MPSC SIMPLIFIED(official)
34.4K subscribers
34.8K photos
52 videos
3.69K files
9.49K links
simplified चा टेलिग्राम ग्रुप
(आपल्या मित्रांना जॉईन करा)

+ सिम्प्लिफाइड स्टडी
+newspaper सिम्प्लिफाइड
+job सिम्प्लिफाइड
+daily चालू घडामोडी टेस्ट
+अभ्यास आधारित टेस्ट


https://telegram.me/mpscsimplified
Download Telegram
🟧जगातील सर्वांत जुने गुंफाचित्र इंडोनेशियात


जगातील सर्वांत जुनी गुंफाचित्रे इंडोनेशियात सापडल्याचा दावा पुरातत्त्व संशोधकांनी केला आहे. हे एका मोठ्या डुकराचे चित्र असून ते ४५ हजार ५०० वर्षे जुने असल्याचे संशोधकांचे म्हणणे आहे.

इंडोनेशियातील साउथ सुलावेसी प्रांतात हे चित्र आढळले. ‘सायन्स अ‍ॅडव्हान्सेस’ या मासिकात या संदर्भातील संशोधन प्र्रसिद्ध झाले आहे. आधुनिक मानवाने साकारलेल्या अगदी सुरुवातीच्या काही कलाकृतींपैकी ही एक असल्याचे पुरावे त्यात देण्यात आले असल्याचे वृत्त इंडियन एक्सप्रेसने प्रसिद्ध केले आहे.

‘सुलावेसी प्रांतात आढळलेले हे चित्र चुनखडकात साकारण्यात आले आहे. मानवाने साकारलेले आणि आपल्याला ज्ञात असलेले हे सर्वांत जुने चित्र आहे,’ अशी माहिती ऑस्ट्रेलियातील ग्रिफिथ विद्यापीठाचे प्रा. अ‍ॅडम ब्रम यांनी दिली.

ही गुंफा एका दरीत असून या दरीभोवती चुनखडकाचे निसरडे कडे आहेत. तिथे पोहोचण्यासाठी एकच चिंचोळा मार्ग असून त्या मार्गाने केवळ उन्हाळ्यातच जाता येते. पूर्ण पावसाळाभर ही दरी जलमय असते. पाश्चात्य देशातील कोणतीही व्यक्ती त्या भागात आजवर आलेली नव्हती, असे त्या दुर्गम भागात राहणाºया बगी जमातीच्या व्यक्तींचे म्हणणे आहे.

वराहाचे हे चित्र हे रॉक पॅनलचा एक भाग असावा, असा संशोधकांचा कयास आहे. यापूर्वी ४३ हजार ९०० वर्षांपूर्वीचे गुंफाचित्र हे मानवाने चितारलेले सर्वांत जुने चित्र असल्याची नोंद होती. त्या चित्रात प्राण्यांसारखी दिसणारी माणसे सुलावेसी डुक्कर आणि ड्वार्फ (जादुई शक्ती असलेली लहान आकाराची माणसे.)
🟧मृत नातेवाईकाच्या जागी विवाहित मुलीलाही नोकरीचा समान अधिकार; उच्च न्यायालयाचा महत्त्वपूर्ण निर्णय.

अलाहाबाद उच्च न्यायालयाने एक महत्वपूर्ण निर्णय देताना मुला प्रमाणे मुलीलाही कुटुंबातील कोणत्याही सदस्याचा मृत्यू झाल्यानंतर त्याच्या जागी नोकरीचा समान हक्क देण्यात यावा असं म्हटलं आहे. विशेष म्हणजे मुलगी अविवाहित असली किंवा विवाहित असली तरी तिला हा हक्क दिला गेला पाहिजे असंही न्यायालयाने म्हटलं आहे.

उच्च न्यायालयाने मृत अवलंबित कोटाच्या (Deceased Dependent Quota) नियमांमध्ये अविवाहित या शब्दाला केवळ पुरुषांसाठी गृहित धरणं चुकीचं असल्याचं म्हटलं आहे. या शब्दाची व्यख्या व्यक्ती स्त्री आहे की पुरुष याच्या आधारे करण्यात येऊ नये असं म्हणत न्यायालयाने असा भेदभाव करणं कायद्याला धरुन नसल्याचं निरिक्षण नोंदवलं आहे.

न्यायमूर्ती जे. जे. मुनीर यांच्या खंडपीठासमोर झालेल्या सुनावणीमध्ये मुलीलाही समान हक्क देण्यात यावा असं म्हटलं आहे. यासाठी नियमामध्ये बदल करण्याची गरज नसल्याचे न्यायलायने नमूद केलं असून ठराविक शब्दांकडे व्यक्ती स्त्री आहे की पुरुष या आधारावर भेदभाव करु नये असं म्हटलं आहे.

उच्च न्यायालयाने प्रयागराजमधील शिक्षण विभागामधील म्हणजेच बीएसएमधील प्रकरणासंदर्भात याचिकाकर्त्या महिलेने दाखल केलेल्या याचिकेवर सुनावणी करताना हा निर्णय दिला आहे. मृत नातेवाईकाच्या जागी नोकरीसाठी अर्ज करणाऱ्या या महिलेचा अर्ज केवळ ती विवाहित असल्यामुळे स्वीकारता येणार नाही हा आदेश न्यायालयाने रद्द केला आहे. बीएसए प्रयागराजने दोन महिन्याच्या आत या नियुक्तीसंदर्भातील प्रकरण निकाली काढावे असे आदेश न्यायालयाने दिले आहेत.
🔆🔆यंदाच्या प्रजासत्ताक दिनाला परदेशी प्रमुख पाहुण्यांना न बोलवण्याचा निर्णय.🔆🔆

⭕️यंदाचा प्रजासत्ताक दिन सोहळा परदेशी प्रमुख पाहुण्याविना पार पडणार आहे. करोना व्हायरसमुळे सध्या संपूर्ण जगात चिंताजनक स्थिती आहे. त्या पार्श्वभूमीवर अन्य देशाच्या किंवा सरकारच्या प्रमुखाला निमंत्रित न करण्याचा निर्णय घेण्यात आला आहे. परराष्ट्र मंत्रालयाने ही माहिती दिली.

⭕️यापूर्वी ब्रिटनचे पंतप्रधान बोरिस जॉन्सन यांना प्रजासत्ताक दिनासाठी प्रमुख पाहुणे म्हणून निमंत्रित करण्यात आले होते. त्यांनी निमंत्रण स्वीकारले सुद्धा होते. पण ब्रिटनमध्ये करोनाच्या नव्या स्ट्रेनमुळे गंभीर परिस्थिती निर्माण झाली. त्यांना मायदेशात थांबणे आवश्यक होते. त्यामुळे बोरिस जॉन्सन यांनी त्यांचा भारत दौरा रद्द केला.

⭕️त्यानंतर प्रजासत्ताक दिन सोहळयासाठी कोणाला निमंत्रित करणार अशी चर्चा सुरु झाली होती. पण आता करोना स्थितीमुळे कुठल्याही परदेशी प्रमुखाला निमंत्रित न करण्याचा निर्णय घेतला आहे.
🟧पॅरिस सेंट-जर्मेनला नेयमारमुळे विजेतेपद.

पायाच्या दुखापतीमुळे सलग पाच सामन्यांना मुकणाऱ्या ब्राझिलच्या नामांकित खेळाडू नेयमारने बदली खेळाडू म्हणून साकारलेल्या निर्णायक गोलच्या बळावर पॅरिस सेंट-जर्मेनने (पीएसजी) चॅम्पियन्स करंडक फुटबॉल स्पर्धेचे जेतेपद पटकावताना मार्सिले संघाला २-१ असे पराभूत केले.

लीग १ आणि फ्रेंच चषक या फ्रान्समधील दोन स्पर्धाच्या विजेत्यांमध्ये दरवर्षी चॅम्पियन्स करंडकाची अंतिम फेरी रंगते. यंदा पुन्हा एकदा या करंडकावर फ्रेंच चषकाचे विजेते सेंट-जर्मेन यांनीच मोहोर उमटवली. सेंट-जर्मेनने १०व्यांदा हा करंडक उंचावला.

मॉरो इकार्डीने ३९व्या मिनिटाला पहिला गोल झळकावून सेंट-जर्मेनला मध्यंतरापूर्वी १-० अशी आघाडी मिळवून दिली. त्यानंतर ६५व्या मिनिटाला नेयमारला बदली खेळाडू म्हणून पाठवण्यात आले. मग ८५व्या मिनिटाला पेनल्टी मिळाल्यामुळे नेयमारने दुसरा गोल झळकावून संघाचा विजय सुनिश्चित केला.
🟧स्टॅच्यू ऑफ युनिटीपर्यंत थेट जाणाऱ्या आठ रेल्वेगाड्यांचे उद्घाटन.

17 जानेवारी 2021 रोजी पंतप्रधान नरेंद्र मोदी यांनी व्हिडिओ कॉन्फरन्सिंगद्वारे देशाच्या विविध भागांमधून गुजरातच्या केवडियाकडे जाणाऱ्या आठ रेल्वेगाडयांना हिरवा झेंडा दाखवला. या गाड्या स्टॅच्यू ऑफ युनिटीपर्यंत थेट प्रवासाची सेवा उपलब्ध करून देत आहेत.

याप्रसंगी, दाभोई-चांदोड गेज रूपांतरित ब्रॉडगेज रेल्वे मार्ग, चांदोड-केवडिया नवीन ब्रॉडगेज रेल्वे मार्ग, नव्याने विद्युतीकरण केलेला प्रतापनगर-केवडिया मार्ग आणि दाभोई, चांदोड व केवडिया या नवीन स्थानक इमारतींचेही उद्घाटन झाले.

🖍ठळक बाबी.

रेल्वेच्या इतिहासात प्रथमच देशाच्या वेगवेगळ्या कोपऱ्यातून एकाच ठिकाणी जाणाऱ्या गाडयांना एकाच वेळी रवाना करण्यात आले आहे.या गाड्या चेन्नई, वाराणसी, रेवा, दादर आणि दिल्ली तसेच प्रतापनगर, चांदोड येथून सोडण्यात आल्या.

याचा फायदा पर्यटक आणि स्थानिक आदिवासी दोघांनाही होणार आहे. कारण त्यामुळे स्वयंरोजगार व रोजगाराच्या नव्या संधी उपलब्ध होणार.

केवडिया स्थानक हे हरित इमारत प्रमाणीकरणासह कार्यरत होणारे भारतातले पहिले रेल्वे स्थानक आहे.
केवडिया सर्व सुविधांसह संपूर्ण कुटुंबासाठी उत्तम पर्यटन स्थळ बनले आहे.

तेथील आकर्षणांमध्ये, भव्य स्टॅच्यू ऑफ युनिटी, सरदार सरोवर, विशाल सरदार पटेल प्राणीविज्ञान पार्क, आरोग्य वन आणि जंगल सफारी आणि पोषण पार्क यांचा समावेश आहे. त्यात ग्लो गार्डन, एकता क्रूझ आणि वॉटर स्पोर्ट्स देखील आहेत. तेथील एकता मॉलमध्ये स्थानिक हस्तकलेच्या वस्तूंसाठी नवीन संधी आहेत. आदिवासी गावांमध्ये होम स्टेसाठी सुमारे 200 खोल्या विकसित केल्या जात आहेत.

🖍स्टॅच्यू ऑफ युनिटी.

गुजरात राज्यात केवडिया येथे “स्टॅच्यू ऑफ युनिटी” या नावाने भारतीय स्वातंत्र्य चळवळीचे नेते सरदार वल्लभभाई पटेल यांचा भव्य पुतळा उभारण्यात आला आहे. हा पुतळा 182 मीटर (597 फूट) उंचीचा आहे. हा नर्मदा नदीच्या किनारी उभारण्यात आलेला जगातला सर्वाधिक उंचीचा पुतळा आहे.

हा पुतळा राजपिपळा शहराजवळ नर्मदा धरणाजवळच्या साधू बेटावर उभारलेला आहे. ही शिल्पाकृती जगप्रसिद्ध शिल्पकार राम सुतार यांनी साकारली. विक्रमी 33 महिन्यांमध्ये पुतळ्याचे बांधकाम केले गेले.
🟧'स्टार्टअप उद्योग क्षेत्रासाठी समर्पित 1000 कोटी रुपयांचा ‘स्टार्टअप इंडिया बीज निधी’

पंतप्रधान नरेंद्र मोदी यांनी स्टार्टअप उद्योग क्षेत्रासाठी समर्पित असा 1000 कोटी रुपयांचा ‘स्टार्टअप इंडिया बीज निधी’ याची घोषणा केली. स्टार्टअप उद्योगांना आर्थिक पाठबळ पुरवणे हा या निधीमागचा हेतु आहे. त्यामुळे नवोदित उद्योजकांना त्यांच्या नवकल्पनांचा पाठपुरावा करण्यात मदत मिळणार.

⭕️ठळक बाबी

ही घोषणा 'प्रारंभ' या शीर्षकाखाली दोन दिवस चाललेल्या ‘स्टार्टअप इंडिया’ आंतरराष्ट्रीय शिखर परिषदेत पंतप्रधानांनी केली. वाणिज्य व उद्योग मंत्रालयाच्या उद्योग व अंतर्गत व्यापार संवर्धन विभागाने हा कार्यक्रम आयोजित केला होता.
भारत जगातली तिसरी सर्वात मोठी स्टार्टअप परिसंस्था बनली आहे. आज देशात 41,000 हून अधिक स्टार्टअप उद्योग कार्यरत आहेत.
भारत सरकारच्या ‘स्टार्टअप इंडिया’ या महत्त्वाकांक्षी अभियानाला सुरू होऊन पाच वर्ष पूर्ण झाले आहेत.

⭕️स्टार्टअप उद्योगाची व्याख्या

स्टार्टअप ही अशी एक संस्था आहे ज्याची पाच वर्षाहून अधिक काळासाठी भारतात नोंदणीकृत नाही आणि ज्याची वार्षिक उलाढाल कोणत्याही आर्थिक वर्षात 25 कोटी रुपयांपेक्षा अधिक नाही.
तंत्रज्ञान किंवा बौद्धिक संपदेद्वारे प्रेरित असलेली नवीन उत्पादने किंवा सेवांच्या अभिनव, विकास, उपयोजन किंवा व्यवसायीकरणाच्या दिशेने कार्य करणारी ही एक संस्था आहे.

आधीच अस्तित्वात असलेल्या व्यवसायाचे विभाजन / पुनर्निर्माण करून ही संस्था तयार केली गेली नसावी.

मागील आर्थिक वर्षात उलाढाल 25 कोटी रुपयांपेक्षा अधिक असल्यास किंवा स्थापनेच्या तारखेपासून 5 वर्ष पूर्ण केली असल्यास संस्थेला स्टार्टअप समजले जात नाही.

आंतर-मंत्रीमंडळाकडून प्रमाणपत्र मिळविल्यानंतर स्टार्टअप कर लाभासाठी पात्र ठरते.