من الأمور المرعبة بالحياة الواحد ميعرف نوايا الناس اليتعامل وياها يومية 💜

مع كل احترامي لمشاعر الناس واحساسهم وتعاطفهم مع كل احترامي لاندفاعهم وتاثرهم ويه العالم بس مو من حقك تسمع اي قصه صارت بين عدة اطراف وتاخذ الكلام من طرف واحد وتنطي رأيك واحتمال رأيك يكون باطل واكيد من تنطي رأيك انته هم راح تاخذ موقف ع اساس الي سولفلك سولفلك بمصداقيه تامه مو من حق احد يسمع كلام عن احد ويصدكه ويمشي ع اساسه رب العالمين انطانه عقل علمود الواحد يميز ويفكر .مو علمود يمشي بالدنيا ويه القطيع بالمختصر وياكم وياكم عليكم عليكم معدوم الشخصيه من الاساس الا اذا انت ممصدك تعيش اللحظه هذا موضوع ثاني

#الكاتب_مستر_عبودي❤️

أسوء فترة مريت بيها بحياتي الفترة الي مجنت اعرف أرفض اي شي راح يضرني مجنت اعرف اكول لأ بشكل أصح اعرف إن الطلب بي إستغلال وأكول عادي مو مشكلة أشيل فوق طاقتي واكول عادي مو مشكلة وأكمل وعادي أكمل بعلاقة تضرني وعادي اكعد بأماكن ممرتاح بيها وأصبر كمت افضل أجي على نفسي في سبيل الناس ومو مهم تعبي ومو مهم راحتي وللأسف الفترة هاي ندمان على كل ثانية بيها وحقيقة اكثر فترة سببتلي ضغط نفسي وعصبي وماشفت طعم الراحة بيها بس بالنهايه تجاوزتها والحمد لله وصلت لمرحلة كله يهون كدام صحتي وراحتي

#الكاتب_مستر_عبودي❤️

عز الاهل يبين من وجهك وتفكيرك مايبين بالحجي والسوالف

الديون مو كلها مادية اكو ديون معنوية مثل واحد وكفلك بيوم شدتك كلمة طيبة سندتك ابتسامة حلوة صبرتك دعوة حلوه بشرتك واذا وكفت على رجلك دير بالك تنساهم لان الي مثلهم مموجودين بحياتنا هواي

اكو ناس بحياتنا مسوين قصص لنفسهم ومصدكينها و مؤمنين بيها ولو تعيش عمرك كله تفهمه اني مو هيج يضل مصمم لا انت هيج اكتشفت ان اكو ناس يخلقون الزعل لنفسهم ويكلبون الناس عليك ومطلعين بيك كل العبر و بعدين و بعدين و بعدين قصص لا نهايه اكو ناس حرفياً عايشين بالخيال ويه نفسهم المشكلة انت فعلياً تكون منشغل بنفسك و همه منشغلين بيك عايفهم ع راحتهم حتى يعيشون باوهامهم بحيث اكو ناس تخطط و تتعب حتى تسوي اي شي يزعج ويغث المقابل و انت اصلاً ممعبرهم ومشايفهم
اكشتفت ان اكو ناس ميعرفون ينهون هالشي لانه مرض و ناس متعرف تسد باب المغثه من حياتها يضلون عايشين و متوهمين انهم سدوا بس كل يوم يفتحوه الف مره عندي مبدأ مو اي احد مسموح اله ياخذ من طاقتي و وقتي مو اي احد يستحق مني اي رد فعل !الي قرر يبقى بره يضل بره احنه مو ع مزاج البشر ولا عايشين علمود نكون مجرد رد فعل لتصرفاتهم العشوائية صدكني بس تتفرج على الصوره من بعيد راح تتعلم هواي اشياء اولها انه اكو بشر حرفياً عايشين على مشاكلهم

#الكاتب_مستر_عبودي❤️
⁣

تنقبل بالكلية واداوم مرحلة اولى ماتحس اله صرت مرحلة رابعة ومتخرج والعمر يركض ركض وماتحس بي لو يصادفك واحد عمره 80 سنة ممكن يحجيلك كل حياته بنص ساعة الدنيا بأرضها بأشجارها وطيورها عبارة عن لمحة بسيطة تمر وتخلص بما فيها ماكو مواقف بيها دايمة ولاشغلات مستمرة كل شغلة فيها مؤقتة فرح حزن راح يمر ويعدي غنى ، فقر ، نجاح ، فشل عيش حياتك مثل الوردة من تفتح الصبح ولا اضل تاكل بكلبك وادمر نفسيتك ماتستاهل تعيش حياتك بخيبة امل وخذلان لان ماتحس اله دخلت 50 سنة رب العالمين وياك بكل موقف مشكلة وكل خطوه تخطيها بحياتك ويسقي الله نبتة صغيرة بين صخرتين مستحيل تنسد الطرق بوجهك واكو رب كبير رحيم ثق بربك يفتح لك ابواب لن تتوقعها

#الكاتب_مستر_عبودي❤️

اخواني واصدقائي الطيبين اني من اكتب منشور هيج وقت اكول هسه اني بفراشي ومرتاح البال اشكر الله لان غيري حاليا بالجيش ولازم واجب يتمنه ينام بالفراش ومرتاح البال لو واحد بالمستشفى مكضيها ابر وادوية وانت بكامل صحتك وتكول الله شمنطيني ف احمد الله يوميه اشكر الله على صحتي وعافيتي واشكر الله على بيت يجمعني بصوت اهلي واقاربي اشكر الله أتألم لالم غيري وافرح لفرحهم إذن لا زلت انسان
اشكر الله على اصدقاء راقيه كلش وناس حلوة بالحياة والله الدنيا بعدها بخير كل الاقدار الصعبه من أجل بناء انسان قوي
كل محنه هي منحه من الله حتى نتعلم حكمه ودرس كلشي حلو بعيني لانه من أجلي
‎من أجل معرفه شي ما او اتعلم منه الحمدلله بلا سبب ولا طلب الحمدلله حمداً كاملاً على حياتي وما فيها

#الكاتب_مستر_عبودي❤️

الدنيا صغيرة واي شخص ظلمك بيها راح يجي عليه وقت يدفع ثمن ظُلمه وقسوته عليك وراح يكون الثمن غالي راح يجي وقت وتسمع بنفسك حقك رجعلك وزيادة من اي واحد جرحك بكلمة او استهان بيك لاتستعجل واصبر

‏مو دائما خيرها بغيرها مرات الحياة تنطيك فرص متتعوض ف لا تفوتها 🖤