حط راسك ع المخدة ونام وأنت واثق أنو رب العالمين كادر يغير كلشي علمودك كادر يغير حالك من حال الى حال أفضل واحسن مليون مرة كادر ياخذلك حقك من كل شخص آذاك وظلمك لو بعد حين كادر يحققلك أمنيتك الي تحلم كل يوم بيها علمود تتحقق كادر يجبر بخاطرك ويفرح قلبك ويعوضك على كلشي مو زين مريت بي كادر ينجحك بعد كل التعب الي شفته رب العالمين هو الاعلم بجبر الخواطر والقلوب نام وأنت متوكل ع ربنا الكريم


#الكاتب_مستر_عبودي❤️

مطر خير علينا و عليكم ❤️

تره الرجوله مو بلكفر ولا بشرب ولا بل عركات ولا بلضحك على هاي وهاي ورايح عليها وماخذ صور وياها وتشوفها لاصدقائك ولا بـ العضلات الرجوله بل كلام من تنطي كلام لشخص اوفي بي بذاك الوقت تستحق واحد يكلك انت رجال .. وابسط شي توفي بوعدك وتحارب الدنيه علمود بنيه تحبك وانته تحبها مو بس لمصلحتك ولشهوتك تريدها تحبها وتثبت انك رجال تره عمر الي يعرف هواي بنات مطال شاربه حبها وهيه تحبك واكتفي بيها ولتسمح لايشي يفرقكم حته لو شفت احلا منها كوللها حبيبتي انتي ماليه عيني احجي وياها كلام الحلو حتعتبرك سندها بحياتها واهلها ولمن تكولك انت اهلي خلي ببالك انطتك مكان عضيمه بحياتها لتكون مو قد الثقه خليك رجال .💙

مطرت الدنيا فتحت الشباج حسيت نفسي دفيان واكف من ورا الشباج اتفرج على المطر بس اكو واحد تلكاه موظف او سقف بيته تعبان ازخ عليه ومثلج راح تبقى متضايق إنّك كل يوم تصحى من وقت و تروح ع الشغل بس في واحد لحد الان داديدوَّر على فرصة مناسبة راح تبقين تشتكين من هم البيت والاطفال وطلباتهن وفي وحدة تدعي الله يرزقها طفل والدراسة اللي حاسس إنّها هالكتك ب الامتحانات واحد ثاني كان يحلم يكمّل دراسته والدنيا دوّارة والاختبارات هواي والنعم اكثر والله أكبر
اتعلّم إنّك ترضى اتعلّم إنك تشوف الحلو ب كلشي ربنا يدزلكياه ولو ما كدرت راح تكتشف إنّو هذا حلو وخير بالأخير
رحمة ربنا أوسع من كل شي الحمد لله دائماً وابداً

#الكاتب_مستر_عبودي❤️