MPSC SIMPLIFIED(official)
34.4K subscribers
34.8K photos
52 videos
3.69K files
9.49K links
simplified चा टेलिग्राम ग्रुप
(आपल्या मित्रांना जॉईन करा)

+ सिम्प्लिफाइड स्टडी
+newspaper सिम्प्लिफाइड
+job सिम्प्लिफाइड
+daily चालू घडामोडी टेस्ट
+अभ्यास आधारित टेस्ट


https://telegram.me/mpscsimplified
Download Telegram
🟧रोनाल्डोमुळे युव्हेंटस विजयी

सुरुवातीलाच पिछाडीवर पडल्यानंतर ख्रिस्तियानो रोनाल्डोने केलेल्या दोन गोलमुळे युव्हेंट्सने इटालियन चषक फुटबॉल स्पर्धेच्या उपांत्य फेरीतील पहिल्या टप्प्यातील सामन्यात इंटर मिलानचा २-१ असा पराभव केला.

लॉटारो मार्टिनेझ याने नवव्या मिनिटालाच इंटर मिलानला आघाडी मिळवून दिली होती. त्यानंतर रोनाल्डोने २६व्या मिनिटाला मिळालेल्या पेनल्टीवर चेंडूला गोलजाळ्याची दिशा दाखवली. त्यानंतर ३५व्या मिनिटाला इंटर मिलानच्या बचावपटूंच्या ढिसाळ कामगिरीमुळे रोनाल्डोने दुसरा गोल करत युव्हेंट्सच्या विजयात मोलाचा वाटा उचलला. पुढील आठवडय़ात होणाऱ्या परतीच्या लढतीत युव्हेंट्सने ही आघाडी कायम राखली तर त्यांना १९ मे रोजी होणाऱ्या अंतिम फेरीत नापोली आणि अ‍ॅटलांटा यांच्यातील विजेत्याशी लढावे लागेल.

युनायटेडचा सर्वात मोठा विजय - मँचेस्टर युनायटेडने नऊ जणांसह खेळणाऱ्या साऊदम्प्टनचा ९-० असा पराभव करत इंग्लिश प्रीमियर लीग फुटबॉलमधील सर्वात मोठय़ा विजयाची नोंद केली. अँथनी मार्शलचे दोन गोल तसेच आरोन व्हॅन बिसाका, मार्कस रॅशफोर्ड, इडिन्सन कावानी, स्कॉट मॅकटोमिनाय, ब्रूनो फर्नाडेस आणि डॅनियल जेम्स यांनी विजयात योगदान दिले. यासह युनायटेडने ४४ गुणांसह दुसरे स्थान प्राप्त केले आहे. मँचेस्टर सिटी गोलफरकाच्या आधारावर अग्रस्थानी आहे.
🟧मलेरिया मोहिमेसाठी भारतीय वंशाचे डॉक्टर जागतिक समन्वयक.

अमेरिकेतील जो बायडेन प्रशासनाने डॉ. राज पंजाबी यांची नेमणूक मलेरिया नियंत्रण मोहिमेचे समन्वयक म्हणून केली असून ते भारतीय वंशाचे आहेत.

आफ्रिका व आशियायी देशातून मलेरियाचे उच्चाटन करण्याचा उद्देश या मोहिमेत आहे. लायबेरियात जन्मलेले पंजाबी व त्यांचे कुटुंबीय तेथील यादवी युद्धानंतर अमेरिकेत पळून आले होते व १९९० मध्ये शरणार्थी म्हणून आयुष्य जगत होते. पंजाबी (वय ३९) यांनी ट्विटरवर म्हटले आहे की, आज सकाळी मलेरिया विरोधी मोहिमेच्या समन्वयकपदी शपथविधी झाला. बायडेन प्रशासनाने माझी जी नेमणूक केली त्याचा अभिमानाच वाटतो. या सेवेची संधी मिळाली याबद्दल मी ऋणी आहे. माझे कुटुंब व मी तीस वर्षांपूर्वी अमेरिकेत आलो.

लायबेरियात त्यावेळी यादवी युद्ध सुरू होते. अमेरिकी समुदायाने त्यावेळी आमच्या कुटुंबाला आधार दिला त्यामुळे आमचे आयुष्य पूर्वपदावर आले. त्यामुळे या देशाची सेवा करण्यात आनंदच आहे. बायडेन-हॅरीस प्रशासनाने आपल्यावर जो विश्वास टाकला तो आपण सार्थ ठरवू. पंजाबी यांनी सांगितले की, अमेरिकेपुढे सध्या अनेक आव्हाने आहेत. त्यातून लवकर बाहेर पडणे गरजेचे आहे.

माझे शिक्षण अमेरिकेत झाले असून परिस्थितीला आम्ही कधी शरण गेलो नाही तर तिचा स्वीकार करीत नवे भवितव्य घडवले. पंजाबी हे पेशाने डॉक्टर असून सार्वजनिक आरोग्य व्यावसायिक आहेत. मलेरिया निर्मूलनाच्या लक्ष्यात ते युनाटेड स्टेटस एजन्सी फॉर इंटरनॅशनल डेव्हलपमेंट व सेंटर फॉर डिसीज कंट्रोल या संस्थेच्या वतीने समन्वयाचे काम करतील.
🟧संपूर्ण देशात लागू होणार धर्मांतर विरोधी कायदा?; केंद्रानं दिलं उत्तर

धर्मांतर तसंच आंतरजातीय विवाहावर बंदी आणणारा कायदा आणण्यासंबंधी केंद्राने आपली भूमिका स्पष्ट केली आहे. भाजपाशासित अनेक राज्यांमध्ये धर्मांतर विरोधी कायदा लागू करण्यात आला आहे. याच पार्श्वभूमीवर लोकसभेत काँग्रेसच्या खासदारांनी आंतरजातीय विवाहामुळे धर्मांतर होत असल्याचा केंद्राचा दावा असून हे रोखण्यासाठी सरकार कायदा आणणार आहे का? अशी विचारणा करण्यात आली. यावर केंद्राने उत्तर दिलं आहे.

हा विषय राज्यांच्या अख्त्यारित येत असल्याने धर्मांतर तसंच आंतरजातीय विवाहावर बंदी आणणारा कोणताही कायदा आणण्याचा विचार नसल्याची माहिती केंद्र सरकारकडून मंगळवारी संसदेत देण्यात आली.

“कायदा-सुव्यवस्था, पोलीस हे राज्यांचे विषय आहेत. यामुळेच धर्मांतराशी संबंधित गुन्ह्यांचा प्रतिबंध, शोध, नोंदणी, तपास आणि खटला ही मुख्यतः राज्य सरकार आणि केंद्रशासित प्रदेशांच्या चिंतेची बाब आहे. कायद्याची अमलबजावणी करणार्‍या संस्था नियमांचं उल्लंघन केल्याचं लक्षात येतं तेव्हा कायद्यानुसार कारवाई केली जाते,” अशी माहिती केंद्रीय गृहराज्यमंत्री जी किशन रेड्डी यांनी दिली आहे.

केरळमधील काँग्रेसच्या पाच खासदारांनी विचारलेल्या प्रश्नावर उत्तर देताना जी किशन रेड्डी यांनी ही माहिती दिली. आंतरजातीय विवाहामुळे जबरदस्तीने धर्मांतर होत असल्याचं केंद्र सरकारला वाटत असून हे रोखण्यासाठी कोणता कायदा केला जात आहे का ? अशी विचारणा खासदारांकडून करण्यात आली होती. उत्तर प्रदेश आणि मध्य प्रदेश सरकारने धर्मांतर विरोधी कायदा केले आहेत. या दोन्ही राज्यांमध्ये भाजपाची सत्ता आहे. तर दुसरीकडे हरियाणा, आसाम आणि कर्नाटकातही अशा प्रकारचा कायदा आणला जाणार असल्याचं सांगण्यात आलं आहे.
🟧पंतप्रधानांच्या हस्ते ‘चौरी चौरा’ शताब्दी समारंभांचे उद्घाटन

पंतप्रधान नरेंद्र मोदी यांच्या हस्ते 4 फेब्रुवारी 2021 रोजी उत्तरप्रदेशातील गोरखपूर शहरातल्या चौरी चौरा या ठिकाणी ‘चौरी चौरा’ शताब्दी समारंभाचे व्हिडिओ कॉन्फरन्सच्या माध्यमातून उद्घाटन झाले. आजच्या दिवशी ‘चौरी चौरा’ घटनेला 100 वर्षे झाली आहेत. याप्रसंगी चौरी चौरा शताब्दी कार्यक्रमाला समर्पित टपाल तिकीटही प्रकाशित केले गेले.

महात्मा गांधीजींच्या नेतृत्वात चालविण्यात आलेल्या असहकार चळवळीला असस्मात थांबवण्यात आले होते. याला चौरी चौरा गावात चळवळीला मिळालेले हिंसक वळण हे कारण ठरले. 4 फेब्रुवारी 1922 रोजी पोलीसांनी जमावावर केलेल्या गोळीबाराने संतप्त होऊन आंदोलकांनी पोलीसांवर हल्ला केला व नंतर पोलीस ठाण्याला आग लावली. या हिंसक घटनेच्या पार्श्वभूमीवर गांधीजींनी चळवळ स्थगित केली.
🟧25 जानेवारी :- राष्ट्रीय मतदार दिन
➖➖➖➖➖➖➖➖➖➖➖➖➖➖➖


👉थीम: " सर्व मतदारांना सशक्त, सतर्क ,सुरक्षित आणि जागरूक बनविण्यासाठी कटिबद्ध "

👉 25 जानेवारी हा 11 वा राष्ट्रीय मतदार दिन आहे.

▪️25 जानेवारी 1950 या दिवशी भारतीय निवडणूक आयोग अस्तित्वात आला.


💐२०१९ चा ई-गव्हर्नन्स अवॉर्ड ऑफ Excellence :- C ‘व्हिजील’ आणि ‘मतदार हेल्पलाइन अ‍ॅप’.

▪️ भाग XV, निवडणूक (324 ते 329)

👉 324 :- निवडणूक आयोगाकडे निहित असलेले निवडणुकांचे अधीक्षण, निर्देशन आणि नियंत्रण

▪️ भारतीय निवडणूक आयोग

👉 स्थापना 25 जानेवारी 1950

▪️ उद्दिष्टेः घटनात्मक स्वायत्त संस्था भारतीय राष्ट्रपती, उपराष्ट्रपती, संसद, राज्य विधानसभा आणि विधानपरिषदांच्या निवडणुका घेतो.

▪️पहिले मुख्य निवडणूक आयुक्त: सुकुमार सेन

▪️सुनील अरोरा हे सध्याचे 23 वे मुख्य निवडणूक आयुक्त आहेत.

www.simplifiedcart.com
Forwarded from MPSC Mantra (Simplified Publication abhijit Thorbole)
Simplified चालू घडामोडी डायरी YEARBOOK 2021
●▬▬▬▬⚜۩۞۩⚜▬▬▬▬●
▪️विद्यार्थी प्रिय असलेले आपले YEAR BOOK महाराष्ट्रात सर्वत्र उपलब्ध
━━━━━━━༺༻━━━━━━━
📚1 जानेवारी ते 31 डिसेंबर 2020 दरम्यानच्या घडामोडींचा सखोल सर्वसमावेशक व परीक्षाभिमुख आढावा
━━━━━━━༺༻━━━━━━━
▪️कोविड-१९ सर्वसमावेशक व सखोल आढावा.
▪️Maps, Flowchart, Diagrams, Infographics.
▪️अधिप्रमाणित Website व वृत्तपत्रांचा संदर्भ.
━━━━━━━༺༻━━━━━━━
▪️संपर्क :- अभिजीत थोरबोले
📱 9423333181 | 8788639688
●▬▬▬▬⚜۩۞۩⚜▬▬▬▬●
Buy Online 👇आवश्य भेट द्या -👇

www.simplifiedcart.com

https://www.myownshop.in/simplifiedbooks
FR_CAPF-2019_Eng.pdf
616.8 KB
🟧CAPF 2019 Final Result

👉UPSC CAPF 2019 final results

👉Name wise list of selected candidates.

#Congratulations💐💐

www.simplifiedcart.com
🟧2021-22 या आर्थिक वर्षात ‘MCA21 आवृत्ती 3.0’ प्रणालीचा शुभारंभ

2021-22 या आर्थिक वर्षात कंपनी व्यवहार मंत्रालय (MCA) माहिती विश्लेषण संचालित ‘MCA21 आवृत्ती 3.0’ प्रणाली सादर करणार आहे.

‘MCA21 आवृत्ती 3.0’ हा प्रकल्प तंत्रज्ञानाद्वारे संचालित होणारा भविष्यकालीन प्रकल्प असून त्यामध्ये अंमलबजावणीला बळकटी देण्यासाठी, व्यवसाय सुलभीकरणाला प्रोत्साहन देण्यासाठी, वापरकर्त्याचा अनुभव वाढविण्यासाठी, नियामकर्त्यांमधील अखंड एकत्रीकरण आणि माहिती आदानप्रदान सुविधा प्रदान करण्याचा विचार करण्यात आला आहे. कृत्रिम बुद्धिमत्ता (AI) आणि एमएलसारख्या उदयोन्मुख तंत्रज्ञानासह जागतिक सर्वोत्तम कार्यपद्धतींचा एकत्रित विचार करून, हा प्रकल्प भारतातील कॉर्पोरेट नियामक परिसंस्थेमध्ये बदल घडवून आणण्यासाठी तयार करण्यात आला आहे.

▪️त्याचे प्रमुख घटक खालीलप्रमाणे:

ई-सुरक्षा: MCA केंद्रीय छाननी कक्ष (सेंट्रल स्क्रूटनी सेल) स्थापन करण्याच्या प्रक्रियेत आहे, जे कॉर्पोरेटनी MCA21 वर नोंदणी (रजिस्ट्रीवर) केलेल्या काही स्ट्रेट थ्रू प्रोसेस (STP) फॉर्मची छाननी करेल आणि अधिक छाननीसाठी काही कंपन्यांची निवड करेल.

ई-निवाडा: कंपनीचे निबंधक (ROC) आणि प्रादेशिक संचालक (RD) यांच्याकडे निवाड्यांच्या कार्यवाहीचे वाढते प्रमाण व्यवस्थापित करण्यासाठी ई-निवाडा मॉड्यूल संकल्पित केले आहे. हे भागधारकांना ऑनलाइन सुनावण्यांचे एक मंच प्रदान करेल आणि इलेक्ट्रॉनिक पद्धतीने न्याय-निवाडा करेल.

ई-सल्लामसलत: प्रस्तावित सुधारणा आणि मसुद्याच्या नियम इत्यादींवर लोकांच्या सल्ले-सुचनांची सद्य प्रक्रिया स्वयंचलित आणि वृद्धिंगत करण्यासाठी ‘MCA21 आवृत्ती 3.0’ चे ई-सल्लामसलत मॉड्यूल एक ऑनलाइन व्यासपीठ उपलब्ध करून देईल, ज्यामध्ये बाह्य वापरकर्त्यांसाठी / अभिप्रायसाठी प्रस्तावित दुरुस्ती / मसुदा कायदे MCAच्या संकेतस्थळावर दर्शवले जातील.

अनुपालन व्यवस्थापन प्रणाली (CMS): CMS मंत्रालयाला अनुपालन न करणार्‍या कंपन्या / मर्यादित दायित्व भागीदारी (LLP) ओळखण्यास मदत करेल, या डीफॉल्ट कंपन्या / LLP यांना ई-नोटीस बजावेल आणि MCAच्या अंतर्गत वापरकर्त्यांसाठी सतर्कता निर्माण करेल.
MCA प्रयोगशाळा: ‘MCA21 आवृत्ती 3.0’ चा एक भाग म्हणून, एक MCA प्रयोगशाळा स्थापित केली जात आहे, ज्यात कॉर्पोरेट कायदा तज्ज्ञ असतील. MCA लॅबचे प्राथमिक कार्य म्हणजे अनुपालन व्यवस्थापन प्रणालीची प्रभावीता, ई-सल्लामसलत मॉड्यूल, अंमलबजावणी मॉड्यूल इत्यादींचे मूल्यांकन करणे आणि चालू असलेल्या आधारावर त्यास वर्धित सूचना सुचविणे.
याव्यतिरिक्त, ‘MCA21 आवृत्ती 3.0’ मध्ये चॅट बॉट सक्षम हेल्पडेस्क, मोबाइल अॅप्स, परस्पर वापरकर्ता डॅशबोर्ड्स, UI / UX तंत्रज्ञानाचा वापर करून वर्धित वापरकर्ता अनुभव आणि API द्वारे अखंड डेटा प्रसार इत्यादी असेल.