أنا انسان اكثر شي اكرهه بحياتي هي المعايرة بكل أشكالها،لتعيرني بأي شي سويته علمودي، ولا تذكّرني بوكت جنت محتاجك بي و وكفت ويايه لا تحسسني إنه حياتي بدونك راح تدمر اقدر معروفك وارجعه الك مليون مره، بس صدكني اني لو غركان ومساعدتك إلي تنقذني مراح اخليك تساعدني لو شكّيت لدرجة صغيرة انك راح تعيرني كلنا عدنه فضل على بعض بس إنت فضلك طول العُمر تحجي بي، وأنا من كثر افضالي الك ناسيها

#الكاتب_مستر_عبودي❤️

من تنطي فائض احتمال فائض تفكير فائض حب فائض اهتمام فائض ثقة فائض شغل فائض جهد راح يتدخل التوازن الكوني حتى ينطيك درس على هيئه صدمة والم يعيد الك توازنك وتبتعد عن التعلق وعلى كل فائض ممكن تنطي لشي عبالك يستحق صير متوازن بكلشي كلشي سوي بس بتوازن مو بتعلق ولتنطي الشي اكبر من حجمه التحجيم والتوازنات تساعدك بهواي شغلات ومن ضمن هالشغلات راحة بالك

#الكاتب_مستر_عبودي❤️

عرفت ان مو دائماً الماضي اله مكان بالحاضر لو حتى بالمستقبل مرات الي صار بالماضي الافضل والاحسن يضل بالماضي والصفحة الي كلبناها الاحسن تضل مطوية و الكلام الي جان لازم ينحجي صار ماله معنى و ما راح يغير شي عرفت ان الناس عمرها مراح تبطل انتقادات بمعنى لو بلا معنى عرفت ان القلوب تتغير و النفوس تتكلب والحياة وحدة والشي الي تربحه يمكن كدامه تخسر شي والشي الي تخسره تكسب مقابيله مليون شي والناس مهما جانت أدوارهم عظيمة بحياتك همه بالنهاية مجرد اضافة ومرات الشخص الي يدخل دائرتك ويطلع منها يخليلك رسالة عظيمة ممكن تكون اهم من استمرارية العلاقة دائما اكو بكل قصة تفاصيل محد يعرف بيها ومحد راح يفهمها غير الي عاش بيها

#الكاتب_مستر_عبودي❤️

شكرا على الدعوة ...❤️

يمكن اكو كلام لو نحجي هسه ما راح بعد يغير شي بينه و يمكن حجي نسمعه هسه بس بعد ميأثر بينه يمكن نبرر بس محد يريد يسمع و يمكن كاعد نتصرف صح بس محد يريد يشوف هالشي يمكن يعتذرون من عدنه بس بعد ميهمنا و يمكن تحس بالندم بس هالشي يجي متأخر بعد ماكلبت الصفحة
مو كلشي بالحياه مهم يضل مهم ولا كلشي ننتظره راح نضل ننتظره ومو كل الحجي ينحجي ولا كلشي ممكن ينشرح كل واحد اله مشاعر و حدود و طاقة و نظامه الخاص كل واحد بالنهاية يختار طريقه يمكن مو كل الطرق تكون مناسبه النا بس ع الاقل احنه كاعد نحاول نحاول نشوف نفسنه بين هوسة هالعالم نحاول نكون راضيين على نفسنه احنه نحاول وهذا اعظم ما بالموضوع

#الكاتب_مستر_عبودي❤️

خليك انسان ( حدي ) بالتعاملات ويه الناس لان كل ماتكبر وتصير أنضج راح تكتشف إن الراحة بالمسافات وراح تشوف القريب منك صار كلش بعيد انطي فرص على كد طاقتك، بس بحالة ملكيت تقدير ارسم حدود وخلي كل واحد يعرف قيمته الحقيقية بحياتك لا تضغط على نفسك حتى تكسب ناس يريدون يخسروك خلي نفسك عزيزة وخلي مليون خط جوه نفسك عزيزة وخليك بعيد من تحس إن اللحظات صارت ثكيلة عليك وابتعد ‏من تحس إن المكان مو مكانك وميناسبك ولا يليق بيك واتذكر أنت تستحق الأفضل دائمًا والبلوك مو شرط يكون على مواقع التواصل البلوك المفروض يكون من داخلك اصنع حاجز بينك وبين أي شي يأذيك لأن صحتك وحالتك النفسية محسوبة عليك وتذكر الانسحاب من حياة بعض الأشخاص مو دائمًا معناها الإستسلام بالعكس معناها انت تحملت هواي شغلات علمود شي مايستحق حتى ينذكر

#الكاتب_مستر_عبودي❤️
⁣
⁣

مرة چنت گاعد يم رجال چبير گلي هاي الحجاية:

الأنسان مثل المعدن أكو معدنه تنك رخيص الي يخيس ويصدي من أول مطرة وأكو معدنه ذهب ويبقى ذهب لو هسة مطرت عليه الف سنة القصد من الحجي أكو بشر اذا تصادقه هو خوش أنسان ونبيل وعنده خلق طيب واذا صار بيناتكم خصام لو خلاف هم راح يبقى عنده هذا النبل والخلق الطيب بخصامه وياك

#الكاتب_مستر_عبودي❤️

اليوم قريت جملة ماراح انساها طول حياتي
‏لا يؤتمن من استطاع أن ينام و هو يعلم أنه تسبب لك في ضيق لا يؤتمن من مضي و نسي العشرة و لم يتردد للحظة لا يؤتمن حتى و إن عاد

#الكاتب_مستر_عبودي❤️

فيه نظرية تقول ان فيه حوالي 40 الف شخص يشبهونك بمعنى انهم يشبهون حياتك ويشبهون ظروفك (كأنهم أنت ولكنك لا تعرفهم ولا يعرفونك) ومن بين الـ 40 الف شخص الذين يعيشون حياة تشبهك فيه منهم أشخاص أصبحت ظروفهم وأوضاعهم افضل وتحققت أهدافهم لذلك طالما انهم استطاعوا تغيير حياتهم أنت تقدر

اكثر شي صاير احسبله حساب هو طاقتنه الي بي كل يوم محسوبة ومحدودة مو كل النقاشات راح تجيب نتيجة وتفيد ولا كل الناس تستاهل تنطيهم فرص ولا كلشي يستحق التفكير طاقتنه يادوب تكفينا فالواحد لو يفكر بهاي الطريقة راح يعرف يميز الشي الي يتحجم و يتصغر والشي الي فعلاً يستحق تسلط عليه الضوء بحياتك وتنطي من وقتك

#الكاتب_مستر_عبودي❤️

مرّت علي أيام تمنيت أنّ يقف بجانبي أي أحد حتى وإن كان من باب المجاملة وهي ذاتها الأيام التي علَّمتني كيف أقف شامخًا بمفردي

سبحان الله واحد تعيش وياه عمر ماتذكر منه كلشي و واحد يمر بحياتك صدفة يترك اثر بيك طول العمر والسبب هنا الموقف مو الوقت المواقف هيه الوحيدة الباقيه كلشي ميبقى غيرها

#الكاتب_مستر_عبودي❤️

اذا الغلطه تتعدى عديها واذا المشكلة متستاهل لتكبرها لو الي كدامك اعترف بغلطه واعتذر لتضل متزمت بزعلك هون يتهون عليك الحياة اخذ وعطا والروتين والضغوطات معايفين احد بحاله ف متسوه واحد يدوس على الثاني اكو جملة عظيمه تكول لتخلي الغلطه تمحي المحبة خلي المحبة تمحي الغلطه

#الكاتب_مستر_عبودي❤️