في المواقف الصعبة نكتشف حقيقة من حولنا

نهائياً لتضم بكلبك حجي مأذيك ولتنسى مواقف بقيت تنتظر بيها خطوه ومالكيت اللي انتظرته لتكتم بداخلك سالفه قاهرتك والله شنوو حتى لتنفهم غلط او حتى متحرج المقابل او حتى لتنزل نفسك الهم انفهم غلط واحرج المقابل وفشله لما متلكه مجازاة لكل شي زين سويته لتبقى خانك روحك حتى تحافظ على العلاقه الي بينكم همه يسوون الي يحلالهم وانت ساكت ومخنوك تجامل وتوجب حتى تبقون سوه العلاقه الي مابيها ذوق بلاها والمابيها تقدير واحترام انت مو بحاجتها
والي تاخذ منك اكثر من ما تنطيك تنازل عنها لتدوسون على نفسكم لخاطر أياً كان فضفضوا وانفعلوا واحجووا حتى يبقى الود وحتى كل واحد يعرف مكانه وين انتو مو رخاص حتى تجلبون بناس متريدكم ولا منبوذين حتى تظلون تواصلوهم وهم ممعترفين بيكم ثمنوا علاقاتكم وحددوا طبيعتها وعيشوا براحه العلاقه اللي تأذيك اكثر من ما تريحك تنازل عنها واشتري راحة بالك ، لأن اليحبك يحب راحتك

‏يارب اكون من الناس اللي غيروا حياة احد اللي عطوا شعور بالفرح ولو بسيط اللي مرّوا ولا ضرّوا اللهم ارزقني الذكر الطيب في الحياة وبعد الممات

‏من تشوف لمة أهلك والضحك والسوالف تحس إنك موندمان على كل الخسارات لطالما كانت أعظم مكاسبك عائلة حنونه وأيام مطمئنة تعيشها وياهم.❤️

مطر خير يارب حسب ما يقال بالمطر تفتح السماء لأستجابة الدعاء وتحقيق الامنيات

‏اللهُم لا ترهقني بالتفكير وأنت ولي التدبير

اني احب الي يحب امي واكره الي يكرة امي واسأل على الي يسأل على أمي ومستحيل انسى الي يسوي خير ل أمي و اكيد مننسى الي يقهر امي بكلمة أو تصرف الي يعرف قيمة أمي وينطيها قدرها نحطه تاج على راسنا لآخر يوم بعمرنا والي يقهرنا بمرور الوكت ننساه بس الي يقهر أمي لحد منموت مننسى لان ماكو احد بمقام اعلى من مقام امي بقلبنا ياست الكل أمي إنسانة عظيمة ❤️

‏لو تحب احد من صدك لا تسمع كلام الناس عنه صدق إحساسك اللي انت بيه، الناس مايعرفون هو شاف شنو ولا الظروف اللي هو مر بيها خلك وراه و خلي عندك أمل و راح يجي اليوم اللي يتغير بيه علمودك شوفوا الناس اللي تحبونهم بقلوبكم مو بكلام الناس

إذا كان لديك عينان فلماذا ترى الناس بأذنيك
‏عامل الناس بما ترى منهم ‏و ليس بما تسمع عنهم ؟؟؟

شوكت اوصل للحالة المادية الي تخليني اكول بيها اذا الشغلة بيها فلوس مو مشكلة نحلها
لعبت نفسي واني اكول اذا الشغلة بيها فلوس اني مالي علاقة