MPSC SIMPLIFIED(official)
34.4K subscribers
34.8K photos
52 videos
3.69K files
9.49K links
simplified चा टेलिग्राम ग्रुप
(आपल्या मित्रांना जॉईन करा)

+ सिम्प्लिफाइड स्टडी
+newspaper सिम्प्लिफाइड
+job सिम्प्लिफाइड
+daily चालू घडामोडी टेस्ट
+अभ्यास आधारित टेस्ट


https://telegram.me/mpscsimplified
Download Telegram
🟪विश्वचषकाच्या संघसंख्येत वाढ

करोना साथीमुळे झालेल्या आर्थिक नुकसानाची भरपाई करण्याबरोबरच बिगरनामांकित संघांना आंतरराष्ट्रीय स्पर्धांमध्ये खेळण्याची संधी मिळावी, या हेतूने २०२७च्या एकदिवसीय विश्वचषक क्रिकेट स्पर्धेत १० ऐवजी १४ संघांचा समावेश करण्यासाठी आंतरराष्ट्रीय क्रिकेट परिषद (आयसीसी) प्रयत्नशील आहे.

गेल्या दोन वर्षांपासून आंतरराष्ट्रीय क्रिकेटचे वेळापत्रक कोलमडल्यामुळे ‘आयसीसी’लासुद्धा आर्थिक हानीला सामोरे जावे लागले. त्याशिवाय ट्वेन्टी-२० विश्वचषकाबाबतही अद्याप साशंकता कायम आहे. २०१९मध्ये इंग्लंडला झालेल्या विश्वचषकात फक्त १० संघांचाच समावेश करण्यात आला. त्यामुळे झिम्बाब्वे, आयर्लंड, नेदरलँड्स या संघांनी नाराजी दर्शवली. त्यामुळे या देशांतील क्रिकेटला पुन्हा उभारी देण्यासाठी ‘आयसीसी’ पाऊल उचलणार आहे.

सध्याची स्थिती पाहता २०२३मध्ये भारतात होणाऱ्या विश्वचषकातच ‘आयसीसी’ला अधिक संघ खेळवता आले असते. परंतु इतक्या कमी कालावधीत संपूर्ण स्पधेची रूपरेखा नव्याने आखणे कठीण असल्यामुळे त्यानंतरच्या म्हणजेच २०२७च्या विश्वचषकात १० ऐवजी १४ संघ खेळवण्याचा विचार ‘आयसीसी’ करत आहे. पुढील महिन्यात होणाऱ्या ‘आयसीसी’च्या बैठकीदरम्यान याविषयी अंतिम निर्णय घेतला जाण्याचे अपेक्षित आहे. २००७, २०११, २०१५च्या विश्वचषकात १४ संघांचा समावेश करून त्यांना दोन गटांत विभागण्यात आले होते.
🌆इव्हरमेक्टिन औषधाबाबत आरोग्य संघटनेचा इशारा

करोना संसर्गावर इव्हरमेक्टिन हे औषध सरसकट वापरण्याबाबत जागतिक आरोग्य संघटनेने मंगळवारी धोक्याचा इशारा दिला आहे. इव्हरमेक्टिन हे तोंडावाटे देण्याचे औषध असून परोपजीवी जंतूंना अटकाव करणारे ते करोनावर वापरण्यात येत आहे.

त्याबाबत जागतिक आरोग्य संघटनेच्या मुख्य वैज्ञानिक सौम्या स्वामिनाथन यांनी सांगितले की, करोनावर उपचार करताना सुरक्षितता व परिणामकारकता महत्त्वाची आहे. कोविड १९ विषाणू संसर्गावर इव्हरमेक्टिन हे औषध सरसकट वापरणे योग्य नाही. या औषधाची निर्मिती करणाऱ्या एमएसडी व मर्क या कंपन्यांनाही याबाबत धोक्याचा इशारा दिला आहे.

इव्हरमेक्टिनचा करोना १९ विषाणू संसर्गावर वापर करताना त्याबाबत झालेले अभ्यास विचारात घेणे आवश्यक आहे. आतापर्यंतच्या विश्लेषणानुसार या औषधाचा करोनावर उपयोग होत असल्याचे कुठलेही पुरावे मिळालेले नाहीत. शिवाय सुरक्षिततेबाबतच्या माहितीचाही अभाव आहे. इव्हरमेक्टिन या औषधाबाबत जागतिक आरोग्य संघटनेने धोक्याचा इशारा देण्याची दोन महिन्यातील ही दुसरी वेळ आहे.

मार्च महिन्यात जागतिक आरोग्य संघटनेने असे म्हटले होते की, या औषधाने रुग्णास रुग्णालयात दाखल करण्याची वेळ येणार नाही याचे कुठलेही ठोस पुरावे नाहीत. गोवा सरकारने करोनावर इव्हरमेक्टीन औषधाच्या वापरास प्रतिबंधात्मक औषध म्हणून मंजुरी दिली असून प्रौढांमध्ये हे औषध वापरण्यास सांगितले आहे.
💉💊🩺आंतरराष्ट्रीय परिचारिका दिन: 12 मे.

दरवर्षी 12 मे हा दिवस जगभरात ‘आंतरराष्ट्रीय परिचारिका दिन’ म्हणून पाळला जातो. परिचारिकांनी समाजात दिलेल्या योगदानाचा सन्मान करण्यासाठी हा दिन साजरा केला जातो.

2021 साली हा दिन "नर्सेस: ए व्हॉईस टू लीड – ए व्हिजन फॉर फ्युचर हेल्थकेअर" या संकल्पनेखाली पाळला गेला.

रुग्णालयात दाखल झालेल्या रुग्णांची परिचारिका अहोरात्र सेवा करीत असतात. रुग्णाला सकारात्मकता प्रदान करण्याचे, त्यांना आनंद देण्याचे महत्त्वाचे कार्य त्या करीत असतात. कोविड-19 महामारीच्या संकटकाळातही परिचारिकांची भूमिका महत्त्वाची ठरत आहे.

💉पार्श्वभूमी.

1854 साली झालेल्या क्रिमियन युद्धातल्या जखमी सैनिकांना मलमपट्टी करीत फिरणाऱ्या आणि आधुनिक परिचर्येचा पाया घालणाऱ्या फ्लॉरेन्स नाइटिंगेल (जन्‍म 12 मे 1820) यांचा जन्मदिवस ‘आंतरराष्ट्रीय परिचारिका दिन’ म्हणून साजरा केला जातो. ब्रिटिश वंशाच्या फ्लॉरेन्स नाइटिंगेल यांना आधुनिक शु्श्रूषा शास्त्राची संस्थापिका मानले जाते.

फ्लोरेन्स नायटिंगेल या धनाढ्य कुटुंबातून आल्या होत्या. अनेक आधुनिक सुश्रुषा पद्धती त्यांनी विकसित केल्या. नायटिंगल रात्री जागून तासनतास रुग्णांची सेवा करीत असत. रात्री हातात दिवा घेऊन प्रत्येक रुग्णाची काळजी घेत असल्यामुळे त्यांना “लॅम्प लेडी” असेही म्हटले जात असे.

1965 साली आंतरराष्ट्रीय परिचारिका परिषद (इंटरनॅशनल काउंसिल ऑफ नर्सेस -ICN) तर्फे पहिल्यांदा हा दिवस साजरा केला गेला होता. 1974 साली 12 मे रोजी ‘आंतरराष्ट्रीय परिचारिका दिन’ पाळण्याची घोषणा केली गेली.

या दिवशी भारत सरकारतर्फे फ्लॉरेन्स नाइटिंगेल पुरस्कार दिला जातो. 50,000 रुपये रोख, प्रमाणपत्र आणि पदक असे पुरस्काराचे स्वरूप आहे.
▶️द्रवरुप ऑक्सिजनच्या वाहतुकीच्या समस्येवर इलाज काढण्यासाठी इंधन आणि वायू क्षेत्रातील सार्वजनिक उपक्रम प्रयत्नशील.

अतिरिक्त आयएसओ कंटेनर्स व सिलेंडर्सच्या खरेदीची मागणी नोंदवली

औद्योगिक क्षेत्रातील नागरीकत्व जबाबदारी निभावत भारत सरकारच्या पेट्रोलियम आणि नैसर्गीक वायू मंत्रालयाच्या अखत्यारीतील सार्वजनिक उपक्रम दुसऱ्या कोविड 19 महामारीच्या लाटेशी सामना करण्यासाठी मदतीचा हात पुढे करत आहेत. या संदर्भात, ते प्रामुख्याने द्रवरुप ऑक्सिजनच्या वाहतुकीच्या प्रश्नावर काम करत आहेत
🛑लघुग्रहाचे अवशेष घेऊन वृत्तसंस्था, केप कॅनव्हरॉल

नासाने पाठवलेल्या एका अवकाशयानात लघुग्रहाचे अवशेष अडकले असून हे यान आता सोमवारी पृथ्वीच्या दिशेने प्रवासाला निघाले आहेत. अवकाशातील प्राचीन खडकांचा या अवशेषात समावेश आहे असे मागच्या आरशातून दिसत आहे.

रोबोट स्वरूपाचे हे यान ओसीरिस रेक्स नावाचे असून त्याला पृथ्वीकडे परतण्यास दोन वर्षे लागणार आहेत. अ‍ॅरिझोना विद्यापीठाचे लॉरेटा यांनी सांगितले की, अवकाशयानात अर्धा पौंड व १ पौंड म्हणजे २०० ते ४०० ग्रॅम अवशेष असून ते खडकांचे छोटे तुकडे आहेत. एकूण २ औंस म्हणजे साठ ग्रॅम अवशेष आणण्याचे उद्दिष्ट होते ते पूर्ण करण्यात आले आहे. यापूर्वी अपोलो यानाने चंद्रावरून खडक आणले होते. त्यानंतर प्रथमच सर्वात मोठ्या प्रमाणात अवकाशातील अवशेष हे पृथ्वीवर आणण्यात येत आहेत.

धुमेकतूतील धूळ व सौर वाऱ्यांचे काही नमुने नासाने यापूर्वी आणले होते. जपानने अशी उद्दिष्टे दोनदा पार केली आहेत. सोमवारी जे यान निघाले आहे ते बेन्नू या लघुग्रहाजवळून निघाले आहे. नासाचे प्रकल्प वैज्ञानिक जॅसन डोर्किन यांनी सांगितले की, लघुग्रहावरील अवशेष परत येत आहेत. त्यासाठी बराच कालावधी लागला असून हा प्रवास खूप मोठा आहे. हे यान काही वर्षांपूर्वी पाठवण्यात आले आहे, त्यावेळी माझी मुलगी लहान होती. आता ती पदवी घेण्याच्या तयारीत आहे.

बेन्नू लघुग्रहावरील नमुने व काही छायाचित्रे परत आणली जात असून ओसिरीस रेक्स हे यान बेन्नूपासून ३०० किलोमीटर अंतरावर आहे. बेन्नू हा लघुग्रह सूर्याभोवती फिरत आहे. सोमवारी दुपारी त्याचे मुख्य इंजिन प्रज्वलित करण्यात आले होते. लॉकहीड मार्टिन कंपनीने हे यान तयार केले होते. त्यांनी अवकाशयान परत येत असल्याचे स्वागत केले आहे.
🔄पंतप्रधानांचा जी-७ दौरा रद्द

देशात करोनाचा प्रादुर्भाव असल्याने पंतप्रधान नरेंद्र मोदी पुढील महिन्यात ब्रिटनमध्ये होणाऱ्या जी-७ शिखर परिषदेसाठी जाणार नसल्याचे मंगळवारी परराष्ट्र मंत्रालयाच्या वतीने स्पष्ट करण्यात आले.

ब्रिटनमधील कॉर्नवॉल येथे ११ ते १३ जून या कालावधीत जी-७ देशांची शिखर परिषद होणार आहे. या परिषदेसाठी ब्रिटनचे पंतप्रधान बोरिस जॉन्सन यांनी मोदी यांना विशेष निमंत्रित म्हणून निमंत्रण दिले होते. मात्र करोना स्थितीमुळे मोदी जी-७ परिषदेसाठी जाणार नसल्याचे परराष्ट्र मंत्रालयाचे प्रवक्ते अरिंदम बागची यांनी सांगितले.
श्श्र🛑भारतीय अक्षय ऊर्जा विकास संस्था (IREDA) याला ICCचा "ग्रीन ऊर्जा पुरस्कार" मिळाला.

भारतीय अक्षय ऊर्जा विकास संस्था मर्यादित (IREDA) या संस्थेला "ग्रीन ऊर्जा पुरस्कार" प्रदान करण्यात आला आहे. हा पुरस्कार इंडियन चेंबर ऑफ कॉमर्स (ICC) यांच्यावतीने प्रदान करण्यात आला आहे.

भारतीय अक्षय ऊर्जा विकास संस्था (IREDA) अक्षय ऊर्जेच्या संदर्भात प्रकल्पांना वित्तपुरवठा करणारी आघाडीची सार्वजनिक संस्था आहे. त्याच्या निर्णायक भूमिकेसाठी हा सन्मान देण्यात आला आहे.

भारतीय अक्षय ऊर्जा विकास संस्था मर्यादित (IREDA) विषयी

भारतीय अक्षय ऊर्जा विकास संस्था मर्यादित (IREDA) ही एक मिनी-रत्न (श्रेणी-1) कंपनी आहे. भारत सरकारच्या नवीन व अक्षय ऊर्जा मंत्रालयाच्या प्रशासकीय नियंत्रणाखाली असलेली एक सार्वजनिक कंपनी आहे. संस्थेची स्थापना 1987 साली अ-बँकिंग वित्तीय संस्था म्हणून झाली.
━━━━━━━༺༻━━━━━━━
▪️संपर्क :- अभिजीत थोरबोले
📱 9423333181 | 8788639688
●▬▬▬▬⚜۩۞۩⚜▬▬▬▬●
Buy Online 👇आवश्य भेट द्या -👇

www.simplifiedcart.com
_____________________