MPSC SIMPLIFIED(official)
34.4K subscribers
34.8K photos
52 videos
3.69K files
9.49K links
simplified चा टेलिग्राम ग्रुप
(आपल्या मित्रांना जॉईन करा)

+ सिम्प्लिफाइड स्टडी
+newspaper सिम्प्लिफाइड
+job सिम्प्लिफाइड
+daily चालू घडामोडी टेस्ट
+अभ्यास आधारित टेस्ट


https://telegram.me/mpscsimplified
Download Telegram
Forwarded from MPSC Mantra (Simplified Publication abhijit Thorbole)
Forwarded from MPSC Mantra (Simplified Publication abhijit Thorbole)
🔵 👆सिम्प्लिफाईड COMBINE 
          सराव प्रश्नसंच👆
🎯या पुस्तकाच्या प्रथम आवृतीमधून कोणत्या परीक्षेत किती प्रश्न आले.

◼️15 सप्टेंबर 2019 रोजी झालेल्या महाराष्ट्र वनसेवा मुख्य परीक्षा पेपर-1 या परीक्षेत आपल्या पुस्तकातून तब्बल 54 प्रश्नांचा समावेश.
◼️24 आॅगस्ट 2019 रोजी झालेल्या राज्य कर निरीक्षक (STI) मुख्य परीक्षा पेपर-2 परीक्षेत आपल्या पुस्तकातून तब्बल 46 प्रश्नांचा समावेश.
◼️25 आॅगस्ट 2019 रोजी झालेल्या सहाय्यक कक्ष अधिकारी (ASO)Asst) मुख्य परीक्षा पेपर- 2. या परीक्षेत
आपल्या पुस्तकातून तब्बल 57 प्रश्नांचा समावेश.
◼️महाराष्ट्र दुय्यम सेवा गट क पूर्व परीक्षा 2019 मध्ये 51 प्रश्नांचा समावेश
◼️ महाराष्ट्र वनसेवा पूर्व परीक्षा 2019
मध्ये 14 प्रश्नांचा समावेश
◼️राज्यसेवा मुख्य परीक्षा 2019
मध्ये 153 प्रश्नांचा समावेश
◼️पो.उप.नि.(PSI) मुख्य परीक्षा 2019 मध्ये 24 प्रश्नांचा समावेश
◼️13 आॅक्टोबर 2019 रोजी झालेल्या लिपिक टंकलेखक मुख्य परीक्षा पेपर- 2 या परीक्षेत आपल्या पुस्तकातून तब्बल 21 प्रश्नांचा समावेश.
◼️20 आॅक्टोबर 2019 रोजी झालेल्या  Excise Inspector Mains Exam Paper 2  या परीक्षेत आपल्या पुस्तकातून तब्बल 19 प्रश्नांचा समावेश.
◼️03 नोव्हेंबर 2019 रोजी झालेल्या Tax Assistant Mains Exam Paper 2 या परीक्षेत आपल्या पुस्तकातून तब्बल 43 प्रश्नांचा समावेश.

At Rs. 400/- 200/- (50% OFF)

https://www.myownshop.in/simplifiedbooks
🟧१ एप्रिलपासून प्रवासी वाहनांमध्ये फ्रंट एअरबॅग अनिवार्य

१ एप्रिलपासून नवीन वाहनांना पुढील सीटवरील प्रवाशांसाठी एअरबॅग अनिवार्य असतील. रस्ता परिवहन व महामार्ग मंत्रालयाने यापूर्वी कायदा मंत्रालयाकडे एक प्रस्ताव पाठविला होता. ज्यात त्यांनी वाहन उत्पादकांना पुढील सीटवरील प्रवाशांसाठी एअरबॅग बसविणे बंधनकारक करण्यात यावे असे नमूद केले होते. हा प्रस्ताव कायदा मंत्रालयाने मान्य केला आहे.

आतापर्यंत, सर्व कारसाठी फक्त ड्रायव्हर सीटसाठी एअरबॅग अनिवार्य आहे. तथापि, एअरबॅगद्वारे संरक्षित नसल्यामुळे समोरच्या सीटवरील प्रवाशाला गंभीर दुखापत होण्याची शक्यता असते किंवा अपघात झाल्यास मृत्यूचा धोकाही संभवतो यामुळेच ही तरतूद करण्यात आली आहे. गेल्या वर्षी डिसेंबरमध्ये सरकारने पुढच्या वर्षीपासून सर्व कारमध्ये पुढे बसणाऱ्या प्रवाशांसाठी एअरबॅग अनिवार्य करण्याच्या प्रस्तावावर जनतेकडून सूचना मागविल्या होत्या.

विद्यमान मॉडेल्ससाठी नवीन नियम ३१ ऑगस्टपासून लागू केला जाईल. मुळात प्रस्तावित अंतिम मुदत जून २०२१ होती जी आता वाढविण्यात आली आहे. स्पीड अ‍ॅलर्ट, रिव्हर्स पार्किंग सेन्सर्स आणि सीट-बेल्ट इंडिकेटर यासारख्या बाबी समाविष्ट करणे बहुतेक कारमधील वैशिष्ट्ये बनली आहेत. परंतु, तरीही लाइफ-सेव्हिंग एअरबॅग या अनिवार्य नव्हत्या.
🟧CBSE बोर्डाच्या १०वा, १२वी पेपरच्या तारखांमध्ये बदल! वाचा बदललेल्या तारखा

CBSE बोर्डाच्या १०वी आणि १२वीच्या परीक्षांमध्ये काही विषयांच्या पेपरच्या तारखा बदलण्यात आल्या आहेत. यासंदर्भात सीबीएसईच्या वेबसाईटवर परिपत्रक जाहीर करण्यात आलं आहे. यानुसार १०वीच्या विज्ञान आणि गणित या विषयांच्या पेपरच्या तारखा बदलून पुढे ढकलण्यात आल्या आहेत.

त्यासोबतच १२वीच्या फिजिक्स, इतिहास आणि बँकिंग या विषयांच्या पेपरच्या तारखा देखील बदलण्यात आल्या आहेत. बदललेल्या तारखांचं नवीन वेळापत्रत सीबीएसईच्या cbse.nic.in या संकेतस्थावर देखील देण्यात आलं आहे.

काय आहेत बदल - नव्या वेळापत्रकानुसार, सीबीएसई बोर्डाचा १०वीचा विज्ञान विषयाचा पेपर २१ मे रोजी घेण्यात येणार आहे. आधीच्या वेळापत्रकानुसार या दिवशी गणिताचा पेपर होता. गणित विषयाचा पेपर २ जून रोजी घेण्यात येणार आहे. सीबीएसई १२वीच्या परीक्षांमध्ये फिजिक्स विषयाचा पेपर ८ जून रोजी घेण्यात येणार आहे. बँकिंगचा पेपर ९ जून रोजी तर इतिहासाचा पेपर १० जून रोजी घेण्यात येणार आहे.
🟧उत्पादन क्षेत्रात पाच वर्षांत ५२० अब्ज डॉलरची वाढ - मोदी

उत्पादनाशी निगडित प्रोत्साहनांमुळे येत्या पाच वर्षांत भारतातील उत्पादन क्षेत्रात ५२० अब्ज डॉलर्सची वाढ होईल असे मत पंतप्रधान नरेंद्र मोदी यांनी व्यक्त केले.

एका वेबीनारमध्ये त्यांनी सांगितले की, सरकार देशांतर्गत उत्पादन क्षेत्रातील सुधारणांना प्रोत्साहन देत आहे. या वर्षीच्या अर्थसंकल्पात २ लाख कोटी रुपये उत्पादनाशी निगडित प्रोत्साहनांकरिता ठेवलेले आहेत. त्यामुळे पुढील पाच वर्षांत उत्पादन क्षेत्रात ५२० अब्ज डॉलर्सची वाढ अपेक्षित आहे. उत्पादनाशी निगडित प्रोत्साहनांमुळे सध्या अनेक क्षेत्रांतील रोजगार वाढणार असून फायदेही दुप्पट होतील. सरकारने अनुपालनाचे ओझे कमी केले असून उद्योगस्नेही वातावरण निर्माण केले आहे. त्यामुळे उद्योगातील इतर खर्च कमी होणार आहे.

उत्पादन निगडित प्रोत्साहन योजनेमुळे दूरसंचार, वाहन उद्योग, औषध उद्योग या क्षेत्रातही विस्तार करणे शक्य होणार आहे. यातून निर्यातीलाही उत्तेजन मिळणार आहे. करोनामुळे सध्याच्या काळात उत्पादन क्षेत्रावर काही प्रमाणात परिणाम झालेला आहे तो दूर होण्यास उत्पादनाशी निगडित प्रोत्साहनांनी फायदा होणार आहे.
🟧देशात लसीकरणाचा उच्चांक

देशात गुरुवारी एकाच दिवशी जवळपास १४ लाख लोकांचे कोविड-१९ लसीकरण करण्यात आले असून आतापर्यंतचा हा उच्चांक आहे.

गुरुवारी लसीकरणाच्या ४८व्या दिवशी १३ लाख, ८८ हजार, १७० जणांचे लसीकरण करण्यात आले. एका दिवसातील हा उच्चांक आहे, असे एका अधिकाऱ्याने सांगितले.

गुरुवारी १० लाख, ५६ हजार, ८०८ जणांना लशीची पहिली मात्रा देण्यात आली तर आरोग्यक्षेत्र आणि कोविडयोद्धे मिळून तीन लाख, ३१ हजार, ३६२ जणांना लशीची दुसरी मात्रा देण्यात आली, असे आरोग्य अधिकाऱ्यांनी सांगितले.

देशात आतापर्यंत एकूण १.८ कोटी लोकांचे कोविड-१९ लसीकरण करण्यात आल्याची माहिती शुक्रवारी केंद्रीय आरोग्य मंत्रालयाच्या वतीने देण्यात आली.

यामध्ये ६८ लाख, ५३ हजार, ०८३ जण आरोग्य क्षेत्रातील कर्मचारी असून त्यांना लशीची पहिली मात्रा देण्यात आली आहे तर ३१ लाख, ४१ हजार, ३७१ कर्मचाऱ्यांना लशीची दुसरी मात्रा देण्यात आली आहे.
🟧मेरी कोमला कांस्यपदक

सहा वेळा जगज्जेतेपद पटकावणाऱ्या एमसी मेरी कोमला संघर्षपूर्ण उपांत्य फेरीच्या लढतीत पराभूत व्हावे लागल्याने बोक्साम आंतरराष्ट्रीय बॉक्सिंग स्पर्धेत कांस्यपदकावर समाधान मानावे लागले.

टोक्यो ऑलिम्पिकसाठी पात्र ठरलेल्या ३७ वर्षीय मेरीला अमेरिकेच्या विर्जिनिया फच्स हिने हरवले. दोघींनी तोडीस तोड खेळ केल्यानंतर पंचांनी फच्सच्या बाजूने कौल दिला. पहिल्या फेरीत दोन्ही खेळाडूंनी सावध पवित्रा बाळगला. पण दुसऱ्या फेरीत मेरीने अधिक आक्रमक खेळ केला. तिसऱ्या आणि अंतिम फेरीत दोन्ही खेळाडूंनी एकमेकींना ठोसे लगावले. पण मेरीला अधिक ठोसे मारल्यामुळे पंचांनी फच्स हिला विजयी घोषित केले.

तत्पूर्वी, सतीश कुमार (९१ किलोवरील) आणि आशीष कुमार (७५ किलो) यांनी उपांत्य फेरी गाठली. सतीशने डेन्मार्कच्या गिवस्कोव्ह नील्सनला ५-० असे, तर आशीषने इटलीच्या रेमो सल्वातीला ४-१ असे पराभूत केले.

सिमरनजित कौर (६० किलो) तसेच जास्मिन (५७ किलो) आणि पूजा राणी (७५ किलो) यांनी अंतिम फेरी गाठली. जास्मिनने इटलीच्या सिरिन चाराबी हिला तर सिमरनजितने प्यूएटरे रिकोच्या किरिया तापिया हिला हरवले. पूजाने पनामाच्या अथेयना बायलॉन हिच्यावर वर्चस्व गाजवले.
🟧बोक्साम बॉक्सिंग स्पर्धा मेरी कोमला कांस्यपदक

सहा वेळा जगज्जेतेपद पटकावणाऱ्या एमसी मेरी कोमला संघर्षपूर्ण उपांत्य फेरीच्या लढतीत पराभूत व्हावे लागल्याने बोक्साम आंतरराष्ट्रीय बॉक्सिंग स्पर्धेत कांस्यपदकावर समाधान मानावे लागले.

टोक्यो ऑलिम्पिकसाठी पात्र ठरलेल्या ३७ वर्षीय मेरीला अमेरिकेच्या विर्जिनिया फच्स हिने हरवले. दुसऱ्या फेरीत मेरीने अधिक आक्रमक खेळ केला. तिसऱ्या आणि अंतिम फेरीत दोन्ही खेळाडूंनी एकमेकींना ठोसे लगावले. पण मेरीला अधिक ठोसे मारल्यामुळे पंचांनी फच्स हिला विजयी घोषित केले.

तत्पूर्वी, सतीश कुमार (९१ किलोवरील) आणि आशीष कुमार (७५ किलो) यांनी उपांत्य फेरी गाठली. सतीशने डेन्मार्कच्या गिवस्कोव्ह नील्सनला ५-० असे, तर आशीषने इटलीच्या रेमो सल्वातीला ४-१ असे पराभूत केले.

सिमरनजित कौर (६० किलो) तसेच जास्मिन (५७ किलो) आणि पूजा राणी (७५ किलो) यांनी अंतिम फेरी गाठली. जास्मिनने इटलीच्या सिरिन चाराबी हिला तर सिमरनजितने प्यूएटरे रिकोच्या किरिया तापिया हिला हरवले. पूजाने पनामाच्या अथेयना बायलॉन हिच्यावर वर्चस्व गाजवले.
🟧चौथ्या टप्प्याच्या अंतर्गत ‘स्वच्छ पर्यटन स्थळात’ रूपांतर करण्यासाठी 12 स्थळांची निवड

▪️जलशक्ती मंत्रालयाच्या पेयजल व स्वच्छता विभागाने पंतप्रधानांच्या देशातील प्रतिष्ठित वारसा स्थळे, अध्यात्मिक व सांस्कृतिक स्थळांचे परिवर्तन करण्याच्या दृष्टिकोनाचा अंगीकार करून ‘स्वच्छ भारत अभियान- ग्रामीण’ (SBM-G) याच्या ‘स्वच्छ प्रतीकात्मक स्थळे’ (SIP) उपक्रमाच्या अंतर्गत चौथ्या टप्प्यातील बारा (12) प्रतीकात्मक स्थळांच्या पुढील यादीची घोषणा केली आहे.

▪️स्थळे यादी.
अजिंठा लेणी, महाराष्ट्र,
सांची स्तूप, मध्यप्रदेश
कुंभलगड किल्ला, राजस्थान
जैसलमेर किल्ला, राजस्थान
सूर्य मंदिर, कोणार्क, ओडिशा
दाल तलाव, श्रीनगर, जम्मू व काश्मीर
बांके बिहारी मंदिर, मथुरा, उत्तरप्रदेश
आग्रा किल्ला, आग्रा, उत्तरप्रदेश
पर्यटन स्थळ आणि त्याच्या परिसरातील सांडपाणी व्यवस्थापन आणि स्वच्छतेचे निकष यात सुधारणा करून देशी आणि परदेशी पर्यटकांचा अनुभव समृद्ध करणे हे या उपक्रमाचे उद्दीष्ट आहे. तर या ठिकाणी विशेषत: परिघीय आणि प्रविष्ट क्षेत्रात उच्च प्रतीचे सांडपाणी व्यवस्थापन आणि स्वच्छतेचे निकष साध्य करणे हे स्वच्छ प्रतीकात्मक स्थळांचे ध्येय आहे.
🟧भारताच्या पुढाकाराने 4 मार्च 2021 रोजी ‘चाबहार दिन’ साजरा.

आभासी स्वरूपात आयोजित केलेले तीन दिवसीय ‘भारतीय सागरी परिषद 2021’ या कार्यक्रमाचे द्वितीय सत्र 4 मार्च 2021 रोजी पार पडले.

भारत सरकारच्या बंदरे, नौवहन आणि जलमार्ग मंत्रालयाच्यवतीने या कार्यक्रमाचे आयोजन करण्यात आले होते. परिषदेत उद्घाटन प्रसंगी पंतप्रधान नरेंद्र मोदी यांनी “भारतीय सागरी दृष्टिकोन 2030” जाहीर केला.

याप्रसंगी, भारताच्या पुढाकाराने 4 मार्च 2021 रोजी ‘चाबहार दिन’ साजरा करण्यात आला.

▪️चाबहार बंदर.

चाबहार हा इराणमधील सिस्तान आणि बलूचिस्तान प्रांताचा एक शहर आहे. हे एक मुक्त बंदर आहे आणि ओमानच्या खाडीच्या किनार्‍यावर वसलेले आहे. हे बंदर इराणमध्ये पर्शियन आखाती प्रदेशाच्या बाहेर स्थित आहे आणि या प्रदेशामध्ये सागरी व्यापार विस्तारीत करण्यामध्ये मदत करेल.

भारताने पाकिस्तानमधून जाणारा मार्ग वगळत अफगाणिस्तानाशी थेट संपर्क साधण्यासाठी गेल्या काही वर्षांपासून चाबहार येथील शाहीद बिहेष्टी बंदर येथे भारत आपले स्थान निर्माण करीत आहे. भारताच्या जलवाहतुक मंत्रालयाने चाबहार बंदर विकास प्रकल्प आणि अनुषंगिक कामे यांच्या अंमलबजावणीसाठी इराणमध्ये एक कंपनी तयार केली आहे.

चाबहार बंदर हे भारत व युरेशियामधील मार्ग ओलांडण्यासाठी केंद्र म्हणून विकसित झाले असून 123 जहाजे, जहाजाची मालवाहक क्षमता तपासणीसाठी 13,752 TEU आणि 18 लाख टन सामान्य कार्गो हाताळण्याची त्याची क्षमता आहे.
🟧पंतप्रधानांच्या अध्यक्षतेखाली ‘प्रगती’ ही 36 वी पायाभूत सुविधाविषयक बैठक संपन्न
 
पंतप्रधान नरेंद्र मोदी यांच्या अध्यक्षतेखाली आज ‘प्रगती’ बैठकीचे 36 वे सत्र संपन्न झाले.

बैठकीत, आठ प्रकल्प, एक योजना व एका कार्यक्रमासंदर्भातील तक्रारी यासह दहा विषयांचा आढावा घेण्यात आला.

आठ प्रकल्पांपैकी तीन प्रकल्प रस्ते वाहतूक आणि महामार्ग मंत्रालयाचे, दोन रेल्वे मंत्रालयाचे, प्रत्येकी एक ऊर्जा मंत्रालय, पेट्रोलियम व नैसर्गिक वायू मंत्रालय आणि गृह मंत्रालयाचे होते. या आठ प्रकल्पांची एकूण किंमत 44,545 कोटी रुपये असून हे प्रकल्प पश्चिम बंगाल, आसाम, तामिळनाडू, ओदिशा, झारखंड, सिक्कीम, उत्तरप्रदेश, मिझोराम, गुजरात, मध्यप्रदेश, बिहार आणि मेघालय  या राज्यांशी संबंधित आहेत.

पंतप्रधानांनी यावेळी काही प्रकल्पांच्या अंमलबजावणीमध्ये होणाऱ्या विलंबाबाबत  चिंता व्यक्त केली आणि संबंधित अधिकाऱ्यांना सर्व प्रलंबित प्रश्न त्वरित निकाली काढण्याचे निर्देश दिले.बैठकी दरम्यान पंतप्रधानांनी सिंगल यूज प्लास्टिक निर्मूलनाच्या कार्यक्रमाचा आढावा घेतला.

तसेच पंतप्रधान ग्राम सडक योजनेशी संबंधित तक्रारींचा आढावाही घेण्यात आला. योग्य जागरूकता मोहिमेद्वारे लोकांना आणि विशेषत: तरुणांना सहभागी करून घेण्याच्या आवश्यकतेवर  पंतप्रधानांनी जोर दिला.

पंतप्रधान ग्राम सडक योजने अंतर्गत बांधल्या जाणाऱ्या रस्त्यांच्या गुणवत्तेकडे विशेष लक्ष देण्याचे आवाहन त्यांनी सर्व अधिकाऱ्यांना केले.प्रगती बैठकीच्या 35 व्या सत्रापर्यंत एकूण 13.60 लाख कोटी रुपये खर्चाच्या 290 प्रकल्पांचा आढावा घेण्यात आला आहे.
🟧लिगिया नोरोन्हा (भारतीय): संयुक्त राष्ट्रसंघ पर्यावरण कार्यक्रम (UNEP) याच्या नव्या सहाय्यक सरचिटणीस.

🌑संयुक्त राष्ट्रसंघाचे (UN) प्रमुख अँटोनियो गुटेरेस यांनी भारतीय अर्थशास्त्रज्ञ लिगिया नोरोन्हा यांची संयुक्त राष्ट्रसंघ पर्यावरण कार्यक्रम (UNEP) याच्या सहाय्यक सरचिटणीसपदी नियुक्ती केली आहे.

🌑त्यामुळे लिगिया नोरोन्हा भारतीय सहकारी आणि अर्थशास्त्रज्ञ सत्या त्रिपाठी यांची जागा घेणार आहेत.

🌑लिगिया नोरोन्हा ह्या एक अर्थशास्त्रज्ञ आहेत. त्यांच्याकडे आंतरराष्ट्रीय स्तरावर काम करण्याचा 30 वर्षांचा अनुभव आहे. त्यांनी 2014 सालापासून नैरोबी येथून UNEP च्या आर्थिक विभागात संचालिक म्हणून काम पाहिले आहे. UNEP मध्ये दाखल होण्यापूर्वी त्यांनी नवी दिल्लीतील 'द एनर्जी अँड रिसोर्स इन्स्टिट्यूट (TERI) या संस्थेमध्ये कार्यकारी संचालिका म्हणून काम केले आहे. तसेच त्यांनी संसाधन, नियमन आणि ग्लोबल सिक्युरिटी सेक्शनच्या संचालिका म्हणूनही काम पाहिलेले आहे.

🌑गेल्याच आठवड्यात गुटेरेस यांनी गुंतवणूकविषयक तज्ज्ञ असणाऱ्या उषा राव मोनारी यांची संयुक्त राष्ट्रसंघ विकास कार्यक्रमाच्या (UNDP) सरचिटणीस पदी नियुक्ती केली आहे.

▪️संयुक्त राष्ट्रसंघ पर्यावरण कार्यक्रम (UNEP) विषयी.

हा संयुक्त राष्ट्रसंघाचा एक अंग असून ते प्रमुख जागतिक पर्यावरण प्राधिकरण आहे. ही संस्था जागतिक पर्यावरण संरक्षणासाठी जागतिक पातळीवर कार्य करते. संस्थेची 5 जून 1972 रोजी स्थापना झाली. संस्थेचे मुख्यालय नैरोबी (केनिया) येथे आहे
.
🟧ओटीटी मंचावर कारवाईसाठी केंद्राचे नियमच नाहीत’

डिजिटल मंचावर जर अयोग्य पद्धतीचा आशय दाखवला जात असेल तर त्यावर योग्य ती कारवाई करण्यासाठी सरकारच्या मार्गदर्शक तत्त्वात कुठलीही तरतूद नसल्याचा शेरा सर्वोच्च न्यायालयाने शुक्रवारी मारला आहे.

अ‍ॅमेझॉन प्राइम व्हिडिओजच्या भारतातील प्रमुख अपर्णा पुरोहित यांच्यावर तांडव मालिकेबाबत गुन्हे दाखल करण्यात आले असून त्यांना अटकेपासून संरक्षण देण्याचा आदेश न्यायालयाने जारी केला.

न्या. अशोक भूषण व न्या. आर. एस. रेड्डी यांनी उत्तर प्रदेश सरकारला नोटिसा जारी करताना म्हटले आहे की, तांडव या मालिकेविरोधात गुन्हे दाखल करण्यात आले असले तरी त्यावर पुरोहित यांनी अटकपूर्व जामीन मागितला होता. केंद्राने समाज माध्यमांबाबत केवळ मार्गदर्शक तत्त्वे तयार केली आहेत त्यात डिजिटल माध्यमांवर कारवाईसाठी कुठल्याही उपाययोजनांची तरतूद नाही. सॉलिसिटर जनरल तुषार मेहता यांनी केंद्राची बाजू मांडताना सांगितले की, सरकार याबाबत नियामक तत्त्वे किंवा कायदा तयार करणार आहे. त्याचा मसुदा न्यायालयाला सादर करण्यात येणार आहे. सर्वोच्च न्यायालयाने पुरोहित यांना सांगितले की, त्यांच्या याचिकेत केंद्रालाही पक्षकार करण्यात यावे.

पुरोहित यांनी उत्तर प्रदेश पोलिसांचे चुकीचे प्रतिमा चित्रण केले आहे. हिंदू देवतांचा अपमान केला असून पंतप्रधानांचे विरोधाभासी चित्र रंगवले आहे. न्यायालयाने गुरुवारी सांगितले की, ओव्हर द टॉप म्हणजे ओटीटी मंचावर काहीवेळा पॉर्नोग्राफिक आशयही दाखवला जातो. त्यामुळे असे कार्यक्रम प्रसारित करताना त्यावर देखरेख असायला हवी. केंद्राने याबाबत मार्गदर्शक तत्त्वे जारी करावीत असे न्यायालयाने सांगितले. मेहता यांनी सांगितले की, माहिती तंत्रज्ञान मार्गदर्शक तत्त्वे व डिजिटल माध्यम नैतिक संहिता नियम २०२१ आम्ही सादर करीत आहोत.
🟧भारत आणि मॉरिशस यांनी व्यापक आर्थिक सहकार्य आणि भागीदारी करारावर स्वाक्षरी केली.

मॉरीशसचे पंतप्रधान प्रविंद जुगनाठ, आणि भारत सरकारचे परराष्ट्र व्यवहार मंत्री एस. जयशंकर  यांच्या उपस्थितीत काल, भारत सरकारचे वाणिज्य सचिव डॉ. अनुप वाधवान आणि मॉरिशस सरकारचे राजदूत हॅमंडोयल दिल्लम यांनी पोर्ट लुईस येथे भारत-मॉरिशस व्यापक आर्थिक सहकार्य आणि भागीदारी करारावर (सीईसीपीए) स्वाक्षरी केली.

सीईसीपीए हा आफ्रिकेमधील देशासोबत भारताने केलेला पहिला व्यापार करार आहे. हा करार  मर्यादित स्वरूपाचा असून यामध्ये वस्तूंचा व्यापार, वस्तूंच्या उगमाविषयीचे नियम, सेवांचा व्यापार, व्यापारातील तांत्रिक अडथळे (टीबीटी), सॅनिटरी आणि फायटोसॅनेटरी (एसपीएस) उपाय, तंटा निवारण, दूरसंचार, वित्तीय सेवा, सीमाशुल्क कार्यपद्धती आणि इतर क्षेत्रात सहकार्य यांचा समावेश असेल. 

प्रभाव/फायदा: सीईसीपीएने उभय देशांमधील व्यापार प्रोत्साहित आणि सुधारित करण्यासाठी संस्थात्मक यंत्रणेची तरतूद केली आहे. भारत आणि मॉरिशस यांच्यातील सीईसीपीएमध्ये भारतासाठी 310 वस्तूंची निर्यात करण्याची परवानगी देण्यात आली आहे, यामध्ये अन्नपदार्थ व पेये (80 लाईन), कृषी उत्पादने (25 लाईन ), वस्त्रोद्योग व कपडे (27 लाईन ),  धातू व धातूचे सामान (32 लाईन), इलेक्ट्रिकल आणि इलेक्ट्रॉनिक वस्तू (13लाईन), प्लास्टिक आणि रसायने (20 लाईन), लाकूड आणि लाकडी वस्तू (15 लाईन) आणि इतर यांचा समावेश आहे. गोठविलेले मासे, विशिष्ठ साखर, बिस्किटे, ताजी फळे, फळांचा रस, बाटलीबंद पाणी, बिअर, अल्कोहोलिक पेय, साबण, पिशव्या, वैद्यकीय व शस्त्रक्रिया उपकरणे आणि कपड्यांसह मॉरिशसला आपल्या 615 उत्पादनांसाठी भारतीय बाजारपेठेत प्रवेश मिळणार असून याचा फयदा मॉरिशसला होईल.
🟧शस्त्रसंधीच्या करारांचे कटाक्षाने पालन करण्याबाबत भारत-पाकिस्तानचे मतैक्य

भारत आणि पाकिस्तान यांच्यात अत्यंत महत्त्वपूर्ण समझोता झाला असून त्यानुसार दोन्ही देशांनी नियंत्रण रेषा आणि अन्य ठिकाणी शस्त्रसंधीबाबतच्या सर्व करारांचे कटाक्षाने पालन करण्याचे ठरविले आहे, असे गुरुवारी दोन्ही देशांच्या वतीने जारी करण्यात आलेल्या एका संयुक्त निवेदनामध्ये म्हटले आहे.

शस्त्रसंधीबाबतचा निर्णय भारत आणि पाकिस्तानच्या लष्करी कारवाई महासंचालकांच्या (डीजीएमओ) स्तरावर घेण्यात आला असून तो बुधवारी मध्यरात्रीपासून अमलात आला आहे. भारत आणि पाकिस्तान यांच्यात २००३ मध्ये शस्त्रसंधी करार करण्यात आला होता, मात्र गेल्या कित्येक वर्षांत त्याचे तंतोतंत पालन झालेच नाही.

डीजीएमओने प्रस्थापित हॉटलाइन संपर्क यंत्रणेद्वारे चर्चा केली आणि नियंत्रण रेषा आणि अन्य ठिकाणांच्या स्थितीचा मुक्त आणि मोकळ्या वातावरणात आढावा घेतला. सीमेवर शांतता नांदण्यासाठी आणि दोन्ही देशांसाठी हितकारक ठरणाऱ्या बाबी साध्य करण्यासाठी दोन्ही डीजीएमओंनी एकमेकांना भेडसावणारे प्रश्न आणि चिंता सोडविण्यासाठी सहकार्य करण्याचे ठरविले, शांततेचा भंग होणारे प्रश्न आणि त्यामुळे होणारा हिंसाचाराचा उद्रेक याबाबतच्या प्रश्नांवर एकमेकांना सहकार्य करण्याचे ठरविण्यात आले आहे.
🟧केंद्रीय मंत्री डॉ. हर्षवर्धन यांनी श्रवण दिनानिमित्त जागतिक आरोग्य संघटनेचा जागतिक श्रवण अहवाल सादर केला

▪️ जागतिक श्रवण दिनाचे औचित्य साधत, जागतिक आरोग्य संघटनेच्या कार्यकारी मंडळाचे अध्यक्ष म्हणून केंद्रीय आरोग्य व कुटुंब कल्याण मंत्री डॉ हर्ष वर्धन यांनी डब्ल्यूएचओ चा श्रवण जागतिक अहवाल प्रसिद्ध केला.

▪️ कानांच्या आरोग्याचे महत्त्व अधोरेखित करण्यासाठी डॉ. हर्ष वर्धन यांनी  डब्ल्यूएचओच्या 2018 सालच्या अहवालाचा संदर्भ दिला. भारतातील 2% लोक, मुख्यत: मुले ओटिटिस मीडियाच्या आजाराने त्रस्त आहेत असे या अहवालात नमूद केले आहे. “काही लोकांना ही परिस्थिती इतकी सामान्य वाटते की मुलांना ऐकू न येणे हे त्यांना नैसर्गिक वाटते,” असे ते म्हणाले. कामाच्या ठिकाणी आणि रस्त्यावरील मोठ्या आवाजामुळे श्रवण क्षमता कमी होणे, ओटोटॉक्सिक औषधे आणि रसायनांचा वापर केल्यामुळे श्रवणशक्ती कमी होणे, मोठ्या आवाजात संगीत ऐकल्यामुळे उद्भवणारे धोके यासारख्या इतर समस्यांवरही त्यांनी यावेळी प्रकाश टाकला. (भारतात 750 दशलक्षहून अधिक लोकं स्मार्ट फोन वापरतात)

▪️ डॉ. हर्ष वर्धन यांनी 'बहिरेपणावरील प्रतिबंध आणि नियंत्रण यासाठी भारताच्या राष्ट्रीय कार्यक्रमा’ चे सादरीकरण केले  यामध्ये श्रवणशक्ती कमी असणारे आणि उपचाराची आवश्यकता असणाऱ्या 6% लोकांवर लक्ष्य केंद्रित केले आहे. हा कार्यक्रम बहिरेपणा रोखण्यावर लक्ष केंद्रित करतो, विशेषत: कानात संक्रमण आणि आवाजामुळे होणारे नुकसान; कर्णबधिर मुलांची लवकर ओळख आणि श्रवणविषयक अडचणी; औषधे, शस्त्रक्रिया, श्रवणयंत्र आणि पुनर्वसन यासारखे योग्य उपचार आणि सेवांची वेळेवर तरतूद करण्यावर देखील लक्ष केंद्रित करण्यात आले आहे. या उपक्रमांतर्गत वर्ष 2019-20 दरम्यान 30 हजारांहून अधिक नि: शुल्क ईएनटी शस्त्रक्रिया आणि सुमारे 24 हजार श्रवण यंत्रांचे वाटप करण्यात आले आहे.
🟧QS वर्ल्ड यूनिवर्सिटी रँकिंग 2021

ब्रिटनमधील क्वाकलरी सायमंड्स (QS) या संस्थेकडून ‘QS वर्ल्ड यूनिवर्सिटी रँकिंग 2021’ ही नवीन जागतिक क्रमवारी जाहीर करण्यात आली आहे.

ही यादी तयार करण्यासाठी सहा घटकांचा विचार केला गेला आहे, ज्यामध्ये विद्यार्थ्यांची शहरातली लोकसंख्या, जीवनशैलीतली गुणवत्ता, पदवी नंतर उपलब्ध नोकरीच्या संधी, परवडण्याजोगे आणि विद्यार्थ्यांचा अभिप्राय या घटकांचा समावेश आहे.

▪️ठळक बाबी

QS वर्ल्ड रँकिंगच्या विषयनिहाय श्रेणीमध्ये अभियांत्रिकी विषयात, अमेरिकेची मॅसेच्युसेट्स इंस्टिट्यूट ऑफ टेक्नॉलॉजी (MIT) ही जगातली सर्वोत्कृष्ट संस्था ठरली आहे. मुंबईच्या भारतीय तंत्रज्ञान संस्था (IIT) याने 49 व्या क्रमांकासह संपूर्ण देशात अव्वल स्थान पटकावले आहे.बारा भारतीय विद्यापीठे आणि उच्च शिक्षण संस्था यांनी संबंधित विषयात प्रथम 100 क्रमांकामध्ये स्थान मिळविला आहे.

IIT मुंबई (41 वा) आणि IIT खडगपूर (44 वा) या दोन इंस्टीट्यूट ऑफ इमिनेन्स (IoE) संस्थांनी खनिज व खनिकर्म अभियांत्रिकी विषयासाठीच्या अव्वल 50 मध्ये स्थान मिळविला आहे.पेट्रोलियम अभियांत्रिकी विषयासाठीच्या IIT मद्रास या संस्थेने 30 वा क्रमांक मिळवला आहे.

जगभरातील 100 उच्च स्थानावरील संस्थांमध्ये 12 भारतीय संस्थांचा समावेश आहे. या संस्था पुढीलप्रमाणे आहेत - IIT मुंबई, IIT मद्रास, IIT खरगपूर, IISc बंगळुरू, IIT गुवाहाटी, IIM बंगळुरू, IIM अहमदाबाद, जवाहरलाल नेहरू विद्यापीठ (JNU), अन्ना विद्यापीठ, दिल्ली विद्यापीठ व ओ.पी. जिंदाल विद्यापीठ
.
‘आंतरराष्ट्रीय महिला दिना’निमित्त समस्त स्त्रीशक्तीला वंदन करून, सर्व माता-भगिनींना ‘आंतरराष्ट्रीय महिला दिना’च्या शुभेच्छा

www.simplifiedcart.com