान्वित करून व्यवहार करता येणार आहे.

एटीएम कार्ड तसेच यूपीआयद्वारे सध्या असलेली 2,000 रुपयांची मर्यादा 5,000 रुपयांपर्यंत वाढविण्यात आली आहे.
🟧मॅग्नेटिक महाराष्ट्र’मध्ये विदर्भातील १० जिल्ह्य़ांकडे पाठ

‘मॅग्नेटिक महाराष्ट्र’मध्ये विदर्भातील जिल्ह्य़ांकडे पाठ फिरवण्यात आली आहे. या उपक्रमांतर्गत तिसऱ्या टप्प्यात अमरावती वगळता इतर १० जिल्ह्य़ांमध्ये उद्योग उभारण्याच्या दृष्टीने एकही करार करण्यात आलेला नाही. विदर्भात गुंतवणूक करण्यात मोठे उद्योजक अनुत्सुक असल्याचे पुन्हा एकदा स्पष्ट झाले. मूलभूत सोयीसुविधांचा अभाव व राजकीय उदासीनतेमुळे विदर्भात नवीन उद्योग येत नसल्याचे चित्र आहे.

राज्यात गुंतवणूक वाढून उद्योजकांना प्रोत्साहित करण्यासाठी ‘मॅग्नेटिक महाराष्ट्र २.०’ उपक्रम राबविण्यात येत आहे. रोजगारनिर्मिती होण्यासोबतच अर्थव्यवस्थेला चालना देणे हा त्यामागचा उद्देश. या माध्यमातून औद्योगिकदृष्टय़ा मागास व अप्रगत भागात नवे उद्योग येणे अपेक्षित असताना समृद्ध भागातच नव्या उद्योगांसाठी करार करण्यात आले आहेत.

वर्षभरातपरदेशी कंपन्या आणि देशातील आघाडीच्या विविध कंपन्यांशी सामंजस्य करारांद्वारे राज्यात २ लाख कोटींची गुंतवणूक केली. गेल्या आठवडय़ात तिसऱ्या टप्प्यामध्ये २५ भारतीय कंपन्यांशी ६१ हजार कोटींच्या गुंतवणुकीचे करार झाले. त्यातून २ लाख ५३ हजार ८८० लोकांना रोजगार उपलब्ध होईल. यामध्ये पुणे, ठाणे आदी भागांमध्येच गुंतवणूक करण्यात उद्योजकांचा कल आहे. विदर्भ, मराठवाडय़ात गुंतवणूक करण्याकडे दुर्लक्ष करण्यात आले.

विदर्भातील ११ जिल्ह्य़ांपैकी केवळ अमरावती जिल्ह्य़ात २ उद्योगांचे करार झाले. उर्वरित १० जिल्ह्य़ांची पाटी कोरीच राहिली. अमरावती जिल्ह्य़ात वस्त्रोद्योग व रसायने उद्योगाचे करार झाले. त्यातून सुमारे ९०० कोटींची गुंतवणूक होऊन दोन हजार लोकांना रोजगार उपलब्ध होईल.
🟧आंतरराष्ट्रीय विमानांवर आता ३१ जानेवारीपर्यंत बंदी, मोदी सरकारचा मोठा निर्णय

आंतरराष्ट्रीय विमानांवर आता ३१ जानेवारीपर्यंत बंदी घालण्यात आली आहे. मोदी सरकारने हा तातडीचा निर्णय घेतला आहे. करोनाच्या पार्श्वभूमीवर आणि ब्रिटनमध्ये आढळलेल्या करोनाच्या नव्या प्रकाराच्या पार्श्वभूमीवर खबरदारीचा उपाय म्हणून हा निर्णय घेतला आहे. आधी ही बंदी ३१ डिसेंबरच्या मध्यरात्रीपर्यंत होती. त्यानंतर ती ७ जानेवारीपर्यंत वाढवण्यात आली. मात्र आता ३१ जानेवारीपर्यंत आंतरराष्ट्रीय विमानांवर बंदी घालण्यात आली आहे.

विशेष विमानं आणि माल वाहतूक विमानांना यातून वगळण्यात आलं आहे असंही केंद्र सरकारने स्पष्ट केलं आहे. मोदी सरकारच्या नागरी उड्डाण मंत्रालयाने प्रसिद्धी पत्रक काढून यासंदर्भातली माहिती दिली आहे. एएनआय या वृत्तसंस्थेने यासंदर्भातले वृत्त दिले आहे.

करोनाच्या नव्या प्रकाराने आता भारतातही पाऊलं ठेवलं आहे. भारतात जवळपास २० करोना पॉझिटिव्ह प्रवाशांच्या शरीरात करोनाचा नवा विषाणू आढळून आला आहे. त्यामुळे केंद्र सरकारनं तातडीने ब्रिटनमधून येणाऱ्या व जाणाऱ्या विमानांवर घातलेली बंदी ७ जानेवारीपर्यंत वाढवली आहे. केंद्रीय नागरी उड्डाण मंत्री पुरी यांनी ट्विट करून ही माहिती दिली होती. आता आंतरराष्ट्रीय विमानांवर ३१ जानेवारीपर्यंत बंदी घालण्यात आली आहे.
🟧पंतप्रधान 1 जानेवारीला ‘GHTC-इंडिया’ अंतर्गत ‘लाइट हाऊस’ प्रकल्पांची पायाभरणी करणार.

पंतप्रधान नरेंद्र मोदी यांच्या हस्ते दि. 1 जानेवारी 2021 रोजी ग्लोबल हाऊसिंग टेक्नॉलॉजी चॅलेज - इंडिया (GHTC-इंडिया) अंतर्गत सहा राज्यांमधल्या‘लाइटहाऊस’ (प्रकाशदिवे-गृह) प्रकल्पांची पायाभरणी केली जाणार आहे.

इंदूर (मध्यप्रदेश), राजकोट (गुजरात), चेन्नई (तामिळनाडू), रांची (झारखंड), अगरतळा (त्रिपुरा) आणि लखनौ (उत्तरप्रदेश) येथे लाइट हाऊस बांधण्यात येणार आहेत.

लाइट हाऊस प्रकल्प ही बांधकाम क्षेत्रात आलेली नवीन संकल्पना असून त्यामध्ये वैश्विक तंत्रज्ञान, साहित्य आणि प्रक्रियेचा समावेश आहे.

त्याव्यतिरिक्त प्रकल्पात गृहनिर्माण क्षेत्रात नवीन तंत्रज्ञानाचा उपयोग करून घरकुलांचे काम समग्रतेने करण्यासाठी एक परिसंस्था तयार करण्यात येणार आहे. घरकुलांमध्ये आवश्यक असलेल्या पायाभूत सुविधांसह प्रत्येक शहरांमध्ये सुमारे एक हजार घरकुलांची उभारणी करण्यात येणार आहे. नवीन घरकुले अधिक टिकाऊ, उच्च दर्जाची आणि आर्थिकदृष्टीने कमी खर्चाची असणार आहेत.

बांधकाम कामाचे नियोजन, संरचना तयार करणे, आवश्यक सामुग्रीचे, बांधकाम घटकांचे उत्पादन करणे, बांधकामाच्या कामाचा सराव आणि चाचण्या घेणे यासाठी अभियांत्रिकी महाविद्यालये, नियोजन आणि स्थापत्य महाविद्यालये, बांधकाम व्यावसायिक, खाजगी आणि सार्वजनिक क्षेत्रातले व्यावसायिक आणि इतर भागिदारांनी योगदान दिले आहे.

🍁आशा-भारत उपक्रमाविषयी.

‘परवडणारी शाश्वत गृहनिर्माण प्रवेगक – भारत’ (आशा-भारत) अंतर्गत संभाव्य तंत्रज्ञानाला समर्थन प्रदान करून देशात संशोधन आणि उद्योजकता यांना प्रोत्साहन देण्याच्या उद्देशाने कार्य केले जाते. आशा-भारत उपक्रमाच्या अंतर्गत देशात पाच केंद्रांची स्थापना करण्यात आली आहे. त्यांच्यामार्फत प्रवेगकांना समर्थन देण्यात येत आहे. यामध्ये उत्कृष्ट कार्य करणाऱ्यांना पंतप्रधान पुरस्कार जाहीर करणार आहेत. या उपक्रमाव्दारे चिह्नीत करण्यात आलेल्या तंत्रज्ञान, प्रक्रिया आणि साहित्याच्या निर्मितीमध्ये गुंतलेल्या स्टार्टअप्स, नवसंकल्पना प्रत्यक्षात आणणारे आणि उद्योजक यांना पुरस्कार देण्यात येणार आहे.
🟧चीनचे बॉटल वॉटर किंग शानशान बनले आशियातील सर्वात श्रीमंत व्यक्ती.

चीनचे के झोंग शानशान यांनी पत्रकारिता, मशरुमची शेती आणि हेल्थ केअर या क्षेत्रात त्यांचं चीनमध्ये मोठ नाव आहे. हेच शानशान आता आशिया खंडातील सर्वात श्रीमंत व्यक्ती बनले आहेत.

तर भारताचे मुकेश अंबानी आणि चीनचे जैक मा आणि इतर श्रीमंतांना मागे टाकत त्यांनी हे स्थान पटकावलं आहे.

ब्लूमबर्ग बिलियनर्स इंडेक्सनुसार, शानशान यांची एकूण संपत्ती 70.9 अब्ज डॉलरपासून 77.8 अब्ज डॉलरच्या जवळपास आहे.तसेच शानशान जगातील 11 वे सर्वात श्रीमंत व्यक्ती बनले आहेत.
🟧मोठी बातमी! ब्रिटनकडून ऑक्सफर्डच्या करोना लसीला मान्यता.

जगावर सध्या नव्या करोनावताराचं सावट गडद होऊ लागलं असतानाच एक मोठी बातमी समोर आली आहे. करोनाच्या नव्या प्रकाराचा सामना करत असलेल्या ब्रिटनने ऑक्सफर्ड विद्यापीठ आणि अ‍ॅस्ट्राजेनेकाकडून तयार करण्यात आलेल्या करोना प्रतिबंधक लसीला मान्यता दिली आहे. यासोबतच ब्रिटन करोना लसीला मान्यता देणारा पहिला देश ठरला आहे. रॉयटर्सने यासंबंधी वृत्त दिलं आहे.

ब्रिटनमध्ये सध्या मोठ्या प्रमाणात करोनाचा नवा प्रकार फैलावत असून अनेक देशांनी त्यांच्यावर निर्बंध आणले आहेत. ब्रिटन सध्या करोनाशी लढा देत असतानाच लसीला मान्यता देण्यात आली आहे. आरोग्य मंत्रालयाने दिलेल्या माहितीनुसार, “औषधं आणि हेल्थकेअर उत्पादनं नियामक प्रशासनाने (MHRA) ऑक्सफर्ड युनिव्हर्सिटी/ अ‍ॅस्ट्राजेनेकाच्या करोना लसीसंबंधी केलेल्या शिफारसीला सरकारने मान्यता दिली आहे”.

करोनामुळे जगभरात जवळपास १७ लाख लोकांना आपला जीव गमवावा लागला आहे. चीनमधीन वुहान येथून सुरु झालेल्या करोना व्हायसमुळे अनेक देशांची अर्थव्यवस्था कोलमडली. सध्या इतर देश करोना संकटामधून बाहेर पडत असताना ब्रिटन आणि दक्षिण आफ्रिकेत मात्र करोनाच्या नव्या विषाणूंनी थैमान घातला आहे. हा नवा प्रकार जास्त वेगाने परसत असल्याचं सरकार आणि शास्त्रज्ञांचं म्हणणं आहे. याच पार्श्वभूमीवर अनेक देशांनी ब्रिटनसोबतचा व्यापार आणि विमानसेवा बंद केली आहे.
🟧प्रत्यक्ष नियंत्रण रेषेत कोणताही एकतर्फी बदल अस्वीकारार्ह.

पूर्व लडाखमध्ये भारत आणि चीनचे सैन्य गेल्या जवळपास आठ महिन्यांपासून एकमेकांसमोर उभे ठाकले असून त्यामधून अद्याप कोणताही तोडगा निघालेला नसतानाच संरक्षणमंत्री राजनाथसिंह यांनी स्पष्ट केले की, प्रत्यक्ष नियंत्रण रेषेत कोणताही एकतर्फी बदल भारत स्वीकारणार नाही. लडाखमधील तिढा चर्चेद्वारेच सुटेल, अशी आशाही संरक्षणमंत्र्यांनी व्यक्त केली.

भारत हा शांतताप्रिय देश आहे, मात्र देशाची प्रतिष्ठा आणि स्वाभिमान याबाबत कदापि तडजोड केली जाणार नाही, चीनसमवेत लष्करी आणि राजनैतिक स्तरावर आणखी चर्चेच्या फेऱ्या होण्याची शक्यता आहे, असेही राजनाथसिंह म्हणाले. भारत एकतर्फी बदलाचा कधीही स्वीकार करणार नाही, असेही त्यांनी स्पष्ट केले.
Forwarded from MPSC SIMPLIFIED(official) (Nagesh Patil)
» नवीन वर्षात चांगले संकल्प करा.
» या वर्षी मागच्या वर्षी केलेल्या चुकांची पुनरावृत्ती होणार नाही याची काळजी घ्या.
» आपल्या आईवडीलांच्या चेहऱ्यावर आनंद निर्माण होण्यासाठी प्रयत्न करा.
» नवनवीन गोष्टी शिका.
» व्यावहारिक बना.
» जबाबदारीने वागा.
» इतरांना मदत करा.
» मोठी स्वप्ने पहा.
» स्वतःशी प्रामाणिक रहा.
» संकुचित विचार सोडा.
» सतत आनंदी राहा.
» आव्हाने स्वीकारा.
» सकारत्मक राहा.
» आरोग्य सांभाळा.
» कोणतेही निर्णय काळजीपूर्वक घ्या.
» स्वतः आणि आपल्या कुटुंबातील सर्वांची काळजी घ्या.
💐 आपणास व आपल्या परिवारास नवीन वर्षाच्या खूप खूप शुभेच्छा!

👍 All The Very Best

डाॅ. अजित प्रकाश थोरबोले.
उपजिल्हाधिकारी
🟧 सांगोला ते शालीमार दरम्यान धावली 100 वी किसान रेलगाडी

28 डिसेंबर 2020 रोजी पंतप्रधान नरेंद्र मोदी यांनी महाराष्ट्रातले सांगोला (जिल्हा सोलापूर) ते पश्चिम बंगालमधले शालीमार या दोन स्थानकांच्या दरम्यान 100 व्या किसान रेलगाडीला व्हिडिओ कॉन्फरन्सिंगच्या माध्यमाने झेंडा दाखवून मार्गस्थ केले.

पाठविण्यात येणाऱ्या अनेक प्रकाराच्या मालाच्या एकत्रित रेलगाडी वाहतूक सेवेमध्ये फुलगोबी, ढोबळी मिरची, कोबी, शेवग्याच्या शेंगा, मिरची, कांदा अशा भाज्या तसेच द्राक्षे, संत्री, डाळिंब, केळी, सीताफळ इत्यादी फळे असणार आहेत. मार्गातल्या सर्व थांब्यांवर मालवाहतुकीच्या या रेलगाडीच्या आकाराला कोणतेही बंधन न ठेवता नाशिवंत माल रेलगाडीमध्ये भरणे आणि उतरवण्याला परवानगी देण्यात आली आहे.

🛑 ठळक बाबी

केंद्र सरकारने फळ आणि भाज्यांच्या वाहतुकीवर 50 टक्के सवलत दिली आहे.पीएम कृषी संपदा योजनेच्या अंतर्गत मेगा फूड पार्क, शीत साखळी पायाभूत आणि कृषी प्रक्रिया क्लस्टर अंतर्गत अशा 6500 प्रकल्पांना परवानगी देण्यात आली आहे. आत्मनिर्भर भारत अभियान पॅकेज अंतर्गत सूक्ष्म अन्न-प्रक्रिया उद्योगासाठी 10,000 कोटी रुपये मंजूर करण्यात आले आहेत.

🛑‘किसान रेलगाडी’ विषयी

किसान रेलगाडी म्हणजे देशातल्या शेतकऱ्याचे उत्पन्न वाढवण्याच्या दिशेने टाकलेले महत्वाचे पाऊल आहे. गेल्या 4 महिन्यात 100 किसान रेलगाडी धावल्या.

पहिली किसान रेलगाडी 7 ऑगस्ट 2020 रोजी देवळाली ते दानापूर पर्यंत चालवण्यात आली आणि पुढे मुजफ्फरपूर पर्यंत हा प्रवास वाढविण्यात आला. शेतकर्‍यांकडून चांगला प्रतिसाद मिळाल्याने ही रेलगाडी सेवा आठवड्यातून तीन दिवस सुरु करण्यात आली.

देशभरात कृषी उत्पादनांची जलद वाहतूक सुनिश्चित करण्यासाठी किसान रेलगाडीची भूमिका अत्यंत महत्वपूर्ण ठरली आहे. ही सेवा नाशिवंत उत्पादनांची अखंड पुरवठा साखळी प्रदान करते.

किसान रेलगाडीतून वाहतूक करण्यासाठी किमान प्रमाण निश्चित करण्यात आलेले नाही त्यामुळे छोटे उत्पादनही कमी किमतीत मोठ्या बाजारात पोहोचू शकतात. शेतकरी आपला कृषी माल आता दुसऱ्या राज्यातही विकू शकतो.

किसान रेलगाडी म्हणजे फळे, भाजीपाला, दुध, मासे यासारखा नाशिवंत माल पूर्ण सुरक्षितपणे वाहून नेणारे फिरते शीतगृह आहे. रेल्वे स्थानक परिसरात नाशवंत रेलगाडी कार्गो केंद्र उभारण्यात येत आहेत, ज्यामध्ये शेतकरी आपल्या कृषी मालाची साठवण करू शकतात.
🟧आयसीसीने दशकातील सर्वोत्तम महिला खेळाडूंची यादी जाहीर केली

दशकातील सर्वोत्तम महिला टी-२० खेळाडू : एलिस पेरी : ऑस्ट्रेलिया

दशकातील सर्वोत्तम महिला एकदिवसीय खेळाडू : एलिस पेरी : ऑस्ट्रेलिया

दशकातील सर्वोत्तम महिला खेळाडू : एलिस पेरी : ऑस्ट्रेलिया

दशकातील सर्वोत्तम महिला सहयोगी खेळाडू : कॅथ्रीन ब्रिस ( स्कॉटलंड) .