MPSC SIMPLIFIED(official)
34.3K subscribers
34.8K photos
52 videos
3.69K files
9.48K links
simplified चा टेलिग्राम ग्रुप
(आपल्या मित्रांना जॉईन करा)

+ सिम्प्लिफाइड स्टडी
+newspaper सिम्प्लिफाइड
+job सिम्प्लिफाइड
+daily चालू घडामोडी टेस्ट
+अभ्यास आधारित टेस्ट


https://telegram.me/mpscsimplified
Download Telegram
Forwarded from MPSC Mantra (Balaji Surne)
Simplified Yearbook 2021 All Pages.pdf
30.7 MB
» Simplified Yearbook 2021 All Pages
» आगामी राज्यसेवा, संयुक्त गट ब व इतर परीक्षांसाठी उपयुक्त

📍📍Simplified Year Book 2022 सर्वत्र उपलब्ध📍📍
📌» कालावधी - १ जानेवारी ते 31 डिसेंबर २०२१
ऑनलाईन खरेदीसाठी येथे क्लिक करा..
Forwarded from MPSC Mantra (Balaji Surne)
#1 Best Seller
🟪अ‍ॅडलेड आंतरराष्ट्रीय टेनिस स्पर्धा - बोपण्णा-रामनाथन जोडीला जेतेपद

‘एटीपी’ दौऱ्यात पहिल्यांदाच एकत्रित खेळणाऱ्या रोहन बोपण्णा आणि रामकुमार रामनाथन या भारतीय जोडीने अ‍ॅडलेड आंतरराष्ट्रीय टेनिस स्पर्धेतील पुरुष दुहेरीचे जेतेपद पटकावले. बोपण्णाचे हे वैयक्तिक २०वे, तर रामनाथनचे पहिलेच एटीपी दुहेरी जेतेपद ठरले.

बोपण्णा आणि रामनाथन जोडीने रविवारी झालेल्या अंतिम सामन्यात इव्हान डोडिग आणि मार्सेलो मेलो या अग्रमानांकित जोडीला ७-६ (६), ६-१ असा पराभवाचा धक्का दिला.

एक तास आणि २१ मिनिटे रंगलेल्या या सामन्यात बोपण्णाने प्रतिस्पर्धी जोडीच्या सव्‍‌र्हिसवर प्रतिहल्ले केले, तर रामनाथनने परिपूर्ण खेळ करत त्याला तोलामोलाची साथ दिली. त्यामुळे बोपण्णाने सामन्यानंतर त्याच्या साथीदाराचे कौतुक केले. ‘‘तुमच्याकडून रामनाथन सव्‍‌र्हिस करत असताना तुम्हाला सुरुवातीपासून गुण जिंकण्याची संधी मिळत,’’ असे बोपण्णा म्हणाला.

या सामन्याच्या पहिल्या सेटमध्ये ६-६ अशी बरोबरी झाली आणि सेटचा विजेता ठरवण्यासाठी टायब्रेकर खेळवण्यात आला. यातही ६-६ अशी बरोबरी असताना मेलोच्या सव्‍‌र्हिसवर बोपण्णाने गुण मिळवला, मग दमदार सव्‍‌र्हिस करत टायब्रेकरमध्ये ८-६ अशी बाजी मारली. दुसऱ्या सेटमध्ये डोडिग-मेलो जोडीला फारसा प्रतिकार करता आला नाही. बोपण्णा-रामनाथन जोडीला या कामगिरीमुळे १ लाख ८७ हजार अमेरिकन डॉलरचे रोख बक्षीस आणि प्रत्येकी २५० क्रमवारी गुण मिळाले.
🟪मुंबई मॅरेथॉनवर यंदाही अनिश्चिततेचे सावट.

राज्यासह मुंबईत करोनाचा प्रादुर्भाव पुन्हा एकदा वाढताना दिसत असून राज्य सरकार आणि मुंबई महानगरपालिका यांच्याकडून विविध निर्बंध घालण्यात येत आहेत. याच पार्श्वभूमीवर, प्रतिष्ठेच्या मुंबई मॅरेथॉन स्पर्धेवर यंदाही अनिश्चिततेचे सावट आहे.

२००४ सालापासून दरवर्षी जानेवारी महिन्याच्या तिसऱ्या रविवारी मुंबई मॅरेथॉनचे मोठय़ा जल्लोषात आयोजन केले जाते. जगभरातील आघाडीचे मॅरेथॉनपटू या स्पर्धेत सहभागी होण्यासाठी मायानगरी गाठतात. मागील वर्षी करोनामुळे ही मॅरेथॉन स्पर्धा रद्द करणे भाग पडले होते. यंदा मुंबईतील करोनाचा धोका कमी होईल आणि मॅरेथॉनचे नियमितपणे आयोजन करता येईल, अशी संयोजकांना आशा होती. मात्र, करोनाचा नवा उत्परिवर्तित विषाणू ओमायक्रॉनमुळे दिवसागणिक रुग्णांच्या संख्येत वाढ होत असून परदेशी नागरिकांसाठी नियम अधिक कडक करण्यात आले आहेत.

यंदा जानेवारीच्या तिसऱ्या रविवारी (१६ जानेवारी) मुंबई मॅरेथॉनचे आयोजन करणे अशक्य असल्याचे स्पष्ट झाल्यावर संयोजकांनी ही स्पर्धा पुढे ढकलण्याचा निर्णय घेतला. फेब्रुवारी किंवा मार्चमध्ये ही स्पर्धा घेण्याचा त्यांचा मानस असून त्यांनी महाराष्ट्र सरकार आणि मुंबई महानगरपालिकेकडे परवानगीसाठी अर्जदेखील पाठवल्याचे समजते. मात्र, मुंबईतील सध्याची करोनाची स्थिती लक्षात घेता, त्यांना परवानगी मिळण्याबाबत साशंकता आहे. त्यामुळे आगामी दिवसांत या स्पर्धेबाबत काय निर्णय घेतले जातात, हे पाहणे महत्त्वाचे ठरणार आहे.
🟪बुकर पुरस्कार’ (Booker Prize 2021).
लेखक : डेमन गॅलगट (दक्षिण आफ्रिका)

कादंबरी :'द प्रॉमिस' (The Promise) या

इंग्रजीत लिहिलेल्या आणि ब्रिटन किंवा आयर्लंडमध्ये प्रकाशित झालेल्या सर्वोत्कृष्ट कादंबरीला दरवर्षी दिला जाणारा बुकर पारितोषिक.
🟪भारतीय लष्करातील जवानांचा गणवेश बदलणार; जाणून घ्या कसा असणार नवा गणवेश.

भारतीय लष्करातील जवानांचा गणवेश बदलणार आहे. १५ जानेवारी रोजी, आर्मी डे परेड दरम्यान, सैनिकांसाठी नवीन लढाऊ गणवेशाचा पहिला देखावा प्रदर्शित केला जाईल. मेक इन इंडियाच्या अनुषंगाने सैनिकांच्या गणवेशाची निर्मिती भारतीय लष्कर आणि नॅशनल इन्स्टिट्यूट ऑफ फॅशन टेक्नॉलॉजी (NIFT) यांनी संयुक्तपणे केली आहे.

डिजिटल नमुन्यांवर आधारित डिझाइन हे सैनिक तैनात असलेल्या विविध भूप्रदेशांना लक्षात घेऊन तयार केले गेले आहे. सैनिकांना या गणवेशात आरामदायी वाटेल, याची काळजी घेण्यात आली आहे.

याचं उत्तर आहे नाही. सैनिकांच्या गणवेशासाठी नवीन डिझाइन केलेले कापड खुल्या बाजारात उपलब्ध होणार नाही आणि ते अधिकारी आणि सैनिकांना त्यांच्या युनिटमधील तुकड्यांमध्ये दिले जातील. दरम्यान, तब्बल १३ लाख भारतीय सैन्याची कापड पुरवण्याची गरज पूर्ण करण्यासाठी खासगी आणि सार्वजनिक क्षेत्रातील दोन्ही कंपन्यांना खुली निविदा जारी करण्याची सरकराची योजना आहे. या कंपन्या या नवीन बॅटल ड्रेस युनिफॉर्म्स (BDU) पुरवठा करतील.
🟪संपूर्ण ‘आयपीएल’ महाराष्ट्रात.


एकीकडे राज्यासह देशभरातील करोना रुग्णांची संख्या दिवसेंदिवस वाढत असताना भारतीय क्रिकेट नियामक मंडळ (बीसीसीआय) इंडियन प्रीमियर लीगचा (आयपीएल) १५वा हंगाम पूर्णपणे महाराष्ट्रात आयोजित करण्यासाठी प्रयत्नशील आहे, अशी माहिती विश्वसनीय सूत्रांनी दिली.

करोनाचा प्रादुर्भाव वाढत असून राज्यात अनेक ठिकाणी कठोर निर्बंध लागू करण्यात आले आहेत. मात्र एका इंग्रजी संकेतस्थळाने दिलेल्या वृत्तानुसार महाराष्ट्रात संपूर्ण ‘आयपीएल’ खेळवण्यास राष्ट्रवादी काँग्रेसचे अध्यक्ष आणि ‘बीसीसीआय’चे माजी अध्यक्ष शरद पवार यांनी हिरवा कंदील दर्शवला आहे.

काही दिवसांपूर्वी ‘बीसीसीआय’चे हंगामी मुख्य कार्यकारी अधिकारी हेमंग अमिन, मुंबई क्रिकेट असोसिएशनचे (एमसीए) अध्यक्ष विजय पाटील आणि शरद पवार यांची यासंबंधी चर्चा झाली. लवकरच ही मंडळी महाराष्ट्राचे मुख्यमंत्री उद्धव ठाकरे यांची भेट घेऊन त्यांची सदर स्पर्धेच्या आयोजनासाठी परवानगी घेतील, असे समजते.

मुंबईतील वानखेडे आणि ब्रेबॉर्न, नवी मुंबईतील डी. वाय. पाटील आणि पुण्यातील महाराष्ट्र क्रिकेट असोसिएशन अशा एकूण चार स्टेडियममध्ये ‘आयपीएल’चे सामने खेळवता येऊ शकतात. प्रेक्षकांना या स्पर्धेसाठी परवानगी नसेल. मुंबईसह पुण्यात जैव-सुरक्षा परीघ तयार करण्याची उत्तम सुविधा उपलब्ध असून खेळाडूंना विमान प्रवासही टाळता येईल. त्यामुळे फेब्रुवारीत खेळाडूंची लिलावप्रक्रिया झाल्यावर ‘बीसीसीआय’ ठिकाणांसंबंधी अंतिम निर्णय घेण्याचे अपेक्षित आहे.
🟪नेदरलँड, चिलीसारख्या देशांपेक्षाही मराठवाडय़ातील प्राणवायू क्षमता अधिक.

पहिल्या आणि दुसऱ्या लाटेत प्राणवायूचा तुटवडय़ाचे चित्र होते पण आता मराठवाडय़ात प्राणवायू निर्मितीचे समान लोकसंख्या असणाऱ्या नेदरलँड, बेल्जियम, चिली, कझाकीस्थान या देशापेक्षाही अधिक आहे. पहिल्या लाटेत ८० मे. टन प्राणवायू लागला. तेव्हा साठवण क्षमता खूप कमी होती. दुसऱ्या लाटेत २२० मे. टन प्राणवायू लागला. तेव्हाही २५० मेट्रीक टनाची क्षमता होती. आता तिसऱ्या लाटेपूर्वी प्राणवायू साठवणूक व निर्मितीची क्षमता ८४५ मे टन एवढी असून ती १ हजार २९६ पर्यंत वाढेल असे सांगण्यात येत आहे.

ही सारी यंत्रणा उभी करण्यासाठी विभागीय आयुक्त सुनील केंद्रेकर खास पुढाकार घेत आठ जिल्हाधिकाऱ्यांना कामाला लावले. साखर कारखान्यासह, स्टील उद्योगात तसेच वीज निर्मिती प्रकल्पातही प्राणवायू प्रकल्प उभे करण्यात आले. किनवटसारख्या आदिवासी व दुर्गम भागात आता प्राणवायू साठवणुकीची क्षमता उभी करण्यात प्रशासनाला यश आले आहे.

करोनाची पहिली लाट आली होती तेव्हा पीपीई किटपासून ते औषधांचीही कमतरता होती. दुसऱ्या लाटेत प्राणवायूसाठी होणारी धावपळ तर महाराष्ट्रात सर्वानी पाहिली. त्यानंतर प्राणवायू प्रकल्प कुठे आणि कसे सुरू करता येतील याचे दौरे सुरू करण्यात आले. स्वत: विभागीय आयुक्तांनी अनेक ठिकाणी भेटी दिल्या. काही वेळा युद्धजन्यस्थितीसारखी कामे करुन घेण्यात आली. मराठवाडय़ाची लोकसंख्या साधारणत: दोन कोटी आहे. एवढीच लोकसंख्या असणाऱ्या अन्य देशात किती प्राणवायू साठवणूक याचा अंदाजही मराठवाडय़ातील अधिकारी घेत होते.

मराठवाडय़ातील शेवटच्या टोकांच्या गावात प्राणवायू पोहचविण्यासाठी नांदेड व परभणी जिल्हाधिकाऱ्यांना बऱ्याच खटपटी कराव्या लागल्या होत्या. हैदराबाद व कर्नाटकातूनही प्राणवायूचे टँकर मागवावे लागले होते. तेव्हापासून प्राणवायू साठवणूक क्षमता व निर्मिती वाढविण्यावर जोर दिला जात होता. मराठवाडय़ातील शहराच्या आकारानुसार गरज ओळखून प्राणवायू प्रकल्प उभारण्यात आले आहेत. आता त्यात पुरेसा प्राणवायूही साठवणूक करण्यात आला आहे. तिसरी लाट आली तर प्राणवायूची गरज असणाऱ्या रुग्णांसाठी पुन्हा धावपळ करावी लागण्याची शक्यता कमी असल्याचा दावा केला जात आहे.
Forwarded from MPSC SIMPLIFIED(official) (Nagesh Patil)
🔲 पुण्यासह महाराष्ट्रात सर्वत्र उपलब्ध झाले आहे.

👇Follow Us On This Link
link 1👇👇👇

https://www.simplifiedcart.com/simplified-year-book-2022/pid-477301218

link 2 👇👇👇

https://www.mydash101.com/simplifiedbooks
🟪 सर्वांना मकर संक्रांतीच्या खूप खूप शुभेच्छा!💐

🔲 पुण्यासह महाराष्ट्रात सर्वत्र उपलब्ध झाले आहे.

✌️ मकर संक्रांती निमित्त भरघोस सवलत…
👇Follow Us On This Link
link 1👇👇👇

https://www.simplifiedcart.com/simplified-year-book-2022/pid-477301218

link 2 👇👇👇

https://www.mydash101.com/simplifiedbooks
न्यायमूर्ती आयशा मलिक बनणार पाकिस्तानच्या सर्वोच्च न्यायालयाच्या पहिल्या महिला न्यायाधीश.

न्यायमूर्ती आयशा मलिक पाकिस्तानच्या सर्वोच्च न्यायालयाच्या पहिल्या महिला न्यायाधीश बनणार आहे सरन्यायाधीश गुलजार अहमद यांच्या अध्यक्षतेखालील पाकिस्तानच्या न्यायिक आयोगामार्फत (Judicial Commission of Pakistan - JCP) सदर पदोन्नतीला मंजुरी देण्यात आली आहे.
🟪जे.सी. चौधरी भुसावळ यांचा अंकशास्त्रातील पहिला गिनीज वर्ल्ड रेकॉर्ड.

भारतातील अव्वल संख्याशास्त्रज्ञांपैकी एक, जे.सी. चौधरी यांनी युनायटेड स्टेट्स, युनायटेड किंगडम, मध्य पूर्व आणि भारत  येथून सामील झालेल्या सुमारे 6000 स्पर्धकांना प्राचीन विज्ञानाचे ज्ञान देऊन अंकशास्त्रातील पहिला गिनीज वर्ल्ड रेकॉर्ड आणि 2022 चा पहिला विश्वविक्रम गाठला आहे.

गिनीज वर्ल्ड रेकॉर्ड लंडन कार्यालयाने या कामगिरीसाठी  “अंकशास्त्र” ही नवीन श्रेणी उघडली आहे.
🟪 पाकिस्तानच्या न्यायालयीन इतिहासातील पहिल्या महिला SC न्यायाधीश.

पाकिस्तानच्या न्यायिक आयोगाने सर्वोच्च न्यायालयाच्या न्यायाधीशपदी नियुक्तीसाठी न्यायमूर्ती आयशा मलिक यांच्या नामांकनाला मान्यता दिली आहे. त्यानंतर न्यायमूर्ती आयशा या पाकिस्तानच्या न्यायालयीन इतिहासातील पहिल्या महिला SC न्यायाधीश असतील.

पाकिस्तानच्या न्यायिक आयोगाने 06 जानेवारी रोजी न्यायमूर्ती आयशा मलिक यांना देशाच्या सर्वोच्च न्यायालयाच्या न्यायाधीश म्हणून बढती मंजूर केली आहे.

अशा परिस्थितीत आता त्या पाकिस्तानच्या सर्वोच्च न्यायालयाच्या पहिल्या महिला न्यायाधीश बनणार आहेत. सरन्यायाधीश गुलजार अहमद यांच्या अध्यक्षतेखालील पाकिस्तानच्या न्यायिक आयोगाने (JCP) मलिक यांच्या पदोन्नतीला चार विरुद्ध पाच मतांनी मंजुरी दिली.

हार्वर्ड लॉ स्कूलमधून एलएलएम पदवीधर, न्यायमूर्ती आयशा मलिक 2012 मध्ये लाहोर उच्च न्यायालयात न्यायाधीश म्हणून पदोन्नती होण्यापूर्वी एक प्रमुख कॉर्पोरेट आणि व्यावसायिक नेत्या होत्या.

लॉ फर्ममध्ये भागीदार असताना गेल्या 20 वर्षांत लाहोर उच्च न्यायालयाच्या त्या पहिल्या महिला न्यायाधीश होत्या. ती तिच्या शिस्त आणि सचोटीसाठी ओळखली जाते आणि तिने निवडणुकांमधील मालमत्तेची घोषणा, ऊस उत्पादकांना देयके आणि पाकिस्तानमध्ये आंतरराष्ट्रीय लवादाची अंमलबजावणी यासह अनेक प्रमुख घटनात्मक मुद्द्यांवर निर्णय घेतला आहे.
🟪आयपीएलनं VIVOला म्हटलं ‘टाटा’..! लीगला मिळाला नवा टायटल स्पॉन्सर.

आयपीएल २०२२ मध्ये मोठे बदल होणार आहेत. टायटल स्पॉन्सर मोबाईल कंपनी विवोने (VIVO) लीगच्या प्रायोजकत्वातून माघार घेतली आहे. नुकत्याच जाहीर झालेल्या आयपीएल गव्हर्निंग काऊन्सिलच्या बैठकीतून मिळालेल्या माहितीनुसार, टाटा ग्रुपने टायटल स्पॉन्सर म्हणून विवोची जागा घेतली आहे. आयपीएल गव्हर्निंग काऊन्सिलचे अध्यक्ष ब्रिजेश पटेल यांनी या वृत्ताला दुजोरा दिला आहे.

लीगसोबतच्या प्रायोजकत्व करारासाठी विवोकडे काही वर्षे शिल्लक आहेत, परंतु या काळात टाटा मुख्य प्रायोजक राहील. या लीगचे नाव आता टाटा आयपीएल असेल. विवोने २०१८ मध्ये वार्षिक ४४० कोटी रुपये खर्चून टायटल हक्क विकत घेतले होते. चिनी स्मार्टफोन निर्मात्यांनी २०२० मध्ये भारत-चीन राजनैतिक वादामुळे हा करार एका वर्षासाठी थांबवला. तेव्हा हे अधिकार Dream11 ला हस्तांतरित केले गेले.

बोर्ड आणि विवो यांच्यातील पाच वर्षांचा करार २०२० हंगामापर्यंत होता आणि एका वर्षाच्या ब्रेकमुळे २०२३ पर्यंत वाढवण्यात आला होता. मंगळवारच्या बैठकीनंतर, टाटा समूह २०२२ आणि २०२३ हंगामासाठी शीर्षक प्रायोजक म्हणून कायम राहील, असा निर्णय घेण्यात आला.

विवोने आता आयपीएलचे अधिकार टाटाकडे हस्तांतरित केले आहेत. २०२२च्या हंगामासाठी Dream11 ही कंपनी आयपीएलची टायटल स्पॉन्सर होती. त्याला २२२ कोटी रुपयांचे प्रायोजकत्व अधिकार मिळाले. आयपीएल २०२० करोनामुळे यूएईमध्ये खेळवण्यात आले.
🟪कोवॅक्सिनचा बूस्टर डोस डेल्टा आणि Omicron विषाणूला उदासिन करतो; भारत बायोटेकचा दावा

देशातला करोना प्रादुर्भाव कमी होत असल्याचं चित्र दिसत असतानाच अचानक ओमायक्रॉन नावाच्या नव्या करोनाप्रकाराने डोकं वर काढलं. त्याच्या दहशतीखाली सगळं जग असतानाच आत्ता उपलब्ध असलेल्या लसी ओमायक्रॉनविरुद्ध प्रभावी आहेत की नाही, याबाबत चर्चा सुरू आहेत.

अशातच आता भारत बायोटेकने एक चांगली बातमी दिली आहे. कोवॅक्सिन लसीचा बूस्टर डोस हा डेल्टा आणि ओमायक्रॉन दोन्ही विषाणूप्रकारांशी लढण्यास समर्थ असल्याचं भारत बायोटेकचं म्हणणं आहे.

भारत बायोटेकने सांगितलं की कोवॅक्सिन लसीचा बूस्टर डोस हा या दोन्ही प्रकारच्या व्हेरिएंटला उदासिन करतो. यासंदर्भात केलेल्या चाचण्यांचे परिणाम सांगतात की प्रयोगासाठी घेतलेल्या नमुन्यांपैकी डेल्टा विषाणू असलेल्या १०० टक्के नमुन्यांमध्ये हा विषाणू उदासिन झालेला दिसला. तर ओमायक्रॉन व्हेरिएंटच्या ९० टक्के नमुन्यांमध्ये
🟪इंडिया खुली बॅडमिंटन स्पर्धा -

सायना, प्रणॉय, लक्ष्य दुसऱ्या फेरीत
माजी विजेती सायना नेहवाल, जागतिक कांस्यपदक विजेता लक्ष्य सेन आणि पुनरागमन करणारा एचएस प्रणॉय यांनी दिमाखदार विजयांसह इंडिया खुल्या बॅडिमटन स्पर्धेची बुधवारी दुसरी फेरी गाठली. राष्ट्रकुल क्रीडा स्पर्धेतील रौप्यपदक विजेत्या सात्त्विकसाईराज रंकीरेड्डी आणि चिराग शेट्टी जोडीनेही पुरुष दुहेरीत विजयी अभियान सुरू केले आहे.

महिला एकेरीत दुखापतींमुळे गतवर्षी अनेक स्पर्धामध्ये सहभागी होऊ न शकलेली माजी जागतिक अग्रस्थानावरील बॅडिमटनपटू सायनाने चेक प्रजासत्ताकच्या तेरेझा स्व्हाबिकोव्हाविरुद्ध सरशी साधली. या सामन्यात २०-२२, ०-१ अशा पिछाडीवर असलेल्या तेरेझाने पाठीच्या दुखापतीमुळे हा सामना अर्धवट सोडला.

चौथ्या मानांकित सायनाची दुसऱ्या फेरीत मालविका बनसोडशी गाठ पडणार आहे. मालविकाने समिया इमान फारूखीचा २१-१८, २१-९ असा पाडाव केला. आकर्षी कश्यपने अनुरा प्रभुदेसाईविरुद्ध २१-१४, २१-१४ असा विजय मिळवला.
Photo from Ramakantb Kapse
Forwarded from MPSC SIMPLIFIED(official) (Nagesh Patil)
🟪 सर्वांना मकर संक्रांतीच्या खूप खूप शुभेच्छा!💐

🔲 पुण्यासह महाराष्ट्रात सर्वत्र उपलब्ध झाले आहे.

✌️ मकर संक्रांती निमित्त भरघोस सवलत…
👇Follow Us On This Link
link 1👇👇👇

https://www.simplifiedcart.com/simplified-year-book-2022/pid-477301218

link 2 👇👇👇

https://www.mydash101.com/simplifiedbooks